අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

MARS UPDATE : කිව්රියෝසිටි රොබෝ විද්‍යාගාරය පණගැන්වීමට නාසා ආයතනය සැරසෙයි!

Posted by

ඊයේ අඟහරු ග්‍රහයා මතට ගොඩබැස, සාර්ථකව ගමනාන්තයට පැමිණිබව තහවුරු කිරීම සඳහා කිව්රියෝසිටි යානය විසින් එවන ලද ඡායාරූප පරීක්ශා කල නාසා රොබෝ ඉන්ජිනේරුවන්, කිව්රියෝසිටි රොබෝ විද්‍යාගාරය පණගැන්වීම සඳහා එහි පද්ධති එකින් එක පරීක්ශා කිරීමේ health check මෙහෙයුමක් ආරම්භ කළ බව වාර්තාවේ.

Sol 0

කිව්රියෝසිටි යානය අඟහරුවා මත ගතකරන මුල් දිනය සොල් 0 ලෙස නම් කොට ඇත.  (සොල් යන නාමයෙන් හඳුන්වන අඟහරුගේ දිනයක් පෘථිවි පැය 24යි  මිනිත්තු 37ක් වේ). දැනට ක්‍රියාත්මක වෙමින් පවතින උපකරණ වන්නේ යානයේ පරිගණක පද්ධතියත් යානයේ ඇති Hazard-Avoidance Camera  (HazCam) නම් කුඩා කැමරා (2 cameras) හා Mars Hand Lens Imager (MHLI) නම් කැමරාවයි. යානය ගොඩබෑ මොහොතේ ගන්නා ලද කළු සුදු ඡායාරූප HazCam කැමරා මගින් ලබාගත් ඒවා වේ.

මීට අමතරව යානයේ UHF ඇන්ටෙනාව එසවීම, සියලුම අධිවිබේධන කැමරාවල කාච ආරක්ශා කිරීමට යොදා ඇති දූවිලි ආවරණ (dust covers) ඉවත් කිරීමේ කටයුතු හා යානයේ ප්‍රධානතම උපාංගයක් වන රොබෝ හස්තය රඳවනයෙන් ඉවත්කොට එහි ක්‍රියාකාර්ත්වය පරීක්ශා කිරීම, රෝවරයේ රෝද ක්‍රියාත්මක කරවන මෝටර් පද්ධතියේ (rover motor controller assembly) තත්වය පරික්ශාකිරීම වැනි කටයුතු ඉදිරි සතිය තුල යෙදී ඇති බව නාසා ආයතනය පවසයි.

ඉන්ජිනේරුවන්ගෙන් විද්‍යාඥයින් හට රෝවරයේ පාළනය ලැබීමට සති කිහිපයක් ගතවනු ඇත

දැනට කිව්රියෝසිටි රෝවරයේ පාළනය භාරව සිටින්නේ යානය නිර්මාණය කල හා ගුවන්ගත කල මොහොතේ සිට එහි ක්‍රියාකාරිත්වය නිරීක්ශණය කරමින් අඟහරුමතට ගොඩබැස්වීම සැළසුම්කල ඉන්ජිනේරු කණ්ඩායමයි. මොවුන් තවත් සති දෙක තුනක් යානයේ සියලුම පද්ධති හා උපාංග පරීක්ශා කරමින්, සීරුමාරු කිරීම් හා විද්‍යාත්මක පර්යේෂණ උපකරණ ක්‍රියාත්මක කරවන පරිගණක වැඩසටහන් රෝවරයේ පරිගණක වලට ප්‍රවේශණය කරමින් (software loading) යානය අඟහරු වසරක, එනම් පෘථිවි සති 98ක ගවේශණයක් සඳහා සූදානම් කරනු ඇත.

රොබෝ විද්‍යාගාරයේ පර්යේශණ කටයුතු මෙහෙයවීමට 400ක විද්‍යාඥ කණ්ඩායමක් සූදානමින්.

නාසා ඉන්ජිනේරුවන් වෙතින් යානයේ පාළනය ලැබුණු වහාම පර්යේෂණ කටයුතු ඇරඹීම සඳහා 400ක විද්‍යාඥයින් කණ්ඩායමක් ලහි ලහියේ සූදානම් වෙමින් සිටින බව වාර්තාවේ. රොබෝ විද්‍යාගාරය තුල අඩංගු කොට ඇති සංකීර්ණ විද්‍යා උපකරණ 10ක් මගින් මෙම පර්යේශන සිදු කෙරන අතර අඟහරු මත ජීවය පවතීද (නැතහොත් අතීතයේ පැවතුනාද) යන්න නිශ්චිතව තහවුරු කරගැනීම මෙම යානය අඟහරු වෙත යැවීමේ මූලික අරමුණයි.

Comments

  1. Anonymous8 August 2012 at 00:02

    good article

    ReplyDelete
  2. Unknown8 August 2012 at 08:10

    හොඳ ලිපියක්. මේ රෝවර් එකත් මීට ඉස්සෙල්ල යවපු රෝවර් වලත් වෙනස්කම් මොනවද?

    ReplyDelete
  3. Unknown8 August 2012 at 09:23

    elz....................

    ReplyDelete

Post a Comment