කෘත්‍රිම බුද්ධි හා රොබෝ තාක්ෂණයේ වේගවත් වර්ධනය නිසා නුදුරු අනාගතයේදී මිනිස් සේවකයින්ට රැකියාව විශාල ලෙස අහිමිවී යනු ඇතැයි බොහෝ වාර්තා පලවෙනවා. මිනිසෙකු වෙනුවට, ඒ හා සමාන හැකියාවන් ඇති රොබෝවන් හෝ කෘත්‍රිම බුද්ධි මෘදුකාංග සේවයේ යෙදවීම ඉතාමත් වාසිදායක වනවා. වේතන ගෙවීමට සිදු නොවීම, විඩාවට පත් නොවීම, වැරදීම් සිදු නොකිරීම, මානසික ගැටලු වලින් අකාර්යක්ෂම බවට පත් නොවීම ආදිය නිසා රොබෝ හා කෘත්‍රිම බුද්ධි සේවකයින්, මිනිස් සේවක සේවිකාවන්ට වඩා අතිශයෙන්ම වාසි සහගත වුනු ඇති.
කෙසේවෙතත් ලෝකයේ විශාලතම ශ්‍රම සැපයුම් (මෑන් පවර්) සමාගමක් වන ManpowerGroup මගින් ලෝකයේ රටවල් 44ක, සමාගම 19,000 සහභාගීකරගෙන සිදුකරන ලද සමීක්ෂණයකදී හෙලිවී ඇති තොරතුරු වලට අනුව වැඩියෙන්ම කෘත්‍රිම බුද්ධි හා රොබෝ තාක්ෂණයන් සඳහා ආයෝජනය කරන සමාගම් සිය මිනිස් බඳවා ගැනීම්ද ඒ හා සමගම වැඩි කිරීමට සූදානම් වෙනවා.
මෙයට හේතු ලෙස සැලකෙන්නේ වඩාත් වාසි දායක ලෙස රොබෝ හා කෘත්‍රිම බුද්ධි තාක්ෂණයන් ප්‍රතිපල ලබාගැනීමට එම රොබෝවන් හා සමග එක්ව වැඩ කිරීමට මිනිස් සේවකයින් යෙදවීම සිදුකල යුතු බ්වට ඇති පිලිගැනීමයි.
කොතරම් දියුණු වුවත් නූතන රොබෝ තාක්ෂණයේ සීමා තිබෙනවා. එහෙයින් රොබෝවන්ට හොඳින්ම කලහැකි කටයුතු ඔවුන්ට පවරා ඔවුන්ට කල නොහැකි කටයුතු සඳහා මිනිසුන් යොදවමින් මිනිස්-රොබෝ-කෘත්‍රිම බුද්ධි සුසංයෝගය අනාගත වැඩබිම්වලදී වඩාත් ඉහල ප්‍රතිපල ලඟාකරදෙන බවයි නූතන කළමණාකරන විශේෂඥයින් පෙන්වා දෙන්නේ.
රොබෝ හා කෘත්‍රිම බුද්ධි යන්ත්‍ර හා සුසංයෝගයෙන් වැඩකිරීමට සේවක සේවිකාවන් පුහුණු කිරීම සඳහා දැනටමත් බටහිර සමාගම් විශාල ලෙස පුහුණු වැඩසටහන් නිර්මාණය කරමින් සිටිනවා. මානව සම්පත් පර්යේෂකයින්ට අනුව, රොබෝ තාක්ෂණය හා වැඩ කිරීමට අදාල නව දැනුම ඉගෙන ගැනීමට අපොහොසත්වන සේවකයින්ට රැකියා අහිමිවීමේ අවදානම ඉහල යන අතර, ඉක්මණින් එම තාක්ෂණයන් ඉගෙන ගත හැකි සේවක සේවකාවන් සඳහා දැඩි ඉල්ලුමක් ඇතිවෙමින් තිබෙනවා.
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. .
POSTED BY : Terence Kahapola Arachchi . AUTHOR/OWNER/ADMINISTRATOR .
CONTACT : terence.arachchi@gmail.com .
GOOGLE + : About Me .
FACEBOOK : www.facebook.com/terence.arachchi . __________________________________________________________________________
Comments
Post a Comment