TV SERIES : Spy Thriller වලට කැමති අයට අලුත්ම ටී.වී සීරීස් තුනක්

ස්පයි ත්‍රිලර් වලට කැමති අයට අලුත්ම ටී.වී සීරීස් තුනක් ඇවිල්ලා තියෙනවා. 

1. Killing Eve - MI5 vs. Russian Professional Assassin (Mini Series : BBC America)

කාලෙකින් බලපු අමුතුම තාලේ කතාවක්. මේ කතාවේ තේමාව වෙන්නේ රුසියානු සම්භවයක් ඇති ප්‍රොෆෙෂනල් ඇසසින් කෙනෙක් වන විලනෙල් (රුසියානු නම ඔස්කානා ඇස්ටන්කෝවා) හා ඇයව සොයන්නට උත්සහ කරන බ්‍රිතාන්‍යයේ එම්.අයි. 5 ඔත්තුසේවයේ චීන සම්භවයක් ඇති ඊව් පොලාස්ට්‍රි නම් ඔත්තුසේවා නිළධාරිණිය අතර සිදුවීම් මාලාවක්. (Warning : This has a serious lesbian theme. But, don't waste your time if you are looking for sex - NO SEX SCENES)

2. The Condor - CIA under cover operations team hit by an inside job (AT&T / MGM / Paramount / SkyDance )

ජෝ ටර්නර් සී.අයි.ඒ ඒජන්සියේ විශේෂ පරිගණක හැකර් ඒකකයක සේවය කරන අති දක්ෂ පරිගණක විද්‍යාඥයෙක්. ඔහු ලියන ලද පරිගණක ඇල්ගොරිතමයක් හරහා විශාල පිරිසක් මරාදැමීමට උත්සහ කරන සෞදි අරාබි සම්භවයක් ඇති ත්‍රස්තවාදියෙක් ප්‍රහාරයට පෙර සොයාගන්නවා. ඒ අතරම එම ජීව විද්‍යාත්මක අවි ප්‍රහාරයට පෙර, එම ජීව විද්‍යා අවියෙන් රෝගීවන අයට ප්‍රතිකාර කල හැකි ඖෂධ නිපදවන සමාගම් වල කොටස් විශාල වශයෙන් මිලදී ගැනීමක් ගැන ජෝ ටර්නර්ගේ සී.අයි.ඒ හැකර් කණ්ඩායම සොයාගන්නවා. 

එම සොයාගැනීමෙන් පසු දිනම ජෝ ටර්නර්ගේ හැකර් කණ්ඩායම සේවයකල ස්ථානයට ප්‍රහාරයක් එල්ලවන අතර සිගරට්ටුවක් බීමට එලියට ගොස් සිටි ටර්නර් හැරෙන්නට අන් සියලු දෙනාම මරා දැමෙනවා.

3. Deep State - MI6 covert operations in the Middle East gone wrong (Fox Network)

මැක්ස් ඊස්ටන් එම්.අයි 6 ඔත්තු සේවයේ කලු මෙහෙයුම් විශේෂඥයෙක් ලෙස සේවය කොට ඉන් ඉවත්ව ප්‍රංශයේ ගම්බද පලාතක පදිංචිවී ප්‍රංශ කාන්තාවක් සමග විවාහ වෙනවී නිහඬ ජීවිතයක් ගතකරනවා. එම විවාහයෙන් ඔහුට කුඩා දියණියන් දෙදෙනෙකු සිටිනවා. 

ඔහුගේ කලු මෙහෙයුම් අංශ ප්‍රධානී ජෝර්ජ් වයිට් ඔහුව නැවත සක්‍රිය මෙහෙයුමකට පොළඹවා ගන්නේ ව්‍යංගයෙන් ඔහුගේ දරු පවුලට හානියක් සිදු කරන බවට තර්ජනය කරමින්.

මෙහෙයුම සඳහා ලන්ඩනයට පැමිණෙන ඔහුට, එම්.අයි 6 ඔත්තු සේවයට බැඳී මැදපෙරදිග කලු මෙහෙයුමක් සඳහා ගිය සිය පලමු විවාහයේ පුත්‍රයා වූ හැරී ක්ලාර්ක් ඊස්ටර්න් මරා දමා ඇති බව දැන ගන්නට ලැබෙනවා. ඔහුගේ මිනීමරුවන් සොයා විනාශ කරන ලෙස ජෝර්ජ් වයිට් ඔහුට අණ කරනවා.

__________________________________________________________________________

VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________