අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

ගුවන් තොටුපොලවලට ලඟදීම ලැබෙන ඩ්‍රෝන් කිලර් මැෂිම

Posted by




කුඩා ඩ්‍රෝන යානාවල මිල අඩුවෙමින්, භාවිතය වේගයෙන් ඉහල යද්දී මෙවැනි යානා ගුවන් තොටුපොල බළධාරීන්ට මෙන්ම ආරක්ශක අංශවලටත් හිසරදයක් වෙන්න පටන් අරගෙන. කුඩා ඩ්‍රෝන යානා මෙහෙයවන්නන් ඒවා ගුවන් තොටුපොලක් අසල පියාසර කිරීමෙන් ගුවන්තොටුපොලට යන එන යානා වලට විශාල තර්ජනයක්. කොතරම් විශාල වුවත් කුරුල්ලෙකු ගැටීම පවා අණතුරක් ඇති කිරීමට හේතුවන මගී ජෙට් යානා ඩ්‍රෝන යානාවල ගැටීමෙන් මගී යානා කඩා වැටීමට හෝ ගුවන් ගමන අවලංගු කොට ආපසු ගොඩබැසීමට සිදුවිය හැකියි. දැනටමත් අනවසර ප්‍රදේශවල ඩ්‍රෝන පියාසර කිරීම විශාල දඩ හා සිර දඬුවම් ලැබීමට හෙඋඉතුවුනත් නොසැළකිළිමත් ඩ්‍රෝන හිමියෙකු නිසා විශාල ජීවිත හානියක් වීමට ඇති ඉඩකඩ ගැන ගුවන් බලධාරීන් සිටින්නේ දැඩි අවධානයකින්.

එමෙන්ම කුඩා ඩ්‍රෝන යානා යොදාගෙන ප්‍රහාර එල්ල කිරීමට වැනි ත්‍රස්ත කල්ලි දැනටමත් සැළසුම් කරලා තියෙන නිසා එවැනි ප්‍රහාර වලින් ආරක්ශාවීමට එම ඩ්‍රෝන අහසේදීම ක්‍රියාවිරහිත කල හැකි උපක්‍රම අත්හදා බැලෙමින් පවතිනවා.

දැන් Enterprise Control Systems, Blighter Surveillance Systems and Chess Dynamic කියන බ්‍රිතාන්‍ය සමාගම් තුනක් ඒකාබද්ධ වෙලා රේඩාර් ජෑමින් හෙවත් ප්‍රභල රේඩාර් තරංග ආධාරයෙන් ඩ්‍රෝනයක ඉලෙක්ට්‍රොණික උපකරණවල ක්‍රියාකාරිත්වය අඩපන කරලා එය කඩාවැටීමට සැලැස්විය හැකි උපකරණයක් නිපදවලා. මේ දිනවල ඒ ඩ්‍රෝන නාෂක රේඩාර් පද්ධතිය අමෙරිකාවේ ෆෙඩරල් ගුවන් අධිකාරිය තෝරාගත් ගුවන් තොටුපොලවල අත්හදාබැලීම සඳහා යොදවලා තියෙනවා.

මේ පද්ධතියට කුඩා ඩ්‍රෝනයක් වුවත් කිලෝමීටර් 10ක් ඈතින් හඳුනාගෙන තත්පර 30ක් ඇතුලට එහි පාලන පද්ධතිය අඩපණ කිරීමේ හැකියාව තිබෙනවා බව හෙලිවෙලා තියෙනවා.



__________________________________________________________________________

Creative Commons License  
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. .  

POSTED BY : Terence Kahapola Arachchi  .  AUTHOR/OWNER/ADMINISTRATOR . 
CONTACT    : terence.arachchi@gmail.com .  
GOOGLE +   : About Me  .  
FACEBOOK : www.facebook.com/terence.arachchi  .   __________________________________________________________________________

Comments

Post a Comment