අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

බෝයිං 787 යානය 3D Printing කරති.

Posted by


බෝයිං 787 ඩ්‍රීම්ලයිනර් යානය බෝයිං සමාගමේ අලුත්ම යානයයි. එකක් ඩොලර් මිලියන 265ක් වන මෙම යානය නවතම තාක්ෂණයන් ගණනාවකින් සමන්විතය.

වානේ හා ඇලුමීනියම් වෙනුවට ඉතා සැහැල්ලු මෙන්ම ශක්තිමත් කාබන් ෆයිබර් යොදා නිපදවා ඇති මෙම යානයේ නිර්මාතෲවරුන් තවත් අලුත්ම තාක්ෂණයක් 787 නිෂ්පාදනය සඳහා යොදාගන්නට සැරසෙනවා. මෙම අලුත්ම තාක්ෂණය වන්නේ ත්‍රිමාණ මුද්‍රණ තාක්ෂණය හෙවත් ත්‍රී ඩී ප්‍රින්ටින් තාක්ෂණයයි.

දැනටමත් "නෝර්ස් ටයිටේනියම්" නම් නෝර්වීජියානු සමාගමක් සමග ඒකාබද්ධව යානයට අවශ්‍ය මිළ අධික ටයිටේනියම් කොටස් ත්‍රිමාණ මුද්‍රණයෙන් නිෂ්පාදනය කිරීමට බෝයිං සමාගම පියවර අරගෙන. වානේ වලට වඩා සැහැල්ලු හා ශක්තිමත් ටයිටේනියම් කොටස් සාමාන්‍ය ලේත් ක්‍රමයට නිෂ්පාදනයේදී විශාල ලෙස අපතේ යාම් සිදුවන අතර ත්‍රිමාණ මුද්‍රණ තාක්ෂණයෙන් කිසිදු අපතේ යාමක් හෝ වැරදීම් නොමැතිව අතිසූක්ෂම ටයිටේනියම් කොටස් නිර්මාණය කරගත හැකි බව පැවසෙනවා.

787 ඩ්‍රීම්ලයිනර් යානයක මුලු පිරිවැයෙන් ඩොලර් මිලියන 17ක් පමණ එහි ඇති ටයිටේනියම් කොටස් සඳහා වැයවෙන බව පැවසෙන අතර ත්‍රිමාණ මුද්‍රණය මගින් ටයිටේනියම් කොටස් නිපදවීමේදී අපතේයාම් නොමැතිවීම නිසා එක් යානයක ටයිටේනියම් වියදමින් ඩොලර් මිලයන 2-3ක් අතර ප්‍රමාණයක් පිරිවැය ඉතුරු කරගත හැකි බව නෝර්ස්ක් ටයිටේනියම් සමාගම පවසනවා.

මේ අතර නාසා ආයතනය ත්‍රිමාණ මුද්‍රණ තාක්ෂණයෙන් රොකට් එන්ජින් නිර්මාණය සඳහා පර්යේෂණ කරමින් සිටිනවා.

නෝර්ස්ක් ටයිටේනියම් ත්‍රිමාණ මුද්‍රණ තාක්ෂණයෙන් නිමැවූ ගුවන්යානා කොටසක්.





__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment