අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

මුහුණු පරීක්ශාකොට හඳුනාගත හැකි නවතම අව්කණ්නාඩි! [Spot Bad Guys a Mile Away With Face Recognition Sunglasses!]

Posted by
ත්‍රස්තවාදී කණ්ඩායම්, ජාත්‍යන්තර මත්ද්‍රව්‍ය ජාවරම්කරුවන් හා වෙනත් සංවිධානාත්මක අපරාධකල්ලි සමග නිරන්තර සෙවනැලි යුද්ධයක (covert war) නිරතවන ආරක්ශක හා බුද්ධි අංශවලට සිය බිහිසුනු රාජකාරිය මදක් පහසුකරවන ඉතා ප්‍රයෝජනවත් උපකරණයක් නිපදවා තිබෙනවා. සාමාන්‍ය අව්කණ්නාඩියක් මෙන් දිස්වන මෙයට HD වර්ගයේ ඩිජිටල් කැමරාවක් හා අධිවේගී දත්ත සම්ප්‍රේශණ උපකරණයක් අඩංගුකොට තිබෙනවා. ඒ අනුව අව්කණ්නාඩිය පැළඳගෙන පුද්ගලයින් නිරීක්ශණය කරන ආරක්ශක අංශ නිළධාරියෙකුට ඒ සෑම මුහුණක්ම කැමරාව ආධාරයෙන් අධිවේගීව ස්කෑන් කොට ආරක්ශක අංශවලට අවශ්‍යව සිටිනා පුද්ගලයෙකුදැයි සොයාගත හැකිවනවා.

දත්ත සම්ප්‍රේශකය හරහා ප්‍රධාන දත්තගබඩාවට සම්බන්ධකොට ඇති මෙම අවුකණ්නාඩියට තත්පරයකට මුහුණු 400ක් ස්කෑන් කොට එම මුහුණු ප්‍රධාන දත්ත ගබඩාවක ඇති මිලියන ගණනක් ඡායාරූප හා සසඳා වරෙත්තුකරුවන් හා කලින් අපරාධ වාර්තා ඇති පුද්ගලයින් ක්ශණයෙන් හඳුනාගත හැකි වනවා.


මෙවැනි අව්කණ්නාඩි දැන් වසර කිහිපයක් මුලුල්ලේ අමෙරිකානු FBI, CIA හා වෙනත් ආරක්ශක අංශත්, බ්‍රිතාන්‍යයේ MI6 වැනි ඔත්තුසේවා ඒජන්තයනුත් භාවිතාකොට ඇති අතර මුල්වරට සිවිල් ආරක්ශක අංශයක් මෙම අව්කණ්නාඩි භාවිතාකරනු ඇත්තේ 2014 බ්‍රසිලයේ පැවැත්වෙන ලෝක කුසලාන පාපන්දු තරඟාවලියේදී බව පැවසෙනවා. බ්‍රසීලයේ රියෝ දි ජැනෙයිරෝ නගරය සංවිධානාත්මක අපරාධ කල්ලිවල තෝතැන්නක් බැවින් ලෝක කුසලාන තරඟාවලියේ ආරක්ශාව තහවුරු කිරීමට අධිතාක්ශණික උපකරණ වෙනුවෙන් විශාල ආයෝජනයක් කිරීමට බ්‍රසීල රජය සූදානම් වනවා. 2014 ලෝක කුසලාන පාපන්දු තර්ඟාවලිය පමණක් නොව 2016 ඔලිම්පික් උළෙල පැවැත්වීමේ වාසනවාව උදාකරගෙන තිබෙන්නේ බ්‍රසීලයයි.

Comments

  1. Kanishka30 October 2012 at 06:54

    උඩ දාලා තියෙන අවු කන්නාඩිය නම් ඔය කියන ජාතියේ එකක් නෙමෙයි නේද?

    ReplyDelete
  2. චිත්‍රක30 October 2012 at 14:45

    දැන් එතකොට අපරාධකාරයෙකුට පාරේ බැහැල යන්නත් බැහැ ඔයකියන විදියට . අනේ හොඳයි. අනේ හොඳයි !! ලංකාවේ නං කන්ණාඩි ඕන නෑ අපරාධකාරයෝ බලන්න . මැතිඇමතිවරු වටේ ඉන්න ඔක්කොම ඒ කට්ටිය තමයි. ආයේ දෙකක් නෑ .

    ReplyDelete
  3. කෝරලේ මහත්තයා 3 November 2012 at 15:08

    මාරු ගැජට් එක

    ReplyDelete

Post a Comment