Related Posts Plugin for WordPress, Blogger...

Saturday, 31 March 2018

BIOLOGY : ඩේවිඩ් ඇටෙන්බරෝගේ සමනලයා



බ්‍රිතාන්‍ය ජාතික ස්වභාව විද්‍යාඥ, කතෲ හා රූපවාහිණී ශිල්පී සර් ඩේවිඩ් ඇටෙන්බරෝගේ නමින් ඇමසන් වනයේ දුර්ලභ සමනල වර්ගයක් නම්කොට තිබෙනවා. සිය රූපවාහිණී වැඩහසටන් හරහා සුවහසක් ජනයාවෙත ස්වභාවධර්මයේ අපූර්වත්වය හා එය රැකගැනීමේ වැදගත්කම කියාදුන් ඇටෙන්බරෝ සිදුකල අමිල සේවය වෙනුවෙනුයි මේ නම් කිරීම සිදුකොට තිබෙන්නේ.

Euptychia attenboroughi හෙවත් Attenborough's black-eyed satyr ලෙස නම්කොට ඇති මේ සමනල් විශේෂය ඉහල ඇමසන් වනාන්තරවල දකින්නට ලැබෙන අතර පියාපත් විහිදූ විට  සෙන්ටිමීටර් 2ක් පමණ වනවා. මොවුන් පාද සතරක්  Nymphalidae ඇති සමනල් කුලයට අයත් වනවා.

මෑතකදී හඳුනාගත් මේ සමනල් වර්ගය සොයාගත්තේ ලන්ඩන් ස්වභාවික විද්‍යා කෞතුකාගාරයේ අනුග්‍රහයෙන් ඇමසන් වනයේ පර්යේෂණ කටයුතුවල නියුතු කණ්ඩායමක් විසින්.







__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Thursday, 29 March 2018

ARE U SERIOUS? : මෙගා පික්සල් 40ක කැමරා තුනක පද්ධතියක් ඇති Huawei P20 Pro ස්මාර්ට්ෆෝනය


ලබන මාසේ හුවාවී අලුත්ම අලුත් ෆෝන් එකක් මාකට් එකට දානවා. ඒක P20 Pro. කැමරා තුනයි. එකක් මෙගා පික්සල් 40ක කැමරාවක්. අනෙක මේගාපික්සල් 8ක ටෙලිෆොටෝ ලෙන්ස් කැමරාවක්. තවත් එකක් තියෙනවා.

මේ කැමරා තුනම එකතුකරලා සුපිරිම ෆොටෝ ගන්න පුලුවන් විධියට හදලා තියෙන්නේ. කැමරා සිස්ටම් එක කොච්චර සුපිරිද කිව්වොත්  කියන කැමරා බෙන්ච්-මාක් පරීක්ෂණ කරන සමාගමේ හොඳ කැමරා ලයිස්තුවේ උඩටම යන්න P20ට පුලුවන් වෙලා. තියෙනවා.


P20 Pro කැමරා පද්ධතියෙන් මද ආලෝක ඡායාරූපත් ඉතාම සුපිරියි කියලා වාර්තා වෙනවා. පහත ඡායාරූපය කැමරාවේ Low light ISO පහසුකම ක්‍රියාත්මක කරන්න පෙර හා පසු ගත්ත ඡායාරූප. කොහොමද කොලිටිය?





Android 8.1 (Oreo) මෙහෙයුම් පද්ධතියෙන් ක්‍රියාත්මක වෙන P20 ඔක්ටා කෝර් ප්‍රධාන ප්‍රොසෙසරයකින් හා මාලී ජී-72 ග්‍රැෆික් ප්‍රොසෙසරයකින් සමන්විත වෙනවා. 128GB රැම් මතකයක් ඇති මෙය 4000 mAh බැටරියකින් බළගැන්වෙනවා.  වර්ණ මිලියන 16ක් පෙන්විය හැකි,  AMOLED capacitive touchscreen වර්ගයේ තිරයක් මෙය සතුවන අතර තිරයේ විශාලත්වය අඟල් 6.1 වෙනවා.







__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Wednesday, 28 March 2018

PHOTOGRAPHY : ෆොටෝෂොප් වළාකුළට යයි!!


ෆෝටෝෂොප් පාවිච්චි කරන අය දැනටමත් Adobe Creative Cloud  ගැන අහලා ඇති. ක්‍රියේටිව් ක්ලව්ඩ් සේවාවෙදි ඇඩෝබි සමාගම එයාලගෙ ෆෝටෝෂොප් හා වෙනත් ග්‍රැෆික් හා වීඩියෝ එඩිටින් මෘදුකාංග මාසික හෝ වාර්ෂික සාමාජික ගාස්තු ක්‍රමයකට (subscription plan) අනුව ලබාදෙනවා. මෙහිදී ඒ මෘදුකාංග අන්තර්ජාලය හරහා භාවිතාකරන්නාගේ පරිගණකයට බාගත වෙලා ස්ථාපනය වෙනවා. එම මෘදුකාංග ක්‍රියාත්මක වෙන්නේ සාමාජික කාළසීමාව තුලදී පමණකයි. එය කල් ඉකුත්වූ විට මෘදුකාංග ක්‍රියා විරහිත වෙනවා.

සේවාවක් ලෙස මෘදුකාංග සැපයීමේ ව්‍යාපාරික ආකෘතියෙන් (software as a service business model) ක්‍රියාත්මකවන ක්‍රියේටිව් ක්ලවුඩ් සේවාව වඩවඩාත් ජනප්‍රිය වූවිට, සාම්ප්‍රදායික මෘදුකාංග විකිණීමේ ක්‍රියාවලිය නවතා දැමෙනු ඇති. ක්‍රියේටිව් ක්ලවුඩ් ආකෘතිය නිසා ඇඩෝබී සමාගමට වාසි රැසක් අත්වෙන බව විචාරකයින් පවසනවා. මොනවාද ඒ වාසි?


1/ මුදල් නොගෙවා මෘදුකාංග සොරෙන් ගැනීම නැවැත්වීමේ හොඳ ක්‍රමයක්වීම. සාමාජික කාළය අවසන්වූ වහාම මෘදුකාංගය ක්‍රියා විරහිතවේ.

2/ කලින් කලට නව සංස්කරණ හඳුන්වාදෙමින් ඒවා මිලට ගැනීමට භාවිතාකරන්නන් පෙළඹවීම වෙනුවට නිරන්තරව යාවත්කාලින වන මෘදුකාංග සාමාජික ගාස්තු ගෙවන සියල්ලන්ටම ලබාදීමට හැකිවීම

3/ මෘදුකාංගය පරිගණකයට බාගත වන නිසා අන්තර්ජාල වේගය නිර්මාණකරුගේ workflow එකට බල නොපෑම.

4/ විවිධ ගණයේ නිර්මාණකරුවන්ට අවශ්‍ය මුදෘකාංග එකතුව කැමති පරිදි තෝරාගැනීම හා එක්වර මුදල් නොගෙවා මාසිකව ගෙවීමේ හැකියාව.







__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Tuesday, 27 March 2018

SPACE FLIGHT : මේ සතියේ පොලොවට කඩාවැටෙන චීන අභ්‍යවකාෂ මධ්‍යස්ථානය


චීනය සිය පලමු අභ්‍යවකාෂ මධ්‍යස්ථානය වන ටියන්ගොංග්-1 කක්ෂගත කලේ 2006දී. ඇමරිකාවට හා රුසියාවට පසු අභ්‍යවකාෂ මධ්‍යස්ථානයක් සතුකරගැනීම්ට හැකිවූ බලසම්පන්න රාජ්‍යයක් බවට චීනය එදා පත්වුනා. එදා සිට කක්ෂයේ සැරිසැරූ ටියන්ගොංග්-1 මේ වනවිට අතහැර දමා ඇති අතර එය මේ සතිය තුලදී කක්ෂයෙන් ඉවත්ව උල්කා වර්ෂාවක් මෙන් පොලොවට කඩාවැටෙනු ඇතැයි චීනය පවසනවා.


ප්‍රමාණයෙන් විශාල බස් රථයක් හා සමානවල ටියැන්ගොංග් -1 කඩාවැටීමේදී පෘථිවියේ ජනාකීර්ණ පෙදෙස්වලට එහි කැබැලි කඩාවැටේදැයි බියක් ඇතිවී තිබුණා. මාර්තු 29වැනිදා හා අප්‍රේල් 1වැනිදා අතරතුර කාළයේදී මේ කඩාවැටීම සිදුවන ඇතැයි අභ්‍යවකාශ නිරීක්ෂණ ආයතන අනාවැකි පලකරනවා. ටොන් 9.5ක් බර මේ විශාල යානය පැයට කිලෝමීටර් 15,000ක පමණ වේගයෙන් ඝණ වායුගෝලයට ඇතුලුවනු ඇති අතර ඝර්ෂණය නිසා ඇතිවන දැඩි තාපයෙන් මධ්‍යස්ථානයේ බොහෝ කොටස් විනාශවී ගියත් ඉතා ශක්තිමත්ව තනා ඇති සමහර කොටස් විනාශ නොවී පොලොවට වැටෙනු ඇතැයි අපේක්ෂා කරනවා.




චීන අභ්‍යවකාෂ ආයතනය පවසන අන්දමට 2016 මාර්තුවේදී මේ යානය හා තිබූ පාලන සම්බන්ධතා ගිලිහී ගිය අතර ඒ අනුව එය කක්ෂයේ රඳවාගන්නා රොකට් එන්ජින් ක්‍රියාවිරහිත වීම නිසා දිනකට අඩි 525ක පමණ ප්‍රමාණයකින් එහි කක්ෂය ක්ෂය වෙමින් පැවතුනා. ආරම්භයේදී පොලොවට සැතපුම් 218ක් පමණ ඉහලින් කක්ෂගත්වී තිබූ මෙහි ගමන් මාර්ගය දැන් සැතපුම් 128ක් දක්වා පොලොව දෙසට ලංවී තිබෙන තර ඉදිරි සතිය වනවිට එහි කක්ෂය බිඳවැටී පෘථිවි ගුරුත්වාකර්ෂණය විසින් ඇදගනු ඇතැයි විශ්වාස කෙරෙනවා.

කෙසේ වෙතත් චීන අභ්‍යවකාශ ඒජන්සිය, ඇමරිකාවේ නාසා ආයතනය හා යුරෝපීය අභ්‍යවකාෂ ඒජන්සියේ ගණනය කිරීම් වලට අනුව මේ යානය ඉන්දියානු සාගරයට කඩාවැටෙනු ඇති.















__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Sunday, 18 March 2018

HEALTH : හැම වෙලාවෙම මහන්සිද? මෙන්න හේතු!



1] අවශ්‍ය පමණට වතුර නොබීම

පර්යේෂණ වලට අනුව සිරුරේ බරින් 2%කට වඩා ජලය අඩුවූ විට එය සාමාන්‍ය ක්‍රියාකාරිත්වයට බලපායි. ජලය අඩුවූවිට රුධිරය මදක් ගණවන අතර ඒ අනුව රුධිරය පොම්පකිරීම සඳහා හදවට වැඩි ශක්තියක් වැයවේ. එමෙන්ම මාංෂ පේෂිවලට හා මොලයට අවශ්‍ය ඔක්සිජන ප්‍රමාණයට වඩා අඩුවෙන් ලැබේ. එවිට නිතරම මහන්සිය දැනීම සිදුවේ.


2] නිසි පරිදි ව්‍යායාම නොගැනීම

බොහෝ දෙනෙකු වැඩ වැඩිවූ විට ව්‍යායාම අතපසු කරයි. අද හරි මහන්සියි කියමින් ඔබගේ දෛනික ව්‍යායාම - මෙය විනාඩි 20ක් 30ක් ඇවිදීම වැනි සුළු ව්‍යායාමයක් විය හැකියි - අතපසු කරන්නේ නම්, ඔබට විඩාව දැනීම වැඩි බව පර්යේෂකයින් සොයාගෙන ඇත.  ව්‍යායාම කිරීමෙන් සිරුරේ ශක්ති ජනන ක්‍රියාවලිය (metabolism) වේගවත්වී, හෘද-රුධිර පද්ධතිය ශක්තිමත්වී සිරුරේ සියලු තැන්වලට ඔක්සිජන් වැඩි රුධිරය ගෙයාමෙන් විඩාව දැනීම අඩුවේ.

3] යකඩ හා විටමින් බී අඩු ආහාර ගැනීම

යකඩ රුධිරය ඔක්සිජනීකෘත වීමට අවශ්‍ය හිමෝග්ලොබින් සඳහා අත්‍යාවශ්‍යය. යකඩ හිඟවීමෙන් හිමෝග්ලොබින් අඩුවී, ඔක්සිජන් ප්‍රවාහණය අඩුවීමෙන් විඩාව දැනිය හැකිය. එමෙන්ම සෛලතුල ශක්ති ජනන ක්‍රියාවලියේදීද යකඩ වැදගත් ක්‍රියාවලියක් ඉටුකරයි.

විටමින් බී යනු, වර්ග 8ක සංකීර්ණයකි (vitamin B complex). B1, B2, B3, B5, B6, B7, B9, B12 යනුවෙන් ඒවා නාමකරණය කොට ඇත. ආහාරවලින් ශක්තිය නිපදවීම සඳහා විටමීන් බී සංකීර්ණය වැදගත්වේ. විටමින් බී අඩුවූ විට නිතරම මහන්සිය දැනේ.

4] ලඟාවීමට ඉතා අපහසු පෞද්ගලික ඉලක්ක සකස්කර ගැනීම

සමහර පුදගලයින් තමන් වෙත ඉතා අපහසු ඉලක්ක ලබාදී ඒවා ලඟාකර ගැනීමට දැඩි ලෙස මහන්සිවේ. වෙහසවී ඉලක්ක හඹායාම හොඳ දෙයක් වන නමුත් නිතරම ඉතා අපහසු ඉලක්ක හඹායාමෙන් ජීවන තෘප්තිය අඩුවී, තමන් පරාජිතයෙකු යන හැඟීම ඇතිවේ. මේ මානසික පීඩනය නිරන්තර විඩාව ලෙස දැනෙන්නට පුලුවන.

5] අනවශ්‍ය ලෙස ආතතියට පත්වීම

සමහර පුදගලයින් සෑම කරුණක් ගැනම ඕනෑවට වඩා කළබලවී ආතතිය ඇතිකර ගනී. උදාහරණයක් ලෙස තමන්ගේ ඇඳුම, අන් අය තමන් දකිනු ඇතැයි සිතන ආකාරය පිලිබඳව, කාර්යාලයේ හැල හැප්පිලි (office politics), ප්‍රධානීන් සමග ඇතිවන සුළු මත ගැටීම්, පෙම්වතා/පෙම්වතිය එතරම් නොසිතා කියන/කරන දැයින් ඇතිවන සුලු අනවබෝධ යනාදිය පිලිබඳව දැඩි ලෙස කරදර වෙමින් නිරන්තර මානසික ආතතියෙන් ජීවත්වේ. මේ ආතතිය නිරන්තර විඩාව ලෙස සිරුරට දැනිය හැකිය.

6] හොඳින් උදය ආහාරය නොගැනීම

පෝෂ්‍යදායි උදය ආහාරයක් නොගැනීම නිසා දවසේ ක්‍රියාකාරිත්වයට අවශ්‍ය ඉන්ධන නොලැබීමෙන් දවසම විඩාව දැනීමට පුලුවන

7] අධික ලෙස කාබෝහයිඩ්‍රේට් අඩංගු ක්ෂණික ආහාර නිරන්තරයෙන් ගැනීම.

සුදු පාන් පිටිවලින් සැකසෙන මෙවැනි ක්ෂණික ආහාරවල තන්තුමය ද්‍රව්‍ය (fiber) හා සංකීර්ණ කාබෝහයිඩ්‍රේට අඩංගු නැති නිසා ඉක්මණින් ජීර්ණයවී වේගයෙන් රුධිරයේ සීනි ප්‍රමාණය ඉහලදමයි. එවිට ඉන්සුලින්වල ක්‍රියාකාරිත්වය නිසා ඉක්මණින්ම රුධිරයේ සීනි මට්ටම යලි පහල දමයි.

මෙලෙස දිනකට කිහිප වතාවක් රුධිරයේ සීනි මට්ටම ඉතා ඉහලට ගොස් යලි පහලට වැටීම දිනය පුරා විඩාව දැනවීමට හේතුවන බව පර්යේෂණ වලින් හෙලිවී ඇත. සංකීර්ණ කාබෝහයිඩ්‍රේට හා තන්තු අඩංගු ආහාර මගින් රුධිරයේ සීනි මට්ටම ඉහලයාම පාලනය කරන නිසා එවැනි ආහාර නිතර ගත යුතුය.

8] රාත්‍රීකාලයේ නින්දට පෙර ස්මාර්ට්ෆෝන හා ටැබ්ලට් භාවිතාකිරීම

මෙවැනි උපකරණවල තිරයෙන් නිකුත්වන තීව්‍ර ආලෝකය සිරුරේ රිද්මය හා නින්දිමත දැනීමේ ක්‍රියාවලිය පාලනය කරන circadian rhythm නම් චක්‍රය අවුල්වී නිදිමත දැනීම පමාකරයි. එමෙන්ම පාන්දරට නින්දයාම වැඩිවන නමුත් රැකියාවට යාම සඳහා අවදිවීමට සිදුවීම නිසා අවශ්‍ය පමණට නින්ද නොලැබීමෙන් විඩාව දැනේ.




__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Wednesday, 14 March 2018

REST IN PEACE : ස්ටීවන් හෝකින්ස් (76)


1988 දී පලකල "අ බ්‍රීෆ් හිස්ටරි ඔෆ් ටයිම්" නම් විශ්වයේ උපත, පැවැත්ම හා අවසානය පිලිබඳව ලියැවුනු පොත සමග ලෝක අවධානයට බඳුන්වූ ස්ටීවන් හෝකින්ස්, ඇල්බර්ට් අයින්ස්ටයින්ගෙන් පසු මෙලොව පහලවූ විශිෂ්ඨතම භෞතික විද්‍යාඥයා බවට අවිවාදයෙන් පිලිගැනෙනවා.

පිටපත් මිලියන 20ක් පමණ අලෙවි වී වාර්තා තැබූ "අ බ්‍රීෆ් හිස්ටරි ඔෆ් ටයිම්" පොත, අතිශය සංකීර්ණ න්‍යායික-භෞතික විද්‍යා (theoretical physics) සංකල්ප ඉතාම සරලව සාමාන්‍ය ජනයාට  තේරුම්ගත හැකි ආකාරයට ලිවීමට සමත්වූ හෝකින්ස් මේ සංකීර්ණ සංකල්පයන් විද්‍යාව පිලිබඳව උනන්දුවක් දක්වන සෑම දෙනා අතරටම ගෙන ගියා.


මහාචාර්ය ස්ටීවන් හෝකින්ස්ගේ ජීවිතයේ ඉතාමත්ම වැදගත් සන්ධිස්ථාන පිලිබඳව තබන කෙටි සටහනක් පහතින් තිබෙනවා.

1966 - ආචාර්ය උපාධිය දිනාගත් හෝකිස්න් කේම්බ්‍රිජ් විශ්වවිද්‍යාලයේ පර්යේෂකයෙකු ලෙස පත්වීම් ලබනවා. සාපේක්ෂතාවාදය පිලිබඳව හා කළු කුහර ඔහුගේ පර්යේෂණයන්ගේ තේමාව වනවා.

1968 - ජෝර්ජ් එලිස් නම් භෞතික විද්‍යාඥයා හා එක්ව "Large Scale Structure of Space-Time" නම් පර්යේෂණ ග්‍රන්ථය පලකලා. විශ්වයේ සැකැස්ම හා එහි ප්‍රසාරණය වීම පිලිබඳ කල්පිතයන් මේ ග්‍රන්ථයේ අඩංගු වුනා

1970 - ක්වන්ටම් න්‍යායයන් හා සාපේක්ෂතාවාදයේ මූළධර්ම ආධාරයෙන් කිසිම විකිරණයක් පිටනොවනවා යැයි විද්‍යාඥයින් සිතාසිටි කළු කුහරවලින් විද්‍යුත් චුම්බක විකිරණ පිටවන බව සොයාගත්තා.

1973 - කළු කුහරවලින් විකිරණ පමණක් නොව ශක්තිය මෙන්ම, පධාර්ථද නිකුත්වෙන බවත්, කළු කුහර පුපුරා යාහැකි බවත් විද්‍යාත්මකව ඔප්පුකලා. මේ සොයාගැනීම "හෝකින්ස් විකිරණ - Hawkin's Radiation" පිලිබඳ නියමය ලෙස පසුව හඳුන්වන්නට පටන්ගත්තා

1988 - "අ බ්‍රීෆ් හිස්ටරි ඔෆ් ටයිම්" පොත ලියා අවසන් කලා

සාපේක්ෂතාවාදය, කළුකුහර හා විශ්වයේ උපත පැවැත්ම හා අවසානය පිලිබඳව දිගින් දිගටම පර්යේෂණ පැවැත්වූ මහාචාර්ය ස්ටීවන් හෝකින්ස් සිය ජීවිත කාළය තුල භෞතික විද්‍යාව පිලිබඳව පොත් 15ක් පලකොට තිබෙනවා.

1942දී උපත ලැබූ හෝකින්ස් වයස 21දී මෝටර් නියුරෝන් ඩිසීස් නම් ශරීරයේ මාංෂපේෂි හා ස්නායු අක්‍රියවන රෝගය වැළඳී ඇතිබව සොයාගත් අතර එම රෝගය නිසා ඔහු වසර 2ක් ඇතුලත මිය යන බවත් වෛද්‍යවරුන් ප්‍රකාශකලා. එහෙත් තවත් වසර 55ක් ජීවත් වෙමින් විද්‍යා ලෝකයට අමිල මෙහෙයක් ඉටුකල මහාචාර්ය හෝකින්ස් සිය නිවසේ නිදා සිටියදී මියගිය බව හෝකින්ස් පවුලේ සාමාජිකයින් අද උදෑසන (14) මාධ්‍යවලට පවසා සිටියා.













__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Sunday, 11 March 2018

SOCIAL : ෆේස් බුක් එකෙන් මිනීමරන්න, ගිණි තියන්න ප්ලෑන් කරද්දී, වෛරය පතුරුවද්දී ෆේස්බුක් ෆීඩම් කාරයෝ කොහෙද හිටියේ?


ෆේස්බුක් හා වෙනත් සමාජ ජාල තහනම දිගුවී ඇත. එය අපේක්ෂාකල යුතුව තිබුණි. රටටම මහා අපකීර්තියක් ගෙනදුන්, ඩෝප්කාරයින් කල වරදක් දඩමීමා කරගෙන මුලුමහත් ජනවර්ගයකටම එරෙහිව දියත්කල මහා ව්‍යසනය එයට හේතුව විය. සියල්ල සැලසුම්කොට සම්බන්ධීකරණය කරතිබුණේ, අරමුදල් එක් රැස්කර තිබුණේ, කල්ලි තැන් තැන් වලට යොමුකොට තිබුණේ ෆේස්බුක් හා වට්ස්-ඇප් වැනි සමාජ ජාල හරහාය. තවමත් වෛරී ප්‍රකාශණ බුකියේ මතුවෙමින් තිබේ.

සිවුරු හැඳගත් මදාවීන් තවමත් සමාජජාල හරහා වෛරයේ විෂ මුදාහරිමින්, තර්ජනය කරමින්, ගේම ඉවර නැති බව පවසමින් සිටී.

ඉදින් තහනම දිගුකිරීම මහා වරදක්ද?

තවත් පැණයක් ඇසිය යුතුව තිබේ. සමාජ ජාල තහනමට විරෝධය පාන්න, පාරවල් බ්ලොක් කරන්න සැලසුම් කරන භාෂණ නිදහස් චැම්පියන්වරුන්, පර්සනල් ෆ්‍රීඩම් අද්වකාත්ලා, මාද්දිය නිදහස අගයන ඔස්තාර්ලා, මෙතරම් වෛරයක් මේ ජාල හරහා එලිපිටම පතුරුවමින්, ප්‍රසිද්ධියේ රඟද්දී සිටියේ කොහිද, කලේ මොකක්ද යන්නයි?

සෝෂල් මීඩියා තහනම ඉවත්කර ගන්නට තියෙන මේ කැක්කුම, අමාරුව, ගාය මේ ජාල එලිපිට අපහරණය කිරීමේදී මතු නොවුනේ ඇයි? නොතිබුණේ ඇයි? මේ මාධ්‍ය දැඩිලෙස නීතිවිරෝධී, සමාජ විරෝධී ක්‍රියාවලට එලිපිටම භාවිතා කරද්දී මේ ක්‍රියාකාරීන්ට, ඔස්තාර්ලාට එන පොට හොඳනැති බව පෙනුනේ නැද්ද? ඒ සඳහා හඬක් නගන්නට හිතුනේ නැද්ද?

අඩුම ගණනේ මේ වෛරී ප්‍රකාශන ඉවත්කරන්න සංවිධානාත්මකව ෆේස්බුක් වැනි ආයතන වලට පීඩනයක් එල්ල කරන්නට සිතුනේ නැති මෙයාලාට දැන් තහනම ඉවත්කර ගැනීමේ දැඩි රුදාවක් හටගෙන තිබේ.

හේතුව පැහැදිලිය.

මේ නටන්නේ එන්.ජී.ඕ කාක්කන්ය.

මුන්ට මේ සමාජ-ජාල තහනම අලුත්ම ඩොලර් කුට්ටි ඉල්ලමක් වී ඇති බව පැහැදිලිය. දැන් විරෝධතා පවත්වා, පාරේ කෑගසා, පත්‍රිකා ගසා, ලිපි ලියා රිපෝට් යැවූ විට ගිණුම්වලට ඩොලර් බැරවෙනු ඇත.

රටට හෙන ගැහුවත් මුන්ට කමක් නැත. බුකියේ නටන ඕලෙවල් වත් නැති කොල්ලන්, වෛරය පතුවන්නට පෙළඹීම, කඩුපොලු කැති අරගෙන එක් ජනවර්ගයක් වෙසෙන පෙදෙසකට ගොස් ඒ පෙදෙස මහා යුධ පිටියක් කිරීමට උඩගෙඩි දීම, අමිත් වීරසිංහලා, ඥාණසාරලා වැනි ලේමාපිලුන්ගේ ග්‍රහණයට හසුවීමෙන් සිදුවන සමාජ ව්‍යසනය මුන්ට වැඩක් නැත.

ඕනෑ කර තිබෙන්නේ මේ තහනමේ එල්ලී මේ අවුරුද්ද ගොඩදා ගන්නට ඩොලර් මලු කිහිපයක් ලබාගැනීම පමණකි. රටේ අවදානම් තත්වය හමුවේ තව දවස් කිහිපයක් ඉවසන්නට මුන්ට බැරිවී ඇති අමාරුව වෙන කිසිවක් නොවේ.


__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Saturday, 10 March 2018

SOCIAL : ජාතිආලෙ නෙමෙයි හලෝ, අපරාදෙ පිච්චෙන හින්දයි සල්ලිටික ෂෝටෙ ගහගත්තේ



මුස්ලිම් කඩ දෙවනත් කල බුදුබණට හීලෑවුනු යක්කු ටිකක් අපරාදෙ නිසා ගිණි තියන්ඩ කලින් සාක්කුවේ ඔබාගත්ත සල්ලි ගැන වැරදියට හිතන්ඩ එපා.

මුස්ලිම් ලාච්චුවකින් ගත්තා කියලා සල්ලි "අල්ලා" ගාන්නෙ නෑනෙ ඔයි!

ඔන්න ෆෙන්ස්; මුන් තමයි ජාතිය බේර ගන්න නුවර දුවගෙන ආපු සිහල ප්‍රේමී යක්කු ටික.



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

SOCIAL : තලංගමදී පිපුණ පොහොට්ටුව!












__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________
Related Posts Plugin for WordPress, Blogger...