අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

ඔබේ අදහස් නිර්මාණශීලීව ගොනු කරගන්නට- FreeMind

Posted by

බුද්ධිමය සිතියම් ගත කිරීමක් (Mind mapping)යනුවෙන් හැඳින්වෙන්නේ තොරතු‍රු හෝ දත්ත, දෘෂ්‍ය සටහනක් ලෙසින් ප්‍රස්තාරයක/දළ සටහනක ක‍ටු සටහන් කිරීමයි.සාමාන්‍යයෙන් මෙම 'බුද්ධිමය සිතියමක්' යන ක්‍රියාවලියේදී සිදුවන්නේ යම් මූලික අදහසක් හෝ සංකල්පයක් හිස් කොළයක නැතිනම් ඩිජිටල් අවකාශයක මධ්‍යයේ සටහන් කර, එතැන් සිට අතු බෙදෙමින් යන පරිදි විවිධ තොරතු‍රු, රූප වැනි ඕනෑම දෙයක් උපයෝගී කර ගනිමින් සිතියම්ගත කිරීමයි. මෙහි ඇති වාසිය වන්නේ ඔබගේ සිතේ යම් අදහසක් සම්බන්ධයෙන් අක්‍රමවත්ව පෙළගැසී ඇති තොරතු‍රු ක්‍රමවත් තලයකට ගෙන ආ පසුව වඩාත් නිරවුල්ව සහ නිර්මාණශීලීව එය හැඩගැස්වීමේ හැකියාවක් ලැබීමයි.

මෙය අතිශයින්ම සංකීර්ණ තාක්ෂණික ක්‍රියාවලීන් සඳහා මෙන්ම ඔබ ලියන්නට බලාපොරොත්තු වන නවකතාවක චරිත සහ සැකිල්ල හැඩගැස්වීම සඳහාද භාවිත කළ හැකිවේ.

සාමාන්‍යයෙන් හිස් කොළයක් ගෙන ඔබට බුද්ධිමය සිතියමක් ඇඳිය හැකි වුවත්, වර්තමාන ඩිජිටල් යුගයේ මේ සඳහා විවිධ මෙවලම් දක්නට ලැබේ. FreeMind යනු ඒ සඳහා ලබාගැනීමට හැකි විශිෂ්ටතම මෘදුකාංගයකි. එසේම FreeMind යනු නිදහස් මෘදුකාංගයක් බවද මෙහිදී සඳහන් කළ යුතුවේ.

Java Runtime Environment හරහා Microsoft Windows, Linux සහ Mac OS Xයන මෙහෙයුම් පද්ධතීන් සමගින් ක්‍රියාත්මක වන FreeMind මෘදුකාංගයවෙනත් ඕනෑම බුද්ධිමය සිතියම් මෘදුකාංගයක මෙන් ධූරාවලීන් අනුපිළිවෙලකට දත්ත කුලකයන් සකස් කරන්නට ඔබට ඉඩ ලබාදේ.එසේම ඔබට නිර්මාණශීලී ලෙසින් ඔබේ බුද්ධිමය සිතියමට දත්ත ඇතුළත් කිරීමට පහසුකම සලසා දෙන දියුණු මෙවලම් විශාල ප්‍රමාණයක් ඒ තුළ තිබේ. ඔබගේ අවසාන ප්‍රතිඵලය HTML, XHTML PDF, OpenDocument PNG, SVG ලෙසින් නැතිනම් JPEG ලෙසින් වුවත් නිර්යාත කිරීමටද මේ තුළ පහසුකම් සැපයේ.

Source

Comments

Post a Comment