අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

SPACE FLIGHT : ඊලෝන් මස්ක්ගේ SpaceX එකවර චන්ද්‍රිකා 64ක් උඩුගුවනට යැවීමේ උත්සාහයක!

Posted by

අද දිනයේ ඇමරිකාවේ පැසිෆික් වේලාවෙන් උදෑසන 10.30ට ඊලෝන් මස්ක්ගේ ස්පේස් එක්ස් සමාගම ඉතාමත් සංකීර්ණ චන්ද්‍රිකා ගුවන්ගත කිරීමකට සූදානම් වෙනවා. ඒ ක්ෂුද්‍ර චන්ද්‍රිකා 64ක් එකවර පෘථිවි කක්ෂයට මුදාහැරීමේ වෑයමක් සමගයි.

මේ චන්ද්‍රිකා 64 උඩුගුවනට යවන්නේත් අපූර්ව රොකට්ටුවකින්. ස්පේස් එක්ස් සමාගමේ ෆැල්කන් 9 රොකට්ටුවක් වන මෙය මීට පෙර දෙවතාවක් චන්ද්‍රිකා කක්ෂය වෙත ගෙනගොස් සාර්ථකව යලිත් පොලවට ලඟාවූ එකක්. එය පසුගිය මැයි මාසයේ බංගලිදේශයේ පලමු චන්ද්‍රිකාව ගුවන්ගත කල අතර අගෝස්තුවේ ඉන්දුනීසියානු චන්ද්‍රිකාවක් ගුවන්ගත කොට ආපසු පැමිණියා. 

එකම රොකට්ටුවක් නැවත නැවතත් භාවිත කල හැකි තාක්ෂණය ඇති ලොව එකම අභ්‍යවකාශ ආයතනය ඊලෝන් ගේ ස්පේස් එක්ස් සමාගමයි. චන්ද්‍රිකාවක් කක්ෂයට මුදාහැරීමෙන් පසු ස්පේස් එක්ස් රොකට්, එහි ඉන්ධන ටැංකිවල ඇති ඉතිරි ඉන්ධන භාවිතාකරගෙන යලිත් සීරුවෙන් පොලොවට ගොඩබසිනවා. පසුව නඩත්තු කටයුතු සිදුකොට එම රොකට්ටුව යලිත් උඩුගුවනට යැවිය හැකියි.

මෙම ක්ෂුද්‍ර චන්ද්‍රිකා 64, රොකට්ටුවේ ඉහල කොටසේ ඇති විශේෂයෙන් සකස්කල Payload ඇටවුමක රඳවා ඇති අතර පැය 5ක කාළයකදී එම චන්ද්‍රිකා 64ම නියමිත කක්ෂයන්ට ඇතුලු කිරීම ස්වයංක්‍රීයව සිදුවනු ඇත.



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment