ගුවන්යානා ගෙනයන USS Nimitz නෞකාවේ ගුවන්යානා මෙහෙයුම්

USS Nimitz යනු අමෙරිකානු නාවුක හමුදාවට අයත් විශාලතම ගුවන් යානා ගෙන යන නෞකාවලින් එකකි. මෙම නෞකාව නම් කොට ඇත්තේ දෙවන ලෝක මහා සංග්‍රාමයේදී අමෙරිකානු පැසිෆික් නාවුක බලකායේ අණදෙන නිළධාරීව සිටි අද්මිරාඅල් චෙස්ටර් නිමිට්ස් සිහිවීම සඳහාය. නිමිට්ස් නෞකාවේ විශාලත්වය නිසාම එය වෙනම නෞකා ගණයක් ලෙස (class of ships) නම්කරන ලද අතර එම ගණය නිමිට්ස් නෞකා ගණය (Nimitz Class) ලෙස හැඳින්වේ.

නිමිට්ස් ගණයේ ගුවන්යානා ගෙනයන නෞකා 10ක් මේ වන විට සේවයේ යෙදී සිටින අතර එම නෞකා ලැයිස්තුව පහත දැක්වේ.

1. USS Nimitz (CVN-68)
2. USS Dwight D. Eisenhower (CVN-69)
3. USS Carl Vinson (CVN-70)
4. USS Theodore Roosevelt (CVN-71)
5. USS Abraham Lincoln (CVN-72)
6. USS George Washington (CVN-73)
7. USS John C. Stennis (CVN-74)
8. USS Harry S. Truman (CVN-75)
9. USS Ronald Reagan (CVN-76)
10. USS George H.W. Bush (CVN-77)

ටොන් 100,000ක් බරැති USS Nimitz Class නෞකා , ගුවන්යානා 90ක් ගෙනයා හැකි දැවැන්ත පාවෙන ගුවන්හමුදා කඳවුරකි. මෙම නෞකා 10ය එක්ව ගත්කල විවිධ වර්ගයේ යුධ ගුවන් යානා 900ක් ලොව ඕනෑම පෙදෙසකට යැවීමේ හැකියාව අමෙරිකන් නාවුක හමුදාවට ලැබී ඇත.

USS Nimitz (CVN 68)

Nimitz ගණයේ නෞකාවල F/A-18 Hornet ජෙට් යානා ගුවන්ගත කිරීමේ හා ගොඩබෑමේ මෙහෙයුම්



TAKEOFF

ගුවන් ගත කිරීමට කලින් සිදුකරන පෙර පරීක්ශාව

** ගුවන්ගත කිරීමට මොහොතකට පෙර... යානයේ තටුව යට සිටිමින් හුමාල කැටපෝලය ක්‍රියාත්මක කිරීමට සඥා කරණ නැවියා shooter ලෙස හැඳින්වේ...
 ** මේ මොහොතේදී ජෙට් යානාවේ එන්ජින්, ආර්ෆ්ටර් බර්නර් ආධාරයෙන් උපරිම පීඩනයෙන් (maximum thrust) ක්‍රියාත්මක වෙයි. මීට අමරතව නෞකාවේ ඇති steam catapult නම් උපකරණයක් යානයේ ඉදිරිපස රෝදවලට අමුණා ඇති අතර මෙම උපකරණයෙන් ක්‍රියාකාරිත්වය වන්නේ හුමාල බලයෙන් ක්‍රියාත්මක වෙන අධිසම්පීඩිත පිස්ටනටකින් යානාව වේගයෙන් ධාවන පථය මතින් ඇදගෙන ගොස් ධාවන පථය කෙලවරදී නිදහස් කිරීමයි. කැටපෝලයකින් ගලක් විදින්නාක් මෙන් ගුවන් යානය ඉදිරියට වීසි කරන අයුරින් ක්‍රියාත්මක වන නිසා එම උපකරණය steam catapult ලෙස නම්කොට ඇත. මෙම උපකරණය නෞකාවේ තට්ටුවට (flight deck) යටින් සකසා ඇත. ජෙට් එන්ජින් උපරිම පීඩනයෙන් ක්‍රියාත්මක වෙතත් අවි ආයුධ හා බෝම්බ සමග ටොන් 16ක් බර හෝර්නට් යානයක් ඉතා කෙටි ධාවන පථයෙන් සාර්ථකව ගුවන් ගතවීමට අවශ්‍ය වේගය ලබාදීමට එන්ජින් පීඩනය අසමත් නිසා අමතර වේගයක් ලබාදීමට හුමාල කැටපෝල උපක්‍රමය සකස්කොට ඇත.

හුමාල කැටපෝලය යානය ධාවන පථය දිගේ වේගයෙන් ඉදිරියට ඇදගෙන යන අතර එන්ජිම ආෆ්ටර්බර්නර්ද සහිතව උපරිම පීඩනයෙන් ක්‍රියාත්මක වේ...
ධාවන පථය අවසන්වන විටම යානය ඉහලට එසවෙමින් ඇත. මේ මොහොතේදී එහි වේගය මදක් හෝ අඩුනම්, එය මුහුදට කඩා වැටෙනු ඇත.
යානය සාර්ථකව ගුවන්ගත වේ...



LANDING

යානය ගොඩබැස්සවීම සඳහා රෝද පහත්කොට ඇති අතර, එහි arrester hook නම් ඇමිණුම් කොටසද පහත්වී ඇති අයුරු ඔබට පෙනේ.
යානය ධාවන පථයේ ගැටෙන්නට මොහොතකට පෙර
ධාවන පථයේ තිරස් අතට එලා ඇති නම් වානේ කේබලය ඔබට දකින්නට හැකිය. යානයේ පිටුපස ඇති arrester hook ඇමිණුම් කොක්ක මෙම කේබලයේ ඇමිණීමෙන් යානයේ ධාවන පථය මත නවත්වා ගනු ලැබේ. මෙවනි arrester hooks 3 හෝ 4ක් ධාවන පථය මත ඇති අතර මේ සියලු කේබල් කොකුවට මගහැරුණහොත් යානය නැවතත් ගුවනට ගැනීම සඳහා එන්ජිම උපරිම පීඩනයෙන් ක්‍රියාත්මක කරවයි.
යානයේ  arrester hook ඇමිණුම් කොක්ක arrester කේබලයක ඇමිණෙන අයුරු...
යානයේ වේගය ක්‍රමාණුකූලව පාලනය කිරීම සඳහා කේබලය මදක් දිගහැරෙන ලෙස සකසා ඇත. යානය කේබලයක ඇමිණුන වහාම නියමුවා එන්ජිම නිවාදමයි.










Comments

  1. නියමයි...
    ජයවේවා!!!!!!!

    ReplyDelete
  2. ෆිල්ම්ස් වලින් මේව ඕනෙ තරම් දැකල තිබුණට අද තමයි නියම විදියට විස්තර දැන ගත්තේ... ස්තූතියි..

    ReplyDelete
  3. ela සැහෙන්න දෙයක් ඉගෙන ගත්තා..!! සුපිරි මචං

    ReplyDelete
  4. වටිනා තොරතුරු ටිකක්. නිවුස් වලින් මේවා දැක්කය විස්තර දැන ගත්තෙ අද. මේ වැනි ගොඩබෑම් වල දී අනතුරු වෙලා නැතිද?

    ReplyDelete
  5. දුලභ ලස්සන ඡායා රූපටිකක්..... වටිනා ලිපියක්.

    ReplyDelete
  6. නියම විස්තරය කොහෙන්වත් හම්බවෙන්න නැති තොරතුරු

    ReplyDelete

Post a Comment