රාවණා රජුගේ දඬුමොණර එන්ජිම යලිත් ප්‍රතිර්මාණය කරමු....

දඬුමොණරය මොනවගේද ?

  • එය අහසින් යන ආවරණයක් රහිත පාවෙන අශ්ව කරත්තයක් මෙන් පෙනුණිද?
  • එසේත් නැතිනම් භාරත විමාන චිත්‍රමෙන් පාවෙන මගුල්මඩුවක් මෙන් දිස්වුනිද?
  • නැතිනම් එය පිටසක්වලයින්ගේ පියාඹන පීරිසියක් මෙන් දිස්වුනිද?
  • එසේත් නැතිනම් විශ්ණු දෙවියන්ගේ ගුරුලු වාහනය මෙන් කුරුල්ලෙකුගේ හැඩයක් ගත්තේද?
  • නැතහොත් පෞරාණික ගුවන්යානා ආකෘති ලෙස ඇතැමුන් සලකන රූපාකාරයක් ගත්තේද?
අහසින් යන යානාවක හැඩය තීරණය වන්නේ කෙසේද? නූතන ගුවන්යානා කුරුල්ලෙකුගේ හෝ මාළුවකුගේ රූපාකායක් ගන්නේ හේතු තුනක් නිසාය;

1] එය ගුවන් ගත වීමට හා සමබරතාවය රඳා පවත්වා ගැනීමට අත්තටු අවශ්‍යය
2] වාතය කපාගෙන යාමට සිහින් දිගැටි හැඩයකින් විය යුතුය
3] වායුගති විද්‍යාත්මක නියමයන් හට අවනත විය යුතුය

එහෙත් මේ සියල්ලටම වඩා වැදගත් වන්නේ ගුවන්යානයක් බල ගැන්වෙන ප්‍රචාලන උපක්‍රමයයි. සෑම නූතන ගුවන්යානාවක්ම ගුවන් ගත වන්නේ ඉදිරියෙන් ඇති වාතය අවර පෙති හෝ ජෙට් ටර්බයිනයක ආධාරයෙන් පසුපසට තල්ලුකොට ඉන් ලබාගන්නා තෙරපුම යානය ඉදිරියට තල්ලු කිරීමෙනි. මෙලෙස ඉදිරියට තල්ලුවෙන යානය ගුවන්ගත වීමට අත්තටු පිහිටා ඇති හැඩය උපකාරීවේ. මේ හැඩය නිසා තටුවට උඩින් අව පීඩනයකුත්, තටුවට යටින් වැඩි පීඩ්නයකුත් ඇතිවේ, මෙවිට යානය ඉස්සේ. එහෙත් ඉස්සීම රඳා පවතින්නේ ඉදිරියට යන වේගය මතමය. වේගය අඩුවුවහොත් යානය ගුරුත්වාකර්ශණයට නතුවෙයි.

එසේනම් අශ්වකරත්තයකට හෝ මගුල්මඩුවකට ගුවන්ගත වීමට නොහැකිද? හැකිය. උඩින් වේගයන් බ්‍රමණය වන විශාල අවරපෙත්තක් ඇත්නම් එය මගින් පහලට ඇතිකරන තෙරපුම හා අධික පීඩනය අවරපෙත්තට උඩින් ඇති පීඩනයට වඩා වැඩි නිසා එය ඉහලට ඉස්සෙනු ඇත. හෙලිකොප්ටරය ක්‍රියාකරන්නේ මෙලෙසය. උඩින් වේගයෙන් බ්‍රමණය වන අවරපෙත්තක් සවිකලවිට පකිස්පෙට්ටියක් වුවද ගුවන් ගතවෙයි.

ඒ අනුව, ප්‍රචාලන උපක්‍රමය, අන් කිසිවකටත් වඩා යානාවක හැඩය තීන්දු කරයි.

දඬුමොණරයේ ප්‍රචාලන උපක්‍රමය, නැතහොත් සිංහලෙන් කියනවා නම් ඇන්ජිම කුමක්විය හැකිද? 

කුමක් වුවත් එය නූතන ජෙට් යානා, රොකට් හෝ හෙලිකොප්ටර් ප්‍රචාලනය කරන දහන ඇන්ජිමක් විය නොහැකි බව මාගේ මතයයි.

මා එසේ කියන්නේ ඇයි? 

ජෙට්, රොකට්, හෙලිකොප්ටර් යන සියල්ලම (හෙලිකොප්ටර්වල ඇත්තේද ටර්බෝ ජෙට් වර්ගයේ එන්ජිමකි) බල ගැන්වෙන්නේ යම් රසායනික ද්‍රව්‍යයක් (පෙට්‍රෝල්, හයිඩ්‍රජන්+ඔක්සිජන්, හයිඩ්‍රජන්+මධ්‍යසාර හෝ වෙනත් සංයෝගයක්) දහනය කරන ඉතා අකාර්යක්ශම යන්ත්‍ර මගිනි.

මර්කරි වෝර්ටෙක්ස් ඇන්ජිම මනස්ගාතයකි!

දැන් අපි සුප්‍රකට mercury vortex එන්ජිම වෙත හැරෙමු. මෙම රසදිය ඇන්ජිම ක්‍රියාකරනා ආකාරය පිලිබඳ සාධාරණ තර්කයක් හෝ ඉදිරිපත් කිරීමට විමානිකවාදීන් හට නොහැකිවී ඇත. රසදිය සුලි එන්ජිම ගැන ලියවී ඇති ලිපි (මා මේ කියන්නේ වෙබ් අවකාශයේ සිංහලෙන් ලියා ඇති ලිපි ගැන නොව ඉන්ග්‍රීසි බසින් ලියැවුනු ලිපි ගැනයි ) පාදකවී ඇත්තේ විමානිකයේ සඳහන් වී ඇතැයි සැලකෙන රසදිය හා වෝටෙක්ස් හෙවත් සුළිය යන වචන අල්ලාගෙන එම වචන අනුසාරයෙන් කෙසේහෝ මනඃකල්පිත ප්‍රචාලන ක්‍රමයක් මවා ගැනීමෙනි. 

මෙවැනි තවත් "නිර්මාණ උපදෙස්" විමානිකයේ අඩංගුය. උදාහරණයක් ලෙස විමානවේදයට අනුව රෞදී දර්පණය නම් ලේසර් කිරණ අවියක් යයි සැළකිය හැකි බලසම්පන්න අවිය සාදාගැනීමට පහත ක්‍රමවේදය අනුගමනය කලයුතුයයි විමානිකය කියයි....
දර්පණ ප්‍රකරණයට අනුව රෞද්‍රී දර්පණය නිපදවන්නේ මෙසේය.
ඊයම් කොටස් 8ක්, ශාල්මලී කොටස් 3ක්, දුර්වරා කොටස් 7ක්, කඩුපින්ජුර කොටස් 8ක්, දුර්නී කොටස් 21, සුර්ය පළිගු කොටස් 7ක්, රුද්‍රණි ගවෝෂර කොටස් 27ක්, බුලත් කොල කොටස් 6ක්, කෞතිල කොටස් 8ක්, වීරාභර ලින්ග කොටස් 30ක්, ලුණු කොටස් 8ක්, මාතෘණ කොටස් 6ක්, වැලි කොටස් 6ක්, ධිම්බික කොටස් 3ක්, සින්ක් කොටස් 8ක්, හුබස් පස් කොටස් 13ක්, මැලියම් කොටස් 6ක්, කුම්භණි කොටස් 3ක්, මංජු තෙල් 3ක්, තින්නවේලී සෙන්න කොටස් 27ක්, ගෝධාම්ල කොටස් 6ක්, සිල්ක් කපු කොටස් 8ක්, විරින්චි සත්ව කොටස් 8ක්, කන්ද කොටස් 5ක්, කහ හිරියල් කොටස් 3ක්, කර්මුක හෙවත් දුඹුරු ඇකේසියා පොතු කොටස් 7ක් ගෙන හොදින් පිරිසිදු කොට, පිටි වන තෙක් අඹරා උඳුනක බහා නියමිත උෂ්මකයක් බාවිතයෙන් ද්‍රව වන තුරු අංශක 800ක උෂ්ණත්වයට රත් කොට දර්පණ යන්ත්‍රයට වත් කිරීමෙන් රෞද්‍රී දර්පණයක් නිපදවා ගත හැක.
බුළත්කොල, හුඹස් පස්, මැළියම් හා ඇකේසියා ගස් පොතු හා අනෙකුත් අඩුම කුඩුම ඔක්කොම සෙන්ටිග්‍රේඩ් 800ක උදුනක දාලා අවුරුදු 100ක් කාල්ගෑවත් රෞද්‍රී දර්පණය නොවෙයි මූණ බලන කණ්නාඩියක්වත් මතුවේ යයි සිතන්නට පුලුවන්ද? මා මහිදී කරන්නේ රෞද්‍රී නම් අවිය හිතලූවක් යයි / විහිලුවක් යයි කීම නොව, එය සාදාගන්නට දී ඇති අමුද්‍රව්‍ය වට්ටෝරුව ප්‍රශ්ණ කිරීමයි.

ඇයි මා මෙහෙම කියන්නේ? 

මා රාවණා රජු, රාම රාවණ යුද්ධය පමණක් නොව රාවණ මහරජුට අහසේ පියාසර කල හැකි දඬුමොණර නම් ගුවන්යානයක්ද තිබූ බව අදහමි. 

එහෙව් මා මෙසේ කියන්නේ විමාන ග්‍රන්ථය ලියූ ඇත්තන් තම ලියන්නේ මොනවා ගැනදැයි කිසිදු දැනීමකින් තොරව ඇසට පෙණුන හෝ කවුරුන් හෝ කටවචනයෙන් කියූ දෙයක් එලෙසම ලියා තැබූ බව විශ්වාස කරන නිසාය. 

විමාන ග්‍රන්ථය ලියූ ආචාරියාට ගගන විද්‍යාව පිලිබඳ අල්පේච්ඡ දැනුමක් හෝ නොතිබුණු බවත් ඔහු ග්‍රාම්‍ය බමුණෙකු වන්නට ඇති බවත් පෙනෙන්නේ සතුරු යානාවක් දවා හලුකල හැකි අවියක් තනන්නට බුලත්කොල හා ගස් පොතුද ඇවැසි යයි කීමනි. ගගන විද්‍යාව නොව මොනයම්ම විද්‍යා දැනුමක් තිබුණානම් අඩුම ගනනේ බුළත් කොලෙන් ගන්නා යම් රසායනිකයක් යයි ලියන්නට තිබුණා යන්න මගේ තර්කයයි.

රාවණ රජුගේ දඬුමොණරයේ එන්ජිම පිලිබඳව ටෙරන්ස් කහපොල ආරච්චි වන මාගේ කල්පිතය : දඬුමොණරයේ එන්ජිම සුපිරි සන්නායකයකින් නිමැවූ (super conductor), චලනය වන කොටස් නොමැති solid state වර්ගයේ ප්‍රචාලන යන්ත්‍රයකි....

මාගේ තර්කයට හේතු;

1] සුපිරි සන්නායක යනු මර්කරි වෝටෙක්ස් වැනි හිතලූවක් නොව දැනට පවතින විද්‍යාත්මක ද්‍රව්‍යයකි

2] සුපිරි සන්නායකයක් චුම්බක ක්ශේස්ත්‍රයක් මත පාවේ

3] අප ජීවත්වන පෘථිවියද චුම්බක ක්ශේස්ත්‍රයකි, එනම් ප්‍රභල සුපිරි සන්නායක ද්‍රව්‍යවලින් නිපදවූ යානයකට මගීන් හා අවිආයුධද දරාගෙන පාවීමට හැකියයි උපකළ්පණය එතරම් අභව්‍ය නොවේ.
විද්‍යාප්‍රබන්ධයකට ඔබ ගෙනයන්නේනම්;

අවතාර් චිත්‍රපටියේ පාවෙන කඳු ඔබ දැකින්නට ඇති. ඒවා පාවෙන්නේ ඇයි? එය ජේම්ස් කැමරන් අද්‍යක්ශකවරයාගේ හිතලූවක් නොව එය ඔහුට උපදෙස් දුන් විද්‍යාවේශේශ්ඥයි තාත්වික හා විද්‍යාත්මක යයි අනුමත කල දර්ශණයකි.

මෙම කඳු පාවෙන්නේ ඒවා ස්වාභාවිකව පැන්ඩෝරා ග්‍රහලෝකයේ හටගන්නා සුපිරි සන්නායක ද්‍රව්‍යයකින් සෑදී ඇති බැවිනි. සුපිරි සන්නායක කඳු පැන්ඩෝරා ග්‍රහලෝකයේ චුම්භක ක්ශේස්ත්‍රයේ පාවෙයි.

මෙම තර්කයේ දැනට ඇති ප්‍රායෝගික ගැටළු

1] දැනට නිපදවා ඇතින් සියලු සුපිරි සන්නායක, එම සුපිරි සන්නායක ගුණය පෙන්වන්නේ අධිශීතනය කොට ඇති අවස්ථාවලදී පමණකි.

2] කාමර උශ්ණත්වයේ හෝ ඊටවඩා වැඩි උණුසුමකදී සුපිරි සන්නායක ගුන පෙන්නවන් ද්‍රව්‍යයක් තවමත් සොයාගෙන නැත. එහෙත් එවැනි ද්‍රව්‍යයක් සොයාගැනීම/නිර්මාණය සඳහා දියුණු රටවල් ඩොලර් බිලියන ගණන් පරියේෂන සඳහා වසරකට වැය කරයි.

එබැවින්, පරණ පොතක තිබෙන වට්ටෝරුවක් වන රසදිය සුලියකට වඩා දැනටත් විද්‍යාගාරවල නිමැවෙමින් පවතින, ප්‍රායෝගිකයයි විද්‍යාඥයින් පිලිගන්නා සුපිරි සන්නායක එන්ජිම, රාවණ රජුගේ දඬුමොණර බලගැන්වූ ප්‍රචාලන එන්ජිම ලෙස සැළකීම වඩාත් තර්කානුකූල බව මගේ හැඟීමයි. 

රාවණා රජුගේ හතුරන් වූ රාමා/හනුමාන් අදහන හින්දූන් පවා මිහිපිට පහලවූ අතිශයින්ම බුද්ධිමත් නරපතියෙක් ලෙස රාවණා රජු සළකයි. මෙය මාගේ හිතලූවක් නොව සත්‍යයකි. හින්දූන්, රාවණ මිහිපිට පහලවූ ඥාණාන්විතම පුද්ගලයෙකු ලෙස අදටත් හඳුන්වයි. එවන් රජෙකුගේ තාක්ශණය පිලිබඳව සාකච්ඡා කිරීමේදී පැරණි වට්ටෝරුවලට වඩා විචාර බුද්ධියට හා තර්කනයට ඉඩදීම රාවණ රජුට කරන්නාවූ ගෞරවයකි.





10 comments:

කයිවාරුකාරයින්ගේ කට වසන ජපන් මැශිම හා තවත් විද්‍යා ප්‍රවෘත්ති - 2

තැන නොතැන නොබලා තොරතෝංචියක් නැතුව ඔහේ කියවන අය සමාජයේ බහුලයි. විශේෂයෙන්ම පුස්තකාල, අධ්‍යාපන ආයතන වගේ තැන්වලදී මේ අය බොහෝ දෙනෙකුට කරදරයක් වෙනවා. එහෙම අයගේ කටවල් වහන්න පුලුවන් සරල තාක්ශණයකින් යුතු යන්ත්‍රයක් ජපානයේ සුකුබා ඔකැනොමිසු විශ්වවිද්‍යාලයේ පර්යේශකයින් පිරිසක් නිපදවලා තියෙනවා. Speech Jammer ලෙස මෙය නම්කොට තිබෙනවා.

මේ යන්ත්‍රය ක්‍රියාකරන්නේ බොහොම සරල ආකාරයට. රථවාහනවල වේගය දුරසිට මනින රේඩාර් ගන් උපකරණයක් මෙන් දිස්වන මෙය, අනවශ්‍ය ආකාරයට කතාබස් කරමින් සිටිනා දෙදෙනෙකු වෙත එල්ල කලවිට එහි ඇති ඩිජිටල් පටිගතකිරීමේ යන්ත්‍රයක් මගින් ඔවුන්ගේ දෙබස් පටිගත කරගෙන තත්පර 2/3 විරාමයක් ඇතුලත නැවතත් ප්‍රතිවාදනය කරනවා.

මෙම පර්යේශකයින් විසින් සිදුකරන ලද ක්ශේස්ත්‍ර පරීක්ශණවලට අනුව, තමන් මොහොතකට පෙර කියූ දෙය නැවතත් තමන්ටම ඇසෙන්නට ගත්විට 99.9% පුද්ගලයින් කතාව නවත්වනවා. හැබැයි ඉතින් අපේ රටේ දේශපලකයෝ නම් අයිතිවෙන්න අර 0.1% ප්‍රතිශතයට වෙන්න ඕනෙ. මොකද මොනවා කෙරුවත් ඒ අය කයිවාරු නවත්වන්නේ නෑනෙ.....


වොට් ට්‍රිලියන 500ක් බලසම්පන්න ලේසර් කිරණය


කැලිෆෝනියාවේ පිහිටි අමෙරිකානු ජාතික ජ්වලන පර්යේශණාගාරය (National Ignition Facility - Lawrence Livermore National Laboratory, California) මගින් ලොව බලසම්පන්නම ලේසර් කිරණය නිපදවා තිබෙනවා. ලේසර් කිරන 192 එක්කොට, එකවර විදීම මගින් මෙම වොට් ට්‍රිලියන 500 ලේසර් කිරණය නිපදවා තිබෙනවා. ඔවුන්ගේ අරමුණ මෙවැනි බලසම්පන්න ලේසර් කිරණයක් මගින් න්‍යශ්ඨික විලයන දාම ප්‍රතික්‍රියාවක් (nuclear fusion chain reaction) ඇරඹීමේ පහසු මගක් සොයා ගැනීමයි. 

සූර්යයා තුල ශක්තිය නිපැදවෙන්නේ හයිඩ්‍රජන් හීලියම් බවට පරිවර්තනය කරන න්‍යශ්ඨික විලයනය මගින්. න්‍යශ්ඨික විඛන්ඩනයට (nuclear fission) වඩා ලාබදායි හා ආරක්ශා සහිත න්‍යස්ඨික බලාගාර න්‍යශ්ඨික විලයනය මගින් නිපදවිය හැකි බව විද්‍යාඥයින් පවසනවා. එහෙත් න්‍යශ්ඨික විඛන්ඩන දාම ප්‍රතික්‍රියාවක් මෙන් නොව විලයන දාම ප්‍රතික්‍රියාව ඇරඹීම ඉතා අපහසුයි. එවැනි විලයන ප්‍රතික්‍රියා සිදුවන්නේ ඉතා අධික උශ්ණත්වයන් යටතේදීයි. 

මෙම වොට් ට්‍රිලියන 500 ලේසර් කිරණය මගින් සූර්යයා තුල පවතින අධික උශ්ණත්වය නිර්මාණය කිරීමට විද්‍යාඥයින් බලපොරොත්තු වනවා.


ලේසර් කිරණයක් හරහා අකුණු ප්‍රහාරයක් යැවිය හැකි තාක්ශණයක් අමෙරිකන් යුධ හමුදාව බිහිකරයි.

හමුදා පර්යේශකයින් කාරයකට එල්ලකල අකුණු ප්‍රහාරයක්
අකුණක් යනු අධික වෝල්ටීයතාවයක් වලාකුලක් හා පොලොවේ යම් ස්ථානයක් අතර ගමන් කිරීමයි. අකුණක් ගමන් කරන මාර්ගය පිලිබඳ අනාවැකි පලකිරීමට නොහැකිවන්නේ එය වායුගෝලය අවම ප්‍රතිරෝධය ඇති මාර්ගයකින් පොලොව කරා පැමිණෙන බැවිනි.

අමෙරිකානු හමුදා පර්යේශකයින් කෘත්‍රිම අකුණු ප්‍රහාරයක් නිශ්චිත මාර්ගයක් ඔස්සේ ඉලක්කයක් වෙත යැවිය හැකි තාක්ශණයක් දැන් නිපදවා ඇත. මෙහිදී සිදුවන්නේ ඉලක්කය වෙත ලේසර් කිරණයක් එල්ල කොට අවම ප්‍රතිරෝධය ඇති මාර්ගයක් අකුණේ ඉලෙක්ට්‍රෝනවලට ගමන් කිරීම සඳහා නිර්මාණය කරදීමයි. මෙම තාක්ශණයේ ආරම්භක යෙදැවීමක් ලෙස බෝම්බ හා පුපුරා නොගිය ශෙල්වෙඩි නිශ්ක්‍රිය කිරීම සිදුකල හැකි බව යුද හමුදාව පවසයි.

ජොගින් යනවිට තනිය එන ඩ්‍රෝන හිතවතා


ව්‍යායම සඳහා එලිමහනේ ඇවිදින, දුවන පුද්ගලයින්ගේ තනිය නැති කරන්නටත්, ඔවුන් උනන්දු කරවන්නටත් හැකි ඩ්‍රෝන හෙලිකොප්ටරයක් ඔස්ට්‍රේලියාවේ Royal Melbourn Institute of Technology විශ්වවිද්‍යාලය මගින් නිපදවා තිබෙනවා. ඩ්‍රෝන යානාවේ කැමරාවලට ඔබ හැඳ සිටිනා කමිසයේ වර්ණය මතක තබාගත හැකි අතර එය අහසේ සිටිමින් ඔබගේ ඇඳුම පරිලෝකනය (scan) කරමින් ඔබ පසුපස එනවා.

එමෙන්ම ඔබට මදක් ඉදිරියෙන් යම් වේගයකින් පියාසර කරමින් එම වේගයට ලඟාවීම සඳහා ඔබව උනන්දුකිරීමටද මෙම ඩ්‍රෝනය ප්‍රෝගෑම් කල හැකියි.

ක්‍රීඩකයින් පුහුණු කිරීම සඳහා මෙවැනි ඩ්‍රෝන යොදාගත හැකිදැයි සොයා බැලීම මෙම පරීක්ශණවල අරමුණ බව RMIT විශ්වවිද්‍යාලයේ පර්යේශණ කණ්ඩායම පවසනවා.


මහන්සි නොබලා ගොවිතැන් කරන රොබෝ ගොවියා


අපවැනි දියුණුවෙමින් පවතින් රටවල් වල මෙන් නොව අමෙරිකාව, කැනඩාව, ඔස්ට්‍රේලියාව වැනි දියුණු රටවල ගොවිතැන අතිශයින්ම යාන්ත්‍රීකරණය වූ, නවතම විද්‍යාත්මක සොයාගැනීම් මත පදනම් වූ ව්‍යාපාරයක්. එම රටවල ගොවියෙකුට හා ඔහුගේ පවුලේ කිහිපදෙනාට අක්කර දහස්ගණනක වගාබිමක් අස්වැද්දීමේ හැකියාව ලැබී ඇත්තේ මේ නිසායි.

මෙලෙස කාර්මීකරණය වූ ගොවිතැන තවත් අලුත් ඉමකට ගෙනයාමට හැකි රොබෝ තාක්ශණයක් දැන් අමෙරිකාවේ කෘශිකර්ම විශේෂඥයෙකු විසින් නිපදවමින් සිටින බව වාර්තාවෙනවා.

ඔහුගේ බලාපොරොත්තුව ඉතා අඩු මිල රොබෝවරුන් සිය ගණනක් වගා බිමක වගාවට සත්කාර කිරීම සඳහා යොදා ගැනීමටයි. රොදක ආකාරයට එකිනෙකා සමග පණිවුඩ හුවමාරු කරගනිමින් ක්‍රියාත්මක වන රොබෝ තාක්ශණය (swarm robotics) ආධාරයෙන් විශාල ගොවි බිමක වුවද සෑම පැලයකටම අවධානය යොමු කරමින් හැම බිම් අඟලකින්ම උපරිම අස්වැන්නක් ලබාදීමට මෙවැනි රොබෝ සමූහයකට පුලුවන් බව ඔහු විශ්වාස කරනවා.

ඔහු විසින් නිපදවා ඇති රොබෝවාට ගොවි බිමක බීජ ඉසීම, පොහොර දැමීම, කෘමිනාශක ඉසීම වැනි කාර්යයන් කරන්නට පුලුවන්. එපමණක් නොවෙයි. බීජය සිටවූ ස්ථානය විශේෂිත රසායනිකයක් ඉස එම ස්ථානය එම රොබෝවාට හා කාණ්ඩයේ සිටිනා අනෙක් රොබෝවන්ටද හඳුනාගත හැකිවන ලෙස සළකුණු කිරීමටද මෙම රොබෝවාට පුලුවන්.

ඔහු විසින් නිපදවා ඇති රොබෝවාට ගොවි බිමක බීජ ඉසීම, පොහොර දැමීම, කෘමිනාශක ඉසීම වැනි කාර්යයන් කරන්නට පුලුවන්. එපමණක් නොවෙයි. බීජය සිටවූ ස්ථානය විශේෂිත රසායනිකයක් ඉස එම ස්ථානය එම රොබෝවාට හා කාණ්ඩයේ සිටිනා අනෙක් රොබෝවන්ටද හඳුනාගත හැකිවන ලෙස සළකුණු කිරීමටද මෙම රොබෝවාට පුලුවන්.

දවසේ පැය 24පුරාම වැඩකල හැකි මෙවැනි අඩු මිල රොබෝවන් විශාල ප්‍රමාණයක් යොදවා ගොවි බිමේ සෑම පැලකින්ම උපරිම අස්වැන්නක් ලබාගැනීමට හැකි බවත්, එමගින් ක්‍රමයෙන් අඩුවෙමින් යන ගොවි බිම් වලින් උපරිම ප්‍රයෝජන ලබාගැනීමටත් හැකි බව පැවසෙනවා.

5 comments:

විද්‍යා ගවේශණ - විද්‍යා පුවත් සම්පින්ඩණය-1 [Science News Digest]

වසර 40,000ක් පැරණි ගුහා සිතුවම් සොයා ගැනේ!


ස්පාඥ්ඥයේ ගුහාවකින් හමුවී ඇති ආදිමානව ගුහා චිත්‍ර වසර 40,000 පැරණිබව සොයාගෙන ඇත. කාබන් කාළ නිර්ණ ක්‍රමයට වඩා අලුත් ක්‍රමයක් වන යුරේනියම් කාළ නිර්ණ ක්‍රමය මගින් චිත්‍ර ඇඳ තිබෙන කාළය නිර්ණය කරගෙන තිබෙන අතර ඒවා විද්‍යඥයින් අනුමාන කලාට වඩා වසර 15,000 පැරණි බව දැන් පිලිගන්නට සිදුවී ඇත.


චිත්‍ර මෙතරම්ම පැරණි නිසා, එම චිත්‍ර අඳින්නට ඇත්තේ අප්‍රිකාවේ සිට යුරෝපයට සංක්‍රමණය වූ හෝමෝ සැපියන් මානවයාද, නැතහොත් මීට වසර 40,000 කලින් යුරෝපයේ ජීවත්වුනු නියැන්ඩර්තාල් අර්ධමානව වර්ගයද යන්න ගැන විද්‍යාඥයින් අතර විවාදයක් හටගෙන ඇත.

නියැන්ඩර්තාල් මානවයින්ගේ බුද්ධි මට්ටම චිත්‍ර හා රූප නිර්මාණ කරනයට තරම් දියුණුව තිබෙන්නට නැතැයිද, එම හැකියාව තිබෙන්නේ හෝමෝසැඉයන් නූතන මානවයාඅට පමණක් බවද බහුතරයකගේ මතය වන අතර, අනෙක් කන්ඩායම පවසන් ආකාරයට නියැන්ඩර්තාල් මානවයාද ඉහල බුද්ධිමට්ටමකින් යුතු නිර්මාණශීලී මානවයෙකු බවට සාධක ඇතැයි පවසයි.

චීනයේ අලුත්ම අභ්‍යවකාශ ජයග්‍රහණය නව අභ්‍යවකාශ තරඟයකට මුලපිරීමක්ද?


චීනය විසින් අභ්‍යවකාශගත කරන ලද ශෙන්සු 9 නම් අභ්‍යවකාශ මොඩියුලය, චීනයටම අයත ටියන්ගොන්ග් 1 නැමති අභ්‍යවකාශ මධ්‍යස්ථාන මොඩියුලය සමග සාර්ථවක සම්බන්ධ වී නව අභ්‍යවකාශ ජයග්‍රහණයක් ලබාගෙන ඇත. අභ්‍යවකාශයේදී යානා දෙකක් එකිනෙක සම්බන්ධවීම (space docking) ඉතා සංකීර්ණ ක්‍රියාවලියක් වන අතර දැනට මෙම තාක්ශණික හැකියාව තිබෙන්නේ අමෙරිකාවට හා රුසියාවට පමණකි.

කිලෝමීටර් 343 ඉහල පෘථිවි කක්ශයේ සිදුවුනු මේ තාක්ශණික වික්‍රමය චීන රූපවාහිණිය මගින් සජීවීව විකාශය කරන ලදී. චීනය සිය අභ්‍යවකාශ වැඩසටහනට ඩොලර් බිලියන ගණනක ආයෝජන සිදුකරන අතර එය ඔවුන්ගේ තාක්ශණික පරිණතබව ලොවට විදහා දක්වන අවස්ථාවක් ලෙස යොදාගෙන ඇත.

2020 වනවිට අමෙරිකාවේ ස්කයිලැබ් අභ්‍යවකාශ මධ්‍යස්ථානයට සමාන අභ්‍යවකාශ මධ්‍යස්ථානයක් උඩුගුවනට යැවීම චීනයේ අභ්‍යවකාශ ඉලක්කවලින් එකකි. සඳගවේශණය සඳහා රොබෝ යානයක් යැවීම ඔවුන්ගේ තවත් ඉලක්කයකි. 2003වසරේදි මුලින්ම මිනිසෙකු අභ්‍යවකාශයට යැවූ චීනය 2008දී මිනිසුන් 2කු සහිත යාන්නාවක් සාර්ථකව කක්ශගත කල අතර දැන් කාන්තාවකද ඇතුලු මිනිසුන් තිදෙනෙකු අභ්‍යවකාශයට යැවිය හැකි ලෙස ඔවුන් සිය තාක්ශණය දියුණුකරගෙන ඇත.

කුඩා ළමුන්ගේ ආදරණීය කාටූන් චරිතයක් වන මිකී මවුස්ගේ මුහුණට සමාන හැඩයක් ඇති අවාටයක් බුද ග්‍රහයා මතින් සොයාගැනේ.



බුද ග්‍රහයා වටා කක්ශගතවී සිටින නාසා ආයතනයේ "මැසෙන්ජර්" නම් අභ්‍යවකාශ යානය මෙම අපූරු ආවාටයේ ඡායාරූපය එවා ඇත. 2011 මාර්තුවේ සිට බුද ග්‍රහයා ඡායාරූපගත කරමින් සිටින මැසෙන්ජර් යානය බුදගේ පෘශ්ඨය සිතුවම් ගතකිරීමේ කටයුතුවලට සහයවෙයි.

අමෙරිකාව අලුත් ඔත්තු බැලීමේ චන්ද්‍රිකාවක් සාර්ථවක කක්ශගත කරයි.


ඇමෙරිකාවේ ඔත්තු බැලීමේ චන්ද්‍රිකා පාලනයක කරන "National Reconnaissance Office - NRO" ආයතයන NROL-38 නම්වූ අලුත්ම ඔත්තු බැලීමේ චන්ද්‍රිකාවක් ඇට්ලස් රොකට්ටුවක් ආධාරයෙන් ගුවන්ගත කොට තිබේ. වර්ජීනියා ප්‍රාන්තයේ මූලස්ථානය ඇති NRO ආයතනයේ නිළකාර්යභාරය වන්නේ අමෙරිකාවේ සියලුම රහස් ඔත්තුසේවා හා ත්‍රිවිධහමුදාව සඳහා ඔත්තුසේවා චන්ද්‍රිකා නිර්මාණය කිරීම, ගුවන්ගත කිරීම හා ඒවා අභ්‍යවකාශයේදී පාලනය කරමින් රහසොත්තු ඒජන්සිවලට තොරතුරු සැපයිමයි.

පූර්ණ මාධ්‍ය වාරණයක් යටතේ සිදුවුනු මෙම චන්ද්‍රිකා ගුවන්ගත කිරීම, චන්ද්‍රිකා තුනක් අඩංගු ව්‍යාපෘතියක පලමුවැන්නයි.



0 comments:

දඬුමොණර/විමාන තාක්ෂණය නූතන යුධ ගුවන්යානා තාක්ෂණයට අනුව කියවමු..


දඬුමොණර යානය ගැන, පැරණි වේදග්‍රන්ථවල සඳහන්වෙන විමාන නැමති පියාසර යානා ගැන විශාල උනන්දුවක් තිබෙන බව අන්තර්ජාලයේ සැරිසරන විට පෙනීයනවා. මේ පිලිබඳව බ්ලොග් අඩවි ගණනාවක විවිධ විස්තර සහිත ලිපි පලවෙලා තියෙනවා. මෙයින් සමහර ලිපිවල විමාන යානා ගැනත් ඒවායේ අඩංගුකර තිබුණායයි කියැවෙන තාක්ශණය ගැනත් බොහොම විස්තරාත්මකව පලකරලා තිබුණා. 

මම මේ ලිපියෙන් උත්සහ කරන්නේ විමාන නැමති පියාසර යානාවල තිබුණා යයි කියවෙන තාක්ශණයන්, නූතන යුධ ගුවන්යානාවල, විශේෂයෙන්ම 4වැනි, 5වැනි පරම්පරාවල ගුවන්යානා වල දැනටමත් තිබෙන තාක්ශණය හා 6වැනි පරම්පරාවේ යානාවල තිබේ යැයි උපකල්පණය කෙරෙන තාක්ශණrdය හා සමපාත කොට සමානාතා තිබේදැයි සොයා බැලීමයි.

විමාන තාක්ශණ විස්තර උපුටාගත්තේ උදිත සේනාරත්න සොයුරාගේ "උදිතගේ විද්‍යුත් සෙල්ලිපිය"  අඩවියෙනි..

 Vimana Technology -1
මාන්ත්‍රික - මන්ත්‍ර බල යොදා ගනිමින් විමානය ආරක්ෂා කර ගැනීමේ ක්‍රමය මේ නමින් හැඳින්වෙනවා. මාන්ත්‍රික ක්‍රමය ප්‍රගුණ කරපු ආචාර්යවරයෙකුට තම විමානය ගින්නෙන් සහ අවි ආයුධ වලින් ආරක්ෂා කර ගැනීමේ හැකියාව තිබිලා තියෙනවලු.
3rd, 4th & 5th Generation Military Aircraft Technology


මාන්ත්‍රික ක්‍රම යනුවෙන් සඳහන් වෙන, විමානය ගින්නෙන් හා අවිආයුධ වලින් විමානය ආරක්ශාකර ගැනීමේ තාක්ශණයට අනුරූපව, ගුවන්යානය සතුරු ප්‍රහාරවලින් ආරක්ශාකරගැනීමේ ක්‍රමෝපායන් හා තාක්ශණයන් නූතන යුධ ගුවන්යානා වලට ලැබුණේ 3වැනි පරම්පරාවේ සිටයි.

මාන්ත්‍රික නම් විමාන තාක්ශණයට සමාන කලහැකි නූතන යුධ ගුවන්යානා තාක්ශණ පහත ආකාරයෙන් දැක්විය හැකිය.

1] Electronic Countermeasure (ECM) තාක්ශණය - ඉලෙක්ට්‍රොනික් කවුන්ටර්මෙෂර් තාක්ශණය සැකෙවින් විස්තර කරනවානම්, යම් ගුවන්යානයක් සතුරු යානාවල රේඩාර්, සෝනාර්, අධෝරක්තකිරණ සංවේදක හෝ ලේසර් කිරණ මගින් ඉලක්ක කරගැනීම වලක්වාලන, එසේත් නැතිනම් එවැනි සතුරු උපක්‍රම උවමනාවෙන්ම නොමග යැවිය හැකි ඉලෙක්ට්‍රොනික උපකරණ පද්ධතියකි. මෙවැනි පද්ධතියක් සවිකල යුධ ගුවන්යානයකට සතුරු මිසයිල හා සතුරු ගුවන්යානාවලට ඉලක්ක කරගැනීම අපහසුය.

2] Anti heat-seeker flare - ෆ්ලෙයාර් යනු අධික උශ්ණත්වයකින් හා දීප්තියකින් දැල්වෙන මල් වෙඩිල්ලක් වැනි ආරක්ශක උපක්‍රමයකටයි. මෙම උපක්‍රමය යොදාගන්නේ යානයක් තාප සංවේදක මිසයිලයක (heat-seeker missile) ඉලක්කයක් වූ විටයි. තාප සංවේදක මිසයිලය යානයේ ජෙට් එන්ජිමේ උණුසුම ඉලක්කය ලෙස ගෙන සිටින නිසා එන්ජිමට වඩා සියගුණයක උශ්ණත්වයෙන් දැවෙන ෆ්ලෙයාර් නිදහස් කිරීමෙන් මිසලයේ තාප සංවේදකය අන්දමන්ද කොට ඉලක්කය වරද්දවනවා.

තාප සංවේදක මිසයිල ප්‍රහාරයකින් ආරක්ශාවීමට ෆ්ලෙයාර් නිදහස් කරන F-15 ස්ට්‍රයික් ඊගල් යානයක්
3] RADAR stealth -  රේඩාර්වලින් සැඟව ගමන්කල හැකි රේඩාර් ස්ටෙල්ත් තාක්ශණය. මේ පිලිබඳව එතරම් දුරට විග්‍රහකල යුතු නැතැයි සිතමි. 5වැනි පරම්පරාවේ F-22 හා B-2 බෝම්බ හෙලන යානාව දැනට සේවයේ යොදවා ඇති  ස්ටෙල්ත් යානාවේ.


4] Visual stealth (optical steath) - යානාව අහසේ වර්ණයට ගැලපෙන ලෙස වර්ණ ගැන්වීමේ සිට දැනට පර්යේෂණ මට්ටමේ තිබෙන ක්ලෝකින් හෙවත් යානය සම්පූර්ණයෙන්ම පියවි ඇසට නොපෙනී යැවිය හැකි තාක්ශණයන් විශුවල් ස්ටෙල්ත් ගණයට අයත් වෙනවා.

5] Infra-red stealth - යානයක් සම්පූර්ණයෙන්ම සතුරාගෙන් සැඟවී ගමන්කිරීමට නම් එය රේඩාර් හා ආලෝක තරංග වලින් පමණක් නොව, අධෝරක්ත කිරණ වලින්ද සැඟවිය යුතුවනවා. යානයක අධෝරක්ත කිරණ නිකුත්කරන ප්‍රධානය ස්ථානය එහි ජෙට් එන්ජිමයි. මෙබැවින් දැනට දියුණු කොට ඇති තාක්ශණය අනුව එන්ජිමේ අධික තාපය පිටතට නොපෙනෙන්නට එන්ජිම වටා තාපභාදක දැමීමත්, එන්ජිමෙන් පිටවන අධි සම්පීඩිත, අධික ලෙස රත්වූ වාතය, සිසිල් කොට පිට කිරීමත් සිදුවෙනවා. 4වැනි පරම්පරාවේ සමහර ගුවන්යානා හා 5වැනි පරම්පරාවේ සියලුම ගුවන්යානාවල යම් ආකරයක අධෝරක්ත ස්ටෙල්ත් තාක්ශණය අඩංගු වනවා.

6] Anti missile flying techniques - මිසයිල හා තුවක්කු ප්‍රහාරවලින් ආරක්ශාවීමට හා ඒවා මගහැර යානය පියාසර කරවීමට සෑම යුධ ගුවන්නියමුවෙකුම විශේෂයෙන් පුහුණු කරවනවා.


Vimana Technology -2
තාන්ත්‍රික - විමානය බල ගැන්වීම සඳහා අවශ්‍ය වන රහස්‍ය බලවේගයන් එකතුකරගැනීම මේ නමින් හඳින්වෙනවා. මහමායා, සම්භාර ආදී වශයෙන් හැඳින්වෙන්නේ මෙවැනි බලවේගයන් තමයි. මේ බලවේග වලට කියන්නේ තාන්ත්‍රික බලවේග කියලා.

3rd, 4th & 5th Generation Military Aircraft Technology

යුධගුවන් යානා බලගැන්වීම (Propulsion) සඳහා දැනට භාවිතාවන්නේ ජෙට් තාක්ශණයයි. මෙම තාක්ශණයේ වැඩි දියුණු කිරීම් වන Pulse Detonation Engine (PDE), ScramJet (Supersonic Ramjet) වැනි තාක්ශණ දැන් බිහිවෙමින් පවතිනවා. 

6th & 7th Generation Military Aircraft

6/7වැනි පරම්පරාවේ ගුවන්යානා බලගැන්වෙතැයි පැවසෙන පල්ස් ඩෙටොනේෂන් හා ස්ක්‍රැම් ජෙට් තාක්ශණ මගින් ගුවන් යානයක් මක් 5කට වඩා වේගයෙන් ප්‍රචාලනය කල හැකි බව පැවසෙනවා.(ජෙට් තාක්ශණයේ උපරිම වේගය මක් 3.5කට සීමාවී තිබෙනවා )


Vimana Technology -3
ක්‍රිතක - විමානයක් නිර්මාණය කිරීමට අවශ්‍ය යාන්ත්‍රික ඉංජිනේරු දැනුම මේ නමින් හැඳින්වෙනවා. විවිධාකාරයේ හා විවිධ ප්‍රමාණයේ යානා සෑදීමේ ක්‍රමවේදය මීට ඇතුලත් වෙනවා. මේ නිර්මාණ ශිල්පය අතීතයේදී 'විශ්වකර්ම' නමින් හැඳින්වෙලා තියෙනවා. මීට අමතරව ඡායාපරුෂ, මාන්, මායා වැනි වෙනත් නිර්මාණ ශිල්පීය ක්‍රමත් භාවිතා වෙල තියෙනවලු.
ක්‍රිතක යන නමින් විමාන තාක්ශණයේ හඳුන්වන විමාන නිර්මාණය කිරීමේ තාක්ශණය අද හඳුන්වන්නේ Aeronautical Engineering Technology හෙවත් ගගනවිද්‍යා ඉන්ජිනේරු තාක්ශණය ලෙසින්.

එපමනක් නොව, නූතන යුධගුවන්යානයක් තැනීම සඳහා ගගනවිද්‍යා තාක්ශණය පමණක් ප්‍රමාණවත් වන්නේ නෑ. ගගනවිද්‍යාවට අමතරව තවත් සිය ගණනක් තාක්ශණයන් නූතන ජෙට්යානයක කැටිවෙනවා. සැබැවින්ම ගත්කල 4වැනි හෝ 5වැනි පරම්පරාවේ යුධ ගුවන්යානයක් විශ්වකර්ම නිර්මාණයක් ලෙස ගන්නට පුලුවන් වන්නේ ඒවාවල අඩංගුකොට තිබෙන තාක්ශණය එතරම්ම සංකීර්ණ නිසයි.

නූතන ජෙට්යානයක් තැනීමට අවශ්‍යවන ගගනවිද්‍යා තාක්ශණයන්
  • Aerodaynamical engineering
  • Propultion technology
  • Avionics
  • Weapons Technology / Pyrotechnics (පුපුරණ ද්‍රව්‍ය තාක්ශණය)
ජෙට්යානයක් නිර්මාණය කිරීමට ගගනවිද්‍යාවට අමතරව අවශ්‍ය සබැඳි තාක්ශණයන්  (මෙම ලයිස්තුව අසම්පූර්ණ බව සළකන්න)

  • Materials technology - metallurgy (ලෝහ විද්‍යාව), carbon fibre technology, nano technology, metal-alloy technology (මිශ්‍රලෝහ නිර්මාණ තාක්ශණය), 
  • Electronic engineering / computer engineering / mircoprocessor technology
  • Software technology / Artificial Intelligence
  • Robotics 
  • Advanced optics, opto-electronics
  • Chemical engineering/fuel technology, 
  • Radar technology
  • Laser
  • Hydrolics & Pneumatics 
  • CAD / CAM technology

Vimana Technology -3
අන්තරාල - අධික සුළං, වායු අවපාත, දැඩි අකුණු සහිත ප්‍රදේශ ඉහල අහසේ පවතිනවා. විමානාචාර්යවරයෙකුට මෙවැනි තත්වයන් ගැන හොඳ අවබෝධයක් තියෙන්න ඕනෑ. එවැනි අන්තරායකර ප්‍රදේශ කල්තියා දැනගෙන යානය ප්‍රවේශමෙන් එවැනි ප්‍රදේශ හරහා ගෙනයාමේ ක්‍රමවේදය මේ නමින් හැඳින්වෙනවා.

Weather forecasting


විමානවේදයේ "අන්තරාල" ක්‍රමවේදයට නූතන ලෝකයේ ව්‍යවහාරය වන්නේ වෙදර් ෆෝකාස්ටින් හෙවත් කාළගුණ අනාවැකි පැවසීම කියලයි. මේ අනාවකි සඳහා කාළගුණ චන්ද්‍රිකා, කාළගුණ මධ්‍යස්ථාන, කාළගුණ බැලූන හා විශේෂිත කාළගුණ දත්ත එකතුකිරීමේ ගුවන්යානා මගින් ලැබෙන දත්ත ප්‍රයෝජනයට ගන්නවා. මීට අමතරව සෑම ගුවන්යානයකම ඇති රේඩාර් යන්ත්‍රය කාළගුණ  රේඩාර් යන්ත්‍රයක් ලෙසටද ක්‍රියාකල හැකි ආකාරයට නිපදවා තිබෙනවා.

4th & 5th Generation Military Aircraft Technology - ALL WEATHER JETS

මීට අමතරව 4වැනි හා 5වැනි පරම්පරාවේ යානා බොහොමයක් සියලු කාළගුණ තත්වයන් යටතේ මෙහෙයුම් කළහැකි, අයහත් කාළගුණතත්වයන්ට මුහුණදෙමින් සාර්ථකව මෙහෙයුම් කලහැකි All Weather Mission Capability හැකියාව ඇති යානා ලෙස නිර්මාණය කොට තිබෙනවා.

සුක්හොයි SU-30 : බහුකාර්ය, සියලු කාළගුණ තත්වයන් යටතේ පියාසර කලහැකි ප්‍රහාරක යානය.

Vimana Technology -4
ගූඪ - පුරාණ ගුවන් තාක්ෂණයට අනුව වායුගෝලයේ පවතින වායු මට්ටම් අටක් ගැන සඳහන් වෙනවා. මෙයින් අට වෙනි වායු මට්ටමේදී සූර්යයාගේ කිරණ වල තියෙන අඳුරු පදාර්ථය යනුවෙන් හඳුන්වන දෙයක් ප්‍රයෝජනයට ගන්න පුළුවන්ලු. මේ අඳුරු පදාර්ථය පාවිච්චි කරන්නේ තම විමානය සතුරු විමාන වලින් සඟවා තබන්නයි. මෙම අඳුරු පදාර්ථය ආකර්ශනය කරගැනීමේ විද්‍යාව ගූඪ නමින් හැඳින්වෙනවා. මේ සඳහා යාස, ව්‍යාස, ප්‍රයාස යන නම් වලින් හඳින්වෙන ක්‍රමවෙද භාවිතා කරලා තියෙනවා. 'වෛමානික ශාස්ත්‍ර' පොතේ මේ විද්‍යාව විස්තර කරලා තියෙන්නේ 'වායුතත්ව ප්‍රකරණ' යන නමින්.

නූතන විද්‍යාවට අනුව අප වායුගෝලය කොටස් වශයෙන් වෙන්කොට ඇති ආකාරය

විමානවේදයේ පෘථිවි වායුගෝලය කොටස් අටකට බෙදූ බව පැවසේ. නූතන බටහිර විද්‍යාවෙන් වායුගෝලය ස්ථර 5කට බෙදා ඇති අතර මෙම ස්ථර අතර ඇති අන්තර්-ස්ථර කිහිපයක්ද හඳුනාගෙන ඇත.

වායුගෝලයේ ප්‍රධාන ස්ථර ට්‍රෝපෝගෝලය, ස්ට්‍රැටෝගෝලය, මෙසෝගෝලය, තර්මෝගෝලය හා එක්සෝගෝලය ලෙස හැඳින්වේ. මෙසෝගෝලය, තර්මෝගෝලය හා එක්සෝගෝලය පොදුවේ අයනගෝලය ලෙස හඳුන්වයි.

ගූඪ තාක්ශණය යනු දඬුමොණරය සතුරන්ගෙන් සැඟවීම සඳහා අභ්‍යවකාශය අද්දරට ගෙනයාමේ තාක්ශණයක්ද?

අභ්‍යවකාශයේ ආරම්භය වන කිලෝමීටර් 100ක උසකට සාමාන්‍ය ගුවන්යානාවලට යා නොහැක. පර්යේෂණ මට්ටමේ ඇති රොකට් බලයෙන් ක්‍රියාත්මක වන ගුවන්යානා කිහිපයකට පමණක් මේ හපන්කම කල හැකිය.

විමානික තාක්ශණයේ වායුගෝලයේ අටවෙනි ස්ථරයේ ඇති අඳුරු කිරණ ප්‍රබේධයක් ගැන විස්තරයක් ඇත. මෙය නූතන විද්‍යාවෙන් විස්තර කරනවා නම්, එය හිරුගේ අඳුරු කිරණයක් නොව, වායුගෝලයේ කිලෝමීටර් 100ක් උස පසුකලවිට අහසේ නිල්පැහැය නැතිවී දිවා රෑ වෙනසක් නොමැතිව අහස කළු වීමේ විද්‍යාත්මක සංසිද්ධියයි.

කිලෝමීටර් 100ක් උස පසුවන විට අහස මේසේ කළු වන්නේ අහසේ නිල් පැහැය ඇතිකරීමට අවශ්‍ය තරමට වායුගෝළයේ ඝණත්වයක් නොමැති නිසාය. (අහසේ නිල් පැහැයට හේතුව  විස්තර සහිතව දැනගන්න නාසා ආයතනයේ මේ වෙබ් පිටුව කියවන්න)

වායුව අවශෝෂණය කරගෙන ක්‍රියාත්මක වෙන ජෙට් යාන වලට මෙතරම් උසකින් පියාසර කල නොහැක්කේද එන්ජිමේ දහන ක්‍රියාවලිය අවශ්‍ය ඔක්සිජන් හා අවශ්‍ය ලෙස තෙරුපුම නිපදවීමට වායු පීඩනය නොමැති නිසාය.

එහෙත්, රාවණා මහ රජුගේ දඬුමොණරයට හා අනෙකුත් විමාන වලට මේ හැකියාව තිබෙන්නට ඇත. සතුරන් ලුහුබැඳගෙන එනවිට ඔවුන්ගෙන් යානය සැඟවීම සඳහා ආරක්ශක උපක්‍රමයක් ලෙස අභ්‍යවකාශයට ගෙනයන්නට ඇතැයි අනුමාන කල හැකිය.


Vimana Technology -5
විශ්ව ක්‍රියා දර්පන - විමාන වල ඉදිරිපස 'විශ්ව ක්‍රියා දර්පන' නමින් හඳුන්වන කන්ණාඩියක් තිබුණාලු. විද්‍යුත් ශක්තිය සුළං ශක්තිය සමඟ මිශ්‍රකර ආලෝකයක් උත්පාදනය කර ඉහත කී දර්පනය හරහා පරාවර්තනය කිරීමෙන් තම විමානය හා සමාන වෙනත් ව්‍යාජ විමානයක් මවා පෑමේ තාක්ෂණය මේ නමින් හැඳින්වී තියෙනවා.
Hologram Technology

විශ්වක්‍රියා දර්පණයේ ක්‍රියාකාරිත්වය කිසිදු අපහසුවකින් තොරව නූතන හොලෝග්‍රෑම් තාක්ශණය නම් ත්‍රිමාණ දෘශ්‍යමායාවක් නිර්මාණය කලහැකි තාක්ශණය ලෙස හඳුනාගත හැක.

දැනට හොලොග්‍රෑම් තාක්ශණය බටහිර රටවල විද්‍යා ප්‍රදර්ශණවල, විද්‍යා හා තාක්ශණ කෞතුකාගාරවල නරඹන්නන් මවිතයට පත් කරන ප්‍රදර්ශණාකෘති ආකාරයට තබා ඇත. ඉතා නුදුරු අනාගතයේදීම හොලොග්‍රෑම් තාක්ශණය දැනට අප භාවිතා කරන LCD හා LED තිරවලට ආදේශකයක් ලෙස ත්‍රිමාණ, අධිවිභේදන සජීවී රූප දැක්විය හැකි දෘශ්‍ය තල (display) ලෙස වෙලඳපොලට ඉදිරිපත් වෙනු ඇතැයි සැළකේ.

ත්‍රිමාණ හොලොග්‍රෑම් මායාවන් යුධ ගුවන්යානා හෝ වෙනත් යුධ කටයුතු සඳහා ප්‍රයෝගකාරි උපක්‍රමයක් ලෙස යොදාගෙන ඇති බවක් වාර්තා නොවේ.

එහෙත් හොලොග්‍රෑම් දෘෂ්‍ය මායාවක් සතුරා රැවටීමේ ප්‍රයෝග තාක්ශණයක් ලෙස භාවිතාකල හැකි ආකාරය පෙන්වාදුන් විද්‍යා ප්‍රබන්ධ චිත්‍රපටයක් කලකට පෙර එලි දැක්විනි. 1990 වසරේ තිරගත වුනු ආනල්ඩ් ශ්වසනෙගර් රඟන "Total Recall" එකල ඉතා ජනප්‍රිය චිත්‍රපටයකි.

Total Recall Hologram Creator

ආනල්ඩ් ශ්වසනෙගර්, තමා හඹා එන අවිගත් සෙබලුන් රවටන්නට යොදාගන්නා, තමාගේම සජීවී ත්‍රිමාණ හොලෝග්‍රෑමයක් වෙනත් ස්ථානයකට ප්‍රක්ශේපණය කොට මවා පෙන්විය හැකි අතේ බඳින හොලෝග්‍රෑම් ප්‍රොජෙක්ටරය.

දඬුමොණරයේ  Hologram Technology තිබුණාද?

තම විමානය හා සමාන වෙනත් ව්‍යාජ විමානයක් මවා පෑමේ තාක්ෂණයක් සැබෑවටම දඬුමොණරයට හෝ පුරාණ විමානවලට තිබුණානම් එය පෞරාණික හොලොග්‍රෑම් තාක්ශණයක අදට ඉතිරිව ඇති සාක්ශි ලෙස ගතහැකිය. 


Vimana Technology -6
අදෘශ්‍ය - යානය නොපෙනී යාමට සැලැස්වීමේ තාක්ෂණය ගැන බව. අපි බලමු කොහොමද මෙහෙම කරලා තියෙන්නේ කියලා. පැරණි පොත්පත් වල කියලා තියෙන විදිහට සූර්යයාගේ මධ්‍යයේ සිට පැමිණෙන ශක්ති විශේෂයක් තියෙනවා. මේ ශක්තිය වායුගෝලයේ තියෙන 'බලාහවිකරණ ශක්තිය' නම් සූක්ෂ්ම ශක්තිය සමඟ මිශ්‍ර කළ විට සුදු පැහැති ආලෝකමය ආවරණයක් නිර්මාණය වෙනවලු. මේ ආවරණය පිටුපස තමයි යානය සඟවන්නේ.
RADAR stealth, Visual Stealth & Infrared Stealth

කලිනුත් විස්තර කරන ලද රේඩාර්, දෘශ්‍ය ආලෝක හා අධෝරක්ත කිරණ සංවේදක වලින් යානය සැඟවීමේ තාක්ශණය. මෙයින් රේඩාර් ස්ටෙල්ත් තාක්ශණය බොහෝ සෙයින් දියුණු තාක්ශණයක් වන අතර දෘශ්‍ය හා අධෝරක්ත ස්ටෙල්ත් තාක්ශණයන්ද වේගයෙන් දියුණු වෙමින් තිබෙනවා.


Vimana Technology -6
පරෝක්ෂ - විමාන වල 'ශක්ති ආකර්ශන දර්පන' නම් තවත් දර්පනයක් තියෙනවා. ඒකෙන් කරන්නේ විමානය අවට තිබෙන විවිධ ශක්තීන් ආකර්ශනය කර ගැනීමයි. වලාකුළු නිර්මාණය වීමේදී ඇතිවන ශක්තියත් මේ දර්පනය හරහා උරා ගන්න පුළුවන්. වලාකුළු බිහිවීමේ ක්‍රමය පැරණි පොත් වල හඳුන්වා තිබෙන්නේ 'මෙඝෝත්පත්ති ප්‍රකරණ' නමින්. පැරණි ගුවන් තාක්ෂණයට අනුව වලාකුළු පවතින්නේ වායුගෝලයේ දෙවන මට්ටමේ ( මට්ටම් 8 ක් තියෙනවා කියලා මම කලින් කියලා තියෙනවා ). ඉතින් මේ උරා ගන්නා ශක්තිය භාවිතා කර ප්‍රතිවාදී විමාන වල පාලන පද්ධතිය අඩපණ කිරීමේ ක්‍රමය තමයි පරෝක්ෂ කියලා හඳුන්වන්නේ.
විමාන ග්‍රන්ථවල පරෝක්ශ තාක්ශණයේ ක්‍රියාකාරිත්වය ඉහත ලෙස විස්තර කලත්, පරෝක්ශ තාක්ශණයේ අවසන් ඉලක්කය එනම් "ප්‍රතිවාදී විමාන වල පාලන පද්ධතිය අඩපණ කිරීමේ ක්‍රමය" අපට කිසිදු ගැටළුවකින් තොරව 4වැනි හා 5වැනි පරම්පරාවල ගුවන්යානා තාක්ශණය හා සමපාත කරන්නට පුලුවන්.


Avionics of a modern jet fighter

එවියොනික්ස් යන පොදු නාමයෙන් හඳුන්වන්නේ නූතන ජෙට් ප්‍රහාරක යානයක පරිගණක, ඉලෙක්ට්‍රොනික උපකරණ, රේඩාර් හා අවි ආයුධ පාලනය කරන ඉලෙක්ට්‍රොනික උපාංග පද්ධතියටයි. සතුරු යානයක මෙම avionics පාලන පද්ධතිය නොමග යැවීම/ව්‍යාකූල කිරීම සඳහා 4වැනි හා 5වැනි පරම්පරාවේ ජෙට් යානා සතු තාක්ශණයක් වන Electronic Counter Measures (ECM) තාක්ශණය මෙම ලිපියේ ඉහල තැනක විස්තර කර තිබෙනවා.

දඬුමොණරයේ Electronic Counter Measurs (ECM) තාක්ශණයන් තිබුණාද?

විමාන විස්තරයේ සඳහන් පරෝක්ශ තාක්ශණය ඉතා පැහැදිලිවම සතුරු විමාන වල පාලන පද්ධතිය එනම් සතුරු විමානයේ avionics පද්ධතිය අඩපණ කිරීමේ තාක්ශණයක්. නූතන ගුවන්යානා මේ සඳහා භාවිතා කරන්නේ සතුරාගේ එවියොනික්ස් පද්ධතිය ව්‍යාකූල කල හැකි ප්‍රභල ඉලෙක්ට්‍රොනික සංඥා ඒ වෙත මුදාහරින ECM තාක්ශණයයි. සමහරවිට දඬුමොණරයේ හා විමානවලත් නූතන ECM තාක්ශණයට සමාන තාක්ශණයක් තිබෙන්නට ඇති.


Vimana Technology 7

අපරෝක්ෂ - 'ශක්ති තන්ත්‍ර' නම් පුරාණ විද්‍යාවට අනුව සූර්යයාලෝකය තුල 'රෝහිණී' නම් ආලෝක කදම්භයක් තියෙනවා. මේ ආලෝක කදම්භය ඉදිරියට ප්‍රක්ෂේපණය කර, විමානය ඉදිරියේ තිබෙන වස්තූන් දර්ශනය කරගැනීමේ තාක්ෂණය මේ නමින් හැඳින්වෙනවා. මම හිතන විදිහට අදෘශ්‍යමාන තත්වයේ තිබෙන විමාන පවා මේ ක්‍රමය හරහා දෘශ්‍යමාන බවට පත්කරගන්න පුළුවන්කම තියෙන්න ඇති.

4වැනි හා 5වැනි පරම්පරාවේ යුධ ගුවන් යානා සතුව ඇති Beyond Visual Range (BVR) Air Combat  තාක්ශණය.

Active Electronically Steered Arrays (AESA) තාක්ශණයෙන් බිහිකොට ඇති රේඩාර් යන්ත්‍ර සවිකරන ලද යුධ ගුවන්යානා බියෝන්ඩ් විශුවල් රේන්ජ් හෙවත් ඇසට නොපෙනෙන මානයේ ඇති ඉලක්ක හඳුනාගැනීමේ හැකියාව ලබා තිබෙනවා.

එනම්, ඇසට නොපෙනෙන ඉලක්ක රේඩාර් තිරය මත දර්ශණය කරගෙන ඒවාට පහරදීමේ හැකියාව 4වැනි පරම්පරාවේ ‍යානා (MiG 29, MiG 31, Sukhoi Su 35, Eurofighter Typhoon, Dassault Rafale, F-15 Eagle, F-16 Fighting Falcon, F/A-18 Super Hornet) වලට තිබෙනවා.

මෙවැනි ගුවන්යානා වල ප්‍රහාරක අවි ලෙස සවිකොට ඇති Fire & Forget වර්ගයේ BVR හැකියාව ඇති ගුවන් යානා නාශක මිසයිල ආධාරයෙන් ගුවන් නියමුවාට ඇසට නොපෙන ඈත ක්සිතිජයෙන් එහා තිබෙන සතුරු යානයකට පවා පහරදී විනාශ කිරීමේ හැකියාව තිබෙනවා.


Vimana Technology 8

සංකෝච - මේකත් ආරක්ෂිත උපක්‍රමයක්. මේ ක්‍රමය භාවිතා කරලා තියෙන්නේ යානයේ පියපත් ආරක්ෂා කරගැනීමටයි. යානය ඉතා වේගයෙන් ගමන් කරන විටදී ඉදිරියෙන් මොනවාහරි අනතුරුදායක දෙයක් තිබුණහොත් එක්වරම පියාපත් හකුළාගෙන අනතුර මගහැරීමේ ක්‍රමවේදය මෙයයි. භාරද්වාජ සෘෂිවරයා කියන අන්දමට විමානයේ තිබෙන 7 වන යතුර(switch) ක්‍රියාත්මක කර මේ ආරක්ෂිත උපාය ක්‍රියාවට නඟන්න පුළුවන්.

4th Generation variable-sweep wing (swing-wing) fighters

පියාපත් හකුළුවාගෙන පියාසර කිරීමේ තාක්ශණය 3වැනි පරම්පරාවේ යානා අතරින් බිහිවී 4වැනි පරම්පරාවේ යානා කිහිපයක් මගින් ප්‍රචලිත කල ගගනවිද්‍යා තාක්ශණයක්. විමානිකයේ දැක්වෙන අන්දමට විමානයක් එහි පියාපත් අණතුරුවලින් වලක්වා ගැනීම සඳහා හකුළුවනවා.

එහෙත් නූතන යුධ ගුවන්යානා පියාපත් හකුළුවා ගන්නේ එහි වේගය වැඩිකිරීමේදී දිගහැරුණු පියාපත්වලින් ඇතිවන සුළං බාධනය (wind resistence) අවම කර ගැනීමට.

රූපයේ දැක්වෙන්නේ ප්‍රංශයේ නිශ්පාදිත ඩැසෝ මිරාජ් ජී මාදිලියේ ගුවන්යානා දෙකක්. මින් එක් යානයක් සිය පියාපත් විහිදුවාගෙන පියාසර කරන ආකාරයත් අනෙක් යානාව පියාපත් හකුළුවාගෙන පියාසර කරන ආකාරයත් ඔබට පෙනෙනවා ඇත.

Vimana Technology 9
ප්‍රලය - මෙය ඉතාම විනාශකාරී ක්‍රමයක් ලෙස සැලකෙනවා. මෙහිදී මුලින්ම යානයේ ඉදිරිපස තිබෙන බටයකින් එකිනෙකට වෙනස් ධූම වර්ග 5 ක් අවශෝෂණය කරගන්නවා. ඉන්පසු මේ ධූම මිශ්‍රණය තවත් වෙනස් ධූම වලාවක් සමග ඒකාබද්ධ කර විද්‍යුත් ධාරාවක් ආධාරයෙන් ඉදිරියට තල්ලු කිරීම මගින් අවට පිහිටි සියළුම දෑ විනාශ කිරීම සඳහා යොදාගෙන තියෙනවා.
Air to Surface missile/bomb

විස්තරයේ ආකාරයට ප්‍රලය යනු ගුවනේ සිට එල්ල කරන මිසයිලයක් හෝ බෝම්බයක් විය යුතුයි.

NATO GBU-43/B Massive Ordnance Air Blast bomb

2003දී නිපදවන ලද, ටොන් 10ක් බර මේ බෝම්බය දැනට ලොව ඇති, අතිශයින්ම බිහිසුනු සාම්ප්‍රදායික බෝම්බය (න්‍යශ්ඨික නොවන ) ලෙස පිලිගැනෙනවා. පොලොවට වැටීමට පෙර පුපුරා යනලෙස (air blast) සකස් කොට ඇති මෙම බෝම්බය පිපුරුණ ස්ථානයේ සිට සැතපුමක අරයක් ඇති ප්‍රදේශයක මිනිසුන් මෙහි කම්පණ තරංගයෙන් මිය යන බව පැවසෙනවා.


