අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

Instagram හැක් කරලා ඩොලර් 10,000ක තෑග්ගක් දිනාගත් අවුරුදු 10යේ කොළු පැංචා.

Posted by


ජෑන් ෆින්ලන්තයේ ජීවත්වන අවුරුදු 10ක් වයස කොළු පැංචෙක්. බාලවයස්කාරයෙකු නිසාම ෆින්ලන්තයේ නීතියේ හැටියට මෙයාගෙ වාසගමවත්, ඡායාරූපයක්වත් ප්‍රසිද්ධ කරන හැකියාවක් නෑ. ඒත් වයස 10ක් වුනත් මෙයා රජ වැඩකාරයෙක්. ජෑන් පරිගණක ජාල හැක් කරන්න ඉගෙනගෙන තියෙන්නේ තනිවම, යූ-ටියුබ් වීඩියෝ බලලා ඒවා තනිවම අත්හදා බලමින්.

මෙයාට ඉන්ස්ටග්‍රෑම් ඡායාරූප සේවය හැක් කරන්න හිතිලා තියෙන්නේ නරක චේතනාවකින් නෙමෙයි. ඉන්ස්ටග්‍රෑම් සේවාවේ අයිතිකාර සමාගම වන ෆේස්බුක් සමාගම තමන්ට අයිති පරිගණක සේවාවල හරි පරිගණක ජාලවල හරි ලොකු දුර්වලතා තියෙනවානම් ඒවා පෙන්නලා දෙන හැකර්වරුන්ට ඩොලර් 10,000ක තෑග්ගක් දෙනවා කියාලා ප්‍රසිද්ධ කරලා තියෙනවා.

"Bug Bounty Program" කියලා ෆේස්බුක් සමාගම හඳුන්වන මේ වැඩසටහනේ අරමුණ තම සමාගමේ අතිදක්ශ පරිගණක ඉන්ජිනේරුවන්ට පවා සොයාගත නොහැකි ජාල දුර්වලතා හා ආරක්ශක උපක්‍රමවල දුර්වලතා හොයාගන්න හැකර්වරුන්ගේ සහය ලබාගන්න.

මේ වැඩසටහන ගැන දැනගත් ජෑන් විවේක තියෙන වෙලාවට ඉන්ස්ටග්‍රෑම් ඇප් එක පරීක්ශාවට බඳුන් කරද්දි එයාට හමුවෙලා තියෙනවා ඔනෑම කෙනෙකු ඉන්ස්ටග්‍රෑමයට එක් කරපු පෝස්ටුවක් කිසි අපහසුවකින් තොරව මකාදමන්න පුලුවන් විධියක්. මේක හොයාගත්ත ජෑන් ඒ පිලිබඳව ෆේස්බුක් සමාගමට දැනුම් දුන්නම ඒයාලා ජෑන්ට චැලෙන්ජ් එකක් නැතිනම් අභියෝගයක් දීලා තියෙනවා.

තමන් ලබාදෙන ඕනෑම ඉන්ස්ටග්‍රෑම් ගිණුමක තියෙන පෝස්ටුවක් මකලා පෙන්නන්න කියන එක තමයි ෆේස්බුක් සමාගම ජෑන්ට දීපු අභියෝගය. ඒ අනුව ෆේස්බුක් සමාගම ලබාදීපු හැම ගිණුමකම පෝස්ටු කිසිම අපහසුවකින් තොරව මකාදාල තමන් හොයාගත්ත දුර්වලකම සැබෑ එකක් බව ඔප්පුකලාට පස්සෙ පොරොන්දුවූ පරිද්දෙන්ම ෆේස්බුක් සමාගම ජෑන්ට ඩොලර් 10,000ක චෙක් පතක් පිනිනමලා තියෙනවා.

කොහොමද ටිකිරි මොලේ??
__________________________________________________________________________ .  

POSTED BY : Terence Kahapola Arachchi  . AUTHOR/OWNER/ADMINISTRATOR .  

CONTACT    : terence.arachchi@gmail.com  


GOOGLE +   : About Me  .  

FACEBOOK : www.facebook.com/terence.arachchi  .   __________________________________________________________________________
Recent Posts Widget
----------------------------------------------------------------------------------------------------------

Comments

Post a Comment