අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

ටෙක්සාස් අහසේ හඳුනානොගත් ආකාශ වස්තුවක්

Posted by
Images by Steve Douglass and Dean Muskett


ත්‍රිකෝණාකාර හැඩැති ආකාශ වස්තුවක් ඇමරිකාවේ ටෙක්සාස් ප‍්‍රාන්තයේ ඇමරිල්ලෝ ප‍්‍රදේශයේදී නිරීක්ෂණය වී ඇතැයි වාර්තා වේ. ස්ටීව් ඩග්ලස් හා ඩීන් මස්කට් යන ඡායාරූප ශිල්පීන් දෙදෙනා විසින් කැමරා කාචයට හසුකරගෙන ඇති අතර පසුව එය වඩා පැහැදිලිව පෙනෙන ලෙස සංස්කරණය කර මාධ්‍ය වෙත අනාවරණය කර තිබේ. 

සාමාන්‍ය ගුවන් යානායල හැඩයට වඩා බෙහෙවින් වෙනස් ති‍්‍රකෝණාකාර හැඩයක් ගත් මෙම යානය මිනිස් නිර්මාණයක් මිස පිටසක්වළ යානයක් නොවන බවද මේ පිලිබඳව සංවාදයකට එක්වුනු UFO පර්යේෂකයින් සඳහන් කොට තිබේ. බැලූ බැල්මට මෙම යානය ඩ්‍රෝන යානයකට වඩා විශාල බව එයින් නිකුත්වන වාශ්ප ධාරාව (vapour contrail) අධ්‍යයනය කිරීමෙන් අනුමාන කල හැකි බව ඔවුන් පවසයි. 

අමෙරිකාවේ අපූර්ව ගුවන්යානා නිර්මාණ ව්‍යාපෘති හෙවත් කළු ගුවන්යානා ව්‍යාපෘති (Black Aircraft Projects) ගණනාවක්ම ක්‍රියාත්මක වන බව පවසන ඔවුන් මෙය එවැනි අතිශය රහසිගත කළු ගුවන්යානයක පරීක්ශණ පියාසැරියක් විය හැකි බව පවසති. දැනටමත් බෝයිං සමාගම හා ලොක්-හීඩ් සමාගම මෙවැනි පියාඹන අත්තටු හැඩැති යානා (Blended Wing Body) නිර්මාණය කොට ඇති අතර මෙයින් B-2 ස්ටෙල්ත් බෝම්බ ප්‍රහාරක යානය ප්‍රධානය. 

මෙම හඳුනානොගත් අභිරහස් යානාවට සමාන්තරව තවත් යානා දෙකක් පියාසර කොට ඇති අතර එම යානා තුන අතර හුවමාරුවූවා යයි සැක කෙරෙන රේඩියෝ පණිවුඩ හසු කරගැනීමට ටෙක්සස් ප්‍රාන්තයේ සිට එය නිරීක්ශණය කල ස්ටීව් ඩග්ලස් සමත්වී තිබේ. 





Comments

Post a Comment