අලුත්ම විද්‍යා ප්‍රබන්ධය

SCIENCE FICTION : ටර්මිනල් කෝඩ් - අපේ අලුත්ම විද්‍යා ප්‍රබන්ධය

Posted by
CHAPTER 00000 අළුයම 2.35, ගුවන් තොටුපොල ධාවන පථයේ ඊසානදිග අන්තය, ශ්‍රී ලංකා ගුවන් හමුදා අධි ආරක්ෂිත කලාපය, කටුණායක. තද කළු පැහැති සටන් ඇඳුමකින් සැරසුනු ඔහු සීරුවෙන් පය තැබුවා. ඊලාම් යුධ සමයේ ගුවන් හමුදා යානා නඩත්තු සිදුකල හැඟර් ගොඩනැගිල්ලක් වූ මෙය, යුද්ධයෙන් පසු අතහැර දමා තිබුණා. පිටතට සුවිසල් ගබඩාවක් මෙන් පෙනෙන මෙය තුල දකුණු ආසියාවේ අතිවිශාලතම පරිගණක මධ්‍යස්ථානයක් ක්‍රියාත්මක වන බව දන්නා ශ්‍රී ලාංකිකයින් ගණන අතැඟිලි ගණනටත් වඩා අඩුයි. කටුණායක ධාවන පථය අසල ඇති අතහැර දැමූ විශාල ගුවන්යානා නඩත්තු හැඟරය, බ්‍රිතාන්‍යයේ ඉලෙක්ට්‍රොණික හා සංඥා බුද්ධි අංශය වන GCHQ හා එහි ඇමරිකානු ප්‍රතිරූපය වන NSA ඒජන්සිය මගින් ඒකාබද්ධව පවත්වාගෙන, යන ලොවම ආවරණය වන චන්ද්‍රිකා හා ෆයිබර් ඔප්ටික් අධිවේගී දත්ත සම්ප්‍රේෂණ ජාලයේ එක් පර්යන්තයක් බවට පත්වුනේ 2010 වසරේදීයි. ශ්‍රී ලංකා ගුවන්හමුදා අධි ආරක්ෂිත කළාපයක් ලෙස උස් වැටවල් වලින් හා කැමරාවලින් ආරක්ෂාවූ මෙය තුල විශාල පරිගණක සර්වර් පද්ධතියක් හා චන්ද්‍රිකා සමග තත්පරයකට ටෙරාබයිටයක තරම් වේගයෙන් දත්ත හුවමාරු කරන ඩිජිටල් VSAT පද්ධතියක් තිබුණා. පාකිස්ථානය වැනි ද...
27

SOCIAL MEDIA : Instagram හා Snapchat වලින් දරුවන් බේරාගත යුතුයි!!!!

Posted by

බ්‍රිතාන්‍යයේ Royal Society for Public Health (RSPH) ආයතනය විසින් සිදුකරන ලද සමීක්ෂණයකට අනුව, ළමා මානසික සෞඛ්‍යය සඳහා දැඩි බලපෑමක් ඇති කිරීමට ඉන්ස්ටග්‍රෑම් හා ස්නැප්චැට් යන සමාජජාල දෙක සමත්වී තිබෙනවා.

සමාජ ජාල මගින් වයස 14-24 අතර තරුණ තරුණියන්ගේ මානසික සෞඛ්‍යයට සිදුකරන බලපෑම සොයා බැලීම සඳහා 1500ක නියැදියක් යොදාගෙන සිදුකරන ලද සමීක්ෂණයේදී මෙම කරුණු හෙලිවී තිබෙනවා.



ඉන්ස්ටග්‍රෑම් හා ස්නැප්චැට් වැනි සෙල්ෆි ඡායාරූප හුවමාරුව පාදක කරගෙන ඇති ජාල නිසා තරුණ තරුණියන් තම පෙනුම ගැන අනවශ්‍ය ලෙස කරදරවීම, අන්‍යයන්ගෙන් පැසසුම් ලබාගැනීම සඳහා දැඩි වෙහෙසක් ගැනීම, තමන්ට වඩා අන් අය ආකර්ෂණීය බවට ඇතිවන විශ්වාසය නිසා ඇතිවන මානසික ආතතිය, අපේක්ෂා භංගත්වය, විෂාධිය මෙන්ම සෑම මොහොතකම ජංගම දුරකතනය පරීක්ෂාකරමින් , ප්‍රතිචාර දමමින් සිටීම නිසා අධ්‍යාපන කටයුතු අඩපනවීම මෙන්ම ව්‍යායාම අඩුවීමද විශාල ගැටලු ලෙස හඳුනාගෙන තිබෙනවා.

ලාබාල ගැහැණු දරුවන් පවා මෙම සමාජ ජාල වල ආකර්ෂණීය ලෙස සිටීමට දැඩි ලෙස රූපලාවන්‍ය ආලේපන වලට ඇබ්බැහි වීම, ආකර්ෂණීය වීමට අණතුරු දායක ලෙස ලිංගික ආශ්‍රයට යොමුවීම, කෙට්ටුවීම සඳහා ආහාර අවම කරමින් නිරාහාරව සිටීමද තවත් බරපතල සෞඛ්‍ය ගැටලු ඇතිකරමින් තිබෙන බව හඳුනාගෙන තිබෙනවා.





__________________________________________________________________________

Creative Commons License VIDYA GAWESHANA - විද්‍යා ගවේෂණ by Terence Kahapola Arachchi is licensed under a Creative Commons Attribution 4.0 International License. Based on a work at http://vidya-gaweshana.blogspot.com/. Permissions beyond the scope of this license may be available at http://vidya-gaweshana.blogspot.com/. . POSTED BY : Terence Kahapola Arachchi  . AUTHOR/OWNER/ADMINISTRATOR . CONTACT    : terence.arachchi@gmail.com . GOOGLE +   : About Me  . FACEBOOK : www.facebook.com/terence.arachchi  .   __________________________________________________________________________

Comments

Post a Comment