ජාන පර්යේෂණ ආධාරයෙන් මහා භාරත ජනයා කුළබේධය ඇති කරගත් වකවානුව හෙලිවේ!!

කුළ අනුව මිනිසුන් වර්ග කිරීම ලොව පුරා බොහෝ ආදි ජනවර්ග අතර පැතිරි තිබුණත් (උදා: පැරණි ඊජිප්තු සිශ්ඨාචාර යුගයේදී ඊජිප්තු ජනසමාජය කුළ අනුව බෙදී තිබුණි) කුළබේධයේ තෝතැන්න ලෙස සැළකෙන්නේ පෞරාණික ඉන්දියාවයි. මෙම කුළ බේධය ඉන්දියානු ජන සමාජය තුලට කොතරම් කා වැදී ඇතිද යත් අද පවා ඉන්දියාවේ බෝහෝ කුළයන් වෙනත් කුළයන් හා ආවාහ විවාහ කර නොගන්නා අතර එසේ සිදුකරන තරුණ තරුණියන් සිය කුළයෙන් පලවා හරී.

American Journal of Human Genetics නම් ශාස්ත්‍රීය විද්‍යා සංග්‍රහයේ පළවුනු පර්යේශණ නිබන්ධනයකට අනුව භාරත ජනයා මෙලෙස කුළ අනුව බෙදුනු වකවානුව ආසන්න වශයෙන් මීට වසර 2000කට පෙර බව නිගමය කොට ඇත. නූතන ඉන්දියානු ජනවර්ග ගණනාවකින් ලබාගන්නා ලද ලේ සාම්පල ඇසුරින් කරන ලද ජාන හඳුනාගැනීමකට අනුව මීට වසර 4500කට පමණ පෙර සිටම භාරත ජනයා අතර සීම බන්ධන වලට යටත් නොවූ ආවාහ විවාහ සිදුවී ඇති බවත්, ඒ අනුව විවිධ ඉන්දියානු ජනවරග වල විශාල සම්මිශ්‍රණයක් එකල දක්නට ලැබුණු බවත් අනාවරණය වී ඇත. වසර 2500ක් පමණ කාළයක් මෙම සම්මිශ්‍රණය අඛන්ඩව සිදුවී ඇති අතර, මීට වසර 2000කට පමණ පෙර සිට මේ සම්මිශ්‍රණයන් එක්වරම නැවැතුනු බව නූතන ඉන්දියානුවන්ගේ ජාන සාක්ශි දරයි.

මෙලෙස ජාන සම්මිශ්‍රණය නැවතීමට හේතුව වසර 2000කට පමණ පෙර සිට කුළ අනුව බෙදී කුළ හා ජනවර්ග අතර ආවාහ විවාහ සිදු නොවීමයි.

වසර 3500කට පෙර උතුරු ඉන්දියානු භාශවක් වුනු සංස්කෘත භාශාවෙන් ලියැවුනු  සෘග් වේදයේ එන කාව්‍යවල ඇති සමඝර රණකාමීන්ගේ හා ඉහල නිළතල දැරූවන්ගේ නම් දකුණු ඉන්දියානු සම්භවයක් ඇති නාමයන් ලෙස භාශා හා සංස්කෘතීන් පිලිබඳ විශේෂඥයින් හඳුනාගෙන ඇත. එනම් උතුරු ඉන්දියානු රාජ සභාවල් උසස් නිළයන් හා හමුදාවේ ඉහල තනතුරු දකුණු ඉන්දියානු සම්භවයක් ඇතිවලුන් හොබවා ඇත.

මේ අනුව ඉන්දියානු සමාජය සෘග් වේදය ලියැවුනු කාළයේදී, එනම් මීට වසර 3500කට පෙර වකවානුවේ උතුරු ඉන්දියානුවන් හා දකුණු ඉන්දියානුවන් එකිනෙකා කෙරෙහි ඉමහත් ගෞරවයෙන් සිටින්නට ඇතැයි සැළකේ. ඒ අනුව රාජ සභාවල හා හමුදාවල ඉහල තනතුරු දකුණු ඉන්දියානුවන් හට පිරිනමන්නට ඇති බවත්, උතුරු දකුණු  හා කුළ බේදවලින් තොර ආවාහ විවාහ සිදුවන්නට ඇති බවත් සිතිය හැකිය.

අද ඉන්දියාවේ තත්වය මීට සපුරා වෙනස්ය. කලක් උතුරු ඉන්දියාවේ ජීවත් වුනු මා මෙය හොඳින් අත්දැක ඇත. උතුරු ඉන්දියානුවන් සමස්තයක් ලෙස දකුණු ඉන්දියානුවන් එතරම් පිලිගැනීමකට බඳුන් කරන්නේ නැති අතර දකුණු ඉන්දියානුවන්ද උතුරු ඉන්දියානුවන් එතරම් මායිම් නොකරති.

පර්යේෂකයින්ට අනුව මීට වසර 2000කට පමණ පෙර ඉන්දියානු සමාජය ඉතා දැඩි ලෙස කුළ අනුව වර්ගවී ඉහල කුළ පහලින් ඇතැයි සැළකූ කුළ පිලිකෙව් කරන තරමට බෙදී වෙන්වී ගොස් ඇති අතර එසේ සිදුවන්නට ඇත්තේ කුමන ආර්ථික,සාමාජීය හේතුන් මතද යන්න අපැහැදිලි බව පවසයි.

Source : http://www.livescience.com/38751-genetic-study-reveals-caste-system-origins.html