Related Posts Plugin for WordPress, Blogger...

Friday, 27 December 2013

2014 වසරේ එලිදැක්වීමට නියමිත විද්‍යාප්‍රබන්ධ හා ත්‍රාසජනක චිත්‍රපට...

RoboCop        [February 2014]






























මෙය 1987 වසරේ තිරගතවුනු රොබෝකොප් චිත්‍රපටයේ 21 වැනි ශතවර්ශය සඳහා වන යාවත්කාලීන නිමැවුම (updated edition) ලෙස හැඳින්වේ. වර්ශ 2028දී අමෙරිකාවේ ඔම්නි-කෝප් සමාගම අතිදැවැන්ත බහුජාතික සමාගමක් ලෙස වැජඹෙයි. රොබෝ තාක්ශණයේ හිනිපෙත්තේ සිටින ඔවුන් අමෙරිකාවේ ඩෙට්‍රොයිට් නගරයේ දරුණු අපරාධ මැඩලීමේ නියතව සිටියදී දැඩිලෙස තුවාල ලැබූ ඇලෙක්ස් මර්ෆී නම් දක්ශ පොලිස් නිළධාරියෙකුහට තුවාල ලබා විනාශවූ සිරුර වෙනුවට රොබෝ සිරුරක් ලබාදේ. මේ අනුව ඇලෙක්ස් මර්ෆි මිනිස්-රොබෝ මුහුවක් හෙවත් හයිබ්‍රිඩ් රොබෝවෙකු බවට පත්වී නැවත සිය පොලිස් රාජකාරි අරඹයි..





Captain America: The Winter Soldier      [April 2014]


































201දී තිරගතවූ Captain America: The First Avenger චිත්‍රපටයේ දෙවන කොටස ලෙස එලිදැක්වෙන මෙම චිත්‍රපටය 2011දී තිරගතවූ  චිත්‍රපටයේ දෙවන කොටස ලෙස එලිදැක්වෙන මෙම චිත්‍රපටයේදී ඔහු ඇවෙන්ජර්ස් චිත්‍රපටයේ රුසියානු කේ.ජී.බී ඔත්තු සේවා ඒජන්තවරියක් ලෙස අප හමුවට ආ නටාශා රොමනොෆ් සමග අභිරහස් සිද්ධිමාලාවක සුළමුල සොයා යයි.






X-Men: Days of Future Past   [May 2014]






X Men කථාමාලාවේ අලුත්ම කථාංගය වන මෙය කාල-හූය (timelines) දෙකක් අතර දිවෙයි. එකක් 1960 ගණන්වල X මෙන් කථාමාලාව ඇරඹූ සමයේ වන සිදුවීම් හා බැඳී පවතින අතර අනෙක වර්තමානය හා නුදුරු අනාගතය තුල සිදුවෙයි. Mystique's Brotherhood ලෙසින් හඳුන්වාගන්නා රුදුරු මියුටන්ට්වරුන්ගේ ක්‍රියාකලාපය නිසා බොහෝ රටවල්වලින් මියුටන්ට් වරුන් පලවාහැර ඔවුන් විනාශකිරීමේ මෙහෙයුම් දියත්වෙන බව, අනාගතයේ එවැනි timeline එකක සිට අණතුරු ඇඟවීමක් ලැබේ. තවමත් එවැන්නක් සිදුවී නැතත් අතීතයේ සමාන්තර එකක සිදුවිය හැකි Mystique's Brotherhood මියුටන්ට්වරුන් සිදුකරණ ප්‍රචන්ඩ ක්‍රියා නිසා එවැනි අනාගතයක් බිහිවිය හැකිබව පණිවුඩයේ කියවේ. මෙවැනි අනාගතයක නීතිය හා සාමය රැකිම "Sentinel" රොබෝ හමුදාවකට පැවරෙන අතර ඔවුන් සියලු මියුටන්ට්වරුන් සතුරන් ලෙස සලකා රුදුරුලෙස මර්ධනය කිරීම සඳහා නිර්මාණය කොට ඇත.

2014 මැයි එලිදැක්වීමට නියමිතය





---/---

Jupiter Ascending        [July 2014]



ජුපිටර් ජෝන්ස් රුසියාවෙන් අමෙරිකාවට ඇතුලුවූ නීතිවිරෝධී සංක්‍රමණිකයෙකි. ඉතා දුගී ජීවිතයක් ගතකරන ඇය රැකියාව ලෙස කරන්නේ වැසිකිලි පිරිසිදු කිරීමයි. හදිසියේම ඇය සොයා කේන් නම් අමුත්තෙකු පැමිණේ. ජාන ඉන්ජිනේරු තාක්ශණයෙන් නිර්මාණය කල පුද්ගලයෙකු වන ඔහු සුපිරි සෙබලෙකි. ජුපිටර් කෙරෙහි සෙනෙහසක් උපදවාගන්නා ඔහු ඇය සොයා පැමිණි කාරණය ඇයට පවසයි.

ඔහු පැමිණියේ ඇයව මරාදැමීමට බවත්, ඔහුව එවන ලද්දේ මානවරූපි බුද්ධිමත් ජීවීන් ගෙන් පිරුණු, විශ්වය පුරා පැතිරුනු අති දියුණු ශිෂ්ඨාචාරයක රැජිණිය විසින් බවත් ඔහු හෙලිකරයි. ජුපිටර්ගේ ජාන සංයුතිය හා ඇය උපන් අවස්ථාවේ පිහිටි ග්‍රහචාරය අනුව ඇය අනාගතයේ විශ්වයේම රැජින වීමට හැකියාව ඇති බව දැනගත් රැජිණ, ඇය මරාදැමීමට ඔහුව එවන ලද බවන් කේන් හෙලිකරයි.

ජුපිටර්ගේ අනාගතය මුක්තිය ගැන දැනගන්නා රැජිණ ඇය කෙරෙහි උපන් ඊශ්‍යයාවෙන් ඇය කෙසේ හෝ විනාශ කිරීමට උත්සහගනු ඇතැයි කේන් ඇයට අණතුරු අඟවයි.

සුපිරි දෘශ්‍ය ප්‍රයෝගවලින් සපිරි මෙම චිත්‍රපටය 2014 ජූලි මස දොරට වැඩීමට නියමිතය








Edge of Tomorrow     [June 2014]


































නුදුරු අනාගතයේ සිදුවන පිටසක්වල ප්‍රහාරයකින් චිත්‍රපටය ආරම්භවේ. "මිමික්" ලෙස හඳුන්වන මෙම පිටසක්වලයින් බඹරුන් මෙන් රොදබඳිමින් ලොව පුරා සියලු මිනිස් හමුදා සමග නිර්දය ලෙස සටන්වදී. සුපිරි තාක්ශණයත්, නිර්දය, කෲර සටන්විලාශයත් නිසා කිසිදු මිනිස් හමුදාවකට ඔවුන්හා සටනින් ජය නොලැබේ. පෘථිවියේ සෑම දියුණු නගරයක්ම සුන්බුන් බවට හැරෙද්දී කිසිදා සටන්බිමක අත්දැකීම් නැති නවක සෙබලෙකු වන බිල් කේජ් ඔහුගේ අණදෙන නිළධාරියා විසින් මෙහෙයුමකට යවයි. සටනට බට ඔහු මිනිත්තු කිහිපයකින් මියගියත් ඔහු මියයන්නේ පිටසක්වලයින්ගේ අණදෙන නිළධාරියෙකුද මරාගෙනය.

මීලඟ රූපරාමුවේ මියගිය බිල් කේජ් නින්දකින් මෙන් ඇහැරෙන් ආකාරය පෙන්වන අතර ඔහුගේ අණදෙන නිළධාරියා ඔහුව යලිත් සටනට යවයි. සටනට බට ඔහු යලිත් මිය යන නමුත්, මෙවර ඔහු වැඩිකාළයක් සටන්වැදීමට සමත්වෙයි. නැවතත් නින්දකින් මෙන් ඇහැරෙන බිල් සටනට යයි. බිල් කේජි මියයන මුල්ම අවස්ථාවේ ඔහු පිටසක්වලයෙකු සමග පොරබදා මරාගෙන මැරෙන බැවින් පිටසක්වලයා සමග ශාරීරික ගැටුමක් (physical contact with an alien) සිදුවීමේ හේතුවෙන් යම් ආකාරයක කාල චක්‍රයකට (time loop) හසුවී ඔහුගේ අවසන් සටන යලියලිත් සිදුවේ... මියගොස් යලි කාලචක්‍රය අලුත්වී යන සෑම අවස්ථාවකම ඔහුට පෙරට වඩා වැඩිකාළයක් සටන්වැදීමේ හැකියාව ලැබේ. මේ අතර ඔහුගේ සහයට  රීටා ව්‍රටාස්කි නම් අති දක්ශ කොමාන්ඩෝ සෙබළියක් එක්වේ. ඇය ඔහුව පිටසක්වලයන් හා සටනට පුහුණු කරවයි...





Dawn of the Planet of the Apes    [July 2014]


































මෙම චිත්‍රපටය 2011 වසරේ තිරගතවූ "Rise of the Planet of the Apes" චිත්‍රපටයේ දෙවන කොටස ලෙස නිර්මාණය කොට තිබෙනවා. "Rise of the Planet of the Apes"චිත්‍රපටයේ අවසන් රූපරාමු කිහිපය ඔබට මතකයට නගාගත හැකිනම්; සුපිරි බුද්ධියක් ලබාගන්නා "සීසර්" චිම්පන්සියා සිය සටන් සගයින් සමග කැළයට යන ආකාරයත් උස ගසක මුදුනේ සිට ඈතින් පෙනෙන නගරය දෙස බලා සිටින ආකාරයත් ඔබට මතක් වනු ඇති. මේ චිත්‍රපටය ආරම්භවන්නේ මේ රූපරාමු පෙලට පසු ඊලඟට එන රූපරාමු කිහිපය පාදක කොට ගෙනයි.

චිත්‍රපයටයේ කථානායක ආචාර්ය විලියම් රොඩ්මන්ගේ අසල්වැසියෙකු වන ඩග්ලස් හන්සිකර් පැරීසිය බලා පියාසර කිරීම සඳහා සැන් ෆ්‍රැන්සිස්කෝ ගුවන්තොටුපොලට පිවිසෙන ආකාරයත්, එහිදී ඔහු "සිමියන් වෛරස්" හෙවත් මාරන්තික වානර වෛරසය ආසාදනය වී නාසයෙන් ලේගලමින් සිටින ආකාරයත් පෙන්වයි. පැරීසිය බලා යාමට ගුවන්ගත වන ඔහු ගුවන් මගීන් සියල්ලටම රෝගය බෝ කරන අතර පැරිස් අන්තර්ජාතික ගුවන්තොටුපොල හරහා ගුවන් මගීන් සමග මේ මාරාන්තික වෛරසය ලොව පුරා විහිදී ගොස් බිලියන ගණනක් ජනතාව මිය යයි.

ඉතිරිවන කුඩා ජන කණ්ඩාමයක් හා සීවර්ගේ බුද්ධිමත් වානර හමුදාව සමග පෘථිවියේ ආධිපත්‍යය උදෙසා මිනිසුන් හා බුද්ධිමත් වානරයින් අතර වන අරගලය මේ චිත්‍රපටයෙන් විදහා දැක්වේ.








Wednesday, 25 December 2013

පෘථිවියට ජීවය පැමිණියේ අඟහරුලොවින්ද? (අපි සියල්ලෝම අඟහරුවන් වෙත්ද?)

භූ-රසායන විද්‍යාව (Geochemistry) පිලිබඳව මහාචාර්යවරයෙකු වන ෆ්ලොරිඩා විශ්වවිද්‍යලයේ ආචාර්ය ස්ටීවන් බෙනර් පවසන අන්දමට පෘථිවිය මත අද පවතින ජීවිය මෙහි ආරම්භවූවක් නොව, වසර බිලියන ගණනක් අතීතයේදී අඟහරු ග්‍රහයා මත ඇතිවී අහඹු ලෙස පෘථිවියට පැමිණ මෙහි වැඩී ඇතිබවට සැළකිය හැකි සාධක විශාල වශයෙන් හමුවෙමින් පවතී. ඉතාලියේ ෆ්ලොරන්ස් නුවර පැවැත්වුනු භූ-රසායන විද්‍යාව පිලිබඳ ජාත්‍යන්තර සම්මන්ත්‍රණයකදී ආචාර්ය බෙනර් මේ කල්පිතය ඉදිරිපත් කලේය.

ජීවයේ පදනම වන හා ප්‍රෝටීන වැනි සංකීර්ණ අණු ස්වභාවයෙන් නිර්මාණය වූයේ කෙසේදැයි යන්න පිලිබඳව විද්‍යාඥයින් අතර තවමත් නිශ්චිත එකඟතාවයක් නැතත්; කාබන්, නයිට්‍රජන්, හයිඩ්‍රජන්, ඔක්සිජන් හා පොස්ෆරස් යන මූද්‍රව්‍ය එක්ව RNA, DNA හෝ ප්‍රෝටීන වැනි අතිශය සංකීර්ණ අණු ස්වභාවයෙන් ජනනයවීම සඳහා උත්ප්‍රේරක ලෙස ක්‍රියාකල වෙනත් මූළද්‍රව්‍ය රැසක් තිබෙන බව ජීව-රසායන විද්‍යාඥයින් හා භූ-රසායන විද්‍යාඥයින් පිලිගන්නවා. මොලිබ්ඩිනම් හා බෝරෝන් මින් වඩාත් වැදගත් බව සොයාගෙන තිබෙනවා.

මූලද්‍රව්‍යයක් වූ මොලිබ්ඩිනම් (Molybdenum) අධික ලෙස ඔක්සිකරණය වීමෙන් ඇතිවන ඇතිවන රසායණික සංයෝගයක් කාබන්, නයිට්‍රජන්, හයිඩ්‍රජන්, ඔක්සිජන් හා පොස්ෆරස් ස්ව-ප්‍රතිජනන හැකියාව ඇති (self-replicating molecules) ජීවාණු බවට සංයෝගවීමේදී ඉතා වැදගත් කාර්යයක් ඉටුකල බව විද්‍යාඥයින් විශ්වාස කරනවා.

 අඟහරු ලොවින් පෘථිවියට කඩාවැටුනු උල්කාපාතයක් - මෙය සහරා කාන්තාරයෙන් හමුවිය



































මහාචාර්ය බෙනර් ඇතුලු විද්‍යාඥයින් පවසන ආකාරයට, වසර බිලියන 3කට පෙර පෘථිවිය මත් ස්ව-ප්‍රතිජනන හැකියාව ඇති අණු (එනම් ඒක සෛලික ජීවීන්ටත් වඩා ප්‍රාථමික ජීවය ) ඇතිවූ බවට විශ්වාස කෙරන කාලයේ, මේ ක්‍රියාවලිය සඳහා අවශ්‍ය මොලිබ්ඩිනම් පෘථිවිය මත පැවතියත්, ඒවා අධික ලෙස ඔක්සිකරණය කිරීමට අවශ්‍ය පමණට ඔක්සිජන් පෘථිවිය මත නොතිබුණු බවයි. වසර බිලියන 3කට පෙර පෘථිවි වායුගෝලයේ ඔක්සිජන් ඉතා මදවූ අතර පෘථිවියේ ඔක්සිජන් වැඩිවන්නට පටන්ගත්තේ ප්‍රභාසංශ්ලේෂණය සිදුකල හැකි ක්ලෝරොෆිල් අඩංගු ශාක බිහිවීමත් සමගයි.

වසර බිලියන 3කට පෙර පෘථිවිය ඔක්සිජන්-හීන පරිසරයක් වුවත් ඒ වනවිට අඟහරු ඝණ වායුගෝලයක් සහිත, ඉහල ඔක්සිජන් ප්‍රතිශතයකින් යුතු, මතුපිට ද්‍රව ජලය ගලාගිය, උණුසුම්-තෙත් ග්‍රහලෝකයක් බව අඟහරු ගවේශණය කරමින් සිටින රොබෝ යානා මගින් ලැබෙන දත්ත මගින් සනාථවී තිබෙනවා.

මේ අනුව, වසර බිලියන 3කට පෙර ජීවය ඇතිවීම සඳහා පෘථිවියට වඩා හිතරකර පරිසරයක් අඟහරුවා මත තිබී ඇති අතර විද්‍යාඥයින් පවසන අන්දමට ජීවය මුලින්ම අඟහරු මත ඇතිවී, ඉන්පසු ඒ ජීවානු අඟහරුවා මත ඇතිවූ දැවැන්ත ගිණි කඳු පිපිරීම් හා විශාල උල්කාපාත කඩාවැටීම් නිසා අඟහරුගේ ගුරුව්ත්ව බලයෙන් නිදහස් වී අභ්‍යවකාශයට විසිවී පසුව උල්කාපාත ලෙස පෘථිවියට වැටී පෘථිවිය මත පැළවූ බවයි.

ලිපියේ මුලින් ඇති ඡායාරූපයෙන් පෙනෙන්නේ එලෙස අඟහරුවාගෙන් ඉවතට විසිවී පෘථිවිය මතට උල්කාවක් ලෙස වැටුනු පාශාණයක්. අඟහරුවාගෙන් පෘථිවියට වැටුනු සමහර උල්කාපාත වල ජීවිය පැවති බවට සළකුණු තිබේ යැයි බොහෝ විද්‍යාඥයින් විශ්වාස කරනවා.

Tuesday, 24 December 2013

කඳු මුදුනක පිහිටි සෙම්බුවත්ත විල

ඡායාරූප අනුග්‍රහය : http://lahiruakuratiyage.blogspot.com/

සෙම්බුවත්ත විල පිහිටා තිබෙන්නේ මහනුවර නගරයේ සිට කිලෝමීටර් 35ක් පමණ දුරින් මාතලේ දිස්ත්‍රික්කයේය. ඇල්කඩුව තේ කර්මාන්ත ශාලාව පිහිටි භූමිභාගයේ පිහිටා ඇති මේ විල තියෙන්නෙ ඇල්කඩුව වතුයාය ඇතුලෙ. විල අවට සංචාරකයින් ගැවසෙන ප්‍රදේශය ඉතා ලස්සනට පිලිවෙලට පවත්වාගෙන යන්නේ ඇල්කඩුව වතුයායෙ වර්තමාන අධිකාරිවරයා බව පැවසෙනවා. ඇලුතුල් වීමේ ගාස්තු වශයෙන් එක්කෙනෙක් රුපියල් එකසිය පනහක ටිකට් පතක් ගතයුතු වන අතර ඒ මුදලින් කොටසක් වතුයායෙ වැඩ කරන ශ්‍රමිකයන්ගෙ සුභ සාධනයට බැර වෙන අතර ඉතිරිය ඒ අවට පිරිසිදුව තබාගැනීමට හා ස්ංචාරක පහසුකම් පවත්වාගෙන යාමේ බරපැන වශයෙන් යෙදෙනවා.


View Larger Map

කඳවුරු ජීවිතයට කැමති අයට කඳවුරු ගහන්නත් මෙතන හැකියාව තියෙනවා. එක්කෙනෙක්ට රුපියල් 500 ක් අය කරනවා.ඇල්කඩුව වතුයාය මෙවැනි සුන්දර පරිසරයක් රටට දායාද කිරීම ගැන ඔවුනට ස්තූති පුදකල යුතුයි.

විල කෘතිමව හදපු එකක් වුනත් ස්වභාවික එකක් වගේ. සුන්දර කඳු පන්ති වලින් වටවෙලා ඇල්කඩුව වතුයායේ උසම තැන තියෙන මේ විල හදන්න ඉස්සල මෙතන තිබිල තියෙන්නේ ගොල්ෆ් පිට්ටනියක්.ඒ විතරක් නෙමෙයි මේ විලෙන් වතුර පල්ලෙහාට ගෙනිහිල්ලා ටර්බයින කරකවල අවට මිනිසුන්ට විදුලිය නිෂ්පාදනය කරනවා.

විල වටේට summer huts හදල තියනවා. ඒවා වල රෑට නවතින්න පුලුවන් බව පැවසුනත් රෑට හරිම සීතලක් දැනෙන බව තතු දන්නන් පවසනවා. ඒ විතරක් නෙමේ, විලගාව දිය උල්පත්වලින් රැස්වෙන ජලය එකතුකරගෙන තැනූ පිහිනුම් තටාකයකුත් තිබෙනවා. විලේ පිහිණීම ඉතා අණතුරුදායක බැවින් ජලක්‍රීඩා කැමති සංචාරකයින්ට මෙම පිහිණුම් තටාකයට බැහැලා සිය ආශාව සම්පූර්ණකර ගන්නට පුලුවන්. නිස්කලංකව පවූලේ කට්ටිය සමග ගතකරන්න ඕන නම් සතියේ දවස් වල එන එක හොඳයි. පෝය දවසට වසා ඇති බව මතක තබාගැනීමත් වැදගත්.

සියළු ඡායාරූප අයිතිය :http://lahiruakuratiyage.blogspot.com/ සතුය










DARPA Robotics Challenge අවසාන-පූර්ව වටයේ ජයග්‍රහණය ගූගල් සමාගමේ Schaft රොබෝවා දිනාගනී!!!

දින දෙකක් පුරා අමෙරිකාවේ ෆ්ලොරිඩා ප්‍රාන්තයේ පැවැත්වුනු ඩාර්පා රොබොටික්ස් චැලෙන්ජ් රොබෝ තරඟාවලියේ ජයග්‍රහණය ගූගල් සමාගම විසින් මෑතකදී මිළදීගත් ජපාන නවෝත්පාදන සමාගමක් නිර්මාණය කල "ශාෆ්ට්" නම් මානව රූපී රොබෝවා විසින් දිනාගන්නා ලද බව ෆ්ලොරිඩාවෙන් ළැබෙන ආරංචිමාර්ග පවසයි.

ශාෆ්ට් රොබෝවා ඩාර්පා අභි‍යෝග්‍යතා රොබෝ තරඟාවලියේ සම්පූර්ණ කලයුතු කාර්යයන් 8ම ඉතා හොඳින් සම්පූර්ණ කොට ඉහලම ලකුණු ලබාගෙන තිබේ.
අඩි 4කුත් අඟල් 11ක් උසැති ශාෆ්ට් රොබෝවා අනෙකුත් කණ්ඩායම් අභිබවා ලකුණු 27 රැස් කරගත් බව පැවසේ.  ලබාගත හැකි උපරිම ලකුණු සංඛ්‍යාව එක් කර්තව්‍යයකට ලකුණු 4ක් බැගින් ලකුණු 32ක් විය.

ශාෆ්ට් නිර්මාණය කල ජපන් ඉන්ජිනේරු කණ්ඩායම කලක් ටෝකියෝ විශ්වවිද්‍යාලයට අනුබද්ධ පර්යේෂණාගාරයක සේවය කල අතර මෑතකදී එම විද්‍යාගාරයේ කටයුතු පෞද්ගලික අංශයට භාරදීමෙන් පසු ගූගල් සමාගම විසින් අත්පත් කරගන්නා ලදී.

මේ අනුව ශාෆ්ට් රොබෝවා හා ඔහු නිර්මාණය කල ඉන්ජිනේරු කණ්ඩායමට ලබන වසරේ පැවැත්වෙන අවසාන මහා තරඟයට සුදුසුකම් ලැබූ අතර රොබෝවා තවදුරටත් වැඩිදියුණු කිරීම සඳහා මූල්‍යමය දායකත්වය ඩාර්පා ආයතනයෙන් පර්යේෂණ සඳහා වන මූල්‍ය ප්‍රධානයක් (research grant) ලෙස ලැබෙනු ඇත. ශාෆ්ට අමතරව වැඩිම ළකුණු ලැබූ කණ්ඩායම් 7ක් අවසාන මහා තරඟයට සුදුසුකම් ලබා ඇති අතර ඔවුනටද ඩාර්පා මූල්‍ය ප්‍රධානයන් හිමිවෙනු ඇත.

සබැඳි ලිපි : රොබෝ සෙබළුන්, රොබෝ සහන සේවකයින් හා රොබෝ සහයකයින් ශිල්ප දක්වන DARPA Robotics Challenge

 

Monday, 23 December 2013

රොබෝ සෙබළුන්, රොබෝ සහන සේවකයින් හා රොබෝ සහයකයින් ශිල්ප දක්වන DARPA Robotics Challenge

අමෙරිකානු ආරක්ශක දෙපාර්ථමේන්තුවේ හෙවත් පෙන්ටගනයේ පර්යේෂණ හා සංවර්ධන ඒජන්සිය වන DARPA  ආයතනය අනාගතයේ යුධ බිම්වල, ස්වභාවික හෝ ස්වභාවික නොවන ආපදා අවස්ථාවලදී (උදා: සුනාමියක්, න්‍යශ්ඨික බලාගාරයකට එල්ලවන ත්‍රස්තවාදී ප්‍රහාරයක්) මිනිස් සෙබලුන් හා සහන සේවකයින් සමග හරි-හරියට වැඩකල හැකි රොබෝවරුන් නිර්මාණයේ යෙදී සිටින්නේ සෑහෙන කාලයක සිට. මුලින් මෙම තාක්ශණයන් බිහිකිරීම පැවරී තිබුනේ පෙන්ටගනය සමග සමීපව කටයුතු කරන විශ්වවිද්‍යාල පර්යේෂණාගාර හා එහි කොන්ත්‍රාත් ලබාගන්නා අධිතාක්ශණික සමාගම් වලයටයි.

එහෙත් මෑතක  සිට අමෙරිකානු හමුදාවන් හට තාක්ශණය නිර්මාණය කිරීමේදී මිලිටරිමය නොවන සිවිල් පර්යේෂණායතන, විද්‍යාගාර හා විශිෂ්ඨ නවෝත්පාදන හැකියාවන් ඇති සිවිල් පර්යේෂකයින් හා ඉන්ජිනේරුවන්ගේ හැකියාව යොදාගැනීමේ බලවත් උත්සහයක් පවතිනවා. එසේ කිරීමට හේතුව දැවැන්ත අධිතාක්ශණික සමාගම් මගින් සිදුකරන මිල අධික, සංකීර්ණ තාක්ෂණයන්වලට (උදා: අධික බරපැනක් සහිත, තවමත් 100% සාර්ථක ලෙස මෙහෙයුම්වල යෙදිය නොහැකි F-35 ස්ටෙල්ත් යානාව) වඩා  ප්‍රායෝගික, අඩුමිල තාක්ෂණික නිර්මාණ සිවිල් පුරවැසියන් හා ආයතන මගින් නිර්මාණය වීමේ ඉහල ප්‍රවනතාවයයි. පෙන්ටගනයට හෝ අමෙරිකානු හමුදාවන්හට සම්බන්ධයක් නොමැති සිවිල් පුරවැසියන් හා ආයතන සතු මෙම හැකියාවන් ප්‍රයෝජනයට ගෙන ඔවුන් ලවා අනාගතයට වැදගත් වන ප්‍රායෝගික තාක්ශණයන් නිර්මාණය කරගැනීමේ එක් අවස්ථාවකි මේ "රොබොටික්ස් චැලෙන්ජ්" නම් තරඟය.

