අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

HUNGER GAMES - ධනවතුන් විනෝදයට මිනිසුන් දඩයම් කරන යුගයක් නුදුරු අනාගතයේදී ??

Posted by


අතිශයින්ම ජනප්‍රිය වූ "හන්ගර් ගේම්ස්" විද්‍යා ප්‍රබන්ධ නවකතාවල දැක්වෙන අභව්‍ය ලෝකය කුඩා දරුවන් මිනිසුන් දඩයම සඳහා පුහුණු කොට, සජීවී රූපවාහිණී රියැලිටි ක්‍රීඩාවක් ලෙස රඟදැක්වේ. දැනට ප්‍රබන්ධයක් වුවද බ්‍රිතාන්‍යයේ සෙන්ට්‍රල් ලැන්කැෂයර් විශ්වවිද්‍යාලයේ සංචාරක කර්මාණ්තය පිලිබඳව විශේෂඥයෙකු අනාවැකි පලකරන ආකාරයට තව වසර 100ක් එළැඹීමට පෙර ධන කුවේරයින් විනෝදය සඳහා මිනිසුන් දඩයම් කරන යුගයක් බිහිවිය හැකියි. වසර 2200 වනවිට මෙම මිනිස් දඩයම් ක්‍රීඩා රූපවාහිණී රියැලිටි තරඟ මෙන් විකාශය කෙරෙනු ඇති.

























ඩැනියෙල් රයිට් නැමැති මෙම විශේෂඥයා පලකරන ලද වාර්තාවකට අනුව තව වසර 100ක ඇවෑමේන් ලොව ඇති-නැති පරතරය අධිකවී, ධනවතුන් සිතාගත නොහැකි තරමට ධනවත් වන අතර ලොව ජනගහනයෙන් විශාල ප්‍රමාණයක් අතිශය දුගීන් වනු ඇත. මොවුන් සුලු මුදලකට ධනවතුන්ට විනෝදය සඳහා වනසතුන් මෙන් තමුන්ව දඩයම් කිරීමට එකඟවනු ඇත.

අධික පරිසර දූෂණය, දේශගුණ විපර්යාස නිසා කෘෂිකර්මාණ්තය අඩාලවීමෙන් අතිවිශාල ජනගහණයක් කුසගිණ්නේ සිටින්නට සිදුවීම, සිවිල් අරගල මැඩපැවත්වීම සඳහා රජයන් ඒකාධිපති බලයන් අත්පත් කරගැනීම වැනි කරුණු මේ සඳහා අඩිතාලම දමනු ඇති. අතීතයේ රෝම අධිරාජ්‍යයේ වැසියන්ගේ වින්දනය සඳහා විදේශවලින් අල්ලාගෙන ආ වහලුන් කොලෝසියමේදී සිංහයින්ට දඩයම් කරන්නට දැමීම, මෙන්ම ග්ලැඩියේටර් නමින් හඳුන්වන සටන්කාමීන් ජනයාගේ විනෝදය සඳහා මැරෙනතුරු සටන් කරවීම මේ සඳහා උදාහරණ ලෙස ඔහු ගෙන හැර දක්වනවා. අනාගතයේදීද එවැනි යුගයක් එළඹිය හැකි බවයි ඔහු පවසන්නේ.






__________________________________________________________________________

Creative Commons License
VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . 

 POSTED BY : Terence Kahapola Arachchi  . AUTHOR/OWNER/ADMINISTRATOR . 

 CONTACT    : terence.arachchi@gmail.com . 

 GOOGLE +   : About Me  . 

 FACEBOOK : www.facebook.com/terence.arachchi  .   __________________________________________________________________________

Comments

Post a Comment