NORTH KOREA CRISIS : එක්සත් ජනපද ගුවන් හමුදාව ජපානයේදී "Elephant Walk" අභ්‍යාසයක් පවත්වයි

ඇමරිකානු F-15 Eagle ප්‍රහාරක යානා "එලිෆන්ට් වෝක්" අභ්‍යාසය සඳහා ජපානයේ කැඩේනා කඳවුරේ ධාවන පථයේ පෙලගස්වා ඇති ආකාරය (අප්‍රේල් 15).

උතුරු කොරියාව හා ඇමරිකාව අතර පැන නැගී ඇති ආරෝව තවත් දැඩිවී තිබෙනවා. ඇමරිකානු උප ජනාධිපති මයික් පෙන්ස් චාරිකාවක් සඳහා දකුණු කොරියාවට ගමන් කරමින් සිටියදී උතුරු කොරියානු ආඥාදායක කිම් ජන්ග් අන් තවත් මිසයිල අත්හදා බැලීමක් සඳහා අණදුන්නා. එය ඇමරිකානු ජනාධිපති ට්‍රම්ප්ට කල අභියෝගයක් ලෙස විචාරකයින් විග්‍රහ කරනවා. කෙසේ වෙතත් මෙම මිසයිල අත්හදා බැලීම වැරදීගියේ මිසයිලය ගුවන්ගතවී තත්පර කිහිපයකින් පුපුරා යාමෙන්.

Related: උතුරු කොරියානු මිසයිලය පුපුරාගියේ CIA සයිබර් ප්‍රහාරයකින්ද?

කොරියානු සංචාරයේදී උතුර හා දකුණ වෙන්කරන යුධ මුක්ත කලාපයට ගිය මයික් පෙන්ස් උතුරු කොරියාවට අණතුරු අඟවා සිටියේ ඩොනල්ඩ් ට්‍රම්ප් ජනාධිපතිවරයාගේ අධිෂ්ඨානය මෙන්ම අමෙරිකානු යුධ ශක්තියද උරගා බලන්නට උත්සහ නොකරණ ලෙසයි.

එමන්ම මෙතෙක් කල උතුරු කොරියාව අරභයා ඇමරිකානු ප්‍රතිපත්තිය වූ "උපායමාර්ගික ඉවසීම - Strategic Patience" අවසන් බව මයික් පෙන්ස් නිළවශයෙන් ප්‍රකාශකොට සිටියා.

මොකක්ද මේ "Elephant Walk" අභ්‍යාසය?

2012 වසරේ ඇතිවූ උතුරු කොරියානු අර්බුධයේදී අමෙරිකානු ගුවන්හමුදාව හා දකුණු කොරියා ගුවන් හමුදාව, දකුණු කොරියාවේ කුන්සාන් ගුවන් කඳවුරේදී පැවැත්වූ "එලිෆන්ට් වෝක්" අභ්‍යාසයේ F-16 ප්‍රහාරක යානා පෙලගස්වා තිබූ අයුරු.

Elephant Walk ගුවන් ප්‍රහාර සඳහා සන්නද්ධකොට, ඉන්ධන පුරවාගත් ප්‍රහාරක යානා, බෝම්බ හෙලන යානා හා ටෑන්කර් යානා සමූහයක් එක පෙලට ගුවන්පථයේ පෙල ගස්වා දැවැන්ත සමූහ ගුවන් ප්‍රහාරයක් දියත් කිරීම සඳහා සිදුකරන පෙරහුරුවයි.

මෙහිදී ගුවන්යානා එකිනෙකාට සමාන්තරව මෙන්ම එකාපස්සේ එකා මෙන් පෙලගස්වනවා. ප්‍රහාරය දියත් කිරීමට අණ ලැබුණු වහාම අඩුම කාළයකදී සියලූම ගුවන්යානා ගුවන්ගත කරගැනීම මෙලෙස යානා ඉතා ලඟින් පෙළගැස්වීමේ අරමුණයි. 

ඉන්ධන හා ආයුධ පුරවාගත් යානා එකිනෙකාට ඉතා සමීපයෙන් ගුවන්ගත වීමේදී සම්බන්ධීකරණය හා සන්නිවේදනය ඉතා වැදගත් වන අතර සිදුවිය අණතුරු වලක්වා ඉතා කඩිනමින් සියලු යානා ගුවනට ගැනීමට  මේ එලිෆන්ට් වෝක් අභ්‍යාසය උපකාරී වනවා.

C-130 Hercules ප්‍රවාහන යානා එලිෆන්ට් වෝක් අභ්‍යාසයකට පෙලගස්වා ඇති අයුරු

මෙම ක්‍රියාදාමයට Elephant Walk යෙදුම පටබැඳී ඇත්තේ දෙවැනි ලෝක යුධ සමයේදීයි. එකල ජර්මනිය හා ජපානය වෙත පහරදීමට දැවැන්ත බෝම්බ හෙලන යානා සිය ගණනක් ධාවනපථයන්හි ගුවන්ගත වීමට සූදානම්ව තිබියදී ඒවා එකා පස්සේ එකා යන විශාල ඇත් පෙරහැරක් මෙන් දිස්වීම නිසා බව පැවසෙනවා.

Related : උතුරු කොරියානු හමුදා ශක්තිය

__________________________________________________________________________

VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________