Related Posts Plugin for WordPress, Blogger...

Sunday, 8 March 2015

මානව ගෝත්‍රයේ ආදීතම නෑයාගේ ෆොසිල හමුවේ!


වසර මිලියන 2.8ක් පැරණි මානව හකුධාතුවක ෆොසිලයක් ඉතියෝපියාවෙන් සොයාගෙන ඇත. මෙය මීට පෙර සොයාගත් ෆොසිල වලට වඩා වසර 500,000 පැරණිබව හෙලිවී තිබේ. මීට කලින් පැරණිම හෝමෝ ෆොසිලය වසර මිලියන 2.4ක් පමණ පැරණි බව තහවුරු කරගෙන ඇත. මේ අනුව හෙවත් මානව ගෝත්‍රය කලින් ඇස්තමේන්තුකලාට වඩා තවත් වසර ලක්ශ 5ක් පැරණි බව තහවුරුවී ඇත. නූතනයේ ජීවත්වන එකම මානව ගෝත්‍රය හෝමෝ සැපියන් වුවත්, ඈත අතීතයේදී තවත් මානව (homo) ගෝත්‍ර ගණනාවක් ලොව සැරිසරා ඇත.

මෙම ෆොසිලය සොයාගත්තේ 2013දී වුවත්, මෙතෙක් කල් එය ලොවට ඉදිරිපත් නොප්කලේ ඒ පිලිබඳව පරීක්ශණ පවත්වා එහි වයස පිලිබඳව දත්ත ස්ථිර කරගැනීම සඳහාය.


වයස තහවුරු කරගෙන ඇතත් මෙම LD-350-1 නම් කොට ඇති මෙම ෆොසිලය මෙතෙක් හඳුනා නොගත් අලුත්ම හෝමෝ ගණයක සාමාජිකයෙකුගේද නැතහොත් හෝමෝ හැබිලිස් වැනි ආදි මානවයෙකුගේ දැයි තවමත් තහවුරු වී නැත. මෙම ෆොසිලය හමුවී ප්‍රදේශයෙන්ම ඔස්ට්‍රෝලෝපිතිකස් මානවයාගේ ෆොසිලද හමුවී ඇති අතර එම ෆොසිල හා මේ ෆොසිලය අතර කාළ වෙනස වසර ලක්ශ 2ක් පමණය.



වසර බිලියනයකට පෙර අඟහරුවා මත දැවැන්ත සාගරයක් තිබූ බව හෙලිවේ!



අඟහරු ගවේෂණ යානා මගින් එවන ලද දත්ත ආධාරයෙන් අඟහරුවා මත, එහි පෘශ්ඨයෙන් 1/5 ආවරණයවන ආකාරයේ අතිවිශාල සාගරයක් තිබූ බව දැන් සනාථවී තිබේ. මීට අමතරව එහි ගංගා ඇළදොල මෙන්ම මිරිදිය විල රාශියක්ද තිබී ඇත. දැන් වියලි, අධික ශීතලින් යුතු කාන්තාරයක් වූවත් එකල පැවති ජලයෙන් කොටසක් තවමත් අඟහරුවාගේ පෘෂ්ඨයට යටින් භූගත ජලය හෝ භූගත අයිස් ලෙස ඇතැයි සැකකෙරේ. දැනට සකස් කෙරෙන සිතියම් මගින්, මෙවැනි භූගත ජල්ක සම්පත හඳුනාගැනීමට අදහස් කෙරෙන අතර අනාගත මිනිස් ගවේෂකයින්ට මෙම ජලය අතිශයින්ම ප්‍රයෝජනවත් වනු ඇත.

එපමණක් නොව අඟහරුවාගේ භූගත ජලගබඩා (aquifer) ඇතිනම්, එම ජලයතුල අඟහරුවාට ආවේණික ජීවයද සොයාගත හැකිවෙතැයි විද්‍යාඥයින් මහත් බලාපොරොත්තු තබාගෙන ඇත.


ප්‍රහාරක ජෙට් යානා ආධාරයෙන් කුඩා චන්ද්‍රිකා උඩුගුවන යැවීමේ අමෙරිකානු සැලැස්මක්...


ප්‍රහාරක ජෙට් යානා ආධාරයෙන් කුඩා චන්ද්‍රිකා උඩුගුවන යැවීමේ අමෙරිකානු සැලැස්මක්...

F-15 Eagle ප්‍රහාරක ජෙට් යානා ආධාරයෙන් කුඩා චන්ද්‍රිකා උඩුගුවන යැවීමේ අමෙරිකානු සැලැස්මක් පිලිබඳ තොරතුරු අමෙරිකානු යුධ තාක්ශණ සංවර්ධන ආයතනය වන ඩාර්පා (Defense Advanced Research Projects Agency - DARPA) ආයතනය මගින් හෙලිදරව්කොට ඇත. Airborne Launch Assist Space Access (ALASA) යන නාමයෙන් හඳුන්වන මෙම වැඩසටහන මගින් ඉතා ඉක්මණින්, අඩු මිලකට කුඩා චන්ද්‍රිකා උගඩුවන යැවීමේ අත්හදාබැලීම් මේවන විටත් ආරම්භවී තිබේ. රොකට්ටු ආධාරයෙන් චන්ද්‍රිකා උඩුගුවන යැවීමේදී කිලෝග්‍රෑමයක බරක් කක්ශගත කිරීමට ඩොලර් 66,000ක (රුපියල් 8,700,000) පමණ බරපැනක් දැරිය යුතුවේ.

F-15 යානයකට ගුවන්ගතවූ පසු සිරස් අතට ඉහල නැගීමේ සුවිශේෂ හැකියාවක් ඇති අතර චන්ද්‍රිකා ගුවන්ගත කිරීම සඳහා මෙය ප්‍රයෝජනයට ගැනීමට පර්යේෂකයින් බලාපොරොත්තුවේ.සියලු අවිආයුධ ඉවත්කල F-15 යානයක බඳහි චන්ද්‍රිකාව සහිත තවත් කුඩා රොකට්ටුවක් අන්තර්ගත කරනලද පද්ධතියක් මේ සඳහා නිර්මාණය කොට ඇත. මේ අනුව F-15 ජෙට් යානය, චන්ද්‍රිකා ගුවන්ගත කරන රොකට්ටුවක පලමුවන අදියර ලෙස ක්‍රියාත්මක වේ. කිලෝමීටර් කිහිපයක් ඉහල අහසට පියාසර කරන යානය චන්ද්‍රිකාව සහිත කුඩා රොකට්ටුව දියත්කොට නැවත ගොඩ බසිනු ලැබේ.

2016 මුල් කාර්තුවේදී මෙහි ප්‍රථම චන්ද්‍රිකා ගුවන්ගත කිරීමේ අත්හදා බැලීම සිදුකිරීම සැලසුම් කොට ඇත. ව්‍යාපෘතියේ අවසාන ඉලක්කය වන්නේ කිලෝග්‍රෑම් 45ක් පමණ බරැති කුඩා චන්ද්‍රිකාවක්, පැය 24ක දැනුම්දීමකින්, ඩොලර් මිලියනයකට අඩු පිරිවැයකින් අභ්‍යවකාශ ගත කිරීමයි.

දැනට මෙවැනි කුඩා චන්ද්‍රිකා ගුවන්ගත කරන්නේ, විශාල චන්ද්‍රිකා ගුවන්ගත කරන රොකට්ටුතුව අන්තර්ගත කිරීමෙනි. මෙහිදී චන්ද්‍රිකාව අවශ්‍ය වේලාවට ගුවන්ගත කරීම අපහසු වන්නේ ඉඳහිට සිදුකරන විශාල චන්ද්‍රිකාවක් ගුවන්ගත කිරීමේ අවස්ථාවක් එළඹෙන තෙක් බලාසිටීමට සිදුවන බැවිනි. එමෙන්ම එවැනි අවස්ථාවක් උදාකරගැනීම සඳහා වසර කිහිපයක සැලසුම් සකස් කිරීමට සිදුවේ. ඉතා ඉක්මණින් කුඩා චන්ද්‍රිකාවක් ගුවන්ගත කරගැනීමේ අවස්ථා දැන් ඇති රොකට් තාක්ශණය අනුව ඉතා විරලය.



Related Posts Plugin for WordPress, Blogger...