Related Posts Plugin for WordPress, Blogger...

Wednesday, 27 September 2017

BUSINESS STRATEGY : ලෝකයේ තරඟකාරීම රටවල් | ලංකාව රටවල් 137කින් 85වැනියා!

World Economic Forum (WEF) හෙවත් ලෝක ආර්ථික සමුළුව පසුගියදා  සිය වාර්ශික Global Competitiveness Report  වාර්තාව ඉදිරිපත් කලා. ලොව රටවල් 137ක විවිධ ආර්ථික හා සමාජීය දත්ත විශ්ලේෂණය කරමින් සකස්වී ඇති මෙම වාර්තාව ලොව දේශපාලන හා ප්‍රතිපත්ති සම්පාදකයින් ඉලක්ක කරගෙන සකස් වෙනවා. යටිතල පහසුකම්, අධ්‍යාපන තත්වය, ශ්‍රම වෙළඳපොලේ කාර්යක්ෂමතාවය, නව නිර්මාණකරණය ආදී මානයන් 12ක් සැලකිල්ලට ගනිමින් එක් එක් රටවල තරඟකාරිත්වය පිලිබඳව දර්ශකයක් බිහිකොට තිබෙනවා.



ශ්‍රී ලංකාව - රටවල් 137කින් 85වැනි ස්ථානය
ඉන්දියාව -  රටවල් 137කින් 40වැනි ස්ථානය (ජාත්‍යන්තර කුමණ්ත්‍රණයක්දෝ මන්දා...)



මෙන්න ලංකාව ලබාගත් ලකුණු!


*** රටවල් 137ක් අතරින් හිමිකර ගන්නා ස්ථානය - ඉලක්කම අඩුවන තරමට රට සිටින්නේ ඉහලිනි

1] ඉහලම ලකුණු සෞඛ්‍යය හා ප්‍රාථමික අධ්‍යාපනය ලබන දරුවන් ප්‍රමාණයට 43/137 (ඉන්දියාව - 91/137)

2] අඩුම ළකුණු, ශ්‍රම වෙළඳපොලේ අකාර්යක්ෂමතාවයට 131/137 (ඉන්දියාව - 75/137)

3] ඊලඟට අඩු ළකුණු - නව තාක්ෂණය සඳහා ඇති අවම සූදානම (ඉන්දියාව - 101/137)

4] ආර්ථික පරිසරය - රටවල් 137 කින් 94 තැන. (ඉන්දියාව - 80/137)

5] උසස් අධ්‍යාපන අවස්ථා හා තත්වය - රටවල් 137 කින් 78 තැන. (ඉන්දියාව - 75/137)

6] යටිතල පහසුකම් -  රටවල් 137 කින් 85 තැන. (ඉන්දියාව - 66/137)









__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

SOCIAL : ඉරාජ් දැන් ලොකු ළමයෙක් | රූකාන්ත ඇයි මේ?



ඉරාජ් ගැන යලිත් ඇවිලී ඇත. ඉරාජ් වික්ටර්ගේ අලුත් විවාහය ඉලක්ක කරගෙන ගැසූ මියුසික් වීඩියෝවක් අලුත්ම රන්ඩුවට හේතුවී ඇත. එහි පියුමී හංසමාලී නම් සුරූපී නිළිය නිරුවත් (ඒ කියන්නේ අඩ නිරුවත්) කොට ඇති බව කියැවේ. මා එම වීඩියෝව නරඹා නැත. ආසාවකුත් නැත. ලෙස්බියන් සීන් ඇති "ගිණියම් රැය" වීඩීයෝව ගැනත් කලක් බුකිය මෙන්ම බ්ලොග් අවකාශයද ගිණිගෙන තිබුණි. මා එය නැරඹුවේද නැත. නග්න ලාංකික යුවතියන් බලන්න ඕනෑනම් බාගෙට පෙන්නා ඔච්චම් කරන Iraj Production බලබලා ලතැවෙන්නට ඕනෑ නැත. ඔක්කොම පෙන්නන, ඔක්කොම කරන ලාංකික ගෑණුන්ගේ ඒවා එමට ඇත.

අලුත් ඉරාජ් වීඩියෝ නොබලන්නට ප්‍රධාන හේතුව මා ඒ සංගීතයට අකමැති වීමයි. එහෙත් ඉරාජ්ගේ "රන් රන් රන්", "අහංකාර නගරේ", "හිතුවක්කාරී", "කොත්තු" වැනි පැරණි ගීත  මා බොහෝ ප්‍රියකරයි. තවමත් ඉඩක් ලැබුණු විට ඒවාට සවන් දෙයි. කලක් මේවා Sri Lankan New Age ගීත ලෙස හඳුන්වන ලදී.  එහෙත් ඉරාජ්ගේ අලුත් ගීතවලට මා කැමති නැත. 

මේ අලුත් Iraj ගීතවල යූටියුබ් හිට්ස් පිරික්සා බැලූවිට විශාල ඉලක්කම් දැකිය හැකිය. බොහෝ දෙනෙකු, ලෝකල් ලෙස්බියන් සීන් එකක් හෝ පියුමිගේ සෙළුව බලන්නට මේ වීඩියෝ බලන බව සිතාගත හැකිය. එහි අවුලක්ද නැත. ස්ත්‍රී නග්නත්වය දැකීමට පිරිමින්ගේ ඇති ඇති ආශාව, ලිංගිකත්වයට ඇති කුතුහලය, සරාගී දසුන්වලින් ලබන උත්තේජකත්වය ලාංකිකයාට සීමාවී නැත. ලංකාව සෙක්ස් වචනය සෙවීමෙන් කප්ගසා ඇති බව ගූගල් වාර්තා උපුටා දක්වන්නෝ උපහාසයෙන් පවසති. එසේ පවසන අයද  ගූගල් හෝ යාහූ හරහා ඇති තරම් සෙක්ස් හොයා ඇති බවට සැක නැත. මෙය අන්තර්ජාලය සියලු ලාංකිකයන් වෙත කාන්දුවී ඇති බවට සාක්ෂියකි. 

අන්තර්ජාලය බටහිර රටවල පොදු ජනයාවෙත කාන්දුවෙන්නට පටන්ගත් කාළයේ වැඩියෙන්ම හිට්ස් තිබුණේ අසභ්‍ය වෙබ් අඩවිවලට බව එකල විදෙස් මාධ්‍ය වල ඕනෑ තරම් වාර්තා වී තිබුණි. WWW ජාලය විහිදී යාමට පෙර අන්තර්ජාලයේ බොහෝ පැතිර තිබූ "usenet" නම් සාක්ච්ඡා ජාලයේ ජනප්‍රියම සාක්ච්ඡා නූල් (discussion threads) වූයේ "alt.sex" නමින් ඇරඹුනු ඒවායි. මේවාවල වැඩියෙන්ම හුවමාරුවූයේ Playboy වැනි වැඩිහිටි සඟරාවලින් ලබාගෙන ස්කෑන් කරන ලද නග්න ඡායරූප, අසභ්‍ය චිත්‍රපට හා වීඩියෝවලින් උකහාගන්නා ලද නග්න හෝ ලිංගික ක්‍රියා පෙන්වන නිසල රූ හා ඉංග්‍රීසියෙන් ලියන ලද කාම කතාය. එකල බටහිර වැසියන්ට අන්තර්ජාලය කියූ පමණින්ම සිහිවුනේ "alt.sex" ය.

බටහිරයන් මෙන්ම අන්තර්ජාලයෙන් සෙක්ස් හොයන ලාංකිකයා නොදියුණු ගෝත්‍රිකයන් යයි කියන්නේ ඇයි?

ලාංකිකයා ගෝත්‍රික යයි කියන්නට හේතුව දියුණු චින්තනයක් නොමැති බව පෙනී යන නිසයි. සෙක්ස් යනූ ප්‍රාථමිකම අවශ්‍යතාවයකි. එය විවිධාකාරයෙන් ලබාගන්නට මිනිසා උත්සහ කරයි. සෙක්ස් ගන්නා පාර්ශවයත් දෙන පාර්ශවයත් වැඩිහිටියන් නම්, අන්‍යෝන්‍ය කැමැත්තෙන් ගැනීම හා දීම වනවානම්, පොදු අවකාශයක සිදු නොවනවානම් කාටත් ඇති අමාරුව කිම?

ඒත් අනුන්ගේ සෙක්ස් ආශාවට වලට හිනාවෙන, බනින ගමන් තමන් හොයන්නේත්, කතාකරන්නේත්, හිතන්නේත් සෙක්ස්වීම මගේ දැක්මේ හැටියට ගෝත්‍රික බවේ ලක්ෂණයකි. 

පියුමී හෝ රුවන්ගී හිතෙන් නිරුවත් කරමින්, චිත්ත රමණයේ යෙදෙමින් විඳවන පොදු ලාංකිකයා ගෑණුන් කොටට ඇඳීම ගැන බොහෝ සෙයින් විරුද්ධය. කොට ගවුමක් හැඳගත් ගැහැණියක් දුටු සැනින් සංස්කෘතිය, සභ්‍යත්වය ආදිය ගැන දෙඩවූවත්, සිතින් කරන්නේ කුමක්ද? ඒ කාන්තාව දෙස බලාගෙන ලඟ සිටින යාළුවාට කියන්නේ මොනවාද? කුණුහරුප නොවේද?  මෙය නොදියුණු ගෝත්‍රිකත්ව පෙන්වන මානයක් නොවේද? කොට ගවුමක්, පැළුණු සායක්, උඩින් විවරවූ ලැමක්, හිර ඩෙනිමක් ඇඳගත් පමණින් ගැහැණියක් / කෙල්ලෙක් දූෂණයවීමට සුදුසුකම් ඇති/කැමති ගැහැණියක් බව දියුණු මිනිසුන් සිතයිද?

වික්ටර්ගේ විවාහයද ඔහුගේ පෞද්ගලික ගනුදෙනුවකි. ඔහුත් ඇයත් කැමතිනම්, නීතිමය බාධා නැතිනම් අපිට මොකෝ? වාසනාවකට මෙය, මේ ආකාරයෙන්ම දකින්නට හැකිවූ ලාංකිකයින් කුළකයක් සිටින බවද, ඔවුන්ද නොබියව සිය අදහස් ප්‍රකාශකල බවද මතකතබා ගත යුතුය.

එහෙත් ජාතියක ගෝත්‍රිකභාවය පිලිඹිබු වෙන්නේ විචක්ෂණ සුළුතරයෙන් නොව පටු මනස් ඇති බහුතරයෙන්ය.

වික්ටර්ට තරුණියක් හා විවාහ වන්නට අවසර ඇතිවා මෙන්ම ඒ සිද්ධිය ගැන නිර්මාණශීලී වීඩියෝවක් ගහන්නට ඉරාජ්ටද අයිතියක් ඇත. ඔරිජිනල් වියපත් බඹරා සිංදුව ලියැවුනේ, ගැයුනේ වික්ටර්ගේ අඩව්වට කොතරම් කලින්ද? වික්ටර්ගේ අඩව්වෙන් පස්සේ ඔය සිංදුව ලියැවුනානම් එයද වික්ටර් ඉලක්ක කොට ලියුවායයි කියන්නට ඉඩ තිබුණා නේද?

රූකාන්ත! ඇයි මේ?



පුදුමය නම් රූකාන්ත වැනි අයද මේ මෝඩ විවාදයට සිය සතපහ දැමීමය. රූකාන්ත යනු අසූගණන්වල ඉහල නැගි ඉරාජ් වැනිම දක්ෂයෙකි. ඔහු මෙන්ම දැඩි ලෙස විවේචනයට බඳුන්වූවෙකි. රූකාන්ත තමන්ගේ ගීත නිසා පමණක් නොව පෞද්ගලික ජීවිතය නිසාද බැණුම් ඇසුවෙකි.

අතෘප්තිමත් විවාහ ජීවිතයක් ගෙවූ චන්ද්‍රලේඛා නම් තරුණ ජනප්‍රිය ගායිකාව හා විවාහ වීමෙන් රූකාන්ත (එකල) සමාජ සම්මතවලට අතුල් පහරක් එල්ල කලේය.

ස්වාමියාගේ දැඩි කරදර නිසා ඔහුගෙන් වෙන්වන්නට ඕනෑ කමින් සිටි චන්දලේඛාට සෙවනක් වන්නට තරුණ රූකාන්තට කොන්දක් තිබුණි. එයට එල්ලවූ දැඩි විවේචන දරාගන්නටද ඔහුට (හා ඇයට) ආත්ම ශක්තියක් තිබුණි. අවිවාහක පිරිමියෙක්, දික්කසාදවුනු ගැහැණියක් විවාහකර ගන්නවා කියන එක 1980ගණන්වල අග භාගය වනවිටත් අමුතුම, ජුගුප්සාජනක දෙයක්, අපුල දෙයක් ලෙස සැළකූ කාළයේ රූකාන්තලා වැනි ජනප්‍රිය චරිත වලට ඔවුන්ට එල්ලවූ නිර්දය විවේචන, කටකතා  කොතරම් මානසික පීඩා ගෙනදෙන්නට ඇතිද?

චන්ද්‍රලේඛාගේ පරණ සැමියා හා ඒ පවුල, රූකාන්ත-චන්ද්‍රලේඛා යුවලට ගහන්න පුලුවන් හැම අතින්ම ගැසුවේ කෙසේ හෝ ඔවුන් වැනසීමේ අරමුණිනි. කොටින්ම එම විවාහයෙන් බිහිවුනු දියණියට පවා, මවට එනම් චන්ද්‍රලේඛාට වෛරකරන්නට ඉගැන්නුවේ අම්මා මාව දාලා වෙන මිනිහෙක් එක්ක ගියා යන කුජීත සිතුවිල්ලෙන් ළපටි වයසේදී එම දරුවාගේ මොළය සේදීමෙනි. පසු කලක යලිත් දරුවන් ලැබුවද මවක් ලෙස චන්ද්‍රලේඛා කොතරම් වේදනා විඳින්නට ඇත්දැයි දන්නේ ඇය හා රූකාන්ත පමණකි.

එවැනි පන්නරයක් ඇති රූකාන්ත, යම් රේඩියෝ චැනලයකට දුන් සාක්ච්ඡාවක් යුටියුබ් වීඩියෝවක (audio only) තිබී මට හමුවුනා. එය ඉහතින් දක්වා තිබෙනවා. ඉරාජ්ගේ පෞද්ගලික ජීවිතයේ තතු මෙන්ම පේෂල (පේෂල යනු කවුදැයි ඇත්තටම මා දන්නේ නෑ - දැනගන්නට ඕනෑත් නෑ) කාත් එක්කදෝ පැනගිය බව රූකාන්ත කියා සිටියා. චන්ද්‍රලේඛා හා විවාහවූ කාළයේ "පවුලක් කැඩුවා, ළමයි ඉන්න ගෑණියෙක් ගත්තා, ළමයට අම්මා නැතිකලා" වැනි චෝදනා වලට මුහුණදුන් රූකාන්ත, බොහෝ කාළයක් විදෙස් රටවල ජීවත්වූ රූකාන්ත මේ තරම් බොළඳ තත්වයට පත්වුනේ ඇයි දැයි සිතාගන්නට අපහසුයි.

ඉරාජ් සංගීතය කන බවත්, සංස්කෘතිය කන බවත් රූකාන්ත කියන්නේ, 1980-1990 ගණන්වල රූකාන්ත කියූ සිංදු ලාංකීය සංගීතය කාබාසිනියා කරන කසිකබල් ලතෝනි බවට චෝදනා කරමින් ප්‍රබුද්ධයන් යයි කියාගත් සංගීතකාරයින් හා විචාරකයින් තමන්ට වැටෙන්නට ගහපු හැටි අමතක වෙලාද? ජනප්‍රිය ගීත ගැයූ H R ජෝතිපාල සංගීතවේදියාට කොතරම් පහර ගැසුවාද? අවුරුදු 20-30 පෙර සිදුවූ මේ ගෝත්‍රික ක්‍රියා තවමත් සිදුවන්නේ අප මානසිකව තවමත් ගල් යුගයේ ජීවත්වන ගෝත්‍රිකයින් නිසා නොවේද?

රූකාන්ත කියන ආකාරයට ඉරාජ්ට තැනක් නැත. ඔහුට සංගීත සංදර්ෂණ සඳහා පිටරට වාසී ලාංකිකයින් එන්න කියන්නේ නැත්තේ ඒකය. රූකාන්ත මහත්තයා වැනි "පැරණි" සංගීත මාස්ටර්ලා තේරුම් නොගත්තාට, ඉරාජ් සමාජ-ජාල තුලින් මුදල් උපයන ආකාරය හොඳින් වටහාගෙන තිබෙන බව අපටනම් පෙනෙනවා. රූකාන්ත මාස්ටර්ලා විදෙස් කොන්සර්ට් කරමින් හම්බ කරනකොට ඉරාජ්ලා කරන්නේ ඔවුන්ගේ යූටියුබ් චැනල්, ෆේස්බුක් චැනල් වල හිට්ස් වැඩිකරගෙන, ඒ හා සබැඳි අන්තර්ජාල දැන්වීම් ආදියෙන් සල්ලි හම්බකර ගැනීමයි.

නිරුවත මූලික වීඩියෝ කරන්නේ, පිරිමින්ගේ කුතුහලය අවුස්සන ලෙස්බියන් වීඩියෝ කරන්නේත් ඒ නිසායි. ගිණියම් රැය කියන්නේ තනිකරම පිරිමින් ඉලක්කකර ගත් වීඩියෝවක් මිස ගැහැණුන් ඉලක්ක කරගත්...ගෑණුන්ට ලෙස්බියන් පාඩම් කියාදෙන එකක් නොවේ. ඒ වීඩියෝව හරිහැටි නොබලාම එහෙම කියන්නට මට පුලුවන් වෙන්නේ ඒකට ලැබී තියෙන හිටස් ගාණ බැලුවාමය. හිටස් ගාණ 2.2 මිලියන් බව යූටියුබ් කියා සිටී. ඒ කියන්නේ ජනගහනයෙන් 10%ක් නේද? ලංකාවේ ඔච්චරටම ලෙස්බියන් ඉන්ටරස්ට් තියෙන ගෑණු ඉන්නවානම් පිරිමින්ට බඩුම තමාය. අනුමාණයක් ලෙස ඔය 2.2 මිලියන් හිට්ස් වලින් මිලියන්  0.2 ගෑනුන් විය යුතුය. ඉතුරු මිලියන දෙක, ලෙස්බියන් වැල බලා ආතල් ගන්න පිරිමින්, ලෝකල් එකක් දකින්නට ආසාවෙන් බැලුවා විය යුතුය.

ඉරාජ් කෙල්ලන් ලවා කෙල්ලන් අතගාවන ගිණියම් රෑ කරන්නේත් නාකි බඹරුන් ලවා තරුණියන් නිරුවත් කරවන වීඩියෝ කරන්නේත් වෙන මොන කෙහෙල්මලක් නිසාවත් නොව හිටස් වැඩි කරගන්නට හොඳම මාර්ගය නිර්මාණශීලීව සෙක්ස් විකිණීම බව ඔහු හා ඔහුගේ මාකටින් ටීම් එක දන්නා නිසාය.

ඉරාජ් සෙක්ස් විකුණනවා යයි කෑගසන සමහර අය BMICH එකේ මෝටර් රථ ප්‍රදර්ශණවලට ගොස් ඒවායේ මෝටර් සයිකල් ප්‍රදර්ශණ කුටිවල බයික් එක්කම ප්‍රදර්ශනේට දාලා ඉන්න , බයික් පදින්න නොදන්න, එහෙත් කොටට ඇඳගත් සෙක්සි කෙල්ලන් සමග සෙල්ෆිගන්නේ පොරකමින් නොවේද? එහෙම පොරකන්නට ලැජ්ජා අය, හිතෙන් එහෙම කොට ගවුම් සෙක්සි කෑල්ලක් එක්ක සෙල්ෆියක්  ගන්නට තිබුනානම්, ඒක බුකියේදාලා පොරක් වෙන්න තිබුණානම් කොච්චර හොඳයිද යයි නොහිතන්නේද?

බයික් කොම්පැණි කරන්නේත්, ඉරාජ් කරනදේම නොවේද? මීට කළකට පෙර ඔඩෙල් සමාගමද වැලන්ටයින් සැමරුම කාළයේ ලාවට ලාවට ලෙස්බියන් යයි පෙනන කාන්තා ආයිත්තම් දැන්වීම් මාලාවක් කලේය. ස්ටෝන් ඇන්ඩ් ස්ට්‍රින් සමාගමත් වැලන්ටයින් කාලේ එවැනි දැන්වීමක් කලේය. බයික් කොම්පැණි, ඔඩෙල් කොම්පැණි කරනවිට පරල නොවන අය ඉරාජ් කලවිට පරලවන්නේ ඇයි?

මෙවැනි sex marketing රූකාන්තලාට කරන්නට බැරිය, කලයුතුද නැත. එහෙත් කවුරුවත් ඒවා කරනවාට විස්සෝපවී දඟලන්නට නොයා යුතුය. වික්ටර් ඔහුගේ තලයේ මියුසික්ද, රූකාන්ත ඔහුගේ ශෛලියේ මියුසික්ද, ඉරාජ් ඔහුගේ ආරේ මියුසික්ද කල යුතුය. ඒ සැමටම ප්‍රේක්ෂක කුළකයක් සිටී. අපි සම්භාව්‍යයි, ජනප්‍රියයි, අරූ මොකෙක්ද? ඌ මියුසික් කනවා කීම නොදියුණු ගෝත්‍රික ලක්ෂණ ඉස්මතුවීමකට තවත් උදාහරණයක් නොවේද?

රූකාන්ත කළබල නොවන්න ඉරාජ් දැන් ලොකු ළමයෙක්....



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Tuesday, 26 September 2017

SPACE FLIGHT : ඔස්ට්‍රේලියාව ජාතික අභ්‍යවකාශ ආයතනයක් පිහිටුවාගනී.


සංවර්ධිත රාජ්‍ය අතරින් ජාතික අභ්‍යවකාශ ආයතනයක් නොමැති රටවල්  පැවතියේ දෙකක් පමණි. ඒ අයිස්ලන්තය හා ඕස්ට්‍රේලියාවයි. පසුගිය සඳුදා (සැප්.25) ඔස්ට්‍රේලියාවේ පැවැත්වුනු 68 වැනි අන්තර්ජාතික ගගනවිද්‍යා කොන්ග්‍රස් සමුළු රැස්වීම ඇමතූ ඔස්ට්‍රේලියානු අධ්‍යාපන ඇමති සයිමන් බර්මින්හැම්, ජාතික අභ්‍යවකාශ ආයතනයක් බිහිකිරීමට ඔස්ට්‍රේලියානු රජය තීරණය කොට ඇති බව නිළවශයෙන් ප්‍රකාශකලා.

ජාතික අභ්‍යවකාශ ඒජන්සියක් නිළවශයෙන් බිහිකර ගන්නේ මේ වසරේ වුවත්, ඔස්ට්‍රේලියාව සිය භූමියෙන් ගුවන්ගත කල පලමු චන්ද්‍රිකාව ගුවන්ගත කලේ 1967 තරම් ඈතකදී. ආරක්ෂක කටයුතු සඳහා ගුවන්ගත කල මෙම චන්ද්‍රිකාව රැගත් රොකට්ටුව ගුවන්ගත කරනු ලැබූවේ රාජකීය ඔස්ට්‍රේලියානු ගුවන්හමුදාවට අයත්  දකුණු ඔස්ට්‍රේලියාවේ වූමෙරා අභ්‍යවකාශ හා ගගනවිද්‍යා පර්යේෂණ සංකීර්ණයේ සිටයි.

වර්ගකිලෝමීටර් 47,000ක් පුරා පැතිර පවතින විශාල සංකීර්ණයක් වන වූමෙරා අභ්‍යවකාශ සංකීර්ණයේ මෙහෙයුම් දෙවන ලෝක යුධ සමයේ ආරම්භවූ අතර හිට්ලර්ගෙන් අල්ලාගත් V1 හා V2 රොකට්ටු මෙහිදී අත්හදා බැලුවේ බ්‍රිතාන්‍ය-ඔස්ට්‍රේලියානු සාමූහික ව්‍යාපෘතියක් ලෙසයි.

කලක් තිස්සේම ඔස්ට්‍රේලියානු අභ්‍යවකාශ ඒජන්සියක අවශ්‍යතාවය ඔස්ට්‍රේලියානු ගගනවිද්‍යා තාක්ෂණ සමාගම් හා පර්යේෂකයින් පෙන්වා දුන්නද ඔස්ට්‍රේලියානු රජය ඒ පිලිබඳව සැළකිල්ලක් දැක්වූවේ නෑ. එහෙත්  නවසීලන්තය 2016දී ජාතික අභ්‍යවකාශ ආයතනයක් පිහිටුවා ගෙන කුඩා චන්ද්‍රිකා අභ්‍යවකාශයට ගෙනයාමට සැළසුම් කරන රොකට් ලැබ් නම් සමාගමක් ආර්ක්ෂණය කරගැනීමට සමත්වීමත් සමග ඔස්ට්‍රේලියානු රජය නින්දෙන් ඇහැරී ඇති බව ඔස්ට්‍රේලියානු පර්යේෂකයින් පවසනවා. නව්සීලන්ත අභ්‍යවකාශ ඒජන්සියේ පූර්ණ අනුග්‍රහයෙන් ක්‍රියාත්මක වන රොකට් ලැබ් සමාගම සාර්ථකව සිය චන්ද්‍රිකා ගුවන්ගත කරන රොකට්ටු අත්හදාබලමින් සිටිනවා.

ඔස්ට්‍රේලියානු අභ්‍යවකාශ ආයතනය් පිහිටුවීමත් සමගම එයට ISS අන්තර්ජාතික අභ්‍යවකාශ මධ්‍යස්ථානයේ මෙහෙයුම් සිදුකරන රටවල් සමූහයට නිළ වශයෙන් එකතුවීමේ අවස්ථාව උදාවන අතර ඒ අනුව ඉදිරියේදී ඔස්ට්‍රේලියානු අභ්‍යවකාශගාමීන්ටද ISS අභ්‍යවකාශ මධ්‍යස්ථානයේ පර්යේෂණ සිදුකිරීමට අවස්ථාව උදාවනවා.




__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Sunday, 24 September 2017

HISTORY : හිට්ලර්ගේ පරමාණු බෝම්බය සාර්ථකවූ බව හෙලිවේ!!!























64 හැවිරිදි බර්න්ඩ් ටල්මාන් ජර්මනියේ බ්‍රැන්ඩන්බර්ග් නුවර පදිංචිකරුවෙකි. ඔහුගේ විනෝදාංශය මෙටල් ඩිටෙක්ටර් නම් උපකරණයක් ආධාරයෙන් පොලොවේ මතුපිට ආසන්නයේ සැඟවී ඇති විවිධ වටිනාදෑ සොයා යාමයි. නිවස ආසන්නයේ ස්ථානයක් මෙසේ මෙටල් ඩිටෙක්ටරය යොදාගෙන පරීක්ෂාකරද්දී එක්වරම පොලොව යට යම් ලෝහමය වස්තුවක් අති බවට ඔහුගේ යන්ත්‍රය සංඥා කලා. එම ස්ථානය හාරා බැලූ ටල්මාන්ට දිලිසෙන ලෝහ කැබැල්ලක් හමුවුනා. මූලික පරික්ෂාවලදී එය චුම්බකිත නොවන ලෝහයක් (non-magnetic metal) බව වටහාගත් ඔහු එය නිවසට ගෙනැවිත් සිය ගරාජයේ පිහිටුවාගෙන තිබූ කුඩා පරීක්ෂණාගාරයේදී පරීක්ෂාකලා. එවිට ඔහුට එය අධික ලෙස විකිරණ නිකුත්කරන බව පෙනීගියා. වහාම සිය සොයාගැනීම ගැන බළධාරීන් දැනුවත් කල අතර ජර්මන් පරමාණුක අධිකාරියෙන් පැමිණ ඔහුගේ පරීක්ෂණාගාරය පරීක්ෂා කොට, විකිරණ ද්‍රව්‍ය ලඟතබාගැනීමේ වරදට ඔහුව අත්අඩංගුවට ගත්තා. 

තමාට සිදුකල බලවත් අසාධාරණය නිසා එම ලෝහ කැබැල්ල සොයාගත් ස්ථානය පොලීසියට හෙලිකිරීමට ටල්මාන් ප්‍රතික්ෂේපකල අතර තවමත් ටල්මාන්ට විරුද්ධව නඩුවක් පවරනවාද නැතිද යන්න ජර්මන් උසාවිය තීරණය කොට නෑ. ටල්මාන්ගේ බලාපොරොත්තුව වන්නේ සාවද්‍ය පොලිස් පරීක්ෂණයෙන් නිදහස්වූ වහාම නැවතත් ඔහු විකිරණ ලෝහ කැබැල්ල සොයාගත් ස්ථානයේ තවත් පරික්ෂා සිදුකිරීමයි.

ජර්මන් පුවත්පත් වාර්තාකරන ආකාරයට මෙම ලොහ කැබැල්ල හමුවූ පෙදෙස, හිට්ලර්ගේ පාලන සමයේ නට්සි පරමාණු පර්යේෂණ සඳහා සුපිරිසිදු යුරේනියම් ඔක්සයිඩ් නිපදවීමට පිහිටුවාතිබූ රහසිගත නිෂ්පාදනාගාරයකට ආසන්න ස්ථානයක්. නට්සි ජර්මන් සමාගමක් වූ ඩෙගූසා සමාගම මෙය පවත්වාගෙන ගිය අතර ඩෙගූසා සමාගම් හිට්ලර්ගේ සමූහ-ඝාතන වදකාගාර සඳහා සයික්ලෝන් B නම් විෂ වායුව නිපදවූ කුප්‍රකට සමාගමද වනවා.

රහසිගත පර්යේෂණාගාරයක් වුවද හිට්ලර් විරෝධී මිත්‍රපාක්ෂික ඔත්තුසේවා මෙම යුරේනියම් නිෂ්පාදනාගාරය පිලිබඳව දැන සිටි අතර යුද්ධය අවසන්වීමට පෙර මිත්‍රපාක්ෂික ගුවන්ප්‍රහාර මගින් බෝම්බ 10,000 පමණ හෙලා මෙම ස්ථානය සුනුවිසුනු කොට දැමූ බවයි වාර්තා වන්නේ. ජර්මනිය ආක්‍රමණය කල සෝවියට් හමුදා මෙම ස්ථානය සියුම්ව පරීක්ෂාකල බවත් යුරේනියම් නිෂ්පාදනාගාරය සම්පූර්ණයෙන්ම විනාශවී ඇති බව ඔවුන් තහවුරු කල බවත් වාර්තා වනවා.

හිට්ලර් පරමාණු බෝම්බ තුනක් පර්යේෂණ සඳහා පුපුරුවා හැරියාද?

මෑතකදී අමරිකානු ජාතික ලේඛණාගාරයෙන් හමුවූ දෙවන ලෝක යුධ සමයේ ඇසින් දුටු සාක්ෂි වාර්තාවකට අනුව අඩුම ගණනේ එක් පර්මාණු බෝම්බයක් හෝ පුපුරුවා හැරීමට හිට්ලර්ගේ පරමාණු විද්‍යාඥයින් සමත්වී තිබෙනවා.

හිට්ලර්ගේ ලුෆ්ට්වාෆෙ නම් ගුවන් හමුදාවේ සිටි ඉතා පළපුරුදු ගුවන් නියමුවෙකු වූ හාන්ස් සින්සර් තමන් අලුත් ගුවන්යානයක පරීක්ෂණ පියාසැරිය නිරතව සිටියදී හතු පැළයක් වන් වළාකුළක් (mushroom cloud) දකින්නට ලැබූ බවත් අඩි 7000ක් පමණවූ මේ වළාකුළ අසලට යත්ම යානයේ ගුවන්විදුලි පණිවුඩ හුවමාරු හා විදුලි උපකරණ විකාරරූපී ලෙස ව්‍යාකූලවූ බවත් සින්සර් සිය සාක්ෂියේ සටහන් කොට තිබෙනවා. සින්සර් මෙම හතු වළාකුල දැක තිබූ ස්ථානය ආසන්නයේ නට්සි පර්මාණුක පර්යේෂණ ආයතනයක් තිබූ බව සඳහන් වනවා.

සින්සර්ගේ පියාසැසි සටහන් පොතේද (flight logbook) මෙම වළාකුල හා එයින් ඇතිකල බලපෑම සටහන් කොට තිබූ බවයි වාර්තා වන්නේ.



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Saturday, 23 September 2017

WTF? : ගෑණුන්ට තියෙන්නේ පිරිමි මොළෙන් කාළයි!!


කළබල වෙන්න එපා. මෙහෙම කියන්නේ විද්‍යා ගවේෂණ එහෙම නෙමෙයි. මේ කතාව කිව්වේ සෞදි අරාබියාවේ පිස්සු පූජකයෙක්. එයාගේ ආගම මොකක්ද කියලා කියන්න අවශ්‍ය නෑනේ. ඡායාරූපයේ ඉන්නේ මේ පිස්සා තමයි. මෙයා කියන විදියට ගෑණු ඉපදෙන කොට පිරිමි මොළෙන් බාගයක් විතර එක්කලු ඉපදෙන්නේ. ඒ වුනාට ඒක කාළට බහිනවලු සාප්පු ගිහින් බඩු ගන්න ඒවා, ගෙදර උයන පිහින ඒවා ගැන හිතනකොට. ඉතින් ඒ නිසා ගෑණුන්ට කාර් එලවන්න දෙන්න හොඳ නෑලු.

ශීක් සාද් අල් හි ජ්‍රී කියන මේ පිස්සු පූජකයා මේ කතාව කියලා තියෙන්නේ "The evils of women driving" නම් දේශණයකදී. සෞදියේ ඉන්න පිස්සු පූජකයෝ හා පිස්සු පිරිමි ගිහියන් කොටසකට ගෑණු වාහන එලවන්න පටන් ගනී කියලා පුදුම බයක් තියෙන්නේ. මීට ටික කාලෙකට කලින් සෞදියේම තවත් පිස්සු පූජකයෙක් ගෑණු කාර් එලෙව්වාම ගර්භාෂෙට හානිවෙලා ළමයි හම්බෙන්නේ නැතුව යනවා කියලා කතාවක් පැතිරෙව්වා.

එක ගැහැණියෙකුටවත් ආරාධනා නොළැබුණු සෞදියේ Girls Council සමාරම්භක රැස්වීම.

සෞදි අරාබිය, ඉරානය වගේ කාන්තාවන් "හැම අතින්ම ආරක්ෂාකරන්න" දක්ෂ රටවල් වල මේ වගේ ආතල් වැඩ නිතරම වෙනවා. පසුගිය මාර්තුවේදී සෞදි රජයේ නිළ ව්‍යාපෘතියක් විධියට "Girls Council " හෙවත් ගැහැණු දරුවන්ගේ සභාවක් ආරම්භකලා. අරමුණු ගැහැණු දරුවන්ගේ අයිතීන් සුරකීම හා ඔවුන්ගේ ආරක්ෂාවයි. 

සෞදියේ Prince Faisal bin Mishaal bin Saud කුමරුගේ ප්‍රධානත්වයෙන් ඇරඹුනු මේ ගැහැණු දරුවන්ගේ කවුන්සිලයේ සභාපතිනිය වෙන්නේ ෆයිසාල් කුමරුගේ බිරිඳ අභි සල්මාන් කුමරියයි. එත් ඒ සභාපතිනියටත් ආරාධනා නැතුව, එකම ගැහැණියකගේවත් සහභාගීත්වයෙන් තොරව සෞදි ගැහැණු දරුවන්ගේ කවුන්සිලයේ මුල්ම සභාවාරය 2017 මාර්තු 14 වැනිදා උත්සවාකාරයෙන් ඇරඹුනා.

කාන්තාවන්ගේ කවුන්සිල් රැස්වීමේ ගෑණු නැත්තේ ඇයි කියලා ඇහුවම, ආරක්ෂා සහිතව ගෑණුන්ට වෙන කාමරයක ඉඳගෙන ටී.වී එකෙන් සභාවාරය නරඹන්න සියලු පහසුකම් සැළසුවා කියලා කිව්වලු සෞද් කාරයෝ.


__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Friday, 22 September 2017

HACKING : C Cleaner සොෆ්ට්වෙයාර් එක පාවිච්චි කරනවද? බලාගෙන!



සී ක්ලීනර් ලෝකය පුරාම භාවිතා කරන, නොමිලයේ ලබාදෙන මෘදුකාංගයක්. පිරිෆෝර්ම් නැමති බ්‍රිතාන්‍ය සමාගමක් නිර්මාණය කල මේ මෘදුකාංගය හා පිරිෆෝම් සමාගමේ දැන් අයිතිය ඇවර්ස්ට් ඇන්ටි-වෛරස් මෘදුකාංගය නිර්මාණය කරන චෙකොස්ලෝවැකියාවේ ඇවර්ස්ට් සමාගමටයි. පරිගණක හාර්ඩ් ඩිස්කයේ නිරන්තරයෙන් එකතුවන අප-දත්ත (junk data) මකාදමා හාර්ඩ් ඩිස්කය පිරිසිදුකොට එහි ක්‍රියාත්මක වේගය හා නිදහස් ඉඩ (free space) වැඩිකරීම Cක්ලීනර් මෘදුකාංගයේ රාජකාරිය වන අතර එම කටයුත්ත ඉතාම හොඳට සිදුකරන නිසා බොහෝ මෘදුකාංග විශ්ලේෂක සේවා සී-ක්ලීනර් මෘදුකාංගයට ඉතා ඉහල ලකුණු ලබාදෙනවා. මේ නිසාම ලෝකයේ දැවැන්ත සමාගම් වල පරිගණක ඇතුලුව පරිගණක මිලියන ගණනක සී-ක්ලීනර් ස්ථාපනය කොට තිබෙනවා.

කෙසේවෙතත් පසුගිය සතියේ පරිගණක ආරක්ෂණ සේවා සපයන මෝර්ෆිසෙක් හා සිස්කෝ සමාගමේ ටැලෝන් විද්‍යාගාරය, සමහර සී-ක්ලීනර් මෘදුකාංග අමුතු ආකාරයකට හැසිරෙන බව සොයා ගත්තා. මේ හැසිරීම තවදුරටත් විශ්ලේෂණය කල ඔවුන්ට මේ සී-ක්ලීනර් මෘදුකාංග යම් හැකර් කන්ඩායමක් විසින් වෙනස් කොට ඇති බවත්, එම සී-ක්ලීනර් මෘදුකාංවලට සූක්ෂමව ඇතුලත් කොට තිබූ අමතර කේත මාළාවක්, පරිගණකයේ අන්තර්ජාල සබඳතාවය හරහා වෙනත් රටක ඇති සර්වරක් හා සම්බන්ධ වෙමින් එම පරිගණකයේ යම් යම් තොරතුරු සර්වරයට යවන බවත් පෙනී ගියා.

හැකරුන්ට නොදැනෙන්නට මෙම සර්වරය පිරික්සූ පරිගණක ආරක්ෂණ විශේෂඥයින්ට මෙම සර්වරය මගින් එයට සම්බන්ධවන පරිගණක යම් ඉලක්ක සමාගම් ලැයිස්තුවකට අයත් දැයි සොයා බලන බව පෙනී ගියා. දැනට මෙම ඉලක්ක සමාගම අතර Intel, Google, Microsoft, Akamai, Samsung, Sony, VMware, HTC, Linksys, D-Link Cisco සමාගම් තිබෙන බව හෙලිවී තිබෙනවා.

එම ඉලක්ක සමාගම් වල පරිගණක හඳුනාගත් විට එම පරිගණකවල ඇති සී-ක්ලීනර් මෘදුකාංගය හරහා එම පරිගණකවල පාළන සියතට ගත හැකි තවත් හැකර් මෘදුකාංගයක් ස්ථාපනය කිරීමට මෙම සර්වරය ක්‍රියාකොට තිබෙනවා. ඒ අනුව මෙම හැකර් ව්‍යාපෘතිය මෙම අධිතාක්ෂණික සමාගම්වල නව තාක්ෂණය හා බුද්ධිමය දේපොල සොරා ගැනීමට හෝ වෙනත් ආකාරයකින් ලාභයක් ලැබීමේ අරමුණින් ක්‍රියාත්මක වන බවට අනුමාන කරනවා.



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Thursday, 21 September 2017

SUPER COMPUTING : අනාගතය නිවැරදිව කිවහැකි සුපිරි පරිගණකය!!



ලෝකයේ වේගවත්ම සුපිරි පරිගණක දෙකම තියෙන්නේ චීනයේ. මින් එකක් පෙටා ෆ්ලොප් 93ක වේගයෙන් ගණනය කිරීම් කරන අතර අනෙක පෙටාෆ්ලොප් 33ක වේගයෙන් ගණනය කිරීම් කරයි. Petaflop එකක් යනු තත්පරයටකට ගණනය කිරීම් 1,000,000,000,000,000 කි.

ඒ අනුව මේ සුපිරි පරිගණක අධික වේගයකින් ක්‍රියාත්මක වන බව පෙනුනද, විද්‍යාඥයින් විසඳන්නට තැත් කරන සමහර ගැටලු සඳහා අවශ්‍ය පරිගණක බළය මේ සුපිරි පරිගණක වලින් පවා ලබා දෙන්නට අමාරුයි. මේ නිසාම සුපිරි පරිගණක තාක්ෂණයේ සුපිරි ඉදිරි පිම්ම වන පෙටාෆ්ලොප් 1000ක වේගයක් එනම් එක්සාෆ්ලොප් වේගයක් ලඟා කරහැකි සුපිරි පරිගණක නිර්මාණය කෙරෙමින් පවතිනවා.

මේ වනවිට සුපිරි පරිගණක නිර්මාණ තරඟයෙන් චීනයට පැරදී සිටින ඇමරිකාව එක්සාෆ්ලොප් වේගයේ පරිගණක නිර්මාණ වෑයමේ ඉදිරියෙන්ම සිටිනවා. පසුගිය මාසයේදී ඇමරිකාවේ සුපිරි පරිගණක භාවිතයේ ඉදිරියෙන්ම සිටින ඇමරිකානු බළශක්ති දෙපාර්තමේන්තුව එක්සාෆ්ලොප් සුපිරි පරිගණකයක් තැනීම සඳහා ඇමරිකන් සමාගම් 6ක් සමග ගිවිසුම් ගත වුනා. තනි සමාගමකට නිර්මාණය කල නොහැකි තරම් සංකීර්ණ එක්සාෆ්ලොප් පරිගණකය නිර්මාණය සඳහා ඇමරිකාව Advanced Micro Devices, Cray, Hewlett-Packard, IBM, Intel, Nvidia  යන සමාගම් 6 තෝරාගෙන තිබෙනවා.

එක්සාෆ්ලොප් පරිගණක වලින් ගන්නට පුලුවන් ප්‍රයෝජන මොනවාද?

ඇමරිකානු බළශක්ති දෙපාර්තමේන්තුව සිය එක්සාෆ්ලොප් පරිගණක ආධාරයෙන් වඩාත් කාර්යක්ෂම, එනිසා දැනට වඩා වාණිජමය ලෙස සාර්ථක සුළං බළ පද්ධති නිර්මාණයට බලා පොරොත්තු වෙනවා. සුළං බල ව්‍යාපෘතියක කාර්යක්ෂමතාවය වැඩිකර ගැනීමට නම් එය පිහිටුවන ප්‍රදේශයේ සියලු කාළගුණ තත්වයන් යටතේ සුළං හැමීමේ රටාවන් සහිත ගණිතමය ආකෘතියක් (mathematical model) නිර්මාණය කල යුතුවනවා. මේ සඳහා දැනට භාවිතාවන පෙටාෆ්ලොප් සුපිරි පරිගණක ප්‍රමාණවත් නොවන බවයි පැවසෙන්නේ.

එමෙන්ම ජාන ඉන්ජිනේරු විද්‍යාව ආධාරයෙන් නියඟයට හා වැඩිවන ගෝලීය උණුසුමට ඔරොත්තු දෙන ආහාර බෝග නිර්මාණය කරගැනීමට එක්සාෆ්ලොප් සුපිරි පරිගණක වැදගත් වනවාලු. බෝග පැලෑටිවල අභ්‍යන්තර සෛලවල සමාන්තරව සිදුවන දහස්ගණනක් සංකීර්ණ රසායණික ප්‍රතික්‍රියා වල සමස්ත බලපෑම පිලිබඳව ගණිතමය ආකෘති නිර්මාණය කොට ඒ අනුව ඒ ප්‍රතික්‍රියා වෙනස් කිරීමේන් බෝග නියඟයට ඔරොත්තු දෙන ලෙස නිර්මාණය කරගත හැකි බවත් ඒ සඳහා එක්සාෆ්ලොප් සුපිරි පරිගණක අවශ්‍ය බවත් ජෛව ඉන්ජිනේරු විද්‍යාඥයින් පවසනවා.

එමෙන්ම සමාජ ජාලා තුල තත්පරයකට ජනනය වන මිලියන ගණන් කොමෙන්ටු, චැට්, ඡායාරූප ආදියත්, නගර පුරා විහිදී ඇති දසදහස් ගණන් CCTV කැමරාවල වීඩියෝ පටත් එක්වර විශ්ලේෂණය කොට ඒවායේ ඇති සැඟවුනු රටා සොයාගත හැකි නම්, ත්‍රස්තක්‍රියා, මිනීමැරීම්, මංකොල්ල කෑම් ආදී අපරාධ සිදුවීමට කලින් ඒවා සිදුකක්ල හැකි පුද්ගලයින් ඒවාට සූදානම් වන ආකාරය සමාජ ජාල හා CCTV රූප ඇසුරින් වටහාගෙන එම අපරාධ පිලිබඳව අනාවැකි කීමට මෙම එක්සාෆ්ලොප් පරිගණකවලට පුලුවන් වනු ඇති.

එමෙන්ම කාළගුණ දත්ත අනුව සුළිකුණාටු ගමන්ගන්නා මාර්ග නිවැරදිව කලින් අනාවැකි කීම ඒවායින් විය හැකි මූල්‍යමය, දේපොල හා ජීවිත හානි පිලිබඳව නිවැරදි අනාවැකි පැවසීම, රටේ සියලුම ආර්ථික දත්ත එකවර විශ්ලේෂණය කොට රටේ ආර්ථිකයේ අනාගත හැසිරීම පිලිබඳව අනාවැකි පැවසීම ආදී දැනට සිදුකල නොහැකි අණාවැකි නිවැරදිව පැවසීමට මේ එක්සාෆ්ලොප් පරිගණකවලට හැකිවනු ඇති

ඒ අනුව මේ පරිගණකවලට අනාගතය දැකිය හැකි අපූරු හැකියාව ලැබෙනු ඇති.











__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Friday, 15 September 2017

NORTH KOREA CRISIS : ඇමරිකාවට මිසයිලයක් ගහන්න උතුරු කොරියාවට පුලුවන්ද?


ඇමරිකාවට බැලිස්ටික් මිසයිල ගහලා ඇමරිකාව කුඩු කරන බවට කිම් ජොන්ග් කයිවාරු ගහනවා. ඒත් කිම් ජොන්ග් පවා හොඳටම දන්න දෙයක් තමයි ඇමරිකාවට ඒ වගේ විනාසයක් කෙරුවොත් ඒ කිම් ජොන්ග් සිය ජීවිතේ ගන්න අවසානම තීන්දුව හෙවත් මරණ වරෙත්තුව කියලා.

ඇත්තටම කිම්ට ඔය වගේ හපන් කමක් කරන්න පුලුවන් තාක්ෂණයක් තියෙනවද?


අද උදේ පාන්දර ජපානයට ඉහලින් විදපු මිසයිලය, කිම්ට ගුවාම් දූපතට ගහන්න හැකියාව තියෙන බව ඔප්පුකලා!!!!


අද උදේ පාන්දර, ජපානයේ හොකයිඩෝ දූපතේ උතුරුදිග ප්‍රදේශවල ජනයා අවදිවුනේ ගුවන් ප්‍රහාර සයිරන් හඬට. ඒ උතුරු කොරියාව පියොන්ග්යෑන්ග් නුවර ඉඳලා විදපු ICBM මිසයිලයක් හොකයිඩෝ දූපත ඉහලින් පියාසර කරපු නිසා.

විනාඩි 19ක් තුල කිලෝමීටර් 2300ක් පියාසර කරපු මේ මිසයිලය මුහුදට වැටුනා. උතුරු කොරියාවේ ඉඳලා ඇමරිකන් කඳවුරු තියෙන ගුවාම් දූපතට කිලෝමීටර් 2100ක් තියෙනවා. ඒ අනුව කිම් ජොන්ග් අන්ග් ලෝකයටම තහවුරු කලා ඔහුගේ මිසයිලවලට ගුවාම් දූපත පහසු ඉලක්කයක් කියලා.






__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Wednesday, 13 September 2017

I PHONE : iPhone X කරලියට!!!! අලුත්ම අයිෆෝනය දැකබලාගන්න!!


ඇපල් අයිෆෝන් දසවැනි සංවස්තර දුරකතනය ඊයේ ඇමරිකාවේදී එලි දැක්වුනා. නවතම අංග රැසකින් යුතු මෙහි ඡායාරූප කිහිපයක් පමණක් ඉදිරිපත් කරනවා. විස්තර පසුව බලාපොරොත්තු වන්න.








__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Tuesday, 12 September 2017

POLITICS : අදින්නාදානා නෝ ප්‍රොබ්ලම් කරන මොක්පුර නොදුටු දෙව්දත්ලා


ලංකාවේ බුද්ධ ශාසනය විනාස කරන්නේ මුස්ලිම්වරුන් හෝ කතෝලික පල්ලිය හෝ ක්‍රිස්තියානි මිෂනාරීන් නොව දේශපාලනයෙන් අන්ධවූ අමන චීවරධාරීන් විසින් බව යලිත් වරක් තහවුරුවී තිබේ. මේ වතාවේ මේ අමනයානන් වහන්සේලා අදින්නාදානා ගැටලුවක් නොවන බව කියන්නට උත්සහ කරන්නේ සිවුරුත් ඇඳගෙනය.

මිලියන 600ක මහජන මුදල් කිසිදු නිළ අනුමැතිය ලබාගැනීමකින් තොරව, ඉල්ලූ සැනින් නිදහස් කල පැල්පිටත්, ලබාගත් සැනින් සිය අනුග්‍රාහකයාගේ චන්ද ව්‍යාපාරය වෙනුවෙන් යෙදවූ (මැතිවරණ කොමසාරිස් ලිඛිතවම අණතුරු අඟවා තිබියදීත් ඒවා කිසිත් මායිම් නොකර ) රජයේ ජ්‍යේෂ්ඨතම නිළධාරී ජනාධිපති ලේකම් වරයාත් කර ඇත්තේ වරදක් නොවන්නේ ඔවුන් "සිල්" යන විශේෂණ පදය ඇති රෙදි බෙදාදීම නිසාය.

මේ අමනයානන් වහන්සේලාට අනුව "සිල්", "සිවුරු", "පිරිකර" වැනි වචන ඉස්සරහින් යොදාගත් කල ඕනෑම කුණු වහන්තරාවක් පිරිත් පැන් මෙන් පිරිසිදු වන අතර මේ වචන පාවිච්චිකරන ඕනෑම පල් හොරෙක් සුද්දවන්ත, පින්වත් බෞද්ධයෙකු වෙයි. ඒ පව් කාරයන් හිරේ දැමීම බුදුසසුනට ගැරහීමකි.   

මේ වැදි බණවලට අනුව නම්

1] පික් පොකට් කාරයෙක් උපාසක අම්මා කෙනෙකුගේ පිං පඩිය උදුරාගෙන එයින් පිරිකරක් පූජා කලොත් ඌව අල්ලන්නට පොලීසියට බැරිය, හිරේ දාන්නට උසාවියට බැරිය.

2] කුළියට මිනීමරණ එකෙක් ඒ ලේ සල්ලි වලින් රන් ආලේපිත කරඬුවක් හෝ බුදුපිලිමයක් පූජාකලොත් ඌට මැරනතෙක් නිදහසේ මිනී මරමින් ඉන්නට දිය යුතුය. ඌව ඇල්ලීම බුදු සසුනට කරන ද්‍රෝහිකමකි.

3] කුඩු මුදලාලීලාට සියලු පව් වලින් නිදහස් වීමට පන්සලේ බෝධිප්‍රාකාරයේ රන්වැට කියා පිත්තල කණු සිටුවීමෙන් පුලුවන් කම ලැබේ.

කොටින්ම ඕනෑම හොරකමක් කොට සිල් රෙදි ටිකක්, පිරිකර ටිකක් පූජා කිරීමෙන් සියලු අදින්නාදානා නිෂ්ක්‍රියවේ.

අපරාදෙ, අර ඇලෝසියස් කාරයා බැඳුම්කර සල්ලි වලින් පත්තර ගන්න වෙලේ පොඩි පන්සලක් දෙකක් පේන්ට් කරලා, රීකන්ඩිෂන් කරලා සඟ සතුකරලා එහෙමයි හාන්දුන්නේ කියලා කිව්වනම් සඟ සසුනම උගේ පැත්තේනේ.... මෝඩයා....

දැන් ඉතින් මල්වතු අස්ගිරි උතුමාන් දෙපලට මළ පැනලා ප්‍රෙස් කොන්ෆරස් එකක් තියලා කියයි... " ඉතිහාසයේ කවරදාක්වත් නැති තරමට සංඝයා වහන්සේලාට අපහාස උපහාස කරනවා ..." කියලා. ඉතිහාසයේ කවරදාක්වත් සංඝරත්නය මේ වගේ අමනවැඩ කෙරුවා කියලා අහලා තියෙනවද මල්වතු අස්ගිරි හාමුදුරුවනේ?




       















__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Saturday, 9 September 2017

MILITARY AIRCRAFT : රුසියාවේ MiG 41 ඉන්ටර්සෙප්ටර් යානය



රුසියානු ගුවන් හමුදාවේ ප්‍රධාන ඉන්ටර්සෙප්ටර් යානය ලෙස භාවිතා වන්නේ මිකොයාන් නිර්මාණ බියුරෝව නිෂ්පාදනය කරන මිග් 31 යානයයි. 1970 ගණන්වලදී එලි දැක්වුනු මිග් 31 යානයේ ප්‍රධාන කාර්යය වන්නේ රුසියානු ගුවන්සීමා ඉක්මවන සතුරු යානා වලට රටතුලට පැමිණීම වැලැක්වීමයි. ටොන් 40ක් බර විශාල යානයක් වන මෙය පැරණි වුවත් තවමත් ලෝකයේ බලවත්ම මෙන්ම වේගවත්ම යානාවක් ලෙස සැලකෙනවා. පැයට කිලෝමීටර් 2500ක සාමාන්‍ය වේගයකුත්, පැයට කිලෝමීටර් 3500ක උපරිම වේගයකුත් ඇති මිග් 31 යානයට කිලෝමීටර් 20ක් තරම් ඉහල අහසේ පියාසර කල හැකියි.

මේ සුපිරි යානය 2020 වනවිට විශ්‍රාම යැවීමට රුසියානු ගුවන් හමුදාව සූදානම් වන අතර එහි රාජකාරිය භාරගැනීමට නියමිත නවතම යානය මේ වනවිට ලහි ලහියේ සූදානම් වන බවයි රුසියාවෙන් වාර්තාවන්නේ.

මිග් 41 ලෙස නම් කිරීමට තීරණය කොට ඇති මෙය ස්ටෙල්ත් ඉන්ටර්සෙප්ටර් වර්ගයේ යානාවක් වනවා. නවතම පස්වැනි පරම්පරාවේ යානාවලටත් වඩා ඉදිරියෙන් ඇති මෙය 6වැනි පරම්පරාවේ යානයක් ලෙසද හැඳින්විය හැකි බවයි යානාවේ හැකියාවන් ගැන තොරතුරු දන්නා රුසියානු විශේෂඥයින් පවසන්නේ.

පැයට කිලෝමීටර් 4000ක පමණක සුපිරි වේගයකුත්, කිලෝමීටර් 50ක් ඉහල අහසේ, එනම් අභ්‍යවකාශය අද්දර වෙතම පියාසර කරන්නට හැකිවීමත්, රේඩාර්වලට නොපෙනෙන ස්ටෙල්ත් ගතිගුණත් මෙම යානය සතුවනු ඇතැයි බලාපොරොත්තු වනවා.


__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________
Related Posts Plugin for WordPress, Blogger...