අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

AUTOMOBILE : ෆෝඩ් කොම්පැණිය කාර් හදන එක නවත්වන්න යයි!

Posted by

ෆෝඩ් කොම්පැණිය ගැන නොදන්න කෙනෙක් නෑ. 1903දී හෙන්රි ෆෝඩ් පටන් ගත්ත ෆෝඩ් කොම්පැණිය ලෝකයට දායක කරපු තාක්ෂණයන් බොහොමයි.  ඉස්සෙල්ලාම මහා පරිමාණ ලෙස වාහන නිෂ්පාදනය පටන් ගත්තේ හෙන්රි ෆෝඩ්ගේ කොම්පැණිය. අද ලෝකයේ වාහන වගේම වෙන බොහෝ දේවල් නිෂ්පාදනය කරන ඇසෙම්බ්ලි ලයින් (assembly line method of manufacturing) ක්‍රමයෙන් වාහන නිෂ්පාදන ක්‍රමය හෙන්රි ෆෝඩ් නිර්මාණය කලේ 1914දී. 

ඇසෙම්බ්ලි ලයින් ක්‍රමයෙන් ඉතා වේගයෙන් වාහන නිෂ්පාදනය පටන් ගත්ත නිසා ෆෝඩ් සමාගමට ඒ වාහන ඇමරිකාවේ ඒ කාලේ ඇමරිකාවේ නැගීගෙන එමින් තිබුණු මධ්‍යම පාංතික ජනයාට  බොහෝම අඩුවට කුඩා වාහන නිෂ්පාදනය කරන්න පුලුවන් වුනා. 1900 ගණන්වල අස්ස කරත්තෙන් ගමන් ගිය ඇමරිකන් පොදු ජනයට කාර් පුරුදු කලේ ෆෝඩ් කොම්පැණිය.

එහෙම ඉතිහාසයක් තියෙන ෆෝඩ් සමාගම, තමන්ගේ විශාලම වෙළඳපොල වන ඇමරිකා එක්සත් ජනපදයේ කාර් නිෂ්පාදනය කරන එක සම්පූණයෙන්ම වාගේ නවත්වලා දාන්න තීරණය කරලා කියලා ඊයේ ඇමරිකන් මාධ්‍ය වාර්තා කලා. ක්‍රමක්‍රමයෙන් කාර් නිෂ්පාදනයෙන් ඉවත්වෙන්න සූදානම් වෙන ෆෝඩ්, මින් ඉදිරියට ඇමරිකානු වෙළඳපොලට නිෂපාදනය කරන්නේ ඔවුන්ගේ ෆෝඩ් මස්ටෑංග් කියන බොහොම ජනප්‍රිය මාදිලිය විතරයිලු

Ford Mustang
දැනට ෆෝඩ් සමාගම ඇමරිකාවේ නිෂ්පාදනය කරන Fiesta, Focus, Fusion, C-Max, Taurus කියන මාදිලි සියල්ලේම නිෂ්පාදනය නවත්වල දාන්නයි සූදානම.

මේ තීරණයට හේතුව විධියට ෆෝඩ් සමාගම කියන්නේ ඇමරිකානු පාරිභෝගිකයින් කාර් මිළදී ගැනීමෙන් වේගයෙන් ඈත් වෙමින් යනවා කියලයි. ඇමරිකන් පාරිභෝගිකයින් කාර් වලට වඩා SUV, පික් අප්, ක්‍රොස් ඕවර්, මිනිවෑන් වගේ විශාල වාහන ප්‍රියකරන බව වෙළඳපොල සමීක්ෂණවලින් තහවුරුවෙලා තියෙන බවයි ෆෝඩ් කියන්නේ. ඇමරිකාවේ රථවාහන වෙළඳපොල විශ්ලේෂකයින් පවා ෆෝඩ් සමාගමේ මේ තීරණයට සහය දක්වනවා.

ඔවුන් කියන විධියට සිඩෑන්, හැච්බැක්, කොම්පැක්ට්, සබ්කොම්පැක් වගේ කාර් මාදිලි මිළදීගැනීමෙන් ඉවත්වෙන්න ඇමරිකන් පාරිභෝගිකයින් පෙළඹිලා. හැබැයි මේ නැඹුරුව ඉලෙක්ට්‍රික් වාහන මාදිලිවලට බල පාන්නේ නැතිබවයි ඔවුන් කියන්නේ. ටෙස්ලා, චෙව්‍රලේ බෝල්ට්, නිසාන් ලීෆ් වගේ කාර්මාදිලි වලට හොඳ වෙළඳපොලක් ඉදිරියෙදිත් තියෙයි කියලා ඔවුන් කියනවා.


Comments

Post a Comment