අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

AVIATION: කටාර් රාජ්‍යයට ලැබුණු නවීන Eurofighter Typhoon ජෙට් යානා.

Posted by

 


කටාර් ගුවන් හමුදාවට (Qatar Emiri Air Force) නවීන යුරෝෆයිටර් ටයිෆූන් ජෙට් යානා ලැබී ඇති බව විදෙස් ආරක්ෂක තොරතුරු වෙබ් අඩවි වාර්තාකරනවා. කටාර් ගුවන් හමුදාව ටයිෆූන් යානා 24ක් මිලට ගැනීමට ඩොලර් බිලියන 6.6ක ගිවිසුමකට එළබ තිබූ අතර එම ගිවිසුමට අනුව කටාරයට ලැබෙන පලමු ගුවන් යානා කිහිපය මේ වනවිට ඒවා නිෂ්පාදනය කරන බ්‍රිතාන්‍යයෙන් කටාරයට ලැබී තිබෙනවා.

යානයේ බඳෙහි විවිධ මිසයිල, රොකට් හා බෝම්බ ගෙන යා හැකි ස්ථාන (hardpoints) 13ක් තිබෙනවා. කටාරයට ඇණවුම් කරන යානාවල පහත ප්‍රහාරක මිසයිල හා රේඩාර් යන්ත්‍ර තිබෙන බව වාර්තා වෙනවා.

  1. Meteor beyond-visual-range air-to-air missiles (BVRAAMs) 
  2. Brimstone and Paveway IV precision-guided munitions for attacking ground targets
  3. Leonardo European Common Radar Standard Mk 0 radar


යුරෝෆයිටර් ටයිෆූන් යානා 24ම කටාරයට ලැබෙන විට තවත් වසරක් පමණ ගතවෙනු ඇති. දැනට කටාර් ගුවන් හමුදාව සතුව ප්‍රංශයේ නිෂ්පාදිත ඩැසෝ රෆාලේ (Dassault Rafale) යානා 27ක් ඇති අතර තවත් රෆාලේ යානා 9ක් ඇණවුම්කර තිබෙනවා. එමෙන්ම ඇමරිකන් F15E ස්ට්‍රයික් ඊගල් (F15E Strike Eagle) යානා 4ක් තිබෙන අතර තවත් ස්ට්‍රයික් ඊගල් යානා32ක් ඇණවුම් කර තිබෙනවා

මීට අමතරව කටාර් ගුවන් හමුදාව සතුව ඇපෑචි ප්‍රහාරක හෙලිකොප්ටර් (AH-64 Apache) යානා 24ක් හා ප්‍රංශයේ නිෂ්පාදිත ඒරෝස්පැටියෙල් ගැසෙල් (Aérospatiale Gazelle) මාදිලියේ සැහැල්ලු සන්නද්ධ මුර සංචාරක එලිකොප්ටර් 342ක් තිබෙනවා.




Comments

Post a Comment