6වැනි පරම්පරාවේ ප්‍රහාරක යානා සඳහා පෙන්ටගනය නිළ සැළසුම් එලිදක්වයි.


5වැනි පරම්පරාවේ යානාවක් ලෙස දැනට සේවයට එක්වී ඇති F-22 රැප්ටර් යානය හා ඉදිරිවසරවලදී සේවයට එක්වීමට නියමිත F-35 ලයිට්නින්ග් II යානය සඳහා ප්‍රතිස්ථාපනයන් (replacement) ලෙස නවතම 6වැනි පරම්පරාවේ යානාවක් නිපැදවීමේ කටයුතු පෙන්ටගනය විසින් ආරම්භකොට ඇත. මේ වසරේ මාර්තු මස එලිදැක්වුනු එක්සත් ජනපද ගුවන්යානා ලේඛනය (aircraft inventory) හා 30 අවුරුදු අරමුදල් සැලැස්ම [Annual Aviation Inventory and Funding Plan : 2013-2042] ප්‍රකාරව අමෙරිකා එක්සත් ජනපදය 2030 වසරේදී 6වැනි පරම්පරාවේ යානා නිළවශයෙන් සේවයට එක් කොට ගැනීමට සැළසුම් කරනවා. එනම් ඉදිරි වසර 17 ඇතුලට දැනට අතිනවීන ලෙස සැළකෙන F-22 හා තවමත් සේවයට පවා එක්නොවූ F-35 යානා දෙකම විශ්‍රාම ගැනවෙන අතර ඒ වෙනුවට ගුවන් හමුදාව සඳහා F-X නිළවශයෙන් නම්කොට ඇති ප්‍රහාරක යානයකුත්, නාවික හමුදාවේ ගුවන්යානා ගෙනයන නෞකා සඳහා FA-XX ලෙස නාවික ප්‍රහාරක යානයකුත් ලෙස ව්‍යාපෘති දෙකකට අරමුදල් වෙන්කොට තිබෙනවා.

Source: Annual Aviation Inventory and Funding Plan : 2013-2042

USAF  F-X 6th Generation Fighter Jet Project

ගුවන්හමුදා පර්යේෂණ විද්‍යාගාරය (Air Force Research Laboratories) මගින් F-X යානයේ මූලික සැළසුම් හා නිර්මාණ කටයුතු සිදුකෙරෙමින් පවතිනවා. එක්සත් ජනපද ගුවන්හමුදාවේ විද්‍යාඥ මඩුල්ලේ ප්‍රධානියා ලෙස කටයුතු කරන ආචාර්ය මාර්ක් මේබරි පවසන ආකාරයට මෙම යානය 5වැනි පරම්පරාවේ යානාවලට වඩා සුවිශේෂී ආකාරයට නිර්මාණය කෙරේ. ආචාර්ය මේබරිට අනුව මෙම යානය අතිවිශාල විදුලිබලයක් ජනනය කල හැකි ආකාරයට නීර්මාණය වේ. දැනට හයිබ්‍රිඩ් මෝටර් රථවල (ටොයෝටා ප්‍රියස් වැනි) භාවිතාවන බැටරි හා විදුලිජනන පද්ධතීන් හට ආසන්න ලෙස සමාන ආකාරයට මෙම යානාවල විදුලි ජනන තාක්ශණය නිමැවෙනු ඇති අතර ඒ අනුව ඉන්ධන දහනය අවම කර ගැනීමට මෙන්ම අධික ඇම්පියර් ප්‍රමාණයක් අවශ්‍ය බැවින් දැනට ගුවන්යානා වලට ප්‍රායෝගික අවියක් නොවන ලේසර් තුවක්කු (Laser cannon) හා මයික්‍රෝවේව් තුවක්කු (Maser Cannon) වැනි නවතම අවි මේ යානයට ලබාදීමට අදහස් කෙරේ.

F-X යානයේ එක් විදහා දැක්වීමක්
එමෙන්ම සතුරු රේඩාර් පද්ධති අඩපණ කිරීම සඳහා ප්‍රභල ඉලෙක්ට්‍රොණික ප්‍රහාර එල්ලකිරීම (බලසම්පන්න මයික්‍රෝවේව් තරංග ස්පන්ධ නිකුත් කිරීම මගින්) මෙන්ම සතුරු රේඩාර්වල පරිගණක හා සන්නිවේදන පද්ධති පරිගණක වලට වෛරස් ප්‍රහාර එල්ල කිරීම වැනි දෑ ගුවනේ පියාසර කරමින්ම සිදුකිරීමට මෙම යානයට හැකිවෙන ඇතැයි පැවසේ.

Combined-cycle hypersonic engines - F-X යානයට ලබාදීමට අදහස් කරන එන්ජින්, ජෙට් එන්ජින් තාක්ශණයේ නවතම නිර්මාණයක් බව ගගනවිද්‍යා ආරංචිමාර්ග පවසයි. මෙම යානයට combined cycle වර්ගයට අයත් එන්ජිමක් ලැබෙනු ඇතැයි සිතිය හැකිය. සාමාන්‍ය ප්‍රහාරක ජෙට් එන්ජින්වල ඇති ප්‍රධාන දුර්වලතාවය නම් ඒවාට හයිපර්සොනික් එනම් මක් 2+ වේගයක් ලබාගැනීමට ඇති අපහසුතාවයක්. මක් 2+ වේගවලදී යානයේ ඉන්ධන දහනය අධික වන අතර ඒ අනුව යානයට ගුවනේ රැඳී සිටි හැකි කාළය අඩුවේ.

F-X යානයේ තවත් විදහා දැක්වීම් කිහිපයක්...

හයිපර්සොනික් වේගයන්හිදී ඉතාකාර්යක්ශම ස්ක්‍රැම්ජෙට් වර්ගයේ එන්ජින් ඇතත් එම එන්ජින්වට අඩුවේගවලදී ක්‍රියාත්මක වීමේ හැකියාවක් නොමැත. එනම් ස්‍රැම්ජෙට් එන්ජින් වලට යානය ධාවනපථයේ සිට ගුවන්ගත කිරිමේ හැකියාවක් නොමැති අතර ඒවා ක්‍රියාත්මකවීමට යානය මක් 1+ අවම වේගයකින් පියාසර කල යුතුය.

කොම්බයින්ඩ් සයිකල් ලෙස හැඳින්වෙන නවතම තාක්ශණයට අනුව එකම ජෙට් එන්ජිමක් තුල සාමාන්‍ය ජෙට් එන්ජිමක් හා ස්ක්‍රැම්ජෙට් වර්යගේ එන්ජිමක් යනුවෙන් එන්ජින් දෙකක් අඩංගුකොට ඇත. තවමත් මෙවැනි එන්ජිමක් සාර්ථවක අත්හදා බලා නැතත් ඉදිරි වසර කිහිපය තුලදී ලොව ප්‍රමුඛ ජෙට් එන්ජින් නිර්මාණ සමාගම් කොම්බයින්ඩ් සයිකල් එන්ජිමක් සාර්ථකව අතහදා බලනු ඇතැයි අනාවැකි පැවසේ.

කොම්බයින්ඩ් සයිකල් තාක්ශණයෙන් නිමැවුනු එන්ජිමකට සබ්සොනික් වේගවලින් (ශබ්දයේ වේගයට අඩු වේගවලින්) විශාල කාළයක් අහසේ කල්බලමින් රැඳීසිටිය හැකිවනු ඇත (extended subsonic loiter) එමෙන්ම ප්‍රහාරයක් එල්ලකිරීමට උචිත අවස්ථාව එළඹුන වහාම ක්ශණයකින් වේගය හයිපර්සොනික් වේගයන් දක්වා වේගය වැඩිකරගෙන නොසිතූ මොහොතක ප්‍රහාරයක් එල්ලකොට පලායාමේ හැකියාව ලැබෙතැයි ජෙට් එන්ජින් විශේෂඥයින් පවසයි.

F-X යානයේ තවත් විදහා දැක්වීම් කිහිපයක්...

Multi-spectral stealth - 5වැනි පරම්පරාවේ යානා රේඩාර් වලින් සැඟවී යාහැකි රේඩාර් තරංගවලට නොපෙනෙන යානාවේ. එහෙත් මෙම යානා විවිධ තරංග ආයාම රාශියක් ආධාරයෙන් අහස පරිලෝකනය කරන නවතම රේඩාර් වලට 5වැනි පරම්පරාවේ ස්ටෙල්ත් යානා හඳුනාගත හැකිබව වාර්තාවේ. එමෙන්ම අධෝරක්ත සංවේදක ආධාරයෙන්ද (එන්ජින් තාපය මගින්) 5වැනි පරම්පරාවේ යානා හඳුනාගත හැකිය. 6වැනි පරම්පරාවේ යානා විද්‍යුත්-චුම්බක වර්ණාවලියේ බොහෝ තරංග ආයාමවලින් සැඟවී ගමන්කිරීමේ හැකියාව (multi-spectral stealth) ලබාගනු ඇතැයි පැවසේ.

Carbon fiber structure & self-healing skin - යානයේ සැකිල්ල හා පෘශ්ඨය සැහැල්ලු, එහෙත් වානේවලට වඩා ශක්තිමත් කාබන්-ෆ්යිබර්-පොලිමර් සංයෝගවලින් නිපදවෙනු ඇත. එපමණක් නොව F-X යානයේ පෘශ්ඨය හානියකට පත්වුනු විට (උදා: වෙඩි වැදුනු විට ) ඉබේම නැවත ප්‍රකෘති තත්වයට පත්වන ආකාරයේ පෘශ්ඨයක් වනු ඇතැයි ගුවන්හමුදා විද්‍යාඥයින් පවසයි

Ubiquitous situation awareness - 6 වැනි පරම්පරාවේ F-X ප්‍රහාරක යානයේ නියමුවා හට තමා ක්‍රියාත්මක වන ප්‍රදේශය තුල සිදුවන සියලුම සතුරු මෙන්ම මිතුරු හමුදාවල ක්‍රියාමාර්ග, ගුවන්ගත වී ඇති ප්‍රහාරක යානා, හෙලිකොප්ටර් හා ඩ්‍රෝන යානා, සතුරු හා මිතුරු රේඩාර් සංඥා මෙන්ම සතුරු හා මිතුරු හමුදාවල රේඩියෝ පණිවුඩවලට සවන්දීමේ හැකියාවද ලැබෙනු ඇත. යානයේ ඇති පරිගණක එහි ඇති සියගණනක් සංවේදක වලින් ලැබෙන තොරතුරු ප්‍රවාහයෙන් නියමුවාට අවශ්‍ය අවස්ථාවේදී අවශ්‍ය තොරතුර ලබාදේ.


4 comments:

ෆෝල්කන් X : ලොව බලසම්පන්නම රොකට්ටුව

දැනට සේවයේ යෙදවිය හැකි අභ්‍යවකාශ රොකට්ටු අතරින් බලසම්පන්නම රොකට්ටුව වන්නේ ෆෝල්කන් X හෙවී රොකට් (Falcon X Heavy Rocket) ලෙස නම්කොට ඇති රොකට්ටුවයි. මීට වඩා බලසම්පන්න රොකට්ටු නිමැවී ඇත්නම් ඒ නීල් ආම්ස්ට්‍රෝං ඇතුලු පිරිස සඳමතට ගෙන ගිය සැටර්න් 5 රොකට්ටුව හා රුසියානුවන්ගේ එනර්ජියා රොකට්ටුවයි. සැටර්න් 5 රොකට්ටුවක් අවසන් වරට අභ්‍යවකාශගත වුනේ 1977දී අවසන් සඳගමන සඳහායි. ඉන් පසු සැටර්න් 5 රොකට්ටුවක් නිශ්පාදනය කොට නොමැත. රුසියානුවන්ගේ එනර්ජියා රොකට්ටුව නිර්මාණය කලේ රුසියානු අභ්‍යවකාශ ශටලය වූ "බූරාන්" යානාව අභ්‍යවකාශගත කිරීම සඳහාය. සෝවියට් දේශයේ බිඳවැටීමත් සමග බූරාන් ශටල් ව්‍යාපෘතිය අතහැරුනු අතර එනර්ජියා රොකට්ටුවේ අවසානයද එලෙස සනිටුහන් විය.

දැනට සේවයේ යොදවා ඇති බලසම්පන්නම රොකට්ටු ලෙස රුසියානුවන්නේ ප්‍රෝටෝන් රොකට්ටුව හා යුරෝපීය අභ්‍යවකාශ ඒජන්සියේ අරියාන් 5 රොකට්ටුව ගත හැකිය. ප්‍රෝටෝන් රොකට්ටුවකට මෙට්‍රික් ටොන් 20ක බරක් කක්ශගත කල හැකි අතර අරියාන් 5 රොකට්ටුවට මෙට්‍රික් ටොන් 16ක බරක් කක්ශගත කල හැකිය. අමෙරිකානු නාසා ආයතනය සතුව තිබු අභ්‍යවකාශ ශටලය මෙට්‍රික් ටොන් 24ක බරක් දරාගෙන කක්ශගත විය හැකිවුවද පසුගිය වසරේදී (2012) අභ්‍යවකාශ ශටල්යානා විශ්‍රාම ගැන්වීමෙන් පසුව නාසා ආයතනය සතුව අධිබල රොකට් පද්ධතියක් නොමැත.

Falcon X Heavy Rocket

ෆෝල්කන් රොකට්ටුවේ ඇති සුවිශේෂීත්වය නම් රොකට්ටුවක් හා අභවකාශ යානයක් නිපදවා සාර්ථකව අභ්‍යවකාශ ගතකල ලොව එකම පෞද්ගලික සමාගම වන ස්පේස් එකස් (Space X) සමාගම මගින් එය තනිකරම පෞද්ගලික ප්‍රාග්ධනය යොදවා සිදුකරන ලද ව්‍යාපෘතියක් වීමයි. දැනටමත් ස්පේස් එකස් සමාගම ෆෝල්කන් 9 නමින් අන්තර්ජාතික අභ්‍යවකාශ මධ්‍යස්ථානයට භාණ්ඩ හා ගගනගාමීන් ගෙනයා හැකි රොකට්ටුවක්ද, ඩ්‍රැගන් නමින් අභ්‍යවකාශ කැප්සූලයක්ද නිපදවා ඇත. එය දැනටමත් දෙවරක් සාර්ථකව අභ්‍යවකාශ මධ්‍යස්ථානය කරා සැපයුම් ගෙනගොස් ආපසු පැමිණ ඇත.

ෆෝල්කන් X බැර රොකට්ටුව ස්පේස් එක්ස් සමාගමේ දෙවන රොකට්ටුව වන අතර එය ටොන් 56ක් අභ්‍යවකාශයට ගෙනයා හැකි එන්ජින් 27කින් යුතු දැවැන්ත රොකට්ටුවකි. දැනට කිසිදු රටක් සතුව මෙවැනි අධිබල රොකට්ටුවක් නොමැති අතර පෞද්ගලික සමාගමක් මගින් මෙවැනි රොකට්ටුවක් සාර්ථකව නිර්මාණය කොට අත්හදා බලා සාර්ථක ප්‍රථිපල ලබාගෙන ඇතැයි සිතීමද පුදුම සහගත වන්නේ අමෙරිකාව හැරුනුකොට අනෙක් සියලුම රටවල (අමෙරිකාවේ පවා මෑතක් වන තුරුම) අභ්‍යවකාශ තරණය සඳහා රොකට්ටු නිපැදවීමට ඩොලර් බිලියන ගණනින් බරපැන යෙදැවිය හැකිව තිබුනේ එම රටවල්වල ජාතික අභ්‍යවකාශ ආයතනවලට පමණි. අමෙරිකාවේ නාසා (NASA), රුසියාවේ රොස්කොස්මොස් (ROSCOSMOS) , ජපානයේ ජේ.එස්.ඒ (JSA), යුරෝපයේ ඊ.එස්.ඒ (ESA) හා ඉන්දියාවේ ඉස්‍රෝ (ISRO) ආයතනය මෙලෙස රාජ්‍ය සම්පත් ඇසුරෙන් අභ්‍යැවකාශ රොකට්ටු නිපදවාගත් ආයතනවේ.



ෆෝල්කන් X හෙවි රොකට්ටුවේ කොටස් හා ක්‍රියාකාරිත්වය

1. Engine Cluster

ෆෝල්කන් X හෙවි රොකට්ටුවේ එන්ජින් පොකුරු 3ක් ඇති අතර එක් එන්ජින් පොකුරක මර්ලින් 1D වර්ගයේ එන්ජින් 9ක් ඇත. ඒ අනුව මුලු එන්ජින් ගණන 27කි.

2. Boosters

රොකට්ටුවේ පළමුවන අදියරේදී (Stage 1) එන්ජින් 9කින් යුතු ප්‍රධාන රොකට්ටුවද, එන්ජින් 9බැගින් වූ බූස්ටර් රොකට් 2ක් ද වන ආකාරයට නිමවා ඇත. රොකට්ටුව දියත් කරනවිට එන්ජින් 27ම එකට ක්‍රියාත්මක වේ. දියත්කිරීමෙන් විනාඩි 2කුත් තත්පර 45ක් ගතවීමේදී මැද පිහිටි රොකට් එන්ජින් 9ය ක්‍රියා විරහිත වන අතර දෙපස බූස්ටර් දෙකෙහි එන්ජින් 18 දිගටම ක්‍රියාත්මකවේ. බූස්ටර් 2හි ඉන්ධන අවසන්වූ පසු එම බූස්ටර් දෙක වෙන්වන අතර යලිත් මැද පිහිටි එන්ජින් 9ය ක්‍රියාත්මක වේ.

3. Centre Core

මැද පිහිටි එන්ජින් 9යේ කොටස මධ්‍යය හෙවත් සෙන්ටර්-කෝර් ලෙස හඳුන්වන අතර ෆෝල්කන් රොකට්ටුවේ ඇති වැදගත් ලක්ශණයක් නම් බූස්ටර් වෙන්වීමට පෙර ඒවායේ ඉතිරිවී ඇති ඉන්ධන සෙන්ටර්-කෝර් හි ඇති ටැංකිවලට පොම්ප කිරීමට ඇති හැකියාවයි. පෙර කිසිදු රොකට්ටුවකට මෙම හැකියාව තිබී නැත. ක්‍රොස්-ෆීඩ් ලෙස හැඳින්වෙන මෙම තාක්ශණය නිසා සෙන්ටර්-කෝර් කොටසේ දහනකාලය දිගුකරගත හැකි අතර මේ වාසිය නිසා රොකට්ටුවට අමතර අයබරක් (payload) ගෙනයාහැකි වී ඇත.

4. Fuel Tanks

රොකට්ටුවේ ඉන්ධන ලෙස ද්‍රව ඔක්සිජන් හා සුපිරිසිදු භූමිතෙල් භාවිතා කෙරේ.

5. Second Stage

තනි මර්ලින් 1D එන්ජිමකින් ක්‍රියාත්මක වන මෙම අදියරේ කාර්යය වන්නේ ගෙනයන චන්ද්‍රිකා හෝ අභ්‍යවකාශ යානාව සීරුවෙන් කක්ශයට ඇතුලුකිරීමයි. කිහිපවිටක් නිවාදමා යලි දැල්වීමට හැකි මෙම රොකට් එන්ජිම ආධාරයෙන් චන්ද්‍රිකා කිහිපයක් විවිධ උසින් ඇති කක්ශවලට ඇතුළුකිරීමට ෆෝල්කන් දෙවනි අදියරට හැකියාව තිබේ.

6. Fairing

රොකට්ටුවේ අයබර (payload) ගෙයන කොටස ෆෙයරින් ලෙස හැඳිවෙන අතර මෙය සිප්පි-කටුදෙකක් (clam-shell) ආකාරයට පියන් දෙකකින් යුක්තවේ. අඩි 45ක් දිග අඩි 17ක විශ්කම්භයකින් යුතු මෙයට ටොන් 56ක් බර චන්ද්‍රිකා කිහිපයක් හෝ අභ්‍යවකාශගාමින් කිහිපදෙනෙකු හා ටොන් කිහිපයක භාණ්ඩ අන්තර්ජාතික අභ්‍යවකාශ මධ්‍යස්ථානයට ගෙනයා හැකිය.

7. Merlin 1D Engine

ද්‍රව ඔක්සිජන් හා භූමිතෙල් දහනය කරන මර්ලින් එන්ජිම කිලෝනිව්ටන් 650ක තෙරපුමක් නිපදවයි. මෙම එන්ජිම ස්පේස් එක්ස් සමාගමේ රොකට් ඉන්ජිනේරුවන් විසින් සම්පූර්ණයෙන්ම නිර්මාණය කරනලද අතර මෙම එන්ජිම ඉතාම කාර්යක්ශම එන්ජිමක් බව පැවසේ.

5 comments:

කඩාවැටුනු යානාවලින් ලැබුණු පිටසක්වල තාක්ශණය කෝ?


1947සිට අදවන තෙක් පිටසක්වල යානා ගණනාවක් කඩාවැටුනු බවත්, එම යානාවලින් තාක්ශණය බටහිර රටවල්, විශේෂයෙන්ම අමෙරිකාවට ලැබුණු බවත් එමගින් අමෙරිකාවේ තාක්ශණික නිම්වළලු පුළුල් පුලුල්වුනු බවත්, දෙවන ලෝක යුද්ධයෙන් පසු අමෙරිකාව ලෝක් තාක්ශණ බලවතා වීමට මෙම තාක්ශණය ඉවහල් වුනු බවත් පැවසෙනවා.

එහෙත් මෙම කල්පිතයේ ගැටලු කිහිපයක් සංශයවාදීන් (skeptics) විසින් පෙන්වා දෙනවා...

මෙයින් බොහෝ දෙනෙකු පිලිගන්නා ගැටළුව නම්...වසර 60කට අධික කාලයක් මෙම යානාවලින් උකහාත් තාක්ශණයෙන් අමෙරිකානු තාක්ශණ පරිචය පුළුල් වූවානම් තවමත් එම තාක්ශණය මුඛයධාරාවේ (mainstream) තාක්ශණික සමාගම්වලට ලැබෙන ආකාරය හෙලිවී නැත්තේ ඇයි? යන ගැටළුවයි.

මෙම ලිපියේ අරමුණ පිටසක්වල යාන පෘථිවියට පැමිණීම හා කඩාවැටුනු එම යානා අමෙරිකාව සතුවීම, එම යානාවල තාක්ශණය ප්‍රති-ඉන්ජිනේරුකරණය (reverse engineered) කිරීම මගින් අමෙරිකානු තාක්ශණය දැවැන්ත ඉදිරි පියවර තැබීමට සමත්වීම පිලිබඳව පැතිරී තිබෙන තර්ක ප්‍රතික්ශේප කිරීමට සංශයවාදීන් විසින් ඉදිරිපත් කරන ඉහත ගැටලුවලට ලේඛකයා පරිශීලණය කරණලද පොත්පත් සඟරා හා අන්තර්ජාල ලිපි ඇසුරින් උකහාගත් තොරතුරු මත පිලිතුරු සැපැයිමයි. එහෙත් මෙම පිලිතුරු හුදෙක් කල්පිත පමණක් බව පාඨකයන් සිහිතබාගත යුතුයි.

එක්සත් ජනපද යුධ හමුදාවේ "Z හමුදාඅංශය" (Z Division of the US Army)

කාඩාවැටුනු පිටසක්වල යානා තාක්ශණය පිලිබඳ අමෙරිකානු පරිච්ඡේදය ආරම්භ වන්නේ එක්සත් ජනපද හමුදාවේ රහසිගත ඩිවිශණයක් වූ Z හමුදාංශයෙනි. Z ඩිවිශනය යනු අමෙරිකානු රජය මගින් දෙවන ලෝක යුධ සමයේ ආරම්භකොට තිබුණු පරමාණු බෝම්බයක් නිපදවීමේ මෑන්හැටන් ව්‍යාපෘතිය අධීක්ශණය හා සම්බන්ධීකරණය කල හමුදාංශයයි.

Z ඩිවිශණයේ ආරම්භක මූලස්ථානය වූයේ නිව් මෙක්සිකෝවේ රොස්වෙල් යුධහමුදා ගුවන් කඳවුරයි (Roswell Army Air Field). මේ රොස්වෙල් ප්‍රදේශය සුප්‍රකට රොස්වෙල් පිටසක්වල යානය කඩාවැටුනු රොස්වෙල් ප්‍රදේශයම වෙතත් Z ඩිවිශනය රොස්වෙල්හි ආරම්භවීමට හේතුවූවේ රොස්වෙල් පිටසක්වල යානය නොව අමෙරිකාවේ පරමාණු බෝම්බ ගෙනයා හැකිලෙස අනුවර්තය කොට තිබුණු බෝම්බ ප්‍රහාරක යානාවල මව් කඳවුර රොස්වෙල්හි යුධහමුදාගුවන් කඳවුර වීමයි. මේ කාලය වනවිට අමෙරිකානු ගුවන් හමුදාව ස්ථාපිත කොට නොතිබූ අතර "US Army Air Force" ලෙස හැඳිවූ එය අමෙරිකානු යුධහමුදාවේ අංශයක් ලෙස පැවතින.

පර්මාණු බෝම්බ ප්‍රහාරයක් එල්ලකිරීමට සමත් ගුවන්යානා හා පුහුණු තාක්ශණික ශිල්පීන් ස්ථානගත කොට තිබූ රොස්වෙල්හි පරමාණු බෝම්බයක් නිර්මාණය කිරීමේ ව්‍යාපෘතියේ සම්බන්ධීකරණ කාර්යාංශය පිහිටුවා තිබුණු. අහම්බයක් ලෙස පිටසක්වල යානාවක් රොස්වෙල් වලට කඩාවැටීමත්, එය අතිශය රහසිගත ලෙස සැළකීමට අමෙරිකානු දේශපාලන හා හමුදා නායකත්ව තීරණය කිරීමෙන් අනතුරව එම යානාවේ සුන්බුන් ආරක්ශිතව තබාගැනීම, අතිශය රහසිගත ලෙස පරමාණු අවි නිර්මාණය කිරීමේ ව්‍යාපෘතිය සම්බන්ධීකරණය කිරීම සඳහා සියලු රහස් ක්‍රමෝපායන් අනුගමණය කරමින් පිහිටුවා තිබුණු Z ඩිවිශණයට පැවරුණු බව පැවසේ.

Bell Laboratories & Z Division

සුප්‍රකට බෙල් පර්යේශණාගාරය ගැන ඔබ සමහරවිට අසා ඇති. එසේ නැති ඔබට බෙල් පර්යේශණාගාරය යනු ට්‍රාන්සිස්ටරය, ලේසර් කිරණ, ඩිජිටල් කැමරාවල හදවත වන ආලෝක සෙන්සරයේ ප්‍රාරම්භක "Charged Coupled Device - CCD" තාක්ශණය, C හා C++ පරිගණක භාශා, UNIX මෙහෙයුම් පද්ධතිය වැනි අතිශය වැදගත් නිර්මාණ සිදුකල අමෙරිකානු තාක්ශණික විප්ලවයේ ප්‍රමුඛතම තිඹිරිගෙය බව දැනගැනීම වැදගත්ය.

දෙවන ලෝක යුද්ධය අවසානය දුටු 1947 වසරේදී, එවක අමෙරිකානු ජනාධිපතිවරයා වූ ඩ්වයිට් අයිසන්හවර්, පරමාණු බෝම්බය නිපදවීම හා ඒ සමගින් බිහිවුනු දැවැන්ත තාක්ශණික ජයග්‍රහණ වැඩිදියුණු කිරීමටත්, එම තාක්ශණයන් වාණිජමය වශයෙන් අමෙරිකානු ආර්ථිකයේ වර්ධනය සඳහා වැඩිදියුණු කිරීමටත් බෙල් ලැබ්ස් ආයතනයට පැවරීමට තීරණය කලේ එවකට අමෙරිකාවෙන් බිහිව තිබුණු ප්‍රමුකතම තාක්ශණික ආයතනය එයවීම නිසයි. ඒ අනුව පරමාණු බෝම්බය නිමැවිමේ ව්‍යාපෘතිය සම්බන්ධීකරණය කල, එම තාක්ශණයේ සුරක්ශිතාගාරය ලෙසද කටයුතු කල යුධහමුදාවේ Z ඩිවිශණයේ බොහෝ කාර්යයන්ද බෙල් ලැබ්ස් සමාගමට පැවරුනා. මෙම පැවරීමත් සමග Z ඩිවිශණයේ තවත් නොනිළ කාර්යභාරයක් බවට අහඹුවෙන් පත්වී තිබුණු රොස්වෙල් පිටසක්වල යානයේ අධිතාක්ශණික සුන්බුන් හා එම සුන්බුන් විශ්ලේෂණය කිරීමෙන් ලියැවුනු විශේෂඥ වාර්තා බෙල් ලැස් පර්යේෂ්ණායතනයට ලැබෙන්නට ඇතැයිද අනුමාන කෙරෙනවා.

බෙල් ලැබ්ස් ආයතනයේ පර්යේෂකයින් විසින් එම වසරේදීම (එනම් 1947 අවසන්වීමට පෙර) ලොව ප්‍රථම ට්‍රාන්සිස්ටරය නිර්මාණය කිරීම තනිකරම අහඹුවක්ද එසේත් නැතිනම් ඔවුන්හට රොස්වෙල් යානයේ තිබූ පිටසක්වල ඉලෙක්ට්‍රොණික උපාංග නිරීක්ශණය කිරීමට හෝ එම උපාංග පරීක්ශාකර ලියැවුනු පර්යේශණ වාර්තා කියවීමට ලැබුණාද, එමගින් ඔවුනට ට්‍රාන්සිස්ටරයක් ප්‍රායෝගිකව නිමැවිය හැකි ආකාරය පිලිබඳව අදහසක් මතුවුනාදැයි තිරණය කිරීම ඔබට භාරකරමි...

1969 වසරේදී, එනම් Z ඩිවිශණය හා පිටසක්වල සුන්බුන් හා ඒවායේ විශ්ලේෂණ වාර්තා බෙල් ලැබ්ස් ආයතනය ලැබී වසර 22කට පසු ඔවුන් විසින් නූතන ඩිජිටල් කැමරා තාක්ශණය නිර්මාණය සඳහා මූලිකම තාක්ශණය වූ ආලෝක සංවේදී සංගෘහිත පරිපථයක් වන CCD වර්ගයේ පරිපථයක් නිමැවුනා. මෙයට වසර 22ක් වැනි විශාල කාළයක් ගියේ ඇයිදැයි ඔබට ගැටලුවක් පවතීනම් එයට පිලිතුර නම් 1947දී නිමැවුනු ට්‍රාන්සිස්ටරය, එවැනි ට්‍රාන්සිස්ටර් කිහිපයක් එකම සිලිකන් පතක පිහිටවුනු සංගෘහිත පරිපථයක් (integrated circuit) ලෙස වැඩිදියුණු වීමට 1958 තෙක් වසර 11ක් ගතවුනු බව කළ්පණාකල යුතුය. CCD ආලෝක සෙන්සරයක් යනු ආලෝක සංවේදක ක්ශුද්‍ර කැපෑසිටර් ඇති සංගෘහිත පරිපථයකි. පිටසක්වල තාක්ශණ සුන්බුන් තිබුණද එවක පැවතුනු පෘථිවි තාක්ශණයෙන් එවැන්නක් ප්‍රථිනිර්මාණය කිරීමට වසර ගණනාවක් ගතවිය හැකි බව පිලිගැනීම එතරම් අපසු නොවිය යුතුබව මාගේ හැඟීමයි.

එමෙන්ම 1957 වසර වනවිට බෙල් ලැබ්ස් ආයතනයේ පර්යේෂකයින් ලේසර් තාක්ශණය පිලිබඳව පර්යේෂණ ආරම්භ කොට තිබුණු බවද සටහන් කල යුතුය. ලේසර් කිරණ තාක්ශණය හා ඒ සබැඳුනු ලේසර් කිරණ මගින් අධිවේගී ලෙස දත්ත සම්ප්‍රේශණය ප්‍රකාශ තන්තු (fibre optics) වල කොටස් රොස්වෙල් වෙත කඩාවැටුනු පිටසක්වල යානයේ තිබුණු බවට වාර්තා ගණනාවක් ඇත.

"Day after Roswell"

මින් ප්‍රමුඛතම සටහන තැබෙන්නේ "Day after Roswell" නම් ග්‍රන්ථයක් සම්පාදනය කල අමෙරිකානු යුධහමුදා කර්නල් වරයෙකු වූ ෆිලිප් කෝර්සෝ විසිනි. අමෙරිකානු යුධහමුදාවේ බුද්ධි අංශයේ විදෙස් තාක්ශණ අංශයේ උසස් නිළයක් දැරූ බව පැවසෙන කෝර්සෝ රොස්වෙල් පිටසක්වල තාක්ශණ සුන්බුන් විවිධ අමෙරිකානු පර්යේශණාගාර වලට බෙදා හැරීමේ සැළසුම භාරව ක්‍රියාකල තැනැත්තා බව පැවසේ. රොස්වෙල් පිටසක්වල යානාවේ හා කඩාවැටුනු වෙනත් යානාවල තාක්ශණික කොටස් විදෙස් රටවලින් ඔත්තුසේවා හරහා ලබාගන්නා ලද තාක්ශණික උපාංග බව හඟවමින් අමෙරිකාවේ අධිතාක්ශණික සමාගම් හා විශ්වවිද්‍යාල පර්යේෂණාගාරවලට බෙදා හැරි ආකාරය කෝර්සෝ සිය කෘතියෙහි විස්තර කරයි.

CIA සංවිධානයේ පූර්වප්‍රාප්තික OSS ආයතනය, ඇමිණුම් කටු මෙහෙයුම 

OSS හෙවත් Office of Strategic Services යනු සී.අයි.ඒ සංවිධානයේ පූර්වගාමී ආයතනයයි. දෙවන ලෝක යුධ සමයේදී නට්සි ජර්මනියේ ඔත්තු සේවා සඳහා පිහිටවුනු මෙම ආයතනය යුද්ධයෙන් අනතුරුව පරාජිත නට්සි ජර්මනියේ විද්‍යාඥයින් විසින් හිට්ලර්ගේ යුධ යන්ත්‍රය සඳහා නිමවා තිබුණු අපූර්ව යුධ තාක්ශණයන් හා එම තාක්ශණයන් නිමැවූ විද්‍යාඥයින් මෙන්ම ඔවුන්ගේ පර්යේෂණාගාර පවා අමෙරිකාව වෙත පටවා යැවීමට දැවැන්ත කාර්යභාරයක් ඉටුකලේය.

නීල් ආම්ස්ට්‍රෝං සඳ වෙත ගෙනගිය සැටර්න් 5 අත්දැවැන්ත රොකට්ටුව නිර්මාණය කල, ඊට වසර 25කට පෙර හිට්ලර් උමතු යුධ සැළසුම් සඳහා ලන්ඩනය සුන්බුන් කල ලොව ප්‍රථම බැලිස්ටික් මිසයිලය වන V2 රොකට්ටුව නිර්මාණය කල වර්නර් වොන් බ්‍රෝන් හා ඔහුගේ සහයක විද්‍යාඥයින් හා රොකට් විශේෂඥයින් නට්සීන් ගේ යුධ අපරාද සඳහා දඬුවම් කිරීමට පිහිටුවා තිබූ නියුරම්බර්ග් යුද්ධාදිකරණයෙන් හසුනොවන ලෙස සඟවාගෙන අමෙරිකාවට ගෙන ආවේද ඕ.එස්.එස් ආයතනයයි.

Operation Paperclip හෙවත් ඇමිණුම් කටු මෙහෙයුම ලෙස හැඳින්වුනු මෙම මෙහෙයුම හරහා දරුණු ගණයේ යුධ අපරාධවලට සම්බන්ධවුනු නට්සි විද්‍යාඥයින් පවා ඔවුන්ගේ යුධ අපරාද පිලිබඳව තොරතුරු සඟවා රහසින් අමෙරිකාව ගෙන ආ ලද්දේ ඔවුන්ගේ පර්යේශණ හා නව නිර්මාණ හැකියාවන් අමෙරිකාවට ලබාගැනීම සඳහායි.

OSS සංවිධානය හා එහි අනුප්‍රාප්තික CIA සංවිධානය රොස්වෙල් හා අනෙකුත් පිටසක්වල යානා කඩාවැටීම් හා ඒවායේ තාක්ශණය උකහාගැනීම් මෙන්ම පිටසක්වල යානා පිලිබඳව අතිශය රහසිගත තොරතුරු අමෙරිකාවේ පොදුජනතාවට හෝ සතුරු රාජ්‍යවල ඔත්තුකරුවන් හට දැනගැනීමට නොහැකිවන ලෙස ආරක්ශාකිරීම භාරව ක්‍රියාකල බව පැවසෙනවා.

එමෙන්ම පිටසක්වල තාක්ශණය උකහාගැනීම සඳහා මෙන්ම පිටසක්වලයින් පෘථිවිය මත සිදුකරන ක්‍රියාකාරකම්  නිරීක්ශණය, වාර්තාකිරීම, පර්යේෂණ කිරීම මෙන්ම ඒවා පාලනයකල හැකි ආකාරයන් සොයාගැනීම සඳහා රොස්වෙල් කඩාවැටීමෙන් වසරකට පමණ පසු අමෙරිකානු ජනාධිපති අයිසන්හවර් විසින් ස්ථාපිත කරනලද මැජෙස්ටික් 12 කමිටුවේ නිත්‍ය සාමාජිකයෙකු ලෙස සී.අයි,.ඒ සංවිධානයේ අධ්‍යක්ශකවරයා පත්කොට සිටියා.

ඇමිණුම් කටු ව්‍යාපෘතියෙන් අමෙරිකාවට ආ නට්සි විද්‍යාඥයින් ලවා පිටසක්වල යානා සුන්බුන් පර්යේෂණවලට බඳුන්කොට එම තාක්ශනවල ක්‍රියාකාරිත්වය පිලිබඳ කල්පිත නිබන්ධන (Scientific Concept Papers) ලියවාගත්තාද?

මෙලෙස අමෙරිකාවට රහසිගත ලෙස ගෙන ආ නට්සි ජර්මන් විද්‍යාඥයින් හා විශේෂඥයින් රොස්වෙල් යානාවේ සුන්බුන් විවිධන් පර්යේෂණවලට බඳුන්කිරීමට හා එම පර්යේෂණ ප්‍රථිපල ආශ්‍රයෙන් එම තාක්ශණයන් ක්‍රියාත්මක වන ආකාරය පිලිබඳව කල්පිතයන් විස්තර කෙරෙන පර්යේෂණ නිබන්ධන පිලියෙල කිරීමේ කාර්යයන්ද පැවරුන බවට අනුමාන කෙරෙනවා. රහසින් අමෙරිකාවට ගෙන ආ නිසාත් යුධ අපරාධවට සම්බන්ධ බැවිනුත් මෙම ජර්මන් විද්‍යාඥයින්ගෙන් බොහෝ දෙනෙකු ඉතා නිහඬව මෙන්ම නිර්ණාමිකව මෙම කටයුතු වල යෙදුනු බවත් එම පත්‍රිකාවලින් ඔවුන්ගේ අනන්‍යතාවයක් හෙලිනොවන ආකාරයට ඒවා ලියැවී තිබුණු බවත් වාර්තා වනවා. මේ අනුව අමෙරිකානු යුධ ප්‍රධානීන්ට මෙන්ම බුද්ධි අංශ ප්‍රධානීන් හටද පිටසක්වල තාක්ශණය අතිදක්ශ, එහෙත් ප්‍රසිද්ධියක් අපේක්ශා නොකරමින් රාජකාරිය සිදුකරන විද්‍යාඥයින් පිරිසක් ලවා විශ්ලේශණය කරගැනීමට හැකිවුනු බව පැවසෙනවා.

මෙවැනි නිර්නාමික තාක්ශණික කල්පිත පත්‍රිකා වෙනත් පර්යේශණාගාරවල සේවය කරමින් සිටි තෝරාගත් විද්‍යාඥයින් හට අතිශය රහසිගත ගිවිසුම් වලට යටත්ව ලබාදුන් බවට අනුමාන කෙරෙනවා. එම කල්පිට පත්‍රිකා ආධාරයෙන් නිර්මාණය වන නව තාක්ශණයන්ගේ අයිතිය මෙන්ම ඒවායෙන් ලැබෙන ආදායම් හා ප්‍රසිද්ධය හා ගෞරවයද එම විද්‍යාඥයින් හට හිමිකර ගැනීමට අවස්තාව ලබාදී ඇති බවද පැවසෙනවා.

සංගෘහිත පරිපථයේ නිර්මාතෲ OSS සාමාජිකයෙකු ලෙස යුධ සමයේ ක්‍රියාකිරීම අහම්බයක්ද?

සංගෘහිත පරිපථ පිලිබඳ තාක්ශණය රොස්වෙල් යානාවේ තිබී ප්‍රති-ඉන්ජිනේරුකරණය කරගත් තාක්ශණයක් බව පැවසෙනවා. එපමණක් නොව තවත් අපූරු අහම්බයක් (නැතහොත්  නිශ්චිත සැළසුමකට අනුව සිදුවූවක්) නම් සංගෘහිත පරිපථයේ නිර්මාතෲවරයා ලෙස පිලිගැනීමට ලක්ව සිටින ජැක් කිල්බි දෙවන ලෝක යුධ සමයේදී OSS ආයතනයේ තාක්ශණික නිළධාරියෙකුව සිටි බවයි. OSS ආයතනය හෝ එහි අනුප්‍රාප්තික CIA සංවිධානය අතිශය රහසිගත පිටසක්වල සුන්බුන් පරික්ශාකිරීමට යම් අයෙකුට දෙන්නේනම් එම පුද්ගලයා ඉතා විශ්වාස කටයුතු පුද්ගලයෙකු වියයුතු බවට විවාදයක් නැත. ඒ අනුව කලක් OSS හි සේවය කල දක්ශ තාක්ශණික ශිල්පියෙකු හා පසුව ඉන්ජිනේරුවෙකු ලෙස උපාධිය දිනාගෙන අධිතාක්ශණික ඉලෙක්ට්‍රොණික උපකරණ නිර්මාණ සමාගමක එවකට සේවයේ නියුතුව සිටි ජැක් කිල්බි වැනි විශ්වාසවන්තයෙකුට එම අවස්ථාව ලැබාදීම එතරම් පුදුමයක් විය නොහැකියි නේද?

ඉලෙක්ට්‍රොනික උපාංග හැකිතාක් කුඩා කිරීමේ පර්යේෂණවල එවකට නියුතුව දක්ශ විද්‍යාඥයින් සියගණනක් අතුරින් කිල්බිට පමණක් සිලිකන් පෙත්තක් මත ට්‍රාන්සිස්ටර් වැනි උපාංග ස්ථාපණය කිරීමෙන් ඉතා කුඩා සංගෘහිත පරිපථයක් නිපදවිය හැකිය යන විප්ලවීය අදහස එක්වරම පහලවූයේ කෙසේදැයි ජැක් කිල්බිගේ චරිතාපදාන වලට අනුව විස්තර කෙරෙන්නේ නෑ. විකිපීඩියා හා වෙනත් කිල්බි පිලිබඳව ලියැවුනු චරිතාපදානවල, එවක (1957-58) ටෙක්සාස් ඉන්ස්ටෘමන්ට්ස් නැමති ඉලෙක්ට්‍රොණික සමාගමේ පර්යේශණ වල නියැලී සිටි කිල්බි හට මෙම අදහස පහලවී ඒ ඔහුගේ කළමණාකාරිත්වයට ඉදිරිපත් කොට පර්යේෂණ සඳහා අවසර ඉල්ලූ බව පැවසෙනවා....


පිටසක්වල තාක්ශණය අමෙරිකානු විද්‍යාඥයින් හට හා අධිතාක්ශණික සමාගම් වලට ලැබෙන ආකාරය දැන් පැහැදිලිද?

බොහෝ අවස්ථාවලදී මේ විද්‍යාඥයින් කිසිවෙකුටත් පිටසක්වල යානාවල කොටස් අධ්‍යයනය කිරීමට හෝ පර්යේෂණයට බඳුන්කොට තාක්ශණය උකහාගැනීමට ලැබෙන්නේ නෑ. එම පර්යේෂණ අතිශය රහසිගත ලෙස වෙනත් විද්‍යාඥයින් හා විශේෂඥයින් මගින් සිදුකරන අතර එම පරියේෂණ අදාලව ලියවුනු තාක්ශණික පත්‍රිකා හා කල්පිත පත්‍රිකා පමණක නිර්ණාමීකරණයට (anonymized) බඳුන්කොට වෙනත් විද්‍යාඥයින්ට ලබාදෙනවා.

