අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

THE INTERNET : මීලඟ මයික්‍රොසොෆ්ට් බ්‍රව්සරය ගූගල් ක්‍රෝමියම් තාක්ෂණයෙන් බලගැන්වෙන ලකුණු?

Posted by

මයික්‍රෝසොෆ්ට් සමාගම, වින්ඩෝස් 10 මෙහෙයුම් පද්ධතිය සමග, සිය අලුත්ම බ්‍රව්සරය වූ එජ් හඳුන්වා දුන්නා. ෆයර් ෆොක්ස් හා ගූගල් ක්‍රෝම් බ්‍රව්සරයන්ට වඩා බලගතු මෙන්ම, පැරණි මයික්‍රොසොෆ්ට් බ්‍රව්සරය වූ ඉන්ටර්නෙට් එක්ස්ප්ලෝරර්ට වඩා බොහෝ සෙයින් වේගවත් හා නවීන උපාංගයන්ගෙන් පිරි බ්‍රව්සරයක් ලෙසයි මයික්‍රොසොෆ්ට් සිය එජ් බ්‍රව්සරය හඳුන්වා දුන්නේ.

එහෙත් තවමත් බ්‍රව්සර් ලොවේ කිරුළු පැලඳ සිටින්නේ, ගූගල් ක්‍රෝම් බ්‍රව්සරයයි. එහි වෙළඳපොල පංගුව 60%ක්ටත් වැඩි බවයි වාර්තා වන්න්නේ.


මේ අනුව, මයික්‍රොසොෆ්ට් සමාගම සිය අලුත්ම එජ් බ්‍රව්සරයේ "EdgeHTML" තාක්ෂණය අතහැර දමා ඒ වෙනුවට ගූගල් ක්‍රෝම් බ්‍රව්සරය බලගැන්වෙන ක්‍රෝමියම් තාක්ෂණයෙන් බ්‍රව්සරයක් තනමින් සිටින බව වාර්තා වෙනවා. 

ගූගල් සමාගම ලාබ නොළබන ඕපන් සෝස් ව්‍යාපෘතියක් ලෙස පවත්වාගෙන යන "ප්‍රොජෙක්ට් ක්‍රෝමියම්" හරහා නිර්මාණය කල ක්‍රෝමියම් වෙබ් බ්‍රව්සර තාක්ෂණය ඕනෑම අයෙකුට භාවිතාකල හැකියි. යම් තරමකට ජනප්‍රියවී ඇති ඔපෙරා බ්‍රව්සරය නිර්මාණය වී ඇත්තේද ක්‍රෝමියම් තාක්ෂණය පාදක කරගෙනයි.

මේ අනුව ඉදිරියේදී එලිදැක්වෙන වින්ඩෝස් 10 අප්ඩේට් ක්‍රියාවලියක් මගින්, අලුත්ම මයික්‍රොසොෆ්ට් බ්‍රව්සරය බාගතකර හැකිවෙනු ඇති. දැනට මෙය "ඇනහයිම්" ලෙස නම් කොට ඇති බවයි මයික්‍රොසොෆ්ට් ආරංචිමාර්ග පවසන්නේ 



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment