Related Posts Plugin for WordPress, Blogger...

Tuesday, 8 July 2014

නාසා ආයතනයේ අලුත්ම රොකට්ටුව : SLS Heavy-Lift Launch Vehicle


නාසා ආයතනය හා බෝයිං සමාගම ඒකාබද්ධව නිර්මාණය කෙරෙන අලුත්ම රොකට්ටුව වන්නේ හෙවි ලිෆ්ට් ලෝන්ච් වෙහිකල් නම් ටොන් 100කට වැඩි බරක් කක්ශය වෙත ගෙනයා හැකි දැවැන්ත රොකට්ටුවයි. ෂටල් යානා විශ්‍රාම ගැන්වීමෙන් පසු අභ්‍යවකාශ ගතකල හැකි තමන්ගේම රොකට්ටුවක් නොමැතිවීම නාසා ආයතනයට විශාල පාඩුවක් වුනා.

ස්පේස් එක්ස් (Space X) සමාගම නිර්මාණය කල ෆෝල්කන් රොකට්ටුව මගින් අභ්‍යවකාශ මධ්‍යස්ථානයට භාණ්ඩ ප්‍රවාහණය කිරීමේ හැකියාව ලැබීම නිසා රුසියානු සෝයුස් රොකට්ටු මත යැපීමට සිදුවීම අඩුවුවත් ලොව තාක්ශණික දැවැන්තයා වන අමෙරිකාවට තමන්ගේම කියා විශාල රොකට් පද්ධතියක් නොමැතිවීම එරට ජනතාවගේ මෙන්ම කොන්ග්‍රස් මණ්ඩලයේද දැඩි දෝෂදර්ශණයට බඳුන්වූවා.

මෙහි වගකීම ඔවුන් පැවරුවේ ජනාධිපති ඔබාමාගේ රජයටයි. ඔබාමා රජය එතෙක් නාසා ආයතනය ෂටල් යානා වෙනුවට නිර්මාණය කරමින් පැවති ඔරායන් රොකට් පද්ධතිය අවලංගු කිරීමෙන් අමෙරිකානු අභ්‍යවකාශ ගවේෂණවලට මෙන්ම ජාතික අභිමානයට පාඩුවක් සිදුකල බවට ඔවුන් චෝදනා කලා. මෙම තාක්ශණික හිදැස මකාගැනීමේ අරමුණින් දැන් නාසා ආයතනය බෝයිං සමාගම හා එක්ව දැවැන්ත රොකට්ටුවක් නිර්මාණය කරමින් පවතිනවා. මේ සඳහා විශ්‍රාම ගැන්වූ ශටල් පද්ධතිය වෙනුවෙන් නිර්මාණය කල රොකට් තාක්ශණය හා අවලංගු කල ඔරායන් රොකට් ව්‍යාපෘතිය වෙනුවෙන් නිර්මාණය කල තාක්ශණය භාවිතා වනවා.


මෙම හෙවි ලිෆ්ට් රොකට් පද්ධතිය රොකට්ටු දෙකකින් සමන්විත වනවා. එකක් වන්නේ මෙට්‍රික් ටොන් 70ක් උඩු ගුවනට ගෙනයා හැකි SLS-70 රොකට්ටුවයි. අඩි 321 උසැති මෙම රොකට්ටුව නිල් ආම්ස්ට්‍රෝං සඳවෙත ගෙන ගිය සුප්‍රකට සැටර්න් 5 රොකට්ටුවට වඩා 10% ජවයක් උත්පාදනය කල හැකි ලෙස නිර්මාණය වෙනවා. මෙම රොකට්ටුවේ ප්‍රථම අදියර සඳහා අමතර ජවයක් ලබාදීමට එකල ශටල් යානා ගුවන්ගත කිරීමේදී භාවිතාකල ඝණ ඉන්ධන බූස්ටර් රොකට්ටු දෙකක් (Solid-fuel Rocket Booster) භාවිතාවනවා. 2017 වසරේදී මෙම රොකට්ටුවේ ප්‍රථම පියාසැරිය සිදුවන අතර 2021 වනවිට මෙම රොකට්ටුවේ රඳවා ගගනගාමීන් 4ක් ගෙනයා හැකි  අභ්‍යවකාශ යානයක්ද නිර්මාණය වෙමින් තිබෙනවා.
























මෙම රොකට් ව්‍යාපෘතියේ දෙවන අදියර වන්නේ මෙට්‍රික් ටොන් 130 උඩුගුවනට ගෙනයා හැකි අති දැවැන්ත SLS 130 රොකට්ටුවයි. අඩි 384ක් උසැති මෙම සුවිශාල රොකට්ටුව මිනිසා විසින් නිර්මාණය කරනලද විශාලතම රොකට්ටුව වනවා.












Related Posts Plugin for WordPress, Blogger...