අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

NORTH KOREA CRISIS : ඇමරිකන් අසිපත සූදානම්! - උප ජනාධිපති මයික් පෙන්ස් රොනල්ඩ් රීගන් නෞකාවේ නාවිකයින් අමතමින්

Posted by
මයික් පෙන්ස් USS රොනල්ඩ් රීගන් ගුවන්යානා ගෙනියන නෞකාවේ සිට ඇමරිකන් හා ජපන් නාවිකයින් අමතයි.
අද (19) උදෑසන ටෝකියෝ වරායේ නැංගුරම්ලා තිබෙන USS රොනල්ඩ් රීගන් ගුවන්යානා ගෙනියන නෞකාවේ (CVN 76) ධාවන පථය මත රැස්වූ  2500ක් පමණ වන ඇමරිකන් හා ජපන් නාවිකයින් ඇමතූ ඇමරිකන් උප ජනාධිපති මයික් පෙන්ස්, උතුරු කොරියාවට තීරණාත්මක ලෙස මුහුණදීමට ඇමරිකානු අසිපත සූදානම් බව පවසා සිටියේ රැස්ව සිටි නාවිකයින්ගේ ඔල්වරසන් හඬ මධ්‍යයේයි.

ඇමරිකාවට සාමය අවශ්‍ය බවත් එහෙත් අනවශ්‍ය ලෙස ප්‍රකෝපකාරීව හැසිරුණහොත් උතුරු කොරියාවට දරාගත නොහැකි දැඩි ප්‍රහාරයකින් පිලිතුරුදීමට සූදානම් බව පෙන්ස් පවසා සිටියා.

ටෝකියෝ වරායේ පිහිටි ඇමරිකාවට අයත් යොකොසූකා නාවික කඳවුරේ සංචාරය කල පෙන්ස්, අමෙරිකානු නාවික හමුදාවට අයත් දැවැන්ත ගුවන්යානා ගෙනයන නෞකාවක් වන USS රොනල්ඩ් රීගන් නෞකාව මත සිටයි මේ අභියෝගය සිදුකලේ.

"ඇමරිකාව සෑම විටම සාමය අගයනවා, එහෙත් ට්‍රම්ප් ජනාධිපතිවරයා සේනාධිනායකයා ලෙස සිටින තාක් ඇමරිකානු අසිපත යුධ වැදීමට ඕනෑම මොහොතක සූදානම්ව සිටිනවා..."










__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment