සැම්සුන්ග් සමාගම නැමිය හැකි LED තිරයක් නිපදවයි - ලබන වසරේ සිට වෙළඳපොලට එවීමට සියල්ල සූදානම්!


සැම්සුන්ග් සමාගම නැමිය හැකි (flexible) OLED වර්ගයේ තිරයක් නිර්මාණය කොට ඇති අතර, ලබන වසරේ සිට මෙම තිර අඩංගු කරන ලද ජංගම දුරකථන හා ටැබ්ලට් පරිගණක වෙලඳපොලට එවීමට සියල්ල සූදානම් කොට ඇති බව පවසයි.

සැම්සුන්ග් ඉලෙක්ට්‍රොනික් සමාගමේ උපසභාපති  Kwon Oh-Hyun මහතා පවසන පරිදි මෙම නම්‍ය OLED තිර සඳහා ඉලෙක්ට්‍රොනික උපාංග නිශ්පාදකයින්ගෙන් විශාල වශයෙන් ඇනවුම් ලැබෙමින් තිබේ. දැනට සැම්සුන්ග් සමාගම සමග පේටන්ට් අයිතීන් පිලිබඳව නඩු මගට බැස තිබෙන ඇපල් සමාගමද මෙම OLED තිර පිලිබඳව විමසුම් කරන බව සැම්සුන්ග් සමාගම පවසයි.


1 comments:

රමණීය ඇලස්කාව


1867දී රුසියාවේ දෙවන ඇලෙක්සැන්ඩර් සාර් රජු, එවක මුදල් වලින් ඩොලර් මිලියන 7.2කට ඇමරිකාවට විකුණා දැමූ ඇලස්කාව ඇමරිකා එක්සත් ජනපදයේ ස්වාභාවික සම්පත් (බොරතෙල්, ගෑස්, ලොව විශාලතම පිරිසිදු මිරිදිය ජල සම්පත, ඛණිජ වර්ග) වලින් අතිශයින්ම පොහොසත් වූත්, ස්වභාව සෞන්දර්‍යයෙන් අනූනවූත් භූමි ප්‍රදේශයකි. අමෙරිකාවේ අඩුම ජනගහනයක් වෙසෙන ප්‍රාන්තය වූ ඇලස්කාව වඩාත් ප්‍රසිද්ධ වී ඇත්තේ සංචාරක ව්‍යාපාරයටයි.


ලොකු කුඩා මිරිදිය විල් මිලියන 3කට අධික ප්‍රමාණයකුත්, ගංගා 3000කට අධික ප්‍රමාණයකුත්, ග්ලැසියර ලෙස හැඳින්වෙන දැවැන්ත හිම ගංගා 100,000කට අධික ප්‍රමාණයක් ඇති ඇලස්කාව ශ්‍රී ලංකාව වැනි කුඩා රටක ජීවත් වන අපට සිතාගත නොහැකි අන්දමේ අති විශාල දේශයකි. අක්කර මිලියන 365ක භූමි ප්‍රමාණයකින් යුතු ඇලස්කාවේ ජනගහනය ලක්ශ 8කට මදක් අඩු බැවින් ඉතා අඩුම ජන ඝණත්වයක් ඇති ප්‍රදේශ වලින් එකකි. 1867සිට අමෙරිකාවට අයිතිවුනද  එය නිළවශයෙන් ප්‍රාන්තයක් බවට පත්වූයේ 1957දීය.

ස්වභාව සෞදර්යයෙන් හා සම්පත්වලින් ගහන ඇලස්කාව අනාගත පරම්පරාවන් සඳහා ආරක්ශාකර ගැනීම සඳහා දූරදර්ශීව ක්‍රියාකල ඇමරිකානු රජයන් හා කලින් කලට පත්වුනු ජනාධිපතිවරුන් එහි භූමි ප්‍රමාණයෙන් අක්කර මිලියන 54ක් ජනතාවට දැකබලාගත හැකි ආරක්ශිත ජාතික වනෝද්‍යාන බවට පත් කොට ඇත. ග්ලැසියර් බේ ජාතික වනෝද්‍යානය, ඩෙනාලි ජාතික වනෝද්‍යානය, කෙනායි ෆියෝඩ ජාතික වනෝද්‍යානය, ගේට්ස් ඔෆ් ආක්ටික් ජාතික වනෝද්‍යානය, කෝබුක් නිම්න ජාතික වනෝද්‍යානය, කට්මායි ජාතික වනෝද්‍යානය, ලේක් ක්ලාක් ජාතික වනෝද්‍යානය යන වනෝද්‍යාන 7ක් ඇලස්කාව තුල සංචාරකයින් සඳහා පිහිටුවා ඇත.

මීට අමතරව තවත් අක්කර මිලියන ගණනක ප්‍රදේශ මිනිසුන්ට ඇතුලුවීම තහනම් කරන ලද අධි ආරක්ශිත වනාන්තර බවට පත් කොට ඇත. විශාල මෙන්ම ඉතා දුර්ලභ රාජාලි විශේෂයක් වන හිස සුදු රාජාලියන් 3000කට අධික ප්‍රමාණයක් නිජබිම කරගත් හයිනෙස් ප්‍රදේශය මෙවන් අධි ආරක්ශිත කලාපයකි.

ඇලස්කාව නිජබිම කරගත් වන සතුන් අතර, ගෝනුන් (moose), පිනිමුවන්, Dall sheep නම් කඳුකර බැටළුවන්, කඳුකර එළුවන් (mountain goats), දුඹුරු වළසුන්, කළු වළසුන්, වෘකයින්, musk ox නම් ගව විශේෂය දැක ගත හැකිය. මීට අමතරව පක්ශි වර්ග 430ක් වාසය කරන අතර ඇලස්කාව අවට මුහුදු තීරයේ, විශේෂයෙන්ම ප්‍රින්ස් විලියම්ස් සවුන්ඩ් ලෙස හඳුන්වන මුහුදු ප්‍රදේශයේදී තල්මසුන් දැක ගත හැකිය. මීට අමතරව මුහුදු සිංහයින්, දිය බල්ලන් (sea otter), තල්මසුන් වර්ග 16ක්, සීල් මත්සයින් හා වර්ලස් දැකගත හැකිය.


රමණීය ඇලස්කාවේ තවත් ඡායාරූප අපගේ ඡායාරූප Facebook ඇල්බමයේ ඇතුලත් කොට ඇත. රමණීය ඇලස්කාව Facebook ඡායාරූප ඇල්බමයට මෙතනින් යන්න


3 comments:

අන්තර්ජාතික අභ්‍යවකාශ මධ්‍යස්ථානය - ඡායාරූප එකතුව


අන්තර්ජාතික අභ්‍යවකාශ මධ්‍යස්ථානයේ ඡායාරූප එකතුව. අනුග්‍රහය නැෂනල් ජියෝග්‍රැෆික් ආයතනය හා නාසා ආයතනය. ඡායාරූප එකතුව ඇති Facebook ඇල්බමයට මෙතනින් යන්න

2 comments:

සමුද්‍ර ලෝකය - ඡායාරූප එකතුව


නැෂනල් ජියෝග්‍රැෆික් ආයතනයේ ඡායාරූප ශිල්පීන් ගන්නා ලද සමුද්‍ර ලෝකයේ සුන්දර, අධි-විබේධනය ඡායාරූප ඇල්බමයක් අපගේ ෆේස්බුක් අඩවියට ඇතුලත් කරන ලදී. මෙතනින් Facebook Album වෙත යන්න...

1 comments:

කිව්රියෝසිටි රොවරය අඟහරු මත කාබනික රසායන සොයාගනී - අඟහරු මත පෞරාණික ජීවය සමුවුනාදැයි සැකයක්



කිව්රියෝසිටි රෝවරයේ SAM (Sample Analysis at Mars) නම්වූ ස්වයංක්‍රීය සාම්පල විශ්ලේෂණ විද්‍යාගරය මගින් මෑතකදී ලැබුණු දත්ත විශ්ලේෂණය කල නාසා විද්‍යාඥයින් ඉමහත් උද්දාමයට පත්වී තිබෙනවා.

මෙම දත්ත මගින් අඟහරුවා මත පෞරාණික ජීවීන් ගේ යැයි සැක කල හැකි කාබනික රසායන පිලිබඳව දත්ත ලැබී ඇති බව නාසා ආයතනයෙන් ලැබෙන නිළ නොවන ආරංචි පවසනවා. ඉදිරි දින කිහිපය තුල අතිශය වැදගත් නිවේදනයක් කිරීමට නාසා ආයතනය ලක ලැහැස්ති වෙන බවත්, මේ සඳහා ලැබුණු දත්ත නැවත නැවතත් විශ්ලේශණය කරමින්, නිරවද්‍ය භාවය තහවුරු කරගැනීමේ ක්‍රියාදාමයක මේ දිනවල කිව්රියෝසිටි රෝවරය භාර විද්‍යාඥ මඩුල්ල නිරත වී සිටින බවත් ඵැවසෙනවා.

මෙම නිහැඩියාවෙන් පසු ලොව කම්පණය කල හැකි අන්දමේ හෙලිදරව්වක් සිදුවන බව නාසා විද්‍යාඥයින් සමග සමීප සබඳතා පවත්වය විද්‍යා පුවත් වාර්තාකරුවෙකු පවසා තිබෙනවා.

අඟහරු වෙතට කිව්රියෝසිටි රෝවරය ගෙනගිය SAM විද්‍යාගාරය - (C) NASA
SAM විද්‍යාගාරය රෝවරයට සවිකිරීමට පෙර ගන්නා ලද ඡායාරුපයක්

4 comments:

චීන රොකට්ටුවකින් උඩුගුවනට යවන ශ්‍රී ලාංකික චන්ද්‍රිකාව, චීනය විසින් ඉන්දියාවට එරෙහිව ඔත්තු බලන්නට යෙදවිය හැකි චන්ද්‍රිකාවක්ද?


ශ්‍රී ලංකාවට අයත්වන ප්‍රථම චන්ද්‍රිකාව හෙට, එනම් නොවැම්බර්  22වැනිදා චීනයේ ශියෑන්ග් චන්ද්‍රිකා ගුවන්ගත කිරීමේ මධ්‍යස්ථානයෙන් ගුවන් ගත කිරීමට සියලු කටයුතු සූදානම් බව, එම චන්ද්‍රිකාවේ ශ්‍රී ලාංකික පාර්ශවකාර සමාගම වන සුප්‍රීම් සැට් පෞද්ගලික සමාගම ප්‍රවෘත්ති නිවේදනයක් නිකුත් කරමින් පවසනවා. චීනයේ නිශ්පාදිත ලෝන්ග් මාර්ච් (Long March 3B) වර්ගයේ රොකට්ටුවකින් අභ්‍යවකාශගත කිරීමට නියමිත මෙම චන්ද්‍රිකාව චීනය විසින් චයිනාසැට් 12 ලෙසත්, ශ්‍රී ලංකාව විසින් සුප්‍රීම්සැට් ලෙසත් නම් කොට තිබෙනවා.

ශ්‍රී ලංකාවට චන්ද්‍රිකාවක් සපයන බව පවසමින් චීනය මේ සැරසෙන්නේ ඉන්දියාවට එරෙහිව ඔත්තු බලන චන්ද්‍රිකාවක් ශ්‍රී ලංකාව දඩමීමා කරගෙන උඩුගුවනට යැවීමට බවට මතයක් ඉන්දියාවේ පවතින බවත් ඉන්දීය ආරක්ශක හා බුද්ධි අංශ මෙම චන්ද්‍රිකාව පිලිබඳව දැඩි සෝදිසියෙන් පසුවෙන බවත් පැවසෙනවා.


චයිනාසැට් 12 / සුප්‍රීම්සැට් 1 සැබැවින්ම ඔත්තු බලන චන්ද්‍රිකාවක්ද?

දැනට ලැබී ඇති තාක්ශණික දත්ත අනුව, මෙම චන්ද්‍රිකාව කිසිසේත්ම ඔත්තුබැලීමට යොදාගත නොහැකි චන්ද්‍රිකාවක් බව පැවසිය හැකියි. මෙම චන්ද්‍රිකාවේ තාක්ශණික දත්ත අනුව මෙම ප්‍රකාශය කල හැකියි.

සුප්‍රීම්සැට් 1 / චයිනාසැට් 12 චන්ද්‍රිකාව රඳවන කක්ශය - පොලවට කිලෝමීටර් 35,786 ඉහලින් ස්ථානගත කෙරෙන Geo-stationary ලෙස හැඳින්වෙන කක්ශයකය. ජියෝ-ස්ටේෂනරි කක්ශය රඳවන චන්ද්‍රිකාවක් පෘථිවිය වටා ගමන්කරන්නේ පෘථිවිය තමන්වටා ගමන්කරන වේගයෙනි. එමනිසා පෘථිවියේ යම් ස්ථානයකට සාපේක්ශව එම චන්ද්‍රිකාව අහසේ එකම ස්ථානයක රැඳී පවතී.

ජියෝ-ස්ටේෂනරි කක්ශවල රඳවන්නේ පණිවුඩ හුවමාරු චන්ද්‍රිකාවේ. එයට හේතුව අහසේ එක තැනක රැඳී සිටින නිසා චන්ද්‍රිකාවට නොකඩවා පැය 24පුරාවටම එකම භූමිප්‍රමාණයක් ආවරණය කරමින් පෘථිවියේ චන්ද්‍රිකා මධ්‍යස්ථාන සමග නොකඩවා සම්බන්ධවී සිටිය හැකි බැවිනි. චන්ද්‍රිකා රූපවාහිනී සේවා සම්ප්‍රේශණය කරන චන්ද්‍රිකාද ජියෝ-ස්ටේෂනරි කක්ශවල රඳවන්නේ මේ හේතුව නිසාමය.

ඔත්තු බලන චන්ද්‍රිකා ජියෝස්ටේෂනරි කක්ශවල නොරඳවන්නේ ඇයි?


පොලොවට කිලෝමීටර් 35,000ක් ඉහලින් රැඳවීමට සිදුවන නිසා ඡායාරූප ගැනීම හා සතුරු රටවල පණිවුඩ හුවමාරුවලට සවන්දීම අපහසුවේ.

පොලොවේ එක් ස්ථානයක් පමණක් නොකඩවා ආවරණය කිරීම ඔත්තුබලන චන්ද්‍රිකාවක හැකියාවන් ගෙන් උපරිම ප්‍රයෝජන ගැනීමට බාධාවකි.

ඔත්තුබලන චන්ද්‍රිකා බොහෝවිට පොලෙවේ සිට කිලෝමීටර් 160 සිට කිලෝමීටර් 2000 අතර පරාසයේ කක්ශවල රඳවයි. පහල පෘථිවි කක්ශ (low earth orbit) ලෙස හඳුන්වන මෙම කක්ශවල රඳවන චන්ද්‍රිකා ඉතාවේගයෙන් පෘථිවිය වටා භමණය වේ (පැයට කිලෝමීටර් 28,000ක පමණ වේගයකින්) මේ නිසා මෙම චන්ද්‍රිකා දිනකට එක් වරකට වැඩි ප්‍රමාණයක් පෘථිවිය වටා ගමන් කරයි. මෙලෙස ගමන් කරන ඔත්තු බලන චන්ද්‍රිකා එහි කක්ශය යටින් තිබෙන සතුරු රටවල් වල භූමි ප්‍රදේශවල ඡායාරූප ගත කරන අතර එම රටවල ගුවන්විදුලි පණිවුඩ වලට සවන්දෙමින් පටිගත කරගනී. චන්ද්‍රිකාව සිය මවු රට ඉහලින් යනවිට ගබඩා කරගත ඡායාරූප හා පටිගත කරගත් රේඩියෝ පණිවුඩ මව් රටේ චන්ද්‍රිකා මධ්‍යස්ථාන වෙතට ලබාදෙයි.

ඒ අනුව චීනය ශ්‍රී ලංකාව වෙත ලබාදෙන චන්ද්‍රිකාව ඉන්දියාවේ ඔත්තුබැලීමට නිර්මාණය කරන ලද චන්ද්‍රිකාවක් ලෙස හැඳින්වීම නිවැරදි නොවන අතර, එවැනි වගකීම් රහිත ප්‍රකාශ අසල්වැසි රටක් හා ඇති සාමකාමී සහජීවන අවුල් කරන ක්‍රියාවක් ලෙස හැඳින්විය හැකිය.


චයිනාසැට් 12 / සුප්‍රීම්සැට් 1 චන්ද්‍රිකාව සම්පූර්ණයෙන්ම ශ්‍රී ලංකාවට අයත් චන්ද්‍රිකාවක්ද?

නැත!

මෙය 100% ශ්‍රී ලංකාවට අයත් චන්ද්‍රිකාවක් නොවන බව ජාත්‍යන්තර සන්නිවේදන චන්ද්‍රිකා දත්ත සපයන ආයතන පවසයි. මෙහිදී සිදුවී ඇත්තේ චීනයේ චන්ද්‍රිකා සමාගම, ශ්‍රී ලංකාවේ සුප්‍රීම්සැට් ආයතනයට කල්බදු (leasing) ක්‍රමය යටතේ මෙම චන්ද්‍රිකාවේ ට්‍රන්ස්පොන්ඩර් යම් ප්‍රමාණයක් ලබාදීමයි. ට්‍රාන්ස්පොන්ඩර් 56න් කොපමණ ප්‍රමාණයක් ශ්‍රී ලංකාවට වෙන් කොට ඇතිදැයි පැහැදිලි නැත. මෙම චන්ද්‍රිකාව සුප්‍රීම්සැට් 1 ලෙසද නම් කිරීමට අවසර ලැබී ඇත්තේ මෙම කල්බදු ගිවිසුම අනුවය.

චයිනාසැට් 12 / සුප්‍රීම්සැට් 1 චන්ද්‍රිකාවේ තවත් තොරතුරු



නිශ්පාදකයා චයිනාසැට් 12 / සුප්‍රීම්සැට් 1 චන්ද්‍රිකාව චීනයේ නිපදවන ලද්දක් නොව, තේල්ස් ඇලෙනියා (Thales Alenia) නම් ප්‍රංශ/ඉතාලි/ස්පාඥ්ඥ රටවල්වල ඒකාබද්ධ සමාගමක් විසින් චීනයේ අභ්‍යවකාශ ආයතනය වෙනුවෙන් නිර්මාණය කරන ලද්දකි.

චයිනාසැට් චන්ද්‍රිකා කිසිදු ආකාරයක අමෙරිකානු තාක්ශණයක් අඩංගු නොකොට නිර්මාණය කොට ඇත. ඇමරිකාව විසින් සිය තාක්ශණය අඩංගු කොට නිර්මාණය කොට ඇති චන්ද්‍රිකා චීන රොකට්ටු මගින් අභ්‍යවකාශ ගත කිරීම තහනම් කොට ඇති නිසා (සිය දියුණු චන්ද්‍රිකා තාක්ශණය චීනය මගින් සොරාගනී යයි යන බියෙන්) චීනය වෙනුවෙන් තේල්ස් ඇලෙනියා සමාගම නිර්මාණය කරන චන්ද්‍රිකාවලට අමෙරිකානු තාක්ශණය අඩංගු උපාංග කිසිවක් ඇතුලත් නොකොට නිපදවයි.

පණිවුඩ හුවමාරු ධාරිතාව - පණිවුඩ හුවමාරු කලහැකි අධිබල ට්‍රාන්ස්පොන්ඩර් 56කින් සමන්විතය. ට්‍රාන්ස්පොන්ඩර් යනු රේඩියෝ තරංග ලබාගත හැකි (receiving) හා සම්ප්‍රේශණය (transmitting) කල හැකි ඇන්ටෙනා හා ට්‍රාන්ස්මීටර්/රිසීවර් අඩංගු උපකරණයකි. චයිනාසැට් 12/සුප්‍රීම්සැට් 1 චන්ද්‍රිකාවට මෙවැනි ට්‍රාන්ස්පොන්ඩර් 56ක් ඇත.

ක්‍රියාත්මකවීමට බලශක්ති උත්පාදනය - සූර්ය කෝශ පැනල දෙකක් හා බැටරිවලින් සමන්විතය

ශුද්ධ බර - කිලෝ ග්‍රෑම් 5054කි

අපේක්ශිත ආයුකාලය - අවුරුදු 15කි





5 comments:

බුදුන්වහන්සේ දමනය කළ ආලවකයා පිටසක්වලයෙකුද?


දිනක් බුදුන් වහන්සේ අළුයම් වෙලේ ලොව බලන සේක් අලවූ කුමරුට අනාගාමී වීමේ පිං ඇති බව දැක ආලවක යක්ෂ විමනට වැඩි සේක. ඒවේලේ අලවු යකු යක්ෂ සමාගමයට ගොස් සිටි අතර විමන භාරව සිටි ගද්‍රභයා බුදුන් වහන්සේ පිටත් කිරීමට හැකි හැම උත්සාහයක්ම දැරීය. පසුව ආලවක යක්ෂයාද පැමිණියේය.

"මහණ නිකම යව" බුදුන්ට අණ දුන්නේය.

"මැනවැයි ඇවති" බුදු හිමි කීකරුව එළියට නික්මුණ සේක.

"මහණ මෙහි එව"

බුදුන් වහන්සේ එයටද කීකරුව යළි වැඩි සේක. මෙසේ තෙවරක් සිදු විය. සිවු වෙනි වතාවේදී

"නැත ඇවැත..........නික්ම නොයමි.....කල හැක්කක් කරන්නැ " යි වදාළ සේක.

"මහණ මම නුඹෙන් ප්‍රශ්නයක් විමසමි. එය විසඳන්නට නොහැකි වුව හොත්.... ළය පලන්නෙමි.......සිත පෙලන්නෙමි.....දෙපය ගෙන පර සක්වලට දමන්නෙමි" යි යක්ෂයා ගුගුලේය.

"ඇවැත එය කළ හැක්කෙක් දෙව් මිනිස් බඹ ලොව නැත්තේය..... එහෙත් කැමැත්තක් අසන්න." බුදුන් වහන්සේ වදාළ සේක.

මෙවිට ආලවක යක්ෂයා විසින් විසදිය නොහැකි යැයි පරම්පරාවෙන් හිමිව තිබූ ප්‍රශ්න බුදු හිමිට ඉදිරිපත් කළේය...........

ආලවක සූත්‍රයේ දැක්වෙන්නේ ආලවක යක්ශයා පරම්පරාවෙන් දැනගෙන සිටි ප්‍රශ්ණත්, ඒවාට බුදුන්වහන්සේ ලබාදුන් පිලිතුරුත්ය...


කිංසූධ විත්තං පුරිසස්ස සෙට්ඨං
කිංසූ සුචින්නෝ සුඛමාවහාතී
කිංසූ හවේ සාධු තරං රසානං
කතං ජීවිං ජීවිත මාහු සෙට්ඨං

(ඉතා වැදගත් ධනය කුමක්ද? කවර හැසිරීමක් සැපයට හේතු වේද? ඉතා මිහිරි රසය කුමක්ද? කෙසේ ජීවත් වීම ශ්‍රේෂ්ඨ ද? යනු ඒ ප්‍රශ්න හතරයි. එයට පිළිතුරු දෙන බුදුරජාණන් වහන්සේ

සද්ධී ද විත්තං පුරිසස්ස සෙට්ඨං
ධම්මෝ සුචින්නෝ සුඛමාවහාතී
සච්චං හවේ සාධුතරං රසානං
පඤ්ඤා ජීවිං ජීවිත මාහු සෙට්ඨං

ශ්‍රද්ධාව ඉතා වැදගත් ධනයයි. ධර්මය අනුව හැසිරීම සැපයට හේතු වෙයි. සත්‍යය ඉතාම මිහිරි රසයයි. පඤ්ඤාවෙන් යුතුව ජීවත්වීම ශ්‍රේෂ්ඨ ය.

ආලවකයා යනු කවරෙක් වියහැකිද?

ආලවකයා යක්ශයෙකු බව බණපොතේ සඳහන් වේ. යක්ශයා යනු කවරෙකුද?

ශ්‍රි ලංකාවේද යක්ශයින් සිටි බවත් බුදුන්වහන්සේ ඔවුන්ව ගිරි දිවයිනට පලවා හැරි බවත් සඳහන්වේ. බොහෝ විද්වතුන් විශ්වාසකරන ආකාරයට යක්ශයින් යනු මනුශ්‍ය ගෝත්‍රයකි. සමහරවිට නොදියුණු ගති පැවතුම් ඇති, අභාවයට ගිය පෞරාණික නියැන්ඩර්තාල් වරුන් වැනි මානව වර්ගයක ශේෂවු ගෝත්‍ර විය හැකිය. සමහරවිට ලංකාවේ සිටින්නට ඇත්තේ මෙවැනි නියැන්ඩර්තාල් හෝ එවැනි හෝමෝසැපියන් නොවන අර්ධමානව වර්ගයක් විය හැකිය.

බුද්ධ දේශනාවට සවන්දී, ධර්මය අවබෝධකරගෙන බුදුන් සරණයාමට තරම් මනස දියුණු නොවූ මේ අර්ධ-මානවයින්ගෙන් මනුශ්‍යයන් හට විය හැකි කරදර හිරිහැර මගහරවා ගැනීම පිනිස බුදුන්වහන්සේ මෙම අර්ධ-මානව "යක්ශයින්" පලවා හරින්නට ඇතැයි තර්කයක් ගොඩනැගීමට කැමැත්තෙමි...

එහෙත් ආලවකයා නොදියුණු අර්ධමානවයෙකු විය හැකිද?

ආලවකයා බුදුන්වහන්සේගෙන් ඇසූ ප්‍රශ්ණ දෙස බලනවිට ඔහු බුද්ධි-හීන නොදියුණු මානවයෙකු විය නොහැකි බව පැහැදිලිය. ඔහු බුදුන්වහන්සේගෙන් අසා ඇත්තේ සරල පැනයන් නොව ඉතා ගැඹුරු විග්‍රයක් කලහැකි, තර්ක විතර්ක ගොඩ නැගිය හැකි පැන සතරකි. බණපොතේ දැක්වෙන ආකාරයට අලවක මෙම ප්‍රශ්ණ දැනගෙන ඇත්තේ සිය පරම්පරාවෙනි. ඔහුගේ ගෝත්‍රයේ කිසිවෙකුට තර්කානුකූලව පැහැදිලිකල නොහැකිවූ, පරම්පරාවෙන් පරම්පරාවට ඉදිරියට ගෙනා මෙම පැන ගෞතම බුදුන්ට අභියෝගයක් සමග යොමුකලේ එබැවිනි...

එනම් ආලවක මෙන්ම ආලවකගේ පරම්පරාවම ඉහල බුද්ධි මට්ටමකින් යුතු, විවිධ තර්කවිතර්කයේ යෙදෙන, දැනුම පිපාසයෙන් පෙළුනු අයවලුන් විය නොහැකිද? මෙවැනි ගතිලක්ශණ බුද්ධියෙන් දියුණු හෝමෝසැපියන් මානවයන්ට අමතරව තිබිය හැක්කේ කාටද? ආලවක මනුශ්‍යයෙකු විය නොහැකිය. ඔහු මනුශ්‍යගෝත්‍රයේ නොවන බව බණපොත්වල පැහැදිලිව දක්වා තිබේ.

එසේනම් ආලවක යනු හෝමෝසැපියන්වරුන් තරමටම හෝ ඊටත් වඩා බුද්ධියකින් යුතු ජීවියෙකු විය යුතුය. ඒ අනුව ඔහු පිටසක්වලයෙකු විය නොහැකිද?


බටහිර විද්‍යාඥයින් පිටසක්වල ජීවීන් ප්‍රධාන වර්ග දෙකකට ගොනුකල හැකි බවට අනුමාන කරයි. මේ වර්ග දෙක;

1. Benevolent extraterrestrial [කරුණාවන්ත පිටසක්වයින්]
2. Malevolent extraterrestrials [අනර්ථකාමී පිටසක්වලයින්]

අනර්ථකාමී පිටසක්වලයින් මනුශ්‍ය වර්ගයා පිලිබඳව තැකීමක් නොකරන, එසේත් නැතිනම් විනාශමුඛයට පැමිණවිය හැකි දරුණු ජීවීන්වේ. ඔවුන් මෙලොවට පැමිණියහොත් ඔවුන්ගේ දියුණු තාක්ශණය මිනිස්වර්ගයාගේ විනාශයට යෙදෙවුනු ඇතැයි සිතිය හැකිය. 

ආලවකයාට "යක්ශ" යන යෙදුම භාවිතා කෙරුනේ  ඔහු Malevolent වර්ගයේ දරුණු පිටසක්වලයෙකු වීම නිසා වන්නට පුලුවන.  මිනිස් ජීවිත තුට්ටුවකට මායිම් නොකල ඔහු සමහරවිට විනෝදාංශයක් ලෙස මිනිස්ජීවිත බිලිගන්නටද ඇත. ප්‍රිඩේටර් චිත්‍රපටයේ පිටසක්වලයාද විනෝදාංශයක් ලෙස මිනිසුන් දඩයමේ යෙදෙන අනර්ථකාමී පිටසක්වලයෙකි. අලවකයාද සිය සමාගමයද සමග පෘථිවියට පැමිණෙන්නට ඇත්තේ මිනිස් දඩයමේ යෙදෙන්නට වන්නට පුලුවන. බුදුන්දවස මිනිසුන් "ආලවක" යන නම ඇසූ පමණින් බියවන්නේ එබැවින් විය යුතුය. එවැනි දරුණු ජීවියෙකු දමණය කරන්නට තාක්ශණයක් හෝ අවි ආයුධ එකල නොතුබූ නිසා ආලවකයා ඇතුලු පිරිස සිතැඟි පරිදි සිය දරුණු ක්‍රියා කරමින් වසන්නට ඇත.

ආලවකයා අහසින් පැමිණි අමනුශ්‍යයෙක් (celestial ogre) ලෙස ආලවක සූත්‍රයේ ඉංග්‍රීසි පරිවර්තන හඳුන්වන්නේ ඇයි?

ආලවක දමනය පිලිබඳ තොරතුරු සෙවීම සඳහා ගූගල් සෙවුම් යන්ත්‍රයේ "alavaka" යන්න සඳහන් කොට සෙවීම් සිදුකිරීමේදී හමුවූ සමහර ඉන්ග්‍රීසි ලිපිවල ආලවක "සෙලෙස්ටියල් ඕර්ග" ලෙස හඳුන්වා තිබෙන දක්නට ලැබුනි. සෙලෙස්ටියල් යනු ආකාශයෙන් පැමිනි හෝ ආකාශයේ/අභ්‍යවකාශයේ හටගත් යන තේරුම දෙයි. ඔර්ග යනු දරුණු අමනුශ්‍යයා යන තේරුම දෙයි. ඒ අනුව ආලවකයා අභ්‍යවකාශයෙන් පැමිණි අමනුශ්‍යයෙකු ලෙස යම් මූලික විශ්වාසයක් තිබෙන බවට අනුමාන කල හැකිය. මෙයද ආලවකයා දරුණු පිටසක්වලයෙකු ලෙස හඳුනා ගැනීමට සාක්ශියක් ලෙස ගැනීමට කැමැත්තෙමි.










19 comments:

2012 පැරිස් මෝටර් රථ ප්‍රදර්ශණයේදී එලිදැක්වුනු Peugeot Onyx සුපිරි කාරය




නිර්මාණය : පර්ජෝ-සිට්‍රියෝන් පර්යේශණ හා නිර්මාණ ඒකකය

එන්ජිම : 3.7-litre V8 hybrid HDI FAP

දැනට ධාවනය කොට ඇති උපරිම වේගය : පැ.කි 180

නිර්මාණය කොට ඇත්තේ : සැහැල්ලු එහෙත් වානේ මෙන් ශක්තිමත් කාබන් ෆයිබර් වලිනි.

ගියර පද්ධතිය : 6 speed gearbox with Le-mans power-train

වීදුරු නිමවා ඇත්තේ : ප්‍රහාරක ජෙට්යානාවල නියමු කුටියට යොදාගන්නා ඇක්‍රිලික් ප්ලෙක්සි-ග්ලාස් නම් වීදුරුවලට වඩා සැහැල්ලු එහෙත් ඉතා ශක්තිමත් ද්‍රව්‍යයකිනි.


5 comments:

McDonnell Douglas/Boeing F 15 Strike Eagle: ගුවනේ බළපරාක්‍රමය රඳවාගත හැකි, 4වැනි පරම්පරාවේ බහුකාර්ය ජෙට් ප්‍රහාරක යානාව


McDonnell Douglas F 15 Strike Eagle

මැක්ඩොනෙල් ඩග්ලස් F15 ස්ට්‍රයික් ඊගල් යානය සියලු කාළගුණ තත්වයන් යටතේ බහුකාර්ය මෙහෙයුම්වල යෙදැවිය හැකි යානයකි. සහයක යානා හෝ පරිවාර යානා නොමැතිව දිගුදුර මෙහෙයුම්වල යෙදීම සඳහා නිර්මාණය කොට ඇති මෙම යානය අධිවේගී යානා ගණයට අයත්ය.

1976 වසරේ අමෙරිකානු ගුවන් හමුදාවට හඳුන්වාදුන් මැක්ඩොනෙල් ඩග්ලස් F15 ඊගල් ප්‍රහාරක යානයේ වැඩිදියුණු කිරීමක් වන ස්ට්‍රයික් ඊගල් යානය හැම අතින්ම විශිෂ්ඨ යානයක් බව අවිවාදයෙන් පිලිගැනේ. 1989දී සක්‍රිය සේවයට එක්වුනු ස්ට්‍රයික් ඊගල් යානය වසර 2025 ඉක්මවා සක්‍රිය සේවයේ තබාගැනීමට අමෙරිකන් ගුවන් හමුදාව බලාපොරොත්තුවේ.

F-15 Strike Eagle - Cockpit (Top View)

පියාසර කරවීමට නියමුවන් දෙදෙනෙකු අවශ්‍ය  F 15 ස්ට්‍රයික් ඊගල් යානයේ නියමු කුටියේ මෙම ඡායාරූපය එම යානයට ගුවනේදීම ඉන්ධන පුරවන ටෑන්කර් යානයකින් ගන්නා ලද්දකි.
F-15 Strike Eagle - Cockpit (Inside View + Schematic)


F-15 Strike Eagle - Head Up Display (HUD)
විශාල කොට බැලීම සඳහා රූපය මත ක්ලික් කරන්න

ස්ට්‍රයික් ඊගල් යානයේ HUD තිරය සකසා ඇති අයුරු ඉහල රූපසටහනේ දැක්වේ. ප්‍රහාරක යානාවලට HUD තිරයක් ලබාදී ඇත්තේ යානයේ පියාසර කිරීමට අත්‍යාවශ්‍යම තොරතුරු නියමුවාට යානයේ උපකරණ පුවරුව දෙස නොබලාම ලබාදීමේ උපක්‍රමයක් ලෙසයි. ප්‍රහාරක මෙහෙයුම් හා ගුවන්සටන් වල යෙදී සිටියදී නියමුවාගේ අවධානය තත්පරයකට හෝ වෙනතක යොමුවීම සතුරාට වාසියක් අතකරදිය හැකි බැවින් මෙවැනි පහසුකම් 4 වැනි පරම්පරාවේ ජෙට් යානාවලට ලබාදී ඇත.

1 - Available Gs (යානයට ඔරොත්තු දිය හැකි උපරිම-ගුරුත්ව ත්වරණ බලය - G force )
2 - Current Gs (දැනට යානය බඳුන්වී ඇති ගුරුත්ව ත්වරණ බලය )
3 - Mach Ratio (යානයේ වේගය, ශබ්දයේ වේගයේ අනුපාතයක් ලෙස පෙන්වයි)
4 - True Airspeed (පොලවට සාපේක්ශව යානයේ නියම වේගය)
5 - Angle of Attack (යානයේ අත්තටු වාතය හා ගැටෙන කෝණය - මෙය වැදගත්වන්නේ මෙම කෝණය එක්තරා අගයකට වඩා ඉහල ගියවිට යානයේ අත්තටුවල ඉපිලීමේ හැකියාව - lift - නැතිවීගොස් යානය කඩාවැටීමට ඉඩ ඇති බැවිනි )
6 - Indicated Airspeed (යානයේ වේගමානය දක්වන වේගය - මෙය නියම වේගයට - True Air Speed - වඩා වෙනස් විය හැකිය. වායුගෝලයේ ඝණත්වය, උශ්ණත්වය, සුළං හමන වේගය හා දිශාව වැනි හේතු මේ වෙනසට පාදක වේ)
7 - Pitch Ladder ( යානය පොලොවට සාපේක්ශව කුමන කෝණයකින් ඉහල නගිමින් හෝ පහල බසිමින් ඇතිදැයි මෙයින් පෙන්වයි )
8 - Command Heading Marker (නියම උතුරු දිශාවට සාපේක්ශව යානය ගමන් කරමින් සිටින දිශාව )
9 - Heading Scale  (දිශා පරාසය)
10 - Gun Cross (යානයේ මැශින් තුවක්කුවට එල්ලය ලබාදෙන සළකුණ)
11 - Waterline Symbol (මෙම සංකේතය මතට HUD තිරයේ Pitch Ladder නම් සංකේතය මතට පැමිණි විට යානය නිවැරදිව පොලවට සමාන්තරව ගමන් කරනු ලබයි. Pitch Ladder මෙම සංකේතයට ඉහලින් තිබේනම් යානය ඉහල නගිමින් ඇති අතර, පහලින් නම් යානයේ නාසය පහලට යොමුවී තිබේ)
12 - Velocity Vector (ප්‍රවේග දෛශිකය)
13 - Barometric Altitude (වායුගෝලීය පීඩනයට අනුව යානය පොලොවේ සිටි පවතින උස)
14 - Radar Altitude (රේඩාර් යන්ත්‍රයට අනුව යානය පොලොවේ සිටි පවතින උස)
15 - Horizon Line (යානය වමට හෝ දකුණට ඇලවී ඇත්දැයි - roll- මෙයින් නියමුවාට දැනගත හැකිය )
16 - Steering Data Block (යානය අවශ්‍ය දිසාවට යොමුකර ගැනීමට අවශ්‍ය දත්ත පෙන්වයි)
17 - Ghost Velocity Vector (ඡායා ප්‍රවේග දෛශිකය)

F-15 Strike Eagle - Technical Details

නියමුවන් ගණන - 2 යානය පදවන නියමුවා/pilot + යුධ අවි ක්‍රියාකරු/weapon systems operator
එන්ජින් ගණන -  ආර්ෆ්ටර්-බර්නර් පද්ධති සහිත ප්‍රැට්/විට්නි ටර්බෝෆෑන් ජෙට් එන්ජින් 2කි
උපරිම වේගය - මක්2.5+ (1,650+ mph, 2,660+ km/h)
අවි ආයුධවලින් සන්නද්ධ කල විට මෙහෙයුම් සිදුකල හැකි දුර පරාසය (combat radius) කි.මීටර් 1000කි
පියාසර කලහැකි උපරිම උස පොලොවේ සිට (service ceiling) - කිලෝමීටර් 18.2කි
ඉහල නැගිය හැකි වේගය (climb rate) - මිනිත්තුවකට මීටර් 15,240පමණ
ප්‍රධාන තුවක්කුව - මිලිමීටර් 20 උණ්ඩ යොදන, බැරල් 6 සහිත "වල්කන් M61 ගැට්ලිං" වර්ගයේ මැශින් තුවක්කුව
අවිආයුධ - උපරිම ටොන් 10ක බෝම්බ හා මිසයිල රැගෙන පියාසර කල හැකිය

F15 Strike Eagle Photos (C) USAF







5 comments: