Related Posts Plugin for WordPress, Blogger...

Sunday, 22 May 2016

FLOATAVOLTICS - පාවෙන සූර්යකෝෂ බළාගාර

යමකූරා ජලාශයේ පාවෙන සූර්යකෝෂ බළාගාරය - චීබා, ජපානය
ඡායාරූපයේ දැක්වෙන්නේ ජපානයේ ක්යෝසෙරා සමාගම විසින් නිර්මිත පාවෙන සූර්යකෝෂ බළාගාරයයි. මෙම සූර්යකෝෂ මගින් නිවෙස් 5000කට අවශ්‍ය විදුලිබලය ජනනය කරනවා.මෙය ලෝකයේ විශාලම පාවෙන සූර්යකෝෂ බළාගාරය වන අතර දැනටමත් කුඩා පරිමාණයේ පාවෙන සූර්යකෝෂ බළාගාර ඇමරිකාවේ හා ඔස්ට්‍රේලියාවේ තිබෙනවා.

මෙවැනි ජලාශමත ඉදිකෙරෙන සූර්යකෝෂ බලාගාර ජනප්‍රිය වීමට පාදක හේතූන් ගණනාවක් තිබෙනවා. එකක් නම් දියුණු තාක්ශණය නිසා සූර්යකෝෂ වල මිල ඉතාවේගයෙන් පහල වැටීමයි. තවත් ප්‍රධාන හේතුවක් නම් මෙම බලාගාර පිහිටුවීමේදී වටිනා ඉඩම් අවශ්‍ය නොවීමත් එමන්ම සූර්ය බලාගාර පිහිටුවීම නිසා අවට පරිසරයේ ස්වභාව සෞන්දර්‍යයට හානි නොවීමත්ය. ජනතාව සිය විනෝද කටයුතු සඳහා භාවිතා නොකරන වාරි ජලාශ, පානිය ජලය රැස්කරන ජලාශ මෙන්ම, අප-ජලය පිරිසිදු කිරීම සඳහා භාවිතා කරන විශාල ටැංකිද මේ සඳහා යොදාගත හැකිවීම වාසියක්.

එමෙන්ම ජලය මත පිහිටුවීම නිසා සූර්යකෝෂ අධික ලෙස රත්විම වැලැක්වීම පහසුවන අතර සිසිල් සූර්යකෝෂ වැඩි කාර්යක්ශමතාවයකින් සූර්යාලෝකය විදුලිය බවට හරවනවා. එමෙන්ම මෙම සූර්යකෝශ ජලය මත විශාල ප්‍රදේශයක් ආවරණය වන නිසා ඇල්ගී හා වෙනත් ජලජ ශාක වැඩීම බාලවීමද තවත් වාසියක්. එමන්ම මෙම සූර්යකෝෂ මගින් ජලාශයේ විශාල ප්‍රමාණයක් ආවරණය වීමේ තවත් වාසියක් නම් සූර්යතාපය නිසා ජලය වාශ්පවී අපතේ යාම අවමවීමයි. උෂ්ණාධික ප්‍රදේශවලදී මෙලෙස ජලය වාශ්පවීම නිසා විශාල ලෙස ජලය අපතේ යනවා.

__________________________________________________________________________ .  

POSTED BY : Terence Kahapola Arachchi  . AUTHOR/OWNER/ADMINISTRATOR .  

CONTACT    : terence.arachchi@gmail.com .  

GOOGLE +   : About Me  .  

FACEBOOK : www.facebook.com/terence.arachchi  .   __________________________________________________________________________
Recent Posts Widget
----------------------------------------------------------------------------------------------------------
Related Posts Plugin for WordPress, Blogger...