කොළඹට සේන්දුවුනු USS Santa Barbara (LCS-32)

 

ඇමරිකා එක්සත් ජනපද නාවික හමුදාවේ ඉන්ඩිපෙන්ඩන්ස්-ක්ලාස් නෞකා ගණයට අයත් සැන්ටා බාබරා නෞකාව ලිටොරල් කොම්බැට් හෙවත් වෙරළවල් ආසන්නයේ සිදුවන නෞකා මෙහෙයුම් සඳහා විශේෂයෙන්ම නිර්මාණය කල නෞකා වර්ගයක්. 

මෙය නාවික හමුදාවේ 32 වන ලිටොරල් කොම්බැට් නෞකාව වන අතර, 16 වන ඉන්ඩිපෙන්ඩන්ස්-ක්ලාස් නෞකාවයි. සැන්ටා බාබරා නැවේ ඉදිකිරීම කටයුතු 2020 ඔක්තෝම්බර් ආරම්භවූ අතර 2023 අප්‍රේල් මාසයේදී සක්‍රිය සේවයට එකතුවුනා.

General Dynamics සහ Austal USA විසින් එක්සත් ජනපද නාවික හමුදාව සඳහා සංවර්ධනය කරන ලද Independence-class Littoral Combat Ship (LCS) යාත්‍රාව, සුවිශේෂී trimaran බඳ සැලසුමක් සහිතය. නාවික හමුදාව විසින් මෙම trimaran  මාදිලියේ නිර්මාණයක් තෝරා ගැනීමට විශේෂ හේතු තිබෙනවා.

Trimaran බඳ සැලසුම නාවික හමුදාව තෝරාගත්තේ ඇයි?

ඇමරිකානු නාවික හමුදාව Independence-පන්තියේ වෙරළබඩ සටන් නෞකාව (LCS) සඳහා Trimaran බඳ සැලසුම තෝරාගත්තේ, උපායමාර්ගික, මෙහෙයුම් සහ තාක්ෂණික කරුණු කිහිපයක් පදනම් කරගෙනයි.

සාම්ප්‍රදායික ඒක බඳ (Monohull) සැලසුම්වලට වඩා Trimaran සැලසුම පැහැදිලි වාසි රැසක් ලබා දුන් අතර, එය Lockheed Martin විසින් නිර්මාණය කරන ලද Freedom-පන්තියේ monohull LCS සැලසුම පරදා නාවික හමුදාවේ සැලසුම්කරුවන් විසින් තෝරාගන්නා ලබනවා.

වෙරළාසන්න රළු මුහුදු කලාපවල මෙහෙයුම් කිරීමට ට්‍රයිමරන් බඳ වඩාත් සුදුසුවීම

ත්‍රිත්ව බඳ සහිත ට්‍රයිමරන් යාත්‍රාවක, සිහින් මධ්‍යම බඳක් සහ පැති බඳ දෙකක් (පැති බඳ සවි කළ පෝරු) පිහිටා ඇත. මෙමගින්, එක් බඳක් පමණක් සහිත යාත්‍රා හා සසඳන විට රළු මුහුදේ දී ඉහළ ස්ථායීතාවයක් ලබා දෙයි. 

මෙම ස්ථායීතාවය, ඉන්ඩිපෙන්ඩන්ස් ශ්‍රේණියේ Littoral Combat Ship (LCS) යාත්‍රාවලට රළු මුහුදු තත්ත්වයන් යටතේ (මුහුදු තත්ත්වය 8 දක්වා) කාර්යක්ෂමව ක්‍රියා කිරීමටත්, මුහුදු තත්ත්ව 5 යටතේ ගුවන් මෙහෙයුම් සිදු කිරීමටත් ඉඩ සලසයි.

ට්‍රෞඉමරන් සැලසුමේ වඩාත් පුලුල් බඳ නිසා නාවිකයින්ගේ සහ කාර්ය මණ්ඩලයේ සුවපහසුව වැඩි දියුණු කරයි, රළු මුහුදු අවස්ථාවල පැද්දීම (roll) අඩු කරයි. එමෙන්ම අහිතකර කාළගුණ තත්ත්වයන් යටතේ මෙහෙයුම් වර නිරතවීමේ හැකියාව වැඩි දියුණු කරයි. එමඟින් සතුරු ප්‍රහාර එල්ලවීමේ අවදානම් වැඩි වෙරළබඩ කලාපවල දීර්ඝ මෙහෙයුම් සඳහා එය සුදුසු වේ.

ඉහළ වේගය සහ හැසිරවීමේ පහසුව  (High Speed and Maneuverability)

ට්‍රයිමරන් බඳ, Independence-class LCS නෞකාවට නාවික සැතපුම් 40 ඉක්මවූ වේගයක් (ගොඩබිම වේගය අනුව පැයට කිලෝමීටර් 74ක පමණ වේගයක්) ලබා ගැනීමට හැකියාව ලබා දෙන අතර, සමහර මූලාශ්‍ර වලට අනුව කෙටි කාලීන අවස්ථා වලදී නාවික සැතපුම් 50 කට ආසන්න වේගයක් පවා වාර්තා කරයි. 

ගොඩබිමට ආසන්න මුහුදු ප්‍රදේශවලදී වේගයෙන් පැමිණෙන ප්‍රහාරක  බෝට්ටු හෝ මරාගෙන මැරෙණ ප්‍රහාරක යාත්‍රා, ඩ්‍රෝන බෝට්ටු වැනි අසමමිතික තර්ජනවලට කඩිනමින් ප්‍රතිචාර දැක්වීම සඳහා මෙම අධිවේගය අත්‍යවශ්‍ය වේ.

අඩු ජල ප්‍රතිරෝධය

අඩු ජල ප්‍රතිරෝධයක් සහිත, Trimaran LCS නෞකාවට cruising වේගයේදී (නොට් 18) ඩීසල් එන්ජින් දෙකකින් කාර්යක්ෂමව ක්‍රියා කිරීමටත්, අධිවේගී අවස්ථාවලදී ගෑස් ටර්බයින භාවිත කිරීමටත් ඉඩ සලසයි. 

මීට අමතරව Wärtsilä වර්ගයේ වෝටර්ජෙට් හතරක් සහ ඇසිමුත් ත්‍රස්ටරය (azimuth thruster) මගින් නෞකාවේ හැසිරවීමේ හැකියාව තවදුරටත් ඉහළ නංවා නොගැඹුරු ජලයේ වේගවත් මෙහෙයුම් වලට ඉඩ සලසයි.

විශාල බර පැටවීමේ ධාරිතාව සහ මෙහෙයුම් නම්‍යශීලීභාවය

Trimaran සැලසුම මගින් එක්සත් ජනපද නාවික හමුදාවේ නෞකාවන් අතරින් විස්ථාපන ටොන් එකකට විශාලතම ප්‍රයෝජනවත් බර පැටවීමේ ධාරිතාවක් (payload capacity) සපයයි. ඉඩකඩ සහිත වර්ග අඩි 15,200 මෙහෙයුම් කුටිය (mission bay) සහ හෙලිකොප්ටර් අංගනය (වර්ග මීටර් 1,030) නෞකාවට විවිධ මෙහෙයුම් ඒකක, වාහන හෝ පිරිස් රැගෙන යාමට ඉඩ සලසයි.

හෙලිකොප්ටර් අංගනය SH-60 හෙලිකොප්ටර් දෙකක හෝ UAV කිහිපයක එකවර මෙහෙයවීම සඳහා සහාය වන අතර, CH-53 වැනි විශාල හෙලිකොප්ටර් සඳහා ද ඉඩ පහසුකම් සලසයි. මෙය නෞකාවේ ඔත්තු බැලීමේ, සබ්මැරීන් විරෝධී සහ මතුපිට විරෝධී හැකියාවන් වැඩි දියුණු කරයි.

Independence-class LCS නිර්මාණය කර ඇති මොඩියුලර් සැලැස්ම නිසා, මුහුදු බෝම්බ ඉවත්කිරීමේ මෙහෙයුම්, සබ්මැරීන් ප්‍රහාරක මෙහෙයුම්, හෝ මතුපිට ප්‍රහාරක මෙහෙයුම් වැනි කාර්යයන් සඳහා වේගවත්ව අනුවර්තනය කරගැනීමේ  ඉඩ සලසයි. එමගින් ඉන්ඩිපෙන්ඩන්ස්-ක්ලාස් එල්සීඑස් යාත්‍රාව විවිධ තර්ජනවලට මුහුණදීම සඳහා  ඇමරිකන් නාවික හමුදාවට ඉතා සුනම්‍ය මෙහෙයුම් වේදිකාවක් සපයනවා (flexible mission platform)

සාම්ප්‍රදායික නෞකාවලට වඩා අඩු ගිලුමක් (draft) ඇති නිසා නොගැඹුරු මුහුදේ මෙහෙයුම් කටයුතු කල හැකිය

ට්‍රයිමරන් යාත්‍රාවේ ගිලුම අඩුවෙන් පවතී (මීටර් 4.27). මෙමගින් ඩිස්ට්‍රෝයර් හෝ කෲසර් වැනි විශාල යුධ නැව් වලට යාත්‍රා කළ නොහැකි වෙරළබඩ මුහුදු තීරවලදී වුවද ට්‍රයිමරන් LCS යාත්‍රා මෙහෙයවීමට හැකියාව ලැබේ. වෙරළබඩ කලාපවලදී බිම් බෝම්බ, සබ්මැරීන් හෝ කුඩා බෝට්ටු වැනි තර්ජනවලට මුහුණදීම සඳහා මෙම හැකියාව ඉතා තීරණාත්මක වේ.

ට්‍රයිමරන් ලිටෝරල් ප්‍රහාරක නෞකාව පිළිබඳ විස්තර

Displacement (ජලෝත්පීඩනය): දළ වශයෙන් මෙට්‍රික් ටොන් 2,307 ක් සම්පූර්ණ බරකින් තොරව වන අතර, සම්පූර්ණ බර සහිතව මෙට්‍රික් ටොන් 3,104 කි

දිග: මීටර 127.4 (අඩි 418). 

උපරිම පලල: මීටර 31.6 (අඩි 104), සාම්ප්‍රදායික මොනොහල් යාත්‍රාවලට වඩා සැලකිය යුතු ලෙස පුළුල් වන්නේ ට්‍රයිමරන් නිර්මාණය හේතුවෙනි.

ගිලුම (draft): මීටර 4.27 (අඩි 14) ඒ නිසා නොගැඹුරු වෙරළබඩ ජලයට ප්‍රවේශ වීමට ඉඩ සලසයි.

වේගය: නාවික සැතපුම් 40 (පැයට කිලෝමීටර 74; පැයට සැතපුම් 46) ඉක්මවා යාමට හැකියාව ඇත, සමහර මූලාශ්‍රවලට අනුව නාවික සැතපුම් 50 දක්වා තිරසාර වේගයක් පෙන්නුම් කරයි.

ගමන් කල හැකි දුර: නාවික සැතපුම් 18ක කෲසින් වේගයෙන් යනවිට නාවික සැතපුම් 4,300ක පරාසයක් ඇත (වඩා වේගවත් ගමන් වලදී වැඩිපුර ඉන්ධන දහනය වේ.

කාර්ය මණ්ඩලය: මූලික කාර්ය මණ්ඩලය දළ වශයෙන් 40 (නිලධාරීන් 8, සෙසු නිලයන් 32) සහ මෙහෙයුම් සඳහා විශේෂිත වූ අමතර පුද්ගලයින් 35ක්.

ප්‍රචාලනය (Propulsion): ජෙනරල් ඉලෙක්ට්‍රික් LM2500 ගෑස් ටර්බයින දෙකක්, MTU ෆ්‍රෙඩ්රික්ෂාෆෙන් 20V 8000 ඩීසල් එන්ජින් දෙකක්, වෝට්සිලා වෝටර්ජෙට් හතරක්