GEOPOLITICS : China Studies Ukraine Conflict | Criticizes Russian Shortcomings

චීනයේ මහජන විමුක්ති හමුදාව (PLA) යුක්රේන යුද්ධයේ මිලිටරි පාඩම් අධ්‍යයනය කරමින් සිටින අතර, ක්‍රෙම්ලිනයේ මිලිටරි ප්‍රයත්නයට සෘජු ආධාර යැවීම සම්බන්ධයෙන් එහි ස්ථාවරය නැවත සලකා බලමින් සිටී. චීන හමුදාව යුක්රේනයේ රුසියාවේ දුර්වල මිලිටරි කාර්ය සාධනය පිළිබඳ විවෘත විවේචනවලින් වැළකී බොහෝ දුරට වැලකී සිටියා. චීන-රුසියා මිත්‍රත්වය හා පොදුසතුරා වන ඇමරිකාව යුක්‍රේනයේ ප්‍රධාන සහයකයා වීම මෙයට හේතුවන්නට පුලුවන්.

නමුත් PLA-Daily පුවත්පතේ (චීන හමුදාවේ නිල පුවත්පත) මෑත ලිපියක දුර්ලභ විවේචනයක් පලවී තිබෙනවා.  මෙම ලිපිය චීනයේ අන්තර්-සේවා මිලිටරි දේශපාලනය (inter-service politics) සහ චීනයේ අන්තර්-මිලිටරි බල අරගල පිළිබඳ අවබෝධයක් ද සපයයි.

රුසියානු ගොඩබිම් හමුදා පසුබෑම විශ්ලේෂණය කරමින් සිටින, චීන හමුදාව ඔවුන්ට ප්‍රමාණවත් පිරිස් බලයක් නොමැති බවට තක්සේරුවක සිටින බව ලිපියෙන් පෙනී යනවා. එබැවින්, චීන ගොඩබිම් හමුදා උපකරණ සඳහා නව ආයෝජන සහ හමුදා මට්ටම් වැඩි කරන ලෙස ඉල්ලා සිටිය හැකිය. විශේෂයෙන්ම යුක්රේන යුද්ධයේ විශ්ලේෂණයෙන් පසුව චීන හමුදාව බරපතල ලෙස සිය පිරිස් බලය පිලිබඳව සළකා බලමින් සිටින බවට පෙනී යනවා. 

යුක්රේනයේ රුසියානු හමුදා ක්‍රියාකාරිත්වය පිළිබඳ ලිපියේ තක්සේරුව අසාමාන්‍ය ලෙස විවේචනාත්මක වන අතර, රුසියාවේ මිලිටරිය, විශේෂයෙන් එහි ගොඩබිම් හමුදා, ඉතා දුර්වල බවට පැවසෙන අතර  අරමුණු සාක්ෂාත් කර ගැනීම සඳහා ඔවුන්ගේ හැකියාවන් ඉතා සීමිත වූ බව නිගමනය කරයි.

රුසියානු හමුදාවේ මූලික දුර්වලතා ලෙස හඳුනාගෙන ඇත්තේ ප්‍රමාණවත් හමුදා ප්‍රමාණයක් නොමැතිකම සහ ගුවන් හමුදා සමඟ ඒකාබද්ධ සටන් හැකියාවන්හි ඇති ප්‍රධාන දුර්වලතා ය.

රුසියානු උපක්‍රමශීලී සටන් කණ්ඩායම් ඒකකවලට ඔවුන් කළ සටන් ජයග්‍රහණය කිරීමට ප්‍රමාණවත් භට පිරිසක් ලබාදී නොතිබුණු බව වාර්තාව සටහන් කරනවා.

තවදුරටත් වාර්තාව සටහන් කරන්නේ මෙම කණ්ඩායම් වලට සටන්වලදී සිය ආරක්ෂාව සපයාගැනීමේ ගැනීමේ හැකියාවක් නොතිබූ බවත් ඔවුන් ඵලදායී වීමට නොහැකි තරම් දුර්වල බවත්ය. වාර්තාව නිගමනය කරන ආකාරයට රුසියානු බලසේනා ඒකකවලට (brigade) දිග්ගැස්සුනු සහ ඉහළ තීව්‍රතාවයකින් යුත් ආක්‍රමණශීලී ගැටුම්වලදී ඵලදායී ලෙස සටන් කිරීමට නොහැකියි.

රුසියාව සිය ගුවන් හමුදා ප්‍රහාරක රෙජිමේන්තු දෙකකට සහ මැරීන් භටයින් රෙජිමේන්තු පහකට ඒකාබද්ධ කරන බව චීන මිලිටරි විශ්ලේෂණය සටහන් කරයි. 

චීන විශ්ලේෂණයේ මූලික අරමුණ, යෝජිත තායිවාන ආක්‍රමණයකදී, රුසියාව යුක්‍රේනයේදී සිදුකරන වැරදි නොකර සිටින්නේ කෙසේද යන්නයි. ගොඩබිම් හා මැරීන් රෙජිමේන්තු කිහිපයක් එකවිට සටනට අවතීර්ණවීම තායිවාන ආක්‍රමණයක ප්‍රධාන අංගයන් වනු ඇති අතර මූලික සටන්වල ​​බර එවැනි රෙජිමේන්තුවලට දැරීමට සිදුවනු ඇත.

පී.එල්.ඒ ඩේලි ඇගයුමට අනුව රුසියාව ඒකාබද්ධ මෙහෙයුම් වලදී අසාර්ථක වී ඇත. රුසියානු හමුදාවට තම ගුවන් හමුදාව සමඟ ඒකාබද්ධ මෙහෙයුම් ඵලදායී ලෙස ක්‍රියාත්මක කිරීමට නොහැකි වී තිබීම විශාල දුර්වල කමක්.

චීන විශ්ලේෂණ වාර්තාව රුසියානු ගුවන් හමුදාව සම්බන්ධයෙන්ද සිය මතය ප්‍රකාශ කරනවා. සීමිත සටන් මෙහෙයුම් ක්‍රියාත්මක කිරීම සම්බන්ධයෙන් රුසියානු ගුවන් හමුදාව විවේචනය කරන වාර්තාව, රුසියානු ගුවන් හමුදාව නිරවද්‍ය ප්‍රහාර ක්‍රියාත්මක කිරීමට අසමත් වූ බවත්, ගොඩබිම් හමුදාව සමඟ ප්‍රමාණවත් සම්බන්ධීකරණයක් නොමැතිව ක්‍රියාත්මක වූ බවත් හෙලිකර තිබෙනවා.







Comments