- ඇෆ්ඝනිස්ථානයේ අයි.සි.ස් ප්‍රහාර රැල්ල වෙනත් රටවල දැවැන්ත ප්‍රහාරවලට පෙරහුරුවක්?
- ඉරාකයෙන්, සිරියාවෙන් පලවාහැරීමෙන් සිදුවූ පසුබෑම දැන් නෑ
- ඇෆ්ඝන් විශ්වවිද්‍යාල හා තාක්ෂණික ආයතනවල දක්ෂ තරුණයින් රැසක් බැඳිලා
- ඇෆ්ඝනිස්ථානයේ සිට බටහිර රටවල් හා වෙනත් රටවල්වල ප්‍රහාර මෙහෙයවීමට සැළසුම්
ඉරාකයේ හා සිරියාවේ කාලිෆේටය කුඩුපට්ටම් වීමෙන් පසු විශාල පසුබෑමකට ලක්වුනා යයි සිතූ ඉස්ලැමික් ස්ටේට් ත්‍රස්ත කල්ලිය දැන් යලිත් හිස ඔසවලා. අරාබි භාශාවෙන්
ඩේෂ් ලෙසින් හඳුන්වන ඉස්ලැමික් ස්ටේට් කල්ලිය යලිත් දරුණු ප්‍රහාර පටන්ගනු ඇතැයි විශාල බියක් බටහිර ආරක්ෂක අංශතුල පවතිනවා.
2014 සිටම රුසියානු හා ඇමරිකන් ප්‍රහාර නිසා දහස් ගණන් සාමාජිකයින් අහිමිවූ මොවුන් දැන් ඉරාකයේ හා සිරියාවේ පවත්වාගෙන සිය මූලස්ථාන විසුරුවා හැර තිබෙනවා. ඉරාක-සිරියා පරාජයෙන් පසු ඔවුන් ඉතා රහසිගතව ඇෆ්ඝනිස්ථානය කරා පසුබැස ඇති අතර දැන් දැන් ඇෆ්ඝනිස්ථානයේ ඉස්ලැමික් ස්ටේට් ප්‍රහාර වැඩිවෙමින් යනවා.
මේ වනවිටත් පලපුරුදු ඇෆ්ඝන් සටන්කාමීන් දහස් ගණනක් ඉස්ලැමික් ස්ටේට් පතුරුවන දැඩි මූළධර්මවාදී ඉස්ලාමයට වහවැටී එයට බැඳෙමින් සිටිනවා. 2014-2015 කාළයේදී පාකිස්ථානු හා ඇෆ්ඝන් සටන්කාමීන් සුළුපිරිසක් සිටින, නොවැදගත් කල්ලියක්වූ ඉස්ලැමික් ස්ටේට් දැන් ඇෆ්ඝනිස්ථානයේ බලය අල්ලාගෙන සිටින තලේබාන් සංවිධානයටත් විශාල අභියෝගයක් වෙමින් තිබෙනවා.
මේ වනවිට පැරණි සෝවියට් සමූහාණ්ඩුවේ මධ්‍යම ආසියාවේ මුස්ලිම් රටවලින් පැමිණි සටන්කාමීන් විශාල පිරිසක් මෙන්ම, අරාබි ජාතිකයින්, ඉන්දියානු මුස්ලිමුන්, රුසියානු චෙචෙන්වරුන් මෙන්ම චීනයේ මුස්ලිම් ජනවර්ගයක් වන වීගර්වරුන් විශාල පිරිසක් අයි.සිස් බලඇණිවල සිටින බව වාර්තාවෙනවා.
ඇෆ්ඝනිස්ථානයේ ඉතා දුෂ්කර කඳුකර පෙදෙස්වල සිය කඳවුරු අටවාගෙන සිටින ඇෆ්ඝන් අයිසිස් කල්ලියට පහරදීම ඉතාමත් අපහසු බවයි පැවසෙන්නේ. ඇමරිකානු ආක්‍රමණයේදී ඔසාමා බින් ලාඩෙන් පවා සැඟව සිටියේ මේ පෙදෙසේ බවයි ඇමරිකන් වාර්තා සඳහන් කරන්නේ.
2015දී මධ්‍යම ආසියාවේ උස්බෙකිස්ථාන් මුස්ලිම් සටන්කාමීන්ගේ සංවිධානය අයි.සිස් හෙවත් ඩේෂ් නායක අබුබකර් බැග්ඩෑඩීවෙත පක්ෂපාතීවී සිය සටන්කාමීන් ඇෆ්ඝනිස්ථානය වෙත යවන්නට පටන්ගැනීමත් සමගම ඇෆ්ඝනිස්ථානයේ අයි.සිස් ක්‍රියාකාරකම් ඉහල ගිය බවයි වාර්තාවන්නේ.
බටහිට බුද්ධි අංශ පවසන අන්දමට, ඇෆ්ඝනිස්ථානය අයි.සිස් ග්‍රහණයට නතුවීමට ඇති ප්‍රධාන බාධකය තලේබාන් සංවිධානයයි. ඔවුන්ගේ මතවාද අතර විශාල ගැටුමක් ඇති අතර අයි.සිස් හා තලේබාන් සටන්කාමීන් අතර අවිගැටුම් වැඩිවෙමින් පවතිනවා. ඇමරිකන් ආරක්ෂක විචාරකයින් පවසන අන්දමට අයි.සිස් කල්ලිය ඇෆ්ඝනිස්ථානය තුල පාලනය කලහැකි එකම මග, තලේබාන් සංවිධානය ශක්තිමත් කොට ඔවුන් අයි.සිස්ට එරෙහිව යෙදවීමයි. ඒ හැර විදෙස් හමුදා ඇෆ්ඝනිස්ථානයට යලි ඇතුලුවීම මහා විනාශයක් පමණක් බව ඔහු පවසනවා.
මේ අතර රුසියාවද, සිය හිතමිතුරු මධ්‍යම ආසියාතික රටවල් වන කිර්ගීස්ථානය, තජිකිස්ථානය වැනි මුස්ලිම් රටවල්වල යුධහමුදා හා කඳවුරු ශක්තිමත් කිරීම සඳහා අවි ආයුධ සැපයීම වේගවත් කොට තිබෙනවා. ඉතා ශක්තිමත් ප්‍රති-ත්‍රස්ත වැඩපිලිවෙලකි ඇෆ්ඝනිස්ථානයේ අයි.සිස් ව්‍යාප්තිය අඩපණ නොකලහොත් ඉදිරි වසරතුලදී ඔවුන් ඇෆ්ඝනිස්ථානයේ සිට වෙනත් රටවල ප්‍රහාර මාලාවක් මෙහෙයවීම වැලැක්වීම අපහසු බවයි රුසියානු ආරක්ෂක අංශ පවසන්නේ.
 |
| පසුගිය ජූනි 3වැනිදා රාමසාන් උපවාසකාලයේ ඇෆ්ඝනිස්ථානයේ කාබුල් නුවර සිදුකල අයි.සිස් ප්‍රහාරයක් |
Comments
Post a Comment