1) Mast Cam (Mast Camera)
මාස්ට් කැම් යනුවෙන් හැඳින්වෙන්නේ කිව්රියෝසිටි රෝවරයේ මාස්ට් හෙවත් කුළුණේ සවිකොට ඇති කැමරා ද්විත්වයකින් යුතු වර්ණ ඩිජිටල් කැමරා පද්ධතියකි. පික්සල් 1200x1200 විබේධනයක් හෙවත් රෙසොලූශන් (1200x1200 resolution) එකකින් වර්ණ ඡායාරූප ගත හැකි මේ කැමරා අඟහරුගේ දුශ්කර කාළගුණය යටතේ ඉතා හොඳ තත්වයේ ඡායාරූප ගැනීම සඳහා විශේෂයෙන්ම නිමවා ඇත. නිසල ඡායාරූප වලට අමතරව 720p ගනයේ හයිඩෙෆිනිශන් වීඩියෝ (high definition video) ගතකිරීම් වලටද මේ කැමරාවලට පුලුවන. (හයිඩෙෆිනිශන් වීඩියෝ ගැන වැඩි විස්තර දැනගැනීමට එච්.ඩී ටෙලිවිශන් ගැන පලවී ඇති ලිපිය කියවන්න)
මේ කැමරා දෙකින් එකක් කැමරාවක් medium angle කැමරාවක් වන අතර අනෙක narrow angle කැමරාවක් වෙයි. කැමරා දෙකේම ගිගාබයිට් 8ක ෆ්ලෑශ් මෙමරි වර්ගයේ මෙමරි චිපයක් අඩංගු කොට ඇති අතර ඒවාට 1200x1200 විබේධනයේ ඡායාරූප 5500ක් වරකට ගබඩා කරගෙන සිටිය හැකිය.
2) Chem Cam (Chemistry & Camera)
අඟහරු විද්යාගාරයේ නිර්මාණ විද්යාඥයින් කෙම්-කැම් හෙවත් කෙමිස්ට්රි ඇන්ඩ් කැමරා ලෙස නම් කොට ඇති විද්යා උපකරණ පැකේජය ප්රධාන විද්යා උපකරණ දෙකකින් සමන්විත වන අතර මේ දෙකම "රිමෝට් සෙන්සිං - remote sensing" හෙවත් දුර සිට මිනුම් ගැනීමේ ක්රමයට පරීක්ශණ කටයුතු කිරීමට නිර්මාණය කල ඒවා වනවා.
මින් පලමුවැන්න Laser-Induced Breakdown Spectrometer (LIBS) හෙවත් ලේසර් කිරණ ආධාරයෙන් ද්රවය බිඳදමා මිනුම් කරන වර්ණාවලීමානයකි. මෙහිදී සිදුවන්නේ කෙම්-කැම් උපකරණ පැකේජයේ ඇති මෙගාවොට් 10ක් බලැති ලේසර් කිරණයක් නැනෝ තත්පර 5ක කාලයකට අඟහරු මත ඇති පාශාණයක් මතට විදීමයි. ලේසර් කිරණය වැදීම නිසා පාශාණයේ ඉතා කුඩා කොටසක් අධික ලෙස රත්වී වාශ්ප වන අතර එම වාශ්පය අධිසංවේදී කැමරාවක් මගින් ඡායාරූපගතකොට ඉන් වාශ්පයේ වර්ණාවලිය හඳුනාගැනෙනවා. රෝවරයේ සිට මීටර් 7ක් දක්වා ඈතින් තිබෙන පාශාණයක වර්ණාවලිය ලබාගැනීමේ හැකියාව කෙම්-කැම් උපකරණයට තිබෙනවා.
Remote Micro-Imager (RMI) ලෙස හැඳින්වෙන කෙම්-කැම් උපකරණ පැකේජයේ දෙවැනි උපකරණයද ඈත සිට පාෂාණවල සංයුතිය නිර්ණයකල හැකි උපකරණයකි.
3) Radiation Assessment Detector (RAD)
මෙය අඟහරු පෘශ්ඨය මත විකිරණශීලීභාවය පිලිබඳ දත්ත රැස්කරණ උපකරණයකි. අනාගතයේ මිනිස් ගවේශකයින් අණතුරුදායක විකිරණවලින් ආරක්ශාකරගැනීම සඳහා මේ මිනුම් වැදගත් වනු ඇත.
4) Dynamic Albedo of Neutrons (DAN)
රුසියාවේ අභ්යවකාශ පර්යේශණ ආයතනය මගින් සපයන ලද මේ උපකරණය නියුට්රෝන වර්ණාවලීමානයකි. මෙහි කාර්යභාරය අඟහරු මතුපිට මීටරයක් දක්වා ගැඹුරු පස්තට්ටුවේ ඇති හයිඩ්රජන් ප්රමාණය මැන බැලීමයි.
5) Sample Analysis at Mars (S.A.M) / Chemistry and Mineralogy Experiment (ChemMin)
S.A.M
Quadrupole Mass Spectrometer (QMS), Gas Chromatograph (GC), Tunable Laser Spectrometer (TLS) යන උපකරණ තුනෙන් සමන්විත S.A.M පර්යේශණ කට්ටලය පහත දත්ත ලබාගැනීම සඳහා උපකාරි කරගනු ලැබේ.
1/ අඟහරු මතුපිට හා වායුගෝලයේ ඇති මිතේන් හා අනෙකුත් කාබනික ද්රව්ය හඳුනාගැනීම.
2/ පෘථිවිය මත ජීවය ඇතිවීමට උපකාරීවුනු විවිධ මූලද්රව්ය අඟහරු මත ඇතිදැයි සොයා බැලීම හා ඒවා ඇත්නම් තිබෙන ප්රමාණය හා ඒවායේ රසායන අවස්ථා (chemical state) පිලිබඳ තොරතුරු රැස්කිරීම
3/ හයිඩ්රජන් ප්රෙරොක්සයිඩ වැන ඔක්සයිඩ වල සුලභත්වය හා එම ඔක්සයිඩ වල රසායන සංයුතිය අනුව අඟහරු මත ජීවය පවත්වාගැනීමෙ හැකියාව පිලිබඳව සොයා බැලීම.
ChemMin
වටිනා ලිපියක්....
ReplyDeleteගොඩබස්සවන ආකාරය සිත්ගන්නා සුලුයි. බැලු බැල්මට බොහොර සරව ව ගොඩ බෑම කරනවා කියලා හිතෙන්නෙ.....
ReplyDeleteපාත් ෆයින්ඩර් වැනි අනිත් යානා තවමත් අඟහරු මත තියෙනවද? ඒයාලා මෙයාට හමුවෙන්න බලාපොරොත්තුවක් තියෙනවද කියලා දැන ගන්න පුලුවන්ද?
ReplyDeleteඔවු.......
ReplyDeleteනාසා ආයතනය යැවූ වයිකිං 1, වයිකිං 2, පාත්ෆයින්ඩර්, ස්පිරිට්, ඔපර්ටුනිටි, මාර්ස් පෝලාර් ලෑන්ඩර් (අසාර්ථක විය ), ෆීනික්ස් ලෑන්ඩර්
මෙම යානා එකිනෙක හමුවෙන්නට පුලුවන්කමක් නෑ, ඒවා තියෙන්නේ එකිනෙකට සැතපුම් දහස්ගණනක් ඈතින්....