Related Posts Plugin for WordPress, Blogger...

Sunday, 23 February 2014

තල්මස් විශේෂයක් සොයාගත් ආචාර්ය පෝල් එඩ්වඩ් පීරිස්‌ දැරණියගල විද්වතා

ඉන්දු-පැසිපික් සාගර කලාපයේ හමුවන ලොව දුර්ලභ තල්මසුන් වර්ගයක් නව සත්ත්ව විශේෂයක් ලෙස විද්‍යාත්මක ලොවට හඳුන්වා දීමට මෙරට සිටි අද්විතීය විදුධරයකු වූ මහාචාර්ය පී. ඊ. පී. දැරණියගල මහතා කටයුතු කළේය. ඒ වර්ෂ 1963දීය. මෙරට මුහුදු වෙරළට ගසාගෙන පැමිණි ආගන්තුක තල්මස් සිරුරක් පිළිබඳ තම තියුණු අවධානය යොමු කළ මෙම කීර්තිමත් ශ්‍රී  ලාංකේය පුත්‍රයා එම තල්මස් කුණ එතෙක් ලෝකයට අනාවරණය කරගෙන නොතිබුණු නවතම ජීවී විශේෂයක් බව වටහා ගන්නට ඇත.

Mesoplodon hotaula යන විද්‍යාත්මක නාමයෙන් මෙම නව තල්මස් විශේෂය නම් කිරීමට දැරණියගල මහතා කටයුතු කළේය. Mesoplodon  යන නාමයට අයත් කරන ලද මෙම නව තල්මසාගේ විශේෂ නාමය ලෙස දැරණියගල මහතා යොදා තිබුණේ ‘හොට උල්ලා’ යන සිංහල වදන  Hotaula ලෙසය. නමුත් මෙම තල්මස් විශේෂය නව විශේෂයක් නොවන බව පසුගිය දීර්ඝ කාලය පුරාවටම විවිධ මති මතාන්තර පැවැතුණද පී. ඊ. පී. දැරණියගල සූරීන් විසින් විද්‍යාත්මකව නම් කරන ලද හොටඋල් තල්මසාගේ නාමකරණය සම්බන්ධ අපගේ අනන්‍යතාව නැවැත වරක් තහවුරු කිරීමට පර්යේෂකයෝ පිරිසක් පසුගියදා කටයුතු කළහ.

2009 වසරේදී සීෂෙල්ස් දූපතකට ගොඩ්ගැසූ මැස්ප්ලෝඩන් හොටුලා තල්මසෙක්
Ziphilidae පවුලට අයත් හොටඋල් තල්මසුන් පිළිබඳ ලෝකයේ තවමත් ඇත්තේ ඉතා විරල තොරතුරු ප්‍රමාණයක් බව සැබෑය. Mesoplodon  ගණයට අයත් ඉන්දු පැසිපික් තල්මසුන් පිළිබඳ එම දත්ත ලබාගෙන ඇත්තේ ශ්‍රී  ලංකාව, කිරිබති, හවායි, මාලදිවයින, සිචෙලීස් වැනි රටවලින් හමුවූ සත්ත්ව නිදර්ශක හතකින් පමණි. පී. ඊ. පී. දැරණියගල මහතා විසින් Mesoplodon hotaula නම් කරනු ලැබීමෙන් වසර දෙකකට පසු එනම් වර්ෂ 1965දී මෙම නව විශේෂය මීට පෙර විද්‍යාත්මකව නම් කරන ලද Mesoplodon ginkgodens විශේෂයම බව  Moore සහ Gilmore යන විද්‍යාඥයන් විසින් ප්‍රකාශ කරන ලදී. පසුගිය දශක ගණනාව පුරාවටම මෙම මතයට විරුද්ධව අභියෝග කිරීමට බොහෝ දෙනකු මැළි වුවද බාහිර කායික ස්වරූපය මෙන්ම, ජාන විද්‍යාත්මක පරස්පරතාද උපයෝගි කරගෙන මෙම විශේෂ දෙක, දෙකක් බවට විද්‍යාත්මකව කරුණු දැක්වීමට දේශීය හා විදේශීය විද්වත්හු පිරිසක් පසුගියදා කටයුතු කළහ.

The first specimen of this new species was found in Sri Lanka in 1963. At the time, Paulus Deraniyagala, the director of the National Museums of Ceylon, believed M. hotaula to be a new species and classified it as such, giving it the name it has today.
However, several years after Deraniyagala described the species, it was reclassified as a specimen of an already-existing species, the ginkgo-toothed beaked whale (Mesoplodon ginkgodens).
"Now it turns out that Deraniyagala was right regarding the uniqueness of the whale he identified. While it is closely related to the ginkgo-toothed beaked whale, it is definitely not the same species," said Merel Dalebout of the University of New South Wales, lead author of a paper describing the once-new-again specimen in the journal Marine Mammal Science.
Source: http://www.natureworldnews.com/articles/5896/20140205/case-mistaken-identity-corrected-reveal-new-beaked-whale-species.htm

ශ්‍රී  ලංකාවේ සිටි ඉතාමත් දක්ෂ හා අද්විතීය විද්‍යාඥයකු වූ පී. ඊ. පී. දැරණියගල හෙවත් පෝල් එඩ්වඩ් පීරිස් දැරණියගල මහතා කීර්තිමත් සත්ත්ව විද්‍යාඥයෙකි. පුරාවිද්‍යාඥයෙකි. කලාකරුවෙකි. ඉන්දියානු උප මහාද්වීපයේ සත්ත්ව හා මානව පොසිල පිළිබඳ ඔහු තුළ තිබූ අද්විතීය විශේෂඥතාව ප්‍රකටය. 1939 හා 1963 අතර කාලයේදී ජාතික කෞතුකාගාරයේ අධ්‍යක්ෂ ධුරය හෙබැවූ ඒ මහතා 1961 හා 1969 අතර කාලයේදී විදේ‍යාදය සරසවියේ කලා පීඨයේ කුලපතිවරයා වශයෙන්ද කටයුතු කළේය.

ශ්‍රී  ලංකාවේ සිට වඳවී ගිය බවට විශ්වාස කරන සත්ත්ව විශේෂ ගණනාවක් පිළිබඳ මෙන්ම බළන්ගොඩ මානවයා ලෝකයේ හමුවන තවත් මානව උප විශේෂයක් ලෙස නම් කිරීමටද කටයුතු කරන ලද්දේ පී. ඊ. පී. දැරණියගල මහතා විසිනි.Homo sapiens balangodensis ලෙස බළන්ගොඩ මානව උප විශේෂය නම් කළ ඔහු ශ්‍රී  ලංකාවේ සිට වඳවී ගොස් ඇතැයි විශ්වාස කෙරෙන Leo leo sinhaleyus - 1939 යන ශ්‍රී  ලංකා සිංහයාද, Bibos sinhaleyus - 1962 යන ශ්‍රී  ලංකා ගවරාද, Hexaprotodon sinhaleyus - 1937 යන ශ්‍රී  ලංකා හිපපොටේමස්ද, Rhinoceros sinhaleyus - 1936 යන ශ්‍රී  ලංකා රයිනෝසිරස්ද, Rhinoceros kangavena - 1956 යන ශ්‍රී  ලංකා කඟවේනාද ඔහු විසින් විද්‍යාත්මකව නම් කරන ලද සත්ත්ව විශේෂ අතර වෙති. ඊට අමතරවPanthera tigris sudanensis - 1951 යනුවෙන් අප්‍රිකානු කොටි උප විශේෂයක් විද්‍යාත්මකව අනාවරණය කරන්නටද හෙතෙම කටයුතු කළේය.

වර්තමානයේ තරම් සූක්ෂ්ම හා දියුණු තාක්ෂණික උපකරණ හා කායඡේද විද්‍යාවක් නොතිබුණු යුගයක තමන්ගේ තීක්ෂණ ඇස හා හසළ දැනුම් උපයෝගී කර ගනිමින් මෙසේ නව සත්ත්ව විශේෂ ගණනාවක් විද්‍යාත්මක ලෝකයට අනාවරණය කරන්නට තරම් පී. ඊ. පී. දැරණියගල මහතා සතුව පැවැති හැකියාව අගය කළ යුතුය. ඔහු විසින් නාමකරණය කරන ලද ඇතැම් සත්ත්ව විශේෂවල නිදර්ශක සොයා ගැනීමට නොහැකි වීම හේතුවෙන් වර්තමාන බුද්ධිමතුන්, විද්වතුන් යැයි කියා ගන්නා පිරිස් එම සත්ත්ව විශේෂ ශ්‍රී  ලංකාවේ සත්ත්ව නාම ලේඛනවලින් ඉවත් කර තැබීමටද කටයුතු කර ඇත. නමුත් එවැනි පසුබිමක මහාචාර්ය පී. ඊ. පී. දැරණියගලයන් විසින් මීට අඩසියවසකටත් පෙර විද්‍යාත්මකව නාමකරණය කරන ලද හොටඋල් තල්මසාගේ අනන්‍යතාව නැවැත වරක් තහවුරු වීම මෙරට වර්තමාන විද්‍යාත්මක ප්‍රජාවටද අභියෝගයක් බව අපි සිතමු. එබැවින් එතුමන්ගේ සොයා ගැනීම් දෙස නැවැත වරක් විමර්ශනාත්මකව බැලීමට කාලය එළැඹ තිබේ.

ආචාර්ය දැරණියගල මහතා විසින් 1963දී Mesoplodon hotaula තල්මස් ගණය Mesoplodon ginkgodens තල්මස් ගණයෙන් වෙනස් බවට පලකල මතය නැවත තහවුරු කරමින් අන්තර්ජාතික තල්මස් කොමිසමට (International Whaling Commission) ඉදිරිපත් කරනලද පර්යේෂණ නිබන්ධනය (research paper) මෙතනින් කියවන්න.

ආචාර්ය දැරණියගල මහතා පිලිබඳව දිවයින පුවත්පතේ පළවූ දීර්ඝ ලිපිය..

ශ්‍රී ලංකාවට විශාල කීර්තියක්‌ මෙන්ම විශේෂයෙන්ම සත්ත්ව විද්‍යාව, පාෂාණිභූත විද්‍යාව හා ප්‍රාග් ඓතිහාසික පුරාවිද්‍යාව උදෙසා අතිමහත් සේවයක්‌ කළ දැරණියගල මහතා පිළිබඳ ඔබට සුළු විස්‌තරයක්‌ ඉදිරිපත් කිරීම මේ ලිපියේ මූලික අරමුණ වේ. මෙම ලිපියට අදාළව එතුමා පිළිබඳව සුළු විස්‌තරයක්‌ පමණක්‌ ඉදිරිපත් කිරීමට මා උත්සාහ කළ නමුදු ඔහු සම්බන්ධව සුවිසල් ග්‍රන්ථයක්‌ පළ කිරීමට තරම් කරුණු මේ වන විට මා සතුව ඇත. 1980 දීමා හට මුණගැසුණු පුංචි බණ්‌ඩා කරුණාරත්න සහ 1985දී  මුණගැසුණු පී.බී. සරනේලිස්‌ යන නැසීගිය මහතුන් දෙපළ මෙම ලිපිය සම්පාදනය කිරීමේදී ප්‍රථමයෙන් හඳුන්වා දීමට කැමැත්තක්‌ දක්‌වනුයේ ඔවුන් දැරණියගල මහතා පිළිබඳව බොහෝ පෞද්ගලික කරුණු කාරණා මා වෙත ලබාදුන් නිසාවෙනි. කරුණාරත්න මහතා කෞතුකාගාර දෙපාර්තමේන්තුවේ කීට විද්‍යාඥයෙකු ලෙස සේවය කළ අතර ඔහු ආචාර්ය පී.ඊ.පී. දැරණියගල සහ ආචාර්ය සිරාන් දැරණියගල සමඟ සමීප ඇසුරක්‌ දක්‌වමින් ඔවුන් සමඟ පර්යේෂණවල නිරත වූ ස්‌වභාව විද්‍යාඥයෙකි. සරනේලිස්‌ මහතා පී.ඊ.පී. දැරණියගල මහතා සමඟ ඔහුගේ කැණීම්, ගවේෂණ හා සතුන් එකතු කිරීමේ චාරිකාවලට සහභාගී වෙමින් එතුමා සමඟ සමීප ඇසුරක්‌ පැවැත්වූ අයෙකු විය. මෙම දෙපළ විසින් පී.ඊ.පී. දැරණියගල පිළිබඳව බොහෝ කරුණු මා වෙත යොමු කළද මෙහි අඩංගුව ඇත්තේ එයින් අල්පයකි ....

සම්පූර්ණ ලිපියට මෙතනින් පිවිසෙන්න..

Friday, 21 February 2014

"Pirate Bay" ටොරන්ට් ජාලය වළාකුළට යයි!

ලොව ජනප්‍රියම බිට්-ටොරන්ට් ජාලය ලෙස සැළකෙන "පයරට් බේ" ටොරන්ට් ජාලයේ නිර්මාතෲවරුන් සිය ටොරන්ට් සේවාව පවත්වාගෙන යෑම සඳහා අවශ්‍යවන සර්වර් සියල්ලම අන්තර්ජාලයේ "ක්ලව්ඩ්" සේවාවක් වෙත ගෙනගොස් ඇතැයි වාර්තාවේ. 

මේ වනවිට බටහිර රටවල් (අමෙරිකාව හා බටහිර යුරෝපය) බුද්ධිමය දේපොල අන්තරජාලය හරහා බාගත කිරීම් වැලැක්වීම සඳහා නීති දැඩි කොට ඇති අතර ඒවා ඉතා දැඩිලෙස ක්‍රියාත්මක කරමින් නොමියේ බුද්ධිමය දේපොල ලෙස සැලකෙන පරිගණක මෘදුකාංග, ක්‍රීඩා, චිත්‍රපට හා රූපවාහිනී නාට්‍ය මෙන්ම සංගීත නිර්මාණ බාගත කරගැනීමට ඉඩ සලසන සේවා වසා දමමින් ඒවායේ හිමිකරුවන් අත් අඩංගුවට ගනිමින් සිටිති.