Vimana Technology 10
විමුඛ - මෙයත් ආරක්ෂක උපක්‍රමයක්. 'රෞද්‍රී' නම් දර්පනයට සම්බන්ධ කර තිබෙන තෙවන නාලය හරහා විෂ සහිත කුඩු වර්ග තුනක මිශ්‍රණයක්  ප්‍රතිවාදී විමානාචාර්යවරුන් වෙත යවා ඔවුන්ව මුළුමනින්ම සිහිමූර්ඡා කරවීම මෙහිදී සිදුකරනවා. මේ සඳහා භාවිතා කර තිබෙන්නේ කුබේර, විමුඛ සහ විශ්වානර යන විෂ කුඩු වර්ග තුනයි.
ස්ථබ්ධක - මෙහිදී 'අපස්මාර ධූම' නම් විෂ දුමක් ප්‍රතිවාදී විමාන වෙතට යොමු කර එහි ගමන් කරන්නන්ව සිහිනැති කිරීම සිදු කරනවා. යානයේ උතුරු දෙසින් පිහිටි නාලයක් හරහා මේ දුම යවන අතර එය සතුරු යානය දෙසට ප්‍රක්ෂේපනය කරන්නේ 'ස්ථම්භන යන්ත්‍ර' නම් යන්ත්‍රයක් මගින්.

Chemical Warfare

මෙහි විමුඛ හා ස්ථබ්ධක ලෙස විස්තර කෙරෙන්නේ නූතන රසායනික අවි භාවිතයෙන් සතුරා මෙල්ල කිරීම බව පැහැදිලිය. මෙම රසායනික විශ ද්‍රව්‍ය වලින් ආරක්ශාවීම සඳහා යුධ ගුවන් නියමුවන් ආරක්ශිත ඇඳුම් කට්ටල පිලියෙල කොට ඇත.

F22 වැනි 5 පරම්පරාවේ ප්‍රහාරක යානා නියමුවන් වෙනුවෙන් සකසා ඇති ඇඳුම ඔවුන්ව රසායනික ප්‍රහාරවලින් ආරක්ශා කරයි.


Vimana Technology 11
සර්වතෝමුඛ - සතුරු විමානයන් රැසක් එකවර පැමිණෙන විටදී තම විමානය වේගයෙන් භ්‍රමණය කරමින් සෑම දිශාවකටම එකවර මුහුණලෑමේ ක්‍රමය මෙසේ හැඳින්වේ. මෙය සිදු කිරීමට විමානය මුදුනේ තිබූ යතුරක් භාවිතා කළ බව සඳහන් වෙනවා.

Dog-fighting techniques of moden fighter pilots


ගුවන් නියමුවන් සතුරු යානා සමග ගුවනේ සිදුකරන සටන් "ඩෝග් ෆයිට්ස්" ලෙස හැඳින්වේ. ගුවන් සටන්වලදී එකිනෙකා ලුහුබැඳ යමින් ප්‍රහාර එල්ලකරගන්නා අවස්ථාවේදී අහස් කුස, ගුවන්යානා අතර බලු පොරයක් මෙන් දිස්වන බැවින් මෙම යෙදුම භාවිතාකරන බව පැවසේ. මෙහිදී සතුරු ප්‍රහාරවලින් ගැලවීම සඳහා යානාවේ නියමුවා යානය ඒ මේ අත කරකවමින්, වෙට්ටු දමමින් වේගයෙන්  පියාසර කරයි. විමාන විස්තරවල "සර්වතෝමුඛ" ලෙස විස්තර කරන්නේ විමාන අතර ඈත අතීතයේදී සිදුවූ ගුවන් සටන් වලදී විමාන නියමුවන් ඒවා පියාසර කරනලද මෙම dog fighting පියාසර විලාශය විය යුතුය.


Vimana Technology 12

පාරශබ්ද ග්‍රාහක - විමානය තුල තිබිලා තියෙනවා වෙනත් විමාන වල සිදුවන කතාබහට සවන් දියහැකි උපකරණයක්. මෙය නිර්මාණය කර තිබෙන්නේ පැරණි ඉලෙක්ට්‍රොනික් විද්‍යාව අනුව. අතීතයේදී ඉලෙක්ට්‍රොනික් විද්‍යාව හඳුන්වා තියෙන්නේ 'සෞදාමිණී කලා' යන නමින්. මේ යන්ත්‍රය ක්‍රියා කරවීමටත් ආචාර්යවරයෙකු ඉගෙනගත යුතුයි.
 මෙය සරල රේඩියෝ තාක්ශණයකි. වෙනත් යානා අතර සිදුවන පණිවුඩ හුවමාරුවලට සවන්දීම සඳහා විශේෂිත උපකරණ රැගත් ඔත්තු බලන ගුවන්යානා වර්ග සෑම ගුවන් හමුදාවක්ම සතුය.

යුධ මෙහෙයුම් වලදී යුධ ගුවන් නියමුවන් කඳවුරෙන් ගුවන් ගතවූ මොහොතේ සිට මෙහෙයුම අවසන්ව යලිත් ගොඩ බසිනාතෙක් සිය රේඩියෝ යන්ත්‍ර භාවිතා නොකරමින් "radio silence" නම් උපායමාර්ගය අනුගමනය කරන්නේ සතුරාට තම රේඩියෝ පණිවිඩ වලට සවන්දීම ඔස්සේ තමන්ව හඳුනාගැනීමට ඇති අවස්ථාව අහිමිකිරීමටයි.


Vimana Technology 13
රූපාකර්ෂන - මේකත් අධිතාක්ෂණික උපකරණයක්. වෙනත් යානා තුල සිදුවන දේවල් රූපවාහිනී තිරයක් මතට ගෙන දර්ශනය කිරීමේ හැකියාව මේ යන්ත්‍රයට තිබිලා තියෙනවා. අතීතයේදි මෙහෙම නිර්මාණ කොහොම කලාද කියලා මට නම් හිතාගන්නත් අමාරුයි.

ක්‍රියාග්‍රහණ - විමානය ගුවනේ තිබෙන විටදී පොළොවේ සිදුවෙන දේවල් නිරීක්ෂණය කිරීමේ තාක්ෂණය මෙසේ හැඳින්වෙනවා. මෙය කර තිබෙන්නේ මෙහෙමයි. මුලින්ම යානය පතුලේ පිහිටි යතුරක් භාවිතා කර සුදු පැහැති තිරයක් දර්ශනය වීමට සලස්වනවා. ඉන්පසුව යානයේ ඊශාන කොටසේදී විශේෂ අම්ල වර්ග තුනක් විද්‍යුත් ආරෝපණයකට ලක්කර හිරු එලිය සමග මිශ්‍ර කර 'ත්‍රී ශීර්ෂ' නම් දර්පනයට සම්බන්ධ නාලයක් හරහා යවා ඉහත කී තිරය දර්පනයක් බවට පත් කරනවා. එවිට එම දර්පනය මත පොළොවේ සිදුවන දේවල් දර්ශනය වුණාලු.

Gun camera, Thermal Camera (Infrared), Night vision

පහත ඡායාරූප වචනවලට වඩා හොඳින් මේ තාක්ශණය විස්තර කරනු ඇත.



 Vimana Technology 14

දික්ප්‍රදර්ශන - විමානය ඉදිරියේ පිහිටි යතුරක් මගින් 'දිශාම්පති යන්ත්‍ර' නම් යන්ත්‍රය ක්‍රියාත්මක කර සතුරු යානා පැමිණෙන දිශාව කල්තියා දැනගැනීමේ ක්‍රමය මෙසේ හැඳින්වේ.

මෙය රේඩාර් තාක්ශණය මිස අන් කවරක්ද?











9 comments:

MQ-9 Reaper: ලොව බලසම්පන්නම නියමුවන් රහිත ප්‍රහාරක යානය



2005 නොවැම්බර් 30වැනිදා අලුයම් කාළයේ, පකිස්ථානයේ ගෝත්‍රික ජනාවාස වලින් යුතු වසිරිස්ථානයේ ඈත පිටිසර පෙදෙස පිහිටි නිවසක් එක්වරම පුපුරා ගියේය. හදිසියේම ඇතිවුනු දැවැන්ත පිපිරීමෙන් මුළු නිවසම විනාශ වුනු අතර එහි ලැගුම්ගෙන සිටි පස්දෙනෙක් මිය ගොස් තිබුණා. කටින් කට පැතිරුණු කටකතාවලින් කියැවුනේ නිවසේ ගබඩා කොට තිබූ පුපුරණ ද්‍රව්‍ය හදිසියේම පුපුරාගිය බවයි. මේ අතර නිවස අසල පදිංචි පිරිස් අහසේ සිටි එල්ලවුනු මිසයිලයක් නිවසට වැදී පුපුරාගිය බවට සහතික වන්නට වුනා.

නිවසේ ලැගුම් ගෙන සිටියවුන් ගැන පරීක්ශණ පැවැත්වූ පාකිස්තානු රහස් ඔත්තු සේවයේ නිළධාරීන් එම නිවසේ බින් ලාඩන්ගේ අල් ඛයිඩා සංවිධානයේ
එවක තුන්වැන්නා හා අන්තරජාතික මෙහෙයුම් වල ප්‍රධානියාව සිටි අබු හම්සා රාබියා නම් ත්‍රස්ථවාදී නායකයා මිය ගියවුන් අතර සිටි බව සනාථකලා. එහෙත් හදිසියේම නිවස පුපුරාගියේ කෙසේදැයි යන්න ගැන පැහැදිලි පිලිතුරක් පාක්සිථාන රජය මගින් ලබාදුන්නේ නෑ.

සති කිහිපයකට පසුව හෙලිවුනේ අමෙරිකන් සී.අයි.ඒ සංවිධානය මගින් මෙහෙයවූ නියමුවන් රහිත රීපර් යානයකින් එල්ල කරන ලද "හෙල් ෆයර්" වර්ගයට අයත් මිසයිලයකින්  අබු හම්සා ඇතුලු පිරිස මිය ගිය බවයි.

ගුවන් ගතවෙන රීපර් යානයක්
තාක්ශණික දත්ත

  • දිග - 8.23m
  • අත්තටු දෙකෙලවරට පලල - 14.84m
  • ගෙනයා හැකි මිසයිල හා බෝම්බවල මුලු බර - 4899Kg
  • එන්ජිම - හනීවෙල් සමාගම නිපදවන ටර්බෝ-ප්‍රොප් වර්ගයේ අවර-පෙති එන්ජිමකි
  •  සාමාන්‍ය පියාසර උස (Cruising Altitude)15,240m (15.2Km)
  • මෙහෙයුම් පරාසය (Range) - මූලස්ථානයේ සිට නාවික සැතපුම් 1000 (1000Nm)
  • උපරිම බර රැගෙන ගුවනේ රැඳීසිටි හැකි කාළය (Endurance) - 30 hours
  • පියාසර වේගය - 400km/h
  • ආයුධ - AGM-114 Hellfire වර්ගයේ මිසයිල 14ක් හෝ හෙල්ෆයිර් මිසයිල 4 හා කිලෝ 230ක් බර ලේසර් මගින් ඉලක්ක කල හැකි බෝම්බ දෙකක්ද ගෙනයා හැක. මීට අමතරව AIM-9 Sidewinder වර්ගයේ මිසයිල හා හෙල්ෆයර් මිසයිල වල එකතුවක්ද ගෙනයා හැකිය.
    මිසයිල වලින් සන්නද්ධ කරන ලද රීපර් යානයක්

    මෙහෙයුමකින් පසු ස්වයංක්‍රීයව කඳවුරට ගොඩ බසින රීපර් යානයක්
    අමෙරිකාවේ ජෙනරල් ඇටොමික්ස් නම් සමාගම නිශ්පාදනය කරන රීපර් යානයකට ගුවන් ගතවීම, ඉලක්කය වෙත පියාසර කිරීම, ඉලක්කය නිරීක්ශණය කරමින් ගුවනේ රැඳී සිටීම (target tracking), ලේසර් කිරණ මගින් ඉලක්කය ආලෝකමත් කිරීම (laser designation of targets) හා මෙහෙයුම අවසානයේ නැවත ගොඩ බැසීම ස්වයංක්‍රීයවම සිදුකල හැකියි. එහෙත් රීපර් යානයක් ගුවන් ගත වන මොහොතේ සිටිම පුහුණු නියමුවන් දෙදෙනෙකුගෙන් යුතු කාර්ය්‍ය මණ්ඩලයක් එහි ක්‍රියාකාරිත්වය නිරීක්ශණය කරමින් සිටින අතර ප්‍රහාර එල්ලකිරීම සම්පූර්ණයෙන්ම මෙහෙයුම් මැදිරියේ සිටින නියමුවන් හට පවරා තිබෙනවා. මීට අමතරව ඕනෑම මොහොතක යානයේ පාලනය සියතට ගැනීමට නියමුවන් හට හැකියාව තිබෙනවා.

    හෙල්-ෆයර් මිසයිලයක් මුදාහරින රීපර් යානයක්

    රීපර් යානයේ පාලන මැදිරිය : මෙහි සිට නියමුවන් හට සැතපුම් දහස් ගණනක් ඈත යුධබිමක් නිරීක්ශණය කල හැකි අතර, ඉලක්ක තෝරා බේරාගෙන ප්‍රහාර එල්ලකිරීමටද පුළුවන.



    3 comments:

    ශ්‍රී ලාංකිකයෙකු අතින් නිමැවෙන රසදිය සුළි එන්ජිමක් හා ස්පන්ධන ප්‍රස්ඵෝටන එන්ජින් සහිත ප්‍රහාරක යානයක්??

    අද ගොසිප් 9 වෙබ් අඩවියේ අපූරු ලිපියක් පලවී තිබේ. "දඬුමොණර තාක්‍ෂණයෙන් 2016 දී ශ‍්‍රී ලාංකිකයෙක් උඩුගුවන ජයගනියි" යන ශ්‍රීර්ෂපාඨයෙන් හඳුන්වාදුන් මෙම දිගු ලිපියේ "පී.ඒ.වික‍්‍රමතුංග" නම්වූ අපේ ශ්‍රී ලාංකේය විද්‍යාඥයෙකු රසදිය සුළි එන්ජිමක් හා ස්පන්ධන ප්‍රස්ඵෝටන එන්ජින් 2කින් යුතු ( Mercury Vortex Engine හා Pulse Detonation Engine) නම්වූ 7වැනි පරම්පරාවේ ප්‍රහාරක යානයක් නිමවමින් සිටිනා බව දක්වා තිබුණි. මෙම යානය හයිටල් ලෙස නම්කර ඇති බව සඳහන් කොට තිබූ අතර රූපසටහනකුත් දක්වා තිබුණි.




    උපුටාගැනීම gossip9.com (සියලු හිමිකම් රූපසටහනේ මුල් අයිතිකරුවන් සතුය )

    තොරතුර සැබෑවක් නම් ශ්‍රී ලාංකිකයින් ලෙසට අප ඉතාමත් සතුටුවිය යුතුය. අපේ මිනිහෙක් මෙවැනි අසමසම නිර්මාණයක් කරන්වා යන්න, සිංහලෙන් විද්‍යා දැනුම බෙදාදෙන්නට පෞද්ගලික කාළය හා ශ්‍රමය කැපකරන, විද්‍යාව හා තාක්ශණයට කුඩා කල සිටිම ඉමහත් ලෙස ඇලුම් කල මා වැන්නෙකුට ඉමහත් සතුටකි. අමෙරිකානුවන්ගේ, රුසියානුවන්ගේ, චීනුන්ගේ, ජපනුන්ගේ විද්‍යා තාක්ශණ හපන්කම් ලියමින් වෙබ් පිටු පුරවන මට අපේ මිනිහෙකුගේ හපන්කමක් ලියන්නට ලැබෙන්නේ වියසිදුරෙන් අහස බලන්නට ලැබෙන කැසබුවා මෙන් විරල අවස්ථාවකි. එබැවින් මේ gossip9 ලිපිය දෙතුන් වතාවක් මුල සිට අගට කියවූයේ ඌණ පූරණ සපයා ලිපියක් ලියන අදහසිනි. එහෙත් මෙම ලිපිය කියවන වාරයක් පාසා මීට කලකට ඉහතදී වතුරෙන් දුවන එන්ජිමක් තැනූ බව කියමින් ආයෝජකයින් පවා රැවැට්ටූ අපේ එකා සිහිවන්නට විය.

    අපේ විද්‍යාඥයා නිර්මාණය කරනවා යයි කියන මේ හයිටල් ප්‍රහාරක යානයේ තාක්ශණය පිලිබඳව ගැටලු කිහිපයක්ම ඇත.

    1] Mercury Vortex Engine

    මොකක්ද මේ මර්කරි වෝටෙක්ස් එන්ජිම (රසදිය සුලි එන්ජිම)?  ලිපියේ පවසන ආකාරයට මෙය රාවණ රජුගේ දඬුමොණර තාක්ශණයයි. එය ටිබෙටයේ ඉපැරණි බෞද්ධ ලාමා පන්සලක තිබූ හමුවූ පොත් කිහිපයක තිබූ බවත් චීනය ටිබෙටය ආක්‍රමණය කිරීම මෙම තාක්ශණය ලබාගැනීමට හේතුවක් බවත් කියැවේ. මේ කරුණුවල ගැටළු රාශියක් ඇත. ඔබ History Channel නාලිකාවේ සුප්‍රකට "Ancient Aliens" වාර්තා චිත්‍රපට මාලාව නරඹා ඇත්නම් එහි වැඩසටහන් ගණනාවකම මේ කියන මර්කරි වෝටෙක්ස් එන්ජිම පිලිබඳ කතාබහ වූ බව ඔබට මතක ඇති. 

    මර්කරි වෝටෙක්ස් එන්ජිම නමින් බටහිරයන් නම් තබා ඇති, රසදිය ආධාරයෙන් ප්‍රචාලන ශක්තිය ලබාගත්තායයි පැවසෙන "විමාන" නම් යානා ගැන පැරණි භාරතයේ වේද ග්‍රන්ථවල සඳහන් වනබව "ඒන්ෂන්ට් ඒලියන්" වැඩසටහනෙහි පුණ පුනා පැවසේ. මෙම තාක්ශණය පුරාණයේදී මහා භාරතයේ විසූ/ගවිෂණය කල පිටසක්වලයින්ගේ යානා වල විස්තරයක් බව ඒන්ෂන්ට් ඒලියන් වැඩසටහන මගින් තර්කයක් ඉදිරිපත් කරයි. 

    ඒන්ෂන්ට් ඒලියන් වැඩසටහන් මාලාව ගොඩනගන තර්කයේ හරිවැරැද්ද කෙසේවෙතත් රසදිය බලයෙන් පියාසර කරන පියාසර යානා ගැන අප දන්නා වාර්තා ලැබෙන්නේ, ඒන්ෂන්ට් ඒලියන් වැඩසටහන් මාලාවෙන්ද විස්තර කරන පරිදි, භාරතයේ ර්ර්‍ග් වේදයෙන්ය. මේ සඳහා සාක්ශි අන්තර්ජාලයේ ඕනෑතරම් ඇත. පුරාණ තිබ්බතයේ ග්‍රන්ථවලින් මෙවැනි පියාසර යානා පිලිබඳව විස්තර ලැබී ඇතිබවක් සොයාගන්නට නැත.



    2] Area 51 & TR-3B


    ඉන්පසු ලේඛකයා සුප්‍රකට ඒරියා 51 හිදී මේ තාක්ශණය අමෙරිකාව මගින් අත්හදා බැලූබව පවසයි. ඒරියා 51දී මෙම පර්යේෂණ පැවැත්වූ බව ලේඛකයා ස්ථිරව පවසන්නේ කෙලෙසදැයි පැහැදිලි නැත. (ඒරියා 51දී නිපැදවූ බවට හෝ අත්හදා බැලූබවට ස්ථිරව ප්‍රකාශ කල හැකි තාක්ශණයක් ගැන තොරතුරු නැති අතර ඇත්තේ අරයා මෙයා කිව්වා යයි කියන කටකතා පමණකි )

    එමෙන්ම ඒරියා 51 අත්හදා බැලූ තාක්ශණයක් ශ්‍රී ලාංකිකයෙකු අතට පත්වන්නේ මේ කියන ශ්‍රී ලාකේය විද්‍යාඥයා ඒරියා 51 පර්යේශණවලට සහභාගීවූවෙකු නිසාද නැතිනම් පැරණි පොතපත කියවා මේ තාක්ශණය ඔහු තනිවම නිපදවූවාදැයි යන්නත් පැහැදිලි නැත.

    මෙම ඒරියා 51 විස්තරයේ තවත් විකෘතියක් ඇත. එනම් ඒරියා 51දී මෙම රාවණ තාක්ශණය (එනම් ර්ර්‍ග් වේදයේ එන රසදිය ඇන්ජිම) TR-3B වර්ගයේ පැරණි ගුවන්යානයකට සවිකොට අත්හදාබැලූබව සඳහන් කිරීමයි. අලුත් ඇන්ජින් පැරණි යානා වලට (එනම් ක්‍රියාකාරිත්වය පිලිබඳ හොඳ විශ්වාසයක් ඇති යානා වලට)  සවිකොට පියාසර පරීක්ශණ (flight test) පැවැත්වීම අලුත් දෙයක් නොවේ. එහෙත් ගැටලුව ඇත්තේ මේ කියනා TR-3B යානය පිලිබඳවයි. ගූගල් සෙවීමකදී මේ යානයේ ඇත්ත කතාව හෙලිවිය. මෙය පැරණි යානයක් නොව ඇමරිකාවේ ස්ථාන කිහිපයක දර්ශණය වී ඇති, තුන්හුලස් හැඩයක් ගන්නා බවට විශ්වාස කෙරෙන හඳුනා නොගත් පියාසර වස්තුවකි (එනම් යූ,ඇෆ්.ඕ එකකි). මෙය අතිශය රහසිගත ගුවන්යානා ව්‍යාපෘතියක නිර්මාණයක් බව පැවසේ. යානයේ යයි සැක කෙරෙන ඡායාරූපයක් හා අදාල විස්තරයක් පහත දැක්වේ.

    SOURCE : http://www.darkgovernment.com/news/tr-3b/
    මෙම විස්තරයේ ඇති තවත් අපූර්වයක් නම්, TR-3B යානයට සවිකල මෙම රාවණ ඇන්ජිම පසුව මෝටර් රථයකටද සවිකල බව පැවසීමයි. ගුවන්යානා එන්ජිමක් කාර් එකකට සවිකලේ මොන අන්දමේ තාක්ශණික අත්හදා බැලීමකටදැයි පැහැදිලි නැත. සමහර විට ඒරියා 51 විද්‍යාඥ නඩයම රවුමට බිම ඉඳගෙන ගන්ජා සුරුට්ටුවක් අතිනත යැවූ දිනයක මෙවැනි "පරීක්ශණයක්" කරන්නට ඔවුනට සිතෙන්නට ඇත. එහෙත් පුදුමයට කාරනය නම් TR-3B නමින් පැරණි ට්‍රයම්ප් වර්ගයේ කාර් රථ මාදිලියක්ද තිබෙන බවට විකිපීඩියා ඇන්ට්‍රියක් තිබීමයි!

    3] Hytle 7th Gen Strike Fighter

    අප ලාංකේය විද්‍යාඥයා නිර්මාණය කරන යානය හයිටල් ලෙස හඳුන්වන බව පවසයි. රාවණ මහ නිරිඳාගේ දඬුමොනර යානය ආභාශයට ගත් මෙම යානය හයිටල් වැනි නට්සි ජර්මන් උරුවක් ඇති නමකින් හඳුන්වන්නට සිතුවේ ඇයිදැයි යන්න ගැන විචිකිච්චාවක් ඇතත්, ඊටවඩා බරපතල ගැටලු හයිටල් යානා විස්තරයේ ඇත.

    යානයේ එන්ජින් 3ක් ඇති බවත්, එකක් රසදිය ඇන්ජිම බවත් අනෙක් දෙක පල්ස් ඩෙටොනේශන් එන්ජින් (PDE) වර්ගයේ ඒවා බවත් පැවසේ. රසදිය ඇන්ජිම ක්‍රියාකාරී නම් පල්ස් ඩෙටොනේශන් ඇන්ජින් කුමකටදැයි සාධාරණ පැණයක් නැගිය හැකිය. රසදිය ඇන්ජිමට උඩට පහලට පැත්තට යන්නට හා පල්ස් ඇන්ජිම මක් 5-10 වේගයෙන් යන්නට බව විස්තරයේ පැවසේ.  එනම් රසදිය ඇන්ජිමට වේගයෙන් යා නොහැකි බව අනුමාන කල හැකිය. එහෙත් රසදිය ඇන්ජිමේ මුල් විස්තරය අනුව එය ග්‍රහලෝක අතර පවා ගමන් කල හැකි යානා වල ඇති එන්ජිමකි (පුරාණ ටිබෙට් පොත්පත් වලට අනුව - ර්‍රග් වේදයට අනුව රසදිය ඇන්ජින් ඇති යානා දෙවිවරුන්ගේ විමානයි - රාම කුමාරයාටද එකක් තිබූ බව කියැවේ).  එවැනි එන්ජිමක් ඇති යානයකට තව පල්ස් ඩෙටොනේශන් එන්ජින් දෙකක් සවිකිරීම ෆෙරාරි එන්ජිමක් ඇති Anzo Ferrari කාරයක වේගය වැඩි කිරීමට තව මෝටර් සයිකල් එන්ජින් දෙකක් දෙපැත්තෙන් එල්ලීමක් වැනි යයි මට සිතේ.

    පල්ස් ඩෙටොනේශන් එන්ජින් තාක්ශණය තවමත් ඉතා ළදරු අවදියේ තිබෙන තාක්ශණයකි. 2008 වසරේ මුල්වරට අත්හදා බැලුනු මේ පල්ස් ඩෙටොනේශන් එන්ජිමක් සහිත යානයක් එම ඒන්ජිමේ බලයෙන් පියාසරකල මුලු කාළය තත්පර 10ක් පමණය. පියාසර කොට ඇත්තේ අඩි 100ක උසකිනි! එන්ජිම විසින් සපයන ලද උපරිම පීඩනය නිව්ටන් 200කි!

    මෙය සසඳා බලන කල මිග් 29 යානයක කිල්මොෆ් වර්ගයේ ජෙට් එන්ජින් 2ක් ඇති අතර එක් එන්ජිමකින් දෙන සාමාන්‍ය පීඩනය නිව්ටන් 50,000කි. එන්ජින් දෙකෙන් දෙන නිව්ටන් 100,000ක පීඩනයෙන් මිග් 29 යා හැක්කේ මක් 2කට අඩු සාමාන්‍ය වේගයකිනි. (උපරිම මක් 2.25)

    ඒ අනුව මක් 5ක වේගයකින් යා හැකි පීඩනයක් ප්‍රායෝගිකව දිය හැකි පල්ස් ඩෙටොනේශන් එන්ජිමක් නිර්මාණයවීම 2016ට වඩා බොහෝ සෙයින් කල්ගතවන ව්‍යායාමක් බව නිසැකය.

    වරද කොතනද?



    අපගේ හයිටල් යානයට බලය දෙන රසදිය එන්ජිම රිග් වේදයේ හා ඒරියා 51 ඇති අතර පල්ස් ඩෙටොනේශන් එන්ජිම තවමත් බයිසිකල් තත්වයෙනුත් පහල ට්‍රයිසිකල් මට්ටමේ ඇත. එබැවින් එම යානයේ අඩංගු යයි කියවෙන අනෙකුත් තාක්ශණයන් පිලිබඳ විස්තර පසුවට තැබිය හැකිය.

    කොතනක කුමක් හෝ වරදක් සිදුවී ඇත.

    වැරදුනේ මට යයිද අප හෙල විදුදරුවාගේ සුපිරි හයිටල් යානයේ පරීක්ශණ පියාසැරිය අනාවැකිය පරිද්දෙන්ම 2016/2018 වසරවලදී සිදුවේවායයිද ශ්‍රී ලාංකිකයෙකු ලෙස මම උදක්ම ප්‍රාර්ථනා කරමි. සමහරවිට මේම යානය තනන විදුදරුවා මේ සියලු ගැටලු ලඟදීම නිරාකරණය කරනු ඇත.


    16 comments:

    රුසියාවෙන් එන අලුත්ම රුසියා: මරුස්යා B2 සුපිරි රේසින් කාරය


    මරුස්යා බී, රුසියාවේ නිර්මාණය කරන ලද පලමුවන සුපිරි කාරයයි. මෙහි නවතම මාදිලිය වන B2 මෑතකදි එලි දැක්වුනු අතර මෙය නිර්මාණය කරන ලද මරුස්යා සමාගම පවසන පරිදි ඔවුන් මෙම මාදිලියේ නිශ්පාදනය කාර් රථ 500කට සීමා කරන බව පවසන අතර, යුරෝ 100,000කට මිලකොට ඇති මෙම කාර් 500ම සඳහා මේ වනවිට ඇණවුම් ලැබී ඇති බවද සමාගම පවසයි.

    තාක්ශණික තොරතුරු

    එන්ජිම

    ලීටර් 2.8 V6 ටර්බෝ එන්ජිම
    අශ්වබල 420

    චැසිය

    සෙමි-මොනොකෝක් තාක්ශණයට අනුව නිර්මාණය කල ඇලුමිනියම් චැසිය

    ඉන්ධන

    ඔක්ටේන් 95 පෙට්‍රෝල් (ලීටර් 80 ධාරිතාවයේ ඉන්ධන ටැංකිය)

    වේගය

    0 සිට පැ.කි. 100ක වේගයක් තත්පර 3.2දී ලබාගත හැකිය
    උපරිම වේගය පැ.කි. 250







    3 comments:

    යුධ සෙබළුන්හට යෝධ බල දෙන robotic exo-skeleton හෙවත් යාන්ත්‍රික පිට සැකිල්ල


    ඔබ ජේම්ස් කැමරන්ගේ අවතාර් (Avatar) චිත්‍රපයට නරඹා ඇතිවාට සැක නැත. පෘථිවියට ආලෝක වර්ෂ 4.37 ඈතින් පිහිටි ඇල්ෆා සෙන්ටෝරි නම් සෞරග්‍රහ මණ්ඩලයේ ඇල්ෆා සෙන්ටෝරි සූර්යයා වටා බ්‍රමණය වන පොලිෆීමස් නම් බ්‍රහස්පතී වැනි යෝධ ග්‍රහයෙකි. බ්‍රහස්පතීට මෙන්ම පොලිෆීමස් ග්‍රහයාටද චන්ද්‍රයින් ගණනාවක් ඇති අතර පැන්ඩෝරා ඉන් එක් චන්ද්‍රයෙකි. නාවී නම් මනුශ්‍යරූපී (humanoid) බුද්ධිමත් ජීවීන් වාසය කරන මෙම ග්‍රහලෝකයේ "උනොබ්ටේනියම්" නම් සුපිරි සන්නායක මිශ්‍ර ලෝහය විශාල වශයෙන් හමුවේ. අතිශය දුර්ලභ ලෝහයක් වන "උනොබ්ටේනියම්" වල ඇති සුපිරි සන්නයක ගුණය නිසා එය මනුශ්‍ය වර්ගයාට ඉතා වටිනා වන අතර පැන්ඩෝරා ග්‍රහලෝකයේ "උනොබ්ටේනියම්" උකහා ගැනීමේ පතල් කර්මාණ්තය ආරක්ශා කිරීමට යෙදවූ කොමාන්ඩෝ භට ඛන්ඩයක් හා පැන්ඩෝරා වැසියන් වන නාවි අතර ඇතිවෙන ගැටුම අවතාර් චිත්‍රපටයට පාදක වී ඇත. 

    වර්ශ 2154දී දිගහැරෙන මෙම කතාවස්තුවේ දැනට ප්‍රබන්ධ ලෙස ගතහැකි නවීන අධිතාක්ශණික උපකරණ, අවිආයුධ හා යන්ත්‍රසූත්‍ර භාවිතා කරයි. මෙම මිනිස් භටකණ්ඩායම අධික බර ඔසවාගෙන යාමටත්, රුදුරු වනසතුන් වෙසෙන පැන්ඩෝරා ඝණ වනාන්තරවල නිරුපද්‍රිතව ගමන් කිරීමටත්, සටන් වැදීමටත් "Amplified Mobility Platform" හෙවත් Amp Suit නම් යන්ත්‍රයක් භාවිතා කරයි. 

    අවතාර් චිත්‍රපටියේ ඇම්ප් සූට් යන්ත්‍රය
    මෙම යන්ත්‍රයට ඇතුලුවෙන ක්‍රියාකරුවා යන්ත්‍රයේ ඇති සංවේදක සිය සිරුරට සවිකරගත් විට යන්ත්‍රයේ ඇති පරිගණක මෙහෙයුම් කරුවාගේ අතපය චලනයවීම් හා මස්පිඩු චලනය වීම් හඳුනාගෙන යන්ත්‍රයේ අතපය ඒ ආකරයට මෙහෙයවයි. යන්ත්‍රය ක්‍රියාකරවන්නා එය තුල සිටිමින් සිය සුරත එසවූවිට එම චලනය හඳුනාගන්නා පරිගණක යන්ත්‍රයේ රොබෝ සුරතද ඒ අනුප්‍රමාණයෙන් ඉහලට ඔසවයි. ඒ අනුව යන්ත්‍රය එය තුල සිටිනා ක්‍රියා කරුවා සිදුකරන සෑම චලනයක්ම නිවැරදිව අනුකරනය කරයි. 

    පැන්ඩෝරා කොමාණ්ඩෝ බළකායේ අණදෙන නිළධාරී කර්නල් ක්වරිට්ක් ඇම්ප් යන්ත්‍රයක් ක්‍රියාත්මක කිරීමට සැරසෙමින්.
     මෙවැනි යන්ත්‍ර රොබෝමය පිටසැකිලි හෙවත් ලෙස හඳුන්වන අතර අවතාර් වැනි විද්‍යාප්‍රබන්ධ දකින්නට ලැබුනාට දැනටමත් මෙම එක්සෝස්කෙලීටන් තාක්ශණය අමෙරිකානු යුධ හමුදාව මගින් දියුණකරමින් තිබෙනවා. මෙයින් වඩාත්ම වැඩි දියුණුවට ලක්වී ඇත්තේ Human Universal Load Carrier (HULC) ලෙස හඳුන්වන එක්සෝස්කෙලිටන් නිර්මාණ ව්‍යාපෘතියයි. 

    ප්‍රමුඛ පෙලේ අමෙරිකානු ආරක්ශක සමාගමක් වන ලොක්හීඩ් මාටින් (LockheedMartin Defense Systems) සමාගම මගින් නිර්මාණය කර ඇති මෙම රොබෝ එක්සෝස්කෙලිටන් යන්ත්‍රය මේ වන විට විද්‍යාගාර පර්යේශණ අවසන්කොට ක්ශේස්ත්‍ර පරීක්ශණ මට්ටමට ලඟාවී තිබෙනවා. පහත ඡායාරූප වල දැක්වෙන්නේ අමෙරිකානු සෙබලු HULC යන්ත්‍රය විවිධ ක්ශේස්ත්‍ර පරීක්ශණ වලට බඳුන් කරන ආකාරයයි.


    සැහැල්ලු එහෙත් වානේ මෙන් ශක්තිමත් ටයිටේනියම් වලින් නිපදවා ඇති HULC යන්ත්‍රය හයිඩ්‍රොලික් ඇකියුටේටර් මගින් ක්‍රියාත්මක වේ. යන්ත්‍රයේ ඇති පරිගණකය මගින් එය පැලඳ සිටින්නාගේ ශාරීරික ක්‍රියාකාරකම් නිවැරදිව හඳුනාගෙන යන්ත්‍රයේ දෑත් හා පාදවලට නිවැරදිව විධානයන් දෙන නිසා පලඳින්නාට අපහසුවකින් තොරව එය පැලඳගෙන යා හැකිය. හයිඩ්‍රොලික් ඇකියුටේටර් වලට බලය ලබාදෙන්නේ අධිබල බැටරියක් මගිනි. යන්ත්‍රය නිර්මාණය කොට ඇත්තේ පලඳින්නාට රාත්තල් 200ක් බරක් (කිලෝග්‍රෑම් 90ක් පමණ) සැතපුම් 20ක් වැනි දුරක් යා හැකි ලෙසය. මෙම බර ප්‍රමාණය කෙතරම්දැයි අවබෝධ කරගැනීමට සිමෙන්ති කොට්ට්යක බර කිලෝග්‍රෑම් 50ක් බව සලකන්න. එනම් HULC යන්ත්‍රය සෙබලෙකුට යුධ බිමක් මැදින් සිමෙන්ති කොට්ට දෙකකට ආසන්න බරක් රැගෙන සැතපුම් 20ක දුරක් පහසුවෙන් යාමට උපකාර කරයි. පලඳින්නා ගෙනයන බර යන්ත්‍රය මගින් දරාගන්නා අතර එය පලඳින්නාට වෙර දරන්නට නොසිදුවෙන ලෙස නිර්මාණය කොට ඇත.

    HULC නිර්මාපකයා වන රේතියෝන් සමාගම පවසන ආකාරයට මෙම යන්ත්‍රය පැළඳගත් සෙබලෙකුට සාමාන්‍ය ආකාරයට ඇවිදීමට, පැනීමට, බඩගාගෙන යාමට, කඳු නැගීමට හා ඇණ තබාගෙන සිටීමට හැකියාව ඇත.

    අමෙරිකන් යුධහමුදාව දැනට HULC පද්ධතියේ මෙම හැකියාවන් යුධ තත්වයන් යටතේ ක්‍රියාකරන ආකාරය පිලිබඳව දැඩි ලෙස පරීක්ශාවට බඳුන්කරන අතර HULC පද්ධතිය පැලඳගත් සෙබලුන් හා එවා පැලඳ නොගත් සෙබලුන් හට එකම ප්‍රමාණයේ බරක් රැගෙන එකම දුරක් යුධ බිමක් මැදින් ගමන් කිරීමේදි HULC පැලැඳගෙන සිටින්නාට ලැබෙන වාසි මොනවා දැයි සොයා බැලේ. විශේෂයෙන්ම සෙබලුන්ගේ ඔක්සිජන් භාවිතය, මාංශපේශීවල විඩාව, තෙහෙට්ටුව යන කරුණු පරික්ශාවට බඳුන් කරන අතර HULC පැළඳගෙන සිටින සෙබලුන් හට මේ අංශ වලටදී විශේෂ වාසි ඇත්දැයි සොයා බැලේ. දැනට ලැබී ඇති දත්ත අනුව HUළ්C පද්ධතිය යුධ සෙබලෙකු භාවිතාකරන ඔක්සිජන් ප්‍රමාණය 15% අඩු කිරීමට සමත්ය. ඔක්සිජන් භාවිතය අඩුවීම යනු සෙබලෙකු ගන්නා ආයාසය අඩුවීමකි. මෙය යුධබිමේ දී සෙබලෙකු අත්විඳින තෙහෙට්ටුව මගහරවා ගැනීමට විශාල උපකාරයකි.

    මීට අමතරව HULC පද්ධතියේ බල සැපයුම පැය 72ක් දක්වා (දැනට පැය 20කි) වැඩිකරගත fuel cell හැකි නම් තාක්ශණයක් අත්හදා බලමින් තිබේ.

    HULC පද්ධතියේ ක්‍රියාකාරිත්වය විස්තර කෙරෙන ලොක් හීඩ් මාටින් සමාගම නිකුත්කල නිල වීඩියෝව නරඹන්න.

     රේතියෝන් සමාගමේ XOS2


    XOS2
     HULC එක්සෝස්කෙලිටන් ව්‍යාපෘතියට සමගාමීව තවත් අමෙරිකානු ආරක්ශක නිර්මාණ සමාගමක් වන රේතියෝන් සමාගම නිර්මාණය කරන XOS2 (eXOSkeleton2) පිටසැකිල්ල. මෙය පැලඳගත්විට යුධ සෙබලෙකුට සිය සාමාන්‍ය ශරීර ශක්තිය මෙන් 17ත් ගුණයක ශක්තියක් ලැබෙන බව පැවසෙනවා.












    0 comments:

    පාහියන්ගල මානවයා එංගලන්තයට යයි

    පාහියංගලින් හමුවූ ආදිමානව අවශේෂ පිලිබඳව පුවත්පත් හා වෙබ් අඩවි කිහිපයක පලවුනු ප්‍රවෘත්තිවල එකතුවක්...
    Photos Courtsy : Lanka e News
    පාහියන්ගල මානවයා එංගලන්තයට යයි....

    (ලංකා-ඊ-නිව්ස් -2012.ජූලි.02-ප.ව.2.30) පසුගියදා බුලත්සිංහල පාහියන්ගල ලෙන් සංකීර්ණයෙන් සොයාගත් ප්‍රාග් ඓතිහාසික මානව ඇටසැකිල්ල එංගලන්තයට ගෙන යෑමට සූදානම් වේ.

    මේ ගැන පරීක‍ෂණ කිරීමට ශ්‍රී ලංකාවේ පහසුකම් නොමැති බැවින් එංගලන්තයේ කේම්බි්‍රජ් සරසවියේ මානව විද්‍යා අංශයේ පර්යේෂකයන් පිරිසක් පැමිණ ඇති අතර ඔවුන් විසින් මෙම සම්පූර්ණ ඇටසැකිල්ල එම සරසවිය වෙත ගෙන යෑමට කටයුතු යොදා තිබේ.

    පාහියන්ගල ලෙනේ පැරණිම පස්තට්ටුවෙන් හමුවූ මෙම මානව ඇට සැකිල්ල වසර 37000 ක් පැරණි බව දළ වශයෙන් සඳහන් කර තිබේ. එය කාන්තාවකගේ ඇට සැකිල්ලක් යැයි පළවූ මාධ්‍ය වාර්තා අසත්‍ය යැයි පුරා විද්‍යා සහකාර අධ්‍යක‍ෂ ආචාර්ය නිමල් පෙරේරා මහතා පවසයි.

    " මෙම එංගලන්ත පර්යේෂකයන් කණ්ඩායම අද ආවා. දැන් මූලික පර්යේෂන කටයුතු සිදුකරගෙන යනවා. මෙහි ප්‍රධාන අරමුණ ලංකාවේ බලංගොඩ මානවයා, සහ ආසියාවේ මානවයා ගැන පුරාවිද්‍යාත්මක තොරතුරු ලබා ගැනීමයි. මේ ඇට සැකිල්ලෙන් විවිධ පරීක‍ෂණ සඳහා නියැදි ලබා ගත හැකියි. යුරෝපයේ පර්යේෂණාගාර වල එය සිදුකරනවා. එයින් මේ මානවයාගේ ජීවිතය ගැන ස්ථීර තොරතුරු ලබා ගත හැකියි" ආචාර්ය නිමල් පෙරේරා පැවසීය. "

    පාහියන්ගල මානවයාගේ අස්ථි කාබන් පරික්ෂාවට


    (SRI LANKA MIRROR) පාහියන්ගල කැණීම්වලදී නොබෝදා සොයා ගත් මිනිස් අස්ථි පද්ධතිය වසර 37,000ක් තරම් පැරණි විය හැකි බවට සැක කරන බවත්, ඒ සඳහා කාබන් 14 පරීක්‍ෂණයක් සිදු කළ යුතු බවත් පුරාවිද්‍යා අධ්‍යක්‍ෂ ජනරාල් ආචාර්ය සෙනරත් දිසානායක මහතා පවසයි.

    ප්‍රාග් ඓතිහාසික යුගයට අයත් බලංගොඩ මානවයාගේ බවට සැලකිය හැකි පාහියන්ගල පුරාවිද්‍යා කැණීම්වලදී සොයා ගනු ලැබූ මෙම මිනිස් අස්ථි පද්ධතිය මෙතෙක් දකුණු ආසියාවෙන් හමුවූ පළමු සම්පූර්ණ අස්ථි පද්ධතිය වේ.

    පුරාවිද්‍යා අධ්‍යක්‍ෂ ජනරාල්වරයා, පුරාවිද්‍යා විශේෂඥ ආචාර්ය ශිරාන් දැරණියගල, නියෝජ්‍ය පුරාවිද්‍යා අධ්‍යක්‍ෂ ජනරාල් ආචාර්ය නිමල් පෙරේරා යන මහත්වරුන් ඊයේ(19) පාහියන්ගලට පැමිණ මෙම අස්ථි පද්ධතිය පරික්‍ෂාවට ලක් කර ඇත.

    මෙම මානව සිරුර දැනට සිදු කර ඇති නිරීක්‍ෂණ අනුව අදින් වසර 37,000කට පෙර පොළෙවේ වළ දමා ඇති මළ සිරුරකි.

    අදාළ ලෙන ඇතුලත වළක් හාරා එම සිරුර වළ දමා තිබේ. ඉන් අනතුරුව සිරුර මතින් ගල් දෙකක් ද තබා ඇත. මෙම මිනිස්  අස්ථි පද්ධතියේ ඉරියව් අනුව ඔහුගේ එක් කකුලක් අනෙක් කකුල මත තබා ඇති ආකාරය පෙන්නුම් කරයි.

    එම අස්ථි පද්ධතිය පිළිබඳව ස්වාධීන පරීක්‍ෂණයක් විදෙස් මානව විද්‍යාඥයින් යොදවා සිදු කිරීමට ද නියමිතය.

    එසේම මෙම අස්ථි පද්ධතිය සොයා ගත් පස් තට්ටු ආශ්‍රිතව සත්ව වසුරුද හමුව තිබේ. අස්ථි පද්ධතිය ආශ්‍රිත පස් තට්ටුවල ඇතැම්විට ලේ පැල්ලම්වල සලකුණු හෝ හිස කෙස්ද හමුවන්නට ඉඩ ඇතැයි කැණීම් නිලධාරීන් අනුමාන කරති.

    එසේම කැණීම්වලදී සොයා ගත් මෙම අස්ථි පද්ධතිය එම ස්ථානයෙන් රැගෙන යාමට නොහැකි බැවින් එය සංරක්‍ෂිතව තබා ගැනීමට ආවරණයක් තබා පූර්ණ පොලිස් ආරක්‍ෂාව ලබා දීමට පියවර ගත් බවද පුරාවිද්‍යා අධ්‍යක්‍ෂ ජනරාල් ආචාර්ය සෙනරත් දිසානායක මහතා සඳහන් කළේය.

    මෙම අස්ථි පද්ධතිය පිළිබඳ පරීක්‍ෂණ කටයුතු අවසන් වනතුරු එය නැරඹීමට පැමීණීමෙන් වළකින ලෙස පුරාවිද්‍යා අධ්‍යක්‍ෂ ජනරාල්වරයා ජනතාවගෙන් ඉල්ලීමක් කර සිටියි.


    අවුරුදු දොළොස්දාහක් වයසැති මී මුත්තා

    Photos Courtsy : Lankadeepa | පාහියංගල ලෙන
    Photos Courtsy : Lankadeepa |අලුතින්ම මතුවූ මිනිස් සැකිල්ල

    (2012 ජූනි මස 24 12:39:17 | ලංකාදීප කර්තෘ මණ්ඩලය ) අදින් වසර 38000 ට පෙරාතුව ගින්දර භාවිතා කරමින් මස් හා ගස් ගෙඩි පුච්චා කමින් බුලත්සිංහල පාහියන්ගල ලෙනේ විසූ ප‍්‍රාග් ඓතිහාසික මානවායගේ ජීවන චරිතයේ තවත් පැතිකඩක් පසුගියාදා අනාවරණය විය. ඒ අපේ මුතුන් මිත්තන්ගේ අඛණ්ඩ ඉතිහාසයයි. තුරු මතින් බිමට බැස ශිෂ්ඨාචාරගත වූ මුල් අවධියේ පටන් නූතන දියුණු මිනිසා බවට පත්වන තුරු අඛණ්ඩව පාහියන්ගල ගල්ලෙනේ විසූ නූතන මානවයාගේ පැරණිතම ඥාතියකුගේ සම්පූර්ණ සැකිල්ලක් පාහියන්ගල ලෙනෙන් හමුවීම මානව ඉතිහාසයේ ස්වර්ණමය සොයා ගැනීමකි.

    පාහියන්ගල ලෙනෙන් ප‍්‍රාග් ඓතිහාසික මානවයාගේ අස්ථි කොටස් හමුවූයේ අද ඊයේ නොවේ. අදින් දශක තුනකට පමණ පෙර පටන් වරින් වර එහි කරන ලද කැණීම් වලදී ප‍්‍රාග් ඓතිහාසික මානවයන්  11 දෙනකුගේ යැයි විශ්වාස කළ හැකි අස්ථිමය අවශේෂ වරින් වර හමුව තිබේ.

    එවැනි අස්ථි කොටස් හමුවුව ද මෙවර සම්පූර්ණ ඇටසැකිල්ලක් හමුවීම ඉතාමත්ම වැදගත් සොයා ගැනීමකි.

    කි‍්‍රස්තු වර්ෂ පස්වැනි සියවසේ ශී‍්‍ර ලංකාවට පැමිණියායැයි සැළකෙන පාහියන් නම් භික්ෂුව නවාතැන් ගෙන සිටි ලෙන පාහියන්ගල ලෙන නමින් ව්‍යවහාරයට එක්විය. ඒ බව සනාථ කිරීමට ප‍්‍රමාණවත් සාධක නොමැති මේ ලෙන මෙරට දැකිය හැකි විශාලතම ලෙන බව පිළිගැනීමයි. මුහුදු මට්ටමේ සිට අඩි 400 ක් පමණ ඉහළින් පිහිටා ඇති මෙහි උස අඩි 150 ක් පමණ වේ. අඩි 175 ක් පළලැති මේ ලෙනෙහි ගැඹුර අඩි 280 කි.

    1986-87 කාලයේදී හා 2008-2009 කාලයේදී කරන ලද කැණීම් වලදී මෙහි වසර 38,000 ක් පමණ පැරණි මානව අවශේෂ හමුවී තිබේ.

    පාහියන්ගල ගල්ලෙන පිළිබඳ පුරාවිද්‍යා කැණීම් අධ්‍යක්ෂ ආචාර්ය නිමල් පෙරේරා මහතා මෙසේ කීවේය.

    " පාහියන්ගල කියන්නේ දකුණු ආසියාවේදී නූතන හෝමෝ සේපියන්ස්  මානවායාගේ පැරණිතම සාධක හමුවන ස්ථානය. ඒ නිසා ශී‍්‍ර ලංකාවට පමණක් නොවෙයි මුළු මහත් ලෝකයටම මෙම ස්ථානයේ කරන සොයාගැනීම් වැදගත් වනවා. ආචාර්ය ශිරාන් දැරණියගල මහතා විසින් ආරම්භ කරන ලද ශී‍්‍ර ලංකාවේ ප‍්‍රාග් ඓතිහාසික තොරතුරු සෙවීමේ වැඩපිළිවෙල යටතේ මෙහි හයවන අදියර කැණීම් ආරම්භ කළා. මේ කැණීමේදී තමයි සම්පූර්ණ මානව ඇට සැකිල්ල හමුවුනේ." "

    පුරාවිද්‍යාඥයන් පවසන්නේ 1986 දී එවකට කැණීම් අධ්‍යක්ෂවරයාව සිටි ආචර්ය ඩබ්ලිව්.එස්.විජේපාල මහතා විසින් ප‍්‍රාග් ඓතිහාසික පස් තට්ටු හතරක් විශ්ලේෂණය කැර තිබූ බවයි. අදින් වසර 25 කට පමණ පෙර එම කැණීම් කරන අවධියට වඩා දැන් පුරාවිද්‍යා කැණීම් වලදී භාවිතා කරන තාක්ෂණික ශිල්පිය ක‍්‍රමයන් බොහෝ සෙයින් දියුණු වී තිබේ.

    මෙලෙස ලබා ඇති දියුණුව ප‍්‍රයෝජනයට ගත් පුරාවිද්‍යා දෙපාර්තමේන්තු නිලධාරීහු ආචාර්ය විජේපාල මහතා විසින් විශ්ලේෂණය කරන ලද පස්තට්ටු හතර සියුම් පරීක්ෂණයන්ට භාජනය කරමින් ප‍්‍රාග් ඓතිහාසික පස් තට්ටු 125 කට වෙන්කළහ.

    ‘‘ අදින් වසර 38,000 සිට 4,000 දක්වා වූ පස්තට්ටු හතර ජනාවාස යුග හතරක් විශ්ලේෂණය කර තිබුණත් මෙවර කැණීම් වලින් පස්තට්ටු 125 ක් හඳුනාගැනීමට හැකිවීම ඉතාමත්ම වැදගත් දෙයක්. ඒ අනුව අපිට ඉතාමත්ම සියුම් පරීක්ෂණ වලින් තවත් වැදගත් සාධක රැසක් සොයා ගැනීමට හැකියාව ලැබුණා. ""

    පර්යේෂණ ව්‍යාපෘති භාර නිලධාරී ඩබ්ලිව්.එම්.සී.ඔෂාන් වෙදගේ මහතා ඒ පිළිබඳ මෙසේ කීවේය.

    ‘‘ මේක ප‍්‍රාග් ඓතිහාසික මානව වංශ කථාවේ ඉතාමත්ම වැදගත් සොයා ගැනීමක්. මෙතැන මිහිදන්වූ මිනිසාගේ සම්පූර්ණ ඇටසැකිල්ලක් තිබෙන බව ඉතාමත්ම පැහැදිලිය. මෙය අපි හැකිතාක් මතුකැර ගත්තා. ඇට සැකිල්ල හොඳ තත්ත්වයේ තිබෙන බව පෙනෙන්ට තිබෙනවා.  ’’

    ආචාර්ය නිමල් පෙරේරා මහතා පවසන්නේ ඇට සැකිල්ල එම ස්ථානයෙන් ඉවත් කිරීම නවීන විද්‍යාත්මක ක‍්‍රමවේදයන් භාවිතා කරමින් සියුම්ව කළයුතු කාර්යයක් බවයි.


    ‘‘ අපි ඇටසැකිල්ල එම ස්ථානයෙන් ඉවත් කිරීමට කටයුතු කළොත් එයට හානි සිදුවිය හැකියි. ඒ නිසා අපි මේ සඳහා විදේශීය විශේෂඳයන්ගේ සහයෝගය ලබාගැනීමට බලාපොරොත්තු වනවා. කලින් මේ ස්ථානයෙන් හමුවූ මානව අස්ථි විශ්ලේෂණය කළේ කෝනල් විශ්ව විද්‍යාලයේ මහාචාර්ය කේ.ඒ.ආර්.කෙනඩි මහතා විසින්. අපේ රටේ ඔවුන්ගේ තරම් දියුණු තාක්ෂණික උපකරණ නැහැ. ඒ නිසා මෙවරත් එලෙස විදෙස් සහයෝගය ලබාගැනීමට අප කටයුතු කරනවා. දැනටමත් ඒ සඳහා අවශ්‍ය කටයුතු සූදානම් කරල තියෙන්නේ. ’’

    ඔෂාන් වෙදගේ මහතා මහතා පවසන්නේ කලින් කරන ලද කැණීම් වලින් තහවුරු වූ තොරතුරු අනුව මෙම ඇටසැකිල්ල අයත් මානවයා අදින් වසර 12,000 ට පෙරාතුව ජීවත් වූ අයකු විය හැකි බවයි.

    ‘‘ කැණීම් කරගෙන යද්දී මේ මානව ඇටසැකිල්ල හමුවූ ස්ථානයේ පස් මානව කි‍්‍රයාකාරකම් හේතුවෙන් වෙනස්කම් වලට භාජනය නොවූ බව පැහැදිලි වුනා. ඒ මානවයා විසින් භාවිතා කළ ගල් ආයුධ, ආභරණ මෙන්ම ඔහු ආහාරයට ගත් ද්‍රව්‍ය පවා අපිට හුමුවුනා. පස් ස්ථරය, ගල් ආයුධ සකස් කැර ඇති ආකාරය සැළකිල්ලට ගැනීමේදී අපිට දළ වශයෙන් මානවයා ජීවත් වූ කාලය ගැන තීරණයක් ගත හැකියි. නමුත් එය ස්ථිරවම තීරණය කිරීමටනම් කාලනිර්ණය කිරීමට සිදුවනවා. ’’

    පුරාවිද්‍යාඥයන් පවසන්නේ මේ ඇටසැකිල්ල අයත් මානවයා මියගිය පසු ඔහුගේ හෝ ඇගේ ඥාතීන් විසින් මෙම ස්ථානයේ මිහිදන් කොට හිස ඇති ස්ථානයේ ගල් පතුරු කිහිපයක් තබා ඇති බවයි. නොගැඹුරු වළක මිහිදන් කොට ඇතත් ඉන් අනතුරුව එම ස්ථානය නැවත නැවතත් තම වාසස්ථාන ලෙස භාවිතා කළ බවට ද කැණීම් වලදී සාක්ෂි හමුවී තිබේ.

    වැළලූ මානවයා ආසන්නයේම ලිප් බැඳ ගිනිමොළවා ඇති බව එම ස්ථානයේ පිළිස්සී ගොස් ඇති පස් කොටස් ඇතුළු අවශේෂයන්ගෙන් පැහැදිලි වේ.

    මේ සොයා ගැනීමේදී අපගේ ආදි ප‍්‍රාග් ඓතිහාසික මානවයකු මියගියාට පසු අනුගමනය කළ අභිචාරවිධි පිළිබඳ මෙහිදී අපට තීරණයට එළඹීමේ හැකියාව තිබෙනවා. ඒ වගේම සියුම පර්යේෂණ කිරීමෙන් ඔහු ගේ බඩවැල් කොටස් දිරාපත්ව ඇති ආකාරය. සිරුරේ අනෙක් කොටස් වල රසායනික අවශේෂයන් පවා විශ්ලේෂණය කරමින් ආහාර රටාව, ජීර්ණමය හැකියාවන් පමණක් නොවේ වැළඳී ඇති ලෙඩ රෝග පිලිබඳ පවා අපට නිගමනය කිරීමට හැකියාව තිබෙනවා. ආචාර්ය නිමල් පෙරේරා මහතා එසේ කීවේය.

    පුරාවිද්‍යා දෙපාර්තමේන්තුවේ සත්ත්ව විද්‍යා විශ්ලේෂක ජූඞ් පෙරේරා මහතා එම මානවයා විසින් ආහාරයට ගත් සතුන්ගේ අස්ථි කොටස් විශාල ප‍්‍රාණයක් විශ්ලේෂණය කර තිබිණි.

    ඒ අතර මේ වනවිට ශී‍්‍ර ලංකාවේ දැකිය නොහැකි ව්‍යාඝ‍්‍රයාගේ අස්ථි කොටසක් ද දක්නට ලැබීම විශේෂත්වයකි. වඳුරන් ඇතුළු සියළුම ආකාරයේ වානරයන්, මුගටි, තලගොයි, ඉත්තෑවුන්, දඩු ලේනුන්, සර්පයන්, මසුන් හා බෙල්ලන් බහුල වශයෙන් ආහාරටය ගෙන ඇති මේ ප‍්‍රාග් ඓතිහාසික මානවයා මිහිතලයේ දැවැන්තයා වූ අලින් ද මරා කා ඇති බවට අස්ථිමය සාධක ලැබී තිබේ.

    ඔහු වැඩිදුරටත් මෙසේ කීවේය.

    මේ මානවයාගේ ආහාර අතර මුහුදු බෙල්ලන්, මිරිදිය බෙල්ලන් හා ගස් බෙල්ලන් ද සිටිනවා. ඒ වගේම මෝර දත් හමුවුනා. බොහෝ අවස්ථාවලදී ආදි මානවයා තමන්ගේ ආභරණ ලෙස මෝරදත් යොදාගෙන තිබෙනවා. ඒ අනුව අපට පැහැදිලියි පාහියන්ගල සිටි මානවයා පවා මුහුදු බඩ ප‍්‍රදේශ සමග සම්බන්ධතා පැවැත්වූ බව. ඒ වගේම කැකුණ ඇට පුළුස්සා ආහාරයට ගෙන තිබෙනවා.

    ආචාර්ය නිමල් පෙරේරා මහතා කියා සිටියේ බෙල්ලන්ගේ කවච අතර ලූණු බෙල්ලන්ගේ කවච පවා දක්නට ලැබුණු බවයි. ලූණු බෙල්ලන් මේ අතර සිටීමෙන් පාහියන්ගල ලෙනේ විසූ ආදි මානවයන් ලූණු රස හඳුනන මානවයකු බව ද ඇතැම් විට පිළිස්සූ මස් ලූණු සමග මිශ‍්‍ර කරන්නට ඇති බවට ද ඔහු සැක පහළ කළේය.

    විවිධ ප‍්‍රමාණයේ හා විවිධ හැඩයේ ගල් ආයුධ හා ක්ෂුද්‍ර ශිලා මෙවලම් රැුසක් හමුවී ඇති මෙහි ආයුධයක් ලෙස භාවිතා කළ ගෝන අගක කොටසක් ද හමුවීම විශේෂත්වයකි. එමෙන්ම ඉතාමත්ම පිරිසිදු තත්ත්වයේ පවතින මිනිරන් කැබලි කිහිපයක් ද හමුවී තිබේ. අදින් වසර 12,000 ට පෙර සිරිලක සිටි ප‍්‍රාග් ඓතිහාසික මානවයා තම ආභරණ ලෙස මිනිරන් කොටස් භාවිතා කළ බවට එය හොඳ සාක්ෂියකි.

    හමුවූ ඇට සැකිල්ල අසලින් ඉතාමත් සියුම්ව තෝරාබේරාගන්නා ලද කාබන් නියැදි හතරක් වෙන්කැරගෙන තිබේ. ඒවා ඇමරිකාවේ ෆ්ලොරිඩා හි නියාම් රසායනාගාරයට යැවීමට නියමිතව තිබේ.

    පසුගිය බ‍්‍රහස්පතින්දා සවස මේ මානව සැකිල්ල යළි වසා දැමුණි. ඉදිරි දිනක විදෙස් පර්යේෂකයන් පැමිණ එහි පර්යේෂණ කටයුතු ආරම්භ කරනතුරු මුද්‍රා තැබෙනු ඇත.

    ජාතික උරුමයන් පිළිබඳ අමාත්‍ය ජගත් බාලසූරිය මහතාගේ මගපෙන්වීමෙන්, අමාත්‍යාංශ ලේකම් කාන්ති විජේතුංග මහත්මියගේ කි‍්‍රයාකාරී දායකත්වය ද අතිරේක ලේකම් සමරසිංහ මහතාගේද  සහයෝගය ඇතිව මෙම කැණීම් කටයුතු සඳහා ඉතාමත් ඉහළ රාජ්‍ය අනුග‍්‍රහයක් ලැබෙන බව ද එය ඉදිරි කටයුතු සඳහා අයෝමය ශක්තියක් බව ද කැණීම් ස්ථානයේ සිටින පුරාවිද්‍යාඥයෝ පවසති.

    පුරාවිද්‍යා දෙපාර්තමේන්තුවේ අධ්‍යක්ෂ ජනරාල් ආචාර්ය සෙනරත් දිසානායක මහතා සහ කැණීම් උපදේශක ආචාර්ය ශිරාන් දැරණියගල මහතා මෙහි කටයුතු නිරන්තරවම අධීක්ෂණය කරති. පුරාවිද්‍යා දෙපාර්තමේන්තුවේ කැණීම් අධ්‍යක්ෂ ආචාර්ය නිමල් පෙරේරා මහතාගේ නායකත්වයෙන් ඩබ්ලිව්.එම්.සී. ඔෂාන් වෙදගේ මහතා පර්යේෂණ ව්‍යාපෘතිය භාරව කටයුතු කරයි.

    පාලිත වීරසිංහ මහතා, කමල් නන්ද සිරිසේන මහතා, යූ.ඩබ්ලිව්.කරුණාරත්න මහතා, සමන් කුමාර ඇරෑගම මහතා, සුසන්ත නිහාල් මහතා, ඒ.වී.ඒ.ද මෙල් මහතා, පී.ජී.ගුණදාස මහතා, එච්.ජූඞ් පෙරේරා මහතා, කේ.පී.රුවන් ප‍්‍රමෝද් මහතා සහ කේ.පී.සුමනදාස මහතා පාහියන්ගල ගල්ලෙන් විහාරස්ථානයේ කඳවුරු බැද මාස හයක කාලයක සිට කැණීම් කටයුතු වල නිරත වෙති.

    ඔවුන් සියල්ලෝම තම ගෙවල් දොරවල් ඇතුළු පෞද්ගලික දිවියට මදකට අමතක කොට තිබේ. හිමිදිරි පාන්දර තම අහර කිස සාදා ගෙන පාහියන්ගල ගල් ලෙනට නගින ඔවුත් නැවත ආපසු පහළට එන්නේ මළ හිරු බැස ගිය පසුය. රාති‍්‍රයේ කරවල හොද්ද ඇතළුපහසුවෙන් සපයා ගත හැකි ව්‍යංජනයක් ඔවුන්ගේ ආහාරය වී ඇත්තේ නිවෙස් වල රස මසවුළු පිසෙද්දීය.

    තම සැපවත් දිවිය මදකට අමතක කොට ඔවුන් මේ වෙහෙසෙන්නේ අදින් වසර 12,000 ට පෙරාතුව තම මව මස් පුළුස්සන සුවඳට ලොල් බැඳ පාහියන්ගල ලෙනේ තම නිවස්නට දිවගිය කොළු ගැටයාගේ පරපුරේ කතාන්තරය අනාවරණය කිරීමේ කාර්යය වෙනුවෙනි.


    5 comments: