Apollo 18 - There's a reason we've never gone back to the moon

ඇපලෝ 18 චිත්‍රපටයේ පෝස්ටරය

අමෙරිකාව හඳට යැවුනු අවසාන මෙහෙයුම වන්නේ 1972 දෙසැම්බර් 17 දියත් කෙරුණු ඇපලෝ 17 මෙහෙයුමයි. එවකට දරුණුව ඇවිලෙමින් තිබූ වියට්නාම් යුද්ධයට ප්‍රකෝටි ගණනින් මුදල් විනාශ වුනු නිසාත්, මැදපෙරදිග අර්බුධ නිසා තෙල්මිල අධික ලෙස ඉහල ගොස් අමෙරිකාව දැඩි ආර්ථික අර්බුධයක ගිලී තිබුණු නිසාත් ඇපලෝ මෙහෙයුම් වලට ප්‍රතිපාදන කපා හැරීම නිසා නාසා ආයතනය ඇපලෝ සඳ ගමන් ව්‍යාපෘතිය නවතා දැම්මා.


එහෙත් ඇත්තටම සඳ ගමණ් නැවතුනේ මුදල් නොමැති කම නිසාද?


මේ හොලිවුඩ් විද්‍යා ප්‍රබන්ධ චිත්‍රපටයට අනුව ඇපලෝ 18 නමින් තවත් එක් මෙහෙයුමක් අමෙරිකන් ආරක්ශක දෙපාර්ථමේන්තුවේ අනුග්‍රහයෙන් රහසිගතව සිදුවුනා.


චිත්‍රපටයේ  කථාවස්තුවට පදනම් වන විවිධ කුමණ්ත්‍රණ ජවනිකා රාශියක් ලොව පුරා පැතිරී තිබෙනවා. මේ කුමණ්ත්‍රණ අතර ; 


ඇපලෝ 15,16 හා 17 මෙහෙයුම් වලින් සඳට ගිය ගගනගාමින් එහි තිබූ පිටසක්වලයින්ගේ යානා හා ඔවුන් විසින් නිර්මාණය කරණු ලැබූ ගොඩ නැගිලි වැනි වස්තූන් දැක තිබෙන බව පැවසෙන අතර නාසා ආයතනය මෙම සොයාගැනීම් සඟවාගෙන සිටිනා බවත් පැවසෙනවා. නාසා ආයතනය ඇපලෝ සඳ මෙහෙයුම් නවතා දැමුවේ තවත් සඳගමන් වාර පැවැත්වූවොත් මේ රහස් හෙලිවීම වලක්වාලිය නොහැකි බවට විශ්වාස කල නිසා මේ කුමණ්ත්‍රණ පිලිබඳ විශ්වාස කරන්නන් පවසනවා. ඊටත් අමතරව සඳ මත සිටින පිටසක්වලයින් ඇපලෝ ගගනගාමීන්ට තර්ජනය කල බවට විශ්වාසයකුත් තිබෙනවා.

මේ අතර 1976දී සඳේ අඳුරු ප්‍රදේශයට*අමෙරිකන් හා සෝවියට් එකාබද්ධ සඳ ගමණක්  ඇපලෝ 20 නමින් සිදුවුනු බවත් සඳෙහි අඳුරු ප්‍රදේශයේ ආවාටයක් අසල තිබී වසර බිලියන ගණනක් පැරණි අති විශාල පිටසක්වල යානයක් ඔවුන්ට හමුවූ බවත් පැවසෙනවා.
*(මේ ප්‍රදේශ සැබැවින්ම අඳුරු නැත, එහෙත් එම පෙදෙස කිසිදාක පෘථිවියට නොපෙනෙන්නේ සඳ සිය අක්ශය වටා භ්‍රමණයත් එය පෘථිවිය වටා යන්නට ගන්නා කාළයත් එක හා සමාන බැවිනි)



චිත්‍රපටයේ කථාවස්තුවට අනුව ඇපලෝ 18 සඳගාමීන් දෙදෙනා 1973 දෙසැම්බර් මත රහසිගත රොකට් ගුවන්ගත කිරීමකින් සඳ බලා පිටත්ව ගොස් ඇති අතර එහි ගොඩ බැස කෙටි කාළයකින් සඳමත ඒ වනවිටත් සිටි පිටසක්වලයින් විසින් සොයා ගත් බවත් පිටසක්වලයින් විසින් ඔවුන් දෙදෙනා මරා දැමූ බවත් පැවසෙනවා. 

ඇපලෝ 18 චිත්‍රපටයේ තවත් පූර්ව-ප්‍රචාරක පෝස්ටරයක්