නාසා අභ්‍යවකාශ ඒජන්සියේ ජොන්සන් අභ්‍යවකාශ මධ්‍යස්ථානයෙන් ඉදිරිපත් කෙරුනු "වොල්කරී" ලෙස නම් තැබුණු රොබෝ තරඟකරුවා 
මෙම තරඟය සඳහා ඉදිරිපත් වන රොබෝවන් Humanoid හෙවත් මිනිස් රුව ඇති, මිනිසුන් මෙන් ක්‍රියාත්මකවන රොබෝවන් විය යුතුය. මෙම තරඟයේදී රොබෝ තරඟකරුවන් විසින් සම්පූර්ණ කළයුතු ක්‍රියාකාරකම් 8ක් ඩාර්පා ආයතනය විසින් විස්තරකර තිබෙන්නේ මෙලෙසයි.

1. Drive a utility vehicle at the site. (වාහනයක් පැදවීමේ හැකියාව තිබිය යුතුයි )
2. Travel dismounted across rubble. (වාහනයෙන් බැස, සුන්බුන් හා කඩාවැටුනු ගස්, ගොඩනැගිලි කොටස් විසිරී ගිය ප්‍රදේශයක් හරහා අණතුරකට පත්නොවී ගමන්කිරීම )
3. Remove debris blocking an entryway. (සුන්බුන් ඉවත්කොට දොරටුවක් පාදාගැනීම )
4. Open a door and enter a building. (දොරක් විවරකොට ගොඩනැගිල්ලක් තුලට ඇතුලුවීම )
5. Climb an industrial ladder and traverse an industrial walkway. (ඉණිමගක් නැගීම හා කර්මාණ්තශාලා/බළාගාර වැනි ස්ථානවල සේවකයින්ට ගමන්කිරීමට ඇති පටු කොරිඩෝ වැනි මංපෙතක ගමන්කිරීම )
6. Use a tool to break through a concrete panel. (ආයුධයක් භාවිතා කොට කොන්ක්‍රීට් තට්ටුවක් කඩා ඉවත් කිරීම )
7. Locate and close a valve near a leaking pipe. (පිපිරී ජලය ගලායන බටයක කරාමය ඇති ස්ථානය හඳුනාගෙන එය වැසීම )
8. Connect a fire hose to a standpipe and turn on a valve. (ගිනි නිවන භටයන් හට ජලය ලබාගත හැකි විශාල පයිප්පයකට ජලබටයක් සවිකොට කරාමය කරකවා ජලය ලබාගැනීම )

රොබෝ තරඟකරුවන් හට ලබාදී ඇති මෙම කර්තව්‍යයන් හරහා මිනිසුන් සමග සාමූහිකව ක්‍රියාත්මක විය හැකි, අවශ්‍ය විටක තනිවම තීරණ ගෙන ඒවා ක්‍රියාත්මක කල හැකි, ශක්තිමත් මෙන්ම සුනම්‍ය හැකියාවන් මැන බැලීම අරමුණු කෙරෙන බව පෙන්ටගනය පවසනවා. මෙම හැකියාවන් මූලිකව වශයෙන් කොටස් 6කට බෙදා ඇති අතර එක් එක් කර්තව්‍යයේදී තරඟකරුවා මෙම හැකියාවන් සාර්ථකව ප්‍රදර්ශණය කරන්නේදැයි මැනබලමින් ලකුණු ලබාදෙනවා. මෙම හැකියාවන් (capabilities) 6 නම්;

1. Perception - සංජානනය (තම පරිසරය නිරීක්ශණය කොට, එහි වස්තූන් හා සිදුවුවන ක්‍රියාකාරකම් හඳුනාගැනීමේ හා ඒවා එකිනෙක හා ගැලපෙන ආකාරය තේරුම්ගැනීමේ හැකියාව - මෙය රොබෝවෙකුට ලබාදීමට ඉතාම අපහසු හැකියාවයි )

2. Mounted Mobility - වාහනයකට නැග එය පදවාගෙන යාමේ හැකියාව - මේ සඳහා සංජානන හැකියාව හා සුනම්‍ය ක්‍රියාකාරකම් වල යෙදිය හැකි සිරුරකින් සමන්විතවීම අත්‍යාවශ්‍යවේ

3. Dexterity - සියුම් ක්‍රියාකාරකම් සිදුකිරීමේ හැකියාව. මේ සඳහා සුනම්‍ය (flexible) ලෙස මෙහෙයවිය හැකි අංගෝපාංග රොබෝවරයා සතුවිය යුතුය

4. Decision making - තම පරිසරය තුල තිබෙන තත්වය සංජානනය කරගැනීම තුලින් ලැබෙන අවබෝධය, තමාට කිරීමට ඇති කාර්යය හා ගලපා කලයුත්තේ කුමක්දැයි සාර්ථකව තීන්දු කිරීම

5. Dismounted mobility - වාහනයෙන් බැස පාගමනින් වලගොඩැලි, සුන්බුන් විසිරුණු ප්‍රදේශයක් හරහා තම ඉලක්කය වෙත ගමන්කිරීමේ හැකියාව

6. Strength - සුන්බුන් ඉවත් කිරීම, කොන්ක්‍රීට් කැඩීම වැනි කාර්යයන් සඳහා අවශ්‍ය ශක්තිය ඇති බව ප්‍රදර්ශණය කිරීම.


දෙසැම්බර් 21-23 දක්වා අමෙරිකාවේ ෆ්ලොරිඩා ප්‍රාන්තයේ මෙම අභියෝගතා තරඟයේ අවසන් පූර්ව තරඟයන් පැවැත් වෙන අතර මෙම තරඟ සඳහා දැනට කණ්ඩායම් 17 ඉදිරිපත් වී තිබෙනවා. මෙම කණ්ඩායම් අතරින් ඉහලම ලකුණු ලබාගන්නා රොබෝ තරඟකරුවන් 8දෙනෙකු තෝරාගන්නා අතර ඒවා ඉදිරිපත් කල කණ්ඩායම් වලට 2014 වසරේ අග භාගයේ පැවැත්වෙන අවසාන මහා තරඟයට සහභාගී වීමේ වරම් ලැබෙනවා. එපමණක් නොව, එම රොබෝවන්ගේ හැකියාවන් වඩාත් දියුණු කිරීම සඳහා අවශ්‍ය මූල්‍ය සහය (funding) මෙම කණ්ඩායම් 8ටම පෙන්ටගනයේ අනුග්‍රහයෙන් ලැබෙනු ඇති.

 DARPA Robotics Challenge Trials Live Broadcast!!

 

එතෙක් මෙතෙක් ලෝකයේ ජනප‍්‍රියතම වාහනය – TOYOTA COROLLA

1966 වසරේ එලිදැක්වුනු 1වැනි පරම්පරාවේ ටොයෝටා කොරොල්ලා රථය. TOYOTA TECNNO MUSEUM - Nagoya, Japan  | Image Credit : Wikimedia
කලින් කලට ලෝකයේ බොහෝ නිෂ්පාදන සිදුකරන අතරතුර ජපානය ගැන අභිමානයෙන් වැඩකළ කෙනෙක් ‘සකිචි ටොයොඩෝ’. හැම මොහොතකම ඔහු විශ්වාස කළේ ජපනුන්ගේ දෑත් වලින් නිෂ්පාදනයක් නිර්මාණය විය යුතුයි යන්නයි. ඒ නිසාම ඔහු වචනය වගේම ක්‍රියාවත් ඔප්පු කරමින් සම්පූර්ණයෙන්ම ස්වයංක්‍රීයව ක්‍රියාත්මක වන රෙදි වියන යන්ත්‍රයක් නිර්මාණය කරනවා.

ඔහු කළ ඒ නිර්මාණය ටොයොටා කර්මාන්තයේ හැරවුම් ලක්ෂ්‍යය වුණා. ඒ නිසයි තවදුරටත් නිෂ්පාදන කාර්යයේ ‍යෙදෙන සකිචි ටොයොඩා තම ආදරණීය පුතණුවන් ‘කිචිරෝ ටොයොඩාට’ මෝටර් රථ නිෂ්පාදනයට අවශ්‍ය දැනුම ලබා දෙන්න උනන්දු වෙන්නේ. ඒ කිචිරෝ තුළින් අනාගතයේ මහා කර්මාන්තකරුවකු දැකපු නිසා.

තාත්තාගේ බලාපොරොත්තුව සනාථ කරමින් ලබා ගත් දැනුමත් එක්ක විවිධ අත්හදා බැලීම් කරන කිචිරෝ 1930 දී මෝටර් රථයකට අවශ්‍ය තාක්ෂණය සොයා ගන්නවා. අවුරුදු දෙකක උත්සහයත් එක්ක විසිදෙනෙකුගේ පමණ මහන්සියෙන් ඔවුන් කරන පළමු නිෂ්පාදනය වූයේ A1 කාණ්ඩ මෝටර් රථයයි. ‍ෙම්ත් සමඟ 1933 දී ‘ටොයොඩා’ මෝටර් රථ සමාගම ඔහු ආරම්භ කරනවා. ආරම්භයේදීම ‘ටොයොඩා’ පවුලේ නමින් සිය නිෂ්පාදන කළ අතරම 1936 සැප්තැම්බර් මස අලුත් නමක් සොයන්න ඔවුන් උත්සාහ කළා. පොදු ජනයාගේම හිතසුව පිණිස සිදුකරන නිෂ්පාදනයක් නිසාම කිචිරෝ පව‍ුලේ උදවියත් එක්ක අපූරු යෝජනාවකට එළැඹුණා. අලුත් නමක් ලෝගෝවක් වෙනුවෙන් මහජනයා අතර තරගයක් ආරම්භ කළා. විසිහත්දහසක නිර්මාණ අතරින් ඔවුන් සොයාගත් නාමය වුණේ ‘ටොයො‍ටා’ යි. ජපන් ක්‍රමයේ ටොයොටා යන්න අක්ෂර අටකින් හැදින්වූවා. අංක අට වාසනාව ගෙනෙන අංකයක් ලෙස ජපනුන් අතර ඇති විශ්වාසය නිසාම ටොයොටා මෝටර් රථ සමාගම ලෙස 1937 දී ලියාපදිංචි වෙන්න ගන්නවා.

E20 from 1970, 2nd Generation Corolla | Image Credit : Wikimedia
E80 from 1983, 5th Generation Corolla | Image Credit : Wikimedia
ටොයොටා කොරොල්ලා මුලින්ම ජපානය හඳුන්වා දෙන්නේ 1966 දී. කොරොල්ලා යන වදනෙහි තේරුම මලින් තැනූ ඔටුන්නක් වැනි හිස් පලදනාවක් යන්නයි. 1966 ඔක්තෝම්බර් මස එලිදැක්වුනු මුල්ම ටොයෝටා කොරොල්ලා රථය 110CC ධාරිතාවයකින් යුතු එන්ජිමකින් සමන්විතවුනා. මෙය E10 ලෙස ටොයෝටා සමාගම නම්තබා තිබුණා. 1974 වනවිට ටොයෝටා කොරොල්ලා මාදිලිය ලොව වැඩියෙන්ම අලෙවිවන වාහනය බවට පත්වෙනවා. ලෝකයේ රටවල් අතර ඉතාම හොඳින් අලෙවි වන වාහනය ලෙස ටොයොටා කොරොල්ලා අදටත් ලෝකයේ අංක එකේ රැඳී ඉන්නවා. 2013 ජූලි මාසය වනවිට පරම්පරා එකොළහක් පසු කරමින් මිලියන හතළිහකට අධික ටොයොටා කොරොල්ලා මෝටර් රථ පමණක් ලොව පුරා බෙදී ගොස් අවසන්.  2014 වසරේදී එලිදක්වන්නට නියමිත ටොයෝටා කොරොල්ලා රථය කොරොල්ලා පවුලේ 11වැනි පරම්පරාවේ (11 generation Toyota) රථය වන අතර එය E160 ලෙස නම්තබා තිබෙනවා.

E160, 2014 Toyota Corolla (USA Edition) | Image Credit : Wikimedia
1995 දී ලංකාවට එක ටොයොටා කොරොල්ලා මෝටර් ථයක වටිනාකම වුණේ රුපියල් ලක්ෂ 13 ක්. එහෙත් අද නවීන පන්නයේ වෙළෙඳ පොළට එන ටොයොටා කොරොල්ලා නවතම කාණ්ඩයේ මෝටර් රථයක් රුපියල් ලක්ෂ 80ටත් වැඩි මිලකට අලෙවි වෙනවා‍.

දිනෙන් දින එකතුවන නවතම තාක්ෂණයත් සමඟ වෙළෙඳ පොළ මෙන් ම ජනතා ආකර්ෂණය දිනාගත් කිචිරෝ ටොයොඩාගේ ටොයොටා මෝටර් රථ අද ලෝකයේ අංක එකේ නාමය බවට පත්ව අවසන්. 1894 ජුනි 11 ජපානයේ උපත ලද කිචිරෝ තම ආදරණීය පියාගේ සිහිනය සැබෑ කරමින් මෝටර් රථ නිෂ්පාදනයේ දැවැන්ත පෙරැළියක් කරමින් 1952 මාර්තු මස 27 දා සදහටම ජීවිතයෙන් සමුගෙන යන්නේ මෝටර් රථ නිෂ්පාදනයේ යුගයක් නිර්මාණය කළ යුග පුරුෂයකු විදිහටයි.

- වසන්ත ජයසිංහ ආරච්චිගේ / Silumina



Thursday, 12 December 2013

දෙසැම්බරයේ හික්කඩුවේ කරණම්ගහන තල්මසුන් බලන්න යන්න...


නිල් තල්මසා... මේ තමයි ලෝකයේ ඉන්න ලොකුම ක්‍ෂීරපායි සතා. ක්‍ෂීරපායි සතුන් අතර විතරක් නොවෙයි අනෙක් සෑම සතුන් අතරත් ලොකුම සතා නිල් තල්මසා කිව්වොත් ඒක හරි. ඉතින් මේ නිල් තල්මසුන්ව දෑසින්ම දැක ගන්න පුළුවන් නම් ඒක කොච්චර ලොකු වාසනාවක්ද?

ඒ අවස්ථාව අපට පසුගියදා උදාවුණා. ඒ දකුණු මුහුදු තීරයේදී. මීට පෙරත් මම එක් වතාවක් නිල් තල්මසුන් බලන්න ගිහින් තියෙනවා. ඒ ගාලු වරායෙන් පිටත්වන නාවික හමුදාවට අයත් නෞකාවෙන්. ඒ නෞකාව සකසලා තියෙන්නේ තල්මසුන් බලන්න යන චාරිකා සඳහාමයි. හැබැයි අපි මේ පාර තල්මසුන් බලන්න මුහුදු ගියේ නැවකින් නම් නොවෙයි. බෝට්ටුවකින්. හික්කඩුවේ ඩායා ට්‍රාන්ස් හෝටලයේ නැවතිලා හිටපු අපිත් එක්ක තල්මසුන් බලන්න යන්න, එහි පරිසරවේදී සම්පතුත් එකතු වුණා.

හික්කඩුවෙන් ගමන් ඇරැඹූ අපි මිරිස්ස දක්වා අපේ වෑන් එකෙන් ගියා. මිරිස්සෙදී තමයි අපි බෝට්ටුවට ගොඩවුණේ. රළ ගහන මහ මුහුදේ බෝට්ටුවකින් තල්මසුන් බලන්න යන එක අවදානම්ද කියලත් වෙලාවකට හිතුණා. මොකද තල්මසෙක්වත් ඇවිත් බෝට්ටුවේ වැදුණොත් අපි කාටවත් පීනන්නවත් බැහැ. ඒත් ජීවිතාරක්ෂක කබා පැලැඳ සිටි නිසා කිසිම අවදානමක් නැහැ. අනිත් එක, අපිව ගැඹුරු මුහුදට එක්කන් යන බෝට්ටුවේ කප්පිත්තා බොහොම පළපුරුදු කෙනෙක්.


ඔන්න දැන් අපි මුහුදු රැලි අතරින් හිමින් හිමින් අෑත දියඹට යාත්‍රා කරනවා. උදයෙම පිටත් වුණු නිසා තවම හිරු රශ්මිය දැඩි වෙලා නැහැ. මුහුදු සුළඟ ඇඟේ දැවටෙන්නේ දිවගට ලුණු රසයක් එකතු කරමින්.
අන්න... අන්න... වතුර මලක් තිස්ස කෑ ගැහුවා. ඇත්තටම ඒ වතුර මලක් නෙවෙයි. තල්මසුන් ඉන්න බවට හොඳ සලකුණක්. උන් හුස්ම ගනිද්දී ඔය විදියට වතුර මලක් වගේ උඩට විසි කරනවා. ඒ කියන්නේ වතුර මල පේන හරියේ නිල් තල්මසා ඉන්නවා. ඒ වගේ වතුර මල් දෙක තුනක්ම දැන් අපට වරින් වර අප අවට තැනින් තැන දකින්න ලැබෙනවා. ඒ කියන්නේ තල්මස් පවුලක්ම ඉන්නවද දන්නේ නැහැ.

අන්න.. පැන්නා.... අන්න පැන්නා...හසිතගේ කෑ ගැසීමත් එක්ක හැමෝම ඒ පැත්ත බැලුවා. මහ මුහුදේ දැවැන්තයා අපව පිළිගන්නද මන්දා මහා සාගරය මැද හොඳ පිම්මක් පැන්නා මම හැරෙනකොට ඔළුව යට ගිහින්. කඳ හරිය විතරයි දැක්කේ. ඊට පස්සේ වලිගය මුහුදෙන් උඩට මතු වෙලා තත්පර 15ක් විතර තිබුණා. නිල් තල්මසා දන්නවද දන්නේ නැහැ එයාගේ පින්තූර 'මව්බිමේ පළ වෙනවා කියලා. එහෙම දන්නවා නම් මීට වඩා ලොකු පිමි දෙක තුනක් පැනලා පෙන්නයි.

අර ඕෂන් ගර්ල් කතාවේ දැරියට වගේ තල්මසුන් එක්ක කතා කරන්න අපටත් පුළුවන්කම තිබ්බා නම් අපටත් තිබ්බා තල්මසාගෙන් විස්තර ටිකක් දැන ගන්න. කොහොම වුණත් දියඹට ආපු ගමන්ම නිල් තල්මසකු දැක ගන්න ලැබීම අපේ ලොකු වාසනාවක් කියලයි අපිත් එක්ක ගිය සම්පත් කිව්වේ.

හැබැයි මම නම් දන්නවා අපි කොහොමත් වාසනාවන්තයි කියලා. අපි කිව්වේ තිස්සයි මමයි. මොකද මාස තුන හතරකට කලින් යාල ගිහින් කොටි බලන්න යද්දී සෆාරි ජීප් එකේදී නින්ද ගිය මටයි තිස්සටයි හරියටම කොටියා ආපු වෙලාවේදී ඇහැරුණේ වාසනාව නිසා නොවෙයිද? කොටි බලන්න ආපු සුද්දියොත් තිස්සවයි මාවයි පෙන්න පෙන්නා හිනා වෙවී ගියා කියලා කිව්වේ හසිත. ඒ අය හිතන්න ඇති අපි පිටරටවල ඉඳන් යාල එනවා කොටි බලන්න ඒත් මේ ලංකාවේ ගොබිලෝ දෙන්නා කොටි බලන්නේ නැතිව නිදි කියලා. ඉතින් එදා ඒ විදියට කොටි බලන්න අපි දෙන්නා වාසනාවන්ත වුණා වගේ දියඹට ආපු ගමන් නිල් තල්මසුන් බලන්න වාසනාව ලැබණේ තිස්සගෙයි මගෙයි වාසනා ශක්තිය නිසා කියලයි අවසානයේදී හැමෝම තීන්දු කළේ.

ඡායාරූප : අශාන් ගමගේ
සම්පත් ගුණසිංහ

උපුටා ගැනීම : http://www.mawbima.lk/31-44096-news-detail.html

පෘථිවියෙන් 40%ක එකවර ඔත්තු බැලිය හැකි චන්ද්‍රිකාවක්


අවශ්‍ය  ඕනෑම අවස්ථාවකදී ලෝකයේ සමස්ත භූමි ප‍්‍රමාණයෙන් 40%ක් නිරීක්ෂණය කළ හැකි අති නවීන ඔත්තු බැලීමේ චන්ද්‍රිකාවක් සැලසුම් කිරීමට ඇමරිකානු ආරක්ෂක දෙපාර්තමේන්තුව සමත්ව ඇතැයි වාර්තා වේ.
ඇමරිකානු හමුදාවන්ට නව තාක්ෂණය එක් කරන ආරක්ෂක උසස් පර්යේෂණ ව්‍යාපෘති ඒජන්සිය හෙවත් ඩර්පා ආයතනය විසින් මෙම චන්ද්‍රිකාව නිර්මාණය කර ඇති අතර එය සජීවී උපයෝජනය සඳහා පටල ප‍්‍රකාශ නිරූපකය හෙවත් මොයර් [Membrane Optical Imager for Real-Time Exploitation (MOIRE)] ලෙස හැඳින්වේ.

මොයර් චන්ද්‍රිකාව සතුව අෂ්ටාස‍්‍ර හැඩැති දර්පණ 18ක් ඇති අතර එය විහිදීමෙන් විෂ්කම්භය මීටර් 20.7ක් වන දැවැන්ත ඇසක් නිර්මාණය වේ.

මෙම ඇස මගින් සජීවී අති පැහැදිලි ඡයාරූප සහ වීඩියෝ ලබාගත හැකිවන අතර පෘථිවියෙන් කිලෝමීටර 35000ක් ඉහළින් රැඳවූ විට මෙය පෘථිවියෙන් 40%ක භූමි භාගයක සිදුවන  ඕනෑම දෙයක් ඒ මොහොතේදීම නිරීක්ෂණය කිරීමට අවකාශ සලසනු ඇත.

පෘථිවියේ  ඕනෑම ස්ථානයක සජීවී තතු විකාශය කිරීමේ හැකියාව මේ වන විට වෙනත් කිසිදු තාක්ෂණයක් සතුව නොපවතින බව ඩර්පා ආයතනය පවසා තිබේ.  මොයර් චන්ද්‍රිකාව එහි ගොඩනැගීමේ දෙවන පියවරේ පසුවන බව පැවසේ. දැනටමත් විද්‍යාගාරයක මෙම පටල දර්පණ නිර්මාණය කොට සාර්ථකව  එම තාක්ශණය අභ්‍යවකාශ යානයක අඩංගු කරලීම සඳහා අවශ්‍ය තාක්ශණයද තහවුරු කරගෙන ඇත.

මෙවැනි දැවැන්ත චන්ද්‍රිකාවක් අභ්‍යවකාශගත කිරීම කළ නොහැක්කක් ලෙස සැලකෙන නමුදු මොයර්හි අෂ්ටාස‍්‍ර දර්පණ ප්ලාස්ටික් පටලයකින් නිර්මාණය කර තිබීම මගින් එය සැහැල්ලූ කරගැනීමට සමත්ව තිබේ.  එය වීදුරු මෙන් නොව හැකිළිය හැකි වන නිසා අභ්‍යවකාශගත කිරීමේදී කුඩා ඉඩකඩක් පමණක් වැය වනු ඇත. 

මෙවැනි පටල දර්පණ නිර්මාණය කිරීමෙන් ඇති ප්‍රධාන වාසිය නම් වීදුරු දර්පණවලට වඩා ඉතා අඩු බරකින් යුතුවීමයි. චන්ද්‍රිකාවක් හෝ අභ්‍යවකාශ යානයක් ගුවන්ගත කිරීමේදී එහි බර ඉතා වැදගත් නිර්ණායකයක් වන අතර බර වැඩිවන විට එම යානා අභ්‍යවකාශගත කිරීම සඳහා අතිවිශාල රොකට්ටු අවශ්‍යවන අතර වියදම ඩොලර් බිලියන ගණනකින් ඉහල යයි.

මොයර් චන්ද්‍රිකාවේ ආලෝකය නාභිගත කරන දර්පණය දැනට අභ්‍යවකාශ ගතකොට ඇති විශාල අභ්‍යවකාශ ටෙලස්කෝපයන් () හි දර්පණ සමග සැසඳීමේදී...
සාමාන්‍යයෙන් පටල දර්පණවල ශක්‍යතාවය 30% වන නමුත් මෙම මොයර් ව්‍යාපෘතිට්ය මගින් නිර්මාණය කරන ලද පටල දර්පණයේ ශක්‍යතාවය 55% දක්වා ඉහල දමාගැනීමට හැකිවීම නිසා එම පටල දර්පණ තාක්ශණය ප්‍රායෝගිකව භාවිතා කිරීමේ හැකියාව දැන් අමෙරිකානු ඔත්තු බැලීමේ චන්ද්‍රිකා නිර්මාණකරුවන් හට හැකිවී ඇත. ඒ අනුව ලොව වෙනත් කිසිදු රටකට නොමැති තරමේ අතිවිශාල දර්පණ සහිත අධි-සංවේදී ඔත්තු බැලීමේ චන්ද්‍රිකා නිර්මාණය කිරීමේ හැකියාව නුදුරු අනාගතේදීම අමෙරිකාවට ලැබෙන ඇත.

එකවර පෘථිවි පෘශ්ඨයෙන් 40% ප්‍රමාණයක් නිරීක්ශණය කිරීම හෝ වර්ග කිලෝමීටර් 100ක ප්‍රදේශයක අධිවිබේධන ඡායාරූප ලබාදීමේ හැකියාවද මෙම චන්ද්‍රිකාව සතුවනු ඇත. එමෙන්ම සජීවී වීඩියෝ දර්ශණ ලබාදීමේ හැකියාවට මෙය සතුය.


Related Posts Plugin for WordPress, Blogger...