අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

ROUND-UP : තවත් ග්ලයිෆොසේට් පිලිකා නඩුවක් ඇමරිකාවේදී

Posted by
ඇමරිකාවේ මොන්සාන්ටෝ සමාගම නිෂ්පාදනය කරන ග්ලයිෆොසේට් (රවුන්ඩ්-අප්) වල් නාෂකය නිසා තමා පිලිකා රෝගියෙකුවූ බවට චෝදනා කරමින් කැලිෆෝනියා වැසියෙකු දැමූ නඩුවක් විභාගකිරීමට සැන් ෆ්‍රැන්සිස්කෝ නුවර ෆෙඩරල් අධිකරණය තීරණයකොට තිබෙනවා.

 70 හැවිරිදි හාඩිමෑන් විසින් පවරා ඇති මේ නඩුවේ තින්දුව තවත් එවැනි නඩු දහස් ගණනක ඉරණම විසඳනු ඇතැයි නීතිඥයින් පවසනවා.

 කෙසේවෙතත් බොහෝ ඇමරිකානු නියාමන ආයතන ග්ලයිෆොසේට් හා පිලිකා අතර සබඳතාවයක් ඇතැයි පිලිගැනීමට මැලිවන අතර ග්ලයිෆොසේට් නිෂ්පාදකයාවන මොන්සාන්ටෝ සමාගම පර්යේෂණ සියගණනකින්ම ග්ලයිෆොසේට් පිලිකාකාරකයක් නොවන බව තහවුරුවී ඇතැයි දැඩි ලෙස පවසනවා.

 වසර 30කට අධික කාළයක් සිය ගොවිපොලේ වල්නාෂක ලෙස රවුන්ඩ්-අප් යෙදූ එඩ්වින් හාඩමෑන් තමන්ට ඇතිවී ඇති පිලිකා තත්වය රවුන්ඩ්-අප් වල්නාෂකය නිසා හටගත්තක් ලෙස පිලිගෙන තමන්ට ඇතිවී ඇති මාරක රෝගය වෙනුවෙන් විශාල වන්දියක් ලබාදෙන ලෙස නඩුවෙන් ඉල්ලා සිටිනවා.

 තීන්දුව ලැබීමට මසක පමණ කාලයක් ගතවනු ඇතැයි නීති විශාරදයින් පවසනවා.






__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment