ලොව පුරා අතිශය ජනප්රියත්වයට පත් 'Wegovy' බර අඩු කිරීමේ ඖෂධයේ දිනකට එක් වරක් ලබා ගත හැකි පෙති වර්ගයක් සඳහා ඇමරිකානු ආහාර සහ ඖෂධ පරිපාලනය (FDA) පසුගිය සඳුදා අනුමැතිය ලබා දී තිබෙනවා.
ඒ අනුව, ස්ථුලතාවය හෙවත් අධික තරබාරුව පාලනය කිරීම සඳහා මුඛයෙන් ලබා ගත හැකි (oral) ප්රථම GLP-1 ඖෂධය ලෙස මෙය වාර්තාවක් තබනවා.
ඩෙන්මාර්කයේ නෝවෝ නෝර්ඩිස්ක් (Novo Nordisk) සමාගම නිෂ්පාදනය කරන මෙම ඖෂධයට අනුමැතිය හිමි වූයේ, ඔවුන්ගේ කොටස් වෙළඳපොළ අගය පහත වැටී අනෙක් බර අඩුකිරීමේ GLP-1 නිෂ්පාදන මගින් එල්ලවෙන දැඩි තරඟකාරීත්වය හමුවේ ඔවුන් දැඩි අභියෝගයකට ලක්ව සිටින මොහොතකය.
2026 වසරේ ජනවාරි මුලදී මෙම පෙති වෙළඳපොළට නිකුත් කිරීමට සමාගම සැලසුම් කර ඇති අතර, එහි ආරම්භක මාත්රාවක මිල මසකට ඇමරිකානු ඩොලර් 149ක් ලෙස නියම කර තිබෙනවා.
ALL ABOUT ANDOR - THE BEST FROM STAR WARS UNIVERSE
දැනට වෙළඳපොළේ පවතින මුඛයෙන් ලබා ගන්නා වෙනත් කිසිදු GLP-1 ඖෂධයකට, මෙම Wegovy පෙති මගින් ලබා දෙන බර අඩු කිරීමේ ප්රතිඵල සමඟ සැසඳිය නොහැකි බව නෝවෝ නෝර්ඩිස්ක් (Novo Nordisk) සමාගමේ සභාපති සහ ප්රධාන විධායක නිලධාරී මයික් ඩවුස්ට්ඩාර් මහතා පවසා සිටියි.
බර අඩු කිරීමට අමතරව, හෘද රෝග සහිත අධික තරබාරු පුද්ගලයින්ට වැළඳිය හැකි හෘදයාබාධ, ආඝාතය (stroke) හෝ හදිසි මරණ වැනි බරපතල හෘද රෝග අවදානම් අවම කිරීම සඳහා ද මෙම පෙති භාවිත කිරීමට අනුමැතිය හිමි වී තිබීම විශේෂත්වයකි.
ලෝක තරබාරු පාලන ඖෂධ වෙළඳපොළ (obesity drug market) 2025 වසර වන විට දළ වශයෙන් ඇමරිකානු ඩොලර් බිලියන 25.87ක අගයක් ගනු ලබනවා. මෙය ඉදිරි වසර කිහිපය තුළ වේගයෙන් වර්ධනය වනු ඇතැයි අපේක්ෂා කෙරෙන අතර, 2032 වසර වන විට එහි සමස්ත වටිනාකම ඇමරිකානු ඩොලර් බිලියන 82.55ක් දක්වා ඉහළ යනු ඇතැයි පුරෝකථනය කරනවා.
Comments
Post a Comment