අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

SMARTPHONES : ගැලැක්සි S 8 අලෙවි වාර්තා බිඳහෙලයි

Posted by

සැම්සුන්ග්  සමාගම S8 වෙළඳපොලට නිකුත් කිරීමට සූදානම් වෙද්දී ඔවුන්ට තිබුණු ලොකුම බය තමයි නෝට් 7 දුරකථන පුපුරායාම නිසා ලොව පුරා සැම්සුන්ග් නාමයට ඇතිවූ කැළල.

නෝට් 7 පිපිරීම් නිසා සැම්සුන්ග් සමාගමට බොහෝ කාළෙකට ඔලුව උස්සන්න බැරිවෙයි කියලා විචාරයකයින් බොහෝ දෙනෙක් අනාවැකි පලකරලා තිබුණා.

ඒ අණාවැකි කොහොම වුනත් දැන් සැම්සුන්ග් සමාගමෙන් ලැබෙන වාර්තා අනුව S8 ෆෝන් මාදිලි දෙකටම 2016 Galaxy S7 ෆෝනයට ලැබුණු මුල් ඇණවුම් වලට වඩා 30% වැඩි ඇණවුම් ලැබිලා තියෙනවා. සැම්සුන්ග් කියන විදියට S8, S8+ වලට ලැබෙන තියෙන ඇණවුම් තරම් විශාල ඇණවුම් මෑත කාළයේදී සැම්සුන්ග් සමාගමට ලැබිලා නෑ.

ඒ වුනත් සැම්සුන්ග් S8 ෆෝනයේ තිරයේ ඇති ගැටළුවක් නොබෝදා වාර්තා වුනා. ඒ සමහර S8 තිරවල වර්ණය රතුපැහැයට බර වර්ණයක් ගෙනදීම. බොහෝ S8 අයිතිකරුවන් මෙය එහි තිරයේ තක්ෂණික දෝශයක් කියලා බිය පලකරත් සැම්සුන්ග් සමාගම නිළ නිවේදනයක් නිකුත් කරමින් කියා සිටියේ එය තිරයේ දෝශයක් නොව තිරයේ වර්ණ හරිහැටි පෙන්වන මෘදුකාංගයේ සුලු දෝශයක් බවයි. මේ සඳහා එකක් ලඟදීම නිකුත් කරන බව සමාගම කියනවා.







__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment