BACKPACKER'S CAMP FIRE: 🌲🥾🔥කැලේට ගිණි තියන්නේ නැතුව, ගොඩක් වෙහෙසෙන්නෙත් නැතුව කෑම්ප් ෆයර් එකක් හෙවත් ගිණි මැළයක් හදාගන්න හැටි.

🔴ආරක්ෂාව හා ගිණි පැතිරීම වැලැක්වීම

හයිකින්, බැක්පැකින් ගැන හොඳ පළපුරුද්දක් තියෙන අය පරිසර හිතකාමී, පරිසරය සුරකින සංචාරකයින්. ඒ නිසා ඔබත්, කෑම්ප්ෆයර් එකක් ගහන්න පෙර;

- කෑම්ප් සයිට් එකේ කෑම්ප්ෆයර් එකක් ගහන්න අවසර තියෙනවද දැන ගන්න

- කෑම්ප් ෆයර් එකක් පටන්ගන්න ඉස්සෙල්ලා ගින්නක් පැතිරීමට ඇති අවස්ථා නැතිවෙන්න කරන්න පුලුවන් උපරිම දේවල් කරන්න.

🔴ආරක්ෂාව වැඩි, ගිණි පැතිරීම් වලක්වන උපක්‍රම

- කෑම්ප් ෆයර් එක ටෙන්ට් හා ස්ලීපින් බෑග් වලට වඩා අඩුම අඩි 6ක් දුරින් ඇති කරන්න වගබලා ගන්න.

- ගස්, වල්පැලෑටි හා උස තණකොළ ආසන්නයේ කෑම්ප් ෆයර් ආරම්භ නොකරන්න. අමු කොළ අතු ඔබ හිතනවාට වඩා වේගයෙන් ගිණි ඇවිලී පැතිරී යයි.

- කෑම්ප් සයිට් එකේ ෆයර්පිට් එකක් තියෙනවානම්, අනිව ඒකෙ කෑම්ප් ෆයර් එක ඇතිකරන්න. වෙන තැන්වල එපා.

- ෆයර් පිට් එකක් නැතිනම්, අඟල් 6ක් විතර ගැඹුරට, අඩි 2-3ක විශ්කම්භය තියෙන කවාකාර ෆයර් පිට් එකක් හදා ගන්න.

- ෆයර් පිට් එක වටේට ලොකු ගල් තියලා සීමාව සළකුණු කරන්න. ගල් තැබීම නිසා ගින්න අවට තණකොල හා වියලි ද්‍රව්‍ය වලට පැතිරීම වලකිනවා.

නිවැරදි ලෙස ආරක්ෂිතව හදපු කෑම්ප් ෆයර් පිට් එකක්

🔴කෑම්ප් ෆයර් එක ඉක්මණින් ඇවිලෙන්න, ලෑස්තිකර ගතයුතු දේවල් (සමහර දේවල් කෑම්ප් එකට යන්න කලින් සල්ලිවලට අරගෙන තියාගන්න වෙනවා)

i] Fire Starter - ලයිටරයක් හෝ ගිණිපෙට්ටිය

ii] Accelerant - භූමිතෙල් (කිසිම වෙලාවක ගිණි අවුලුවන්න පැට්‍රෝල් දාන්න එපා)

iii] Tinder Material  වියලි තණකොට මිටක් දෙකක් / වියලීගිය කොළරොඩු ටිකක් / ලී කුඩු / පුළුන්

iii] Kindling Cone Material - සිහින් කෝටුකෑලි මිටියක් / 

iv] Wood for Sustaining the fire - වියලි අතු / ඉති හෝ දර

🔴Camp Fire Basics - කඳවුරු ගිණිමැළවල මූලික සංකල්ප

සංකල්පය 01 - ගිනි ත්‍රිකෝණය: ගින්නක් ඇතිවීම සඳහා ඉන්ධන (Fuel), ඔක්සිජන් (Oxygen) සහ තාපය (Heat) යන මූලිකාංග තුන අත්‍යවශ්‍ය බව වටහා ගන්න. මේ තුන ගිණි ත්‍රිකෝණය හෙවත් Fire Triangle ලෙස හඳුන්වනවා.

ද්‍රව්‍ය ඉතා තදින් ඇසිරීමෙන් වැළකී ප්‍රමාණවත් වාතය ගලායාමට ඉඩ සලසන්න. 

එමෙන්ම, ආරම්භක තාපය ලබා දීම සඳහා විශ්වාසදායක දැල්වුම් ප්‍රභවයක් (උදා: ලයිටරයක් හෝ ගිනිකූරු) භාවිතා කරන්න

සංකල්පය 02 - දර තෝරාගන්නා පිළිවෙළ: වියළි ද්‍රව්‍ය ඒවායේ ප්‍රමාණයන් අනුව වර්ග කර එක්රැස් කරගන්න. 

ආරම්භක ගිනි පුළිඟුව හසුකර ගැනීම සඳහා ඉතා පහසුවෙන් ඇවිළෙන වියළි තණකොළ, ගස් පොතු හෝ කොළ වැනි 'දල්වනයන්' (Tinder) භාවිතා කරන්න. 

ඉන්පසු දැල්ල පවත්වා ගෙන යාම සඳහා පැන්සලක මහත හෝ ඊට වඩා කුඩා කුඩා කූරු (Kindling) යොදාගන්න. 

අවසානයේ ගින්න දිගටම පවත්වා ගැනීම සඳහා විශාල දර කොට (Fuel) භාවිතා කරන්න. ඉක්මනින් ගින්න දල්වා ගැනීම සඳහා වියළි, දර බවට පත්වූ ශාක කොටස්වලට ප්‍රමුඛතාවය දෙන්න

🔴ටීපී ක්‍රමයට (Teepee Method) කෑම්ප් ෆයර් එක හදාගැනීම

Teepee කියන්නේ ඇමරිකාවේ ප්‍රෙයරී තණබිම්වල ජීවත්වුනු රතු ඉන්දියානුවන් ගෝත්‍රයක්. ඔවුන්ගේ කේතුකාකාර (කේතුවක් හැඩැති ) කූඩාරම්වලටත් කියන්නේ ටීපී ටෙන්ට් කියලා. මේ ගිණිමැළ වර්ගය සකසාගන්නේත් කේතුවක් හැඩයට දරකෝටු අසුරලා නිසා මේ කෑම්ප් ෆයර් වර්ගයටත් ටීපී කෑම්ප් ෆයර් කියලා කියනවා.

ටීපී කෑම්ප් ෆයර් එකක් හදාගන්න එක හරිම ලේසියි.

පලමුවෙන් ෆයර් පිට් එන මැද්දේ වියලි තණකොළ, වියලි කොළරොඩු ආදිය ගොඩක් හදාගන්න. මේ කොළගොඩ අඟල් 6කට වඩා විශාලවෙන්න හදාගන්න එපා.

ඊට පස්සේ රූපයේ පෙනෙන ආකාරයට වියලි දරකෝටු කේතුවක් වගේ රැඳෙන විදියට අසුරාගන්න. කොළරොඩු දල්වා ගැනීම සඳහා මේ දර ඇසුරුමේ එක් තැනක තරමක හිඩසක් තියන්න.

🔴ලොග් කැබින් ක්‍රමයට (Log Cabin Method) කෑම්ප් ෆයර් එක හදාගැනීම

1. පදනම දැමීම: පළමුව ලොකු දර කොට දෙකක් පොළොව මත එකිනෙකට සමාන්තරව තබන්න. මෙම දර කොට දෙක අතර අඩි 1ක් හෝ 2ක් පමණ ඉඩක් තැබීමට මතක තබා ගන්න.

2. තට්ටු ගැසීම: පළමු දර කොට දෙකට ලම්බක වන සේ (හරස් අතට) තවත් මදක් කුඩා දර කොට දෙකක් ඒ මත තබන්න. එවිට ඔබට සමචතුරස්‍රාකාර හැඩයක් ලැබෙනු ඇත.

3. මැද පිරවීම: මෙම කොටු හැඩයේ මැද හිස් අවකාශයට ඉක්මනින් ගිනි ඇවිලෙන වියළි කොළ රොඩු, කුඩා කැබලි සහ සීරීම් (Tinder and Kindling) අවශ්‍ය තරම් පුරවන්න.

4. දර තට්ටු ගැසීම: දර කොටවල ප්‍රමාණය ක්‍රමයෙන් කුඩා කරමින්, එක මත එක හරස් අතට තබමින් තට්ටු කිහිපයක් (සාමාන්‍යයෙන් තට්ටු 3 සිට 6 දක්වා) උසට මෙය සකස් කරන්න.

5. ගිනි දැල්වීම: දැන් මැද ඇති වියළි ද්‍රව්‍යවලට ගිනි තබන්න. එවිට මැදින් හටගන්නා ගින්න අවට ඇති "දර බිත්ති" නිසා හොඳින් ආරක්ෂා වේ. අවසානයේ මෙම දර කොට ඇතුළට කඩා වැටී ඉතා හොඳ ගිනි අඟුරු තට්ටුවක් නිර්මාණය කරයි.