අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

James Webb Space Telescope: හිරු ආවරණය දිගහරිමින් සිටින ජේම්ස් වෙබ්

Posted by

 


ඉහත ඡායාරූපයේ පෙනෙන්නේ ජේම්ස් වෙබ් අභ්‍යවකාශ දුරේක්ෂයේ සංවේදී පරිගණක හා සෙන්සර් දැඩි හිරු රෂ්මියෙන් ආරක්ෂාකරන සූර්ය ආවරණයයි (Sun Shield). ජේම්ස් වෙබ් දුරේක්ෂයට ආලෝක වර්ෂ මිලියන ගණනක් ඈතින් ඇති තාරකා හා චක්‍රවාටවල ඉතා දුබල ආලෝකයේ ෆෝටෝන ග්‍රහණය කරගැනීමට එහි සෙන්සර් හා පරිගණක පද්ධති, නයිට්‍රජන් පවා මිදෙන -223°C තරම් දැඩි ශීතලකින් තිබිය යුතුයි. දුරේක්ෂය පොලොවේ සිට කිලෝමීටර් මිලියන 1.5 ඈත අභ්‍යවකාශයේ කක්ෂගතව තිබෙන නිසා මෙම ශීතල එම පරිසරයේ තිබුණත්, හිරු කිරණ වැදීමෙන්, එම උපකරණ ක්‍රම ක්‍රමයෙන් රත්වී, සෙන්ටිග්‍රේඩ් 110ක් එනම් නටන වතුරේ උෂ්ණත්වයට ලඟාවෙන බව ගණන් බලා තිබෙනවා. 

ඒ අනුව එම පද්ධති -223°C තබාගැනීම සඳහා හිරු කිරණ පරාවර්තනය කර්න්නට මෙම සූර්ය ආවර්ණය තනා තිබෙනවා. මිලිමීටර් කිහිපයක් ඝණකම (ඉතා සැහැල්ලු විය යුතු නිසා) කැප්ටන් නම් පොලිමයිඩ පටල වලින් මෙම සූර්ය ආවරණය නිපදවා ඇති අතර පටල තට්ටු පහක් තිබෙනවා. ඉතාමත් කාර්යක්ෂම ලෙස සූර්යාලෝකය පරාවර්තනය කරන නිසා මෙම සූර්ය ආවරණය මගින් සැම විටම දුරේක්ෂයේ උපකරණ හිරු එලියෙන් මුවා කරන අතර ඒ නිසාම බලාපොරොත්තුවන ශීතල රඳවා ගන්න පුලුවන් වෙනවා.

රොකට් ගමනේදී මෙම පටල සහිත සූර්ය ආවරණය සියුම්ව හකුලා තිබෙන අතර, මේ වනවිට කක්ෂය වෙත යමින් සිටින ජේම්ස් වෙබ් දුරේක්ෂය ඉතා සෙමින් මෙම සූර්ය ආවරණය දිගහරිමින් සිටිනවා.

විද්‍යාඥයන්ගේ ලොකුම බිය වන්නේ, යම් ආකාරයක පැටලීමක් නිසා, සූර්ය ආවරණය නිසිලෙස දිග නොහැරී තිබේවි යන්නයි.

Comments

Post a Comment