මෙම කල්පිත පත්‍රිකා පරිශීලණය කරන තුන්වන පාර්ශවයේ විද්‍යාඥයින් හට ඔවුන් මේ කියවන්නේ පිටසක්වල තාක්ශණයක් ක්‍රියාත්මක වන ආකාරය පිලිබඳව ලියැවුනු කල්පිතයක් බවට වැටහීමක් ඇතිවන්නේ නෑ. බොහෝවිට මෙවැනි පත්‍රිකා අමෙරිකාවේ ක්‍රියාත්මක වන සියගණනාවක් අතිශය රහසිගත යුධමය කටයුතු පිලිබඳව පර්යේෂණ කෙරෙන පර්යේෂණාගාරයක විද්‍යාඥයෙකු විසින් රචිත, රාජ්‍ය රහස් ආරක්ශාකිරීමෙන් පනත් මගින් ආරක්ශා කොට ඇති තාක්ශණයක් පිලිබඳව පත්‍රිකාවක් බව එම විද්‍යාඥයින් හට හඟවනවා.

පිටසක්වල තාක්ශණය ඇසුරින් නිමැවුනු විද්‍යාත්මක සංකල්ප හා තාක්ශණ සංකල්ප අමෙරිකානු විද්‍යාගාර හා අධිතාක්ශණික සමාගම වෙත ලැබෙන්නේ මෙවැනි නිර්නාමකරණ ක්‍රියාවලියකින් පසු, එම තාක්ශණයේ ජන්මය පිලිබඳව සියලු තොරතුරු වසන් කිරීමෙන් පසුවයි.




5 comments:

ආතර් සී. ක්ලාර්ක් ශ්‍රීමතාණන් 1974දී අන්තර්ජාලය පිලිබඳව අනාවැකියක් පලකල ආකාරය!!!



කාළය - 1974
ස්ථානය - යුනික්ස් (UNIX) වර්ගයේ මෙහෙයුම් පද්ධති මගින් දිවෙන දැවැන්ත පරිගණක මධ්‍යස්ථානයකි.
පුද්ගලයින් - ආතර් සී. ක්ලාර්ක් ශ්‍රීමතාණන්, ඔස්ට්‍රේලියානු පුවත්වාර්තාකාරුවෙකු හා එම වාර්තාකරුගේ 5හැවිරිදි පුත්‍රයා.

ABC-TV ඔස්ට්‍රේලියානු රූපවාහිනී සේවය මගින් 1973-1974 වසරවල විකාශණය කල විද්‍යා සඟරාමය වැඩසටහනක් වූ "Perspectives" වැඩසටහන වෙනුවෙන්, විශිෂ්ඨ විද්‍යාප්‍රබන්ධ රචකයෙකු හා අනාගත වක්තෘකෙනෙකු ලෙස එවකටත් ප්‍රකටව සිටි ආතර්.සී.ක්ලාර්ක් මහතා සමග පරිගණක තාක්ශණයේ අනාගත දියුණුව පිලිබඳ සිදුකල සම්මුඛ සාකච්ඡාවකදී අන්තර්ජාලය වැනි ලෝකව්‍යාප්ත පරිගණක ජාලයක් පිලිබඳව අනාවැකියක් පලකෙරුනි.

සිය 5හැවිරිදි පුත්‍රයා සමගින් ක්ලාර්ක් විද්වතාණන් සමග සම්මුඛ සාකච්ඡාව ආරම්භකල ඔස්ට්‍රේලියානු මාධ්‍යවේදියා, සිය පුත්‍රයාව දක්වමින්, 2001 වසරේදී සිය පුත්‍රයා ජීවත්වන ලෝකයේ පරිගණක තාක්ශණය කෙබඳුවේදැයි අසා සිටියේය.

මෙම පැනයට පිලිතුරු දුන් ක්ලාර්ක් ශ්‍රීමතාණන්...

" මෙම දරුවාගේ නිවසේ පරිගණක කොන්සෝලයක් තිබෙණු ඇත...මේ ස්ථානයේ තිබෙනවා වගේ අතිවිශාල පරිගණක නොවෙයි....ඔහුගේ නිවසේ තිබෙණුයේ ඉතා කුඩා එහෙත් බලසම්පන්න පරිගණකයකි...මෙම පරිගණකය මගින් ඔහුගේ ජීවිතයේ බොහෝ කාර්යයන් පහසු කරනු ඇත. ඔහුට අවශ්‍ය සියලුම තොරතුරු මෙම පරිගණකය හරහා ලැබෙනු ඇත...ඔහුගේ බැංකු ගිණුම් තොරතුරු, ඔහු කැමති චිත්‍රපට සඳහා ටිකට්පත් පවා මෙම පරිගණකය හරහා ඔහුට ලබාගත හැකි වනු ඇත...."

" මෙවැනි කුඩා පරිගණක මගින් ඕනෑම කෙනෙකුට ලෝකයේ ඕනෑම ස්ථානයක සිට සිය රැකියාව හෝ ව්‍යාපාරික කටයුතු කරගත හැකිවනු ඇත..."

"අන්තර්ජාලය" යන නම ආතර් සී.ක්ලාර්ක් භාවිතා නොකලත් ඔහු මේ කියන්නේ අද අපට නැතුවම බැරි, අපට ඕනෑ සියලුම තොරතුරු සොයාදෙන, අපගේ බැංකු ගණුදෙනු සිදුකල හැකි, චිත්‍රපට ටිකට්, ගුවන් ටිකට්පත් හා තවත් දහසකුත් එකක් මිලදීගත හැකි අන්තර්ජාලය ගැන නොවේද?

දැන් එම සාකච්ඡාවේ වීඩියෝව නරඹන්න...




3 comments:

තත්පර 60ක් තුල පරිගණක ලෝකයේ සිදුවන විස්මිත දෑ.....



ලොව පුරා තත්පර 60කදී පරිගණක 710 විකිණෙන අතර ඉන් 555ක්ම ඉන්ටෙල් ප්‍රොසෙසර් අඩංගු පරිගණක වේ.

පරිගණක 220ක් වෛරස් ආසාදනයකට බඳුන්වේ

CD තැටි මිලියන 2.6 පිරවිය හැකි ටෙරාබයිට 1820ක (1 terabyte = 1024 gigabytes)  දත්ත ලොව පරිගණක දත්ත මහමෙරට අලුතින් එකතුවේ.

වින්ඩෝස් 7 මෘදුකාංගය අඩංගු CD තැටි 450ක් සෑම තත්පර 60ක් තුල විකිණේ.

වෙබ් අඩවි 12ක් හැකරුන්ගේ ග්‍රහණයට නතුවෙන අතර තවත් හැකින් ප්‍රයත්න 416ක් විනාඩියක් තුල ලොව පුරා සිදුවේ.

Redbox.com අඩවිය හරහා චිත්‍රපට DVD 1400ක් කුලියට (බලා ආපසු භාරදෙන පදනමට) ගැනේ

ebay.com අඩවිය හරහා මිළදීගැනීම් 950කට අධික සංඛයාවක් සිදුවන අතර මින් ගණුදෙනු 180කට අධික සංඛයාවක් ජංගම දුරකථන හරහා සිදුවේ.

ඩොලර් 216,000ක ගෙවීම් අඩවිය හරහා සිදුවන අතර මින් ඩොලර් 10,000ක ගණුදෙනු ජංගම දුරකථන හරහා සිදුවේ.

ෆාර්ම් විල් ක්‍රීඩාවේ අක්කර 1100ක් මිනිත්තුවක් තුලදී වගාකෙරෙන බව පැවසේ.

මිනිත්තුවක් තුල බ්ලැක්බෙරි ස්මාර්ට්ෆෝන 103ක්ද අයිෆෝන් 925ක්, අයිපෑඩ් 81ක්, xbox 360 11ක්, කින්ඩල් ෆයර් ටැබ්ලට් 18ක්ද මිළදී ගැනේ.

තත්පරක් තුල Instant Messaging (IM) සේවාවන් හරහා සංවාද මිලියන 11ක් සිදුවේ

මෙම තත්පර 60තුලම USB උපාංග 4000ක් InkJet හා Laser ප්‍රින්ටර් සඳහා යොදන 2500ක්ද විකිණේ. එමන්ම ඊ-අපද්‍රව්‍ය (e-waste) එනම් පරිගණක හා ඉලෙක්ට්‍රොනික උපාංග ඉවතදැමීමෙන් හටගන්න අපද්‍රව්‍ය ටොන් 38ක් ලොව කුණු කන්දට එක්වේ.

මේ සියල්ල සිදුවන තත්පර 60 තුලම ගූගල් සමාගමේ ලාභාලාබ ගිණුමට ඩොලර් 75,000ක් ආදායම ලෙස එකතුවේ.



0 comments:

ලොව විශාලතම සූර්යතාප බලාගාරය තෙල් නිධි වලින් පොහොසත් අබුඩාබියේ!



2010 වසරේ අගභාගයේදී ඩොලර් මිලියන 100ක වියදමින් ඉදිකිරීම් කටයුතු ආරම්භ වුනු මෙම සූර්යතාප බලාගාරයේ ධාරිතාවය මෙගාවොට් 100කි. මෙගාවොට් 100ක ධාරිතාවයට වඩා විශාල ධාරිතාවයෙන් යුතු සූර්යබල ව්‍යාපෘති කිහිපයක් ලොව ඇත. උදාහරණයක් ලෙස ඉන්දියාවේ ගුජරාට් ප්‍රාන්තයේ පිහිටි "ගුජරාට් සූර්ය උද්‍යානය - Gujarat Solar Park Project" නම් සූර්ය බල ව්‍යාපෘතිය මගින් මෙගාවොට් 600ක් උත්පාදනය කෙරෙතත් එම ව්‍යාපෘතියේ ජනක ඒකක ගුජරාට් ප්‍රාන්තයේ විවිධ නගරවල පිහිටා තිබෙන අතර එහි එක් ජනක ඒකකයක ධාරිතාවය මෙගාවොට් 100ට අඩුය.

එකම ජනක ඒකකයකින්(generation unit) මෙගාවොට් 100ක් නිපදවන දැනට ඇති එකම බලාගාරය අඩුඩාබිහී නොබෝදා විවෘතවුනු ශම්ස්-1 නම් සූර්යතාප බලාගාරයයි.

ශම්ස්-1 ව්‍යාපෘතියේ මෙගාවොට් 100 මගින් සුඛෝපභෝගී නවීන නිවාස 20,000කට විදුලිබලය සැපැයිය හැකි බව පැවසේ. වර්ග කිලෝමීටර් 2.5ක් පුරා පැතිරී ඇති පැරබෝලික් දර්පණ 258,048ක් මගින් නාභිගත කෙරෙන සූර්යතාපය, දර්පණවල නාභිය ඉදිරියෙන් දිවෙන බටයක් තුල ඇති ජලය හුමාලය බවට හරවන අතර එම හුමාලය විශාල හුමාලයෙන් ක්‍රියාකරන ටර්බයිනයක් කරාගෙන යනු ලැබේ. විදුලි ජනක යන්ත්‍ර ධාවනය වන්නේ මෙම හුමාල එන්ජිම මගිනි.

ශම්ස්-1 සඳහා ආයෝජනය කල අබුඩාබි සමාගම දැන් ශම්ස්-2 හා ශම්ස්-3 ලෙස හැඳින්වෙන සූර්ය බල ව්‍යාපෘති දෙකක්ද ආරම්භ කොට ඇත.


1 comments:

MITSUBISHI GR-HEV DIESEL-ELECTRIC HYBRID PICKUP

ජපානයේ මිට්සුබිෂි සමාගම ස්විට්සර්ලන්තයේ ජිනීවා නුවර පැවති 2013 ජිනීවා මෝටර් ශෝ ප්‍රදර්ශණයේදී නවතම ඩීසල් හයිබ්‍රිඩ් පිකප් රථයක් ලොවට හඳුන්වාදුන්නා. නුදුරු අනාගතයේදී මිට්සුබිෂි සමාගමේ ජනප්‍රිය L200 පිකප් රථ මාදිලියේ නවතම ප්‍රතිමූර්තිය ලෙස ඉදිරිපත් කිරීමට නියමිත මෙම රථය ලොව පුරා පිකප් රථ ලෝලීන් කුල්මත් කිරීමට සමත්වී තිබෙනවා. අතිනවීන, ආකාර්ශණීය පෙනුමකින් නිමැවී ඇති මෙම රථයේ නිර්මාණය මෙන්ම රථය තුල අඩංගු කොට ඇති තාක්ශණයත් නවතම මෝටර් රථ ඉන්ජිනේරු තාක්ශණය බව පැවසෙනවා.

ලීටර් 2.5 නවතම අඩු විමෝචන (low emission) ටර්බෝ ඩීසල් එන්ජිමකින් බලගැන්වෙන මෙම රථයට හයිබ්‍රිඩ් තාක්ශණයත් මුසුකොට තිබෙන්නේ නවීනතම විදුලි මෝටරයක් රථයේ power-train වෙත සම්බන්ධ කිරීමෙන්. මෙම විදුලි මෝටරයෙන් අමතර ජවයක් ලබාදෙන අතර එන්ජිම හා මෝටරය එක්ව ටොන් එකක බරක් ගෙනයාමට හැකි ව්‍යවර්ථ (torque) බලයක් ජනනය කරනවා.

එන්ජිමෙන් හා මෝටරයෙන් දෙන ජවය පූර්ණ ස්වයංක්‍රීය (fully automatic) ගියර පද්ධතියක් මගින් full-time four wheel drive ආකාරයට රෝදවලට ලබාදෙන අතර සාමාන්‍ය ඩීසල් L200 පිකප් රථයක ඇති off-road හැකියාව එමගින් මෙම රථයට ලබාදෙනවා.

ඩීසල් එන්ජිම හා මෝටරය එක්ව හයිබ්‍රිඩ් ආකාරයට ක්‍රියාකරන බැවින් මෙම රථයේ කාබන් ඩයොක්සයිඩ් විමෝචනය කිලෝමීටරයකට ග්‍රෑම් 149ක් තරම් අඩුවෙන අතර ඉන්ධන කාර්යක්ශමතාවය ඩීසල් ලීටරයකට කිලෝමීටර් 17ක් පමණ වෙතයි මිට්සුබිෂි සමාගම පවසනවා. ටොන් එකක බරක් ගෙනයා හැකි පිකප් රථයකට මෙවැනි ඉන්ධන කාර්යක්ශමතාවයක් තිබීම හයිබ්‍රිඩ් තාක්ශණයේ විශිෂ්ඨ සාධනයක් බව කිවයුතුයි.













3 comments:

ලබන බ්‍රහස්පතින්දා එලිදකින Samsung Galaxy S4


සැම්සුන්ග් ගැලැක්සි S4, සැම්සුන්ග් සමාගමේ නවතම ඇන්ඩ්‍රොයිඩ් ස්මාර්ට්ෆෝනය ලබන බ්‍රහස්පතින්දා එනම් 14/03/2013 දින අමෙරිකාවේදී හා යුරෝපයේදී එලි දැක්වීමට නියමිතය. විචාරකයින් පවසන අන්දමට ඇපල් අයිෆෝන් 5 ස්මාර්ට්ෆෝනයට ඉතා හොඳ තරඟයක් දිය හැකි මෙය දැවැන්ත අභියෝගයක් බව ඇපල් සමාගම පවා වටහාගෙන සිටින බව ඇපල් සමාගම අඇපල් අයිෆෝනයේ නවතම උපාංග හා ඇප්ස් විස්තර කෙරෙන දැන්වීම් මාලාවක් මේ සතියේදී මෙරිකාව පුරා රූපවාහිනී චැනලවල ප්‍රචාරය කිරීමෙන් පෙනේ.

සැම්සුන්ග් සමාගම ගැලැක්සි S4 ස්මාර්ෆෝන මිලියන 10ක් පලමු දින 30 ඇතුලති විකිණෙනු ඇතැයි විශ්වාසය පලකරයි. ගැළැක්සි S4 ෆෝනය S3 ෆෝනයට වඩා ප්‍රමණයෙන් මදක් විශාල වන අතර විශාල මෙන්ම ඉතා තීව්‍ර තිරයකින්ද යුක්තය.


ගැළැක්සි S4 ෆෝනයේ තාක්ශණික දත්ත (දැනට හෙලිවී ඇති අන්දමට)

Screen : 5-inch Super AMOLED 1080p HD screen

Resolution: 1,080 x 1,920 with 440 pixels per inch (PPI)

OS : Android 4.2. Code-named Jelly Bean




Processor : Exynos 5 Octa eight-core processor running at 1.8 GHz

Camera (Primary & Front facing) : 13-megapixel camera + 2.2. megapixel front-facing camera.

Network : 4G LTE + 802.11 ac superfast WiFi

Eyetracking Technology : ෆෝනයේ ඉදිරිපස කැමරාව භාවිතාකරන්නාගේ දෑස් අධ්‍යයනය කරන අතර වෙබ් පිටුවක් හෝ වෙනත් යමක් කියවනවිට තිරයේ දැක්වෙන කොටස කියවා අවසන් බව වටහාගෙන ස්වයංක්‍රීයව ඊලඟ පිටුව පෙරලීමේ හැකියාව ඇතැයි පැවසේ. එමෙන්ම වීඩියෝ දර්ශණ පෙන්වීමේදී නරඹන්නාගේ දෑස් තිරයෙන් ඉවත්වූ විට ෆෝනය වීඩියෝව තාවකාලිකව නවතයි. නැවතත් දෑස් තිරයට යොමුවූවිට වීඩියෝව ධාවනය වේ.

Wireless charging

බ්‍රහස්පතින්දා එලිදැක්වීමෙන් පසු S4 හි නවතම තොරතුරු බලාපොරොත්තු වන්න

2 comments:

"ඇපල් සමාගමේ නිර්මාණශීලිත්වය හා නවෝත්පාදන හැකියාවන් අඩුවෙමින් යනවා!!.." ඇපල් සමාගමේ සම-ප්‍රාරම්භක ස්ටීව් වොස්නියැක්

සිටීව් ජෝබ්ස් හා ස්ටීව් වොස්නියැක් ඇපල් සමාගම ආරම්භ කල මුල් කාළයේ සිය මුල්ම නිශ්පාදනය වූ Apple I පුද්ගලික පරිගණකයේ මව් පුවරුව සමග. මෙම මව් පුවරුව නිර්මාණය කලේ ස්ටීව් වොස්නියැක් විසිනුයි.
ඔබ සමහරවිට ස්ටීව් වොස්නියැක් ගැන අසා නැතුව ඇති. ස්ටීව් ජෝබ්ස් තරමට ප්‍රසිද්ධ නැතත්, ස්ටීව් වොස්නියැක් පරිගණක පිලිබඳ උනන්දුවක් දක්වන, පරිගණක ඉතිහාසය, විශේෂයෙන්ම පුද්ගලික පරිගණක (Personal Computer) ඉතිහාසය පිලිබඳව උනන්දුවක් දක්වන්නන්ට අමුත්තෙකු නොවේ. 

ස්ටීව් වොස්නියැක් යනු ස්ටීව් ජෝබ්ස් සමග 1976 අප්‍රේල් 1වැනිදා ඇපල් සමාගම ආරම්භ කල සම-ප්‍රාරම්භකයායි. එසේත් නැතිනම් ඇපල් සමාගම මෙලොවට ගෙන ආ පියවරුන් දෙදෙනාගෙන් දැන් ජීවතුන් අතර සිටින්නායි. එමෙන්ම ඇපල් සමාගම මුලින්ම ලොව කරලියට ගෙනා "Apple I" පුද්ගලික පරිගණකය නිර්මාණය කල, ඇපල් සමාගමේ රැඩිකල් නවෝත්පාදන රැළ්ලේ පළමු තාක්ශණික මායාකාරයාද ස්ටීව් වොස්නියැක් මිස වෙන කිසිවෙකුත් නොවේ.  ජෝබ්ස් සමාගමේ ප්‍රවර්ධන කටයුතු පිලිබඳව අවධානය යොමුකරමින් ඇපල් සමාගමේ සමාජ මුහුණත (public face of Apple Inc.) වෙද්දී ස්ටීව් වොස්නියැක් හා ඔහුගේ මිතුරන් මෙන්ම සම සේවකයින් වූ තරුණ ඉන්ජිනේරුවන් කණ්ඩායම ඇපල් සමාගමේ (එවකට) කුඩා නිර්මාණ විද්‍යාගාරයේ රෑ නිදි නොලබා පහන් කරමින් අලුත් නිර්මාණ සඳහා පර්යේෂණ වලට කැපවුනා.

පසු කලක ස්ටීව් ජෝබ්ස්ගේ උද්ධච්ච කළමණාකරණ විලාශය පිලිබඳව කළකිරී ඔහු හා විරසකව සමාගමේ සියලු වගකීම් වලින් ඉවත් වූවත්, එදා සිට අද දක්වාම ඇපල් සමාගම සියලු ක්‍රියාකාරකම් පිලිබඳව දැඩි උනන්දුවකින් ක්‍රියාකරන්නේ ඔහු සැබැවින්ම තමන් බිහිකරන්නට දායකවූ සමාගමට ඇති දැඩි ඇල්ම නිසායි.

ස්ටීව් වොස්නියැක් අද.....
ඇපල් සමාගම කෙරෙහි ස්ටීව් වොස්නියක්ගේ ඇල්ම කෙතෙක්ද යත් ඇපල් සමාගම ලොවට හඳුන්වාදෙන සෑම අලුත් නිශ්පාදනයක්ම එය වෙළද පොලේ විකුණන්නට ඉදිරිපත් කරනලද පලමු දිනයේදීම අනෙකුත් ඇපල් සමාගමේ ලෝලීන් සමග පැයගණනාවක් පෝලිමේ රැඳී සිට ඒවා මිලදී ගැනීමට එදාසිටම පුරුදුව සිටිනවා.

Woz යන ආදර නාමයෙන් හඳුන්වන වොස්නියැක් මෑතකදී ලබාදුන් මාධ්‍ය සාකච්ඡා කිහිපයකදීම ඇපල් සමාගමේ අනාගතය පිලිබඳව තමන් එතරම් සෑහීමකට පත් නොවන බව ප්‍රකාශ කලා. ඔහු "Apple Insider" සඟරාවට හා "C|net" තාක්ශණ පුවත්සේවාවට පලකල අදහස් කිහිපයක්.....

"මම හිතනවා අපි සැම්සුන්ග් සමාගමට තරමක් පිටුපසින් ඉන්නේ කියලා. සැම්සුන්ග් කියන්නේ ඉතාම හොඳ තරඟකරුවෙක්.....ඇපල් නිශ්පාදනවල features වලට වඩා අපේ තරඟකරුවන් ඉදිරිපත්කරන නිශ්පාදනවල features ඉදිරියෙන් තියෙනවා කියලා කියන්න පුලුවන්....."

"ඇපල් මැප්ස් වැඩසටහනත් හරිම කණගාටුදායක විධියට භාවිතාකරන්නන් නොමග යවනවා...ඇපල් සමාගමෙන් එලිදකින නිශ්පාදනයක් මෙසේ නොවිය යුතුයි..."

""ඇපල් සිරී කටහඬ හඳුනාගෙන පිලිතුරු දීමේ මෘදුකාංගය අසාර්ථකයි කියලා මට හිතෙනවා....ඇන්ඩ්‍රොයිඩ් මෙහෙයුම් පද්ධතියේ කටහඬ හඳුනාගෙන පිලිතුරු දීමේ හැකියාව ඇපල් සිරී මෘදුකාංගයට වඩා බොහෝ ඉහලයි...."...උදාහරණයක් විදියට මම වාහනය පදවන ගමන් මගේ අයිෆෝනයේ සිරී වැඩසටහනට මගේ ප්‍රියතම අවන්හලේ නම කියලා එයට ඇමතුමක් ගන්න කිව්වොත් බොහෝ වෙලාවට දෙතුන් පාරක් කිව්වත් සිරීට මගේ විධානය තේරුම්ගන්න බෑ...ඒත් මගේ ඇන්ඩ්‍රොයිඩ් ෆෝන් එකට එකපාරක් කිව්වම හරියට තේරුම් අරගෙන ඇමතුම සම්බන්ධ කරනවා......මේ දුර්වලතාවය නිසා ඇපල් සිරී මෘදුකාංගයේ ප්‍රායෝගික ප්‍රයෝජන අඩුයි..."

"මම තවමත් මගේ අයිෆෝන් එකට කැමතියි, ඒත් මට කණගාටුයි මගේ අයිෆෝන් එකට ඇන්ඩ්‍රොයිඩ් අලුත්ම සංස්කරණය අඩංගු ස්මාර්ට්ෆෝනයකට කරන්න පුලුවන් දේවලුත් පුලුවන්නම්..."

"මම ඒ කාලේ ඉඳන්ම මයික්‍රොසොෆ්ට් සමාගමේ වින්ඩෝස් මෘදුකාංගයට කැමති නෑ...ඒත් මේ ලඟදී නිකුත්කරපු Microsoft Surface Pro ටැබ්ලට් පරිගණකය හා එහි වින්ඩෝස් 8 මෘදුකාංගය දැක්කම හිතෙනවා මිය ගිය ස්ටීව් ජෝබ්ස් මයික්‍රොසොෆ්ට් සමාගම තුල නැවත ඉපදිලාද කියලා....Surface Pro ටැබ්ලට් පරිගණකය ඒ තරම්ම ආකර්ශණීය නිර්මාණයක්...මයික්‍රොසොෆ්ට් සමාගමට ලස්සන යමක් නිර්මාණය කිරීමේ හැකියාව මේ වනතෙක් තිබිලා නෑ...ආකර්ශණීය පරිගණක මෙවලම් නිර්මාණය කිරීමේ ඒකාධිකාරිය තිබුනේ ඇපල් සමාගමට....මේක අයිපෑඩ් එකට අභියෝගයක් වෙන්න පුලුවන්...."

"කණගාටුයි කියන්න...ඒත් ඇපල් සමාගම ඔවුන්ගේ සාර්ථකත්වය නිසාම උඩඟු වෙලා...අහංකාර වෙලා...ඔවුන් හිතන්න පටන් අරගෙන තියෙනවා හැම දෙයක්ම හරියට කරන්න පුලුවන් ඔවුන්ට විතරයි කියලා....ඒක ලොකු වැරද්දක්....අති දක්ශයෝ ඉන්නේ ඇපල් සමාගමේ විතරක් නෙමෙයි...ගූගල්...මයික්‍රොසොෆ්ට්...ඔය හැම සමාගමකම හැබෑ දක්ශයෝ ඉන්නවා...."

"ඇන්ඩ්‍රොයිඩ් මෘදුකාංග නිර්මාණ හා සංවර්ධන කණ්ඩායමේ ප්‍රධාන ඉංජිනේරු ඇන්ඩි රූබින්ව මම හොඳට දන්නවා....ඔහු ඉතා දක්ශ ඉන්ජිනේරුවෙක්...ඔහු හා ඔහුගේ කණ්ඩායම ඇපල් iOS එකත් ගූගල් ඇන්ඩ්‍රොයිඩ් එකත් අතර පරතරය බොහොම අඩුකරලා...දැන් ඇන්ඩ්‍රොයිඩ් හා ඇපල් iOS බොහෝ සමානයි..."

"ඇපල් සමාගම සැම්සුන්ග් සමාගමට නඩුදාපු එකට මම තදින් විරුද්ධයි....ඇපල් සමාගම නඩුදාලා තියෙන්නේ තාක්ශණය කොපිකෙරුවා කියල නෙමෙයි, නිර්මිතය (design) කොපි කෙරුවා කියලා...පිස්සු වැඩක්...."

Sources:

http://appleinsider.com/articles/13/02/07/wozniak-apple-now-somewhat-behind-in-smartphone-features
http://news.cnet.com/8301-17852_3-57550839-71/woz-microsoft-might-be-more-creative-than-apple/
http://news.cnet.com/8301-17852_3-57568219-71/woz-apple-now-somewhat-behind/
http://news.cnet.com/8301-17852_3-57530563-71/woz-apple-got-arrogant/
http://www.techweekeurope.co.uk/news/apple-co-founder-steve-wozniak-praises-android-criticises-siri-54661
http://news.cnet.com/8301-17852_3-57512463-71/woz-i-hate-the-apple-samsung-patent-fight/
http://appleinsider.com/articles/12/07/09/steve_wozniak_on_microsoft_surface_steve_jobs_came_back_reincarnated_at_microsoft


2 comments:

අලුත්ම ලම්බෝගිනී සුපිරි කාර් -New Super Cars from Lamborghini

Lamborghini Veneno (Limited Edition)



එන්ජිම : අශ්වබල 750, V12
නිමැවුම : කාබන් ෆයිබර් බොඩි පැනල, ඇලුමිනියම් හා ටයිටේනියම් මිශ්‍ර ලෝහ
උපරිම වේගය : පැයට කිලෝමීටර් 355
මිල : ඩොලර් මිලියන 3.9
නිමවන රථ ප්‍රමාණය : 3ක් පමණි, ඒවා රතු, සුදු හා කොළ වර්ණවලින් නිමැවෙනු ඇති අතර එම වර්ණ මගින් ලම්බෝගිනි මෝටර් රථ සමාගමේ මවු රට වන ඉතාලියේ ජාතික කොඩියේ වර්ණ තුන සංකේතවත් කෙරේ.


Lamborghini Urus

ලම්බෝගිනි සමාගම නිපදවන ප්‍රථම SUV මාදිලියේ රථය "යූරස්" ලෙස නම් තබා ඇත. 




එන්ජිම : අශ්වබල 600, V10 සමග ක්ලච් 2ක (Dual Clutch) ටිප්ට්‍රොනික් ගියර පද්ධතිය
රෝදවලට බල සැපයුම : Permanenet All Wheel Drive System
නිමැවුම : කාබන් ෆයිබර් බොඩි පැනල, ඇලුමිනියම් හා ටයිටේනියම් මිශ්‍ර ලෝහ
උපරිම වේගය :  - නොදනී -
මිල : - තීරණය කොට නොමැත -


Lamborghini Sesto Elemento (Limited Edition)



එන්ජිම : අශ්වබල 570, 5.2 litre V10
රෝදවලට බල සැපයුම : 6 speed semi-automatic with paddle shift
නිමැවුම : කාබන් ෆයිබර් බොඩි පැනල, ඇලුමිනියම් හා ටයිටේනියම් මිශ්‍ර ලෝහ
උපරිම වේගය :  පැයට කිලෝමීටර් 300+
මිල : ඩොලර් මිලියන 2.2
නිමවන රථ ප්‍රමාණය : 20ක් පමණි


3 comments:

අමෙරිකානු ආරක්ශක දෙපාර්ථමේන්තු අභ්‍යන්තර වාර්තාවක් F-35 Joint Strike Fighter සුපිරි ස්ටෙල්ත් යානය දුබලකම් පිරි ඩොලර් ට්‍රිලියනයක සුදු අලියෙකු බව ප්‍රකාශකරයි!


F 35 යානයේ ක්‍රියාකාරිත්වය හා විශ්වාසනීයත්වය ඉතා දුර්වල මට්ටමක පවතී!

ආරක්ශක දෙපාර්ථමේන්තුවේ මෙහෙයුම පරීක්ශණ හා ඇගැයිමේ අංශයේ අධ්‍යක්ශක මයිකල් ගිල්මෝර් විසින් ආරක්ශක ලේකම්වරයා වෙත යවන ලද වාර්තාවක F 35 යානයේ දුර්වලතා විශාල ප්‍රමාණයක් සවිස්තරාතමකව සටහන් කොට ඇත. ෆ්ලොරිඩා ප්‍රාන්තයේ එග්ලින් ගුවන් හමුදා කඳවුරේ දින 65ක් පුරා පවත්වන ලද F 35 පරීක්ශණ පියාසැරි ගණනාවකින් එක් රැස් කරගත් තොරතුරු අනුව මෙම වාර්තාව පිලියෙල කොට ඇත.






















වාර්තාවේ විස්තර කොට ඇති දුර්වලතාවයන්ගෙන් සමහරක්...

1] යානයේ රේඩාර් යන්ත්‍රය  නිසිලෙස ක්‍රියාත්මක නොවන බව පරීක්ශණ පියාසැරිවල (test flights) යෙදුනු නියමුවන් වාර්තාකොට ඇත.

2] යානයේ නියමුවා පලඳින අතිනවීන තාක්ශණයෙන් යුතු  හෙල්මටයට සංගෘහිත කරන ලද තොරතුරු ප්‍රක්ශේපන පද්ධතිය (Helmet Mounted Display System) සම්පූර්ණයෙන්ම අසාර්ථක මෙවලමක් වී ඇති අතර එහි දෝශ නිවැරදිකොට නිසි ක්‍රියාකාරිත්වයට පත්කරන නිශ්චිට කාළවකවානුවක් ඉදිරිපත් කිරීමට යානයේ නිශ්පාදකයා වන ලොක්හීඩ් මාර්ටින් සමාගම අසමත්වී ඇත.

3] යානයේ අධිතාක්ශණික පරිගණක යන්ත්‍ර ක්‍රියාත්මක කරවන මෘදුකාංග ඉතා සංකීර්ණ වන අතර කේත පේලි (lines of code) මිලියන 10 කින් යුක්තය. මෙතරම් සංකීර්ණ මෘදුකාංග පද්ධතියක් දෝශ රහිතව සෑම පියාසර තත්වයක් යටතේම නිවැරදිව ක්‍රියාත්මක වන බවට තහවුරු කිරීමට නිශ්පාදක සමාගමට තවමත් නොහැකිවී ඇත.


4]අණතුරකදී නියමුවාව නියමු අසුන සමගම යානයෙන් ඉවතට තල්ලුකරන ejection seat උපාංගය නිසිපරිදි ක්‍රීයාත්මක වනබව තහවුරු කරගැනීමට පරීක්ශණ පියාසැරි වලදී නොහැකි වූ අතර නියුමු ජීවිත අණතුරේ වැටීමට ඉඩ ඇත.

5] යානයේ තොරතුර නියමුවාට ලබාදෙන ස්පර්ශ-සංවේදී පරිගණක තිර (touch-screens) නිසිපරිදි ක්‍රියාත්මක නොවන බවට පරීක්ශණ පියාසැරිවල යෙදුනු නියමුවන් වාර්තාකොට ඇත.

6] ගුවනේදී යානයට ඉන්ධන පුරවාගත හැකි air-refueling පද්ධතිය නිසි ක්‍රියාකාරිත්වයට පත් කිරීමට ලොක්හීඩ් මාටින් සමාගම තවමත් අසමත් වී ඇත.


7] යානයේ බර අඩු කිරීම සඳහා ගින්නකදී ඉන්ධන සැපයුම කපා හැරෙන වෑල්ව පද්ධති කිහිපයක් ඉවත් කිරීමට ලොක්හීඩ් නිර්මාණ ඉන්ජිනෙරුවන් තීරණය කොට ඇති අතර මේ අනුව යානය වෙඩි හෝ මිසයිල ප්‍රහාරයකදී ගිණිගැනීමේ සම්භාවිතාවය 25% ඉහල ගොස් ඇති බව අවධාරණය කල යුතුය.

8] යානයේ නියමුවා හා පරිගණක මෙන්ම පොලොවේ ස්ථානගත කොට ඇති මෙහෙයුම් මධ්‍යස්ථාන සමග යානය තොරතුරු හුවමාරු කරගන්නා අතිශය වැදගත් අතුරු මුහුණත් (critical information exchange interfaces) නිසිපරිදි ක්‍රියාත්මක නොවන බව පරීක්ශණ පියාසැරිවල යෙදුනු නියමුවන් හා ගුවන් හමුදා මෙහෙයුම් නිළධාරීන් වාර්තාකොට ඇත.

9] යානය ශබ්දයේ වේගය ඉක්මවන්නට අවශ්‍ය ත්වරණය ලබාගැනීමට ගතවන කාලය F 35 යානය වෙනුවෙන් ගුවන් හමුදාව නිශ්පාදකයාට ඉදිරිපත්කල F 35 කාර්යසාධන නියමාවලියට (Air Force Performance Specifications for F 35) වඩා ඉහලය. ඒ අනුව යානයේ ඉන්ධන දහනය ඉහල ගොස් ඇති අතර ඊට අනුරූපව ගුවනේ රැඳී සිටිය හැකි කාලය අඩුවී ඇත.

F 35 ඩොලර් ට්‍රිලියනයක් කාදැමූ සුදු අලියෙකු බව කොන්ග්‍රස් මණ්ඩලයේ විගණන කාර්යංශය පවසයි!

F 35 යානය ඇනවුම් කිරීමේදී අමෙරිකානු ආරක්ශක දෙපාර්තමේන්තුව ඇස්තමේන්තු කල මුදලට වඩා අතිශයින්ම වැඩි මුදලක් යානයේ නිර්මාණ හා සංවර්ධන කටයුතු සඳහා වැයකරන්නට සිදුවන බව කොන්ග්‍රස් මණඩලයේ විගණන අංශය වාර්තා කරයි. අමෙරිකානු ගුවන් හමුදාවට, නාවික හමුදාවට හා මැරීන් හමුදාවට යන හමුදා තුනවට මාදිලි තුනකින් නිමැවෙන F 35 යානය මුලින් සැළසුම් කොට තිබුනේ 2010 වසර වනවිට සක්‍රිය සේවයට අනුයුක්ත කර ගැනීමටයි. එහෙත් දැන් හෙලිවන අන්දමට යානයේ ඇති සිය ගණනක් දෝශ හා අසම්පුර්ණ නිර්මාණ ක්‍රියාවලිය සම්පූර්ණ කොට යුධ මෙහෙයුම් වලට යොදාගත හැකි මට්ටමේ විශ්වාසනීයත්වයක් ලබා ගැනීමට 2018 තරම් කාලයක් ගතවිය හැකිය.

එමෙන්ම යානයේ ක්‍රියාකාරී හැකියාවන් (performance capabilities) මුලින් ලොක්හීඩ් සමාගමට ප්‍රකාශ කල ආකාරයට වඩා බෙහෙවින් අඩු බව දැන් හෙලි වී ඇත.

1 comments:

අවකාශයේ ත්‍රිමාණ නිර්මාණ සිදුකල හැකි 3Doodler

3ඩූඩ්ලර් යනු ත්‍රිමාණ මුද්‍රණයේ, එනම් ත්‍රිමාණ වස්තූන් අවකාශයේ නිර්මාණය කල හැකි මුද්‍රණ යන්ත්‍රවල විප්ලවීය වෙනසක් සිදුකල හැකි නිර්මාණයකි. පෑනක් මෙන් පෙනෙන හා ක්‍රියාකල හැකි ආකාරයට නිර්මාණය කොට ඇති මෙම ත්‍රිමාණ නිර්මාණ පෑන අමෙරිකානු විශ්වවිද්‍යාල සිසුන් දෙදෙනෙකු වන පීටර් ඩිල්වර්ත් හා මැක්ස්වෙල් බෝර්ග් දෙදෙනාගේ නිර්මාණයකි.

නිර්මාණ ශිල්පීන් හට කොළයක් ගෙන පැන්සලක නිර්මාණයක් කරනවාක් මෙන් පහසුවෙන් ත්‍රිමාණ ආකෘති නිර්මාණය කිරීම සඳහා නිපදවා ඇති 3ඩූඩ්ලර් ත්‍රිමාණ මුද්‍රණ පෑනෙන් අවකාශයේ නිර්මාණ සිදුකල හැකිව තිබෙන්නේ ඉතා විශේෂිත ප්ලාස්ටික් වර්ගයක් එම පෑනේ තුඩින් ඉතා ක්‍රමාණුකූලව වැගිරෙන්නට සැලැස්වීමෙනි. පෑන් තුඩෙන් පිටවන විට ද්‍රව තත්වයේ පසුවන මෙම ප්ලාස්ටික් වර්ගය තුඩින් පිටවුනු වහාම ක්ශණිකව ඝනීභවනය වේ. ඒ අනුව අවකාශයේ නිර්මාණය සෑදෙයි.

මෙම ත්‍රිමාණ පෑනට දමන ප්ලාස්ටික් වර්ගය හැඳින්වෙන්නේ "ඇක්‍රිලෝනයිට්‍රයිල් බියුටඩීන් ස්ටයිරීන්" හෙවත් "ABS" ලෙසිනි. විශ්කම්භය මිලිමීටර් 3ක් වන ප්ලාස්ටික් කම්බි ලෙස එන මෙම ප්ලාස්ටික් වර්ගය විවිධ වර්ණ වලින් සැපයිමට 3ඩූඩ්ලර් නිර්මාණ සමාගම සැළසුම් කරයි.

3ඩූඩ්ලර් ත්‍රිමාණ පෑනට යොදන ABS ප්ලාස්ටික් කම්බි
තවමත් සංවර්ධනය කෙරෙමින් පවතින 3ඩූඩ්ලර් පෑනේ වැඩිදියුණු කිරීම් වල පර්යේශණ හා නිශ්පාදන කටයුතු සඳහා අවශ්‍ය ප්‍රාග්ධනය සපයාගන්නා ආකාරයද 3ඩූඩ්ලර් පෑන මෙන්ම අපූර්ව ක්‍රමයකි. Crowd Funding ලෙස හැඳින්වෙන මෙම ප්‍රාග්ධන සෙවුම් ක්‍රමයේදී ප්‍රාග්ධනය අවශ්‍ය සමාගම ඒවා ලබාගන්නේ ඉතා කුඩා ප්‍රමාණයේ ආයෝජනයන් සිදුකරන සාමාන්‍ය මහජනතාවගෙනි.

දැනට අමෙරිකාවේ ප්‍රචලිත වෙමින් යන මෙම ප්‍රාග්ධන උපැයුම් ක්‍රමයේදී ඩොලර් 1ක් වැනි සුලු මුදලක් පවා ආයෝජනය කිරීමට ආයෝජකයින්ට පුලුවන. එක් අයෙකුගෙන් ලැබෙන මුදල සුලුවුවත් ආයෝජකයින් අතිවිශාල සංඛයාවකගෙන් මුදල් එකතු කරගන්නා නිසා සමාගමට සෑහෙන ප්‍රාග්ධනයක් එක් රැස් කරගැනීමට හැකියාව ලැබේ.

3ඩූඩ්ලර් පෑන වැඩිදියුණු කිරීම සඳහා නිර්මාපකයින් වොබල්වර්ක්ස් (WobbleWorks) නම් සමාගමක් ලියාපදිංචි කොට ඇති අතර මෙම සමාගම කික්ස්ටාටර් (Kickstarter) නම් සමාගමක් හරහා සිය ප්‍රාග්ධන ඉල්ලුම සිදුකොට ඇත. කික්ස්ටාටර් සමාගම 3ඩූඩ්ලර් වෙනුවෙන් වෙන් කොට ඇති වෙබ් පිටුවේ සඳහන් වන ආකාරයට දැනටමත් ආයෝජකයින් 23,565 දෙනෙකු ඩොලර් මිලියන 2.1 ආයෝජනය කොට ඇති අතර තවත් දින 17ක් යනතුරු (එනම් මාර්තු 20 දින තෙක් ) ආයෝජකයින්ට මෙම සමාගමේ ප්‍රාග්ධනය සඳහා දායක විය හැකිය. එපමණක් නොව ඩොලර් 75කට වඩා සමාගමේ ආයෝජනය කරන සෑම අයෙකුටම 3ඩූඩ්ලර් පෑනක් නොමිලේ ලබාදීමටද සමාගමේ අයිතිකරුවන් හා 3ඩූඩ්ලර් නිමාපකයින් වන පීටර් ඩිල්වර්ත් හා මැක්ස්වෙල් බෝර්ග් ගිවිසුම් ප්‍රකාරව එකඟවී ඇත.

3ඩූඩ්ලර් පෑනේ ක්‍රියාකාරිත්වය විස්තර කෙරෙන වීඩියෝව නරඹන්න

4 comments:

අපේ දරුවන් ක්‍රීඩා පිටිවල මැරී වැටීම............


දරුවන්ට ක්‍රීඩාව අරුමයක්‌ නොවේ. දරුවෙකුට ක්‍රීඩාව අරුමයක්‌ වන්නේ නම්, නුහුරු අත්දැකීමක්‌ වන්නේ නම්, ඒ දරුවා බිහිව වැඩී ඇත්තේ දරුවෙක්‌ නොවැඩිය යුතු තරමේ ගර්හිත කාලකණ්‌ණි පරිසරයකය. දරුවෙකුගේ ජීවිතය එම දරුවාගෙන් උදුරාගත් සාහසික වටපිටාවකය. අපට අපේ නොදරුවන් ගැන යළිත් සිතන්නට බලකරනා බරපතළ කියෑවීමක්‌ පසුගිය සති කිහිපය තුළ අපේ දරුපැටව් අපට ජීවිතවලින් වන්දිගෙවා කියා දුන්හ. 

