අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

MILITARY AIRCRAFT : සිකෝර්ස්කි S 97 RAIDER - අමෙරිකන් යුධ හමුදාවට හදන අලුත්ම අධිවේගී හෙලිකොප්ටරය

Posted by


S97 RAIDER ඇමරිකාවේ ලොක්-හීඩ් මාර්ටින් ගගනවිද්‍යා සමාගමට අයත් සිකෝර්ස්කි හෙලිකොප්ටර් ඒකකය විසින් ඇමරිකන් යුධ හමුදාව සඳහා නිර්මාණය කරන සැහැල්ලු, අධිවේගී හෙලිකොප්ටරයක්.

සාමාන්‍ය යුධ හෙලිකොප්ටර් යානා ගමන්කරන වේගයට වඩා දෙගුණයක් වේගයෙන්, එනම් පැයට කිලෝමීටර් 400කට අධික වේගයෙන් පියාසර කල හැකි S 97 හෙලිකොප්ටරයට නියමුවන් දෙදෙනාට අමතරව සන්නද්ධ භටයින් 6 දෙනෙකු හා ප්‍රහාරක අවිද රැගෙන කිලෝමීටර් 600ක දුරක් යා හැකියි.

ප්‍රතිවිරුද්ධ අතර භමණය වන භ්‍රමකයන් දෙකක් (co-axial rotors) ආධාරයෙන් ගුවන්ගත වන මෙම යානයේ පිටුපස pusher වර්ගයේ අවර පෙත්තකින් ඉදිරියට යාම සඳහා අමතර ජවය ලබාදේ. කිලෝමීටර් 3ක් ඉහල අහසේ පියාසර කරමින් වේගයෙන් ඉලක්කය වෙත ලඟාවිය හැකි S 97 හෙලිකොප්ටරයට කාන්තාර වැනි අධික උෂ්ණත්වය ඇති ප්‍රදේශවලද පහසුවෙන් ක්‍රියාතමක විය හැකි ආකාරයට නිර්මාණය කොට ඇත.

මෙම යානයට ත්‍රස්තවාදීන් සතුව ඇති ජංගම අධෝරක්ත මිසයිල (shoulder fired heat seeking missiles) වලින් ගැලවීම සඳහා එන්ජිමේ උෂ්ණත්වය හා එන්ජින් පිටකුටු වායු (engine exhaust) උෂ්ණත්වය අඩු කිරීමේ thermal management / heat signature management තාක්ෂණයන් ගෙන් යුක්තය.

අමෙරිකානු විශේෂ බළකා මෙහෙයුම් සඳහා විශේෂයෙන්ම නිමවා ඇති S 96 හෙලිකොප්ටරයේ ශබ්දයද, සාම්ප්‍රදායික හෙලිකොප්ටර්වල ශබ්දයට වඩා ඉතා අඩු බව පැවසෙනවා (low acoustic signature). ගුවනේදී ටෑංකර් යානා වලින් ඉන්ධන පුරවාගත හැකි S 96 යානයට ගොඩබිම් හමුදා සඳහා සහයක ගුවන් ප්‍රහාර (close air support) ලබාදිය හැකි ලෙස නිර්මාණය කොට ඇත.

ප්‍රහාරක අවි ලෙස Hellfire මිසයිල, 2.75" රොකට්ටු හා කැලිබර් 50 මැෂින් තුවක්කුද ගෙනයා හැකිය.










__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment