අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

එක වෙඩිල්ලෙන් ISIS මරාගෙන මැරෙන බෝම්බකරුවන් දෙදෙනෙකු මරාදමා ජීවිත සියගණනක් බේරාගත් SAS කොමාන්ඩෝ ස්නයිපර් වෙඩික්කරුවා!

Posted by

මීට දින කිහිපයකට පෙර ලිබියාවේ ආරක්ශක හමුදාවන්ට ISIS මරාගෙන මැරෙන ප්‍රහාරයක් පිලිබඳව ඔත්තුවක් ලැබී ලිබියානු හමුදා මාර්ග බාධක යොදා ISIS මරාගෙන මැරෙන බෝම්බ රිය එන මාර්ගය රැකගෙන සිටියා. අධික වේගයෙන් පැමිණි සුදු පැහැති පැරණි මර්සෙඩීඩ් බෙන්ස් කාරයක ත්‍රස්තවාදීන් දෙදෙනා පැමිණෙමින් සිටි අතර රැක සිටි ලිබියානු හමුදා වෙඩි වරුසාවක් එල්ලකලද බෝම්බ පුරවාගත් මර්සඩීස් බෙන්ස් රිය පැදවූ ත්‍රස්තවාදියා හා ඉදිරිපස අසුනේ සිටි ඔහුගේ සහයකයා ඉන් ගැලවී රථය ඉලක්කය වෙත පදවාගෙන ගියා.



ISIS නාශක යුද්ධයේදී ලිබියාවේ සහයට පැමිණ සිටින බ්‍රිතාන්‍ය සුපිරි SAS කොමාණ්ඩෝ රෙජිමේන්තුවේ ස්නයිපර් භටයෙකු ඇතුලු කුඩා කණ්ඩායමක් ලිබියානු හමුදාව රැකවල්ලා සිටි ස්ථානයට කිලෝමීටරයක් පමණ ඈතින් ප්‍රහාරය නිරික්ශණය කරමින් සිටියා.

ලිබියානු හමුදා ඉලක්කය වරද්දාගත් බව සැනින් අවබෝධකරගත් SAS ස්නයිපර් වෙඩික්කරුවා වේගයෙන් ඇදීගෙන යන මර්සඩීස් බෝම්බරථය පැදවූ ISIS ත්‍රස්තවාදියාගේ හිස ඉලක්ක කොට වෙඩිල්ලක් මුදා හැරියා. ත්‍රස්තයාගේ හිස පසාකරගෙන ගිය උණ්ඩය ඉදිරිපස අසුනේ සිටි ඔහුගේ ත්‍රස්ත සගයාගේ ගෙලද සිදුරු කල අතර එක උණ්ඩයෙන් ඔවුන් දෙදෙනාම මිය ගියා.

පසුව කල පරීක්ශාවකදී ත්‍රස්තයින් දෙදෙනා පදවාගෙන ගිය රථයේ දැවැන්ත බෝම්බයක් තිබී හමුවූ අතර ත්‍රස්තයින් දෙදෙනා මරා නොදැමුනා නම් ඔවුන්ගේ ඉලක්කය වූ ලිබියාවේ ට්‍රිපොලි අගනුවර සිය ගණනක් අහිංසක ජීවිත වැනසෙන මහා විනාශයක් වන්නට ඉඩතිබුණා.




_________________________________________________________________

Creative Commons License

 VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment