Related Posts Plugin for WordPress, Blogger...

Saturday, 30 January 2016

ලංකා තොරතුරු තාක්ශණ කර්මාන්තයට යෝජිත ඉන්දු-ලංකා ආර්ථික ගිවිසුම මගින් ඇතිකල හැකි බලපෑම

මෙම ලිපිය, ලංකාවේ තොරතුරු තාක්ශණ සමාගමක් වන WSO2 සමාගමේ නිර්මාතෲ, සභාපති හා ප්‍රධාන විධායක නිළධාරී ලෙස කටයුතු කරන සංජීව වීරවර්ණ මහතා සිය පෞද්ගලික බ්ලොග් අඩවියෙහි 27/01/2016 දින "Understanding the (Sri Lankan) IT Industry" යන ශීර්ෂපාඨයෙන් පලකරන ලද ලිපියේ පරිවර්තයකි. දීර්ඝ ලිපියක් වන එය මෙහි සංශිප්තව දක්වා ඇති අතර මෙහි පලවන අදහස් සංජීව වීරවර්ණ මහතාගේ අදහස් වන අතර ඒවා කිසිදු ආකාරයකින් වෙනස් නොවන අන්දමට පරිවර්තනය කිරීමට උත්සහ ගෙන ඇත. ඉංග්‍රීසි භාශාවෙන් පලකොට ඇති එම ලිපිය මෙතනින් කියවන්න.

පසුගිය සති තුනක පමණ කාලය තුල ලංකාවේ තොරතුරු තාක්ශණ කර්මාණ්තයේ නියුතු වෘත්තිකයින් අතර නොසන්සුන්තාවයක් හටගෙන තිබෙන බව පෙනෙන්නට තිබෙනවා. ඉන්දියාවත් ලංකාවත් අතර ඇතිකරගන්නට බලාපොරොත්තුවන ආර්ථික ගිවිසුම (ECTA) මගින් ලංකාවේ තොරතුරු තාක්ශණ කර්මාණ්තයට ඇතිකල හැකි සෘණාත්මක බලපෑම පිලිබඳ ඇතිවී ඇති විවාදය මෙම නොසන්සුන්තාවයට හේතුවී තිබෙනවා.

මේ නිදහස් වෙළඳ ගිවිසුමට අනුව ඉන්දියානු තොරතුරු තාක්ශණ වෘත්තිකයින් හට ශ්‍රී ලංකාව තුල බාධාවකින් තොරව රැකියා සොයාගැනීමට හැකිවන බවට වාර්තාවෙනවා. ලංකාවේ තොරතුරු තාක්ශණ කර්මාණ්තය ගැන යම් දැනුමක් මෙන්ම මගේම අදහස්ද ඇති බැවින් ඒවා මෙසේ ඉදිරිපත් කිරීමට බලාපොරොත්තු වනවා. මා ECTA ලෙස හඳුන්වන වෙළඳ ගිවිසුම පිලිබඳව තොරතුරු නොදන්නා අතර රජය එම තොරතුරු ජනතාවට හෙලිනොකිරීම වරදක් ලෙස දකිනවා.

කෙසේ වෙතත් මේ ගිවිසුම පිලිබඳව හා එහි අයහත් ප්‍රථිපල පිලිබඳව විවිධ දේශපාලඥයින්, බහුශ්‍රැතයින් යයි කියාගන්නා පිරිස් (various pundits) මෙන්ම සාමාන්‍ය ජනයාද විවිධ අදහස් පළකරනවා.

ඔවුන් පලකරන අදහස් වලට අනුව ශ්‍රී ලංකාවේ තොරතුරු තාක්ශණ වෘත්තික ප්‍රජාව;

1] සිය රැකියා ඉන්දියානුවන් විසින් අත්පත් කරගනී යයි දැඩි බියකින් පසුවනවා (Scared to their wits that their jobs will be taken by Indians)

2] ලෝක තරඟකාරිත්වයෙන් රජය ඔවුන්ව ආරක්ශාකරගත යුතුයැයි බලාපොරොත්තු වනවා. (Looking for the state to give them protection from global competition)

3] ඉන්දියානු සහය නොමැතිව ලෝක තොරතුරු තාක්ශණ කර්මාන්තය ජයගැනීමට නොහැකි පිරිසක් වනවා. (Unable to compete with the world's IT industry without help from Indians)

4] සිය රටට ආදරයක් නොමැති, නොමිළයේ අධ්‍යාපනයෙන් පසු පිටරටට සංක්‍රමණයවීමට බලාගෙන සිටින පිරිසක් වනවා. (Unpatriotic because a lot of them leave the country after getting quality free education)

5] යථාර්ථවාදී නොවන ලෝකයක ජීවත්වන පිරිසක් වනවා. ඒ විශ්වවිද්‍යාලයෙන් පිටවූ වහාම ලැබුණු රු.150,000පමණ වේතනයක් ලබන සුළුතරයක් සිටින බැවිනුයි. (Living in a bubble because some of them get paid Rs. 150k/month straight out of university)

මේ බ්ලොග් ලිපියේ අරමුණ "ශ්‍රී ලාංකික තොරතුරු තාක්ශණික කර්මාන්තය" පිලිබඳව තිබෙන මිත්‍යා විශ්වාස හැකිතාක් දුරුකොට පොදුජනතාව දැනුවත් කිරීමයි. මෙම ලිපියතුල ශ්‍රී ලංකාවේ තොරතුරු තාක්ශණ කර්මාන්තය මට පෙනෙන ආකාරයට බෙදා වෙන්කොට කෙටි විග්‍රයක යෙදෙන අතර ඒ සෑම අංශයකටම ඇතිවිය හැකි ඉන්දියානු බලපෑම පිලිබඳව මාගේ අදහස ඉදිරිපත් කරනවා. මේ අදහස් සම්පූර්ණයෙන්ම මාගේ (එනම් මේ ලිපියේ කතෘ සංජීව වර්ණවීරගේ) වන අතර ඒවා විවේචනයට විවෘත වනවා.

මාගේ දැක්මේ හැටියට තොරතුරු තාක්ශණ කර්මාණ්තය පහත ලෙස වර්ගීකරණය කල හැකියි.

Hardware Resellers/Vendors (දෘඩාංග නැවත විකුණන්නන් හා වෙළෙන්දන්)
Hardware Manufacturers (දෘඩාංග නිශ්පාදකයින්)
Software Resellers/Vendors (මෘදුකාංග නැවත විකුණන්නන් හා වෙළෙන්දන්)
Software Manufacturers (මෘදුකාංග නිශ්පාදකයින්)
System Integrators - Local Market Focused (දේශීය වෙළඳපොල ඉලක්ක කරගත් තොරතුරු තාක්ශණ පද්ධති ඒකාගෘහිත කරන්නන්)
System Integrators - Outsourcers (විදේශීය ගැණුම් කරුවන් ඉලක්ක කරගත් තොරතුරු තාක්ශණ පද්ධති ඒකාගෘහිත කරන්නන්)
Enterprise Internal IT Teams (සමාගම් තුල සේවයේ නියුතු තොරතුරු තාක්ශඥයින්) 
IT Enabled Services (ITES) and Business Process Outsourcers (BPO) (තොරතුරු තාක්ශණයෙන් බළගැන්වෙන සේවා හා ව්‍යාපාර ක්‍රියාවලි සේවාවන් සපයන්නන්)
Universities (විශ්වවිද්‍යාල)
IT Training Institutes (තොරතුරු තාක්ශණ පුහුණු ආයතන)

Hardware Resellers/Vendors (දෘඩාංග නැවත විකුණන්නන් හා වෙළෙන්දන්)

මේ අංශයේ ප්‍රධාන සමාගමක් වන අයි.බී.එම් සමාගම ශ්‍රී ලංකාව තුල වසර 40ක කාලයක සිට ක්‍රියාත්මක වනවා. අයි.බී.එම් සමාගම මෙරටට පැමිණෙන්නට ඇත්තේ මහ බැංකුව හා වෙනත් විශාල රාජ්‍ය ආයතන අයි.බී.එම් මේන්ෆ්‍රේම් පරිගණක මිළදී ගැනීමෙන් පසුව වන්නට ඕනෑ. මීට අමතරව 70 හා 80 දශකවල ඩෙටා ජෙනරල්, වෑන්ග් වැනි, දැන් අක්‍රිය සමාගම්ද ලංකාව තුල ක්‍රියාත්මක වුනා.

මොවුන්ගේ ව්‍යාපාරික මොඩලය වන්නේ පිටරටින් පරිගණක පද්ධති ගෙනවිත් මෙරට විකුණා අදාල සේවා සැපයීමයි. සම්පූර්ණ පරිගණක මෙන්ම පරිගණක කොටස් හා උපාංග ආනයනය කොට වෙළඳාම් කරන විශාල ප්‍රජාවක්ද මෙම කර්මාන්තයේ සිටිනවා. මොවුන් බොහෝදෙනෙකු බම්බලපිටියේ යුනිටි ප්ලාසා ගොඩනැගිල්ලේ අපට හමුවනවා.

මා දන්නා පරිද්දෙන් මයික්‍රෝමැක්ස් ජංගම දුරකථන හැරුනකොට ඉන්දියානු සන්නාම සහිත පරිගණක හෝ උපාංග ලංකාවතුල අලෙවි වන්නේ නෑ. ඒ අනුව මට පෙනෙන ආකාරයට ඉන්දියානුවන් මෙහි පැමිණීම කර්මාණ්තයේ මෙම අංශයට වැඩි බලපෑමක් නෑ.

Hardware Manufacturers (දෘඩාංග නිශ්පාදකයින්)

මොවුන් යම් ආකාරයක පරිගණක හෝ තොරතුරු තාක්ශණ මෙවලමක් නිශ්පාදනය කොට දේශීයව හෝ විදේශීයව අලෙවි කරනවා. කෙසේවතත් තොරතුරු තාක්ශණක ලෝකයේ කිසිම මෙවලමක් එක් සමාගමකට සම්පූර්ණයෙන් නිශ්පාදනය කිරීමේ හැකියාවක් නෑ. සුප්‍රකට ඇපල් අයිෆෝනය පවා රටවල් ගණනාවක නිශ්පාදනය කරන කොටස් චීනයේ එකලස් කොට නිමැවෙනවා.

මා දන්නා පරිද්දෙන් ලංකාවේ දෘඩාංග නිශ්පාදනය හෝ එකලස් කිරීමේ සමාගම් තිබෙන්නේ අතලොස්සයි. සමහරක් සමාගම විශේෂිත දෘඩාංග (සුපිරි වෙළඳසැල් වල ඇති පරිගණක-ගත කැශියර් යන්ත්‍ර වැනි ) එකලස් කරනවා.

මාගේ අදහසේ හැටියට දෘඩාංග නිශ්පාදන කර්මාණ්තයේ නියුතු වෘත්තිකයින්ටද ඉන්දියානුවන් මෙහි පැමිණීමෙන් වැඩි බලපෑමක් ඇතිවන්නේ නෑ. මන්දයත් දෘඩාංග ඉන්ජිනේරුකරණය ඉතා විශේෂිතවූ, පුහුණු ශ්‍රමිකයින් හිඟ වෘත්තියක්. මේ වෘත්තියේ පුහුණුව ලැබූ ඉන්දියානුවන් ලංකාවට එනවාට වඩා අමෙරිකාවට හෝ යුරෝපයට රැකියා සඳහා යෑමේ ප්‍රවණතාවය ඉතා වැඩියි.

ඒ වගේම ලංකාවෙන් බිහිවන ඉලෙක්ට්‍රොණික ඉන්ජිනේරු උපාධිධාරීන්ටද ශ්‍රී ලංකාව තුල රැකියා අවස්ථා හිඟවන්නේ ලංකාව තුල ඉලෙක්ට්‍රොණික උපාංග නිශ්පාදන කර්මාණ්තයක් නොමැති බැවිනුයි. 

Software Resellers/Vendors (මෘදුකාංග නැවත විකුණන්නන් හා වෙළෙන්දන්)

මයික්‍රෝසොෆ්ට් ශ්‍රී ලංකා ශාඛාව ප්‍රධාන සිය ගණනක් විදේශීය මෘදුකාංග සමාගම් නියෝජනයකරන දේශීය ඒජන්තයින් මෙම අංශයේ සිටින අතර මොවුන්ගෙන් කිහිපදෙනෙකු ඉතා හොඳ තත්වයේ ඉන්දියානු මෘදුකාංග අලෙවිකරනවා. ලංකාවේ බැංකු ගණනාවක් භාවිතා කරන, ඉන්දියාවේ ඉන්ෆොසිස් සමාගම නිශ්පාදනය කරන ෆිනකල් බැංකු සේවා මෘදුකාංගය එක් ඉන්දියානු උදාහරණයක්.

හොඳින් ස්ථාපනය කොට භාවිතාකරන විට මෘදුකාංග, ආයතනයක ඵලදායිතාවය ඉහල නංවන අතර එබැවින් මාගේ මතය අනුව හොඳ තාක්ශණයේ ඉන්දියානු මෘදුකාංග   ලංකාවට ගෙනැවිත් අලෙවියට ඉඩදිය යුතුයි. ලංකාවේ ආයතනවල ඵලදායිතාවය ඉහල නැංවීමට උපකාරිවීමෙන් ලංකාවට යම් වාසියක් ගෙනදෙනවා. එම මෘදුකාංග සඳහා සේවා සැපයිමට ඉන්දියානුවන් පැමිණිය යුතුනම්, එයද ගැටලුවක් නෑ.

ඒ අනුව තොරතුරු තාක්ශණ කර්මාණ්තයේ මෙම අංශයට ඉන්දියානු සමාගම් පැමිණීම එතරම් ගැටලුවක් නෑ. මෙම ඉන්දියානු මෘදුකාංග විකිණීම සඳහා ඉන්දියානු අලෙවිකරණ ඉන්ජිනේරුවන් පැමිණෙන්නේ නම් එයද ගැටලුවක් නෑ. මෘදුකාංග අලෙවිකරණයේදී සේවාලාභියාගේ ගැටලු විසඳාලීමේ හැකියාව ඇති දක්ශ අලෙවිකරණ ඉන්ජිනේරුවන් අත්‍යාවශ්‍යයි. හොඳ අලෙවිකරණ ඉන්ජිනේරුවන් නොමැතිව මෘදුකාංග අලෙවිකිරීමට තැත්කිරීම පලදායි නොවන බව මා අත්දැකීමෙන් දන්නවා. දක්ශ වෘත්තිකයින් ඕනෑම රටක් සාදරයෙන් පිලිගන්නවා.

Software Manufacturers (මෘදුකාංග නිශ්පාදකයින්)

යම් මෘදුකාංගයක් නිර්මාණය කොට විකිණීම මෙම කර්මාණ්තයේ ව්‍යාපාරික ආකෘතියයි. බොහෝ සමාගම් දැන් මෘදුකාංග සේවාවක් ලෙස (Software as a Service - SaaS) වෙළඳාම්කරනවා. මෙම කර්මාණ්තයේ ඉදිරියට යෑමට ඉතා හොඳ මෘදුකාංග නිර්මාණය අත්‍යාවශ්‍යයි. අඩුම ගණනේ හොඳ තත්වයේ මෘදුකාංග තරඟකරුවන්ට වඩා ලාභයට ලබාදීම සිදුකල යුතු වනවා. හොඳ මෘදුකාංග නිර්මාණයට තරඟකරුවන්ට වඩා නිර්මාණශීලී, වඩා හොඳ නවමු නිර්මාණ සිදුකරන තාක්ශණඥයින් අවශ්‍යයි. අදවනවිට මෘදුකාංග කර්මාණ්තයේ ඉතා කුඩා සමාගම්වලට පවා ලෝක මෘදුකාංග වෙළඳපොල් තරඟ කිරීමට සිදුව ඇත්තේ ලොව ඕනෑම ගණුදෙනුකරුවෙකුට අන්තර් ජාලය හරහා සේවාවක් ලෙස මෘදුකාංග සපයන්නන්ගෙන් සිය මෘදුකාංග අවශ්‍යතා ඉටුකරගත හැකි බැවිනුයි. ඒ අනුව ඉන්දියානුවන් පැමිණියත් නැතත් ලංකාවේ කුඩා මෘදුකාංග සමාගම්වලට පවා ලෝක තරඟයෙන් ආරක්ශාවීමේ හැකියාවක් නෑ.

එමෙන්ම ශ්‍රී ලංකාවේ තොරතුරු තාක්ශණ වෘත්තිකයින් හා සමාගම් තේරුම් ගතයුතු එක් වැදගත් සත්‍යයක් වන්නේ ලංකාවේ එක් සමාගමකට හෝ තොරතුරු තාක්ශණ විශේෂඥයෙකුට යම් මෘදුකාංග නිර්මාණයක් පිලිබඳව යම් අදහසක් පහලවී ඇත්නම්, බොහෝ අවස්ථාවලදී අමෙරිකානුවෙකුට, යුරෝපීයයෙකුට හෝ ඉන්දියානුවෙකුටද එම අදහසම ඇතිවිය හැකි බවයි.

ලංකාවේ මෘදුකාංග සමාගම් සංසදයේ 2015/2016 සභාපති හා 99X Technology සමාගමේ සම-නිමාතෲ වන මනෝ සේකරම් මහතා, අප WSO2 සමාගමේ එක් වැඩසටහනකට සහභාගිවී කල දේශණයකදී කල ප්‍රකාශයක් මෙහිදී සඳහන් කරන්නට කැමතියි. "අදහස් ලාභයි - එම අදහස් ක්‍රියාත්මක කිරීම අපහසුයි | Ideas are cheap - execution is not"

මෘදුකාංග සමාගමක නිර්මාතෲවරයෙකු ලෙස මට කිව හැක්කේ අදහස් මත ප්‍රායෝගික මෘදුකාංග නිශ්පාදනයක් සිදුකොට එමගින් වෙළඳපොල අල්ලාගැනීම ඉතා අපහසු ක්‍රියාවලියක් බවයි. මෙහිදී ඉන්දියානුවන් මෙහි පැමිණීම අපට වාසියක් වේවිද? සත්තකින්ම වාසියකි. එහෙත් එය වාසියක් වන්නේ එලෙස පැමිණෙන ඉන්දියානුවන් විශිෂ්ඨ ගණයේ පරිගණක විශේෂඥයින් නම් පමණකි. ලිපිකරු රැකියාවකට මිලියන ගණනක් අයදුම් කරන රැකියා විරහිත ඉන්දියානුවන් මෙහි කඩාවැදීම කිසිදු ලාභයක් අපට අත් නොකරයි.

දැනට ලංකාවේ සුලභ නොවන දක්ශ මෘදුකාංග අලෙවිකරණ ඉන්ජිනේරුවන් ඉන්දියාවෙන් පැමිණෙන්නේනම් එයද අපගේ කර්මාණ්තයට වාසියකි. එහෙත් මාගේ පෞද්ගලික අත්දැකීම වන්නේ මෙවැනි දක්ශ මෘදුකාංග අලෙවි ඉන්ජිනේරුවන් ඉන්දියාවේ පමණක් නොව කැලිෆෝනියාවේද හිඟ බවයි. 

එමෙන්ම අපගේ අඥාණ දේශපාලකයින් නොදන්නා කමට කියන ආකාරයේ මහත්වූ දියුණු මෘදුකාංග කර්මාණ්තයක් ඉන්දියාවේ  ඇත්තේ නැත. එහෙත් ලොව පුරා ව්‍යාප්තවූ Software Development Outsourcing හා Business Process Outsourcing (BPO) කර්මාණ්තවල යෙදෙන සමාගම් සමූහයක් ඉන්දියාවේ ඇත. එසේ නොමැතිව ඉන්දියාව යනු  පරිගණක මෘදුකාංග නිර්මාණකරණයේ ලොව ජයගත් රටක් නොවේ.

කෙසේවෙතත් ඉන්දියාවේ පරිගණක මෘදුකාංග නිර්මාණ කර්මාණ්තය වේගයෙන් දියුණුවෙමින් පවතින බව සත්‍යයකි. එහෙත් දැනට ඇති කර්මාණ්ත ස්වරූපය අනුව ඉන්දියානු සමාගම් අවුට්සෝසින් හා බී.පී.ඕ සේවාවන් ඉදිරියෙන් සිටින අතර මෘදුකාංග නිර්මණයේදී සිටින්නේ පිටුපසිනි. එමෙන්ම මාගේම අදහසක් ඉදිරිපත් කරන්නේ නම්, ලංකාවේ තිබෙන මෘදුකාංග නිර්මාණ සමාගම්, මුළු කර්මාණ්තයේ ප්‍රතිශතයක් ලෙස ගත්කල ඉන්දියාවේ මෘදුකාංග නිර්මාණ සමාගම් එහි කර්මාණ්තයේ ප්‍රතිශතය හා සසඳන විට ලංකාවේ මෘදුකාංග නිර්මාණය කොට වෙළඳපොලට ඉදිරිපත්කරන සමාගම් ප්‍රතිශතය ඉහලය. එනම් ලංකාවේ තොරතුරු තාක්ශණ කර්මාණ්තයේ වැඩියෙන්ම තිබෙන්නේ මෘදුකාංග නිර්මාණය කොට දෙස්-විදෙස් වෙළඳපොලෙහි තරඟකරන සමාගම්ය.

එසේනම් ඉන්දියානුවන්ට පැමිණීමට ඉඩදිය යුතුද? - මාගේ අදහස නම් ඕනෑම අයෙකුට පැමිණීමට ඉඩදිය යුතුය. එහෙත් ලංකාවේ තොරතුරු තාක්ශණ හා මෘදුකාංග සමාගම් ඉන්දියාවෙන් පැමිණෙන බාල (mediocre) ඉන්ජිනේරුවන්ට රැකියා දෙනු ඇතැයි යමෙකු විශ්වාස කරන්නේ නම් එය විහිලුවකි. 

දෙස්-විදෙස් වෙළඳපොලේ දැඩි තරඟයකට මුහුණදී සිටින ශ්‍රී ලාංකික මෘදුකාංග සමාගම්වලට අවශ්‍යවන්නේ දක්ශයින්ය. මෘදුකාංග නිර්මාණය හා අලෙවිකරණය කලහැක්කේ දක්ශයින්ට පමණක්වන අතර අදක්ශයින් වෙනුවෙන් කල්මැරීමට තරම් ඉවසීමක් ලංකාවේ මෘදුකාංග සමාගම්වලට නැත. දක්ශ ඉන්දියානු මෘදුකාංග ඉන්ජිනේරුවන්ට හා අලෙවි ඉන්ජිනේරුවන්ට ඉන්දියාවතුලම දැඩි ඉල්ලුමක් ඇති අතර ඔවුන් ලංකාවට පැමිණෙනවානම් එසේ වන්නේ ඉන්දියාවට වඩා විශාල වැටුපක් මෙහිදී ලැබෙන්නේනම් පමණකි.

අපගේ WSO2 සමාගම BOI සමාගමක් වන අතර ඒ අනුව ලෝකයේ ඕනෑම රටකින් වෘත්තිකයින් ගෙන්නා ගැනීමේ අවසරය දැනටමත් අප (හා වෙනත් BOI) සමාගම් වලට ඇත. ඉතා හොඳ ඉන්දියානු ඉන්ජිනේරුවන් පැමිණෙනේනම් ඔවුන් ඉතා සාදරයෙන් පිලිගැනීමට අප සමාගම් සතුටු නමුත් විදේශිකයින්ට වැඩිපඩි ගෙවීමේ ප්‍රතිපත්තියක් අප සමාගමේ නැත. එහෙත් වෙනත් සමාගම් විදේශිකයින්ට, ලාංකිකයින්ට වඩා වඩි වේතන ගෙවන බව මා දන්නා කරුණකි.

System Integrators - Local Market Focused (දේශීය වෙළඳපොල ඉලක්ක කරගත් තොරතුරු තාක්ශණ පද්ධති ඒකාගෘහිත කරන්නන්)

යම් ගණුදෙනුකරුවෙකුගේ විශේෂිත තාක්ශණික විසඳුමක් ලබාදීම මෙම සමාගම්වල ව්‍යාපාරික ආකෘතියයි. ඔවුන් ඒ සඳහා විවිධ ආයතනවලින් මෘදුකාංග හා දෘඩාංග ලබාගෙන ඒවා ඒකාබද්ධකොට ගණුදෙනුකරුවාගේ විශේෂ අවශ්‍යතාවයට විසඳුම් ලබාදේ. මෝටර්වාහන ලියාපංදිංචි කිරීමේ දෙපාර්තමේන්තුවේ පරිගණක-මෘදුකාංග පද්ධතිය මීට උදාහරණයකි.

මොවුන්ගේ ක්‍රියාකාරකම් අතර වැදගත් ක්‍රියාවන් වන්නේ ගණුදෙනු කරුවන්නේ තාක්ශණික ගැටලුව හා අවශ්‍යතා හඳුනාගෙන, ඒ සඳහා ගැලපෙන තාක්ශණය තෝරාගෙන, සුදුසු දෘඩාංග හා මෘදුකාංග තීරණය කරමින් එම මෘදුකාංග හා දෘඩාංග ඒකාබද්ධකොට ගණුදෙනුකරුවාගේ අවශ්‍යතාවයන් ඉටුකල හැකි තොරතුරු තාක්ශණ පද්ධතියක් නිර්මාණයකොට දීමයි.

මෙවැනි සමාගම්වල සේවය කරන තොරතුරු තාක්ශණික වෘත්තිකයින් අතර ව්‍යාපාර විශ්ලේෂකයින් (business analysts), ආකෘති-නිර්මාපකයින් (architects), මෘදුකාංග ඉන්ජිනේරුවන්, තත්වපාලන ඉන්ජිනේරුවන් හා අතුරු-මුහුණත් ඉන්ජිනේරුවන් (user-interface engineers), ව්‍යාපෘති කළමණාකරුවන් (project managers) ප්‍රධාන වනවා.

ශ්‍රී ලංකාවේ සමාගම් ගත්කල, තොරතුරු තාක්ශණය අනුගත කරගැනීමේ ප්‍රවණතාවය ඉතා අඩුය (මේ කියන්නේ සේවකයින්ට පරිගණක හා අන්තර්ජාල පහසුකම් දීම නොවේ). ලාභ ශ්‍රමය මෙන්ම පාරිභෝගිකයින්, බටහිර පාරිභෝගිකයින්ට වඩා අඩු පහසුකම්/සේවාවලින් සෑහීමකට පත්වීම මීට හේතු බව මගේ පෞද්ගලික අදහසයි. කෙසේවෙතත් මෙය වේගයෙන් වෙනස්වෙමින් තිබෙන අතර ලංකාවේ මෙවැනි සමාගම් සඳහා විශාල ලෙස තොරතුරු තාක්ශණ වෘත්තිකයින් ඉදිරියේදී අවශ්‍යවනු ඇත. ලංකාවේ දැනට බිහිවෙන තොරතුරු තාක්ශණ උපාධිධාරීන්ගෙන් මෙම මිනිස් සම්පත් අවශ්‍යතාවය සපුරාගත හැකි බව මාගේ අදහසයි. එනමුත් ඒකාගෘහිත සමගාම් වලටද අවශ්‍ය නම් විදේශවලින් තාක්ශණවේදීන් පහසුවෙන් ගෙන්වාගැනීමේ හැකියාව දැනටමත් පවතී. 

එමෙන්ම මෙම වෙළඳපොලෙහි තවත් සුවිශේෂ ප්‍රවණතාවයක් නම් කුඩා හා මධ්‍යම-පරිමාණ සමාගම් තොරතුරු තාක්ශණ පද්ධති සුළුවශයෙන් හෝ යොදාගැනීමට පටන්ගැනීමයි. මෙම වෙළඳපොල කොටසේ ඇති විශේෂත්වය නම් වැඩිමනත් පවුලේ ව්‍යාපාර වන මෙම කුඩා සමාගම් සිය තොරතුරු තාක්ශණ පද්ධතිය බිහිකරගැනීමට තොරතුරු තාක්ශණය උගත් සිය පවුලේ සාමාජිකයෙකු හෝ පවුලට විශ්වාසවන්තයෙකු යොදාගැනීමයි.

මෙම ක්‍රියාවලිය කුඩා පරිගණක ජාලයක් සකසා ගැනීම VB හා ඇක්සස් වැනි පැකේජයක් ආධාරයෙන් යම් යම් මෘදුකාංග නිර්මාණය කරගැනීම වැනි සරල ව්‍යාපෘති වලට සීමාවේ. මෙම වෙළඳපොල, පරිගණක ක්ශේස්ත්‍රයේ ගැඹුරු දැනීමක් නොමැති, එහෙත් ඵ්ලදායින් ව්‍යාපෘතිවල යෙදවිය හැකි තරුණ පරිගණක/මෘදුකාංග ශිල්පීන් සඳහා රැකියා අවස්ථා බිහිකරයි. මෙවැනි රැකියා සඳහා පරිගණක විද්‍යාව හෝ මෘදුකාංග ඉන්ජිනේරු විද්‍යාව පිලිබඳව උපාධියක් අනවශ්‍යය. යම් පරිගණක ඩිප්ලෝමාවක් තිබීම මේ අංශයේ රැකියාවක් ලබාගැනීම සඳහා ප්‍රමාණවත්ය. මාගේ අදහස වන්නේ මෙම ක්ෂේත්‍රය රැකගත යුතු බවයි. එක් අතකින් අඩු වෘත්තීය පුහුණුවක් හෝ අඩු සුදුසුකම් ඇති එහෙත් ඵලදායි ලෙස රැකියාව කල හැකි තරුණයින්ට මෙය රැකියා වෙළඳපොලක් වන අතර කුඩා සමාගම් අතරට තොරතුරු තාක්ශණය ගෙනයාමට මෙම පරිගණක ශිල්පීන් කුළකය වැදගත් මෙහෙයක් ඉටුකරනවා.

මෙම කුළකය අඩු සුදුසුකම් ඇති අඩු පඩියට රැකියාව කරන්නට සූදානම් ඉන්දියානුවන්ගේ ආක්‍රමණයට ගොදුරුවිය හැකි අවදානමක් තිබෙනවා. කෙසේ වෙතත් මෙම කුඩා සමාගම් බොහෝමයක් සිය සේවක සේවිකාවන් තෝරා ගන්නේ දැන-හැඳුනුම්කම් හා පෞද්ගලික රෙකමදාරු මතයි. එබැවින් ඉන්දියානුවන්ට මෙම වෙළඳපොලට විශාල තර්ජනයක් එල්ලකල නොහැකි බවට මා විශ්වාස කරනවා.

System Integrators - Outsourcers (විදේශීය ගැණුම් කරුවන් ඉලක්ක කරගත් තොරතුරු තාක්ශණ පද්ධති ඒකාගෘහිත කරන්නන්)

ධනවත් හෝ තාක්ශණික දැනුම හිඟ රටකින් ව්‍යාපෘති ලබාගෙන ලංකාවේ එම ව්‍යාපෘති නිමකොට විදේශීය ගැනුම් කරුවාට ලබාදීම මෙම සමාගම් සිදුකරයි. 3000ක පමණ ලාංකික සේවක පිරිසක් සිටින වර්චූසා සමාගම මින් ප්‍රධාන සමාගමකි. එමෙන්ම 100කට ආසන්න සේවක පිරිසක් සිටින සමාගම් ද 10-20 සේවක පිරිස් ඉන්නා සමාගම් සියගණනක්ද මෙම අංශයේ ක්‍රියාත්මක වේ.

මින් කුඩා සමාගම් බොහොමයක ප්‍රාරම්භකයා විදෙස් රටකින් තමන්ගේ පෞද්ගලික සබඳකම් මත ලබාගත් ඇණවුමකින් සිය ව්‍යාපාර කටයුතු ආරම්භ කරයි. සාමාන්‍යයෙන් එම ඇණවුම අමෙරිකාවේ/යුරෝපයේ මිළගණන්වලින් 1/5කට හෝ අවම 1/3කට වඩා අඩුවෙන්, හොඳින් කරදුනහොත් ඉතා පහසුවෙන් වෙනත් ඇනවුම්ද ලබාගත හැකිය.

මෙම අංශයේ සිටින විශාල ලාංකික සමාගම් සිය සේවක සේවිකාවන්ට  ඉහල වැටුප්, විදෙස් සංචාර මෙන්ම වෙනත් පුහුණුවීම් අවස්ථාද සළසන අතර සමාගමට හිතෛෂීව කටයුතු කරන සේවකයින් ගණනාවක් බිහිකරගෙන ඇත. මධ්‍යම ප්‍රමාණයේ ලාංකික සමාගම්ද සේවකයින්ට තරඟකාරී වැටුප් ගෙවන අතර තෘප්තිමත්විය හැකි ආයතන පසුබිමක් සපයයි. එම ආයතනවලද හිතෛෂීව සේවය කරන සේවක-සේවිකාවන් විශාල ප්‍රමාණයක් සිටිඅන අතර එම සමාගම් මෘදුකාංග කර්මාණ්තයේ විශේෂිත කොටසක විශේෂඥයින් වනබැවින් වඩා වැඩි මිලකට සිය සේවා අලෙවිකිරීමේ හැකියාව ලබාගෙන ඇත.

මෙම ක්ෂේස්ත්‍රයේ සිටින කුඩා සමාගම් (සේක පිරිස 25ට අඩු) එතරම් හොඳින් සේවකයින්ට නොසලකන අතර දැඩි පීඩනයක් යොදමින් සේවක-සේව්කාවන්ගෙන් වැඩ ගනියි. හැකිතාක් අඩුපඩි ගෙවන මෙම සමාගම්වල සේවකයින් වැඩිකල් නොරඳන අතර එතරම් සුදුසුකම් නැති පිරිස්වලට රැකියා සපයන ස්ථාන බවට පත්වී ඇත.

හැකිතාක් පිරිවැය අඩුකරගැනීමට බලාපොරොත්තුවන මෙවැනි සමාගම් අඩු පඩියට වැඩකරන,  ගුණාත්මක බවින් තොර ඉන්දියානුවන් සේවයට ගැනීමට උනන්දුවනු ඇත. එබැවින් ලංකාවේ එම මට්ටමේ (දෙවැනි, තුන්වැනි පෙල තොරතුරු තාක්ශණ සේවකයින්) සේවක සේවිකාවන් හට ඉන්දියානුවන් නිසා රැකියා අහිමිවීමේ අවදානමක් ඇත. ඒ අනුව ලංකාවේ විශාල හා මධ්‍යම පරිමාණ තොරතුරු තාක්ශණ සමාගම් වලට වඩා ඉතා කුඩා (25ට අඩු සේවකයින් සිටින ) සමාගම්වලට ලාභයට වැඩකරන ඉන්දියානුවන් පැමිණීමෙන් වාසියක් අත්වනු ඇත.

ලාභයට වැඩකරන ඉන්දියානුවන් ගෙන් රටට වාසියක් නැතත් ඉතා දක්ශ, ලංකාවේ දුලබ තාක්ශණික හැකියාවන් ඇති (උදා: ඇපල් iOS ඇප් නිර්මාපකයින්) ඉන්දියානුවන් මෙහි පැමිණීම සමස්ත තොරතුරු තාක්ශණ කර්මාණ්තයටම වාසියකි.

Enterprise Internal IT Teams (සමාගම් තුල සේවයේ නියුතු තොරතුරු තාක්ශඥයින්) 

සමාගම්තුල සේවයේ නියුතු, එහි පරිගණක ජාල, මෘදුකාංග හා වෙබ්සේවා ක්‍රියාත්මක කරවන හා නඩත්තුකරවන ආය්තනයේ තොරතුරු තාක්ශණ දෙපාර්තමේන්තුවේ සේවක සේවිකාවන් මෙම ගොඩට අයත්වේ. දැන් දැන් ලංකාවේ බොහෝ ආයතනවල ව්‍යාපාරික උපායමාර්ග (business strategy) තොරතුරු තාක්ශණය මත බෙහෙවින් යැපෙන නිසා මෙම කණ්ඩායම ඉතා වැදගත්ය.

සමාගමක තොරතුරු තාක්ශණ භාවිතය හා එමගින් තරඟකාරී වාසියක් (competitive advantage) ලබාගැනීමට නම් එම ආයතනයේ තොරතුරු තාක්ශණ දෙපාර්තමේන්තුව දක්ශ ප්‍රධාන තොරතුරු නිළධාරියෙකුගේ (Chief Information Officer - CIO) මගපෙන්වීම යටතේ ක්‍රියාත්මකවිය යුතුය. අවාසනාවකට ලංකාවේ මෙවැනි තොරතුරු තාක්ශණ විශේෂඥයින් හිඟවන අතර මෙම හිඟය පිරැවීමට දක්ශ ඉන්දියානුවන් පැමිණෙන්නේ නම් එය මහත් වාසියකි.

කුඩා සමාගම්වල තොරතුරු තාක්ශණ දෙපාර්තමේතුවක් නැති අතර ඒ වෙනුවට ආයතනයේ සියලුම තොරතුරු තාක්ශණ මෙහෙයුම් කටයුතු කරන තොරතුරු තාක්ශණ විධායකයෙකු (IT Executive) සිටියි. බොහෝවිට ලෙස සමාගම තුල IT guy ලෙස හඳුන්වන සියල්ලන්ගේම තොරතුරු තාක්ශණ ගැටලු විසඳාදෙන මෙවැනි පුද්ගලයින් විශාල මෙහෙයක් සිදුකරන අතර අඩු වේතන ලබයි. ඉන්දියානුවන් මෙහි පැමිණීමෙන් මෙවැනි සේවකයින්ට මහත් අවාසියක් වන අතර එය කෙසේහෝ වැලැක්විය යුතුය.

IT Enabled Services (ITES) and Business Process Outsourcers (BPO) (තොරතුරු තාක්ශණයෙන් බළගැන්වෙන සේවා හා ව්‍යාපාර ක්‍රියාවලි සේවාවන් සපයන්නන්)

තොරතුරු තාක්ශණ අංශයේ වැඩිම සේවකසේවිකාවන් පිරිසක් සේවය කරන අංශය මෙයයි. ඔබ ඇමරිකාවේ ජීවත්වන්නේ නම් පිසා ආහාරවේලක් ඇනවුම් කරන්නට දුරකථනයෙන් ඇමතූවිය පිලිතුරු දෙන්නේ ඉන්දියාවේ සිටින ඉන්දියානුවෙකි, අමෙරිකාවේ විශාල ගුවන් සමාගමක් වන ඩෙල්ටා එයාලයින් සමාගමේ පාරිභෝගික සේවාව ඇමතූවිට පිලිතුරු දෙන්නේ පිලිපීනයේ ජීවත්වන පිලිපීන ජාතිකයෙකි, ඔබ HSBC බැංකුවට කථාකලහොත් පිලිතුරු දෙනු ඇත්තේ ශිරී ලාංකාවේ ජීවත්වන ලාංකික තරුණයෙකි/තරුණියකි.

මුලින් පාරිභෝගික සේවා ඇමතුම්වලට පිලිතුරු දෙන සේවාවන් ලෙස ආරම්භවූ මෙම සේවා දැන් ව්‍යාපාරයක එක් ව්‍යාපාරික ක්‍රියාවලියක් () සම්පූර්ණයෙන්ම වෙනත් රටක සිදුකරන තරමට දියුණුවී ඇත. මෙහි ප්‍රධාන සේවා සැපයුම්කරුවා වන්නේ ඉන්දියාවයි. එන්ගලන්තයට පසු එන්ගලන්ත සුදුසුකම් ඇති ගණකාධිකාරීවරුන් වැඩි ප්‍රමාණයක් බීහිකරන රටක්වන ලංකාව ලෝකයේ වෙනත් රටවල්වලට ගණකාධිකාරී සේවා සපයන්නන් අතර ඉදිරියට පැමිණ ඇත.

ලංකාවේ වසරකට ලක්ශ තුනත් හතරත් අතර ප්‍රමාණයක් උසස් පෙල නිමවන අතර විශ්වවිද්‍යාලයට ඇතුලුවන 25,000 හැරුනකොට ඉතිරියට රැකියා අවශ්‍යය. මෙවැනි සේවා වැඩිදියුණු කල හැකිනම් රැකියා විරහිතභාවයට එය විසඳුමක් වනු ඇත. එහෙත් මෙම ක්ශේස්ත්‍රයේ නියුතු සමාගම් නගන මැසිවිල්ලක් වන්නේ ඉන්ග්‍රීසි කථාකල හැකි තරුණ පිරිස් අඩුවීම ඔවුනට මෙම කර්මාන්තය දියුණු කරගැනීමට අපහසු බවයි.




--------
Recent Posts Widget

----------------------------------------------------------------------------------------------------------

Monday, 25 January 2016

වර්ණබේදවාදී හෝටල්කරුවන්ට විරුද්ධව මිරිස්ස තල්මසුන් බලන්නට යාම ප්‍රතික්ෂේප කරමු | Calling all Sri Lankans, LETS BOYCOTT MIRISSA WHALE WATCHING

මිරිස්සේ තල්මසුන් බලන්නට එන හැම ලාංකිකයාම ස්ත්‍රී දූෂකයකයෙකු ලෙස සිතාගෙන කටයුතු කරන්නට මේ පිරිසට ඉඩදිය යුතු නොවේ. මේ රටේ බොහෝ පුරවැසියන් ලිංගික පීඩනයෙන් පෙලෙන අසහනකාරයින් නොවේ. අසහනකාරයන් නීතියේ රැහැනට හසුකිරීමට ඕනෑතරම් පහසුකම් අද තිබේ. CCTV තාක්ශණය අද සිල්ලර කඩවල පවා භාවිතාවන, මිලෙන් ඉතා අඩු, අසහනකාරයින් ලෙහෙසියෙන් කොටුකරගත හැකි තාක්ශණයකි. එමෙන්ම කොතෙක් අඩුපාඩු හා චෝදනා තිබුණද ශ්‍රී ලංකා පොලීසියේ 119 හදිසි ඇමතුම් සේවාව බොහෝ අවස්ථාවලදී ඉතා ඉක්මණින් ප්‍රතිචාර දක්වයි. 

 විදෙස් කාන්තාවකට හිරිහැරයක් වූ බවට පැමිණිල්ලක් ලැබුණු විට වහා 119 අමතා අදාල කාන්තාව සිටි ප්‍රදේශය ආවරණය වන CCTV දර්ශණ පොලිසියට භාරදී ඔවුනට රාජකාරිය කරන්නට ඉඩදීමයි. පොලීසියට කිව්වට වැඩක්නෑ, පොලීසිවල රස්තියාදුවෙන්න අපිට වෙලාව නෑ, වැනි කතා අදාල නැතුවා මෙන්ම නීතිවිරෝධීය. කාන්තාවකට අතවරයක්වූ විට පොලීසියට පැමිණිල්ලක් සිදුකල යුතය. පොලීසිය සිය රාජකාරිය ඉටු නොකරන්නේ නම් ඒ සඳහා පැමිණිලි කිරීමට පොලිස් කොමිසමක් පිහිටුවා ඇත. ඒවායින් වැඩගත යුතුය. 

මෙරටේ ව්‍යවස්ථාවට අනුව කිසිදු පුද්ගලයෙකුට ජාතිය, ආගම, භාෂාව, සමේ වර්ණය අනුව වෙනස් ලෙස සැලකීමට කිසිදු අවකාශයක් නැත. 

ඒ අනුව රටේ මහජනතාවට දඬුවම් කිරීමට මේ පොඩි හෝටල්කාරයන් කිහිපදෙනෙකුට ඉඩදිය යුතු නැත. මේ වර්ණබේධවාදී ප්‍රවණතාවය වහා වනසා දැමිය යුතුය. 

නැතිනම් වැඩිකල් යන්නට පෙර සංචාරක හෝටලයක නවාතැන් ගන්නා ශ්‍රී ලාංකිකයින්ට හෝටලයේ පිහිණුම් තටාකය තහනම් වනු ඇත, හෝටලය අවට මුහුදු වෙරලද තහනම් වනු ඇත. හෝටලයේ ආපනශාලාවද තහනම් වනු ඇත. "ආවානම් කාමරයට වෙලා ඉඳලා පලයල්ලා .... " කියා සංචාරක කරුමාන්තයේ මහත්තුරු මේ රටේ පුරවැසියන්ට කියන දවස එන්නට පෙර මෙම ප්‍රශ්ණය විසඳාගත යුතුය.

මිරිස්ස හෝටල්වල වර්ණබේදවාදය | Apartheid in Mirissa Hotels


මිරිස්සේ පොඩි හෝටල් හිමියන් කණ්ඩායමක් ලාංකික ගණුදෙනුකරුවන් හට සිය සේවා සැපයිම ප්‍රතික්ශේප කොට ඇතැයි ඩේලි මිරර් පුවත්පත වාර්තා කලේ දින දෙකතුනකට කලිනි. අද ඩේලි මිරර් පුවත්පත මේ තත්වය පිලිබඳව පරීක්ශණයක් පැවැත්වීමට සංචාරක අධිකාරිය (SLTDA) තීරණය කොට ඇති බව වාර්තා කොට තිබේ.

මිරිස්සේ කුඩා සංචාරක නවාතැන් පොලවල් වලට හෝටල් යයි කීවද ඒවා හෝටල් නොව, පිට පලාත්වලින් පැමිණෙන්නවුන්ට තාවකාලිකව නවාතැන්දෙන ලොජ් හෙවත් ලැගුම් හල් මෙන් මිරිස්සේ තල්මසුන් නරඹන්නට පැමිණෙන විදේශිකයින්ට නවාතැන් දෙන ලැගුම්හල් හා ආහාර පාන දෙන ආපනශාලා පමණකි. සංචාරක අධිකාරිය පවසන අන්දමට මින් බොහෝ ආයතන එම ආයතනයේ ලියාපදිංචිය පවා ලබාගෙන නොමැත.

මෙම කුඩා ලැගුම්හල් හා ආපනශාලා පවත්වාගෙන යන මුදලාලිලා දේශීය ගණුදෙනු කරුවන්ට සේවා කෙසේවෙතත් අඩුම ගණනේ කෝපිකෝප්පයක් හෝ නොසපයන්නට තීරණය කොට ඇත්තේ ඔවුන් වෙත පැමිණෙන ගණුදෙනුකරුවන්ගෙන් ඉතා සුළුතර කිහිපදෙනුකු ඔවුන්ගේ නවාතැන් පොල්වල්වල සිටි විදෙස් තරුණියන්ට හිරිහැර කිරීම නිසාය.

මිරිස්සේ පොඩි පොඩි ලොජ් අටවාගෙන ඩොලර් ටිකක් අතගාගෙන සිටින මුදලාලිලා මෙයට විසඳුම ලෙස ජනතාවට දඬුවම්කිරීම තෝරාගෙන ඇත. රත්තරන් බැඳි කටුස්සගේ කතාව සිහිවෙන්නේ මෙවිටය.

ලංකාව කාන්තාවන්ට ඉතාමත් අනාරක්ශිත රටක් බව ඇත්තය. සුදු තරුණියකට නොව පාසැල් ගවුම ඇඳගෙන යන පාසැල් සිසුවියකගේ වුවද ඇඟපත අතගාන්නට, ඇයව රවටාගෙන ගොස් කුමක් හෝ අතරවයක් කරන්නට බැරිනම් ඇයව මනසින් නිරුවත් කරගෙන එම සිතුවිලි ඇයට ඇසෙන්නට කුණුහරුප ලෙස පිටකරන දරුණු ලිංගික පීඩනයකින් ජීවත්වන මිනිසුන් කොටසක් ජීවත්වන රටකි මෙය. එහෙව් රටකට විදෙස් තරුණියන් බුරුතුපිටින් පැමිණීමද පුදුමයකි.

කරුණු එසේවුවත් මිරිස්සේ සංචාරක ලොජ් කාරයින්ට නීතිය අතට ගෙන ජනතාවට දඬුවම් කිරීමට මේ කරුනු කිසිදු අවසරයක් ලබා නොදෙයි. මෙරටේ ව්‍යවස්ථාවට අනුව කිසිදු පුද්ගලයෙකුට ජාතිය, ආගම, භාෂාව, සමේ වර්ණය අනුව වෙනස් ලෙස සැලකීමට කිසිදු අවකාශයක් නැත. 

මිරිස්සේ තල්මසුන් බලන්නට එන හැම ලාංකිකයාම ස්ත්‍රී දූෂකයකයෙකු ලෙස සිතාගෙන කටයුතු කරන්නට මේ අමනයින්ට ඉඩදිය යුතු නොවේ. මේ රටේ බොහෝ පුරවැසියන් ලිංගික පීඩනයෙන් පෙලෙන අසහනකාරයින් නොවේ. අසහනකාරයන් නීතියේ රැහැනට හසුකිරීමට ඕනෑතරම් පහසුකම් අද තිබේ. CCTV තාක්ශණය අද සිල්ලර කඩවල පවා භාවිතාවන, මිලෙන් ඉතා අඩු, අසහනකාරයින් ලෙහෙසියෙන් කොටුකරගත හැකි තාක්ශණයකි. එමෙන්ම කොතෙක් අඩුපාඩු හා චෝදනා තිබුණද ශ්‍රී ලංකා පොලීසියේ 119 හදිසි ඇමතුම් සේවාව බොහෝ අවස්ථාවලදී ඉතා ඉක්මණින් ප්‍රතිචාර දක්වයි.

විදෙස් කාන්තාවකට හිරිහැරයක් වූ බවට පැමිණිල්ලක් ලැබුණු විට වහා 119 අමතා අදාල කාන්තාව සිටි ප්‍රදේශය ආවරණය වන CCTV දර්ශණ පොලිසියට භාරදී ඔවුනට රාජකාරිය කරන්නට ඉඩදීමයි. පොලීසියට කිව්වට වැඩක්නෑ, පොලීසිවල රස්තියාදුවෙන්න අපිට වෙලාව නෑ, වැනි කතා අදාල නැතුවා මෙන්ම නීතිවිරෝධීය. කාන්තාවකට අතවරයක්වූ විට පොලීසියට පැමිණිල්ලක් සිදුකල යුතය. පොලීසිය සිය රාජකාරිය ඉටු නොකරන්නේ නම් ඒ සඳහා පැමිණිලි කිරීමට පොලිස් කොමිසමක් පිහිටුවා ඇත. ඒවායින් වැඩගත යුතුය.

ඩොලර් ටිකක් අතමිට සැරිසරන ලොජ් මුදලාලිලාට රටේ නීතියෙන් පලක් නැත. රටේ පුරවැසියන්ට සේවය කලයුතු යැයි අදහසක් නැත. යුද්ධය පවතින කාලයේ මිරිස්සට ආපු සුද්දෙක් නැත. පැමිණියේ කොල්ලන් සොයාගෙන එන සමලිංගික නාකි සුද්දන් පමණකි. එකල දැන් අපට පුප්පන මේ ලොජ් මුදලාලිලා ජීවිකාව කරගත්තේ අපේ රටේ මිනිසුන් සමග ගණුදෙනු කිරීමෙනි. දැන් සුද්දන් එන්නට පටන්ගත්විට මුල අමතකය. කොහොමත් අපේ රටේ හැටි එහෙමය.

කෙසේ වෙතත් මේ වර්ණබේධවාදී ප්‍රවණතාවය වහා වනසා දැමිය යුතුය. නැතිනම් වැඩිකල් යන්නට පෙර සංචාරක හෝටලයක නවාතැන් ගන්නා ශ්‍රී ලාංකිකයින්ට හෝටලයේ පිහිණුම් තටාකය තහනම් වනු ඇත, හෝටලය අවට මුහුදු වෙරලද තහනම් වනු ඇත. හෝටලයේ ආපනශාලාවද තහනම් වනු ඇත. "ආවානම් කාමරයට වෙලා ඉඳලා පලයල්ලා  .... " කියා සංචාරක කරුමාන්තයේ මහත්තුරු මේ රටේ පුරවැසියන්ට කියන දවස එන්නට පෙර මෙම ප්‍රශ්ණය විසඳාගත යුතුය.





Recent Posts Widget
----------------------------------------------------------------------------------------------------------

ඉතිහාසයේ උණුසුම වැඩිම අවුරුද්ද 2015ලු - ගෝලීය උණුසුම ඉහලයාම නිසා ලඟදී එන්නට නියමිත කුඩා අයිස් යුගයත් (mini ice age) නොපැමිණෙන ලකුණු!



විසිවන සියවසේ මැද භාගයේ සිට මේ දක්වා  පෘථිවි පෘෂ්ඨයට ඉතාම ආසන්නයේ ඇති වාතයේ සහ මුහුදේ උෂ්නත්වය ඉහළ යාමේ සාමාන්‍ය අගය අප ගෝලීය උෂ්ණත්වය ඉහළ යාම (ගෝලීය තාපනය) ලෙස හන්දුන්වනු ලබනවා. IPCC ( කාලගුණය වෙනස්වීමේ අන්තර්-රාජ්‍ය කමි‍ටුව ) කමි‍ටුව පවසන්නේ මෙම උෂ්නත්වය ඉහල යාම සැලකිය යුතු මට්ටමකට පැමිණ ඇත්තේ විසිවන සියවසේ මැද භාගයේ පමණ සිට බවයි. එයට ප්‍රධාන හේතුව වී ඇත්තේ ඉන්ධන දහනය, කැලෑ කපීම් වැනි මිනිස් ක්‍රියාකාරකම් හේතුකොටගෙන වායුගෝලයේ පවතින හරිතාගාර වායූන්ගේ සාන්ද්‍රනය ඉහළ යාමයි.

පසුගිය ශතවර්ශය පුරාවට (1900 - 2000) ගෝලීය උෂ්ණත්වය 0.74 ± 0.18 °C (1.33 ± 0.32 °F) කින් ඉහළ ගොස් ඇත.එම කමි‍ටුව තවදුරටත් පවසන්නේ කාර්මික විප්ලවයට පෙර යුගයේ සිට 1950 දක්වා කාලය තුල සූර්ය විකිරණ සහ ගිනි කදු මගින් යම් පමණක උෂ්නත්වය ඉහළ යාමක් සිදුවී ඇති බවයි.මෙම සියලුම නිගමනයන් ප්‍රකාශ කොට ඇත්තේ ලෝකයේ 40 කට වඩා වැඩි  විද්‍යා සංගම් සහ කාර්මික රටවල ශාස්ත්‍රිය විද්‍ය පීඨ විසිනි.

කාලගුණික මොඩලයන්ට අනුකූලව නවතම IPCC දත්ත වාර්තා සදහන් කරන්නේ 21 වන ශතවර්ශය තුල ගෝලීය උෂ්ණත්වය 1.1 සිට 6.4 °C (2.0 සිට11.5 °F)  කින් ඉහළ යාමක් බොහෝ දුරට බලාපොරොත්තු විය හැකි  බවයි. අනාගතය තුල පිටකරන හරිතාගාර වායුන්ගේ ප්‍රමාණය ඒ සදහා බලපාන බව ඔවුන්ගේ මතයයි. එවගේම මෙම උෂ්නත්ව වෙනස්වීම් ලෝකයේ කලාපයෙන් කලාපයට වෙනස් වේ. කෙසේ නමුත් හරිතාගර වායූන් මුදාහැරීම නැවැත්වූවත් මුහුදේ පවතින විශාල තාප ධාරිතාගුණයත්, කාබන් ඩයිඔක්සයිඩ්(CO2)  වල දිගුකල් පවැත්මේ ගුණයත් හේතුකොටගෙන 2100 න් පසුවත් උෂ්නත්වය වැඩිවීම බලාපොරොත්තු වියහැක.

මෙම ගෝලීය උණුසුම ඉහළයාම නිසා විවිධ අහිතකර බලපෑම් ඇතිවන අතර,

- මුහුදු මට්ටම ඉහළයැම
- ග්ලැසියර දියවීම
- කාලගුණ විපර්යාස සිදුවීම
- කෘෂිකර්මාන්තය අඩාල වීම

වැනි දෑ ප්‍රධාන තැනක් ගනී.

අමෙරිකානු ජාතික සාගර හා වායුගෝල පර්යේෂණ පිලිබඳ ඒජන්සිය (NOAA) සඳහන් කරන ආකාරයට ඉතිහාසයේ උණුසුම වැඩිම අවුරුද්ද 2015 වනවා. 1880 පසු වැඩිම උශ්ණත්වය 2014 වාර්තාවූ අතර 2015 වසර එම වාර්තා බිඳහෙලා ඇත. ලොව පුරා සාගර මතුපිට උශ්ණත්වය සෙල්සියස් අංශක 0.9කින් වැඩිවී ඇත. මෙය ඉතා සුලු අගයක් බව පෙනුනද ඉන් ජෛවගෝලයට සිදුවන බලපෑම අතිමහත්ය.

මේ අතර බ්‍රිතාන්‍යයේ විද්‍යාඥයින් පිරිසක් ප්‍රකාශකරන්නේ පෘථිවියේ ඉතිහාසය හා අයිස් යුග චක්‍ර (ice age cycles) සළකබලන විට මේ කාලයේදී නැවත්ත් පෘථිවිය කුඩා අයිස් යුගයකට එළඹිය යුතු වුවත් (mini ice age) මිනිස් ක්‍රියාකාරකම් නිසා ගෝලීය උණුසුම ඉහලයම මගින් එම අයිස්යුගය එළබීම වැලැක්වී ඇති බවයි.

මීට පෙර කුඩා අයිස් යුගයක් වාර්තාවී ඇත්තේ 1645 සිට 1715 දක්වා කාලයතුලදීයි. මෙලෙස කුඩා අයිස්යුග හටගන්නේ චක්‍රීයලෙස සිදුවන හිරුගේ ක්‍රියාකාරිත්වය අවමවීම නිසා පෘථිවට ලැබෙන සූර්ය තාපය අවමවීමයි. දැනට ගණන්බල ඇති අන්දමට 2030-2040 දක්වා කාලයේදී සූර්ය ක්‍රියාකාරිත්වය 60%කින් පමණ අඩුවිය යුතුයි. මේ වනවිටත් මෙම චක්‍රය ආරම්භවී ඇති අතර සූර්ය ක්‍රියාකාරිත්වය ක්‍රමයෙන් අඩුවෙමින් පවතින බව විද්‍යාඥයින්ගේ නිරීක්ශණ වලට හසුවී තිබෙනවා. බ්‍රිතාන්‍යයේ නොදම්බ්‍රියා විශ්වවිද්‍යාලයේ මහාචාර්ය වී සාර්කෝවා මේ පර්යේෂණ පිලිබඳ නිබන්ධනයක් වේල්සයේ පැවති තාරකා විද්‍යාඥයින්ගේ සමුලුවකදී ඉදිරිපත් කලා.


Sources : 

http://arlahiru.blogspot.com/2009/11/global-warming.html
http://www.independent.co.uk/environment/climate-change/mini-ice-age-coming-in-next-fifteen-years-new-model-of-the-suns-cycle-shows-10382400.html
http://astronomynow.com/2015/07/17/diminishing-solar-activity-may-bring-new-ice-age-by-2030/









Recent Posts Widget
----------------------------------------------------------------------------------------------------------

Sunday, 24 January 2016

අභ්‍යවකාශයේ පිපුණු සීනියාස් මල් - First Zinnias Bloom in Space



පසුගිය සතිය අන්තර්ජාතික අභ්‍යවකාශ මධ්‍යස්ථානයේ වාසය කරන ගගනගාමීන්ට සතුටුශායක සතියක් වුනා. ඒ ප්‍රථම වතාවට පෘථිවි කක්ශයේදී සුන්දර සීනියාස් මලක් පෙති දිගහැර හිරුඑලිය විඳින්නට පටන්ගත් නිසයි. "වෙජී" ලෙස නම්කොට ඇති ව්‍යාපෘතියේ අභ්‍යවකාශ උයන්-පල්ලා වූයේ නාසා ගගනගාමී ස්කොට් කෙලී. 

අභ්‍යවකාශ මධ්‍යස්ථානයේ සිට ස්කොට් කෙලී නිකුත්කරන ලද ට්විටර් පණිවුඩය

පසුගිය වසරේ අවසාන භාගයේදී ISS ගගනගාමීන් අභ්‍යවකාශය තුල ගෝවා වගාකොට සලාදයක් සාදා ආහාරයට ගත් අතර මෙවර ඔවුන් ගෝවා වලට වඩා වගාකොට මල් ලබාගැනීමට අපහසු සීනියාස් මල් වගාකිරීමට තෝරා ගත්තා. මෙම සීනියාස් පැලවලින් මල් ලබාගැනීමට දින 80ක් පමණ ඒවා ඉතා හොඳින් රැකබලාගැනීමට සිදුවුනා. මෙහි සාර්ථකත්වය මත ඉදිරියේදී තක්කාලි වගාවක් ආරම්භකිරීමට බලාපොරොත්තු වනවා. මීට පෙර ISS මධ්‍යස්ථානයේ සූරියකාන්ත මල් හා බාර්ලි වගාකොට තිබූ අතර බාර්ලි වගාවේ අස්වැන්න පෘථිවියට එවා බීර නිශ්පාදනය කිරීමේ සැළසුමකුත් තිබුණා.

අනාගතයේ අඟහරු වැනි ග්‍රහයන්වෙත යන දීර්ඝ ගමන්වලදී අභ්‍යවකාශගාමීන්ට අවශ්‍ය ආහර වගාකරගැනීමේ තාක්ශණයන් බිහිකිරීම මෙම පරීක්ශණවල අරමුණ වනවා. දැනට අභ්‍යවකාශයේ වසරක් ගතකොට ඇති ස්කොට් කෙලී ලබන මාර්තුවේ පෘථිවිය බලා පැමිණීමට බලාපොරොත්තුවනවා. 









Recent Posts Widget

----------------------------------------------------------------------------------------------------------
VISITORS ON විද්‍යා ගවේෂණ NOW!


ක්ෂීරපථය - සජීවිකරණය කරන ලද ඡායාරූප | Milky Way - Animated GIFs









Saturday, 23 January 2016

Whoosh Bottle : ගෙදර කරන්න හදන්න එපා !!!! [DON'T TRY THIS AT HOME - BUT WE KNOW YOU WOULD ... :D ]



1] ලොකු පොලිකාබනේට් වතුර බෝතලයක් ගන්න. Water Dispenser වලට වතුර පුරවන බෝතල් පොලිකාබනේට් බෝතල්. 

බෝතලය ඝණකම් වෙන්න ඕනෑ. ඒ නිසා කඩෙන් ගන්න ලීටර් 5 වතුර බෝතල් පාවිච්චි කරන්න එපා. ඒවා තුනී වැඩියි. ඒ වගේම වීදුරු බෝතල් ගන්නත් එපා. පුපුරලා තුවාල වෙන්න පුලුවන්.

2] බෝතලේට සුපිරිසුදු ඇල්කොහොල් ස්ප්‍රීතු දාන්න. ගෙදර බොන සැර ජාති දාලා වැඩක් නෑ. 100% ඇල්කොහොල් වෙන්න ඕනෑ. 100% ඇල්කොහොල් නැතිනම් තීන්ත දියකරන තිනර් දාන්නත් පුලුවන්. හැබැයි තිනර් වඩා භයානක වේගයකින් ඇවිලෙනවා. ඒ නිසා ගොඩක් පරිස්සමෙන්.

3] මූඩියකින් වහලා ඇල්කොහොල්/තිනර් වාශ්ප වෙනකම් තියන්න. ඇල්කොහොල් වාශ්පයෙන් බෝතලය පිරිලා ගියහම තමයි මේ විධියට ඇවිලෙන්නේ.

4] දැන් මූඩිය ඇරලා, බෝතල් කටට ගිණි පුළිඟුවක් ලං කරන්න.

මූඩිය අරින්න ඉස්සෙල්ලා ගිණි පුළිඟුව ලෑස්ති කරගන්න. දිග බටයක් හරි කෝට්ටක කෙලවර හොඳින් ගැටගහපු ඉටිපන්දමක් වැඩේට සුසුදුයි. කෝට්ට දිග වෙන්න ඕනෑ. හදිසියේ පුපුරලා ගියොත් හානිය අවමයි.

ළමයි ලඟ තියාගෙන කරන්න එපා. ගිණි දල්වන්න ඉස්සෙල්ලා ළමයි අඩුම ගානේ අඩි 10-15 ඈත් කරන්න. 

කිසිම විටක ගෙදර කාමරයක හරි කුස්සියේ හරි කරන්න එපා. ඉඩකඩ තියෙන එළිමහන් තැනක කරන්න.

Recent Posts Widget
----------------------------------------------------------------------------------------------------------

Thursday, 21 January 2016

පිටසක්වල ජීවින් සමග ලිංගිකව එකතුවී ළමයි හැදූ කාන්තාවන් මාධ්‍ය හමුවට!

පිටසක්වල ජීවින් සමග ලිංගිකව එක්වී දෙමුහුන් ළමුන් සෑදු බව කියන කාන්තාවන් පිරිසක් මාධ්‍ය හමුවේ ඔවුන්ගේ අනන්‍යතාවය මුල්වරට හෙළිකොට තිබේ. ඔවුන් හෙළිකොට ඇති අන්දමට පිටසක්වළ ජීවින් හා මනුෂ්‍යන් එකතුවී දෙමුහුන් ළමුන් සෑදීම වසර කිහිපයක සිට සිදුව ඇති කටයුත්තකි. පිටසක්වල ජීවින් ළමුන් සෑදීම සඳහා ලිංගිකව එක්වීම සහ කෘතීම සිංචනය යන ක්‍රම භාවිතා කොට ඇති බව එවැනි ළමුන් සෑදු මවුවරු දෙදෙනෙක් විසින් හෙළිකොට තිබේ. 

වීඩියෝ ක්‍රීඩා නිෂ්පාදිකාවක් වන අලුනා වර්සේ පිටසක්වල ජීවින් සමග එකතුවී  ළමුන් 13 දෙනෙකු බිහිකොට ඇති බව මාධ්‍ය හමුවේ ප්‍රකාශ කොට තිබේ. 27 හැවිරිදි වියේ පසුවන අලුනා තවදුරටත් විස්තර කරමින් කියා තිබුනේ පිටසක්වල ජීවින් සමග ලැබූ ලිංගික අත්දැකීම ජිවිතයේ ලද හොඳම ලිංගික අත්දැකීම බවයි. පිටසක්වල ජීවින් හා මනුෂ්‍යන් දෙමුහුන් කොට ඔවුන් වඩා හොඳ ජාතියක් බිහි කිරීමට වසර ගණනාවක් තිස්සේ කටයුතු යොදමින් ඇති බවද මෙහිදී එම කාන්තාවන් මාධ්‍ය හමුවේ ප්‍රකාශ කොට තිබේ.

අලුනා ට ලැබුණු පිටසක්වල ළමුන්ගේ හැඩරුව ඇය සිත්තම්කොට තිබුනේ මෙලෙසිනි. 

Source: 

http://www.mirror.co.uk/news/weird-news/women-had-sex-aliens-gave-7212963

http://www.ibtimes.co.in/group-women-claims-have-sex-aliens-says-they-have-given-birth-hybrid-children-664014

Hybrid-Baby-Community

PAY-Hybrid-Baby-Community (2)

A group of women called the Hybrid Baby Community are claiming they have children which were fathered by aliens who live with their dads on giant spaceships and have sketched how the aliens look. Pictured - One of the sketches by Aluna Verse




Recent Posts Widget

----------------------------------------------------------------------------------------------------------

Wednesday, 20 January 2016

Ceylon Motor Show 2015



Mini Cooper @ Ceylon Motor Show (Photos by Terence Kahapola Arachchi)



Mini Countryman




Mini Cabrio Convertible




Jaguar XF



Jaguar F-Type Convertible



Audi A6



Ceylon Motor Show 2015 හි අධිවිබේධන ඡායාරූප නැරඹීම සඳහා අපගේ ෆ්ලිකර් ඡායාරූප ඇල්බමය වෙත යන්න... 

මෙම Flickr ඇල්බමය තුල ඉහත ඡායාරූප වලට අමතරව එම මාදිලිවලම තවත් ඡායාරූප රාශියක් මෙන්ම, මෙහි අඩංගු නොකල, පහත වාහන මාදිලිවල ඡායාරූපද නැරඹිය හැකිය.

1] Audi A3
2] Chrysler Jeep Wrangler
3] Land Rover Defender
4] Land Rover Discovery Sport
5] Range Rover
6] BMW i8 Plug-in Hybrid

Click here to visit the photo album













Recent Posts Widget
----------------------------------------------------------------------------------------------------------

Monday, 18 January 2016

සිය පාසැල තුල වෙඩිතබා සමූළඝාතනයක් කරන්නට සැළසුම්කල අමෙරිකානු පාසැල් සිසුවියන් දෙදෙනා හා පාසැල ඝාතකාගාරයක් කල සිසුන් දෙදෙනා...

ඇමරිකාවේ කොලරාඩෝ ප්‍රාන්තයේ මවුන්ටන් විස්ටා උසස් පාසැල, සිසුසිසුවියන් 2000ක් පමණ ඉගෙනුම ලබන මධ්‍යම ප්‍රමාණයේ  පාසැලකි. ලංකාවේ ක්‍රමය අනුව 10-11-12-13 ශ්‍රේණි,  එනම් සාමාන්‍යපෙල හා උසස්පෙල ලෙස හැඳින්වෙන ශ්‍රේණි ඒකාබද්ධ කොට පවත්වන පාසැල් අමෙරිකාවේ හයි ස්කූල් හෙවත් උසස්/ජෙශ්ඨ පාසැල් ලෙස හඳුන්වයි. මවුන්ටන් විස්ටා උසස් පාසැලද මෙවැනි පාසැල් දහස් ගණනකින් එකකි. එම පාසැල්වල ඉගෙනුම ලබන සිසුසිසුවියන්ගේ පැතුම උසස් පාසැල් ඩිප්ලෝමා විභාගයෙන් සමත්ව විශ්වවිද්‍යාලයකට ඇතුලත්වීමයි.



කෙසේවෙතත් අමෙරිකානු උසස් පාසැල් සිසුන් කලින් කලට පුවත් බිහිසුනු පුවත් මවනවා. අපහසුවකින් තොරව ගිණිඅවි ලබාගත හැකි රටක්වන අමෙරිකාව තුල වසර කිහිපයකකට වරක් උසස් පාසැලක් හෝ විශ්වවිද්‍යාලයක් තුල වෙඩිතැබීමේ පුවතක් වාර්තාවන අතර මින් බිහිසුණුම උසස් පාසැල් වෙඩිතැබීම සිදුවන්නේ කොලරාඩෝ ප්‍රාන්තයේ කොලොම්බයින් උසස් පාසැලේ සිදුවූ වෙඩිතැබීමයි. 1999 අප්‍රේල් විසිවැනිදා කොලොම්බයින් පාසැලේ ජෙෂ්ඨ සිසුන් දෙදෙනෙකු වන එරික් හැරිස් හා ඩිලන් ක්ලෙබෝල්ඩ් කොලොම්බයින් පාසැල තුලට අවිආයුධ හා බෝම්බ තොගයක් ගෙනැවිත් බිහිසුණු වෙඩිතැබීමක් සිදුකොට සිසුසිසුවියන් දොලොස් දෙනෙකු හා එක් ගුරුවරයෙකු මරාදමා තමන්ද සිය දිවි හානිකර ගත්තා.

ජේෂ්ඨ සිසුන් වන එරික් හැරිස් හා ඩිලන් කීබෝල්ඩ් කොලොම්බයින් පාසැලේ ආපනශාලාවේ CCTV කැමරාවට හසුවූ ආකාරය.
එරික් හා ඩිලන් මෙම ඝාතනයන් සිදුකලේ කුමන හේතුවක් නිසාද යන්න තවමත් අභිරහසක් වුවත් ඔවුන් දෙදෙනා පවත්වාගෙන ගිය බ්ලොග් අඩවිවල ඔවුන් සමාජය කෙරෙහිත් තම පාසැල කෙරෙහිත් දැඩි වෛරයකින් පසුවූ බවට හෙලිවන සටහන් තබා තිබුණා. එම සටහන්වල පාසැලේ තමන් අකමැති සිසුන් හා ගුරුවන් හට මරණය කැඳවන බවට තර්ජන තිබූ අතර ඔවුන් පයිප්ප බෝම්බ ලෙස හඳුන්වන නිවසක සෑදිය හැකි සරල බෝම්බ නිශ්පාදනය කරමින් සිටින බවද සටහන් කොට තිබුණා. අදමෙන් අන්තර්ජාල භාවිතය පැතිර නොතිබුණු එම අවදියේ මෙම වෛරී සටහන් බොහෝ දෙනෙකුගේ අවධානයට බඳුන්ව තිබුනේ නෑ.

ඝාතනවලින් පසුව කෙරුණු පරීක්ශණ වලදී ඩිලන් හා එරික් විසින් ලියන ලද දිනපොත් හා ඔවුන් පටිගත කරන ලද වීඩියෝ රැසක් හමුවුනා. මෙම දිනපොත් වල සටහන් වන ආකාරයට ඔවුන් පාසැලේ විවේක කාලයේදී ආපනශාලාව තුල බෝම්බ පුපුරවා සියගණක් සිසුන් මරාදැමීමට සැළසුම් කොට තිබූ අතර මෙම බෝම්බ වලින් දිවිගලවා ගන්නා සිසුන් සොයමින් වෙඩිතැබීමටද සැලසුම් කොට තිබුණා. පොලීසිය හා හදිසි සේවා පාසැල වෙත ලඟාවූ පසු ඔවුන් බෝම්බ සවිකරන ලද සිය කාර් රථ මෙම පොලිස් හා හදිසිසේව රථවල හප්පවා ඔවුන් විශාල පිරිසක්ද මරාදැමීමට සැලසුම් කරන බව ලියා තිබුණා.

ඔවුන් එක් රැස්කල අවි ආයුධ හා බෝම්බ වීඩියෝවල පටිගත කල අතර ඒවා සිය නිවෙස් වල සඟවා ඇති ආකාරය මෙන්ම සිය නිවස ආසන්නයේ ඇති ලඳු කැලෑතුල වෙඩි තැබීමට පුහුණුවන ආකාරයද පටිගත කොට තිබුණා.
සිය පාසැල් මිතුරු මිතුරියන් සිය ගණනක් මරාදැමීමට සැලසුම් කොට අවසානයේ දොලොස් දෙනෙකු හා හා ගුරුවරයෙකු මරාදමා සියදිවි හානිකරගත් එරික් හැරිස් හා ඩිලන් ක්ලෙබෝල්ඩ් ඊට වසරකට පමණ පෙර ගන්නා ලද ඡායාරූපවල පෙනී සිටි ආකාරය. මෙම තරුණ සිසුන් දෙදෙනා මෙතරම් දරුණු මිනීමරුවන් වුනේ කෙසේදැයි තවමත් අභිරහසක්.
හැරිස් හා ඩිලන් 1999 අප්‍රේල් 20 වැනිදා කොලොම්බයින් පාසැලෙන් තරමක් ඈත පිටියක බෝම්බයක් පුපුරුවා හැරියේ පොලිසියේ අවධානය වෙනතක යොමු කිරීමයි. එම බෝම්බය පුපුරා යන අතර වාහන දෙකකින් පාසැල වෙත පැමිණි හැරිස් හා ඩිලන් බෑග් දෙකක් තුල සැඟවූ බෝම්බ දෙකක් රැගෙන ආපන ශාලාව වෙත පැමිණියා. පෙරවරු 11.17ට පුපුරා යාමට සකස් කොට තිබූ එම බෝම්බ දෙක කුඩා ගෑස්ටැංකි වටා ඩයිනමයිට් අසුරා සකස් කොට තිබූ අතර එම බෝම්බ දෙක සැලසුම් කල ආකාරයට පුපුරා ගියේනම් ඒ වනවිට ආපන ශාලාවේ ආහාරගනිමින් සිටි සිසුසිසුවියන් 400කට අධික පිරිසෙන් විශාල පිරිසක් මරණයට පත්වීමට හා ඉතිරිය බරපතල තුවාල ලැබීමට ඉඩ තිබුණා.

බෝම්බ සහිත බෑග් ආපනශාලාවේ තැබූ ඩිලන් හා හැරිස් නැවතත් සිය වාහන වලට ගියේ බෝම්බ පුපුරා ගිය පසු එම ස්ථානයෙන් එලියට දිව එන්නවුන්ට වෙඩි තැබීමටයි. කෙසේ වෙතත් එම බෝම්බ දෙකම පුපුරා නොගිය නිසා මහා විනාශයක් වැලකුණු අතර බලාපොරොත්තු කඩවුනු ඩිලන් හා හැරිස් සිය වාහන තුල තිබූ තුවක්කු රැගෙන ආපනශාලාව වෙත ගියේ හැකිතාක් මරාදමා තමන්ද මිය යාමට කතිකාකරගෙනයි. ආපනශාලාවට ඇතුලුවූ ඔවුන් නෙත ගැටන සෑම දෙනෙකුටම වෙඩි තැබූ අතර පසුව ආපනශාලාවේ මේසයෙන් මේසයට යමින් සැඟවී සිටින්නන් සොයමින් වෙඩි තැබුවා.

ඉන් පසු පුස්තකාලය වෙත ගිය හැරිස් හා ඩිලන් එයතුල සිටියවුන්ටද වෙඩිතැබූ අතර කිහිපදෙනෙකු මරාදැමුවා. ඉන් පසු පාසැල පුරා ඇවිදිමින් සැඟව සිටියවුන් වෙත උසුලු විසුලු කරමින් ඉවක් බවක් නැතිව වෙඩි තැබූ හැරිස් හා ඩිලන් පුස්තකාලය අසලදී එකවිට වෙඩිතබාගෙන සිය දිවිහානි කරගත්තා.

පාසැලේ ඉතා ක්‍රියාශීලී සිසුන් වූ ඩිලන් හා හැරිස් පාසැලේ නාට්‍යවල රඟපෑ අතර පාසැලේ වීඩියෝ රූගත කිරීමේ කණ්ඩායමේ සිටි අතර පාසැලේ පරිගණක පද්ධතිය පවත්වාගැනීමට උපකාරීවුනු පරිගණක ශිල්පීන් දෙදෙනෙකුද වූවා. හොඳ අනාගතයක් තිබූ, ස්ථාවර පවුල් වල දරුවන් වන මේ දෙදෙනා බිහිසුණු මිනීමරුවන් බවට පත්වූයේ කෙසේදැයි තවමත් පැහැදිලි නෑ.

ඔවුන් සිය ඝාතන ක්‍රියාත්මක කරන ආකාර පිලිබඳ විස්තරාත්මක සටහන් තබාගෙන සිටියත් ඔවුන් එවැන්නක් සිදුකරන්නේ ඇයිද යන්න ගැන තොරතුරු සටහන් කොට ඇත්තේ ඉතා අඩුවෙන්. අමෙරිකාව තුල සිදුවූ ප්‍රථම ත්‍රස්ත ප්‍රහාරය වන ඔක්ලහෝමා නගරයේ සිදුවූ දැවැන්ත බෝම්බ ප්‍රහාරය මෙන් සදාකල් මතකයේ රැඳෙන යමක් කරන්නෙමුයි යන්න ඔවුන් සිය දිනපොත්වල සටහන් කොට තිබුණා. මොවුන් දෙදෙනා හිට්ලර්ගේ නට්සිවාදය පිලිගත් බවත් නිතරම නට්සි ආචාරක්‍රමයට (Nazi Salute) ආචාර කරනබවත් ඒ අනුව පාසැලේ අනෙක් සිසුන්ගේ දෝෂදර්ශණයට බඳුන්වූ බවත් පැවසෙනවා. මෙම ප්‍රහාරය සිදුකල දියනවූ අප්‍රේල් 20 හිට්ලර්ගේ උපන්දිනය වීම තවත් සුවිශේෂී දෙයක්.

කෙසේවෙතත් පාසැල තුල සිසුනට හිරහැර කිරීම (bullying) විශාල ලෙස පැතිර තිබූ බවත් ඒවා නැවැත්වීමට ගුරුවරුන් හෝ විදුහල්පතිවරයා කිසිදු ක්‍රියාමාර්ගයක් නොගත් බවටත් කොලොම්බයින් සංහාරය පිලිබඳව ලියැවුනු පර්යේෂණ පත්‍රිකාවල සටහන් වනවා. එරික් හා ඩිලන් නිතරම හිරිහැරයට පාත්‍රවූ බවත් දාමරික සිසුන් කල්ලි නිතරම ඔවුන්ට හිරිහැර කල බවත් පැවසෙනවා. මින් එක් අවස්ථාවකදී දාමරික සිසුන් කල්ලියක් ඩිලන් හා එරික්ව තක්කාලි සෝස් වලින් නෑවූ බවත් මුලු දවසම තක්කාලි සෝස් තැවරුණු ඇඳුම් පිටින් ඔවුන් පාසැලේ ගතකල බවත් වාර්තාවනවා. ඔවුන් මුලු පාසැලට වෛරකරන්නට මෙවැනි හිරිහැර කිරීම් හේතුවූ බව පැවසෙනවා.

මේ අතර එරික් හා ඩිලන්ගේ දිනපොත් හා සටහන් පර්යේෂණයට බඳුන්කල මනෝවිද්‍යාඥයින් ඔවුන් දෙදෙනාටම ගැඹුරු මානසික සංකූලතා තිබූ බවටත්, ඒවා සඟවාගෙන සාමාන්‍ය ලෙස ජීවත්වන අතර මහා ලේවැගිරුමක් සැලසුම් කිරීමට ඔවුන් දක්ශවූ බවත් සටහන් කොට තිබෙනවා.

ඩිලන් හා හැරිස් විරුවන් ලෙස සලකමින් ඔවුන් කල ආකාරයටම සිය පාසැල විනාශකොට දැමීමට සැලසුම් කල 16 හැවිරිදි බෲක් හා සියෙනා.

මවුන්ටන් විස්ටා උසස් පාසැලේ සිසුවියන් වන 16 හැවිරිදි බෲක් හිගින්ස් හා සියෙනා ජොන්සන්

16 හැවිරිදි බෲක් හිගින්ස් හා සියෙනා ජොන්සන් ඉගෙනුම ලබන මවුන්ට් විස්ටා උසස් පාසැල පිහිටා තිබෙන්නේ එරික් හැරිස් හා ඩිලන් ක්ලෙබෝල්ඩ් මහා විනාශයක් කල කොලොම්බයින් උසස් පාසැලට සැතපුම් 10ක් පමණ එපිටින්. වසර කිහිපයක සිටම එරික් හා ඩිලන් කොලොම්බයින් පාසැලේ සිදුකල "වික්‍රමය" පිලිබඳව සොයාගත හැකි සෑම විස්තරයක්ම කියවූ බෲක් "මටත් එරික් හා ඩිලන් සමග එක්ව කොලොම්බයින් පාසැලේ විනාශයට සහභගී වන්නට තිබුණානම් කොතරම් අගනේදැයි" සිය දිනපොතේ සටහන් කොට තැබුවා.

බෲක් හිගින්ස් ගේ මේ උන්මාදය බෙදා ගැනීමට එම පාසැලේම සමවයස් සිසුවියක් වූ සියෙනා ජොන්සන් එක්වූ අතර ඔවුන් දෙදෙනා කොලොම්බයින් සංහාරය (Columbine Massacre) වැනිම සංහාරයක් සිය පාසැලේද සිදුකිරීමට සැළසුම් සකස්කරමින් සිටි බව නිර්නාමික ඔත්තුවක් අනුව ඔවුන් අත් අඩංගුවට ගත් පොලීසිය ප්‍රකාශකලා.

බෲක් අන්තර්ජාලය ඔස්සේ බාලවයස්කාරයින්ට තුවක්කු මිලදීගත හැකි ආකාරය පිලිබඳව සොයාබලා ඇති අතර කාන්තා සමූහඝාතකයින් ගැනද සොයාබලා තිබෙනවා. ඇයගේ සහයිකාව වූ සියෙනා සිය පාසැලේ සිතියමක් සකස් කොට ආරක්ශක නිළධාරීන් සංචාරය කරන ස්ථාන හා වේලාවන් පිලිබඳව සෝදිසියෙන් සිටිමින් සටහන් තබා තිබෙනවා.

ඒ අතරම සියෙනාද ගිණිඅවි මිලිදීගැනීම සඳහ තොරතුරු සොයමින් සිට ඇති අතර ඇය කුරුල්ලන් වෙඩිතබන (BB Gun/Air Rifle) තුවක්කුවක් මිලදීගෙන ඉලක්කයට වෙඩිතැබීම පුහුණු වෙමින් සිට තිබෙනවා.



මේ සටහන තබන මොහොත වනවිටත් බෲක් හා සියෙනාගේ සැළසුම්වලට හේතුව හෝ ඔවුන්ගේ අරමුණු පැහැදිලිවී නැහැ. කොලරාඩෝ පොලීසිය සිසුවියන් දෙදෙනාටම මිනීමැරීමට කුමන්ත්‍රණය කිරීම හා එම කුමන්ත්‍රණය ක්‍රියාත්මක කිරීමට පියවර ගැනීම යන චෝදනා මත නඩුපවරා තිබෙන අතර උසාවිය දෙදෙනාටම ඩොලර් මිලියනයක ඇප නියම කොට තිබෙනවා. සිසුවියන්ගේ නීතිඥයින් පවසන්නේ ඔවුන් නීතිවිරෝධී කිසිවක් සිදුකොට නොමැති බවත්, තොරතුරු සොයාබැලීම හෝ දිනපොත් සටහන් තැබීම සමූළඝාතන සැලසුමක් ක්‍රියාත්මක කිරීමක් ලෙස සැලකිය නොහැකි බවයි.

Recent Posts Widget
----------------------------------------------------------------------------------------------------------

Friday, 15 January 2016

Tesla මෝටර් රථ සමාගම සිය රියදුරු රහිත මෝටර් රථයේ මෘදුකාංග නිර්මාණය සඳහා මෘදුකාංග ඉන්ජිනෙරුවන් දහස් ගණනක් බඳවාගන්නට සැරසේ!

The Tesla Model X is presented during a launch event in Femont, California on September 29, 2015 ©Susana Bates (AFP/File)
TESLA Model X
මේවන විට මෝටර් රථ කර්මාණ්තය දැවැන්ත වෙනස්කම් දෙකකට බඳුන්වෙමින් තිබෙනවා. එකක් වන්නේ විශාල දුරක් නැවත ආරෝපණයකින් තොරව ගමන්කල හැකි ඉලෙක්ට්‍රික් වාහන නිර්මාණය සඳහා වන වෑයම. මෙහි ඉදිරියෙන්ම සිටින්නේ අමෙරිකාවේ ටෙස්ලා මෝටර් රථ සමාගමයි. අනෙක් වෑයම වන්නේ රියදුරන් රහිතව ගමන්කල හැකි රෝබෝ කාරයක් නිර්මාණය කිරීමයි. මෙහි ඉදිරියෙන්ම සිටින්නේ ගූගල් සමාගමයි. ඔවුන්ගේ රොබෝ කාරය මේවන විට සැතපුම් ලක්ශ ගණනක් රියදුරු සහයක් නොමැතිව ධාවනය කොට තිබෙනවා.

මෝටර් රථ කර්මාණ්තය පිලිබඳව හදාරණ විශේෂඥයින් පවසන ආකාරයට නුදුරු අනාගතයේදී විශාලම ඉල්ලුමක් ඇතිවන්නේ රියදුරු සහයක් නොමැතිව ධාවනය කල හැකි, විශාල දුරක් එක් ආරෝපණයකින් ගමන්කල හැකි (කිලෝමීටර් 500ක් පමණ), පොදු ජනයාට සාමාන්‍ය මිළකට ලබාගත හැකි (mass market autonomous electric cars) මෝටර් රථයි.

Musk's 12 year old company is focused on Silicon Valley to recruit some 1,600 software engineers for the next stage - and Musk says he will interview them personally. The highly automated Tesla Factory in Fremont, California, contains 5.3 million square feet of manufacturing and office space.
Tesla Factory in California
මේ සඳහා දැවැන්ත තරඟයක් නිර්මාණය වී ඇති අතර ජෙනරල් මෝටර්ස්, අවුඩි, මර්සඩීස් බෙන්ස්, බී.එම්.ඩබලිව් වැනි සාම්ප්‍රදායික මෝටර් රථ සමාගම් පරදවා ටෙස්ලා, ගූගල්, ඇපල් වැනි අධිතාක්ශණික සමාගම් ඉදිරියට එමින් තිබෙනවා. මෙම තරඟය කොතරම් දැඩිවී ඇතිද යත් මේ නොබොදා සිය ට්විටර් ගිණුම හරහා පණිවුඩයක් විකාශය කල ටෙස්ලා සමාගමේ නිර්මාතෲ වන ඊලෝන් මස්ක් ඉදිරි මාස කිහිපය තුලදී ටෙස්ලා සමාගම මෘදුකාංග ඉන්ජිනේරුවන් 1600ක් බඳවා ගන්නා බව විකාශය කලා. මේ පිලිබඳව වැඩිදුරටත් අදහස් දක්වන ඊලෝන්, මෙම ඉන්ජිනෙරුවන් ටෙස්ලා සමාගමේ රියදුරු රහිත මෝටර් රථ මෘදුකාංග පද්ධතිය වන "Tesla Autopilot" පද්ධතිය වැඩිදියුණු කිරීම සඳහා මෙම ඉන්ජිනේරුවන් බඳවා ගනු ලබන බව කියා සිටියා.

Graphic showing the sensors and features needed for self-driving cars ©Nick Shearman (AFP)

2018 වන විට පූර්ණ ලෙසම රියදුරු සහයක් නොමැතිව ධාවන කල හැකි ඉලෙක්ට්‍රික් කාරයක් හඳුන්වාදීම ටෙස්ලා සමාගමේ අරමුණ වන අතර මේ සඳහා දැවැන්ත කර්මාණ්තශාලා ඉදිකෙරෙමින් පවතිනවා. 2020 වනවිට ඉලෙක්ට්‍රික් මෝටර් රථ 500,000 නිපදවීම ටෙස්ලා සමාගමේ තවත් ඉලක්කයක්.

කෙසේ වෙතත් ටෙස්ලා සමාගමට දැඩි තරඟයක් දීමට සාම්ප්‍රදායික මෝටර් රථ සමාගම්ද සැරසෙනවා. අවුඩි සමාගම කිලෝමීටර් 500ක් එක් ආරෝපණයකින් ගමන්කල හැකි කාරයක් වන Audi Q6 e-Tron කාරය සූදානම් කරමින් තිබෙනවා. ජර්මනියේ පෝර්ෂ (Porsche) සමාගම සිය ඉලෙක්ට්‍රික් කාර් ව්‍යාපෘතිය වන "Mission E" ව්‍යාපෘතිය සඳහා ඩොලර් බිලියනයක් ආයෝජනය කොට ඇති අතර සුප්‍රකට ඇස්ටන් මාටින් සමාගමද DBX නමින් ඉලෙක්ට්‍රික් සුපිරිකාරයක් නිර්මාණය කරමින් සිටිනවා. එය 2019දී එලිදකිනු ඇති.

Recent Posts Widget
----------------------------------------------------------------------------------------------------------

මානවයින් මීට වසර 45,000කට පෙර සයිබීරියාවේ මැමත් ඇතුන් දඩයම්කරලා

Recent Posts Widget
----------------------------------------------------------------------------------------------------------
මානවයින් මීට වසර 45,000කට පෙර සයිබීරියාවේ මැමත් ඇතුන් දඩයම්කරලා


The discovery of a weapon marks on a Siberian woolly mammoth carcass may provide evidence that humans were present in the Arctic 10,000 years before previously imagined. The frozen remains of the animal suggest it was hunted to its death, which would mean humans colonised the region at the time, 45,000 years ago

මෑතකදී සයිබීරියාවෙන් හමුවූ මැමත් හස්තියෙකුගේ සිරුරක මානව දඩයක්කරුවන්ගේ හෙල්ල පහරවල්වල සළකුණු ඇති අස්ථි හමුවී තිබෙනවා. මීට පෙර විද්‍යාඥයින් අනුමාන කලේ මානවයින් දැඩි ශීතලක් ඇති සයිබීරියාවට ඇතුලුවන්නටට ඇත්තේ මීට වසට 35,000කට පෙර බවයි. එහෙත් කාළ නිර්ණයට අනුව මෙම මැමත් ඇතා මීට වසර 45,000කට පෙර මියගොස් තිබෙනවා. ඒ අනුව ඌ මියයන්නට ඇත්තේ වසර 45,000කට පෙර දුනු, ඊතල හා හෙල්ල ආධාරයෙන් ශීතල සයිබීරියාවේ සැරිසැරූ මානව දඩයක්කාරයින් අතින් බව දැන් විශ්වාස කෙරෙනවා.



මෙම මැමත් සිරුර රුසියානු විද්‍යාඥයින් විසින් සොයාගෙන ඇත්තේ මධ්‍යම සයිබීරියාවේ යැන්සෙයි බොක්ක ආශ්‍රිත ප්‍රදේශයෙනුයි. රුසියානු විද්‍යා ඇකඩමියේ විද්‍යාඥ ව්ලැඩ්මීර් පිටුල්කෝ පවසන අන්දමට මෙම ඇතාගේ අස්ථිවල තියුණු ආයුධවලින් සිදුකරන ලද පහරදීම්වල සළකුණු තිබෙනවා. විශාල සතුන්වන මැමත් ඇතුන්ගේ මස් මෙම දඩයක්කරුවන්ට ශීත සෘතුව ගතකිරීම සඳහා මහත් පිටිවහලක් වන්නට ඇති අතර, ඝණ ලොම් වලින් වැසුනු ඔවුන්ගේ සම් ඇඳුම් සඳහා මෙම්ම කූඩාරම් තනාගැනීම සඳහාද යොදාගන්නට ඇති.

According to Russian scientists, the Ice Age beast had spear wounds and damage to its tusk, suggesting its killers had attempted to chop it off. Advances in hunting techniques may have allowed the early Arctic settlers to survive in the harsh and freezing conditions

මැමත් ඇතුන් දඩයම් කිරීමට ඉගෙන ගැනීමත් සමග අති දුශ්කර සයිබීරියාව පුරා පැතිරීමට මානවයන්ට හැකිවූ බව විශ්වාස කෙරෙන අතර, නැගෙනහිර සයිබීරියාවේ කෙළවරේ ඇති බීරිං සමුද්‍ර සංධිය හරහා ආදිමානවයින් උතුරු අමෙරිකාවට ඇතුලුවන්නට ඇති බව විශ්වාස කෙරෙනවා.





Recent Posts Widget
----------------------------------------------------------------------------------------------------------

Wednesday, 6 January 2016

ඥාණසාර හාමුදුරුවෝ උසස්පෙල ප්‍රථිපල ගැන කරන විග්‍රහය නිවැරදියි!

"මෙවර උසස් පෙළ ප්‍රතිඵල දැක්කාම විශාල අනතුරක පෙරනිමිති පෙනෙන බව බොදු බල සේනා සංවිධානයේ මහ ලේකම් ගලගොඩඅත්තේ ඥානසාර ඊයේ (5) කිරුළපන බොදුබල සේනා මූලස්ථානයේ පැවැති මාධ්‍ය හමුවකදී සදහන් කොට ඇත.

ඔහු එහිදි වැඩිදුරටත් මෙසේද සදහන් කොට ඇත. ‘උසස් පෙළ විභාගයේ ප්‍රතිඵලවලින් පේනවා ජයග්‍රහණය කරපු දරුවන්ට ආශිර්වාද කරනවා. මාධ්‍ය ආයතවලට ගෙනැල්ලා සුබ පතනවා. ඒ වුණත් අධ්‍යාපනය කඩා වැටිලා. 

හැම ආණ්ඩුවක්ම රටේ අධ්‍යාපනය බරපතල විදියට කඩා වැටීමට කටයුතු කර තිබෙනවා. අධ්‍යාපනය කියන්නේ රටේ සාරධර්මයන්, සංස්කෘතිය ජාතියට උරුම කර දීමයි. නමුත් දැන් තිබෙන්නේ අයාලේ යන සංස්කෘතියක්. 

ජීව විද්‍යා හා ගණිත අංශයන්ගෙන් 2013 වසරේ සමත්වූ ප්‍රමාණය 34%ක්. 66%ක ප්‍රමාණයක් වාණිජ හා කලා විෂයයන්ගෙන් සමත් වෙලා තිබෙනවා. රටක් දියුණු වීමේ මූලිකම දෙය විද්‍යා හා ගණිත විෂයන් හැකිතරම් දියුණු කිරීමයි. මෙතැනම අර්බුදය පෙනෙනවා‘ යනුවෙනි."

Source  

මා ඥාණසාර ගරුතර ස්වාමීන්වහන්සේගේ දේශපාලන අදහස්වලට හෝ උන්වහන්සේ සුළු ජාතින් කෙරෙහි දක්වන ආකල්පවලට කැමත්තක් නොදක්වමි. එහෙත් ජාතික වශයෙන් වැදගත්වන කරණු ඉදිරියට ගෙන, මාධ්‍යයට නිරාවරණය කොට, ප්‍රචාරණය ලබාගෙන ඒවා සමාජ කථිකාවකට බඳුන් කිරීමට උන්වහන්සේට හා උන්වහන්සේ මෙහෙයවන සමාජ ව්‍යාපාරවලට ඇත්තේ විශාල හැකියාවකි. එය කිසිසේත් අඩුවෙන් තක්සේරු කල යුතු නොවේ.

උසස් පෙල ප්‍රථිපල පිලිබඳ උන්වහන්සේ එම ප්‍රවෘත්ති සාකච්ඡාවේදී සිදුකරනලදැයි වාර්තාවන සියලුම සියලුම ප්‍රකාශවලට මාහට එකඟවිය නොහැකිය. විශේෂයෙන්ම අධ්‍යාපනය කඩාවැටීම, සෝදාපාලුවීම වැනි ප්‍රකාශ ඇසෙන්නේ අපේ රටෙන් පමණක් නොවේ. ඔබ බ්‍රිතාන්‍ය ජාතිකකයෙකුගෙන්, අමෙරිකානුවෙකුගෙන් හෝ කොරියානුවෙකුගෙන් ඇසූවද ඔවුන්ද, සිය රටේ අධ්‍යාපනය පිලිබඳව නොයෙකුත් මැසිවිලි නගනු ඇත.


මීට වසර දෙකකට පෙර බ්‍රිතාන්‍යයේ අධ්යාපන ඇමතිවරයා එරට උසස්පෙල විභාගය සිදුකරන ආකාරය විශාල වෙනසකට භාජනය කලේය. කලින් බ්‍රිතාන්‍ය උසස්පෙල (ලංකාවේ ලන්ඩන් AL කියන්නේ මෙයටය) විභාගය පැවැත්වුනේ අදියර දෙකකිනි. එනම් AS මට්ටම (Advanced Subsidiary Level) ලෙස පලමු වසරේ විභාගයකුත්, A2 මට්ටම (Advanced Level 2nd Year) ලෙස දෙවන වසරේ විභාගයකුත් ලෙස උසස්පෙල විභාගය මට්ටම් දෙකකින් පවත්වා එම මට්ටම් දෙකෙහිදීම සිසුවා යම් විෂයකට ලැබූ ලකුණු එකතුකොට එම වියේ උසස්පෙල ප්‍රථිපලය ලෙස ගන්නා ලදී.

මෙම අදියර දෙකේ උසස්පෙල විභාග ක්‍රමයේ වාසි තිබුණත් ප්‍රධාන අවාසියක් ලෙස සැලකුනේ සෑම වාර දෙකට පසු විභාගයක් පැමිණීමයි. ඒ අනුව ගුරුවරුන් (ඒ කියන්නේ බ්‍රිතාන්‍යයේ උසස්පෙල ගුරුවරුන්) දරුවන්ට විෂය හොඳින් උගන්වනවාට වඩා, හැකි ඉක්මණින් විෂයධාරාව අවසන් කොට, පුණරීක්ෂණ හා පසුගිය ප්‍රශ්ණපත්‍ර කරවමින් විභාගයට සූදානම් කිරීමයි.

මෙලෙස උඩින්-පල්ලෙන් විෂය නිර්දේශය අවසන් කොට කෙසේ හෝ විභාග සමත්කරවීම නිසා එරට විශ්වවිද්‍යාලවලට ඇතුලත්වන බොහෝ සිසු-සිසුවියන්හට විශ්වවිද්‍යාල පාඨමාලා හැදෑරීමේදී මූලික දැනුම නොමැතිවීමෙන් බොහෝ ගැටලුවලට මුහුණපාන බව එරට විශ්වවිද්‍යාල බලධාරීන් දිගින් දිගටම සිදුකරන ලද පැමිණිලි වලින් පසුව අධ්‍යාපන ඇමතිවරයා බ්‍රිතාන්‍ය උපස් පෙල විභාගයට බොහෝ වෙනස්කම් සිදුකරමින්, විෂය නිර්දේශ යාවත්කාලීන කරවන ලද අතර විභාග දෙකකට කඩා තිබූ උසස්පෙල ලංකාවේ මෙන් වසර දෙකක් අවසානයේ පැවැත්වෙන එක් විභාගයක් බවත් පරිවර්තනය කරන ලදී.

එහෙත් මෙම නව සැලැස්මටද දැඩි විවේචන එල්ලවන අතර එම ප්‍රතිසංස්කරණ වලට විරුද්ධව දෙමව්පියන් මෙන්ම විදුහල්පතිවරුන්ද, අධ්‍යාපන විශේෂඥයින් පිරිසක්ද උසාවියාමට පවා සූදානම් වී සිටිති.


මා මේ එක් උදාහරණයක් ගත්තේ ඕනෑම රටක ජනතාව තම රටේ අධ්‍යාපනය තත්වයෙන් බාල බවත්, නූතන ලෝකයට නොගැලපෙන බවත් විශ්වාස කිරීම හා විවේචනය කිරීම සිදුවන බව පෙන්වීමටයි.
ජීව විද්‍යා හා ගණිත අංශයන්ගෙන් 2013 වසරේ සමත්වූ ප්‍රමාණය 34%ක්. 66%ක ප්‍රමාණයක් වාණිජ හා කලා විෂයයන්ගෙන් සමත් වෙලා තිබෙනවා. රටක් දියුණු වීමේ මූලිකම දෙය විද්‍යා හා ගණිත විෂයන් හැකිතරම් දියුණු කිරීමයි. මෙතැනම අර්බුදය පෙනෙනවා‘ 
ඥාණසාර හිමියන් මේ මතුකරන්නේ ඉතාමත් වැදගත් කරුණකි. නූතන ලෝකය ජයගැනීමට විද්‍යාව හා ගණිතය ඉතා වැදගත්ය. අද ලෝකයේ වේගයෙන්ම දියුණුවන රටවල් වන චීනය, කොරියාව, තායිවානය, ඉන්දියාව වැනි රටවල් ගත්විට එම රටවල් වල උසස්පෙල සිසු ප්‍රජාවගෙන් විද්‍යා-ගණිත විෂය ධාරාවන් ඉගෙනීමට උනන්දුව ඉතා ඉහලය. ලොව වැඩිම ඉන්ජිනේරුවන්, විද්‍යාඥයින්, තාක්ශණඥයින් බිහිකරන රටවල් වන්නේ අනුපිලිවෙලින් චීනය, අමෙරිකා එක්සත් ජනපදය හා ඉන්දියාවයි.

2015 වසර අවසන් වන විට ලොව පුරා නව නිපයුම් සඳහා පේටන්ට් බලපත්‍ර අයදුම් පත් මිලියන 2.7ක් ඒ ඒ රටවල්වල පේටන්ට් කාර්යාල වෙත ලැබී තිබූ අතර මේ අයදුම් පත්වලින් 30% එනම් අයදුම් පත් නව ලක්ශයක්ම ඉදිරිපත් කර තිබුණේ චීන ජාතික විද්‍යාඥයින්, පර්යේෂකයින් හා නව නිපැයුම්කරුවන් විසිනි.

එහෙත් අපි?

Recent Posts Widget
---------------------------------------------------------------------------------------------------------

Tuesday, 5 January 2016

අලුත් අවුරුද්දට සුපිරි කාර් | Fastest & Most Powerful Cars for 2016

1] ඇස්ටන් මාටින් වැන්ටේජ් - මහා බ්‍රිතාන්‍යයේ ඇස්ටන් මාටින් සමාගම

2] අවුඩි ආර්8 වී10 - ජර්මනියේ අවුඩි සමාගම (දැන් අයිතිය වොක්ස්වාගන් සමාගම් සමූහය )

3] බෙන්ට්ලි කොන්ටිනෙන්ටල් ජී.ටී.ආර් - මහා බ්‍රිතාන්‍යයේ බෙන්ට්ලි මෝටර් සමාගම (දැන් අයිතිය වොක්ස්වාගන් සමාගම් සමූහය )

4] කැඩිලැක් සී.ටී.එස් වී - අමෙරිකාවේ ජෙනරල් මෝටර්ස් සමාගම

5] ඩොජ් වයිපර් ඒ.සී.ආර් - අමෙරිකාවේ ජෙනරල් මෝටර්ස් සමාගම

6] ෆෙරාරි 488 ස්පයිඩර් - ඉතාලියේ ෆෙරාරි සමාගම (දැන් අයිතිය ඉතාලි/ අමෙරිකානු ෆියට්-ක්‍රයිස්ලර් සමාගම් සමූහය )

7] ලැම්බෝගිනි ඇවැන්ටඩෝර් සුපර්වොල්සි රෝඩ්ස්ටර් - ඉතාලියේ ලැම්බෝගිනි සමාගම (දැන් අයිතිය වොක්ස්වාගන් සමාගම් සමූහය ) 

8] මැක්ලරෙන් 675 එල්.ටී - මහා බ්‍රිතාන්‍යයේ මැක්ලරෙන් රේසිං සමාගම


 

Recent Posts Widget
----------------------------------------------------------------------------------------------------------
Related Posts Plugin for WordPress, Blogger...