අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

CHINA vs. TAIWAN: චීනයේ Z-10 ප්‍රහාරක හෙලිකොප්ටර් තායිවාන ගුවන් සීමාවට ඇතුලුවී අනවසර මෙහෙයුමක් සිදුකරයි.

Posted by

 


Changhe Aircraft Industries Corporation (CAIC) නිර්මාණය කල චීනයේ නවතම ප්‍රහාරක හෙලිකොප්ටරයක් වන  Z-10 හෙලිකොප්ටර් තායිවාන ගුවන්සීමාවට අනවසරයෙන් ඇතුලුවූ බව මැයි 10 වැනි දින තායිවානය වාර්තාකලා. 

චීන ප්‍රහාරක යානා හා වෙනත් යුධ ගුවන් යානා තායිවාන ගුවන්සීමාවට ඇතුලුවී තර්ජනාත්මක පියාසැරි රටා පෙන්වා යලිත් චීන ගුවන්සීමාවට ඇතුලුවීම නිතරම සිදුවනවා. තායිවානය, බලහත්කාරයෙන් වෙන්ව සිටින චීනයට අයත් දූපතක් බව චීනයේ නිළ ස්ථාවරය වන අතර තායිවානය වෙනම ස්වාධීන රටක් බව පිලිගන්න රටවල් සමග චීනය දැඩි රාජ්‍ය තාන්ත්‍රික ගැටුම් ඇති කරගන්නවා.


කෙසේ වෙතත් මෙම පියාසැරි සඳහා චීනයේ නවීනතම යානා උපයෝගී කරගන්නේ කලාතුරකින්. බොහෝවිට චීන ගුවන්හමුදාව සතු යල්පැන ගිය යානා මේ සඳහා උපයෝගීකර ගන්නවා. එයට හේතුව, තායිවාන ගුවන්සීමාවලට ඇතුලුවන චීන යානා, ඇමරිකාව විසින් තායිවානයට ලබාදී ඇති නවීනතම රේඩාර් හා වෙනත් ගුවන් ආරක්ෂක උපක්‍රම මගින් නිරීක්ෂණය කිරීමයි. තම නවීනතම ගුවන්යානාවල රේඩාර් චිත්‍ර හා පියාසැරි රටා (flight profile) ඇමරිකානු රේඩාර් යන්ත්‍රවල සටහන් වීමෙන්, එම යානාවලට පහරදීමට අවශ්‍ය තොරතුරු ඇමරිකන් ගුවන්හමුදාවද ලබාගන්නා නිසා, සිය නවීනතම යානා තායිවාන රේඩාර් පද්ධති ක්‍රියාත්මක පෙදෙස්වලට නොයවන්නට චීනය ප්‍රවේසම් වනවා.


පැයට කිලෝමීටර් 230ක වේගයෙන් පියාසර කරන Z-10 යානය චීනයේ නිෂ්පාදිත WZ-29 ටර්බෝ ෂාෆ්ට් ජෙට් එන්ජින් දෙකකින් ක්‍රියාත්මක වෙනවා. කිලෝමීටර් 6ක් ඉහල අහසේ ගමන් කල හැකි යානයේ නියමුවන් දෙදෙනෙකු සිටිනවා.

කිලෝමීටර් 800ක මෙහෙයුම් පරාසයක් ඇති යානයේ රොකට් හා මිසයිල ගෙනයා හැකි ස්ථාන (weapons hardpoints) 4ක් ඇති අතර මිලිමීටර් 25 උණ්ඩ නිකුත්කල හැකි ප්‍රභල මැෂින් තුවක්කුවක්ද තිබෙනවා.

මෙම හාර්ඩ් පොයින්ට් 4ට සම්බන්ධකොට විවිධ වර්ගයේ මිසයිල හා රොකට්ටු 16ක් ගෙනයා හැකියි. එම මිසයිල වර්ග යානය යොදාගන්නා මෙහෙයුම අනුව වෙනස් වනවා. යුධ ටැංකි නාශක මිසයිල, ගොඩබිම් ස්ථාන පුපුරුවා හැරිය හැකි මිසයිල මෙන්ම සතුරු හෙලිකොප්ටර් බිම හෙලිය හැකි මිසයිලද ගෙනයා හැකියි.

මෙම යානයට සමාන කල හැකි ඇමරිකන් හෙලිකොප්ටරය, ඇමරිකන් යුධ හමුදාව සතු  ඇපෑචි (AH-64 Apache) හෙලිකොප්ටරයයි. එමෙන්ම යුරෝපා සංගමයේ එයාබස් හෙලිකොප්ටර් සමාගම නිර්මාණය කරන යුරෝකොප්ටර් ටයිගර් (Eurocopter Tiger)  යානයද Z-10 යානයේ තරඟ කරුවෙක්.

Comments

Post a Comment