Related Posts Plugin for WordPress, Blogger...

Monday, 16 April 2018

BREAKING NEWS : බ්‍රිතාන්‍යයට පුටින්ගෙන් සයිබර් ප්‍රහාරයක්? රුසියන් බර අවි රැසක් සිරියාවට?



බ්‍රිතාන්‍ය සයිබර් හා ඉලෙක්ට්‍රොණික බුද්ධි අංශය වන GCHQ ඒජන්සිය, රුසියානු සයිබර් ප්‍රහාරයක් නුදුරේදීම එල්ලවිය හැකි බවට අණතුරු අඟවනවා. බ්‍රිතාන්‍යයේ විදුලිසැපයුම, රෝහල් පද්ධතිය හා පොදු ප්‍රවාහණ පද්ධතිය අඩාල කිරීම සඳහා රුසියානු හැකර් කණ්ඩායම් පෙරහුරු පවත්වමින් සිටින බවයි එම බුද්ධි අංශය පවසන්නේ. එමෙන්ම බැංකු හා මූල්‍ය පද්ධති, ගුවන්යානා මෙහෙයුම් පද්ධති මෙන්ම ගෑස් හා ඉන්ධන සැපයුම් පද්ධතිවලද ඇති දුර්වලතා අධ්‍යයනය කොට අණලැබුණු මොහොතකදී දැවැන්ත සයිබර් ප්‍රහාරයක් එල්ලකිරීමට රුසියානුවන්ට හැකි බවයි ඔවුන් පවසන්නේ. මේ අතර නිවේදනයක් නිකුත්කරන පෙන්ටගනය සිරියාවට මිසයිල ප්‍රහාර එල්ලකොට පැය හතලිස් අටක් ගතවන විට රුසියානු හැකර්වරුන්ගේ සමාජජාල මෙහෙයුම් සියයට 2000කින් වැඩිවී ඇති බව පවසනවා.




මේ අතර යුධ ටැංකි, කාළතුවක්කු හා විශාල ගුවන්යානා නාෂක පද්ධති පටවාගත් රුසියානු නෞකා දෙකක් සිරියාව වෙත පිටත්කොට ‍යැවීමට ජනාධිපති පුටින් පියවරගෙන තිබෙනවා. මේ නෞකාවල ඡායාරූප අද දිනයේ බටහිර මාධ්‍ය මගින් ප්‍රචාරය කොට තිබුණා. මීට අමතරව අධිවේගී වෙරළාරක්ෂක බෝට්ටු, තාවකාලික පාලම් හා වෙනත් ආපදා සහයක උපාංග රාශියක්ද රුසියාව විසින් සිරියාව වෙත පිටත්කොට යවා තිබෙනවා.


පසුගිය අප්‍රේල් 14 වැනිදා කෲස් මිසයිල සියයකට අධික ගණනක් යොදාගෙන ඇමරිකාව, ප්‍රංශය හා බ්‍රිතාන්‍යය විසින් සිරියාවේ රසායණික අවි කම්හල්, ගබඩා හා පර්යේෂණාගාර පිහිටුවා ඇති ස්ථාන තුනකට දැවැන්ත ප්‍රහාරයක් එල්ලකලා. මේ ප්‍රහාරය සඳහා ඇමරිකානු යුධ නෞකා හා සබ්මැරීනවලින් කෲස් මිසයිල එල්ලකල අතර බ්‍රිතාන්‍යය හා ප්‍රංශය සිය මිරාජ්, ඩැසෝ සුපර් එන්ඩෙටාර්ඩ්, ටෝර්නේඩෝ හා යුරෝෆයිටර් ටයිෆූන් යානා වලින් දියත්කල කෲස් මිසයිල භාවිතා කලා. මේ මිසයිල සියගණනින් 13ක් බිම හෙලීමට සිරියානු ගුවන්යානා නාෂක අවි සමත් වුවත් මිසයිලවලින් 95%ක්ම නිවැරදිව ඉලක්කය වෙත වැටී තිබෙනවා.

සිරියානු අහසේ පියාසරකල කෲස් මිසයිල
බ්‍රිතාන්‍ය ටෝර්නේඩෝ යානා ප්‍රහාරයට සූදානම් වෙමින්
බ්‍රිතාන්‍යයෙන් සිරියාවට එල්ලකල ස්ටෝම් ෂැඩෝ කෲස් මිසයිලයක්


සිරියානු අර්බුදය ගැන වැඩි විස්තර මෙතනින්...










__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

No comments:

Post a Comment

Related Posts Plugin for WordPress, Blogger...