හිටපු ඉන්දුනීසියානු ගුවන් හමුදා නියමු හා AirAsia QZ8501 පියාසැරියේ කපිතාන් ඉලියන්ට්රෝ |
මගී ජෙට් යානයක් වෙනත් විකල්පයක් නොමැති විට ජලයට හෝ මුහුදට ගොඩබැස්වීමට ගුවන් නියමුවන් හොඳින් පුහුණුව ලබා තිබෙනවා. ඔබ ගුවන් යානයක ගමන් කරනවිට ජීවිතාකරක්ශක කබා තිබෙන ස්ථානය හා ඒවා පලඳින ආකාරය පිලිබඳව කාර්ය මණ්ඩලය ඔබට විස්තර කරදෙන්නේ මෙවැනි අවස්ථාවදී දියේ නොගිලී සිටීමට ජීවිතාරක්ශක කබා අත්යාවශ්ය බැවිනුයි. එයා ඒෂියා යානය නිපදවූ Airbus සමාගම සිය මගී ගුවන්යානා සඳහා "water ditch button" නැමති බොත්තමක් නියමු කුටියේ සවිකොට තිබෙනවා. නියමුවා එය ක්රියාත්මක කලවිට යානයේ බඳෙහි ඇති ජලය ඇතුලුවිය හැකි සියලුම ස්ථාන වැසී මුද්රාතැබෙන්නේ යානය ජලයට ගොඩබැස්වීමේදී ඇතුලට ජලය කාන්දුවීම වැලැක්වීමටයි.
2009 වසරේදි US Airways යානයක් අමෙරිකාවේ හඩ්සන් ගංගාව මතට හදිසියේ ගොඩබැස්සවූ අතර සියලු මගී ජීවිත ගැළවුනා. |
යානයෙන් හමුවූ මගී මළසිරුරු බොහොමයක ජීවිතාරක්ශක කබා පැළඳ තිබූ බවත්, මළසිරුරු විනාශ නොවී තිබීමත් යානය පුපුරා යාමක් හෝ කඩාවැටීමක් සිදු නොවීමට තවත් සාක්ශි බව ඔවුන් පවසනවා. සෝනාර් මගින් යානය කඩාවැටුනු ප්රදේශයේ මුහුදු පතුල නිරීක්ශණය කිරීමේදී සෝනාර් තිරවල යානයේ අනුරුව ඔවුනට දකින්නට ලැබී ඇති අතර යානය කැඩීබිඳී ගොස් නැතිබව තහවුරු කරගෙන තිබෙනවා. යානය කඩා වැටීමක් හෝ පිපිරීමක් සිදු නොවී ගොඩබැස්වූ බවට එයත් සාක්ශියත්.
එහෙත් නියමුවන්ගේ මෙම ව්යායාමය නිශ්ඵලවී සියලු ජීවිත අහිමිවූයේ එම ප්රදේශයේ ඒ අවස්ථාවේ හමමින් තිබූ දැඩි කුණාටුවෙන් හටගත් විශාල රළපහරවල් වලට හසුවී යානයේ මගීන් ඉවත්කරගැනීමට පෙර එය ගිලී ගිය නිසා බවට විශ්වාස කෙරෙනවා. මේවන විටත් යානයේ කළු පෙට්ටිය සොයාගැනීම සඳහා යානය වෙත කිමිදුම් කරුවන් යැවීමට නොහැකිවී ඇත්තේ තවමත් එම ප්රදේශයේ මුහුදු රළ අඩි 9කටත් වඩා විශාල වීම නිසයි.
කොහොම වුණත් අහිංසක ජීවිත 160 කට වැඩිය මුහුදට බිලිවුණා අායෙත්.........
ReplyDeleteගුවන්යානයේ ඉරණම ගැන යානය අතුරුදන්වීමට දින කිහිපයකට ඉහතදී චීන බ්ලොග් සටහන්කරුවෙකු අනාවැකි පළ කර ඇතැයි හෙළිව තිබේ.
ReplyDelete‘ලෑන්ඩ්ලෝර්ඩ්‘ යැයි තමන්ව හඳුන්වාදී ඇති මේ බ්ලොග් සටහන්කරුවා ඔහුගේ බ්ලොග් පිටුවේ එයාර් ඒෂියා ගුවන්සේවයට අයත් ගුවන්යානයක් ඉදිරි දින කිහිපයේදී විනාශ කිරීමට නියමිත බවද එය සැළසුම් කර ඇත්තේ ‘කළු අත‘ (බ්ලැක් හෑන්ඩ්) නම් රහසිගත සංවිධානයක් බවද සටහන් කර ඇත.
දින සටහනට අනුව ඔහු එම සටහන තබා ඇත්තේ දෙසැම්බර් මස 17 වැනිදාය.
ඔහු එම සටහන තැබූ දිනයේ ඒ ගැන ඔහුගෙන් වැඩිදුර කරුණු විමසුවත් ඔහු කිසිත් හෙළි කළේ නැති බව ඔහුගේ බ්ලොග් පිටුව නරඹන්නෝ කියති.
ඔහුගේ එම අදහස් විහිලූවකැයි සිතා බැහැර කිරීමට ඔවුන් කටයුතු කර තිබේ. නමුත් දින කිහිපයක් ගෙවී පසුගියදා එයාර් ඒෂියා ගුවන්සේවයට අයත් ගුවන්යානයක් අතුරුදන්ව ඇතැයි පුවත් ලැබෙන විට තම මිතුරු බ්ලොග් සටහන්කරුවා කියූ දේ සැබෑවක් යැයි තේරුම් ගිය බව ඔවුහු කියති.
නමුත් ලෑන්ඩ්ලෝර්ඩ් එම සටහන තැබූ දිනයේ පටන් තම බ්ලොග් පිටුවට නැවත පැමිණ නැත. ඔහුද අතුරුදන්ය.
මේ බ්ලොග් සටහන්කරුවා කවරකු වන්නට ඇත්දැයි මේ දිනවල අන්තර්ජාලයේ නොයෙක් තැන්හි අදහස් පළ කෙරෙන අතර බොහෝ දෙනා කියන්නේ මොහු චීන බුද්ධි අංශයට සම්බන්ධ පුද්ගලයෙකු විය හැකි බවයි. නමුත් මෙසේ ගුවන්යානය අතුරුදන්වීමක් ගැන හරියටම අනාවැකි පළ කිරීමට ඔහුට හැකිවූයේ කෙසේදැයි යන්නට නිසි පැහැදිලි කිරීමක් ලබාදෙන්නට තවමත් කිසිවෙකුටත් හැකිව නොමැත.
ඔහුගේ පැරණි බ්ලොග් සටහන් වල මලයාසියා ගුවන්සේවයට අයත් හා මේ දක්වාම අතුරුදන්ව තිබෙන එම්.එච් 370 අංක දරන ගුවන්යානයත්, එම ගුවන්සේවයටම අයත් මගීන් සමගම යුක්රේනයේදී විනාශ කෙරුණු එම්.එච් 17 අංක දරන ගුවන්යානය ගැනත් සටහන් ඇත. ගුවන්යානා වල ඉරණම පසුපස සිටින්නේද බ්ලැක් හෑන්ඩ් සංවිධානය බව ඔහු සඳහන් කර ඇත.
බ්ලොග්කරුවන් මේ ගැන දැඩි උනන්දුවකින් කටයුතු කරතත් ගුවන්සේවා බලධාරීන් මේ සම්බන්ධව වැඩි අවධානයක් යොමුකර නොමැත. බ්ලොග් සටහන්කරුවෙකු කළ හුදු සටහනක් අවාසනාවන්ත ලෙස සැබෑ වූ අවස්ථාවක් ලෙස ඔවුන් එය හඳුන්වාදේ.