මේ වනවිටත් කලක් ඉතා ජනප්‍රියව පැවති Rapidshare, Megaupload වැනි file-share සේවා මෙන්ම isoHunt වැනි බිට්-ටොරන්ට් ජාල වසාදමා ඇත. තවත් ජනප්‍රිය ටොරන්ට් අඩවි ගණනාවක් ඉදිරි මාසකිහිපය තුල ක්‍රියා විරහිත කරවන බව ඒවායේ හිමිකරුවන් මාධ්‍ය නිවේදන මගින් දැනුම්දී ඇත. මේ සඳහා හේතු ලෙස ඔවුන් දක්වා ඇත්තේ නිරන්තරයෙන් සිය සේවා ආයතන එම රටවල පොලීසි මගින් වටලා උපකරණ අත් අඩංගුවට ගැනීමත්, ඒවායේ හිමිකරුවන්ද අත් අඩංගුවට ගෙන කෝටි ගණනින් වන්දි ඉල්ලා නඩුදැමීමේ ප්‍රවනතාවයක්ද මතුවෙමින් පැවතීමයි. නොබොදා  අයිසොහන්ට් ටොරන්ට ජාලයේ හිමිකරු වන ගැරී ෆන්ග්ට බුද්ධිමය දේපොල නීතිවිරෝධීව බෙදාහැරීමට දායකවීමේ වරදට ඩොලර් මිලියන 110ක වන්දියක් ගෙවීමට නියමකරන ලදී.


වැඩිම ඔරොත්තුදීමේ හැකියාවක් ඇති බිට් ටොරන්ට් ජාලය (The most resilient bit-torrent site) ලෙස තමන්ව හඳුන්වාගන්නා පයරට්-බේ ජාලය මෙම නිරන්තර තර්ජනයෙන් ගැලවීමේ උපක්‍රමයක් ලෙස මෙහෙයුම් කටයුතු සියල්ලම අන්තර්ජාල ක්ලව්ඩ්-සර්වර් සේවාවක් මත ස්ථාපනය කොට ඇත. පයරට්-බේ හිමිකරුවන් පවසන අන්දමට ක්ලව්ඩ් සර්වර් සේවාවක් මගින් ලැබෙන ආරක්ශාවට අමතරව ඉතා ඉක්මණින් හා අඩු වියදමකින් සේවාවන් පුලුල් කිරීමේ හැකියාව මෙන්ම මෙහෙයුම් කටයුතු අඩු වියදමකින් කරගැනීමේ හැකියාවද තමන්ට ලැබී ඇත.

ක්ලව්ඩ් සර්වර් පන්නයට අනුවර්තනය වීමෙන් පසුව පයරට් බේ  සේවාවට සිය අනන්‍යතාවය සඟවාගෙන සේවා පවත්වාගන්නට හැකි බව පැවසේ. ක්ලව්ඩ්-සර්වර් සේවාව ලබාදෙන සේවා දායකයාට එම සේවාව භාවිතා කරන්නා එය කුමන කටයුත්තක් සඳහා භාවිතාකරන්නේද යන්න දැන ගැනීමේ හැකියාව අවම වන අතර එම සේවාවන් ලබාදෙන සර්වර් වෙනස් රටවල් කිහිපයක ක්ලව්ඩ් සේවා ලබාදෙන ආයතන ගණනාවක් අතර පතුරවා ඇති අතර මේ අනුව එක් එක් රටවල ජාතික පොලිසී හෝ ආරක්ශක අංශ මින් එක් ක්ලව්ඩ් සර්වරයක් කෙසේ හෝ වසා දැමුව හොත් ඉන් පයරට් බේ ජාලය අඩපණවීමක් සිදු නොවේ.

පයරට් බේ සේවාවේ ආරම්භක සර්වරය පරිගණක කෞතුකාගාරයක ප්‍රදර්ශණයට!


2003 වසරේදී ඇරඹි පයරට් බේ සේවාවට 2013 සැප්තැම්බරයේදී වසර 10ක් සපිරෙන අතර මේ සේවාව ආරම්භකල ගොට්ෆ්‍රිඩ් වාර්ග් ස්වීඩනයේ ස්ටොක්හෝම් නුවර  සිය දෙමව්පියන්ගේ නිවසේ කාමරයක ඇඳක් යට තබාගෙන පයරට් බේ සේවාව ක්‍රියාත්මක කල පරිගණකය ස්වීඩනයේ ලින්කොපීන්ග් නුවර "The Computer Museum " නම් පරිගණක කෞතුකාගාරයේ ප්‍රදර්ශණයට තබා ඇත.

බිට් ටොරන්ට් ගොනු බාගතකිරීමේ සේවාව මුල් වරට ආරම්භ කරමින් පරිගණක ජාල ලෝකයේ විප්ලවිය වෙනසක් සිදුකල, සමහරුන් ඉතා ආදරය කරන, සමහරුන් දැඩිලෙස පිලිකෙව් කෙරෙන, ලොව පුරා දැවැන්ත විවාදයකට මුලපුරූ "ද පයරට් බේ" ජාලයේ උපත සැමරීමට වෙනුවෙන් මෙය ප්‍රදර්ශණය කරන බව මෙම පරිගණක කෞතුකාගාරයේ අභිරක්ෂක (curator) වන තෝමස් ක්ලිෆර්ඩ් පවසයි.


Tuesday, 18 February 2014

මුතුරාජවෙල රක්ෂිතය විකිණීමේ සැලැස්මක්!!


මුතුරාජවෙල තෙත් බිම යනු කුමක්ද?

මුතුරාජවෙල තෙත් බිම ඉතා ඉහළ ජෛව විවිධත්වයකින් යුක්ත පරිසර පද්ධතියකි.එබැවින් මෙහි වෙසෙන සියොතුන් අතර දේශීය මෙන් ම විදේශීය පක්ෂීන් ද වේ.මෙය කිවුල්දියට ම ආවේණික වූ කඩොලාන පරිසරයකින් ද, විවිධාකාර සියොතුන් හා උභය ජීවීන්ගෙන් ද, විවිධ කෘමිවිශේෂ හා ජලජ පැළෑටිවලින් ද ස්වයංපෝෂිත වූ තෙත් බිමකි.

මෙම තෙත් බිම බොහෝ සත්ත්ව හා ශාක වර්ග ගණනාවකට නිජබිමක්ව පවතී.කලපුව හා ඍජුව සම්බන්ධ වී නිර්මිතව ඇති බැවින් ධීවර පවුල් 3200කට පමණ ජීවනෝපාය සැලසී ඇත.ශ්‍රී ලංකාවේ නැංගුරම්ලන ධීවර යාත්‍රාවලින් 15% ක් පමණ මුතුරාජවෙල කලපු තීරය නැංගුරම්පළක් ලෙස භාවිතා කරයි.

මෙම ප්‍රදේශය මත්ස්‍යයන් හා ඉස්සන්ගේ අභිජණන මධ්‍යස්ථානයක් වන අතර එළවළු, පළතුරු , ඖෂධ හා දැව සපයන ප්‍රභවයක් ද වේ. ඉතා ම ජනාකීර්ණ ප්‍රදේශයක් වන මහ කොළඹ ප්‍රදේශයේ හරිත පෙනහළු ලෙස කටයුතු කරන මුතුරාජවෙල තෙත් බිම ස්වභාවික ගං වතුර පාලනයට ද ඍජු දායකත්වයක් ලබා දෙයි.

ප්‍රදේශයේ ජනතාවගේ ප්‍රධාන ජීවනෝපාය වන ධීවර කර්මාන්තයට රුකුලක්ව පවතින මුතුරාජවෙල තෙත් බිම සංචාරක ව්‍යාපාරයට ද දායකත්වයක් ලබා දෙයි. ඊට ප්‍රධාන හේතුව ප්‍රදේශය පුරා පැතිරී ඇති සොබාසෞන්දර්යයි. මුතුරාජවෙල ඔස්සේ සිය ගමන් මග සකසාගෙන ඇති ප්‍රධාන ඇල මාර්ග දෙක වන හැමිල්ටන් ඇල සහ ඕලන්ද ඇල එම සොබාසෞන්දර්යයේ මුලිකාංගයකි.


මෙම ඇල මාර්ග දෙක දෙපසින් පිහිටා ඇති හරිත වර්ණයෙන් බබලන කඩොලාන තීරය ද දුටුවන් මන බදනා පාරිසරික චමත්කාරය විදහා පායි.තව ද මෙම කඩොලාන තීරය ඔබ්බෙහි පවතින "කුරුලු උයන" ප්‍රදේශයට අපූර්වත්වයක් එක් කරයි. මෙරට පක්ෂීන් මෙන්ම විදේශ රටවලින් පැමි‍ණෙන සංචාරක පක්ෂීන්ගෙන් ද මෙම උයන අසිරිමත් ව පවතී.

දිවයිනේ අගනුවරට ඉතාමත් ආසන්නව පිහිටි මුතුරාජවෙල බස්නාහිර පළාතේ පිහිටි විශාලත ම තෙත් බිම ලෙස ද හඳුනා ගත හැකි ය.

කැලණි ගඟේ සිට මීගමු කලපුව දක්වා විහි දී ඇති මෙම රමණීය තෙත් බිම බටහිරින් සමුද්‍ර තීරයෙන් ද නැෙඟනහිරින් මීගමුව - කොළඹ ප්‍රධාන මාර්ගයෙන් ද සීමා වේ. වැඩි ප්‍රමාණයක් විහඟුන් දැක ගැනීමේ අදහසින් අප හිමිදිරියේ ම ජාඇළ - බෝපිටිය ප්‍රදේශයෙන් හැමිල්ටන් ඇළ වෙත ළඟා වීමු.

මුතුරාජවෙල පරිසර කේන්ද්‍රයෙන් හැමිල්ටන් ඇළ ඔස්සේ අපගේ යාන්ත්‍රික බෝට්ටුව දියත්වන විට උදෑසන හතයි තිහට පමණ ඇත. එය යාන්ත්‍රික බෝට්ටුවක් වුව ද ඇන්ජිම අශ්වබල අටක අවම බලයෙන් යුක්ත බැවින් වේගය සීමාකාරී ය. නමුත් එය පරිසරයට හිතැති ය.

ඕලන්ද යුගයේ දී කැලණි ග‍ෙඟ් සිට මීගමු කළපුව දක්වා මීගමුව කොළඹ මහාමාර්ගයට සමාන්තරව මුතුරාජවෙල වෙල්යාය හරහා ඇළමාර්ගයක් සකස් කෙරුණි. ඒ භාණ්ඩ ප්‍රවාහනය සඳහා ය. එය ඕලන්ද ඇළ නම් විය. ඕලන්ද යුගය අවසන් වී ස්ථාපිත ඉංග්‍රීසි යුගයේ දී හැමිල්ටන් නම් ආණ්ඩුකාරවරයා යටතේ කැලණි ගඟත් මීගමු කලපුවත් යා කරමින් මීගමුව දක්වාත් එතැනින් පුත්තලම දක්වාත් සකස් කරන ලද හැමිල්ටන් ඇළ ප්‍රවාහන කටයුතු විධිමත් කිරීම සඳහා සකස් කෙරුණි. අප ගමන් ගන්නේ එකී හැමිල්ටන් ඇළ ඔස්සේ ය.


නොයෙකුත් සතුරු ආක්‍රමණ හා දුර්භික්ෂ හේතුවෙන් උතුරු මැද පලාතේ සිට නිරිතදිගට සංක්‍රමණය වූ අතීත රජ දරුවන් ගේ පාලන අගනුවර ශ්‍රී ජයවර්ධනපුර කෝට්ටේ ප්‍රදේශයෙ හි ස්ථාපිතව තිබූ වකවානුවේ දී අප විසින් ගවේෂණය කරන සොඳුරු තෙත් බිම සශ්‍රීක කුඹුරු යායකි. සවන පැරකුම්බා රජ සමයේ දී මුතුමෙන් වටිනා සහල් රජුට ලබා දීම නිසාවෙන් මෙම තෙත් බිම මුතුරාජවෙල ලෙස හැඳින්වුණි. නමුත් ඉන් පසු මේ තෙත් බිම හරහා ඉදි කෙරුණු ඇළ මාර්ගවල අහිතකර ප්‍රතිඵලයක් ලෙස කළපුවේ ලවණ ජලය රට අභ්‍යන්තරයට ගලා ඒමෙන් මෙහි වගා කටුතු අභාවයට යන ලදී. මේ විනාශය නොඉහිලු ප්‍රදේශවාසීන් මෙම විනාශයට පිළියම් යොදන ලෙස රජුට එරෙහිව කැරළි ගැසු බවට ද ප්‍රදේශයේ ජනප්‍රවාද පවතී. සශ්‍රීක මුතුරාජවෙල වෙල්යාය වී වගාවට නුසුදුසු තත්ත්වයට පත් වී පසුකාලීනව සහමුලින් ම නැති වී ගියේ ය. පසුව මෙම භූමිය ක්‍රමයෙන් තෙත්බිම් පරිසර පද්ධතියක් බවට පරිවර්තනය විය. අද මේ තෙත් බිමෙන් සහල් නොලැබුණ ද දෙස් විදෙස් පතල අතිශය වැදගත් ජෛව උරුමයන්ගෙන් සංතතිය වන්නට එකී මිනිස් ක්‍රියාකාරකම හේතු වූ බව කිව හැකි ය.

ජා-ඇළ, වත්තල, මීගමුව සහ කටාන යන ප්‍රාදේශීය ලේකම් කොට්ඨාස හතරට ම අයත් වන මුතුරාජවෙල හෙක්ටයාර 6000කට අධික භූමියක ව්‍යාප්ත ව පවතී. මේ පරිසරය තෙත් බිම් කලාපය, මීගමුව කළපුව, දඬුගම් ඔය ප්‍රදේශය වශයෙන් කොටස් තුනකට බෙදා දැක්විය හැකි ය.

මුතුරාජවෙල පරිසර පද්ධතියේ ජෛව විවිධත්වය


මුතුරාජවෙල පරිසර පද්ධතියේ ජෛව විවිධත්වය උදෙසා විවිධ පරිසර පද්ධතීන්වලින් ලැබෙන දායකත්වය ඉමහත් ය. කඩොලාන, වගුරුබිම්, මිරිදිය ජලමාර්ග, වගාකිරීම අත්හල කුඹුරු, ලඳුකැළැ යනා දී එකිනෙකට වෙනස් පරිසර කොටස් වෙනස් ආකාර ශාක සහ සත්ත්ව විවිධත්වයකට මඟ පාදයි. මෙකී පරිසර පද්ධතීන් සියල්ලම මුතුරාජවෙල තෙත් බිම් වනෝද්‍යානයේදී දැකගත හැකිය.

ලවණ ජලයේ ජීවත් වීමට හැකියාව ඇති ලෝකයේ ඉතා විශාලතම උරගයන් ලෙස සැලකෙන ගැට කිඹුලන් ඉතා වටිනා ස්වභාවික සම්පතකි. අතිතයේ මුතුරාජවෙල තෙත්් බිමේ ද ඉතා හොඳ ගැට කිඹුලන් ගහනයක් දිවි ගෙවුව ද දුස්මාන්තික දඩයම් කිරීම හමුවේ අද ඔවුන් විරල දසුනකි. කිඹුලාට අමතරව කබරගොයා, තලගොයා, කටුස්සන්, හුනන් හා හිකනලුන් මෙන් ම සර්ප විශේෂ රැසක් ද මුතුරාජවෙල උරඟ විවිධත්වය ඉහළ නංවන බව කිව යුතු ය. ඒ අතරින් කඩොලාන දිය බරියාට ද හිමිවන්නේ සුවිශේෂී ස්ථානයකි. ශ්‍රී ලංකාවේ හමුවන ඉතා දුර්ලභ සර්පයෙකු වන කඩොලාන දියබරියාගේ නිදර්ශක හමු වී ඇත්තේ ඉතාමත් ස්වල්පයකි. එයින් ද වැඩි ප්‍රමාණයක් හමු වී ඇත්තේ මුතුරාජවෙල තෙත් බිම ආශ්‍රිතව ය.

තමන් ගේ මවු රටවල ශීතකාලය උදා වූ විට මෙරටට පැමිණෙන සංචාරක පක්ෂින් මෙන් ම දේශීය පක්ෂි විශේෂ රැසක් නැරඹීම සඳහා ද මුතුරාජවෙල තොතැන්නකි. විශේෂයෙන් උදෑසන සහ සවස් කාලයේ දී මුතුරාජවෙල හා මීගමු කළපුව විහඟුන් ගේ පාරාදීසයක් බවට පත් වේ. කරවැල් කොකා, අළුකොකා, රත්යටිමල් කිරලා, ගොළු කිරලා, කුස ඇලි සයුරුකුස්සා, බමුණු පියකුස්සා, මල් පිළිහුඬුවා, මහා පිළිහුඩුවා, ලය සුදු මැදි පිළිහුඩුවා, පුංචි දියකාව, නිල්පෙඳ බිඟුහරයා, අටු වැහි ලිහිණියා සහ කළුපිය ඉපල්පාවා වැනි පක්ෂීන් ඒ අතර සුළබ වෙති. එසේ ම ශ්‍රී ලංකාවට පැමිණෙන දුර්ලභ සංක්‍රමණික පක්ෂියෙකු වන කළු හිසැති මැදි පිළිහුඩුවා ද දැක ගැනීම සඳහා පක්ෂී නිරික්ෂකයන් විශේෂයෙන් මුතුරාජවෙලට පැමිණෙති.

වායුගෝලීය වාතය නිශ්චලව පවතින අවස්ථාවන්හි දී හිමිදිරි උදෑසන මිගමු කළපුව නෙතට ගෙන එන දසුන වචනයෙන් විස්තර කළ නොහැකි තරම් සුන්දර බව කිවමනා ය. යන්තම් හෝ සරලිති නොනගන කළපු දිය නිල් පැහැති පිට්ටනියක් බඳු වන අතර ඒ මතට හිරු කිරණ වැටීමෙන් රිදී තැටියෙක් ලෙස දිළිසෙන්නට පටන් ගනී. ඒ අතර කළපුවේ තැන තැන තවමත් කැටි ගැසී තිබෙන මිහිදුම් සළු අතරින් ඔබ මොබ යන ඔරු කරුවන් මත්ස්‍ය සම්පත් නෙළා ගැනීමට උත්සුක වෙනු රමණීය ය. කළපුවෙ තැන තැන තනා ඇති සාම්ප්‍රදායික ධීවර ක්‍රමයක් වන “ මස් අතු” වෙත මුහුදු ලිහිණින් රොක් වන්නේ හිරු උදා වීමෙන් පසුව ය. විශේෂයෙන් මල් කඩොල් ශාක අතු යොදාගෙන තනා ගන්නා මේ ස්වභාවික මත්ස්‍ය කොටු පරිසරය සහ අතීත ශ්‍රී ලාංකිකයන් අතර තිබු මනා සබඳතාවය මොනවට පැහැදිලි කරයි.

කුල 66කට අයත් විවිධ ශාක විශේෂ 194ක ට ද මුතුරාජවෙල තෙත් බිම නිවහන බව සොයාගෙන තිබේ. කළපු හා ගංගා මෝය සරසන ‍ෙසාබාදහමේ සුවිශේෂී නිර්මාණයක් වන කඩොලාන ශාක ප්‍රජාව සැලකීමේ දී ද මුතුරාජවෙල හා මීගමු කළපු තෙත් බිම ඉතා වැදගත් ය. ලවණ මිශ්‍රිත ජලයට හා ඉතා දුෂ්කර පරිසර සාධකයන්ට අනුවර්තනය වෙමින් ඉතා හොඳින් ජීවත් වීමට අවශ්‍ය හැකියාව ඇත. කඩොලාන සහ මීගමු කළපු සංවර්ධන පදනම, මුතුරාජවෙල පරිසර කේන්ද්‍රය මගින් සිදු කළ සොයා බැලීමක දී පෙනී ගියේ ශ්‍රී ලංකාවේ වාර්තා වන කඩොලාන ශාක විශේෂ 22න් 18ක්ම මේ තෙත් බිමෙහි වාර්තා වන බව ය.

මුතුරාජවෙල තෙත් බිමේ සංචාරය කිරීමෙන් ලද හැකි මිහිරියාවසේ ම සෙසු අති මහත් ප්‍රයෝජන රැසක් ද මේ පරිසර පද්ධතිය මඟින් ආශ්‍රිත ප්‍රජාවට මෙන් ම මුළු මහත් ලක්වැසි ජනතාවට ම හිමි වන බව කිව යුතු ය. නමුත් ශීඝ්‍රයෙන් සංවර්ධනය වන අගනුවර තදාසන්න ප්‍රදේශයක පිහිටා තිබීම හේතුවෙන් අද වන විට මෙම අගනා පරිසර පද්ධතිය අභියෝග රැසකට මුහුණ දී ඇති බව කිව මනා ය. මුතුරාජවෙල තෙත් බිමේ ජෛව විවිධත්වය සහ පාරිසරික අගය සුරැකෙන පරිදි තිරසාරව සංවර්ධනය සඳහා උපයෝගී කර ගැනීමට “ මුතුරාජවෙල මහ සැලැස්ම” නමින් සංවර්ධන යෝජනාවලියක් කලකට ඉහත කරලියට පැමිණියේ ය.

මේ යටතේ කොළඹට ආසන්නව දැඩි නාගරික සීමාවේ පිහිටි කොටස උප කාර්මික කලාපයක් ලෙසත් මීගමු කළපුව ආශ්‍රිතව පිහිටි කොටස මුතුරාජවෙල අභය භූමිය ලෙසත් ඒ අතර ප්‍රදේශය ලෙසත් වෙන් කිරීමට යෝජනා කෙරුණි. ඒ අනුව වන සත්ව හා වෘක්ෂලතා ආරක්‍ෂක පනත යටතේ  මුතුරාජවෙල අභයභූමිය, 1996 ඔක්තෝම්බර් 31 වෙනිදා තෙත් බිම් සහ සංරක්ෂකණ අභයභූමියක් ලෙස අංක 947/13 යටතේ ගැසට් නිවේදනයක් නිකුත්  කරමින් ප්‍රකාශයට පත් කර ඇත. මුතුරාජවෙල සංරක්ෂිත ප්‍රදේශයේ භූමි ප්‍රමාණය හෙක්ටයාර් 1029 ක් වෙයි.

මුතුරාජවෙල රක්ෂිතය විකිණීමේ සැලැස්මක් ?

සත්ත්ව සහ ශාක ආඥාපනත උල්ලංගනය කරමින් මුතුරාජවෙල සංරක්ෂිතයට අයත් අක්කර 150 කට අධික භූමි ප්‍රමාණයක් නරග නිර්මාණ ව්‍යාපෘතියක් සඳහා පෞද්ගලික ආයතනයට පැවරීමට කටයුතු කරමින් සිටින බව වාර්තා වේ.මෙම පෞද්ගලික ආයතනය ඉතා සැප පහසුකම් සහිත නගර දෙකක් මේ භූමි ප්‍රදේශයේ ඉදිකිරීමට සැලසුම් කර ඇත. ආයෝජන මණ්ඩලය විසින් මුතුරාජවෙල භූමි ප්‍රමාණය වෙන් කරවා ගැනීම සඳහා වන ජීවි දෙපාර්තමේන්තුවෙන්  අවසර ඉල්ලා ඇතැයි වාර්තා වේ.

ආයෝජන මණ්ඩලයේ විධායක අධ්‍යක්ෂක ෂිවාන් ද සිල්වා මහතා මෙම ඉල්ලීම කර ඇත්තේ 2013 දෙසැම්බර් 05 වෙනිදා GB/4/1718/2 දරණ ලිපි අංකය යටතේ වනජීවී දෙපාර්තමේන්තුවේ අධ්‍යක්ෂක ජෙනරාල්වරයාගෙනි. ඇමරිකානු ඩොලර් මිලියන 8 ක් වූ  නගර සංවර්ධන ව්‍යාපෘතියක් සඳහා මෙම භූමි ප්‍රදේශ නිදහස් කරන ලෙස එම ලිපියෙන් ඉල්ලා ඇත.


සුඛෝපභෝගී නිවාස, සීඝ්‍රගාමී දුම්රිය, හෝටල්, සාප්පු, වෛද්‍ය ආයතන සහ ගොල්ෆ් පිටියක් මෙම ‘බෝපිටිය අති සුඛෝපභෝගී නගර ව්‍යාපෘති'ය යටතේ ඉදිකිරීමට නියමිත බව වාර්තා පෙන්වා දෙයි. මෙම පෞද්ගලික ආයතනය ඉතා සැප පහසුකම් සහිත නගර දෙකක් මේ භූමි ප්‍රදේශයේ ඉදිකිරීමට සැලසුම් කර ඇත.


Monday, 3 February 2014

කල්පිටිය මුහුද ඩොල්ෆින් මත්ස්‍යන්ගෙන් පිරේ



මේ කල්පිටිය  අර්ධද්වීපය දෙස්විදෙස් සංචාරකයන්ගෙන් පිරී ඉතිරී යන සමයයි. කල්පිටියේ සුන්දර දසුන් නැරඹීම සඳහා ලොව නන්දෙසින් පැමිණෙන සංචාරකයන් සේම, දේශීය සංචාරකයන් ඇලුම් කරන ශ්‍රී ලංකාවේ විශාලතම කොරල්පරය, ඩොල්ෆින් මත්ස්‍යයන්, තල්මසුන් ඇතුළු දූපත් 16 ක්ද කල්පිටියේදී නැරඹිය හැකිය.  ජනවාරි මාසයේ සිට දහස් ගණනින් ඩොල්ෆින් මත්ස්‍යයන් කල්පිටි මුහුදට පැමිණෙන අතර, එය අප්‍රේල් මස අවසානය දක්වා සීමා වී තිබෙන්නේ එයින් පසු සයුර රළු වීම නිසාවෙනි.

මෙරට විශාලතම කොරල් පරය බැලීමටත් නිදහසේ මුහුදේ සුන්දරත්වය විඳීමටත් දෙස් විදෙස් සංචාරකයන් වෙනුවෙන් පුත්තලම කලපුව හා කල්පිටිය ප්‍රදේශය මෙරට විශාලතම සංචාරක කලාපය ලෙස දැන් සකස් වෙමින් පවතී. මෙහි ඇති දූපත් 31 ආශ්‍රිතව නව හෝටල්, පාවෙන කාමර ඉදිවෙයි. ශ්‍රී ලංකාවේ විශාලතම හා ප්‍රධානතම සංචාරක කලාපය ලෙස කල්පිටිය හා පුත්තලම කලපුව ප්‍රදේශය දියුණු කිරීමට ආර්ථික සංවර්ධන අමාත්‍යාංශය කටයුතු යොදා තිබේ. සාගර හා වෙරළ සම්පත් සංරක්ෂණ පදනමේ භාණ්ඩාගාරික ඒ.ඩී.එස්. නියාෂ් මහතා පවසන ආකාරයට මේ කල්පිටිය හා ඒ අවට දූපත්වල අතීතය විජය රජු මෙරට ගොඩ බසින ලද කාලයටත් වඩා ඈතට දිව යයි.




“අරාබි වෙළෙන්දන් පෘතුගීසි ලන්දේසි ගොඩ බසින ලද පෘතුගීසි වරාය, ඕලන්ද කොටුව මෙහි තිබෙනවා. පරණ පල්ලි ගොඩනැඟිලි තිබෙනවා. මේ පැත්තේ ඉඩම්වලින් පරණ රෝම ලන්දේසි සල්ලි මතුවෙනවා. ඒ අනුව මෙහි ඈත අතීතයේ ජනාවාස තිබුණු බවට සාක්ෂි තිබෙනවා. මේ ප්‍රදේශයේ ජෛව විවිධත්වය ඉහළයි. ලංකාවේ තිබෙන කඩොලාන 24 න් 15 ක් ම මේ ප්‍රදේශයේ තිබෙන්නේ. ජාතික ජලජ සම්පත් පර්යේෂණ හා සංවර්ධන මධ්‍යස්ථාන සාගර විද්‍යාඥයන් පවසන පරිදි මෙරට වැදගත්ම ඉහළම ජෛව විවිධත්වයෙන් යුත් කොරල් පරය ද පිහිටා ඇත්තේ ද මේ කල්පිටිය දූපත් ආශ්‍රිතව ය. එය බාර් පරය ලෙස හඳුන්වයි. මෙය ශ්‍රී ලංකාවේ කල්පිටිය අර්ධද්වීපයට බටහිරින් ඇති මුහුදු තීරයේ පිහිටා ඇත. එය කරෙයිතිවු දූපත දක්වා විහිදී යයි. වර්ග කිලෝ මීටර් 308.7 පුරා කොරල් පරය පැතිරී යයි.

මෙහි විශාල ප්‍රදේශයක පැතිරිණු පැතලි වැලි පරයක් සහ බාර් පරය ලෙස හඳුන්වන වර්ග කිලෝමීටර් 40 ක් පමණ පැතිරුණු ප්‍රධාන කොරල් පදාසයන් දෙකක් ද වැලි සහිත ප්‍රදේශයක් ද මෙම බාර් පරයට ඇතුළත් වේ.  1992 දී මේ බාර් පරය හා ඒ අවට වැලිපර ප්‍රදේශය සමුද්‍ර අභය භූමියක් ලෙස ප්‍රකාශයට පත් කරන ලදී. එහි ප්‍රමාණය හෙක්ටයාර 30669.9 කි.  ශ්‍රී ලංකාව අවට පිහිටි විශාලතම කොරල් පරය වන මෙහි ලොව දුර්ලභ කොරල් විශේෂ 150 ක් හා දුර්ලභ මත්ස්‍ය විශේෂ සමඟ කොරල් ආශි‍්‍රත මත්ස්‍ය විශේෂ 400 ක් තිබෙනවා. විශාල නිල් තල්මසා, මින්කි තල්මනා, කුරුමන්දා, තල්මසා, සන්නාලි මුල්ල, බෝතල් නගස් මුල්ලා, කබරමුල්ලා වැනි දුර්ලභ මුහුදු ක්ෂීරපායින් ද මේ කොරල් පරය ආශ්‍රිතව ඉන්නවා.   බාර් පරය අවට මුහුදු තීරයේ ඩොල්ෆින් බහුලව ඉන්නවා. මුහුදු සිංහයන් හරි විරල සතුන්. මේ ප්‍රදේශයේ දී මුහුදු සිංහයන් ද දකින්න පුළුවන්. පිලිපිඩියා නම් සීල් මත්ස්‍යයන්, සිටේයියා තල්මසුන්, සන්නාලි මුල්ලන්, බෝතල් නගස්මුල්ලා වොරලිස් ද සයිරේනිසා යන විරල මුහුදු ක්ෂීරපායින් ද මේ ප්‍රදේශයේ ඉන්නවා. ලංකාවේ මේ සතුන් මෙතරම් දකින්න පුළුවන් කල්පිටිය ආශ්‍රිතව පමණයි.


මේ ප්‍රදේශයේ දී අපට දක්නට ලැබෙන තල්මසුන් මුල්ලන් හා මුහුදු ඌරන් යන මුහුදු ක්ෂීරපායෝ මුළු ජීවිතයම ජලජ පරිසරයේ ජීවත්වෙයි. ඔවුන් දිගු ගැබ්බර කාලයකට පසුව තනි පැටවකු පමණක් බිහි කර දිගු කලක් රැක බලාගැනීම කරයි. මේ අනුව ඔවුන්ගේ පරම්පරාව සීමාසහිත වේ. නාරා ආයතනය පවසන පරිදි මේ මුහුදු තීරයෙහි දක්නට ලැබෙන කබරමුල්ලා මෙරට වෙරළ කලාපවලට ආවේණික දුර්ලභ මුහුදු ක්ෂීරපායි විශේෂයෙකි. මේ සතා මෙරට කලපු ඇතුළතට එන එකම මුහුදු ක්ෂීරපායි විශේෂය වේ. කල්පිටියේ දූපත් ආශ්‍රිතව මේ සියලු සතුන් දැකීමට පුළුවන. කල්පිටියේ පුත්තලම් කලපුව ආශ්‍රිතව විවිධ ප්‍රමාණයේ දූපත් 32 ක් පමණ ඇත. මුහුදු තෘණ කඩොලාන ආදියෙන් ගැවසී ගත් මේ දූපත් මනරම් සෞන්දර්යයක් එක් කරයි. ජලජ පක්ෂීහු ද ඒ අසල බහුලය.

තවද ආලංකුඩා මුහුදු තීරය යනු මුහුදු සම්පත් වලින් බහුල ප්‍රදේශයක් වන අතර නොයෙක් වර්ගයේ කුරුළු වර්ග වලින් යුතු ගොඩබිම් තීරයක්ද අසළ දක්නට ලැබේ. ඩොල්ෆින් විශේෂ 4ක්ද, තල්මස් විශේෂ 5ක්ද මෙම ප්‍රදේශයේදී දක්නට ලැබෙන අතර, ඊට අමතරව ශ්‍රි ලංකාවේ මෙම ප්‍රදේශයේ පමණක් දක්නට ලැබෙන් විශේෂ ක්ෂිරපායී මුහුදු ජීවියකු වන ඩගොන්ස් සත්වයන් ද මෙහිදී දැක ගත හැක.  ඊට අමතරව ස්වභාවික කොරල් පර, තැනිතලා මුහුදු වෙරළ, ලුණු ලේවායන්, සහ කඩොලාන වගුරු බිම්ද මෙම ප්‍රදේශයේ වේ. 





Photo Credit : www.ada.lk ,  http://sinhala.newspot.lk
Sources : [1]  http://ada.lk/article/3893/ [2] http://www.silumina.lk/2010/09/26/_art.asp?fn=ay1009261&p=1

Saturday, 1 February 2014

ඉන්දීය මෝටර් රථ මඟී ආරක්‍ෂක පරීක්ෂණවලින් අසමත්


මෝටර් රථවල ආරක්ෂාව සම්බන්ධ ජාත්‍යන්තර ආයතනයක් විසින් පවත්වන ලද පරීක්ෂණයකින් ඉන්දියාවේ ජනප්‍රියම මෝටර් රථ අසමත් වී ඇත. මෙම පර්‍රික්ශණයේදී පැයට කිලෝමීටර් 40ක වේගයෙන් ධාවනය කල මෙම රථ කොන්ක්‍රීට් ගල් ගොඩක කෙලින්ම ගැටෙන්නට සලස්වා ඇති අතර එය තවත් වාහනයක මුහුණට මුහුණ ලා සිදුවන ගැටීමක් අනුරූ කිරීමක් (simulation) ලෙස සිදුකොට ඇත. මෙහිදී ටාටා නැනෝ රථය ලබාගත් ලකුණු ප්‍රමාණය බිංදුවක් බව මෙම ආයතනය පවසයි. 

යුරෝපයේ සහ උතුරු ඇමෙරිකාවේ මෝටර් රථවල ආරක්ෂාවට අදාළ විධිවිධාන සමඟ සලකා බැලීමේදී, ඉන්දියාවේ නිපදවන කුඩා වර්ගයේ මෝටර් රථ වර්ග පහකම තිබෙන්නේ වසර විස්සකටත් පෙර පැවති ආරක්ෂක විධිවිධාන බව Global NCAP ආයතනය කළ සමීක්ෂණයෙන්පෙන්නුම් කෙරෙයි. මෙම පරීක්ශණ මාලාව NCAP හෙවත් New Car Assessment Programme ලෙස හඳුන්වයි.

“ඉන්දියාවේ තියන අවාසනාවන්ත තත්වය තමයි, මේ පරීක්ෂණ සම්බන්ධයෙන් ප්‍රමිතියක් නැති වීම. ඒ නිසා එවැනි පරීක්ෂණයකදී ඉන්දියාවේ මෝටර් රථ අසමත් වීම පුදුමයක් නෙවෙයි. Global NCAP ආයතනයේ ප්‍රධානී ”ඩේවිඩ් වෝඩ් පවසයි.

ලෝකයේ ලාබම මෝටර් රථය වන ‘ටාටා නැනෝ’ සහ ‘Ford Figo’, ‘Volkswagen Polo’, 'Maruti Suzuki Alto 800' සහ ‘Hyundai i10’ වර්ගවල මෝටර් රථ ද අසමත් වාහන අතර වෙති. එම සියලුම වාහන නිපදවනු ලැබ තිබෙන්නේ ඉන්දියාවේය.

වේගයෙන් ඉහල යමින් පවතින ඉල්ලුම හමුවේ එම වාහන ලාභයට නිපදවීමේ අරමුණින්, රිය අනතුරකදී මගී ආරක්ෂාව සඳහා සවි කෙරෙන වායු මල්ල(Air Bag)ආදිය ඉහත කී වර්ගවල වාහනවලට සවිකොට නැති බව පැවසෙයි.

මෝටර් රථ අනතුරුවලින් ලොව වැඩිපුරම පිරිසක් මරුමුවට පත් වන රට ඉන්දියාවයි.

මේ පිලිබඳව ප්‍රතිචාර දක්වන ටාටා සමාගම සිය වාහන ඉන්දීය ආරක්ශණ සම්මුති (Indian Safety Standards) සියල්ලම සමත්වන ලෙස නිර්මාණය කොට ඇති බව පවසනවා. හයුන්ඩායු සමාගමද මෙම ස්ථාවරයේ සිටින අතර මරුති-සුසුකි සමාගමේ ප්‍රතිචාරය මේවන විට ලැබී නැහැ. ෆෝඩ් සමාගම සිය මෝටර් රථවල ආරක්ශණ විධිවිධාන පූර්ණ සමාලෝචනයක බඳුන් කරන බවට පවසනවා.

Source : http://www.businessinsider.com/indian-cars-are-unsafe-group-says-2014-1

අඟහරුමත ජීවය පිලිබඳව සාක්ශි ලෙස පිලිගත හැකි තොරතුරක් සැඟවූයේ යයි නාසා ආයතනයට නඩුවක් වැටෙයි!! [ඡායාරූපයේ පෙනෙන්නේ ජීවී ද්‍රව්‍යයක් නොව ගලක්! නාසා පිලිතුරු බඳියි]


අගහරු ග‍්‍රහයා මතුපිට ගවේෂණයේ යෙදෙන ඔපර්චුනිටි රෝවරය විසින් ලබාගත් ඡයාරූපයක තිබූ වස්තුවක් පිළිබඳ වැඩිදුර තොරතුරු ඉල්ලා තාරකා ජෛවවිද්‍යාඥ රාව්න් ජෝසප් විසින් නාසා ආයතනයට විරුද්ධව නඩු පවරා ඇතැයි වාර්තා වේ. නාසා ආයතනයට හා එහි ප‍්‍රධානි චාල්ස් බෝල්ඩන්ට එරෙහිව පැවරූ නඩුවෙන් ඉල්ලා ඇත්තේ විය හැකි ජෛව පද්ධතියක් පිළිබඳ වහා පර්යේෂණ පවත්වන ලෙසයි.

ජනවාරි 8දින ඔපර්චුනිටි රෝවරය මගින් ගත් ඡයාරූපයක මධ්‍යය රතු පැහැති සහ වටේ සුදු පැහැති වස්තුවක් දක්නට ලැබෙන අතර එය පිනැකල් දිවයින ලෙස නාසා විද්‍යාඥයින් විසින් නම් කර තිබේ.

එය දින 12කට පෙර එම ස්ථානයේ ගත් ඡයාරූපයක නොමැති බව දක්වන NASA පවසා ඇත්තේ එය ඔපර්චුනිටි රෝවරය ගමන් කිරීමේදී පෙරළී එන්නට ඇති පාෂාණයක් බවයි.

කෙසේවෙතත් ආචාර්ය රාව්න් ජෝස්ප් පවසන්නේ එය නිශ්චිත වශයෙන්ම හත්තක් වැනි දිලීර වර්ධනයක් බවයි.
පෘථිවියේදී එවැනි ජෛව පද්ධතීන් ඇපොතීසියම් ලෙස හඳුන්වන බව ඔහු පවසා තිබේ.  නාසා විද්‍යාඥයන් එය ප‍්‍රතික්ෂේප කර ඇති අතර ඔවුන් එය කිසිසේත්ම ජීවී ද්‍රව්‍යයක් විය නොහැකි බව පවසනවා.

එය පිළිගත නොහැකි බව පවසා ඇති ආචාර්ය ජෝසප් එම දත්ත ලබාදෙන ලෙස ඉල්ලා තිබේ.  මේ අතර දින 12කට පෙර ගත් ඡයාරුපයේද මෙම දිලීරය යන්තමින් දක්නට ලැබෙන බවත් පැහැදිලි ලෙසම එය එම කාලය තුළ වර්ධනය වී ඇති බවත් ඔහුගේ අදහසයි.


Related Posts Plugin for WordPress, Blogger...