පාසල් ක්‍රීඩා වාරය ඇරඹෙන්නේය. අත්දැකීම් ප්‍රකාරවම පාසල් දරුවෙකුගේ "වසරේ වසන්තය" මේ වකවානුවය. එහෙත් මේ පාසල් ක්‍රිඩා වාරය ඇරඹී ඇත්තේ මරණයේ භීතියද සමගිනි. ක්‍රීඩා ඉසව්වකට එක්‌වීම මාරකයක්‌ සේ සලකන මට්‌ටමට ඒ භීතිය සමහර නිශ්චිත ප්‍රදේශයන්හි පැතිරී තිබේ. නොදරුවෝ නිවාසන්තර මලල ක්‍රීඩාවලට එක්‌වෙති. ක්‍රීඩා කරති. අනතුරුව ක්‍රීඩා පිටිය මත මැරී වැටෙති. එක්‌ සිද්ධියක්‌ වී එහි උණුසුම මැකී යන්නටත් පෙර තවත් සිද්ධියක්‌ වාර්තා වේ. ආසන්නතම සිදුවීම වාර්තා වන්නේ අරණායක උස්‌සාපිටිය රිවිසඳ ජාතික පාසලෙනි. එම විදුහලේ නිවාසාන්තර ක්‍රීඩා උළෙලේ මීටර් 5000 ධාවන ඉසව්වට සහභාගිවන 19 හැවිරිදි දියණියක්‌ පසුගිය 26 වැනිදා සිය මුලික වටයේ තරගවලට සහභාගි වෙමින් සිටියදී ක්‍රීඩාපිටිය මත ඇදවැටී මිය යන්නීය. රෝහලට ඇතුළත් කරනා විටත් මියගොස්‌ය. මීට මසකට ඉහතදීත් මේ ආකාරයෙන්ම දැරියක්‌ මිය ගියාය. දුර දිවීමේ තරගයකට සහභාගි වු කැළණිය සරසවියේ සිසුවෙක්‌ මීට මාස කීහිපකට පෙර මහපාරෙහි ඇදවැටී මියගොස්‌ තිබිණි.

මීට දශක කීපයකට ඉහතදී පාසල් ක්‍රීඩා පිටියේ මැරී වැටෙන දරුවන් ගැන මේ රට අසා තිබුණේ නැත. සෑම කාලයකම මෙවැනි සිදුවීම් වුවද ඒවා වාර්තා නොවූ බවට වන අදහස්‌ ද තිබේ. එහෙත් මේ අකල් මරණ පිළිබඳව සමාජය මීට ඉහතදී මෙතරම් කම්පනයට පත්වී තිබුණේ නැත. මේ මොහොත වන විට පාසලේදී නිවාසාන්තර ක්‍රීඩා උළෙලකට සහභාගි වන නොදරුවන්ව මුලික වෛද්‍ය පරීක්‌ෂණයකට යොමු කිරීමටත් ක්‍රීඩා අමාත්‍යංශ සමග එක්‌ව ඒකාබද්ධ ජාතික වැඩපිළවෙළක්‌ දියත් කිරීමටත් රජයට සිදුවී තිබේ. 

සෞඛ්‍ය අධ්‍යාපන කාර්යාංශයේ ප්‍රජා සෞඛ්‍ය පිළිබඳ විශේෂඥ වෛද්‍ය අයේෂා ලොකුබාලසූරියට අනුව දැනට අපේ රටේ දරු පරපුරේ සියයට දෙකක්‌ අධිපෝෂණයෙන් යුතුය. නාගරික පරිසරය තුළ මෙම ප්‍රතිශතය සියයට 10 සිට 14 තෙක්‌ දිවෙයි. මේ දරුවෝ දියවැඩියාවට ගොදුරුවීමේ අවදානමකට ලක්‌ව සිටිති. 

රුවෙකුටවත් නිසි ව්‍යායාමක්‌ ලැබෙන්නේ නැති, නිසි ආහාරයක්‌ ලැබෙන්නේ නැති මේ කාලකණ්‌ණි තරගයේ නියත ප්‍රතිඵල රටට එක්‌ අංශයකින් ප්‍රකාශ වන්නේ මෙසේය. මෙහි ඇති අතිශයින්ම ශෝකජනක කතාව හෙළිවන්නේ වෛද්‍ය පරීක්‌ෂණ ආයතනය කළ පරීක්‌ෂණයකදීය. 

අපේ රටේ වයස අවුරුදු 15 හා 18 අතර දරුවන්ගෙන් සියයට අසූනවයකට ඒ දරුවෙකුට දිනකට ලැබිය යුතු ව්‍යායාම ප්‍රමාණය ලැබෙන්නේ නැත. මේ මිනිසෙකුගේ ජීවිතයේ ජවසම්පන්නම කාල සීමාවය. මේ කාලසීමාවේ ව්‍යායාමයකට හුරු නොවන දරුවන්ට ව්‍යායාමය පිළිබඳ සංකල්පයම නුහුරුය. ඔවුන් ක්‍රිඩා පිටියක ඇද වැටී මිය යැම අපේක්‌ෂා කළ යුතුය. මේ රට බාරගන්නට සිටින්නේ දරාගැනීමේ ශක්‌තියක්‌ නැති මේ බෙලහීන අනාගත මිනිසුන්ය.

ප්‍රජා සෞඛ්‍ය අධ්‍යාපනය පිළිබඳ සංකල්පය මොඩලයක්‌ සේ ප්‍රායෝගික කළ වතුපිටිවල රෝහලේ වෛද්‍ය නිලධාරී පාලිත සමන් ජයකොඩි මේ උද්ගතව ඇති තත්ත්වය සංවාදයට ලක්‌කරන්නේ මෙසේය. 

ක්‍රීඩාව සෙල්ලමක්‌ නොවේ. එය විනයක්‌ සහිත විද්‍යාවකි. ක්‍රීඩාවකට සූදානම් වීම සඳහා නිශ්චිත පුහුණුවක්‌ මෙන්ම කාලයක්‌ අවශ්‍යය. ඇඟ උණුසුම් කිරීමේ ව්‍යායම අවශ්‍යය. ක්‍රිඩාවේදී වැදගත් වන හෘද වාහිනී පද්ධතිය හා ස්‌වසන පද්ධතිය ඒ සඳහා සූදානම් කිරීම මේ මූලික ප්‍රවේශය හරහා සිදුවන්නේය. එහෙත් බොහෝ විට ක්‍රිඩාව හුරු නොවූ දරුවන් ක්‍රීඩාවට යොමු කරන්නේ මේ මූලික ප්‍රවේශයද රහිතවය. 

මේ අහිංසක දරුවන් ක්‍රීඩා තරඟවලදී මැරී වැටෙන්නේ ක්‍රීඩා තරඟයක නිරතවන විට ශරීරයට ඇතිවන අධික වෙහෙස දරාගැනීමට ඔවුන්ට ක්‍රමාණුකූල පුහුණුවක් හෝ ක්‍රීඩා තරඟය ආරම්භයට පෙර නිසි ලෙස ශරීරය සූදානම්කරණ ව්‍යායාම (warm-up excercises) නොකිරීමේ වරද නිසාය. 

දරුවෙකුගේ සෞඛ්‍ය තත්ත්වය හා ඔහුගේ රෝග ඉතිහාසය පිළිබඳ යම් දැනුමක්‌ මව්පියන්ට සේම නුදුරු අතීතයේ දී පාසලක ගුරුවරුන් සතුවද තිබිණි. පෙළපොත ඉගැන්වීමෙන් එපිට අධ්‍යාපනයක්‌ සම්බන්ධ අදහසක්‌ නැති පාසල් සමාජය තුළ මේ අවබෝධය නැතිවීම අරුමයක්‌ වන්නේ නැත. එමෙන්ම පිට්‌ටනියට බැස සෙල්ලම් කිරීමට සූදානම් නැති දරුවෙකුගේ සංජානනීය රෝග ගැන අවබෝධයක්‌ කවදාවත් කාටවත් ඇතිවන්නේ නැත. 

ක්‍රීඩා වෛද්‍ය විද්‍යාව පිළිබඳ ප්‍රාමාණික දැනුමක්‌ සහිත වෛද්‍ය චමින්ද රුවන් තුෂාර අද පාසල් ක්‍රිඩා තරගාවලි පවත්වන ආකාරයේ අවිද්‍යාත්මක අශාස්‌ත්‍රීය ස්‌වරූපයේ බිහිසුණුකම පිළිබඳ සංවාදයක්‌ උපදවයි. ඔහුට අනුව ක්‍රිඩාව අශාස්‌ත්‍රීය විගඩමක්‌ නොවේ. බොහෝවිට ක්‍රීඩාවේ විද්‍යාත්මක යථාර්ථය පාසල්වල ක්‍රීඩා භාර ගුරුවරුන්, ක්‍රීඩා උත්සව සංවිධානය කරනා සංවිධායකයන්, මෙන්ම ක්‍රීඩා පුහුණුකරුවන් ද හඳුනාගෙන නැත. 

" ක්‍රීඩාවක්‌ සඳහා පූර්ව සූදානමක්‌ තිබිය යුතුයි. ක්‍රිඩාවට යොදවන දරුවන් ඒ ක්‍රීඩාව සඳහා ශාරීරිකව සූදානම්ද කියන එක මූලික වශයෙන්ම සොයාගත යුතුයි. සරල උදාහරණයක්‌ කියන්නම්. හැම ඉස්‌කෝලෙකම වාගේ ක්‍රිඩා උත්සවයකදි රෝඩ් රේස්‌ එකක්‌ තියනවා. මේක ඉතාම ඉහළ දරාගැනීමේ ශක්‌තියක්‌ සහිත ක්‍රීඩකයන් සඳහා සම්මත ක්‍රීඩාවක්‌. මේ තරග ඉසව්වට සහභාගි වන ක්‍රීඩකයෙක්‌ තමන්ගෙ ප්‍රධාන ආහාරය ගන්න ඕන එයට සහභාගි වන වෙලාවට පැය තුනකට කලින්. තරග ඉසව්වට කලින් විනාඩි 45ක්‌ පමණවත් ශරීර උත්තේජක ව්‍යායාම කළ යුතුයි. "
 "ක්‍රීඩාවේදී ශරීරයෙන් ඉවත් වන ලවණ ප්‍රමාණය නැවත ලබාදීමේ ක්‍රමවේදයක්‌ ක්‍රීඩා සංවිධානය තුළම තිබිය යුතුයි. ජලය ලබාදීමේ ක්‍රමවේදයක්‌ තිබිය යුතුයි. මේ සම්බන්ධව අද පුහුණුකරුවන් වැඩි දෙනෙක්‌ පවා දැනුවත් නෑ. ශරීර ස්‌කන්ධය අනුව පැය භාගයෙන් භාගයට ලබා දිය යුතු වතුර ප්‍රමාණ ගැන දන්නෙ නෑ. මේ දැනුවත්භාවය නැතිව දරුවෙක්‌ මෙවැනි තරගකාරී ක්‍රීඩාවකට යොමු කිරීම තුළම අවදානමක්‌ තිබෙනවා. යම් විදිහකින් මේ ලවණ ප්‍රමාණය හෝ ජලය ප්‍රමාණය ලබා ගැනීමේ විශාල වෙනසක්‌ වුනොත් දරුවෙකුගේ හෘද අකරණිය සිදු වී මරණය පවා ඇතිවිය හැකියි. උදේ පාන්දර හයට මහපාරට ඇදල දාල ඉතාම අනාරක්‌ෂිතව රෝඩ් රේස්‌ එකක්‌ දුවන්න පොළඹවන දරුවෙකුට කවදාවත් මේ කියන මූලික විද්‍යාත්මක සූදානම ලැබෙන්නෙ නෑ. මෙවැනි ක්‍රිඩා වලින් දරුවන්ටවත්, ඔවුන්ගේ ක්‍රීඩා අනාගතයටවත් ක්‍රීඩාවටවත් යහපතක්‌ වෙන්නේ නෑ. "

අපේ නොදරුවන්ද අපේ අසීමාන්තික ජීවිත තරගයේ අරමුණු සහගත ගොදුරුය. ඒ ගොදුරුබිමේ බලවතා තරග කර ජයගනී. එහි අධ්‍යාපනයත් තරගයකි. අධ්‍යාපනය හා බැඳුණු ක්‍රිඩාවත් තරගයකි. තවදුරටත් මේ සමාජයේ දරුවෙකුට දරුවෙකුගේ කෙළි ලොල් ළමා කාලයක්‌ නොවේ. යන්තම් අවුරුදු හත වූ මොහොතේ සිට දරුවාව යොමු කරන්නේ ශාප ලත් ශිෂ්‍යත්ව කොඩිවිනය සඳහා සැකසෙන තරගයටය. නිසි පෝෂණයක්‌ රහිතව, ආදරබරය හැඟීමකින් තොරව, කෙළි සෙල්ලමක්‌ සඳහා වන අවකාශ අසුරා දමා අවසානයේ දරුවෙක්‌ ලෙස දරුවෙකුට හිමිවිය සියලු දේ අහිමි කර ඔහුව ඇද දමනා බිහිසුණු අධ්‍යාපන ව්‍යාපාරය අපට මහා බුද්ධිමත් සමාජයක්‌ නිර්මාණය කර දී නැත. සියලු දේ අධ්‍යාපන විෂය මාලාවකට කැපකිරීමෙන් අනතුරුව ක්‍රීඩාව පිළිබඳ සංකල්පයම ඉවත් කරගත්, ඒ සඳහා හුරුවක්‌ හෝ සූදානමක්‌ නැති සමාජයක්‌ සෞඛ්‍ය සම්පන්න සමාජයක්‌ වන්නේත් නැත. අප අබිමුව ඉන්නේ, ඇත්තේ රෝගී සමාජයකි. එහි ජීවත් වන විඩාපත් දරු පරපුරකි. ඔවුන් හුරු කරන ලද යාන්ත්‍රික අධ්‍යාපන ක්‍රියාවලියෙන් එපිට, යථාර්ථයේ සෞන්දර්යය ඔවුන් විසින් ස්‌පර්ශ කරන්නේ නැත. ඔරොත්තු දීමේ ශක්‌තියක්‌ නැති තරුණ පිරිසකි. ඔවුන් ජීවිතයේ ප්‍රායෝගික ගැඹුර අත් විඳින්නේ නැත. 

දැන් අපට ඉතිරි වී ඇත්තේ බෙලහීන ජාතික්‌ පිළිබඳවන සංවේගාත්මක අනාගත සොහොන් ලකුණුය. අපේ සිහින දියකර හරින්නට සිදුවී ඇත්තේ ඒ අනාගතය තුළය.


- ජානක ලියනආරච්චි 

උපුටාගැනීම: දිවයින ඉරිදා සංග්‍රයේ වෙබ් සංස්කරණය



3 comments:

කන්නෙලිය රක්ෂිත වනාන්තරය Kanneliya Forest Reserve


හැඳින්වීම

කන්නෙලිය රක්ෂිත වනාන්තරය ශ්‍රී ලංකාවේ ඇති ඉතා සුවිශේෂි පරිසර පද්ධතියක් ලෙස හැදින්විය හැකියි.රක්ෂිත වනාන්තරයක් යනු වන ආඥා පනතේ 3 වන වගන්තිය යටතේ ප්‍රකාශයට පත්කරන ලද වනාන්තර වේ.  මේවා පස, ජලය සහ ජෛව විවිධත්වය සංරක්ෂණය කිරීම සඳහා වැදගත්වන වනාන්තර ප්‍රදේශ ලෙස හදුනාගෙන තිබේ. මෙම වනාන්තර තුළ පර්යේෂණ හා සුන්දරත්වය නැරඹීම හැරුන විට සීමිත සම්ප්‍රදායික කටයුතු සඳහා පමණක් අවසර දී තිබේ.වන සංරක්ෂණ දෙපාර්තමේන්තූව මගින්  රක්ෂිත වනාන්තර පාලනය වන අතර ශ්‍රී ලංකාවේ සම්පූර්ණ වනාන්තර ප්‍රදේශයෙන් 55% කට ආසන්න ප්‍රමාණයක් කලමනාකරණය කරනු ලබන්නේ ද වන සංරක්ෂණ දෙපාර්තමේන්තුවයි.

1960 දශකයේ සිට 1970 අගභාගය වන තුරු තුනී ලෑලි සංස්ථාවේ  ගාල්ල ගිංතොට කම්හල වෙත තුනී ලෑලි නිශ්පාදනය සඳහා දැව ලබාගෙන ඇත්තේ මෙම ප්‍රදේශයෙන් බැවින් විශාල වන විනාශයක් සිදුව තිබෙනවා.  ඒ කාලයේ භාවිත කල තාර යෙදු මාර්ග අදත් වනාන්තරය තුළ දක්නට තිබෙනවා. මේ හේතුව නිසාම කන්නෙලියේ ප්‍රාථමික වනාන්තරය (primary forest) දක්නට ලැබෙන්නේ අඩුවෙන්. වනාන්තරය පුරා පැතිර පවතින්නේ ද්විතියික වනාන්තරයයි (secondary forest). එනම් අලුතින් වැඩුනු ශාකවලින් මෙම වනාන්තරයේ බොහෝ ප්‍රදේශ වැසී පවතිනවා. එහෙත් දැනට වසර 30-35ක් පමණ කාළයක සිට තුනී ලෑලි සඳහා දැව කැපීම නතර වී ඇති හෙයින් වනාන්තරය ඝනව වැඩී ඇති අතර වන විනාශයක් සිදුවී ඇති බවට සළකුණු මැකී තිබෙනවා.

පිහිටීම


ගාල්ල දිස්ත්‍රික්කයට අයත්ව උතුරු අක්ෂාංශ 6°10. සහ 6°18. සහ නැගෙනහිර දේශාංශ 80°19. සහ 80°26. අතර පිහිටා ඇති මෙම වනාන්තරය හෙක්ටයාර 5305 පුරා පැතිරී පවතියි. එයින් හෙක්ටයාර 5108.2 ක් ඝන වනාන්තර වලින්ද හෙක්ටයාර 168.4 විවෘත වනාන්තර වලින්ද හෙක්ටයාර 29.3 වන වගා වලින්ද සමන්විත වෙයි. කන්නෙලිය රක්ෂිත වනාන්තරය පහතරට නිවර්තන වර්ෂා වනාන්තරයක්  වන අතර මෙය කන්නෙලිය- දෙදියගල- නාකියාදෙනිය සංකීර්ණයට ( KDN complex)  අයත් වෙයි. මෙම කලාපයේ වනාන්තර පහතරට තෙත් කලාපීය වර්ෂා වනාන්තර ලෙස හදුන්වා දෙනු ලැබේ. දැනට රක්ශිත ලෙස යෝජනාකොට ඇති දෙදියගල හා නාකියාදෙනිය වනාන්තරද එක්ව ගත්කල කන්නෙලිය- දෙදියගල- නාකියාදෙනිය සංකීර්ණය ලෙස හඳුන්වන මෙම මුලු ප්‍රදේශය හෙක්ටයාර 11,900 කින් සමන්විත වේ.

කන්නෙලිය වනාන්තරය ඇතුලත් ප්‍රදේශයට සාමාන්‍යයෙන් වාර්ෂික වර්ෂාපතනය මි.මි. 4.445 වාර්ථා වෙයි.වැඩිම වාර්ෂාපතයක් මැයි මාසය මැද භාගයේ සිට සැප්තැම්බර් මස අවසානය දක්වා  පවතින නිරිතදිග මෝසම් දේශගුණය මගින් ලැබේ.මෙම වනාන්තරය තුල පවතින මධ්‍ය වාර්ෂික උෂ්ණත්වය සෙල්සියස් 27 පමණ වේ.

වැදගත්කම

ශ්‍රී ලංකාවේ වර්ෂා වනාන්තර සැලකීමේදී සිංහරාජයට පසුව වැදගත්ම තැනක් හිමිවන්නේ මෙම සංකීර්ණයටයි. මෙම වනාන්තරය සතුව පවතින දිය පහරවල් 110 කට වැඩි ප්‍රමාණයක් දැනට හදුනාගෙන ඇති අතර එබැවින් මෙම කලාපය දකුණු පලාතේ පවතින වැදගත් ගංගා පෝෂක ප්‍රදේශයක් ලෙස නම් කර ඇත.

කන්නෙලිය රක්ෂිතය සැලකෙන්නේ Bio diversity hot spot හෙවත් ජෛව විවිධත්වය අනුව අතිශයින්ම වැදගත් වනාන්තර කලාපයක් ලෙසයි. එක් කුඩා ප්‍රදේශයක හමුවන වැඩිම ජෛව විවිධත්වය වාර්තා වන්නේ කන්නේලියෙන් බවයි සැලකෙන්නේ.

එපමණක් නොව, 2004 වසරේදී මිනිසා හා ජෛවගෝල සංචිතයක් (Man & Biosphere Reserve) ලෙස යුනෙස්කෝව විසින් කන්නෙලිය-දෙදියගල-නාකියාදෙනිය ප්‍රදේශය නම්කොට තිබෙනවා. යුනෙස්කෝවේ ජෛවගෝල සංචිත සංකල්පයේ අරමුණ ජෛවගෝලීය වශයෙන් වැදගත් භූමි ප්‍රදේශයන් ආරක්ශා කිරීම හා එසේ කිරීමේදී එම ප්‍රදේශවල වාසය කරන ජනතාවද මෙම සංරක්ශණ කටයුතු සඳහා දායකකරගෙන එම ජනයාගේ ආර්ථික හා සමාජීය සංවර්ධනය සඳහා ක්‍රියාකිරීමයි (conservation with sustainable development).

මෙම සංකල්පයේ ප්‍රායෝගික ක්‍රියාකාරිත්වය කන්නෙලිය රක්ශිතයේදී දැකගත හැකියි. කන්නලිය රක්ශිතයේ සංචාරක මාර්ගෝපදේශකයින් ලෙස කටයුතු කරන්නේත් එහි බොහෝ රාජකාරි කටයුතු කරන්නේත් එම ප්‍රදේශයේම ගම්වැසි ජනතාවගෙන් තෝරාගත් පිරිසක් විසිනි. එමෙන්ම වනාන්තරයට හානියක් නොවන ලෙස යම් යම් නිශ්පාදන සඳහා අමුද්‍රව්‍ය සපයාගැනීමටද ඉඩදී තිබෙනවා. ඒ අනුව කන්නෙලිය රක්ශිතයේ  ආරක්ශකයින් බවට එම ප්‍රදේශවාසි ජනයාම පත්වී තිබෙන්නේ රක්ශිතයෙන් ඔවුනට ආර්ථික වාසි ලැබෙන බැවින් එය ආරක්ශාකර ගැනීමේ වැදගත්කම ඔවුනට අවබෝධවීම නිසාය.

ජෛව-විවිධත්වය
කන්නෙලිය වනාන්තරය තුල සිදුකරනු ලැබු පර්යේශණ හා සත්ව සංගණන වලට අනුව ශාක , පදුරු හා පැලැටි වර්ග 301 හදුනා‍ගෙන ඇති අතර එයින 52% ක ප්‍රමාණයක් ආවේනික විශේෂ වේ.මෙම විශේෂ අතරින් විශේෂ 16 ක් අන්තර්ජාතිකව වදවී යාමේ තර්ජනයට මුහුණ පා ඇති අතර විශේෂ  26 ක් ජාතික වශයෙන් වදවී යාමේ තර්ජනයට මුහුණ පා ඇත.
 වනාන්තරය තුල ඹෟෂධ ශාක වර්ග රාශියක් හමුවේ. ඒවා අතර බෙරලිය, වෙනිවැල්, එනසාල්, කුඩා හැඩයා, මහා හැඩයා, සදරාජ , වනරාජ, කොකුම්, දුම්මල, හාතාවාරිය යන ශාක මුල් තැනක් ගනියි. වනාන්තරය තුල සත්ත්ව විවිධත්වය සැලකීමේදී පක්ෂි වි‍ශේෂ 122ට වැඩි ප්‍රමාණයක් දැනට වාර්තා වී ඇත.ඒ අතර ශ්‍රී ලංකාවට ආවේනික දුර්ලභ පක්ෂි  විශේෂ දෙකක් වන  බට ඇටි කුකුළා සහ කැහිබෙල්ලා ද දැකගත හැකිය


ශ්‍රී ලංකාවට ආ‍වේනික කළු වදුරා සහ මීමින්නා ඇතුලුව ක්ෂීරපායින් ව්ශේෂ 20 ක් මෙම වනාන්තරයේදි හමුවේ.වනාන්තරය තුල වාර්තා වන උභය ජීවි විශේෂ සංඛ්‍යාව 19 කි.මෙයට ආවෙනික රුක් මැඩියන් විශේෂද අයත් වේ. උරග විශේෂ 39 මෙම වනාන්තරයේ හමු වී ඇති අතර, ශ්‍රී ලංකජවට ආවෙනික පළා පොළගාද  මේ අතර වේ.




මීට අමතරව ශ්‍රී ලංකාවට ආවෙනික මහ කැලැ නිලයා ඇතුළු සමනළ විශේෂ 40 ක්ද මත්ස්‍ය විශේෂ 24 ක්ද වාර්තා වී ඇත.අන්තර්ජාතික වශයෙන් වදවී යාමේ තර්ජනයට මුහුන පා ඇති පතිරණ සාලයා සහ විල්පිට දන්ඩියා යන මත්ස්‍ය විශේෂයන්ද සුලභ ලෙස දැකිය හැකි ඉස්සන් ද මෙම වනාන්තරයේ වාසය කරයි.

කන්නෙලිය නැරඹීම

කන්නෙලිය රක්ෂිතය නැරඹීමට යන සංචාරකයෙකුට  මගපෙන්වන්නෙකු ලබා ගැනීම අනිවාර්ය වේ.ප්‍රවේශපත්‍ර එකක මිල සදහන්වන්නේ රුපියල් 30  ලෙසයි. රක්ශිතය තුල වැදගත් ස්ථාන ආවරණය වන පරිදි මංපෙත් (trails) 6ක් සකසා ඇති අතර මෙම මංපෙත් කිහිපයක් ආවරණය වන පරිදි සංචරණ සැළසුම් (tour plan) 3ක් සකසා ඇත.

ගුහාව මංපෙත                : දුර ප්‍රමාණය  කිලෝමීටර 1.5 - ගතවන කාලය පැය 01යි.
අනගිමල ඇල්ල මංපෙත  : දුර ප්‍රමාණය කිලෝමීටර 2.3 - ගතවන කාලය පැය 03යි.
යෝධ පුස්වැල මංපෙත   : දුර ප්‍රමාණය කිලෝමීටර 2.3  - ගතවන කාලය පැය 03යි.
යෝධ නවඳගස මංපෙත : දුර ප්‍රමාණය කිලෝමීටර 5.2  - ගතවන කාලය පැය 03යි.
නාරංගස් ඇල්ල මංපෙත : දුර ප්‍රමාණය කිලෝමීටර 5.2  - ගතවන කාලය පැය 06යි.
කබ්බලේ කන්ද මංපෙත : දුර ප්‍රමාණය  කිලෝමීටර 5.5    - ගතවන කාලය පැය 06යි.

මාර්ගෝපදේශක සදහා ගෙවිය යුතු මුදල තීරණය වන්නේ තෝරාගන්නා සැලැස්ම  අනුවයි.

සැලසුම් අංක 1 - ගුහාව මංපෙත + අනගිමල ඇල්ල මංපෙත + යෝධ පුස්වැල මංපෙත - කාලය පැය 03යි.
සැලසුම් අංක 2 - සැලසුම් අංක 1+ යෝධ නවඳගස මංපෙත + නාරංගස් ඇල්ල මංපෙත- කාලය පැය 06යි.
සැලසුම් අංක 3- කබ්බලේ කන්ද මංපෙත (ආපසු පැමිණීමේදි සැලසුම් අංක 1 ආවරණය කල හැක) -පැය 06යි.


ඔබේ සංචාරය පහසුකර ගැනීමට....

1] හැකිතාක් උදයෙන් පැමිණෙන්න. උදය 7-8 වන විට ඔබ උයනට ඇතුලුවන්නේ නම් උදයකාලයේ සැරිසරන පක්ශීන් හා සමනලුන් දැක බලාගැනීම හැකියාව ලැබෙනවා. එමෙන්ම වනෝද්‍යානයේ සියලු වැදගත් ස්ථාන දැක බලාගත හැකි පැය 6ක සංචරණ සැළසුම ප්‍රායෝගික වන්නේ හැකිතාක් උදයෙන් සංචාරය ආරම්භකල හොත් පමණයි. දවල් වන විට දැඩි හිරුරශ්මිය හා වැසිවනාන්තරයක් තුල ඇති වන දැඩි ආර්ධ්‍රතාවය (humidity) නිසා ඉතා වෙහෙසකර තත්වයක් නිර්මාණය විය හැකියි.

2] පානීය ජලය හැකිතාක් රැගෙන යන්න

3] නිහඬව ගමන් කරන්න. ශබ්දනගා කථා කිරීමෙන්, හිනාවීමෙන් හා විහිලුතහලු කිරීමෙන් වන ජීවීන්ට බාධා ඇතිවන අතර උන් සැඟවීම නිසා කළුවඳුරා, මීමින්නා, කැහිබෙල්ලා, බට ඇටි කුකුළා වැනි දුර්ලභ සතුන් දැක බලාගැනීමේ හැකියාව අහිමිවේ.

2 comments: