අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

අමෙරිකන් නාවික හමුදාවේ නවතම ස්ටෙල්ත් ප්‍රහාරක නෞකාව

Posted by
USN Zumwalt - US Navy Stealth Destroyer

 ඔබ ස්ටෙල්ත් ප්‍රහාරක යානා හා බෝම්බ හෙලන යානා ගැන අසා තිබෙනවා. එහෙත් ස්ටෙල්ත් නෞකා ගැන අසාතිබෙනවාද? හඳුනාගන්න යූ.එස්.එන් සම්වෝල්ට් - අමෙරිකන් නාවික හමුදාවේ නවතම ඩිස්ට්‍රෝයර් කාණ්ඩයේ ප්‍රහාරක නෞකාව.


රේඩාර් තරංග නැවත පරාවර්තනය අවම වන ලෙස නිර්මාණය කොට ඇති මෙහි රේඩාර් ඡායාව (radar signature) සාමාන්‍යයෙන් මෙවැනි විශාලත්වයෙන් යුතු නෞකාවක රේඩාර් ඡායාවට වඩා 50 ගුණයකින් කුඩා වනවා. ඒ අනුව සතුරු නෞකාවල රේඩාර් මෙහෙයුම්කරුවන් (radar operators) මෙය යුධ නෞකාවක් නොව ඈතින් යන මාලු අල්ලන ට්‍රෝලර් යාත්‍රාවක් යයි රැවටෙන්නට ඇති ඉඩකඩ බොහෝයි.

 අඩි 600ක් දිග, පුළුල්ම ස්ථානයේදී අඩි 80ක් පලල සම්වෝල්ට් නෞකාව අධිතාක්ශණික උපාං රාශියකින් සමන්විත නිසා සාමාන්‍යයෙන් මෙවැනි යුධ නෞකාවක සිටිය යුතු නාවිකයන් ගණනට වඩා බොහෝ අඩු නාවිකයින් ගණනකින් මෙය මෙහෙයවිය හැකියි.

රෝල්ස් රොයිස් ගෑස් ටර්බයින් එන්ජින් දෙකකින් බලගැන්වෙන මෙහි උපරිම වේගය පැයට කිලෝමීටර් 56ක් නැතිනම් පැයට නාවික සැතපුම් (නොට්) 30ක්.

අවිආයුධ

කිලෝමීටර් 160ක් ඈත ගොඩබිම් ඉලක්කවලට විදිය හැකි ගයිඩඩ් මිසයිල
සී ස්පැරෝ නෞකා නාශක මිසයිල
ටොමහෝක් කෲස් මිසයිල
සබ්මැරීන නාශක රොකට් වෙඩි
ස්වයංක්‍රීයව ඉලක්කය සොයගන්නා මිලිමීටර් 155 මැෂින් තුවක්කු 2ක්
මිලිමීටර් 57 මැෂින් තුවක්කු 2ක්

ගෙනයා හැකි හෙලිකොප්ටර් යානා

SH-60 Seahawk නාවික හෙලිකොප්ටර් යානා දෙකක්
MQ-8 Fire Scout  රොබෝ හෙලිකොප්ටර් යානයක් යානා තුනක්

SH-60 Seahawk

MQ-8 Fire Scout රොබෝ හෙලිකොප්ටර් යානය


__________________________________________________________________________ .

 POSTED BY : Terence Kahapola Arachchi  . AUTHOR/OWNER/ADMINISTRATOR .

 CONTACT    : terence.arachchi@gmail.com .

 GOOGLE +   : About Me  .

 FACEBOOK : www.facebook.com/terence.arachchi  .   __________________________________________________________________________
Recent Posts Widget
----------------------------------------------------------------------------------------------------------

Comments

Post a Comment