Related Posts Plugin for WordPress, Blogger...

Friday, 24 April 2015

Amazon.com සමාගම සිය ඇනවුම් ඩ්‍රෝන යානා මාර්ගයෙන් ගැනුම්කරුවන් වෙන්ත යැවීමට සැරසෙයි.

2016 අගභාගය වනවිට සිය ගණුදෙනුකරුවන් විසින් සිදුකරන ඇණවුම් විනාඩි 30 ඇතුලත කුඩා ඩ්‍රෝනයානා මගින් ගෙදරටම ගෙනැවිත් දීමට ඇමසන්.කොම් සමාගම සැළසුම් කරමින් සිටී. මේ සඳහා කිලෝ ග්‍රෑම් 2.5ක් පමණ බරක් උසුලාගෙන පියාසර කල හැකි ඔක්ටෝකොප්ටර් (octocopter) වර්ගයේ ඩ්‍රෝන යානා යොදාගැනීමට ඇමසන් සමාගම අදහස් කරගෙන සිටී. දැනට ඇමසන් සමාගම සිය ඇණවුම් ගණුදෙනු කරුවන් හට ලැබෙන්නට සලස්වන්නේ ෆෙඩ්-එක්ස් කුරියර් සමාගම හරහාය. මේ සඳහා සෑහෙන මුදලක් අමතරව ගෙවීමට ගණුදෙනුකරුවන් හට සිදුවන් අතර, එම මුදලට වඩා මුදලක් ඇමසන් සමාගම ෆෙඩ්-එක්ස් සමාගමට ඒ වෙනුවෙන් ගෙවයි. මෙම පිරිවැය අඩුකරගැනීමටත්, වඩාත් ඉක්මණින් ඇණවුම ගනුදෙනු කරුවන්හට ලැබෙන්නට සැලැස්වීමටත් ඩ්‍රෝන යානා භාවිතයෙන් හැකි බව ඇමසන් සමාගමේ නිර්මාතෘ ජෙෆ්රි බෙසෝස් මහතා පවසා සිටියි.

මේ සඳහා "Prime Air" යනුවෙන් වෙනම සමාගමක්ද ඇමසන් සමගම විසින් ස්ථාපනය කොට ඇත. මෙම ඩ්‍රෝන යානා නිර්මාණය කිරීම සඳහා ගුවන් යානා විශේෂඥයින්, රෝබෝ ඉන්ජිනේරුවන්, ගගනවිද්‍යා ඉන්ජිනේරුවන් මෙන්ම නාසා ආයතනයේ හිටපු අභ්‍යවකාශගාමියෙකුද ඇතුලු කණ්ඩායමක් මේ දිනවල ලහිලහියේ සූදානම් වෙමින් සිටින බව ඇමසන් සමාගම පවසනවා.

දැනටමත් මෙවැනි ඔක්ටෝකොප්ටර් යානා පියාසැරිවල යොදවමින් අත්හදා බැලීම් සිදුකරන බව පවසන ඇමසන් සමාගම මෙම අත්හදාබැලීම් සිදුකරන්නේ කැනඩාවේ සිටයි. මෙයට හේතුව අමෙරිකාවේ ෆෙඩරල් ගුවන්ගමන් පාලන ආයතනය (FAA) මෙම පරීක්ශණ ඇමරිකාවේ සිදුකීරීමට අවසර නොදීමයි. එහෙත් කැනේඩියානු රජය මෙම පර්යේෂණ සඳහා අවසරය මෙන්ම පූර්ණ සහයෝගයද ලබාදෙන බව ඇමසන් සමාගම පවසනවා.

මෙම ඩ්‍රෝන යානා පියාසරකරවීම සඳහා පොලොවේ සිට අඩි 200ත්-500ත් අතර ගුවන් කලාපය යොදාගැනීමට ඇමසන් සමාගම බලාපොරොත්තුවනවා. ඔවුන් පවසන අන්දමට අඩි 200 ඉක්මවූවිට ඉතා උස් ගොඩනැගිලි සීමාව පසුව යන අතර, සාමාන්‍ය ගුවන්ගමන් සීමව වන අඩි 500යේ උස සීමාවට අඩුවෙන් මෙම ඩ්‍රෝන පියාසැරි සීමාව පවතිනවා.

අමෙරිකාවේ ෆෙඩරල් ගුවන්ගමන් පාලන ආයතනය  පියාසැරිවලට තවමත් අවසර දී නැත්තේ ඒවායින් සිදුවිය හැකි අණතුරු පිලිබඳව ඔවුන් දැඩි සැළකිල්ලක් දක්වන බැවිනි. නිවෙස් වෙත භාණ්ඩ ප්‍රවාහණය කරන ඇමසන් ඩ්‍රෝනයානා ඉතා අධික ජනගහනයක් වෙසෙන ප්‍රදෙශ හරහා පහතින් පියාසර කරන බැවින් අණ්තුරුදායක බව FAA ආයතනයේ නිගමනයයි. මෙවැනි යානාවක් පාලයන් මිදී යාමෙන් මිනිසුන් ඇඟමතට හෝ නිවාසවලට කඩාවැදීමෙන් බරපතල අණතුරු සිහුවිය හැකි බව පවසන FAA තවමත් ඩ්‍රෝනයානාවල ඇති මෙවැනි අණතුරු වලක්වාගෙන පියාසර කරගැනීමේ මෙන්ම බාධක මගහැර පියාසර කිරීමේ තාක්ශණය එතරම් මුහුකුරා නොගිය තාක්ශණයක් බව පවසනවා.

FAA ආයතනය මෙන්ම යුරෝපීය ගුවන්සීමා පාලන ඒජන්සියද සිවිල් ඩ්‍රෝනයානා පියාසැරි නියාමනය කිරීමේ නීතිරීති සකසමින් සිටින බව පැවසෙනවා.

සිවිල් ඩ්‍රෝනයානා මගින් මහජනතාවගේ පුද්ගලිකත්වයටද විශාල බාධක එල්ලවිය හැකි බව අමෙරිකානු පුද්ගලිකත්ව අයිත්වාසිකම් පිලිබඳ ක්‍රියාත්මකවන ආයතන පවසනවා. උදාහරණයක් ලෙස කැමරාවක් සවිකල කුඩා ඩ්‍රෝනයානයක් පුද්ගලයෙකුගේ ගෙවත්තක සිදුවන් දෙයක් වීඩියෝ ගත කිරීම මෙවැනි පුද්ගලිකත්වයට හානි කිරීමක් බව ඔවුන් පවසනවා. මෙය පාලනය නොකලහොත් ඉතා ලාභයට ගතහැකි කුඩා ඩ්‍රෝන යානා ආධාරයෙන් ඕනෑම කෙනෙකුට තවත් කෙනෙකු යන එන තැන්, කරන කියදේ, හමුවන පුද්ගලයින් පිලිබඳව තොරතුරු රැස් කිරීමට හැකියාව ලැබෙනවා. මෙය මිනිසුන් හට නිදහසේ ජීවත්වීමට ඇති අයිතිය හා සිය පුද්ගලිකත්වය ආරක්ශාකර ගැනීමට ඇති අයිතිය මරුපහරක් විය හැකි බව ඔවුන් පවසනවා.

කෙසේ වෙතත් සිවිල් ආයතන මගින් මෙහෙයවන ඩ්‍රෝන යානා සඳහා අමෙරිකානු ගුවන්සීමාව 2015 අග වනවිට විවෘත කිරීමට FAA ආයතනය බලාපොරොත්තුවන අතර යුරෝපීය ප්‍රජාව 2016දී මෙය සිදු කිරීමට නියමිතයි.

ඇමසන් ආයතනය සැළසුම් කරන ආකාරයට ඔවුන්ගේ කුඩා ඔක්ටෝකොප්ටර් යානාවලට ඇමසන් සමාගමට ලැබෙන ඇණවුම් වලින් 85% පමණ බෙදාහැරිය හැකියි. පැයට කිලෝමීටර් 80ක වේගයන්, ඇමසන් ගබඩා මධ්‍යස්ථානවල සිට පියාසර කරන මෙම යානා කිලෝමීටර් 20ක්-30ක් අතර දුරකට පියාසර කල හැකි අතර කිලෝග්‍රෑම් 2.5ක බරක් ගෙනයා හැකියි. බොහෝ දෙනා ඇමසන් ආයතනයෙන් ඇනවුම් කරන පොත්පත්, DVD තැටි, ලැප්ටොප් පරිගණක හා උපාංග ඉතා වේගයෙන් හා ඉතා අඩු පිරිවැයකින් බෙදා හැරීමට මෙම ඩ්‍රෝනවලට හැකිබවට ඇමසන් සමගම ගණන්බලා තිබෙනවා.

Sunday, 19 April 2015

ඉවතලන ඉරිඟු ශාක කොටස්වලින් හයිඩ්‍රන් ඉන්ධන!

නුදුරු අනාගතයේදී ලොව ඇතිවෙතැයි සිතන බළශක්ති අර්බුධයට මෙන්ම ෆොසිල ඉන්ධන දහනයෙන් සිදුවන පරිසර විනාශය අවම කිරීමටත් හොඳ විසඳුමක් ලෙස හයිඩ්‍රජන් හඳුනාගෙන තිබුණේ දශක ගණනාවකට පෙර සිටය. එහෙත් හයිඩ්‍රජන් ප්‍රායෝගික ඉන්ධනයක් ලෙස යොදාගැනීමට හැකි තාක්ශණය නිර්මාණය කිරීමට විද්‍යාඥයින් පසුගිය දශක කිහිපයම ගත කරන්නට විය.

විශේෂයෙන් මෝටර් රථ ධාවනය සඳහා හයිඩ්‍රජන් යොදාගැනීමට ඇති හැකියාව පිලිබඳව බොහෝ පර්යේෂණ සිදුකෙරුණි. ඉතාමත් පිරිසිදු ලෙස දහනය වී ජලවාශ්ප පමණක් අපද්‍රව්‍යයක් ලෙස පිටකරන හයිඩ්‍රජන් ඉන්ධනය ඉතා සැහැල්ලු වායුවක් වීමත්, ක්ශණයෙකින් ගිණිගන්නා අන්තරායකාරී ද්‍රව්‍යයක් වීමත් නිසා  හයිඩ්‍රජන් මෝටර් රථ ඉන්ධනයක් ලෙස භාවිතා කිරීම ප්‍රායෝගිකව අපහසු විය.

එහෙත් වසර විසි තිස් ගණනක පර්යේෂණ හා සංවර්ධන කටයුතු වල ප්‍රථිපලයක් ලෙස ටොයොටා සමාගම 2014 දෙසැම්බරයේදී හයිඩ්‍රජන් වලින් ධාවනය කල හැකි ලොව ප්‍රථම වාණිජමය වශයෙන් අලෙවි වන හයිඩ්‍රජන් මෝටර්රථය වන ටොයෝටා මිරායි රථය නිර්මාණය කලේය.  "ටොයොටා මිරායි" රථය මුලින්ම වෙළඳපොලට එක්වන්නේ අමෙරිකාවේ ප්‍රාන්ත අතරින් පරිසර දූෂණය පිටුදැකීම සඳහා නීති දැඩිම ප්‍රාන්තය වන කැලිෆෝනියා ප්‍රාන්තයේය.

TOYOTA MIRAI

ප්‍රායෝගිකව හයිඩ්‍රජන් භාවිතාකිරීමේ තාක්ශණික බාධක එලෙස බිඳවැටෙද්දී හයිඩ්‍රජන් භාවිතයට ඇති තවත් ප්‍රභල බාධකයක් වූයේ හයිඩ්‍රජන් නිශ්පාදනයේදී ඇති අධික පිරිවැයයි. අමෙරිකාව ඇතුලු ඉරිඟු නිශ්පාදනය බහුලව සිදුකරන රටවල් ඉරිඟු ආධාරයෙන් හයිඩ්‍රජන් නිපදවීම ආරභ කොට තිබුණද එය එතරම් කාර්යක්ශම නොවීය. ඉරිඟු ගසේ ඉවතලන කොටස් බැක්ටීරියා ආධාරයෙන් පැසවීමට බඳුන්කොට (fermentation) හෝ කාර්මික උත්ප්‍රේරක (industrial catalysts) භාවිතයෙන් හයිඩ්‍රජන් නිශ්පාදනය කල හැකි වුවද, එම ක්‍රියාවලි මගින් ඉරිඟු ශාක කොටස්වල අඩංගු සයිලෝස් සීනි (xylose plant sugar)වලින් 30-60 අතර ප්‍රමාණයක් පමණක් හයිඩ්‍රජන් බවට හර්ඣවා ගැනීමට හැකිවිය.

ෂෙල් ඉන්ධන සමාගමේ මූල්‍ය දායකත්වයෙන් මේ අකාර්යක්ශමතාවය පිලිබඳව පර්යේශණ පැවැත්වූ අමෙරිකාවේ වර්ජිනියා ටෙක් සරසවියේ පර්යේෂකයින් පිරිසක්, ඉවතලන ඉරිඟු ශාක කොටස්වල අඩංගු සයිලෝස් සීනිවලින් 100%ක්ම හයිඩ්‍රජන් බවට හැරවීමේ ක්‍රමවේදයක් සොයාගෙන ඇත. මේ අනුව හයිඩ්‍රජන් නිශ්පාදනයේ පිරිවැය වේගයෙන් අඩුවනු ඇතැයි විද්‍යාඥයින් පවසනවා.

මෙම පර්යේෂණ ප්‍රථිපල හැකිතාක් ඉකමණින් වාණිජකරණය කිරීම මගින් දැනට ලොව ආර්ථිකය යැපෙන, ක්ශයවෙමින් යන ෆොසිල ඉන්ධන වෙනුවට පුනර්ජනනීය ඉන්ධනයක් වන හයිඩ්‍රජන් මත යැපෙන "හයිඩ්‍රජන් ආර්ථිකයක්" බවට පත්කල හැකි බව මෙම පර්යේෂණ කණ්ඩායමේ ප්‍රධානී මහාචාර්ය පර්සිවාල් සැන්ග් පවසනවා.

අලුත්ම Star Wars චිත්‍රපටය: Episode VII: The Force Awakens ලඟදීම


සුප්‍රකට හොලිවුඩ් අධ්‍යක්ශක ජේ.ජේ ඇබ්‍රැම්ස් අධ්‍යක්ශණය කල මෙම චිත්‍රපටය ස්ටාර්-වෝස් චිත්‍රපට මාලාවේ සත්වැනි දිගහැරුමයි.  ජේ.ජේ ඇබ්‍රැම්ස් අධ්‍යක්ශණය කල අතිශයින් ජනප්‍රියවූ චිත්‍රපට අතර Mission: Impossible III, Mission: Impossible – Ghost Protocol හා Star Trek Into Darkness ප්‍රධාන වන අතර 2015දී තිරගත වන්නට සැළසුම් කොට ඇති අලුත්ම මිශන් ඉම්පොසිබල් චිත්‍රපටය වන Mission: Impossible – Rogue Nation ද ඔහුගේ අධ්‍යක්ශණයකි.

1977දී මුල්වරට එලිදැක්වුනු මෙය ජෝර්ජ් ලූකස්ගේ නිර්මාණයකි. මුලින් චිත්‍රපට 6ක් ලෙස (Episode 1 - 6) ලෙස එලිදක්වන්නට සැලසුම්කල නමුත් පසුව අවසාන කොටස් තුන, එනම්  Episode 4 - A New Hope (1977)  , Episode 5 - Empire Strikes Back (1980), Episode 6 - The Return of Jedi (1983) යන චිත්‍රපට තුන පමණක් එලිදක්වන ලදී. ලොව පුරා අතිශයින්ම ජනප්‍රිය වූ මෙම චිත්‍රපට මාලාව 1970 හා 1980 දශකයේ ළමා හා තරුණ පරපුරට ඉමහත් වින්දනයක් ලබාදුන් අතර, විද්‍යා ප්‍රබන්ධ චිත්‍රපට සඳහා පෙර නොවූ විරූ උනන්දුවක් ඇති කරනලදී.

ඈත අතීතයේ කාළයක, පෘථිවියට ඉතා ඈතින් පිහිට මන්දාකිණියක පැතිරීතිබූ අතිශය දියුණු මානව හා වෙනත් බුද්ධිමත් ජීවී විශේෂ බිහිකරන ලද විශ්ව ශිස්ඨාචාරයක් මෙම කථාමාලාවට පාදකවී ඇත. කථාව දිග හැරෙන සමයේ එම මන්දාකිණියම "Emperor" ලෙසින් හඳුන්වන කුරිරු ආඥාදායකයෙකු විසින් බිහිකරන ලද අධිරාජ්‍යයකට යටත්ව සිටින අතර එම කුරුරු පාලනයට එරෙහිව ජෙඩායි නයිට්වරුන් හා ඔවුන්ගේ පාත්‍රවර්ගයා ගෙන යන නොනවතින සංග්‍රාමයක් විස්තර කරයි. ස්ටාර්-වෝස් හෙවත් තාරකා යුද්ධ යනුවෙන හඳුන්වන්නේ මෙම නොනවතින සංග්‍රාමයේ කථාමාලාවන්ය.


1983දී 6වැනි චිත්‍රපටයෙන් තාවකාලික විශ්‍රාමයකට යැවෙන ස්ටාර්-වෝස් කථාමාලාවේ, කලින් අත්හැරදමන ලද එපිසෝඩ් 1, 2, හා 3 චිත්‍රපට නිර්මාණය කිරීමට කථාමාලාවේ රචක හා නිර්මාණ හිමිකරුවන වන ජෝර්ජ් ලූකස් හා ඔහුගේ ච්ත්‍රපට සමාගම වන ලූක්ස් ෆිල්ම්ස් තීරණය කරන අතර එහි ප්‍රථිපලයක් ලෙස් 1999දී ස්ටාර්-වෝස් වෘතාන්තයේ මුල්ම කථාමාලාව ලෙස එලිදක්වන්නට තිබුණු "Star Wars Episode I: The Phantom Menace" සිනමා ලෝලීන්ට පිලිගැන්වුනි. 2002 වසරේදී දෙවන එපිසෝඩය වන Star Wars Episode II: Attack of the Clones එලිදැක්වෙන අතර 2005දී තුන්වන එපිසෝඩය වන Star Wars Episode III: Revenge of the Sith එලිදැක්වේ.

ස්ටාර්-වෝස් චිත්‍රපටමාලාව, හා චරිතවල නිර්මාණ අයිතිය ඇති Lucas Film සමාගම, එහි අයිතිකරුවූ ජෝර්ජ් ලූකස් විසින් 2012 වසරේදී වෝල්ඩ් ඩිස්නි සමාගමට අලෙවිකරන ලද අතර ස්ටාර්-වෝස් චිත්‍රපටමාලාවට නැවත පණදීමට ඩිස්නි සමාගම තීරණය කරනලදි. 2015දී එලි දැක්වීමට නියමිත Episode 7 මේ තීරණයේ ප්‍රථිපලයකි. මෙම චිත්‍රපටය, අලුත්ම ස්ටාර්-වෝස් චිත්‍රපට 3කින් පලමුවැන්න බව ඩිස්නි සමාගම පවසනවා.

Monday, 13 April 2015

ඩයිනෝසිරස්ලා ලංකාවෙත් ඉඳලා - ඩයිනෝසරයන්ගේ චිත්‍ර රැසක් කුරුලන්ගල ගල් පර්වතයේ තිබී රාවණා පුත්‍ර සංවිධානයේ සභාපතිට හමුවෙලා!


වාර්තාව හා චිත්‍ර සටහන් උපුටාගත්තේ 13/04/2015 මව්බිම පුවත්පතෙහි වෙබ් සංස්කරණයෙනි

රුධිරයේ හෝ ඒ හා සමාන ද්‍රව්‍යයකින් මීට වසර දහස් ගණනකට පෙර අඳින ලද කුරුලු රූප හා ඩයිනෝසරයන්ගේ චිත්‍ර රැසක් ඇල්ලවැල්ලවාය මාර්ගයේ උමා ඔය බහුකාර්ය යෝජනා ක්‍රමය ක්‍රියාත්මක වන කදින්නාවෙලට නුදුරින් පිහිටි කුරුලන්ගල ගල් පර්වතයේ තිබී තමන්ට හමුවූ බව රාවණා පුත්‍ර සංවිධානයේ සභාපති ගයාන් එස්. විතානගමගේ මහතා 'මව්බිම'ට කීය. මේ රූ සටහන් විධිමත් කාල නිර්ණයකට භාජන කර ඒ පිළිබඳ පුළුල් සොයාබැලීමක් සිදුකළහොත් වැළලීගිය ඓතිහාසික තොරතුරු රැසක් අනාවරණය කරගැනීමට ඉඩකඩ ලැබෙන බවත් ඉතිහාසය නැවැත ලියන්නට ඇතැම් විට සිදුවනු ඇති බවත් ඔහු කීවේය. 'මව්බිම'ට අදහස් දක්වමින් ඔහු වැඩිදුරටත් මෙසේද පැවැසීය.

මේ තොරතුරු මුද්‍රිත මාධ්‍යකින් හෙළිදරවු වන ප්‍රථම අවස්ථාව මෙයයි. මේ ගැන බොහෝ දෙනෙක් අසා තිබුණත් එහි නිවැරැදි අර්ථකථනයක් හෝ වටිනාකමක් ලබාදෙන්න අදවනතුරු කවුරුවත් අවධානය යොමු කරලා නැහැ. මගේ මතය අනුව මෙහි තිබෙන රූ සටහන අතීතයේ මුතුන් මිත්තන් ඇඳපු ඒවා විය හැකිය. එසේ
නම් ඔවුන් ඩයිනෝසරයන් දැක තිබෙනවා. එය එසේ නම් ලංකාවේ ඩයිනෝසරයන් ජීවත් වී සිටින බවට තහවුරු වෙනවා. අද වන විට මේ චිත්‍ර සහිත කොටස විශාල වශයෙන් විනාශ වෙනවා. අඩි 30ක් පමණ තිබූ කොටසෙන් ඉතිරිවෙලා තියෙන්නේ අඩි 6ක පමණ කොටසක්. එයවත් සංරක්ෂණයට වහාම වගකිවයුතු බලධාරීන් අවධානය යොමු කළ යුතුයි.

පසු සටහන

මෙම පුවත සත්‍යයක් නම් විද්‍යාව , තාක්ෂණය, පුරාවිද්‍යාව වැනි විෂයන් වලට උනන්දුවක් දක්වන ඒ පිළිබඳව තොරතුරු ගවේෂණය කරන්නට වෙහෙසෙන අප සැමට අමන්දනිය පුවතකි. දකුණු ඉන්දියවෙන්ද ඩයිනොසිරස් ෆොසිල හමුවී ඇති බැවින් ලංකාවේ උන් නොසිටින්නට හේතුවක් නැත.

විචිකිච්චාව

කෙසේ වෙතත් මේ පුවත නෙත ගැටුණු මොහොතේ සිටම මාතුල ඇතිවුයේ සතුටකට වඩා විචිකිච්චාවකි, කුකුසකි. මෙය හැබෑවක්ද? මෙතුවක් කාලයකට කිසිදු මාධ්‍යකින් අනාවරණය නොවූ මෙවන් වැදගත් පුවතක් සොයාගත් අය විසින් මෙතරම් සැහැල්ලුවෙන් ප්‍රාදේශීය වාර්තාකරුවෙකුට පවසා නිහඩ වේද? මීට වඩා නොවැදගත් දේ වෙනුවෙන් මාධ්‍ය සාකච්චා පවත්වා ඩෙගානටන යුගයකය අප ඉන්නේ. ජනප්‍රිය විද්‍යුත් නාලිකා යහපාලනයෙන් ආප්පයේ ප්ලේන්ටියේ මිල අඩුවුවා දැයි සොයමින් දවසේ ප්‍රධාන පුවත් විකාශනයෙන් විනාඩි 15-20 ගතකරමින් රටේම කාලය නාස්ති කරන යුගයක මෙවැනි වැදගත් පුවතකට අඩුම ගණනේ SMS ඇලට් එකක්වත් නැතිවීම පුදුමයි නේද?

මෙම පුවත පලකල මව්බිම එය සද්භාවයෙන් කල බවට සැක නැත. ඔවුන් එය මුල්පුවත කිරීමෙන් මවුබිමේ ඇත්තන් යම් විඥානයක් ඇති මෙවන් දෙයක වැදගත්කම තේරුම්ගත හැකි අයවලුන් වීම වාසනාවකි.

එහෙත් නොපෑහෙන තැන් ගොඩකි.

1] මෙම සොයාගැනීම කල රාවණා පුත්‍ර සංවිධානයේ සභාපතිතුමා ඒ පිළිබඳව පුරාවිද්‍යා දෙපාර්තමේන්තුව දැනුවත් කලාද?

දිවයිනේ ඕනෑම තැනකින් හමුවන පුරාවිද්‍යා වටිනාකමක් ඇතැයි සැකකෙරෙන සොයා ගැනීමක් පළමුවෙන්ම දැනුන් දිය යුත්තේ පුරාවිද්‍යා දෙපාර්තමේන්තුවටයි. එය ශ්‍රී ලංකා පුරාවිද්‍යා අණපනත්වල පැහැදිලිව දක්වා ඇත. එසේ නොකිරීම වරදකි.

2] රාවණා පුත්‍ර සංවිදානය මෙම ගවේෂණයට යොමුකළ සාධකය කුමක්ද? 

ගම්වැසියන්ගෙන් ලැබුණු තොරතුරක්ද? චායාරුපයෙන් පෙනෙන ආකාරයට සොයාගැනීම සිදුකල කන්ද දුෂ්කර ගිරිදුර්ගයකි. මෙතරම් දුෂ්කර ගමනකින් සොයාගත් දේ පිළිබඳව රටම දැනුවත් කරන්නට පුවත් සාකච්චා වැනි උපක්‍රම භාවිතා නොකරන්නේ ඇයි? ඔවුන් ප්‍රසිද්ධියට අකමැතිද?

3] ඩයිනොසොරයන් වඳවී වසර මිලියන 65ක් පමණ ගතවී ඇත.පැරණිම මානව ෆොසිලය වසර මිලියන 2.8ක් පැරණි බව සොයාගෙන ඇත. එසේනම් කුරුලන්ගල ගල් පර්වතයේ චිත්‍ර අඳින ළද ආදී මානවයා ඩයිනොසොරයන් දැක්කේ කොහොමද? ඉතිහාසය අලුතින් ලියන්නට පෙර මෙම ගැටලුව විසඳා ගත යුතු නොවේද?

4] ඩයිනොසොරයන් දැක්වෙන මානව චිත්‍ර තවත් ඇත.

2014 වසරෙදී කුවේටයේ ගල් ගුහාවකින් 67 හැවිරිදි ගොපල්ලෙකුට හමුවූ ඉපැරණි ගුහා චිත්‍ර වලද මිනිසුන් විසින් ඩයිනසොරයින් දඩයම් කරන ආකාරය දැක්වේ.







Related Posts Plugin for WordPress, Blogger...