Related Posts Plugin for WordPress, Blogger...

Saturday, 29 October 2016

1946දී අභ්‍යවකාශයේ සිට ලබාගත් ප්‍රථම ඡායාරූපය



අපි හැමෝම දන්න දෙයක් තමයි, ලෝකෙ පලමුවන කෘත්‍රිම චන්ද්‍රිකාව ගුවන්ගත වුනේ 1957 ඔක්තෝම්බර් 4වැනිදා කියන එක. සෝවියට් දේශයෙන් යවනු ලැබූ මෙම කුඩා ගෝලාකාර වස්තුව අභ්‍යවකාශයට යැවුනු පලමුවන මිනිස් දෑතින් කල නිමැවුම ලෙස  පිලිගැනෙනවා. රේඩියෝ සංඥාවක් නිකුත්කරමින් ලොව වටා ගමන්කල මෙම චන්ද්‍රිකාවට කැමරා සවිකොට තිබුණේ නෑ.

ඒත් ස්පුට්නික් ගුවන්ගත වෙන්න අවුරුදු දහයකටත් ඉස්සෙල්ලා අභ්‍යවකාශයට කැමරාවක් සවිකල රොකට්ටුවක් යවලා අභ්‍යවකාශයේ සිට පෘථිවිය පෙනෙන ආකාරය දැක්වෙන ප්‍රථම ඓතිහාසික ඡායාරූපය ලබාගන්න ඇමරිකාවේ වයිට් සෑන්ඩ්ස් රොකට් පර්යේෂණ මධ්‍යස්ථානයේ විද්‍යාඥයින් සමත්වෙලා තියෙනවා.

1946 ඔක්තෝම්බර් 24වැනිදා නිව් මැක්සිකෝ ප්‍රාන්තයේ වයිට් සෑන්ස් රොකට් අංගනයෙන් ගුවන්ගත කෙරුණු නට්සි ජර්මනියෙන් අල්ලාගෙන පර්යේෂණ සඳහා අමෙරිකාවට ගෙනවිත් තිබුණු V-2 රොකට් එකක සවිකරපු කැමරාවකින් තමයි මේ ඡායාරූපය අරගෙන තියෙන්නේ.


මේ නට්සි V-2 රොකට්ටුව සැතපුම් 65 ඉහල අහසට නැගිලා තියෙන අතර එහි සවිකර තිබූ මිලිමීටර් 35 චිත්‍රපට කැමරාවකින් මෙම සේයාරූ අරගෙන තියෙනවා. සාමාන්‍යයෙන් පිලිගැනෙන අන්දමට අභ්‍යවකාශය පටන්ගන්නේ පොලොවට කිලෝමීටර් 100ක්, නැතිනම් සැතපුම් 62ක් ඉහලින් . මේ අනුව සැතපුම් 65 ඉහල නැගි බවට තහවුරු වුනු මෙම රොකට්ටුව අභ්‍යවකාශයට ඇතුලුවෙලා තමයි මෙම ඡායාරූප රැගෙන තියෙන්නේ. ඒ අනුව නිළවශයෙන්ම මේ ඡායාරූප, අභ්‍යවකාශයේ සිට ගන්නා ලද පලමු ඡායාරූප ලෙස පිලිගැනෙනවා.

1946 ආරම්භ වුනු මෙම V-2 රොකට්ටු ආධාරයෙන් අභ්‍යවකාශ ඡායාරූප හා වෙනත් විද්‍යාත්මක දත්ත රැස් කිරීමේ ව්‍යාපෘතිය 1950 වෙනකම් ක්‍රියාත්මක වුන අතර ඡායාරූප අතිවිශාල ප්‍රමාණයක් අරගෙන තියෙනවා. සමහර V-2 රොකට්ටු සැතපුම් 100ක් එනම් කිලෝමීටර් 160 ඉහල අහසට නැගුනු බව වාර්තා වනවා.



__________________________________________________________________________


Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

හයිඩ්‍රජන් බලයෙන් දිවෙන හමුදා ජීප් රිය



ජෙනරල් මෝටර්ස් සමාගම මගින් නිර්මාණය කරන ලද Chevrolet Colorado ZH2 ලෙස හඳුන්වන මෙය ගමන් කරන්නන්ට අතරමගදී එල්ලවන ප්‍රහාරවලින් ආරක්ශාවීම සඳහා සන්නාහ (amour plating)  වලින් සමන්විත කොට ඇත. අඟල් 37 විශ්කම්භය ඇති ටයර හා ඝණවනාන්තර හා කාන්තාරවලට ඔරොත්තුදෙන සස්පෙන්ෂන් පද්ධතිය නිසා ඕනෑම පරිසරයක ගමන් කිරීමේ හැකියාව ඇත.

මෙහි ඇති හයිඩ්‍රජන් ඉන්ධන පද්ධතිය (hydrogen fuel cell) සඳහා ෆොසිල ඉන්ධන යොදාගත හැකි අතර ෆොසිල ඉන්ධන දහනයේදී සිදුවන පරිසරදූෂණය හා ශබ්දයෙන් තොරව නිහඬව ක්‍රියාත්මක වීමට හැකියාව ඇත. යුධ මෙහෙයුම් වලදී මෙම ජීප් රියට ඉතා නිහඬව ක්‍රියාත්මක වීම නිසා සතුරු බළමුලු අසලටම ගෙන යාහැකි අතර හයිඩ්‍රජන් ඉන්ධන පද්ධතිය මගින් තාපය නිපදවන්නේ නැති නිසා මෙය අධෝරක්ත සංවේදකවලට හඳුනාගැනීමද අපහසුය.


එපමණක් නොව මෙහි බලය නිපදවීම සඳහා හයිඩ්‍රජන් හා ඔක්සිජන් දහනය කිරීමෙන් අතුරුපලයක් ලෙස පැයකට ජලය ගැලුම් 2ක් පමණ නිපදවන අතර මෙම ජලය කාන්තාර මෙහෙයුම් වලදී සෙබලුන්ට පානය සඳහා භාවිතාකල හැකි ලෙස එකතුකර ගත හැකිය.

එමෙන්ම හමුදා කඳවුරක ගාල් කොට තිබියදී මෙම ජීප් රථයේ හයිඩ්‍රජන් බල පද්ධතිය ක්‍රියාත්මක කොට මෙය ඉතා නිහඬව ක්‍රියාත්මක වන විදුලි ජනක යන්ත්‍රයක් ලෙසද භාවිතාකල හැකි අතර රථයෙන් විදුලි බලය පිටතට ලබාගැනීම සඳහා පහසුකම් ලබාදී ඇත.


























ජීප් රථයේ එන්ජිම ලෙස ක්‍රියාකරන හයිඩ්‍රජන ෆියුල් සෙල් බලපද්ධතිය

__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

ඇමරිකන් හමුදාවේ රොබෝ ට්‍රක්


ඇමරිකන් හමුදාව විශාල ලෙස රොබෝ තාක්ෂණයට යොමු වන්නට එක් හේතුවක් වන්නේ මරණ අඩුකර ගැනීමයි. විදෙස් මෙහෙයුමවල යෙදෙන තරුණ අමෙරිකානු සෙබලුන්ගේ මළ සිරුරු රටට පැමිණීම එරට දේශපාලකයින් ජනතාවගේ දැඩි අප්‍රසාදයට බඳුන්වනවා.

අනුන්ගේ යුද්ධ වලට යවා තම දරුවන් මරාදමන බවට එල්ලවන චෝදනාවලින් ගැලවීමටත්, මිනිස් සෙබලුන් සඳහා වන පිරිවැය එන්න එන්නම ඉහල යාමත් නිසා විවිධාකාරවූ රෝබෝ තාක්ශණයන් දියුණු කිරීමට අමෙරිකාව පෙළබිලා තියෙනවා.

මෙම රොබෝ තාක්ශණයන් අතරින් වැඩිම ආයෝජනයක් සිදුකරලා තියෙන්නේ රොබෝ ට්‍රක් රථ නිර්මාණය කිරීමටයි. ඇෆ්ඝනිස්තානය ඉරාකය වැනි සතුරන් ගහන රටවල හමුදාකඳවුරු පවත්වාගෙන යාම සඳහා ඉන්ධන,ආහාර හා පතරොම් ගෙන ඒම සඳහා විශාල ට්‍රක් රථ තවලම් (convoys) යොදා ගන්නා අතර මේවා සතුරන්ගේ පහසු ඉලක්ක වනවා. පාර දෙපස ඇටවූ මර උගුල්, බිම් බෝම්බ මෙන්ම ප්‍රහාර සඳහා ඉතා පහසු ඉලක්ක වන මෙම රථ තවලමකට පහරදීමෙන් ඒවා පදවන හා ආරක්ශාව සපයන පිරිස මරාදැමීමට හැකිවනවා.

ප්‍රවාහන තවලම් වලට එල්ලවූ ප්‍රහාරවලින් වැඩිම විනාශයක් අමෙරිකානු හමුදාවලට සිදුවුනේ ඉරාකයේදී. මෙම ප්‍රහාරවලින් සිදුවුනු අමෙරිකානු ජීවිත හානි කොතරම්ද යත් 2004දී අමෙරිකානු යුධ තාක්ශණ නිර්මාණ ආයතනය වන ඩාර්පා ආයතනය, විශාල දුරක් තනිවම ධාවනය කල හැකි රෝබෝ ට්‍රක් රථයක් නිර්මාණය කිරීම සඳහා තරඟයක් සංවිධානය කොට ඩොලර් මිලියනයක තෑග්ගක් ඉදිරිපත් කලා.


දැනට අමෙරිකා වේ ගූගල්, ටෙස්ලා ආදී සමාගම් පරීක්ෂණවලට බඳුන්කරන රියදුරන් රහිත වාහන තාක්ශණයට අඩිතාලම වැටුනේ මෙම ඩාර්පා ආයතනයේ අභියෝගය නිසා කියලා විචාරයකයින් පවසනවා.

මාර්ග සළකුණු ඇති, න්යමාකාරයට සකසන ලද මහාමාර්ගවල ධාවයන දැන් රොබෝ රියදුරන්ට එතරම් අමාරු නැතත් යුධ බිම්වල, කාන්තාරවල, බොරළු පාරවල්වල, වලගොඩැලි, මඩ ගොහොරු මැදින් වාහනයක් නිරුපද්‍රිතව ගෙනයන්ට තරම් මෙම රොබෝ තාක්ශණය තවම දියුණු වෙලා නෑ.

මේ නිසා දැන් ඩාර්පා ආයතනයත්, පෙන්ටගනයත් නියමු වාහනයක් (lead vehicle) පසුපස යා හැකි රොබෝ ට්‍රක් රථ තාක්ශණය පරික්ශා කරමින් සිටිනවා. ඉදිරියෙන් යන වාහනය මිනිසෙකු ධාවනය කරන අතර ඊට පිටුපසින් තවත් රොබෝ රියදුරන් ධාවනය කරන වාහන 7ක තවලම් මේ දිනවල පරීක්ශණයට බඳුන් කරන බවයි ඇමරිකාවෙන් වාර්තා වන්නේ.

එවිට මිනිස් රියදුරා නිවැරදිව වාහනය ධාවනය කරද්දී රොබෝ අනුගාමිකයින් සිය ට්‍රක් රථ එය අනුගමනය කරමින් පසුපසින් යනවා. ඒ අනුව සිදුවිය හැකි ජීවිත හානි 1/7කින් අඩුකරගැනීමට ඇමරිකන් හමුදාව බලාපොරොත්තු වන අතර තාක්ශණය දියුණු වහාම 100% රොබෝවරුන් ධාවනය කරන ඇමරිකන් වාහන තවලම් විදෙස් යුධ බිම්වල දකින්නට ලැබෙන ඇති.

__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Wednesday, 26 October 2016

මහා බ්‍රිතාන්‍යයෙන් 2/3ක් එකවර වනසා දැමිය හැකි ව්ලැඩිමීර් පුටින්ගේ අලුත්ම Satan 2 න්‍යෂ්ඨික මිසයිලය



රුසියාව  RS-28 සර්මට් ලෙසත්, නේටෝව සාතන් 2 (NATO Designation: Satan 2) ලෙසත් නම් තබා ඇති අලුත්ම අන්තර් මහද්වීපික න්‍යෂ්ඨික බැලිස්ටික් මිසයිලය, සියලු පරීක්ෂණ අවසන්කොට දැන් රුසියානු බළඇණියට සක්‍රිය සේවය සඳහා අනුයුක්ත කරමින් පවතින බව රුසියාවෙන් වාර්තා වනවා. වසර 30 පැරණි SS-18 (නේටෝ කේතය - සාතන්1) න්‍යෂ්ඨික මිසයිල වෙනුවට අනුයුක්ත කෙරෙමින් පවතින RS-28 සාතන් 2 මිසයිලය, රුසියාව විසින් එතෙක් මෙතෙක් නිශ්පාදනය කරන ලද බලසම්පන්නම හා විශාලම මිසයිලය ලෙස විචාරකයින් හඳුන්වනවා.

තත්පරයකට කිලෝමීටර් 7ක සුපිරි වේගයකින් (24,500 km/h) පියාසර කල හැකි සාතන් 2 මිසයිලයට කිලෝමීටර් 10,000ක් උපරිම දුරක් පියාසර කල හැකියි. ඒ අනුව රුසියානු ෆෙඩරේෂනයේ ඕනෑම ස්ථානයක සිට ඉතා පහසුවෙන් ලන්ඩනය, පැරීසිය, බර්ලිනය වැනි විශාල යුරෝපීය නගර පමණක් නොව, අමෙරිකාවේ බටහිර වෙරළතීරයේ ලොස් ඇන්ජලීස්, සැන් ෆ්‍රැන්සිස්කෝ වැනි දැවැන්ත නගරවලටත්, බටහිර වෙරලේ නිව්යෝර්ක්, වොෂිංටන් DC, බොස්ටන් වැනි නගරවලටත් ප්‍රහාර එල්ල කිරීමට පුලුවන්.

Makeyev Rocket Design Bureau නැමති රුසියානු රොකට් හා මිසයිල නිර්මාණ ඒජන්සිය නිර්මාණය කල මෙම මිසයිලය ටොන් 100කට වඩා බරින් යුතුයි. යුධ විශේෂඥයින් පවසන අන්දමට, නූතන මිසයිල නාෂක පද්ධති මගහැරීම සඳහා සුවිශේෂ පියාසර උපක්‍රම උපයෝගී කරගන්නා මෙම මිසයිලය බිම හෙලීමට ඉතා අපහසුයි.

මෙගා ටොන් 50ක අතිවිශාල පිපුරුම් බලයක් ඇති න්‍යශ්ඨික බෝම්බයක් හෝ, වෙන වෙනම ඉලක්ක 15කට එල්ල කල හැකි, කුඩා ප්‍රමණයේ න්‍යෂ්ඨික බෝම්බ 15ක් ගෙනයා හැකි මෙම බැලිස්ටික් මිසයිලය රුසියානු උපක්‍රමීය රොකට් බලකාය (Strategic Rocket Forces) මගින් මෙහෙයවනු ඇති.



__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Monday, 24 October 2016

ලාංකික පෙම්වතුන්ගේ විෂකුරු පෙම් සබඳතා වලට හේතු හා පෙමට තිත තැබිය යුතු සොහොන් ලකුණු හඳුනාගැනීම | Reasons for Toxic Love Affairs of Sri Lankan romantic couples & When to Break Up an Affair


ලාංකික පෙම්වතුන්ගේ විෂකුරු පෙම් සබඳතා වලට හේතු

ඉහත පෙනෙන ආකාරයේ පුවත් පත් වාර්තා ලංකාවෙ එමටයි. මේ ඊයේ පෙරේදාත් ලාබාළ පෙම්වතිය පාසැල් නිළ ඇඳුමින් හමුවෙන්නට එන්න බෑ කිව් නිසා තරුණයෙකු සියදිවි නසා ගත්තා. මේ ලිපිය ලියන්නට නිමිත්ත වුනේ මේ වගේ පුවත් වාර්තා.

මේ විධියට පෙම් සබඳතා නිසා දිවිනසා ගැනීම, ඝාතනය කිරීම්, මරාගෙන මැරීම් වෙනත් රටවලත් තිබුණත්, ලංකාවේ බොහොම වැඩියි කියලයි මම හිතන්නේ. මේකට එක හේතුවක් වන්නේ කුඩා කාලේ ඉඳන්ම ගෑණු ළමයින් හා පිරිමි ළමයින් වෙන්කොට තිබීමේ අවාසනාවන්ත තීරණය.

පලමුවෙනි ශ්‍රේණියේ ඉඳන් උසස් පෙල වෙනකම් වෙන්ව හැදෙන නිසා පිරිමි ලමයින්ට ගෑණු ලමයි ගැනත්, ගෑණු ලමයින්ට පිරිමි ලමයින් ගැනත් තේරුම් ගැනීමේ හැකියාවත් නෑ. 

අනෙක් අතට මෙහෙම වෙන්ව හැදෙන නිසා විරුද්ධ ලිංගිකයින් ගැන දැඩි කුතුහලයක් වගේම සැබෑව වෙනුවට මිත්‍යා විශ්වාසත් වැපිරෙනවා. ගෑණු ළමයෙක් හරි තරුණ කාන්තාවක් හරි දුටුවහම ලංකාවේ තරුණ පිරිමි අමුතු විධියට හැසිරෙන්නේ, උස් හඬින් කතාකරමින්, අනුවන විහිළු (මෝඩ ජෝක්) දමමින් කැපීපෙනෙන්නට හදන්නේත් කාන්තාවන් / තරුණියන් නුහුරු නිසා මෙන්ම ඔවුන් සමග යම් ආකාරයක යාළු කමක්, සබඳතාවයක් ගොඩ නගාගන්න  හෝ අඩුම තරමින් ඇයගේ අවධානය දිනාගැනීමට, සිනහවකින් සංග්‍රහ ලැබීමට වගේ ආශාව නිසයි.

ගෑණු ළමයි, පිරිමි ළමයි වෙන්කොට තැබිම සදාචාරාත්මකව හොඳයි යන අදහස නිසා මේ වෙන් කිරීම සිදුවන්නට ඇති අතර තවමත් මේ හනමිටි අදහස හිස්මුදුනින්ම ක්‍රියාත්මක වෙනවා. මේ නිසා ගැහැණු ළමයි හා පිරිමි ළමයි අතර විශාල ලිංගික පීඩනයක් ගොඩනැගෙන අතර එකිනෙකා කෙරෙහි අනවබෝධය හා අසංවේදී භාවය වර්ධනය වනවා. 

මේ විධියට අස්වාභාවිකව, බලෙන් වෙන්කරලා තියෙන ගෑණු ළමයි හා පිරිමි ළමයි පාසැලෙන් පිටතදී, එනම් අමතර පංතිවලදී, බස් එකේ/කෝච්චියේදී, උසස් අධ්‍යාපන ආයතන හා විශ්වවිද්‍යාලවලදී එකට එකතු වුනහම ගින්දරයි පුලුනුයි එකට තිබ්බා වගේ විනාශකාරී දේවල්  වෙනවා.

ජීවිත හානි එතරම් නැතිවුනත්, තර්ජනය කිරීම, ලිංගික පීඩා කිරීම්, පැහරගෙන යාමට තැත් කිරීම් නැතහොත් ඒ බවට තර්ජනය කිරීම්, සමාජ ජාලා හා වෙනත් ඉලෙක්ට්‍රොනික මාර්ග භාවිතයෙන් සිදුකරන චරිත ඝාතන, විවාහ හා විවාහ යෝජනා කඩාකප්පල් කිරීම් වගේම ඉච්ඡාභංගත්වයට පත්වී උසස් අධ්‍යාපනය (සමහරවිට සාමාන්‍ය පෙල හෝ උසස් පෙල පවා) කඩා කප්පල් කරගැනීම් වගේ බොහෝ නරක හා හානිකරදේවල් සමාජය තුල සිදුවෙනවා. මේ වගේ දේවල්වලින් අවසන් වන පෙම් සබඳතා විෂකුරු පෙම් සබඳතා (toxic love affairs) කියලා හඳුන්වන එකේ වැරැද්දක් නෑ කියලා හිතනවා.

මේ හානිකර හැසිරීම් බොහොමයකට හේතු; 

1]  හෙවිල්ලක් බැලිල්ලක් නැතුව තමුන් ගැන උනන්දුවක් දක්වන පලමුවැනි විරුද්ධ ලිංගිකයා සමගම පෙම් සබඳතා ඇතිකරගැනීම. සමහර වෙලාවට මිස් කෝල් එකකින්, එස්.එම්.එස්, ෆේස් බුක් මැසේජ් වලින් හඳුනාගත් සල්ලාලයින් හා හාදවි වැඩ වරද්දාගත් ලාබාල යුවතියන් සිටිනවා.

කුඩාකල සිටම විරුද්ධ ලිංගිකයින් ගෙන් වෙන්කොට තැබීම නිසා ඇතිවන අනවබෝධය හා විශාල ලිංගික පීඩනය නිසා තමන් ගැන උනන්දුවක් දක්වන පලමුවන ගෑණු ළමයා හෝ පිරිමි ළමයා සමග යාලුවෙන සම්භාවිතාවය ඉතා වැඩියි. 

සමහර වෙලාවට විශාල වයස් පරතරයන් ඇති අය, විවාහකයින්, විවිධ අපචාරවලට පුරුදුවූවන් හා පමණට වඩා මත්පැන්, දුම්වැටි ප්‍රසිද්ධියේ භාවිතා කරන්නන් සමග වුනත් මෙම සබඳතා ඇති කරගන්නේ මේ පීඩනය හා අනවබෝධය නිසා ඇතිවන ළාමක බව නිසායි.

2] පෙම් සබඳතා බිඳ වැටුනවිට, ජීවිතය ඉදිරියට ගෙනයාමට මානසික සමබරතාවය නොමැතිවීම 

පෙම බිඳවැටීම පෙම්වතිය/පෙමවතා අතහැර යාම, වෙන අයෙකු සමග කුළුපගවීම, විවාහවීමට යාම යනාදී කරුණු ජීවිතය එපා වීමට, අනෙකා ගේ ජීවිතය නැති කිරීමට, ගැටුම් වලට යාම, මත්පැනට, මත් ද්‍රව්‍යවලට යොමුවීම, අධ්‍යාපනය, රැකියාව එපාවීම යනාදී බොහොමයකට හේතුව ලාංකික තරුණ ප්‍රජාව තුල ඇති නොමේරූ අදහස් හා ජීවිතය පිලිබඳව ඇති අනවබෝධයයි. උදේ සිට රෑවෙනකන් හැම නාලිකාවකම බණ කිව්වත්, තරුණ තරුණියන් අතර ජීවිතය පිලිබඳව අවබෝධය ඇති කර හැකි වැඩසටහන් හිඟයි. ඒවෙනුවට කාළය කන (කාළකණ්නි), නිසරු, මිත්‍යා අදහස් හා දුරාචාර වපුරන ටෙලිනාට්‍යවලින් පිරිලා.

3] පෙම් සබඳතාවයට ඉදිරියක් / අනාගතයක් නොමැති බව (හේතුව කුමක් වුවත්) අවබෝධ කර නොගෙන එහි එල්ලී සිටීම

මේ හේතුව වලින්, පලමුවන හා දෙවන හේතු පිලිබඳව වෙනත් ලිපියකින් කතා කරන්නට අදහස් කරන අතර මෙම ලිපියෙන් තුන්වන කරුන, එනම් බිඳීයාමට ආසන්න පෙම් සබඳතාවයක අණතුරු ලකුණු, නැතිනම් සොහොන් ලකුණු පිලිබඳව යමක් කියන්න අදහස් කරනවා. 

මේ සොහොන් ලකුණු හඳුනාගෙන ඉදිරියට විෂකුරු වියහැකි පෙමකින් නැතිනම් කඩාවැටෙන පෙම් යානාවෙන් ගැලවිලා යන්න ඉගෙන ගන්න අපේ තරුණ තරුණියන් යම් අවබෝධයක් ලබාගත්තොත් එයාලට වගේම මේ වගේ කරදර වලදි විඳවන එයාලගේ දෙමව්පියන්ටත් හොඳයි.

ප්‍රේම යානාව කඩාවැටෙන්නට ආසන්න බව පෙන්වන සොහොන් ලකුණු | Signs that you love life is about to crash and burn. 

1. ඩෝන්ට් කෙයා

එයා ඉස්සර තරං හොඳින් කතා නොකරනවානං, ඔයා දෙයක් කිවුවට එච්චර ගනං නොගන්නවානං පොඩි දෙදරීමක් සිද්ධ වෙලා තියෙන්න පුළුවන්. එක්කො එයාගෙ හිත වෙනස් වෙලා. නැත්තං ඔයාගෙ අතින් වැරැද්දක් වෙලා. ඔයාගෙ අතින් වැරැද්දක් වෙලා නං දාලා යන එක හරි නැහැ. ඒත් එයාගෙ හිත වෙනස් වෙලා නං දාලා යන එක හොඳයි. හිත හරියනකං බලන් හිටියත් අනාගතේදිත් ඒ තත්ත්වෙම ආයිත් ඇති වුනොත් ඔයාට අපරාදෙ කියල හිතෙයි.

2. නොරිස්සුමක්

එයාට ඔයා කරන හැම දේ ගැනම නොරිස්සුමක් තියෙනවනං මොකක් හරි ඇහුවමත් උත්තර දෙන්නේ තරහින්, නැතිනම් ගස්සලානම්. එහෙම නැතිනම් අනෙක් අය එක්ක හොඳට කතා කරන අතරේ ඔයා මොනවහරි ඇහුවම, මොනවා හරි දෙයක් කරමු කියලා කිව්වම වදයක්, කරදරයක් වගේ පෙන්වනවද? එහෙනම් වැඩේ නරක අතට ගිහින්. ඉස්සර තිබුණු ආදරය, බැඳියාව දැන් නැහැ කියන එක තහවුරු කරගන්න මීට වඩා හොඳ සළකුණක් (සොහොන් ලකුණක්) තවත් නෑ. දැන් එයාට ඔයා වදයක්, බාදාවක් විතරයි.

ඒ නිසා අතෑරලා දාන එක එයාටත් ඔයාටත් හොඳයි. සමහරවිට එයාට කියාගන්න බැරුව ඉන්නවා ඇති.‍ ඒ නිසා ඔයා කරන හැම දේකම එයාට අඩුවක් පේනවනං හිතින් විඳව විඳව ඉන්නවට වඩා මේ දේ තේරුම් බේරුම් කරගෙන අතෑරලා යන එක හොඳයි

4. අයි ඩෝන්ට් ලයික් දැට්

ඔයා එයා කරනවට අකමැති දේවල් ටික එයා ආයිත් කරන්න පටන් අරගෙනද? ඔයාගේ පර්සනල් දේවල් හාරඅවුස්සනව, ඔයාගෙ හෝ එයාගෙ අතීතෙ ගැන ආයි ආයිත් කියවනව වගේ දේවල් වෙනවනං එයා ඔය හදන්නෙ ඔයා‍ට කියවලා රණ්ඩුවක් පටන්ගන්න. පටන් අරගෙන රණ්ඩුවෙලා තරහවෙන්න, ඈත්වෙන්න, එහෙම ඈත් වෙන එක සාධාරණීකරනය කරන්න (යාලුවන්නට පිලිගන්න පුලුවන් දෙයක් කියන්නත් එපෑ) පොටක් පාදගන්න. 

උදාහරණ 

- පෙම්වතිය ඔයා අකමැති විධියට (ඒ බව දැන දැන) ආයෙත් අඳින්න පටන් අරගෙනද? හෙයා ස්ටයිල්, මේක්-අප් ඔයා අකමැති විදියට කරනවද? ඉස්සර ඔයාට නොකියා වොෂ්-රූම් වත් යන්නෙ නැති කෙනා දැන් යාලුවෝ එක්ක ඔයාට නොකියා ගමන් බිමන් යනවද?  

- පෙම්වතා ඔයාගෙ කීම අහලා නවත්තපු සිගරට් එක දැන් ඔයාට පේන්නම කටේද? ඉස්සර යාලුවන්ට බෑ කියලා ඔයා එක්ක ආපු කෙනා දැන් යාලුවෝ එක්ක නිතරම සෙට් වෙනවද? ඔයා අකමැති ගෑණු ලමයි (ඔයාගේ තරහකාරියන්) සමග හිතවත් වෙලා වගේ පේනවද?

මේ ගැටේට අහුවෙන්න එපා. රන්ඩුවෙලා ප්‍රශ්ණ ඇති කරගන්න එපා හොඳට හිතලා බලලා කතාකරලා ඔයා එයාව දාලා යන්න.

5. හීස් ද බෙස්ට් / ෂී ඉස් සෝ හොට්

එක දිගටම වෙනිං කවුරුහරි ගැන හොඳ කියනවද?එයාව දකින්න බැරි වුන එක ගැන දුක් වෙනවද? මේක කරන්න හේතු දෙකක් තියෙන්න පුළුවන්. 

එකක් ඔයාගෙ හිතේ ඉරිසියාවක් හදවන්න. කෙල්ලෝ මේකට දක්ෂයි. අරමුණ ඒකනම් එයාලා සීමාව දැනගෙන කරන්නේ. ඔයාව නැතිවෙන තරමට ඒක දුර ගෙනියන්නේ නෑ. කොල්ලොත් කෙල්ලන්ව අඬවලා ආදරේ බලන්නත් මේවගේ දේවල් කරනවා.

එහෙම නෙමේ කියලා තහවුරු වෙනවා නම් ඇත්තටම ඔයාට වඩා එයාට කැමති හින්දා. නැතිනම් ඔයාට වඩා හොඳ අය එයාට ඉන්න බව පෙන්වන්න. ඒ හින්දා කෙලින්ම එයාගෙන් අහන්න මට වඩා එයාට/ඇයට කැමතිද කියල. නෑ නං කටවහගෙන ඉන්න කියන්න. ඔවුනං දැන්මම යන්න කියන්න.

තීරණයක් ගන්න ඉඩදීලා ඈත්වෙලා ඉන්න. 

6. එයා කියන ඒවා හරිම ෆනී / හරිම ස්වීට්

පෙම්වතිය වෙන එකෙක් කියන ඒවාට (ෆනී නැතිවුනත්) ගොඩක් හිනා වෙනවද, කියන කියනදේ හරි වැදගත් වගේ ගන්නවද? ඒ කියන්නේ ටිකට් එක ඇදෙන්නයි යන්නේ. ගෑනු තමුන්ගේ පෙම්වතාට/සැමියාට වඩා වෙන කොල්ලෙක් කියන දේවල් වලට අනවශ්‍ය ඇටෙන්ෂන් දෙනවානම්, හොඳින් දෙතුන් පාරක් කියන්න. නැවතෙන්නේ නැත්නම් ඌ එක්ක පල කියලා වෙන අතක් බලාගන්න. 

ගෑණු ළමයින්ටත් එච්චරයි. ඔයාගේ පෙම්වතාට ඉන්න වැදගත්ම, වටිනම ගෑණුකෙනා ඔයා (එයාගෙ අම්මා ඇරුනම) එහෙම නෑ කියලා හොඳට තහවුරු වෙනවානම් කඳුලු බොන්නේ නැතුව ඔයාට ආදරේ කරන්න පුලුවන් කෙනෙක් හොයාගන්න.

මේ ලිපියේ දෙවන කොටස සඳහා Aniwa.lk හි පලවුනු මේ ලිපිය මූලාශ්‍ර වුන බව කෘතඥපූර්වකව සඳහන් කරනවා.
__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Sunday, 23 October 2016

ශ්‍රී ලංකාවේ කෙසෙල් වර්ග



ශ්‍රී ලංකාව කෙසෙල් වර්ග ගණනාවක් තියෙනවා. හැඩයෙන්, ප්‍රමාණයෙන්, පාටින් වගේම රසයෙනුත් වෙනස් කෙසෙල් ගෙඩි වර්ග ගණනාවක් තියෙන කෙසෙල් එක්ක පාරම්පරිකවම බැඳුණු දේශයක් ලංකාව. අපේ රටයි කෙසෙලුයි අතර තියෙන නෑකම ක්‍රි.ව. 341 දක්වා ඈතට විහිදෙනවා. ශ්‍රී ලංකාවේ රජවරුන් අතරින් දක්ෂතම වෛද්‍යවරයා විදිහට ප්‍රසිද්ධ බුද්ධදාස රජතුමා ලියපු සාරාර්ථ සංග්‍රහය කියන පොතේ කෙසෙල් ගසේ විවිධ කොටස් වල තියෙන ඖෂධීය ගුණ ගැන විස්තර දැක ගන්න පුළුවන්. මේ තරම් දීර්ඝ, ඓතිහාසික නෑකමක් තිබුණත් අපේ රටේ බොහෝ දෙනෙක් කෙසෙල් ගැන ගොඩක් තොරතුරු දන්නේ නැහැ. මේ ලිපියේ අරමුණ ඒ ගැන යම් දැනුමක් ලබා දෙන එකයි.

පළමු කාරණය තමයි කෙසෙල් ගස. “ගස” කියලා කිව්වාට මේක ඇත්තටම ගහක් නෙවෙයි, මීටර් කිහිපයක් උසට වැවෙන පැළෑටියක්. මේ නිසා තමයි කෙසෙල් “ගසේ” කඳ කවදාවත් වෙනත් ගස් වල වගේ ලීයක් බවට පත් වෙන්නේ නැත්තේ. කෙසෙල් කඳ තනිකරම හැදිලා තියෙන්නේ තදට එතුණු කෙසෙල් කොළ වලින්.

ඒ වගේම තවත් අරුම පුදුම දෙයක් තියෙනවා, කෙසෙල් කියන්නේ පළතුරක් වගේම බෙරි වර්ගයක්, නැතිනම් ගඩා ගෙඩි වර්ගයක් (Berries). ලංකාවේ අපිට බෙරි වර්ගයක් කිව්වාම ගැන ලොකු අවබෝධයක් නැතත් වැඩි දෙනෙක් ගඩා ගෙඩි වර්ග ගැන දන්නවානේ. උද්භිද විද්‍යාඥයන්ට අනුව බෙරි වර්ගයක් කියන්නේ තනි ඩිම්බයක් සහිත මලකින් පොකුරු විදිහට හටගන්නා සරල පලතුරු වර්ගයකට. හැම ගෙඩියකම ඇට ගණනාවක් තියෙන එක බෙරි වර්ග වල ලක්ෂණයක්. නිකමට හරි කෙසෙල් ගෙඩියක් කන අතරේ ඇතුලේ තියෙන ඇට දිහා විමසිල්ලෙන් බලලා තියෙනවාද? කෙසෙල් කියන්නේ බෙරි වර්ගයක් කියන එක මේ ගැන විශේෂඥ දැනුමක් තියෙන කවුරුත් එකහෙලාම පිළිගන්නවා. ඒ නිසා බෙරි කුලයේ තියෙන පෝෂක සේරම වගේ කෙසෙල් තුලත් අඩංගුයි.


ඒ වගේම ඉංග්‍රීසියෙන් කෙසෙල් හඳුන්වන්න භාවිත වෙන Banana සහ Plantain කියන වචන දෙකේ තේරුමේත් ඇත්තටම වෙනසක් තියෙනවා. ලංකාවේ වැඩි දෙනෙක් මේ දෙකම මාරුවෙන් මාරුවට පාවිච්චි කළත් Banana කියලා හඳුන්වන්නේ අතුරුපසක් විදිහට කෑමට ගන්න කෙසෙල් වර්ග වලට විතරයි. පිසූ ආහාරයක් විදිහට කෑමට ගන්න කෙසෙල් වර්ග වලට තමයි Plantain කියන වචනය පාවිච්චි වෙන්නේ. ඒ අනුව, අළු කෙසෙල් ඈෂ් ප්ලාන්ටන් වෙනකොට අතුරුපසක් විධියට ගන්න සීනි කෙසෙල් බනානා විධියට හැඳින්විය යුතුයි.

මේ වර්ග දෙකේම කෙසෙල් අයත් වන Musa කියන ශාක කුලය නම් කිරීමේ ගෞරවය හිමි වෙන්නේ 18 වන ශත වර්ෂයේ ජීවත් වුණු කැරෝලස් ලිනේයස් (Carolus Linnaeus) කියන ස්වීඩන් ජාතික උද්භිද විද්‍යාඥයාටයි. රෝමානු ජාතික කායික වෛද්‍යවරයෙක් වුණු ඇන්ටෝනියස් මූසා (Antonius Musa) හට කෙරෙන ගෞරවයක් විදිහට ඔහුගේ නමින් තමයි Musa විශේෂය නම් කෙරුණේ.

කෙසෙල් වර්ග දෙක අතර තියෙන මේ වෙනස ගැන නොදන්නා එකම පිරිස අපි විතරක් නෙවෙයි. උද්භිද විද්‍යාඥයන් M. F. චන්ද්‍රරතන මහතාටත්, K. D. S. S. නානායක්කාර මහතාටත් අනුව Banana සහ Plantain අතර “කෙසෙල් වගා කරන රටවල් වල පැහැදිලි වර්ග කිරීමක් කරලා නැහැ වගේම විධිමත් ක්‍රමයකට වර්ග කරන්න තරම් සාධාරණ වෙනසක් ඇත්තෙත් නැහැ”. ඔය වර්ග දෙකම සිංහලෙන් හඳුන්වන්නේත් කෙසෙල් කියලා.

කෙසෙල් වල ඉතිහාසය

කෙසෙල් වල මූලාරම්භය විදිහට සැලකෙන්නේ ගිණිකොනදිග ආසියාවේ, ඒ කිව්වේ අද පිලිපීනය, ඉන්දුනීසියාව සහ මැලේසියාව කියලා හඳුන්වන රටවල ඝනව පැතිරී තිබුණු වනාන්තර ප්‍රදේශ. කෙසෙල් ගැන මුල්ම ලිඛිත සාක්ෂි ක්‍රි.පූ. 500දී විතර ලියැවුණු සංස්කෘත ලේඛන වලින් හමු වී තිබෙනවා. නමුත් පුරාවිද්‍යාත්මක කැණීම් වලට අනුව අද තියෙන කෙසෙල් වලට නෑකම් කියන ඇට සහිත කෙසෙල් වර්ගයක් අපේ රටේ ඉස්සර ජීවත් වුණු බලන්ගොඩ මානවයා ආහාරයට ගත් බවට සාක්ෂි දැක ගන්න පුළුවන්. මේ මිනිසුන් ලංකාවේ ජීවත් වුණේ මීට බොහෝ කාලයකට ඉහත, හරියටම කිව්වොත් ක්‍රි.පූ. 10,000 වගේ කාලයේ. ඒ වගේම කෙසෙල් වර්ග වගා කිරීම නිව් ගිණි දූපත්වල “කුක්” නිම්නයේ (Kuk Valley) ක්‍රි.පූ. 5,000 වගේ කාලයේ සිට සිදු කෙරුණු බවටත් ජනප්‍රවාදයේ සඳහන් වෙනවා.

මහා ඇලෙක්සැන්ඩර්, නැතිනම් Alexander the Great  ක්‍රි.පූ. 327 අවුරුද්දේ ඉන්දියාව ආක්‍රමණය කරපු කාලයේ ඉන්දු නිම්නය (Indus Valley) පුරාවටම සරුවට වගා කරලා තිබුණු කෙසෙල් වතු දැකගන්න ලැබුණු බව වාර්තා වල සඳහන් වෙනවා. මහා ඇලෙක්සැන්ඩර් තමයි බටහිර ලෝකයට කෙසෙල් හඳුන්වා දුන්නු බවට සැලකෙන්නේත්. කොහොම වුණත් කෙසෙල් හඳුන්වන්න ඉංග්‍රීසියෙන් භාවිත වන Banana කියන වචනය බිහිවීම නම් අරාබි හෝ උතුරු අප්‍රිකානු වෙළෙන්දන් අතින් සිදු වුණු බව තමයි විශ්වාස කෙරෙන්නේ. අරාබි භාෂාවෙන් ඇඟිලි හඳුන්වන්න යෙදෙන්නේ “බනාන්” (Banaan) කියන වචනය. ඉස්සර කාලේ තිබුණු කුඩා කෙසෙල් වර්ග ඇඟිලි වලට බොහෝ සමාන නිසා මේ නම වැටුණු බව හිතන්න පුළුවන්.

කෙසෙල් පොකුරක් හඳුන්වන්න අපි පාවිච්චි කරන්නේ “කෙසෙල් ඇවරිය” කියන වචනය. සමහර අය මේ “ඇවරිය” කියන වචනය ශ්‍රී ලාංකිකයන් “අත” හඳුන්වන්න යොදන වචනයට සමානයි කියලත් කියනවා. නමුත් සිංහල හෝ දෙමළ භාෂා වල මේ කරුණ තහවුරු කරන්න පැහැදිලි සාක්ෂියක් නම් දකින්න නැහැ. කොහොම වුණත් ඉස්ලාම් ලේඛන වල අරාබි ජාතික වෙළෙන්දන් අතර කෙසෙල් ආහාරයට ගැනීම බොහොම ජනප්‍රිය වෙලා තිබුණු බවට සාක්ෂි දැකගන්න පුළුවන්. මේ නිසා ඔවුන් වෙළඳාම් කළ ප්‍රදේශ වල කෙසෙල් වලට ඉහළ ඉල්ලුමක් තිබිලා තියෙනවා. පසුව පෘතුගීසි, ලන්දේසි සහ ස්පාඤ්ඤ ජාතිකයන් අතරත් කෙසෙල් ජනප්‍රිය වුණාට පස්සේ තමයි කෙසෙල් ලෝකය පුරාම පැතිරුණු ආහාරයක් බවට පත් වුණේ.

ශ්‍රී ලංකාවේ කෙසෙල්

ශ්‍රී ලංකාවේ කෘෂිකර්ම දෙපාර්තමේන්තුවට අනුව ශ්‍රී ලංකාව පුරාම වර්ග ගණනාවකට අයත් කෙසෙල් වර්ග වසර පුරාම වැවෙනවා දැක ගන්න පුළුවන්. කෙසෙල් වවාගන්න එකත් ඒතරම් අසීරු නැහැ, බොහෝ තැන් වල කෙසෙල් වර්ග ඉබේම වුණත් වැවෙනවා. ඒ නිසාම කුඩා, මධ්‍යම වගේම මහා පරිමාණයෙන් සිදු කෙරෙන ව්‍යාපාරික මට්ටමේ කෙසෙල් වතුත්, නිවෙස් වල සිදු කෙරෙන කෙසෙල් වගාත් ඕනතරම් තියෙනවා.

ලෝකය පුරා කුල 50කට විතර අයත් වෙන කෙසෙල් වර්ග 1000ක් විතර දකින්න පුළුවන්. මේ අතරින් ශ්‍රී ලංකාව තුල වැවෙන කෙසෙල් වර්ග ගණන 29ක්. එයින් වැඩි හරියක් අපේ රටටම ආවේණික කෙසෙල් විශේෂ විදිහට හඳුනාගෙන තියෙනවා. ඒ වගේම දකුණු ඉන්දියාවෙන් අපිට ලැබුණු බවට විශ්වාස කෙරෙන කෙසෙල් වර්ග කිහිපයකුත්, විද්‍යාත්මකව රටට හඳුන්වා දුන්නු කෙසෙල් විශේෂ කිහිපයකුත් දැක ගන්න පුළුවන්.

ශ්‍රී ලංකාවේ දකින්න ලැබෙන කෙසෙල් වර්ග පැහැදිලි කාණ්ඩ තුනකට වර්ග කරන්න පුළුවන්. ඒ තමයි මයිසෝර් කාණ්ඩය (Mysore), කෝලිකුට්ටු කාණ්ඩය සහ කැවෙන්ඩිෂ් කාණ්ඩය (Cavendish) කියන තුන. මේ අතරින් මයිසෝර් කාණ්ඩයට තමයි අපේ රටේ ඉතාම ජනප්‍රිය ඇඹුල් කෙසෙල් සහ සීනි කෙසෙල් අයත් වෙන්නේ. කෝලිකුට්ටු කාණ්ඩයට කෝලිකුට්ටු කෙසෙල් වගේම පූවාළු, සුවඳැල් සහ රත් කෙසෙලුත් අයත් වෙනවා. ආනමාළු, ඇම්බුන්, බිං කෙසෙල් සහ නේත්‍රා පලම් කියන කෙසෙල් වර්ග අයත් වෙන්නේ කැවෙන්ඩිෂ් කාණ්ඩයට.
  • මයිසෝර් කාණ්ඩය (Mysore) - ඇඹුල් කෙසෙල් සහ සීනි කෙසෙල්
  • කෝලිකුට්ටු කාණ්ඩය - කෝලිකුට්ටු, පූවාළු, සුවඳැල් සහ රත් කෙසෙල්
  • කැවෙන්ඩිෂ් කාණ්ඩය (Cavendish) - ආනමාළු, ඇම්බුන්, බිං කෙසෙල් සහ නේත්‍රා පලම්

සාමාන්‍යයෙන් අපේ රටේ වැඩිපුරම ආහාරයට ගැනෙන්නේ ඇඹුල් කෙසෙල්. යාන්තම් ඇඹුල් රසකුත් එක්කම තියෙන පැණි රසය මේ කෙසෙල් වලට සුවිශේෂීයි. තරමක් සිහින්, අගිස්ස උල් වුණු, ප්‍රමාණයෙන් කුඩා ඇඹුල් කෙසෙල් වෙනත් කෙසෙල් වර්ග අතරින් පහසුවෙන්ම හඳුනා ගන්න බොහෝ දෙනෙක් දන්නවා. ඇඹුල් කෙසෙල් ගෙඩියේ පොත්ත තරමක් තුනීයි, ඇතුලේ තියෙන කෙසෙල් මදය සුදු හෝ ඉතාම ලා කහ පාටක් තමයි තියෙන්නේ. ඒ හැම දේකටම වඩා අපි කවුරුත්ම ආස කෙසෙල් සුවඳ ඉන් විහිදෙනවා. රටේ සම්ප්‍රදායන්ට අනුව ආහාර දිරවන්න වගේම ආහාර පහසුවෙන් බඩවැල් තුලින් ගමන් කරන්නත් ඇඹුල් කෙසෙල් ඉඩ සලසනවා කියලා අපේ රටේ බොහෝ දෙනෙක් විශ්වාස කරනවා. නමුත් ඇඹුල් කෙසෙල් “සීතලයි” කියලා හඳුන්වන නිසා සෙම/හෙම්බිරිස්සාව තියෙන වෙලාවට ඇඹුල් කෙසෙල් කන්න හොඳ නැහැලු.

ඇඹුල් කෙසෙල් ගෙඩියට ප්‍රමාණයෙන් සමාන සීනි කෙසෙල් අපේ රටේ තවත් ජනප්‍රිය කෙසෙල් වර්ගයක්. ඇඹුල් කෙසෙල් වලට වඩා ටිකක් රවුම් හැඩයක් තියෙන සීනි කෙසෙල් වල නමින් කියවෙනවා වගේම හොඳ පැණි රසයක් තියෙනවා. සීනි කෙසෙල් ගෙඩියක් කනකොට පොඩි ඇලෙන සුළු ගතියකුත් කටට දැනෙනවා. මේ කෙසෙල් වලත් පොත්ත තුනීයි. ටිකක් රබර් වගේ හැඟීමක් එන සීනි කෙසෙල් පොත්ත ලපටි කාලයේ කොළ ඇපල් වලට සමාන පාටක් තිබිලා ඉදුණාම අළු පාට මිශ්‍ර කහ පාටක් ගන්නවා. සීනි කෙසෙල් කියන්නේත් පෝෂක වලින් පිරුණු පළතුරක්. ශ්‍රී ලංකාවේ සම්ප්‍රදායන්ට අනුව සීනි කෙසෙල් තමයි රෝගීන්ට දෙන්න වඩාත්ම සුදුසු වෙන්නේ. විශේෂයෙන්ම ගැස්ට්‍රයිටිස් හරි, සෙම/හෙම්බිරිස්සාව හරි තියෙන අයටත්, වැඩිහිටියන්ට සහ කුඩා දරුවන්ටත් දෙන්න හොඳම පළතුරක් තමයි සීනි කෙසෙල්. දියවැඩියාව ඇතුළු සීනි ආශ්‍රිත රෝග තියෙන අයටත් මේ කෙසෙල් ගුණදායකයි කියලා විශ්වාස කරනවා. (මේ ගැන වෛද්‍ය විද්‍යාත්මක සාක්ෂි නම් තවම තහවුරු කරගෙන නැහැ)

ටිකක් මිලෙන් අඩු ඇඹුල් සහ සීනි කෙසෙල් ගොඩක් ජනප්‍රිය වුණත් වැඩි දෙනෙක්ට රස වැඩිනම් මිලෙනුත් ඉහළ කෝලිකුට්ටුම තමයි. පැතලි අග්ගිසකින් යුතු, බොහොම පෘෂ්ටිමත් ගෙඩි තියෙන කෝලිකුට්ටු කාණ්ඩයට අයත් කෝලිකුට්ටු සහ සුවඳැල් කියන කෙසෙල් වර්ග දෙකට තමයි අදටත් ලාංකික ජන සමාජයේ ලොකුම පිළිගැනීමක් ලැබෙන්නේ. විශේෂයෙන්ම ආගමික, සංස්කෘතික උත්සව වලදී කෝලිකුට්ටුවලට ඉහළ ඉල්ලුමක් තියෙනවා. මේ වර්ගයේ කෙසෙල් වල පොත්ත ඉතාම තුනීයි, ඒ නිසා සමහරවිට ඉදෙනකොට පැලෙනවා වගේම පොත්ත ගලවද්දී කැඩිලා යන අවස්ථාත් තියෙනවා. ක්‍රීම් පාටට හුරු සුදු පැහැ මදයක් තියෙන කෝලිකුට්ටු වලින් විහිදෙන්නෙත් කටට කෙළ උනන සුවඳක්.

කෝලිකුට්ටු වලට ඉහළ ඉල්ලුමක් තිබුණත් ඉදුණු කෝලිකුට්ටු ගෙඩි පහසුවෙන්ම ඇවරියෙන් වෙන් වෙලා වැටෙන නිසා ප්‍රවාහනය කරන එක ටිකක් අපහසු වැඩක්. සම්ප්‍රදායික විශ්වාසයන් අනුව කෝලිකුට්ටු කියන්නේ “ඌෂ්ණ” පළතුරක්, ඒ නිසා මළබද්ධය වගේ රෝග ඇති කරන්න හේතු වෙනවා. කෝලිකුට්ටු වලට බොහෝ සමාන සුවඳැල් කෙසෙල්වලින් හමන්නේ ඇපල් වලටම සමාන සුවඳක්. සුවඳැල් කෙසෙල් ඉදුණාම තද කහ පාටක් ඇති වෙනවා.

කෝලිකුට්ටු කුලයටම අයත් වෙන පූවාළු කෙසෙල් නම් ටිකක් දුර්ලභ කෙසෙල් වර්ගයක්. අතුරුපසක් විදිහට ආහාරයට ගන්න මේ කෙසෙල් වර්ගය පැහැදිලිවම වක් වුණු හැඩයක් ගන්නවා. ඉදුණාම පොත්තේ පැහැය කහ පාටට හුරු දුඹුරු පාටක් තමයි දකින්න ලැබෙන්නේ. පූවාළු කෙසෙල් වල මදයත් අනෙක් කෙසෙල් වලට වඩා තරමක් දුඹුරු පාටයි.

බොහොම ආකර්ෂණීය පාටක් තියෙන රත් කෙසෙල් තමයි මේ කාණ්ඩයේ අනිත් වර්ගය. නමින් කියවෙනවා වගේම අලංකාර රතු පැහැයක් මේ කෙසෙල් ගෙඩියේ දකින්න ලැබෙනවා. රත් කෙසෙල් පොත්ත ලපටි කාලයේ ඇපල් කොළ පාටටත්, පස්සේ අළු පාට මිශ්‍ර කහ පාටකුත් තිබිලා ඉදුණාම රතු පාටට හැරෙනවා. දුඹුරු සහ කළු පැල්ලම් එහෙමත් තැනින් තැන හට ගන්නවා. ඇතුලත මදය බොහෝ දුරට මුහුදේ පෙණකැටි වලට සමාන පාටක් තියෙන්නේ. ගොඩාක් පැණි රස නැති වුණත් සමහර කෙසෙල් වර්ග වලට වඩා මෘදු පැණි රසයක් රත් කෙසෙල් වල තියෙනවා. සමහරුන්ට අනුව නම් රත් කෙසෙල් වල තියෙන්නේ රාස්බෙරි (raspberry) වලට සමාන රසයක්.

රත් කෙසෙල් වලට ඒ නම ලැබෙන්න හේතු වුණු රතු පාට වර්ණකය තියෙන්නේ පොත්තේ මතුපිට විතරයි. විශේෂයෙන්ම මහනුවර ආශ්‍රිතව රත් කෙසෙල් බහුල වශයෙන් වගා කෙරෙනවා.

කැවෙන්ඩිෂ් කුලයට අයිති ආනමාළු කියන්නෙත් ලංකාව පුරාම ජනප්‍රිය කෙසෙල් වර්ගයක්. ආනමාළු ගෙඩිය ප්‍රමාණයෙන් විශාල නිසාත්, සිහින් දිගු හැඩය සහ වක් වීම නිසාත් පහසුවෙන් හඳුනාගන්න පුළුවන්. ආනමාළු ගෙඩිය හොඳටම ඉදුණාට පසුව වුණත් තියෙන්නේ ලා කොළ පාටින්. ඒ වගේම ආනමාළු පොත්තත් තරමක් ඝනකම්. ආනමාළු ගෙඩියේ ඇත්දළ පැහැති මදය ඉතාම මෘදු ඇඹුල්-පැණි මිශ්‍රිත රසයක් ගන්නවා. ක්ෂණික ශක්තියක් ලබා දීමේ හැකියාව නිසා රට පුරාම ඉන්න ක්‍රීඩකයන් අතර ආනමාළු කෙසෙල් බොහොම ජනප්‍රියයි.

ආහාර ජීර්ණ පද්ධතියේ ගැටළු වලටත් ආනමාළු කෙසෙල් ඉතාම ගුණදායකයි. ඉදිලා වැඩිවුණු ආනමාළු කෑවාම බඩ එළිය යාම නවත්වා ගන්න පුළුවන් බවටත්, බාගෙට ඉදුණු ආනමාළු කෑවාම මලබද්ධය සුව කර ගන්න පුළුවන් බවටත් අපේ පැරැන්නන් අතර කතාවක් තියෙනවා. මේ වගේ ඖෂධීය ගුණ වගේම ආනමාළු කියන්නේ ශ්‍රී ලංකික කාට වුණත් ආසාවෙන් කන්න තියෙන හොඳම පලතුරු වලිනුත් එකක්.

ඇම්බුන් කියන්නෙත් ආනමාළු වගේම කැවෙන්ඩිෂ් කුලයට අයිති කෙසෙල් වර්ගයක්. ප්‍රමාණයෙන් තරමක් විශාල, තත්වයෙන් උසස් මේ කෙසෙල් වර්ගය ශ්‍රී ලංකාවට හඳුන්වා දුන්නේ 1927 අවුරුද්දේ අපේ කෘෂිකර්ම දෙපාර්තමේන්තුවෙන්. මැලේසියාවේ “සෙලන්ගෝ” වල “සර්දැන්” කියන ප්‍රදේශයේ (Serdang, Selangor) තිබුණු කෙසෙල් වර්ගයක් තමයි මේ විදිහට අපේ රටට හඳුන්වා දුන්නේ. ඇම්බුන් කෙසෙල් ගෙඩියේ වක් වුණු හැඩයක් තිබුනත් ආනමාළු තරමටම වක් වෙන්නේ නැහැ. ඇම්බුන් ගෙඩිය ලපටි කාලයේ කොළ පාටට තිබිලා ඉදුණාම අළු මිශ්‍ර කහ පැහැයට හැරෙනවා. පොත්ත බොහොම ඝනයි. ඇතුලත තියෙන රසවත් මදය කහ-දුඹුරු පාටකින් යුක්තයි.

ඇම්බුන් සහ ආනමාළුත් විශාල කෙසෙල් වර්ග වුණාට නේත්‍රාපලම් තමයි ශ්‍රී ලංකාවේ තියෙන විශාලම කෙසෙල් වර්ගය වෙන්නේ. සාමාන්‍යයෙන් නේත්‍රාපලම් කෙසෙල් ගෙඩියක දිග අඩියකටත් වඩා වැඩියි. බරත් ග්‍රෑම් 900 සිට කිලෝ එක හමාරක් දක්වා වෙන්න පුළුවන්! සාමාන්‍යයෙන් දකින්න නොලැබෙන, දුර්ලභ පළතුරක් වන නේත්‍රාපලම් කියන්නේ හඳුනා ගන්න කොයි තරම් පහසු වුණත් තනියම කන්න නම් හරිම අපහසු කෙසෙල් වර්ගයක්.

ඊළඟට තියෙන්නේ බිං කෙසෙල්. ලෝකය පුරාම කැවෙන්ඩිෂ් කෙසෙල් කියලා ප්‍රසිද්ධ කෙසෙල් වර්ගයට හැම අතින්ම සමාන බිං කෙසෙල් ඉංග්‍රීසියෙන් හඳුන්වන්නේත් ශ්‍රී ලාංකීය කැවෙන්ඩිෂ් (Sri Lankan Cavendish) කියලයි. බොහෝ බටහිර ජාතිකයන් කෙසෙල් කියලා දන්නෙත් කැවෙන්ඩිෂ් කෙසෙල් විතරමයි. කැනරි දූපත් කෙසෙල් (Canary Island Banana), නැතිනම් චීන කෙසෙල් (Chinese Banana) කියලාත් හඳුන්වන කැවෙන්ඩිෂ් කෙසෙල් වල මූලාරම්භය විදිහට සැලකෙන්නේ දකුණුදිග චීනය. නමුත් ශ්‍රී ලාංකීය කැවෙන්ඩිෂ්, නැතිනම් බිං කෙසෙල් වල උපත සිදු වෙන්න ඇත්තේ මොරිෂස් රාජ්‍යයෙන් (Mauritius) හඳුන්වා දුන්නු කෙසෙල් වර්ගයක් ඇසුරෙන් කියල විශ්වාස කෙරෙනවා. මේ හඳුන්වා දීම සිදු වුණේ 20 වන ශතවර්ෂයේ මුල් භාගයටත් කලින්.

මේ කෙසෙල් වර්ගය කැවෙන්ඩිෂ් කෙසෙල් විදිහට ජනප්‍රිය වෙන්න හේතු වුණේ එංගලන්තයට මේ කෙසෙල් වර්ගය හඳුන්වා දීපු විලියම් කැවෙන්ඩිෂ් නිසයි. (William Cavendish) ඔහු එංගලන්තයේ ඩෙවෝන්ෂයර්හි (Devonshire) හය වන ආදිපාදවරයා විදිහට 1800 ගණන් වල ජීවත් වුණු ප්‍රභූවරයෙක්. නමුත් දකුණුදිග චීනයේ හැදුණු කෙසෙල් වර්ගයක් එංගලන්තයේ ආදිපාදවරයෙක් වෙත ආවේ කොහොමද? බොහෝ දෙනා විශ්වාස කරන විදිහට කැවෙන්ඩිෂ් ආදිපාදවරයා මවුරිටියස් රාජ්‍යයෙන් ගෙන ආපු කෙසෙල් පැළයක් ඔහු සතුව තිබුණු හරිතාගාරයක පැළ කරලා රැක බලාගෙන තියෙනවා. අද ලෝකය පුරාම පැතිරිලා තියෙන කැවෙන්ඩිෂ් කෙසෙල් වර්ග වැඩි හරියක් බිහි වුණේ මේ පැළෑටිය නිසාලු. ඉතින් මේ වර්ගයේ කෙසෙල් කැවෙන්ඩිෂ් කෙසෙල් කියලා හඳුන්වන එක සාධාරණයි නේද?

බටහිර සහ සීතල රටවල් වල තියෙන ඉල්ලුම කොහොම වුණත් කොහොමවුණත් ශ්‍රී ලංකාවත් ඇතුළුව සමකාසන්න කෙසෙල් වවන රටවල් වැඩි හරියක කැවෙන්ඩිෂ් කෙසෙල් වලට ලොකු ජනප්‍රියත්වයක් නැති බව කියන්න අවශ්‍යයි. අපි කලිනුත් කියපු අපේ රටේම උද්භිද විද්‍යාඥයන් දෙදෙනෙක් වන M. F. චන්ද්‍රරතන මහතාත්, K. D. S. S. නානායක්කාර මහතාත් මේක බොහොම අපූරුවට පෙන්වා දෙනවා. “කැවෙන්ඩිෂ් වර්ගය වාණිජ කෙසෙල් වර්ගයක් විදිහට හඳුන්වා දෙනු ලබපු වෙනත් රටවල් වලින් ලැබුණු ඉහළ පිළිගැනීමයි, ශ්‍රී ලංකාවේ එයට තියෙන අඩු සැලකිල්ලයි වැඩි දෙනෙක්ට තේරුම් ගන්න බැහැ..” නමුත් ශ්‍රී ලංකාවේ තියෙන වර්ග ගණනාවක රසවත් කෙසෙල් වර්ග කාල හුරු වුණු අපේ රටේ මිනිස්සු ඉටි ගතියක් තියෙන, ඇට නැති, පොත්ත මහත කැවෙන්ඩිෂ් කෙසෙල් කන්න අකැමැත්තක් දක්වන එකට දොස් කියන්න පුළුවන් කාටද?

අපි මෙතෙක් කතා කළා වගේ රසවත් කෙසෙල් වර්ග ගණනාවක් ශ්‍රී ලංකාවේදී පළතුරක් විදිහට, නැතිනම් අතුරුපසක් විදිහට ආහාරයට ගැනෙනවා. නමුත් අපි කලින් Plantain කියලා වර්ග කරපු, නැතිනම් උයලා ආහාරයට ගන්නා කෙසෙල් වර්ගත් ලංකාවේ දකින්න පුළුවන්. මේ අතරින් වැඩිපුරම ජනප්‍රිය අපි කවුරුත් දන්න අළු කෙසෙල්.

අළු කෙසෙල් ගෙඩිය පැහුණාට පස්සෙත් අළු/කොළ පාටක් පවත්වා ගන්නවා. තරමක් වක් වුණු හැඩයක් තියෙන අතරම බොහොම පහසුවෙන් දකින්න පුළුවන් පිටත දාරයක් තිබීම මේ කෙසෙල් වලටම ආවේණික ලක්ෂණයක්. ශ්‍රී ලංකාවේ කෙසෙල් වර්ගයක් විදිහට සිංහල සාහිත්‍යයේ මුලින්ම තියෙන ලිඛිත සාක්ෂියේ පවා කියවෙන්නේ අළු කෙසෙල් ගැනයි. අපේ සම්ප්‍රදායන්ට අනුව උයාපු අළු කෙසෙල් ඉතාම ගුණාත්මක ආහාරයක් විදිහට පිළි ගැනෙනවා. අළු කෙසෙල් ගෙඩි වගේම අළු කෙසෙල් පොත්ත පවා ආහාර ජීර්ණ පද්ධතියේ ගැටළු වලට සහනය ගෙන දෙන බව විශ්වාස කෙරෙනවා.

අළු කෙසෙල් වලට අමතරව ඇටමුරු, හම්බන් පූවාළු, මරතමන, මොන්දොන් සහ සම්බෙල් කියන කෙසෙල් වර්ගත් අපේ රටේ උදවිය උයලා ආහාරයට ගන්නවා.

කෙසෙල් වල යහගුණය

කෙසෙල් කියන්නේ ඉස්සර කාලයේ ඉඳන්ම ඉතාම පෝෂ්‍යදායක ආහාරයක් බවට පිළිගැනෙන පලතුරු වර්ගයක්. අපි මීට ඉහතින් ශ්‍රී ලංකාවේ විවිධ කෙසෙල් වර්ග ආහාරයට ගැනීමෙන් ලැබෙන ගුණය ගැන අහන්න ලැබෙන සාම්ප්‍රදායික විශ්වාසයන් ගැනත් පැහැදිලි කළා. ඒ වගේම පොදුවේ හැම කෙසෙල් වර්ගයකම තියෙන යහගුණය ගැන විද්‍යාත්මක පැත්තෙන් ලැබෙන සාක්ෂි ගණනාවකුත් පහතින් දක්වලා තියෙනවා. පුළුවන් හැම වෙලාවකම කෙසෙල් කන්න මේ හේතු ටිකම ප්‍රමාණවත් වේවි.

  1. පොටෑසියම් බහුල කෙසෙල් ගෙඩි කියන්නේ ස්වභාවිකව තියෙන හොඳම ශක්තිජනක ආහාරයක්. ක්ෂණික ශක්තිය ලබා ගන්න වගේම ව්‍යායාම් වලදී ඇති වෙන කෙණ්ඩා පෙරළීම් සුව කර ගන්නත් මීට වඩා හොඳ ක්‍රමයක් නැහැ.
  2. පොටෑසියම් වලින් අපේ ශරීරයේ රුධිර පීඩනය නියාමනය කෙරෙනවා, ඒ නිසා හෘදයාබාධ සහ ආඝාත (stroke) වලින් ආරක්ෂා වෙන්න නිතර කෙසෙල් ආහාරයට ගැනීම ඉතා සුදුසුයි.
  3. කෙසෙල් වල ඇති පෝෂක ඇස් පෙනීම වැඩිදියුණු කිරීමටත්, වයසට යන විට සිදු වන මාංශ පේශී අඩපණ වීම අවම කිරීමටත් දායක වෙනවා.
  4. කෙසෙල් ආහාරයට ගැනීම ශක්තිමත් අස්ථි පද්ධතියක් පවත්වා ගැනීමට උදව් වෙනවා. කෙසෙල් කියන්නේ ආහාර ජීර්ණයට අත්‍යවශ්‍ය හිතකර බැක්ටීරියාවලට පෝෂණය ගෙන දෙන මූලාශ්‍රයක්. (probiotic) මේ බැක්ටීරියාවන් තමයි අපේ ආහාර ජීර්ණයට අත්‍යාවශ්‍ය එන්සයිම වර්ග නිපදවන්නේ. මේ හිතකර බැක්ටීරියා පෝෂණය වීම ආහාර ජීර්ණයත්, ශරීරයට උරාගැනීමත් නිසි පරිදි සිදුවෙන්නට උදව් වෙනවා. විශේෂයෙන් විටමින් වර්ගත්, කැල්සියම් ඇතුළු ඛණිජ ලවණත් නිවැරදිව ශරීරයට ලබා ගන්න මේ ක්‍රියාවලිය ඉතා වැදගත්. කැල්සියම් නිසි ලෙස උරා ගැනීම අස්ථි වල ශක්තිමත්භාවයට ඍජුවම බලපානවා.
  5. කෙසෙල් කියන්නේ ප්‍රතිඔක්සිකාරක බහුල ආහාරයක්. වකුගඩු පිළිකා ඇතුළු රෝග බොහොමයක් ඇති කරන මුක්ත ඛණ්ඩක ඇතිවීම පාලනය කරන්න ප්‍රතිඔක්සිකාරක අඩංගු ආහාර ගැනීම හේතු වෙන බව සොයාගෙන තියෙනවා.
  6. බඩේ ඇති වන තුවාල (stomach ulcers) වණ වීමට නොදී මුල් අවධියේම සුව කරන්න කෙසෙල් දායක වෙනවා.
  7. කෙසෙල් තුල අඩංගු ආහාරමය තන්තු (diatery fibre), පොටෑසියම්, විටමින් C සහ විටමින් B6 යන සියලුම පෝෂක හදවතේ නීරෝගී බව වැඩිදියුණු කරන්න හේතු වෙනවා.
  8. කෙසෙල් තුල අඩංගු වන ට්‍රිප්ටොෆෑන් (tryptophan) නම් ඇමයිනෝ අම්ලය මතක ශක්තිය වර්ධනය කරන්න හේතු වෙන බවටත්, මානසික ආතතිය දුරු කිරීමටත් හේතු වෙන බව සොයාගෙන තියෙනවා.
__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

විෂ්මිත ස්වභාව ධර්මය : Time Laps Videos

පැල වැඩෙන හැටි!



ඉතාලියේ සයිමන් ඕරි විසින් සකසන ලද මෙම ටයිම් ලැප්ස් වීඩියෝව සඳහා ඡායාරූප 7841ක් යොදාගෙන ඇත. කැනන් 110ඪ් මාදිලියේ කැමරාවක් හා 100mm f/2.8 Macro ලෙන්සයක් යොදාගෙන මෙම ඡායාරූප ගෙන ඇත.

සුන්දර නවසීලන්තය



ස්වභාවධර්මය - සැම්සුන්ග් ගැලැක්සි NX කැමරා ඇසින්



අව්රෝරා බොරියාලිස් හෙවත් උත්තරාලෝකය



සුන්දර ශ්‍රී ලංකාව - කලී විදානපතිරන සකස්කරන ලද වීඩියෝවකි









__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Tuesday, 18 October 2016

ඇපල් 7ත් පිපිරෙයි? | Unlucky 7 for both Samsung & Apple?

Unsubstantiated reports have described an iPhone 7, iPhone 7 Plus and iPhone 6 Plus catching fire

සිය අලුත්ම සැම්සුන්ග් නෝට් 7 දුරකථන පිපිරීමට හා ගිණිගැනීමට පටන්ගැනීම නිසා සැම්සුන්ග් සමාගම කෝටි ගණනක පාඩුවකට හා විශ්වාසනීයත්වය පිලිබඳව මහත්වූ අර්බුදයකට මුහුණ දෙන්නට පටන්ගත්තේ මේ නොබෝදා.

දැන් මේ පිපිරෙන ගිණිගන්න ලෙඩේ ඇපල් අයිෆෝන් 7ටද බෝවී ඇති බව චීනයෙන් වාර්තාවනවා. චීනයේ පුද්ගලයෙකු වීඩියෝවක් පටිගත කරමින් සිටියදී ඔහුගේ ඇපල් 7 පුපුරා ගිය බව සඳහන් වනවා. ඒ වගේම තවත් අලුත්ම ඇපල් 7 ෆෝනයක් ඇසුරුමෙන් ඉවත් කිරීමේදී පුපුරාගිය බව පැවසෙනවා.

එමෙන්ම ඇපල් 6 ෆෝනයක්ද ගිය සතියේ ගිණිගෙන විනාශවූ බවත් කැලිෆෝනියාවේ ෆ්‍රිස්නෝ ප්‍රදේශයේ පදිංචි ඇය විනාශවූ දුරකතනය ප්‍රදේශයේ  නිළ ඇපල් අලෙවිසැල වෙත භාරදුන් බවත් පැවසෙනවා.




__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Sunday, 16 October 2016

ලංකාවට පලමුවෙන්ම ගෙන ආ ගුවන් යානය හා ලංකාවේ පලමුවරට පියාසර කල ගුවන්යානය | First aeroplane to arrive in Sri Lanka and the first aeroplane to fly in the Sri Lankan sky.

ඉංග්‍රීසි ජාතික කොලින් බ්‍රවුන් 1912 සැප්තැම්බර් 12 වැනිදා ලංකාවට ගෙන ආ ප්‍රංශයේ නිෂ්පාදිත බ්ලෙරියට් මොනෝප්ලේන් ගුවන් යානය ලංකාවට ගෙන ආ  පලමු ගුවන් යානයයි. (C) Wikimedia Commons


























ලංකාවට මුල්වරට ගුවන්යානයක් ආනයනය කරවන ලද්දේ ඉංග්‍රීසි ජාතික ධනවතෙකුවූ කොලින් බ්‍රවුන් නැමැත්තායි. බ්‍රිතාන්‍යයට අයත් SS Rabenfels නෞකාවෙන් ගෙන ආ බ්ලෙරියට් මොනෝප්ලේන් වර්ගයට අයත් ගුවන් යානයයි. ප්‍රංශයේ නිෂ්පාදිත යානයක් වූ මෙය පියාසරකරවීම ඔහුගේ අදහස වුවද ඊට පෙර එය මුදලට ප්‍රදර්ශණයකොට යම් ආදායමක් ලබාගැනීමට කොලින් බ්‍රවුන් තීරණය කල නිසා ලංකාවට පලමුවෙන්ම ආනයනය කරන ලද මෙම ගුවන් යානය ලක් පොලොවෙන් පලමුවෙන්ම ගුවන්ගතවූ ගුවන්යානය වීමේ අවස්ථාව අහිමිකර ගත්තා.

බ්‍රවුන් ඔහුගේ ගුවන් යානය ප්‍රදර්ශණයට තබා තිබියදී ජර්මානු ජාතිකයෙකු වූ ෆ්‍රාන්ස් ඔස්ටර් අමෙරිකාවේ සිට සිලෙසියා නම් නෞකාවෙන් ලංකාවට පැමිණි අතර ඔහු ගුවන් යානයක්ද ගෙනැවිත් තිබුණා. ජර්මනියේ නිශ්පාදිත එට්‍රික්-රම්ප්ලර් ටෝබෙ වර්ගයට අයත් ගුවන්යානයක් ඔහු ගෙනැවිත් තිබූ අතර ලංකාවට සැපත්ව නොබෝ දිනකින් ඔහු සිය ගුවන් යානය කොළඹ තුරඟ තරඟ පිටියෙන් ගුවන්ගත කිරීමට සූදානම් වුනා.

1911 දෙසැම්බර් 25 නත්තල් දිනයේදී කොළඹ තුරඟ තරඟ පිටියේ පැහැබර කාළගුණයක් තිබූ අතර ඔස්ටර් සිය ගුවන් යානය ඉතා සීරුවෙන් ගුවන්ගත කලා. කෙසේවෙතත් තුරඟ තරඟ පිටියේ ප්‍රධාන ප්‍රේක්ෂක මණ්ඩපයට ඉහලින් යද්දී ඔස්ටර්ට ඔහු කලින් නොදුටු කම්බියක් ගමන් මග හරහා ඇද තිබූ බව දකින්නට ලැබූ අතර කම්බිය මග හැරීම සඳහා ඔහු ක්ශණිකව ගුවන්යානය වාමාවෘත්තව භ්‍රමණය කලා. ගුවන් යානය කම්බියේ නොගැටුනු නමුත්, මෙම හදිසි හැරවුම දරාගැනීමට ඔහුගේ යානයට නොහැකිවූ අතර එය පාලනයෙන් ගිලිහී කඩා වැටුනා. ඔස්ටර්ට තුවාල සිදු නොවූවත් යානය හානියට පත්වුනා. මේ ගුවන්වතවීම ලක් පොලොවෙන් සිදුවූ පලමු ගුවන් ගත වීමයි. එහෙත් නියමුවාට යානය නැවත පාලනයකින් යුතුව ගොඩ බස්වා ගැනීඅමට නොහැකිවූ නිසා මෙම පියාසැරිය ලංකාවේ සිවිල් ගුවන් ඉතිහාසයේ ආරභය විදියට සැලකෙන්නේ නෑ.

සිය ගුවන් යානය අලුත්වැඩියා කරගත් ඔස්ටර් නැවතත් 1911 දෙසැම්බර් 30 වැනිදා ගුවන්ගතවීමට උත්සහ කලත් එයද ව්‍යර්ථවුනේ ගුවන්ගත වනවිටම හැමූ දැඩි සුළඟකින් යානය පෙරලී යාමෙන්. 


ලංකා පොලොවෙන් ගුවන් ගතවූ ප්‍රථම ගුවන් යානය වන්නේ ජර්මන් ජාතික ෆ්‍රාන්ස් ඔස්ටර් පැදවූ එට්‍රික්-රම්ප්ලර් ටෝබෙ වර්ගයට අයත් ගුවන්යානයයි. එම පියාසැරිය සිදුවූයේ 1911 දෙසැම්බර් මස 25වැනිදායි.
මෙවර යානයට දැඩි හානි සිදුවූ අතර එබැවින් ෆ්‍රාන්ස් ඔස්ටර් සිය යානය වෙනුවට, ලංකාවට මුලින්ම ගෙන්වූ කොලින් බ්‍රවුන්ගේ බ්ලෙරියට් මොනෝප්ලේන් ගුවන් යානය පියාසර කිරීමට ඔහු සමග ගිවිසගත්තා. 1912 ජනවාරි 18 වැනිදා උදෑසන තුරඟ තරඟ පිටියෙන් ෆ්‍රාන්ස් ඔස්ටර්, කොලින් බ්‍රවුන්ගේ යානයෙන් ගුවන් ගතවූ අතර සාර්ථක පියාසැරියකින් පසු ආපසු තුරඟ තරඟ පිටියට පහත් කිරීමේදී ඒ අසලම ඇති රාජකීය විද්‍යාලයේ ගොඩනැගිල්ලක ඉහලට ඔසවා තිබූ උණ බටයක යානය ගැටීමෙන් එය තුරඟ තරඟ පිටියට කඩාවැටුනා. අණතුරින් ඔස්ටර් ගේ උරහිස පැනීම නිසා ඔහුව රෝහල් ගත කෙරුනා. මේ අණතුරින් පසු ෆ්‍රාන්ස් ඔස්ටර් ලංකවෙන් පිටත්ව ගියා.

ලක් පොලොවෙන් ගුවන්ගතව ආපසු ගොඩබෑ පලමු ගුවන් ගමන - 1912 දෙසැම්බර් 7

මෙම ගෞරවය හිමිවන්නේ ප්‍රංශ ජාතික මිතුරන් දෙදෙනෙකු වන  ජෝජස් වර්මින්ක් හා මාර්ක් පෝපෙ දෙදෙනාටය. බ්ලෙරියට් මොනෝප්ලේන් යානා දෙකක් සමග ලංකාවට පැමිණි මොවුන් දෙදෙනා 1911 දෙසැම්බර් 7 වැනිදා සිට සතියකට වැඩි කාලයක් දිනපතා කොළඹ තුරඟ තරඟ පිටියෙන් ගුවන්ගතව කොළඹ අහසේ ගුවන් කරණම් ගසමින්, එය දැකබලාගැනීමට පැමිණි යුරෝපීය ජාතිකයින් හා කිසිදා ගුවන් යානයක් දැක නොතිබූ ස්වදේශික ජනතාව අමන්දානන්දයට පත්කලහ.

මේ දින කිහිපය තුලදී ගුවන් සංදර්ෂණ කොළඹ ජනතාව අතර කොතරම් ජනප්‍රිය වූවාද යත්, කොළඹින් පලකෙරුනු "The Times of Ceylon" පුවත්පත 1912 දෙසැම්බර් 12 වැනිදා "The Times of Ceylon Cup" නමින් තරඟයක් සංවිධානය කල අතර ජෝජස් වර්මින්ක් හා මාර්ක් පෝපෙ දෙදෙනා අතර තරඟයක් ලෙස සංවිධානය කෙරුණි. මින් ජෝජස් වර්මින්ක් ජයගත් බව සංදර්ශණය අවසානයේ නිවේදනය කෙරුනි.

විදෙස් රටක ගුවන්ගතවී ලංකාවට ගොඩබෑ පලමු ගුවන් යානය 

විදෙස් රටක ගුවන්ගතවී ලංකාවට ගොඩබෑ පලමු ගුවන් යානය වනුයේ දකුණු ඉන්දියාවේ මණ්ඩපම් වලින් ගුවන්ගතවී කොළඹට ගොඩබෑ හැවිලන්ඩ් DS 80 තනි එන්ජිමේ ගුවන් යානයයි. ඉන්දියාවේ ගුවන් යාත්‍රිකයෙකු ලෙස සේවය කල, දකුණු අප්‍රිකානු ජාතික නෙවිල් වින්සන්ට් විසින් පදවන ලද මෙම යානය තුරඟ තරඟ පිටියට ගොඩබස්වන ලද අතර නෙවිල් වින්සන්ට් සමග එම යානයේ පැමිණි අනෙක් තැනැත්තා වන්නේ, ගුවන් යානා පැදවීමේ නියමු බලපත්‍රයක් ලබාගත් පලමු ස්වදේෂික ලාංකිකයාවූ සුබයර් කෆූර් නැමති ධනවත් ව්‍යාපාරිකයාය.

රත්මලාන ගුවන්තොටුපොල

1935 නොවැම්බර් 27 වැනිදා රත්මලාන ගුවන්තොටුපොල බිහිවූ අතර, මදුරාසියේ සිට පැමිණි ගුවන්යානයක් එදින එහි ගොඩබස්වන ලදී.
__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

මාතර කොචිචියේ බඳීන අස්වයින්ගේ කෑම හොරකම් කර ගන්න බව අපට දැනුන් දුන්නොත් ඒ අයට තෑගී පිණිස පවුං එකක් දෙන බව දන්වමුව! - මොහිදීන් බාවා සහ සමාගම මාතර කෝච්චිය අයිතිකාර

දැන් අපට නුහුරු භාෂාවෙන් ලියැවුනු ලංකාවේ පරණ පත්තර කළාව 

දිනමිණ පළමු නිකුතුවේ මුල් පිටුව - 1909

අපේ රටේ පළවෙනි සිංහල පුවත්පත විදිහට මුද්‍රණය වෙලා තියෙන්නේ ලංකාලෝක නම් පිටු හතරකින් යුත් පත්තරයක්. ඒ අපට නිදහස ලැබෙන්නත් ප්‍රථමවයි. 1860 සැප්තැම්බර 10 වෙනිදා නිකුත් කළ ලංකාලෝකය පුවත්පතේ පැරණිම පිටපත ශ්‍රී ලංකා ජාතික ලේඛනාරක්ෂක දෙපාර්තුමේන්තුව සතුව පවතිනවා.



1911 සැප්තැම්බර් මාසයේ ලංකාවට පලමුවෙන්ම ගුවන්යානයක් ගෙන ඒමේ වාර්තාව සිංහල පුවත්පතක පලවූ ආකාරය


ජාතික ලේඛනාගාරයේ එහි ජායා පිටපත් තබා තිබෙනවා, හැබැයි ජාතික ලේඛනාගාරයේ සටහන් වලට අනුව මේ පුවත් පත පළමු සිංහල පුවත්පත වුවත් එය ශ්‍රී ලංකාවේ ලියාපදිංචි නොකළ පුවත්පතක්. මේක ආරම්භ වෙලා තියෙන්නේ සති දෙකෙන් දෙකට මුද්‍රණය වන පුවත්පතක් විදිහට වුනත් වර්ෂයක් පමණ යනවිට මුද්‍රණය වීම ඇනහිටලා තිබෙනවා. ඒ වුනත් නැවතත් සති පතා පුවත් පතක් විදිහට 1886දී ආරම්භ වෙනවා. එකල දිනපතා පුවත්පත් මුද්‍රණය වීමක් කොහොමත් දකින්නට ලැබුනේ නෑ. ඉතින් අපි මුලින්ම තෝරා ගත්තේ ලංකා ලෝකය පුවත්පතේ වෙළද දැන්වීම් කිහිපයක්. සමස්ත පුවත්පතින් හතරෙන් එකක කොටසක් වෙළද දැන්වීම් සඳහා වෙන් වී තිබිලා තියනවා.


“මාතර කොචිචියේ බඳීන අස්වයින්ගේ කෑම මාතරට යන මහා පාරේ හබරාදූව, ගොයියාපාන, මිරිස්ස යන තැන්වල තිබෙන ස්තාලවලදී අස්වයන් බලන අයවල්වත් ඔවුන් ලවා වෙන කෙනෙක්වත් හොරකම් කර ගන්න බව අපට දැනුන් දුන්නොත් ඒ අයට තෑගී පිණිස පවුං එකක් දෙන බව දන්වමුව. –

මොහිදීන් බාවා සහ සමාගම මාතර කෝච්චිය අයිතිකාර ”


1860 සැප්තැම්බර 10 වනදා පුවත්පතේ දැන්වීමක් උපුටා දක්වා ඇති අතර එහි කිසිදු අක්ෂරයක් වෙනස් කිරීමක් කරලා නෑ. බලාගෙන යනකොට ඒ කාලේ ලේඛකයන් අක්ෂර වින්‍යාසය ගැන සැලකිල්ලක් දක්වලාම නෑ වගේ.


“පසුගියදා ගෙන්වන ලද අප මහ රාජිනින් වහන්සේගේ ජුබිලි පින්තූර කොල තව ස්වල්පයක් ඉතුරුව තිබේ.පළමුවෙන් වික්ක මිල ගනනෙන් දෙකෙන් පංගුවට එනම් ශතා 50 ට දෙනු ලැබේ ”




ලියාපදිංචි කල පළවෙනි සිංහල පත්තරේ “ලක්මිණි පහණ”


ජාතික ලේඛනාරක්ෂක දෙපාර්තමේන්තුවට අනුව ශ්‍රී ලංකාවේ පළමු ලියාපදිංචි සිංහල පුවත් පත වන්නේ ලක්මිණි පහණ පුවත්පතයි. 1862 සැප්තැම්බර 11 දින එළිය දුටු මේ පුවත්පත පස් වරක් පමණ මුද්‍රණය ඇනහිට තිබුනත් අවුරුදු 70ක් කාලයක් පුරා පැවති බවට ජාතික ලේඛනාරක්ෂක දෙපාර්තමේන්තුවේ සටහන්ව තියනවා. 

ආරම්භයේ පටන් කර්තෘ වාක්‍යයට උඩින් යෙදෙන ලද කවියක් දකින්නට පුළුවන්. මේ කවිය පත්‍රය 1934 කුමාරතුංග මුනිදාස මහතාගේ සංස්කරණයෙන් එළි දක්වනතුරුම වෙනස් නොවී පැවතිණි.


දිනමිණ

1915 පෙබරවාරි 15 දින පළ වූ දිනමිණ පුවත්පතේ අයිතිකාරත්වය දැරුවේ D R විජයවර්ධන මහතායි. මෙම පුවත්පතෙත් වැඩි ඉඩ ප්‍රමාණයක් වෙළද දැන්වීම් සඳහා වෙන් කර තිබෙනවා. මෙහි භාෂාව හා යෙදුම් එකළ ග්‍රාම්‍ය යෙදුම් වලට බොහෝ සෙයින් සමානයි.

දිනකර ප්‍රකාශය

1885 වසරේදී ආරම්භ කළ දිනකර ප්‍රකාශය පුවත්පත 1900 න් පසුව සතියකට හතර වරක් නිකුත් විය. මෙම පත්‍රයේත් සමකාලින පුවත් පත් මෙන්ම භාෂාවේ දුර්වලතාවයන් දකින්නට පුළුවන්. දැන්වීම් පළ කරන්නන් අතර දිනකර පුවත්පත ඉක්මනින්ම ජනප්‍රිය වුයේ එහි දැන්වීම් පළ කිරීමේදී ඉතාමත් අඩු මුදලක් අය කිරීම හේතුවෙනි. සම්පුර්ණ තීරුවක් සඳහා 1903 දීත් අය කර තිබෙන්නේ රුපියල් පහක් පමණයි. අනෙක් පුවත් පත් මේ සඳහා රුපියල් දහයක් අය කරන ලදී.

සිළුමිණ පුවත්පත


ලංකාවේ මුල්ම සිළුමිණ පුවත්පත ප්‍රකාශිත දිනය වූයේ 1930 මාර්තු 30 වන ඉරිදා දිනයයි. පත්තරේ මිල ශත 10ක් පමණි.

"බෞධ රටවල දෙකක් අතර යුධයක් ඇතිවන්ට යාමේ ලකුණු." යන සිරස්තලයෙන් තමයි පුවත්පත පිටවෙලා තියෙන්නේ.

"නේපාල ආණ්ඩුව විසින් තිබැට් රට අල්වා ගැනීම සඳහා යුධ හමුදාවක් පිටත් කර හරින ලදැයි බීතියෙන් තිබැට් රටේ ප්‍රභූවරයා වන දලයි ලාමා "රට ආරක්ෂාකර ගැනීම සඳහා අප්‍රමාදව බලසම්පන්න යුධ සමුදාවක් එවනු මැනවැ" යි චීනයේ ජාතික ආණ්ඩුව වෙත ආයාචනයක් යවා තිබේ.

නේපාල තිබැට් යන දෙරටම බෞධ රාජ්‍ය දෙකකි-මේ දෙරටම සම්බන්ධයෙන් ලැබී තිබෙන මේ ප්‍රවෘත්තිය සම්බන්ධ වැඩි විස්තර අනිත් ලෝකයා අතර තවම ව්‍යාප්ත නැත. නමුත් නේපාල යුධ සමුදාවේ ගමන දන්වා දලයිලාමා වෙත ඉන්දියාවෙන් විදුලි පණිවුඩ කීපයක්ම ලැබී තිබෙන බැව් කියා තිබේ."

ලංකාවේ පරණ පත්තර දැන්වීම්

ලංකාවේ පැරණි දැන්වීම් කලාව හරිම සුන්දරයි. බොහොම ග්‍රාම්‍ය භාශාවෙන් ලියා ඇති මෙම දැන්වීම් කියවන එක හරිම විනෝදජනකයි. අන්තර්ජාලයේ සැරිසරද්දී හමුවුනු දැන්වීම් ටිකකුත් බලාගෙනම යන්න.

ග්‍රෙහවුන්ඩ් බයිසිකලේ - රු.65/-යි අඩු නැහැ!


ඔබේ වාසනාවට ලොකු කුඩා හැමටම උවමනා ඇඳුම් අපවෙත තිබේ!


ගැමපෝන් නම් සිංදු කියන යන්ත්‍රය!


අපුල්ලන්නාගෙන් නැවතත් හානි!



Text Source (C)  - Roar.lk

__________________________________________________________________________ Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Friday, 14 October 2016

Google Pixel / Pixel XL වතගොත හා කැමරා වාර්තාව

ගූගල් සමාගම මගින් නිර්මාණය කොට තායිවානයේ HTC සමාගම මගින් නිෂ්පාදනය කරන ලද ගූගල් පික්සල් හා පික්සල් XL ස්මාර්ට්ෆෝන මාදිලි දෙක මෑතකදී ලොවට එලිදැක්වුනා. ගූගල් සමාගම පවසන අන්දමට දැනට වෙළඳපොලට ඉදිරිපත්ව ඇති ස්මාර්ට්ෆෝන අතරින් හොඳම ස්මාර්ට්ෆෝනය ගූගල් පික්සල්.

Pixel හා Pixel XL අතර ඇති ප්‍රධාන වෙනස්කම් වන්නේ තිරයේ විශාලත්වය හා තිරයේ විබේධන අතර වෙනසයි. පික්සල් අඟල් 5ක තිරයකිනුත්, පික්සල්. එක්ස්.එල් අඟල් 5.5ක තිරයකිනුත් සමන්විත වනවා. 

Qualcomm MSM8996 Snapdragon 821 ප්‍රධාන ප්‍රොසෙසරයකින් හා Adreno 530 ග්‍රැෆික් ප්‍රොසරයකින් බලගැන්වෙන පික්සල් මාදිලි දෙකෙහිම මතක ධාරිතාවය ගිගාබයිට් 4ක් වනවා. මෙගාපික්සල් 12ක ප්‍රධාන කැමරාවකින් හා මෙගාපික්සල් 8ක ඉදිරිපස කැමරාවකින් යුතුවන මෙම මාදිලි දෙකෙහිම ඡායාරූප ත්‍රීව්‍රතාවය ඉතා ඉහල බව වාර්තාවනවා. කෙසේවෙතත් පික්සල් ප්‍රධාන කැමරාවේ Image Stabilization තාක්ෂණ අඩංගු කොට නැති නිසා අඩ අඳුරේ ඡායාරූප බොඳවීයාහැකි බවට විචාරකයින් පවසනවා.

විචාරකයින් එසේ පැවසුවත්, කැමරාවල ගුණාත්මක භාවය පිලිබඳව පරීක්ශාකොට වාර්තාකරන Dxomark සේවාවේ ගූගල් පික්සල් කැමරා විවරණයේදී එයට ලකුණු 86/100 ඉහල අගයක් ලබාදී තිබෙනවා. ඩෙක්සෝමාර්ක් වාර්තාවේ අඩංගු පික්සල් කැමරාවෙන් ගන්නා ලද ඡායාරූප හා සාරංශ වාර්තාව පහලින් දැක්වෙනවා.

Fingerprint, Accelerometer, Gyroscope, Proximity Sensor, Digital Compass, Digital Barometer යන සංවේදක (sensors) පික්සල් ෆෝන් මාදිලි දෙකෙහිම අඩංගුවන අතර "නෝගට්" ලෙසින් හැඳින්වෙන අලුත්ම Android OS, v7.1 මෙහෙයුම් පද්ධතියෙන් ක්‍රියාත්මක වනවා.

Google Pixel DxOMark Camera Report



Exposure and Contrast (90)

ඉතා හොඳ තත්වයේ නිරාවරණයක් හා තීව්‍රතාවයක් පෙන්වන සුපැහැදිලි ඡායාරූප ලබාදෙනවා. ලකුණු 90/100. කෙසේවෙතත් ස්වභාවික දර්ශණ ඡායාරූපකරණයේදී පික්සල් කැමරාවට වඩා ගූගල් ගැලැක්සි S7 කැමරාව වඩා සුපැහැදිලි ඡායාරූප ලබාදී තිබෙනවා.

Color Balance (85)

කැමරාවේ වර්ණ සමබරතාවය ඉතා හොඳ මට්ටමක පවතිනවා. ස්වයංක්‍රීය සීරුමාරුව බොහෝ තත්වයන් යටතේ ඉතා හොඳින් ක්‍රියාත්මක වන බැවින් ඉහල වර්ණ සමබරතාවයක් පෙන්වන අතර එක් අතකට බරවූ (colour cast) වර්ණ පෙන්වීම ඉතා අවමයි. ලකුණු 85/100

Autofocus (93)

ස්වයංක්‍රීය නාභිගත කිරීමේ තාක්ෂණය හොඳ ආලෝක තත්වයන් යටතේදීත් මද ආලෝක තත්වයන් යටතේදීත් හොඳින් නාභිගතවූ ඉහල තත්වයේ ඡායාරූප ලබාදී තිබෙනවා.ලකුණු 93/100

Details (93) and Noise (84)

ඡායාරූපයේ විබේධනය හා ඉතා සියුම් සළකුණු හා වර්ණ වෙනස්වීම ඉතා තාත්විකව ඡායාරූපයේ පෙන්වීමේ හැකියාව ලෙස හැඳින්වෙන අතර මෙයට ලකුණු 93/100 ලැබී තිබෙනවා. නොයිස් ලෙසින් හැඳින්වෙන්නේ ඡායාරූපයට කැමරාවේ ලෙන්සයේ හෝ සෙන්සරයේ විවිධ දෝෂ නිසා අමතරව එකතුවන දෝෂයන්ය. මෙහිදීද පික්සල් කැමරාව ලකුණු 84/100 ලබාගෙන තිබෙනවා.

Pixel Sample Photos






__________________________________________________________________________

  Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Wednesday, 12 October 2016

Area 51 අභිරහස් කඳවුරට හොරෙන් ඇතුල් වෙන්න හැදුවොත් වෙනදේ මෙන්න! [ඡායාරූප / වීඩියෝ සමගින්]





















'We are going to give you guys a chance. You turn around and get the f*** outta here'

ඇමරිකාවේ නෙවාඩා ප්‍රාන්තයේ ඇති ඒරියා 51 ලංකාවේ කොන්ස්පිරසි තියරි විශ්වාසකරන, පිටසක්වල යානා ගැන ජීවීන් ගැන උනන්දුවක් දක්වන අය අතර ජනප්‍රියයි. 

මේ ලඟදි ඒරියා 51 අභිරහස් කඳවුරට පිවිසෙන එක් කැලෑ මාර්ගයකි කඳවුර අසලට යන්න උත්සහ කරපු ත්‍රාසය සොයමින් ගිය මෝටර්සයිකල් කරුවන් දෙදෙනෙකුට වුන අකරතැබ්බය ඔවුන්ගෙන් එක් අයෙකුගේ බයික් හෙල්මටයේ සවිකර තිබූ වීඩියෝ කැමරාවට හසුවුනා.

ඇතුලුවෙන්නට කොහොමටවත් බැරි, ඇතුලුවෙන්න උත්සහ කලොත් මරණය සිදුවිය හැකිතරමට බලය පාවිච්චිකොට ඔවුන්ව නවත්වනවා යයි දැනුන් දෙන අණතුරු ඇඟවීමේ නිවේදන බහුල මේ ප්‍රදේශය පුරාව සන්නද්ධ භටයින් පැය 24ම සේවයේ නිරතව ඉන්නවා.

මේ මෝටර්සයිකල් කරුවන්දෙදෙනා පවසන අන්දමට ඔවුන් ගිය කැලෑබද මාර්ගයේ අණතුරු ඇඟවීමේ පුවරුවක් තිබූ අතර එය පසුකල ඔවුන් මදක් නැවතී එම ස්ථානය වීඩියෝ කරමින් සිටියා. තත්පර කිහිපයකින් සන්නද්ධ භටයින් දෙදෙනෙකු රැගත් පික්-අප් රථයක් ඔවුන්ගේ මග අවුරා නැවතුනා. මේ භටයින් දෙදෙනා මොවුනට ආයුධ එල්ල කරමින්, ඔවුන්ව පරීක්ශාවට ලක්කොට වහාම ආපසු හැරි යනලෙස අණකොට තිබෙනවා.








__________________________________________________________________________ Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________
Related Posts Plugin for WordPress, Blogger...