අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

SPACE FLIGHT : ලයිකා අහසට ගිහින් අවුරුදු 60යි!

Posted by
1954 නොවැම්බර් 3වැනිදා ගුවන්ගත කල ස්පුට්නික් 2 අභ්‍යවකාශ යානයේ පෘථිවියෙන් ඉවත්ව අභ්‍යවකාශයට ගමන්කල ප්‍රථම ජීවියා සිටියා. ඒ මොස්කව් නගරයේ ඉබාගාතේ යමින් සිටියදී හමුවූ ලයිකා නම් බැල්ලයි. ලයිකා යනු "බුරන්නිය" යන්නයි. ටෙරියර් හා හස්කි යන සුනඛ වර්ග දෙකෙහි මුහුවෙන් ඉපැදුනු ලයිකා ශක්තිමත්, නිර්භය එමෙන්ම ඉතා කීකරු බැල්ලක් වීම ඇය මේ ඓතිහාසික ගමනට තෝරා ගැනීමට හේතුවූ බව පැවසෙනවා.

1957 ඔක්තෝම්බර් 4වැනිදා ලොව ප්‍රථම කෘත්‍රිම චන්ද්‍රිකාව ගුවන්ගත කොට සිය තාක්ෂණික හැකියාවන් වලින් ලොව විස්මයටත් තමන් ලෝකෙට ලොක්කා ලෙස හිතාගෙන හිටි ඇමරිකාව බලවත් ලැජ්ජාවටත් පත්කල සෝවියට් දේශය ස්පුට්නික් 2 අභ්‍යවකාශයට යැවීමෙන් තමන් අභ්‍යවකාශ තාක්ෂණයේ සුපිරිම ජාතිය බව ලොවට ඔප්පුකලා.


පෘථිවිය වටා අභ්‍යවකාශයේ තොරතුරු හා එමගින් ජීවීන්ට ඇතිවිය හැකි බලපෑම්, ජීවීන්ට අභ්‍යවකාශයේ ජීවත්විය හැකිද යන්න ආදී පැනවලට පිලිතුරු රැසක් ලයිකාගේ ගමනින් ලැබුණු දත්ත වලින් සොයා ගත්තා.

පැය 7ක් පමණ අභ්‍යවකාශයේ ගතකරමින් වටිනා දත්ත රැසක් ලබාදුන් ලයිකා මියගියා. ඇයගේ මියයාමේ සත්‍ය තොරතුරු සඟවාගත් සෝවියට් දේශය ඇය රැගත් අභ්‍යවකාශ යානයේ ඔක්සිජන් අවසන්වීමෙන් පසු ඇය මියගිය බව පැවසූවා. එමෙන්ම ඔක්සිජන් අවසන්වීමට පෙර ඇය බලවත් නිර්වින්දනයක් ශරීරගත කොට වේදනා රහිත මරණයකට පත්කල බවටද කතාවක් පැතිරුණා. 

ලයිකා මියගිය සත්‍ය ආකාරය හෙලිවුනේ 2002 තරම් මෑතකදී. ලයිකා මිය යාමට හේතුව ඇය ගමන්ගත් ස්පුටිනික් 2 කැප්සූලය දැඩි ලෙස රත්වීමෙන් ඇතිවූ ආතතිය බව දැන් හෙලිවී තිබෙනවා. කැප්සූලය හා රොකට්ටුවේ කොටසක් නිසි පරිදි වෙන් නොවීම නිසා කැප්සූලයේ උෂ්ණත්ව පාළන පද්ධතිය නිසි ලෙස ක්‍රියාත්මක නොවීම ඇය මිය යාමට හේතුව බව  තහවුරු වෙලා තියෙනවා.



__________________________________________________________________________
Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment