අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

ජාත්‍යන්තර අභ්‍යවකාශ මධ්‍යස්ථානයේ ගගනගාමීන්ගේ තනි-නොතනියට ජපානයේ නිමැවෙන "කීබෝ" සමාජශීලී රොබෝවරයා

Posted by

ජපානයේ ජාතික අභ්‍යවකාශ ආයතනය වන JAXA ආයතනය වෙනුවෙන් රොබෝ ඉන්ජිනේරුවෙකු වන ටොමොටාකා ටකහාෂී (Tomotaka Takahashi) විසින් නිර්මිත කිබෝ, ජාත්‍යන්තර අභ්‍යවකාශ මධ්‍යස්ථානයේ නේවාසික ගගනගාමියෙකු වන ජපන් ජාතික කොයිචී වකාටාගේ (Koichi Wakata) සහයට උඩුගුවනට යැවීමට සැළසුම් සකස්වෙමින් පවතී.


කතාකරන භාශාව තේරුම්ගෙන පිලිතුරුදීමේ හැකියාව (speech recognition and natural language processing technology) මෙන්ම පුද්ගලයින්ගේ මුහුණු හඳුනාගැනීමේ හැකියාව (face recognition) ඇති කීබෝ නිර්මාණය වී ඇත්තේ ජපානයේ ටොයෝටා සමාගම විසින් වැඩිදියුණු කරමින් පවතින තාක්ශණයන් ආධාරයෙනි. මෙහි නිර්මාණ කාර්යයන් සඳහා ටෝකියෝ විශ්වවිද්‍යාලයේ පර්යේශකයින් කණ්ඩායමක් සහයවේ. 

රොබෝවරයාගේ හැඩරුව නිර්මාණය කොට ඇත්තේ ජපානයේ ප්‍රකට වෙළඳ ප්‍රචාරණ සමාගමක් වන ඩෙන්ට්සු සමාගමයි. කුඩා ප්‍රමාණයේ රොබෝවෙකු වන කීබෝ අඟල් 13.5 උස් වන අතර පෘථිවියේ සිට එවන වෝයිස් මේල් පණිවුඩ හා ට්විටර් පණිවුඩ කියවීම හා ගගනගාමියා සමග සරල කතාබහක යෙදීමේ හැකියාව කීබෝට ඇත.

ජපානයේ අභ්‍යවකාශ ආයතනයේ ඉල්ලීමක් අනුව නිර්මාණය වන කිබෝ සමාජශීලී රොබෝවරයා අභ්‍යවකාශයේ තනිව ජීවත්වන ගගනගාමීන්හට සිය තනිකම හා කාන්සිය නිසා ඇතිවන මානසික ආතතිය අඩුකරගැනීමට උපකාරීවනු ඇතයි JAXA ආයතනය බලාපොරොත්තුවේ. 

අමෙරිකාවේ නාසා ආයතනය මේවන විටත් රොබෝනෝට් 2 නම් රොබෝ ගගනගාමියෙකු ජාත්‍යන්තර අභ්‍යවකාශ මධ්‍යස්ථානය වෙත යවා ඇත. රොබෝනෝට් කීබෝ මෙන් සමාජශීලී රොබෝවරයෙකු නොව ගගනගාමීන්ගේ පර්යේශණ කටයුතු සඳහා සහයවන පර්යේෂණ සහයකයෙකි. 

අමෙරිකාවේ නාසා ආයතනයේ රොබෝනෝට් 2 නම් රොබෝ ගගනගාමියා.
රොබෝනෝට් 2 රොබෝ ගගනගාමියා ජාත්‍යන්තර අභ්‍යවකාශ මධ්‍යස්ථානයේ දී මූලික පරීක්ශාවන් වලට බඳුන්වන ආකාරය.


Comments

  1. Unknown12 December 2012 at 12:08

    විද්‍යාව හා තාක්ෂණය ගැන ලියවෙන හොඳම බ්ලොගය තමා මේ බ්ලොග් එක. ඒ මට හිතෙන හැටි. ඇත්තටම ඉස්සරහට රොබෝ වරුන්ට කරන්න බැරි ප්‍රජනණය විතරයි කියල තමා මට හිතෙන්නෙ. මොකද අද වෙන කොට හැම මගුලම කරනවනේ.

    ReplyDelete
  2. කෝරලේ මහත්තයා 13 December 2012 at 13:53

    මරු ඈ..........

    ReplyDelete

Post a Comment